|
| Syllabus Entry |
Foedera Text |
July 2. Safe conduct for Robert abp. of Glasgow, Patrick earl of Bothwell, Andrew Forman, prothonotary, and sir Robert Lundy, treasurer of Scotland, ambassadors from James K. of Scotland. Westm.
O. xii. 721. H. v. p. iv. 139. |
De Conductu pro Ambassiatoribus Regis Scotorum.
An. 14. H. 7. Pat. 14. H. 7. m. 10.
Rex universis & singulis Admirallis, &c. Salutem.
Sciatis quòd Nos, certis Considerationibus Nos specialiter moventibus, de advisamento & assensu Concilii nostri, suscepimus in salvum & securum Conductum nostrum, ac in Protectionem, Tuitionem, & Defensionem nostras speciales, Reverendissimum in Christo Patrem Robertum Archiepiscopum de Glasgu, Patricium Comitem de Bothwile, Reverendum in Christo Patrem Andream Forman Prothonotarium Scotiae, Robertum Lundy Militem Thesaurarium Scotiae, Ambassiatores, Oratores, Procuratores, Commissarios, Deputatos, Legatos, & Nuncios Illustrissimi Principis Consanguinei nostri carissimi Jacobi Scotorum Regis, ita quòd benè licebit eisdem, & eorum cuilibet, in hoc Regnum nostrum Angliae, ac alia Loca, Jurisdictiones, & Territoria nostra quaecumque, cum Centum Personis in Comitiva sua vel infra, & totidem Equis ac Bonis, Jocalibus, &c. per Sex Menses duraturas.
Teste Rege apud Westmonasterium, Secundo die Julii.
Per ipsum Regem. |
July 6. Power for William bp. of Carlisle, Richard Hatton, sir Thomas Darcy, and two others, to treat with the K. of Scotland. Westm.
O. xii. 721. H. v. p. iv. 139. |
De Appunctuando cum Rege Scotorum.
An. 14. H. 7. Ibid.
Rex omnibus, ad quos &c. Salutem.
Cùm nuper, inter Nos & Illustrissimum Principem Fratrem & Consanguineum nostrum Carissimum Jacobum Scotorum Regem, pro Regnis, Terris, Dominiis, Patriis, ac Subditis nostris & suis, hincinde certae Treugae & Guerrarum Abstinentiae, ad Terminum Vitae utriusque nostrûm ac nostrûm alterius diutius Viventis, & per unum Annum integrum proximò post Obitum ultimi eorum Decedentis duraturae, factae, captae, initae, celebrataeque fuerint & conclusae, prout in Literis nostris & suis superinde confectis plenissimè liquet,
Nos,
Ipsas Treugas & Guerrarum Abstinentias inviolabiliter observari, ac omnia & singula contra vim, formam, & effectum earumdem attemptata & perpetrata debitè Reparari & Reformari volentes,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Reverendi in Christo Patris Willielmi Episcopi Carliolensis, Ricardi Hatton Clerici utriusque Juris Doctoris, Thomae Darcy, & Ricardi Cholmeley, Militum, & Johannis Cartyngton Armigeri quamplurimùm confidentes,
Ipsos nostros veros & indubitatos Commissarios, Oratores, Procuratores,
Deputatos, & Nuncios speciales Fecimus, Deputavimus, Constituimus, & Ordinavimus prout, Tenore Praesentium, Facimus, Deputamus, Constituimus, & Ordinamus,
Dantes & Concedentes eis, Quatuor, Tribus, & Duobus eorum (quorum praefatum Ricardum Hatton aut praedictum Ricardum Cholmley unum esse volumus) plenariam Potestatem & Auctoritatem, ac Mandatum generale & speciale, pro Nobis & Nomine nostro, Regnis, Terris, Dominiis, Subditis, & Vassallis nostris quibuscumque, cum praefato Carissimo Fratre & Consanguineo nostro, ejusve Commissariis, Oratoribus, Procuratoribus, Deputatis, sive Nunciis sufficientem Potestatem, Mandatum, & Auctoritatem ad hoc habentibus, de & super quibuscumque Contentionibus, Quaestionibus, Causis, Querelis, Litibus, Gravaminibus, Offensis, Dampnis, Attemptatis, & Injuriis, unà cum suis Circumstantiis, Emergentibus, Incidentibus, Dependentibus, & Annexis, per Subditos & Ligeos utriusque Partis in Marchiis utriusque Nostrûm & Regnorum nostrorum, seu alibi per Terram aut Mare Aquasve dulces, contra vim, formam, & effectum Treugarum & Guerrarum Abstinentiarum praedictarum hincinde factis habitis motis sive pendentibus, Tractandi & Communicandi, hujusmodique Contentiones, Quaestiones, Causas, Lites, Querelas, Gravamina, Offensas, Dampna, & Attemptata Audiendi, Discutiendi, Appunctuandi, & Componendi, Concordandi, & Fine debito Terminandi, ac debitam Reformationem & Reparationem Causarum, Litium, Querelarum, & Gravaminum, Offensarum, Dampnorum, & Attemptatorum praedictorum fieri Petendi ac fieri Promittendi & Faciendi, & super Praemissis & eorum Dependentiis Appunctuandi & Concludendi, Contradictores verò Contumaces & Rebelles quoscumque Capiendi, Compescendi, Multandi, & Puniendi, juxta formam & effectum Capitulorum Pacis, Amicitiae, & Treugarum, inter Nos & dictum Fratrem & Consanguineum nostrum aut Commissarios nostros & suos, initorum & conclusorum, ac juxta Leges & Consuetudines laudabiles & praescriptas Marchiarum praedictarum,
Necnon de & super omnibus & singulis Differentiis, Querelis, seu Quaestionibus quibuscumque in Capitulis Amicitiarum & Treugarum praedictarum, inter Nos & dictum Consanguineum nostrum vel Commissarios nostros & Commissarios ipsius Consanguinei nostri ante haec tempora initis & conclusis, Communicandi & Tractandi, ac alias Vias & Remedia Concipiendi & Referendi & Excogitandi quae, ad firmiorem & perfectiorem Pacem, Amicitiam, & Guerrarum Abstinentiam, congrua & necessaria videbuntur,
Universaque alia & singula quae, pro Reparatione & Reformatione Praemissorum, necessaria fuerint & oportuna, ac qualitercumque debita & requisita, Componendi, Paciscendi, Appunctuandi, Faciendi, Excercendi, & Exequendi, Excecutionique Demandandi & plenariè ac integrè Determinandi, vel ad aliam Communicationem & Dietam, prout eis expediens visum fuerit & oportunum, Prorogandi & Continuandi,
Promittentes &c.
In cujus &c.
Teste Rege apud Westmonasterium, sexto die Julii. |
July 20. Ratification by James K. of Scotland of a treaty with the K. of England for peace until one year after the death of the longer liver, dated Stirling, 12 July, 1499. Stirling.
O. xii. 722. H. v. p. iv. 140. |
Ratificatio Tractatus facti apud Stryveling.
An. 14. H. 7. Ex Autogr.
Jacobus, Dei gratiâ, Rex Scotorum, universis & singulis, ad quorum Notitias praesentes Literae pervenerint, Salutem.
Sciatis Nos Inspexisse Quamdam Indenturam,
Factam apud Stryveling, inter Reverendum in Christo Patrem Andream Forman Prothonotarium Apostolicum ac Priorem de Mayo, & Magistrum Ricardum Lawsonn Clericum Generalem nostrae Justitiariae, nostros Consiliarios, Oratores, & Commissarios ex Parte unâ, & Magistrum Robertum Rydon Consiliarium & Concilii Clericum Illustrissimi Principis Henrici Regis Angliae Fratris & Consanguinei nostri carissimi suique Regni Viceadmirallum, ac suum Oratorem Ambassiatorem & Commissarium, sufficienti Auctoritate ab eodem nostro Consanguineo munitum, ex Parte alterâ,
De & super bonâ, reali, sincerâ, verâ, integrâ, & firmâ Pace, Amicitiâ, Ligâ, Confoederatione, Treugâ, & Guerrarum Abstinentiâ, per Terram, Mare, Aquas dulces, & ubique Locorum, inter Nos & praefatum nostrum Consanguineum, ac utriusque Nostrûm Regna, Terras, Patrias, Dominia, Vassallos, Ligeos, & Subditos, per praedictos Commissarios hincinde Ap-
punctuatâ, Conventâ, Concordatâ, & Conclusâ,
Sub hacquae sequitur verborum forma.
Haec Indentura,
Facta apud Striveling Duodecimo Die Mensis Julii, Anno Domini Millesimo, Quadringentesimo, Nonagesimo nono, inter Nos Reverendum in Christo Patrem Andream Forman Prothonotarium Apostolicum ac Priorem de Mayo, & Magistrum Ricardum Lawsonn Clericum Generalem Justitiariae Serenissimi Principis Domini Jacobi Scotorum Regis, suos Consiliarios, Oratores, Ambassiatores, & Commissarios, ex Parte una, & Magistrum Robertum Rydon Illustrissimi Principis Domini Henrici Regis Angliae & Franciae & Domini Hiberniae Consiliarium ac Concilii sui Clericum Regnique sui Viceadmirallum, Oratorem, Ambassiatorem, & Commissarium praedicti Serenissimi Principis Henrici Regis Angliae, ex Parte alterâ,
Testatur quòd Nos Commissarii dicti Serenissimi Regis Scotorum, cum praefato Commissario Serenissimi Regis Angliae ac ipse Nobiscum, virtute & auctoritate nostrarum Commissionum hinc inde per Litteras Patentes dictorum Regum Nobis ac sibi divisim factas (quarum Tenores inferius inseruntur) Appunctuavimus, Convenimus, Concordavimus, & Conclusimus, Appunctuamus, Convenimus, Concordamus, & Concludimus, Nos cum Eo & Ipse Nobiscum, Nominibus Principum praedictorum, in omnibus & per omnia prout in sequentibus Articulis continetur.
Inprimis, inter Nos Oratores, Ambassiatores, & Commissarios praedictos, Nominibus quibus supra, Appunctuatum, Concordatum, & Conclusum est quòd, inter Serenissimos Reges Scotiae & Angliae supradictos, eorum Haeredes & Successores, Regna, Patrias, & Dominia, Terras & Loca quaecunque eorumdem, necnon Vassallos, Ligeos, Homines, Subditosque suos quoscunque praesentes & futuros, tàm Ecclesiasticos quàm Seculares, cujuscunque Gradûs, Praeeminentiae, Statûs, & Conditionis existant, sit bona, realis, sincera, vera, integra, & firma Pax, Amicitia, Liga, Confoederatio, & Treuga, Guerrarumque Abstinentia per Terram, Mare, Aquas dulces, & ubique Locorum, a Data praesentis Tractatûs ad Terminum Vitae utriusque Principis Principum praedictorum & eorum alterius diutiùs Viventis, necnon ad unum Annum post Obitum ultimi eorum Decedentis, duratura.
Item, Conventum & Conclusum est quòd, durantibus Treugis & Guerrarum Abstinentiis antedictis, nullus dictorum Principum movebit per Se aut Subditos suos, aut per alios quoscunque moveri permittet, Guerram per Terram, Mare, neque Aquas dulces adversus alterum dictorum Principum, Subditos aut Ligeos suos, nec dabit Auxilium vel Favorem ut hujusmodi Guerra moveatur vel excitetur quovis modo.
Item, pro securiore Firmitate & Observatione Pacis, Amicitiae, Confoederationis, & Intelligentiae praedictarum, Concordatum & Conclusum est, Tenore Praesentium, quòd, dictis Amicitiis durantibus, neuter Regum praedictorum quovismodo receptabit, nec a Subditis suis eorum alter receptari permittet, aliquos Rebelles sive Proditores de Crimine Laesae Majestatis suspectos, nec hujusmodi Rebellibus sive Proditoribus, qui in aliquem Locum Obedientiae Principum praedictorum seu alterius eorum declinaverint, quoquo modo dabit seu praestabit Consilium, Auxilium, Favorem, Subsidium, aut Assistentiam, sed, infra Viginti Dies postquam, per Literas illius Principum praedictorum, cujus hujusmodi Rebelles sive Proditores extiterint, alter ex Principibus hujusmodi requisitus fuerit, eos omnes & singulos Litterarum hujusmodi Requisitionis Latori, aut Alii ad hoc in hujusmodi Litteris Nominato sive Deputato Tradet, Restituet, & Deliberabit, Tradíve, Restitui, & Deliberari faciet.
Item, Conventum, Concordatum, & Conclusum est quòd, dictis Amicitiis durantibus, neuter Regum praedictorum quovismodo receptabit, nec a Subditis suis eorum alter receptari permittet aliquos Homicidas, Fures, Latrones, aut Transfugas, nec alios Malefactores quoscunque ex Subditis alterius eorum, nec hujusmodi Furibus, Latronibus, Homicidis, aut Transfugis, aut aliis Malefactoribus quibuscunque, qui in aliquem Locum Obedientiae Principum praedictorum declinaverint, quoquo modo dabit seu Praestabit Consilium, Auxilium, Favorem, Subsidium, aut Assistentiam, sed, infra Decem Dies proximò & immediatè sequentes postquam per Litteras Principum praedictorum, cujus hujusmodi Homicida, Fur, Latro, Transfugus, aut Malefactor Subditus extiterit, aut ipsius Gardiani, Locumtenentis, seu Deputati, alter ex Principibus hujusmodi requisitus fuerit, Literarum hujusmodi Requisitionis Latori, aut Alii in eisdem Literis Nominato seu Deputato praedicto, Tradet & Deliberabit, Tradíve & Deliberari faciet
Item Concordatum & Conclusum est per Oratores antedictos quòd, omnes & singulae Litterae salvi Conductûs, per alterutrum dictorum Principum hincinde, quibuscunque eorum utriusque Rebellibus, Gentibus Guerrarum, Mercatoribus, Artificibus, aliisve eorum Subditis, cujuscunque Statûs, Gradûs, aut Conditionis existant, ante haec tempora, sub quibuscumque Datis, Verbis, Tenoribus, sive Formis, sive sub eorum Magnis Privatis aut Signetorum Sigillis, vivisve eorum utriusque Vocum Oraculis, aut aliter qualitercumque & quandocunque, pro Terrâ sive pro Mari, ad certum tempus vel terminum Vitae alicujus sive aliquorum duraturae, concessae fuerint, praesentem per Tractatum sive Conclusionem revocentur, cassentur, irritentur, & annullentur, ac pro revocatis, cassatis, irritis, & annullatis a praesenti Die inantea expressè habeantur & reputentur,
Et quòd consimiles Litterae hujusmodi Salvi Conductûs per neutrum dictorum Principum qualitercumque eorum alterutrius Rebellibus, Gentibus Guerrarum, Mercatoribus, Artificibus, aut aliis eorum utriusque Subditis quibuscunque, cujuscunque Statûs, Dignitatis, Gradûs, aut Conditionis existant, sub utriusque aut alterius eorum Magnis Privatis aut Signetorum Sigillis, nec Vivis Vocum eorum Oraculis, aut aliter qualitercunque pro Terra sive pro Mari, durante praesentis Tractatûs Termino, de caetero minime concedentur aut quoquo modo annuentur per eorum aliquem, nisi ad id alter eorum per alterum eorumdem congruè in Scriptis requiratur expressè;
Et Casuquo de caetero quandocunque alter alterum dictorum Principum pro hujusmodi Litterâ Salvi Conductûs, cuicunque Subdito suo quibuscunqueve Subditis suis indulgendo, in Scriptis & de Facto interpellaverit aut requisiêrit, stabitur nichilominus Arbitrio & Voluntati Principis sic interpellati, an hujusmodi Interpellationi acquiescere Litterasve hujusmodi Conductûs concedere voluerit, an non, secundùm quod eidem Principi sic requisito meliùs expedire videbitur: Ita tamen quòd hujusmodi Litterae Salvi Conductûs ultra unum Annum duraturae, minimè concedantur.
Item, Conventum & Conclusum est quòd dictae Homicidae, Fures, Latrones, & alii Malefactores quicunque durantibus dictis Treugis, modo & formâ sequentibus punientur, videlicet;
Si contingat de caetero aliquem vel aliquos Subditum vel Subditos dicti R. Angl. aliquem vel aliquos Subditum vel Subditos dicti R. Scotiae, infra Marchias Angliae vel Limites Marchiarum Scotiae, violenter interficere, Gardianus Marchiarum praedictarum Angliae, vel ejus Deputatus vel Deputati cum omni Curâ & Diligentia, omni Favore postposito, ac Dolo, Fraude, ac sinistrâ Machinatione quibuscunque in hac parte cessantibus, prosequentur, & quilibet eorum prosequetur, ut talis Interfector seu Interfectores capiantur & ducantur ad Dietam per Gardianos utriusque Marchiae vel per eorum Deputatos appunctuandum; ubi si per Leges Marchiarum legittimè convincantur, vel aliquis eorum convincatur, tunc Gardianus Marchiae Angliae, talem Interfectorem vel Interfectores ut supra Convictum vel Convictos, Gardiano Marchiae Scotiae liberabit seu liberari faciet; qui Gardianus Marchiae Scotiae ipsum Homicidam vel Homicidas, sic ut supra Convictum vel Convictos & sibi consignatum vel Consignatos, pro hujusmodi Homicidio ultimo Supplicio demandabit;
Et simili modo si contingat de caetero, aliquem vel aliquos Subditum vel Subditos dicti Regis Scotiae aliquem vel aliquos Subditum vel Subditos dicti Regis Angliae, infra Marchias Scotiae vel Limites Marchiarum Angliae, violenter interficere, Gardianus praedictae Marchiae Scotiae vel ejus Deputatus vel Deputati, cum omni Curâ & Diligentiâ, omni Favore postposito, ac Dolo, Fraude, & sinistrâ Machinatione quibuscunque in hac parte cessantibus, prosequentur & quilibet eorum prosequetur, ut talis Interfector seu Interfectores capiantur & ducantur ad Diaetam per Gardianos utriusque Marchiae vel per eorum Deputatos appunctuandam; ubi, si per Leges Marchiarum legitimè convincantur vel aliquis eorum convincatur, tunc Gardianus Marchiae Scotiae talem interfectorem vel Interfectores, sic ut supra Convictum vel Convictos, Gardiano Marchiae Angliae liberabit seu liberari faciet; qui Gardianus Marchiae Angliae, ipsum Homicidam vel Homicidas, sic ut supra Convictum vel Convictos & sibi Consignatum vel Consignatos, pro hujusmodi Homicidio ultimo Supplicio demandabit.
Item, Conventum & Conclusum est quòd Naves, Nautae, Mercatores, & alii Subditi utriusque Principum praedictorum per Terram, Mare, & Aquas dulces Euntes, Conversantes, Navigantes, Naufragium passuri, & Permanenes tractentur & recipiantur prout meliùs tractari & recipi consueverunt in temporibus aliarum Treugarum, priùs inter Scotiae & Angliae Reges & eorum Regna initarum & conclusarum, & praecipuè quòd recipiantur & tractentur juxta vim, formam,
& effectum Tractatûs Treugarum conclusarum, inter Illustrissimos Jacobum Tertium Scotorum Regem & Edwardum Quartum nuper Angliae Regem, de Datâ Primi Diei Mensis Junii, Anno Domini Millesimo, Quadringentesimo, Sexagesimo quarto.
Item, Conventum & Conclusum est, quòd si aliquis ex Subditis alterius Principum praedictorum quicquid Depraedatus fuerit seu Attemptaverit infra Marchiam aut Terram illius Partis Partium praedictarum, & post Depraedationem hujusmodi seu Attemptatum Fugiendo revertatur ad Marchiam vel Terram illius Partis cujus est Subditus, licebit illi, contra quem sic Attemptatum fuerit, in Recenti vel infra Sex Dies computandos a Tempore Delicti sic attemptati vel commissi, Auctoritate praesentis Ordinationis & Tractatûs, absque aliis Litteris vel Salvo Conductu, prosequi illum Malefactorem, & ipsum sic prosequendo intrare salvò & securè Marchiam & Terram in quam idem Malefactor se contulerit; dummodò, quamcitò hujusmodi Marchiam sive Terram hâc de Causâ intraverit, adeat aliquem Virum bonae Famae & Opinionis illaesae habitantem infra Marchiam quam sic intrat, & eidem declaret Causam Introitûs sui, viz. ad prosequendum Depraedationem suam, discribatque & specificet quibus Bonis & Catallis vel Rebus Depraedatus seu Spoliatus fuerit; ac insuper requirat eundem quòd, quamdiu hujusmodi Prosecutionem suam fecerit, secum eat, ut super Factis suis tempore dictae Prosecutionis possit, cùm requisitus fuerit super hoc, Testimonium perhibere veritati.
Item, Conventum, Concordatum, & Conclusum est quòd, durantibus praesentibus Treugis, ut praemissum est, Castrum & Villa Berwici cum antiquis Limitibus, & Inhabitantes & Incolae eorumdem, sub eisdem Pace, Amicitiâ, & Confoederatione Treugaque & Guerrarum Abstinentiâ ac Bellorum Induciis stabunt & permanebunt toto tempore praedicto, ita quod neque Serenissimus Rex Scotiae per Se, aut alios Subditorum, Ligeorum, aut Vassallorum suorum Guerram, Insultum, aut Obsidionem ipsis Locis aut Incolis eorumdem, neque Excellentissimus Rex Angliae per Se, aut suos Inhabitantes Villam seu Castrum hujusmodi Guerram, Insultum, aut Obsidionem dicto Serenissimo Regi Scotiae suisve Ligeis Vassallis faciet quovismodo pendente tempore Treugarum praedictarum.
Item, Conventum & Conclusum est, quòd si aliquis Ligeorum unius vel alterius Principum praedictorum reparaverit, aedificaverit, seu ut vulgariter dicitur imposuerit le Fishgarth de Esk, aut Rumpat vel Distruat eundem, pro non attemptato reputabitur, & nichilominus alia Attemptata quaecunque reparabuntur, sic quod Reparatio seu Distructio dicti le Fissh Garth non impediet Reformationem aliorum Attemptatorum nec introducet Ruptionem praesentium Treugarum.
Item, Conventum & Conclusum est, quòd Fugitivi Scotiae qui devenerunt Ligei Regis Angliae debent ligari ex Parte Anglicorum ad Observandum Articulos praesentium Treugarum, & quòd Attemptata per eos super Subditos Regis Scotiae debent eodem modo reformari quo reformabuntur Attemptata per Originarios Subditos Regis Angliae; idem per omnia observando ex Parte Regis Scotiae, si qui Anglici ante haec tempora Ligei Regis Scotorum devenerunt quovismodo.
Item, Conventum & Conclusum est quòd, si aliquis Subditus alicujus Principis Principum praedictorum, qui passus fuerit Rapinam vel Spolium a Subdito alterius eorumdem, propriâ Auctoritate suâ propter hoc Spoliationem, Prisas, vel Districtiones Personarum vel Bonorum fecerit, eo ipso cadat a Causâ suâ, & nichilominus secundùm Delicti exigentiam puniatur.
Item, Conventum & Conclusum est, quòd quamquam praesentes Guerrarum Abstinentiae captae & initae sint modis & formis ut supra, attamen non dicentur nec reputabuntur omninò generales, nec se extendunt ad Dominium de Lorne in Regno Scotiae, nec ad Insulam de Lundey in Regno Angliae, sed Dominium & Insula praedicta intelligentur nullo modo in hiis Guerrarum Abstinentiis comprehensa.
Item, Conventum & Conclusum est, quòd in praesentibus Treugis & Guerrarum Abstinentiis comprehendantur Amici, Confoederati, & Alligati utriusque Principis, si comprehendi voluerint, & eorum Regna ac Dominia, & super hoc Animos suos declaraverint, & idem desideraverint infra Sex Menses proximò exnunc sequentes;
Et specialiter pro Parte Regis Scotiae,
Ludovicus Rex Franciae,
Johannes Rex Daciae,
Rex Hispanniae,
Rex Neapolis,
Rex Romanorum,
Archidux Austriae,
Et Burgundiae,
Gildriae,
Holstatiae,
Et de Clief,
Duces,
Et Merchio Brondiburgensis;
Et pro Parte Regis Angliae,
Rex Romanorum,
Rex Ludovicus Franciae,
Reges Hispaniae,
Portugaliae,
Neapolis,
Austriae,
Burgundiae,
Venitiarum,
Mediolani,
Ferrariae,
Sabaudiae,
Duces,
Necnon Societas Mercatorum Hanzae Theutonicae:
Quibus Mensibus Lapsis, si nulla Notificatio hujusmodi facta fuerit Regibus praedictis, dicti Confoederati non intelligentur in hiis Treugis comprehensi, & si dicti Reges dictos Confoederatos comprehendi volentes, ut praedicitur, sub dictis Treugis comprehendere noluerunt, ex tunc dictae Treugae nullius Roboris censeantur vel Momenti.
Item, Conventum & Conclusum est quòd si, eisdem Guerrarum Abstinentiis durantibus, aliquid contra easdem vel aliquam Partem earumdem per Terram sive per Mare fieri vel attemptari contingat, Proptereà non erunt nec censebuntur Ruptae, Infirmatae vel Adnullatae praesentes Treugae, sed nichilominus in suo Robore permanebunt, & Attemptata hujusmodi debitè Reformabuntur.
Item, Conventum, Concordatum & Conclusum est, quòd Haeredes & Successores Illius Principis Principum praedictorum quem primò Obire contigerit, post Mortem Principis sic ut praemittitur primò Decedentis, infra Tres Menses proximò & immediatè sequentes Obitum dicti Principis Decedentis, Litteras suas omnium & singulorum Capitulorum in praesenti Tractatu & Data ejusdem comprehensorum & conclusorum Ratificatorias & Confirmatorias, Magnoque suo Sigillo sigillatas, alteri eorumdem Principum Haeredibus & Successoribus suis Tradent & Deliberabunt Tradive & Deliberari facient.
Item, ad majorem & efficaciorem praesentium Articulorum Observationem, Conventum & Conclusum est quòd Venerabiles & Discreti Viri praesentis Tractatûs Conservatores nominentur & deputentur; viz.
Pro Parte Illustrissimi Regis Scotorum,
Reverendi Patres,
Willielmus Episcopus Aberdonen.
Georgeus Candidae Casae Episcopus,
Willielmus Dominus Borthvik,
Georgeus Dominus Seytonn,
Patricius Hume de Fastcastell,
Et, Magister Ricardus Lausonn;
Et pro Parte Regis Angliae,
Reverendi Patres,
Ricardus Dunolmensis,
Willielmus Carliolensis,
Episcopi,
Johannes Baro de Greistok,
Cristoforus Moresby Miles,
Et, Johannes Cartingtonn Armiger,
Qui quidem Deputati ex utrâque Parte supranominati, vel Duo eorum, virtute praesentis Articuli habeant plenam Potestatem ac omnimodam Jurisdictionem ad Reparandum, Reformandum & Emendandum, ac Reparari, Reformari & Emendari congendum & compellendum ac faciendum omnia & singula Dampna & Attemptata Excessusque facta & perpetrata, facienda & perpetranda, sive per Capitaneos & Locumtenentes eorumque Deputatos Marchiarum praedictarum, sive per Subditos utriusque Principum praedictorum, si contra Tenorem praesentium Treugarum & Guerrarum Abstinentiarum aliquid Actum, Gestum vel Attemptatum erit: necnon ad Multandum & Puniendum Capitaneos ac Locatenentes & eorum Deputatos praedictos, ac etiam ad Incarcerandum & Ultimo Supplicio demandandum omnes & singulos Malefactores secundùm Casûs & Delictorum exigentias: Qui quidem Deputati vel Duo eorum, per Principes praedictos aut eorum aliquem, sive per Marchiarum Gardianos aut eorum Locatenentes, jussi vel Requisiti sine quâcunque dilatione Frustratoriâ, ad ea Loca se conferent in quibus meliùs & faciliùs hujusmodi Attemptatorum Reformatio & Reparatio fieri possit.
Item, Conventum & Concordatum est, quòd praesentes Conventiones & Conclusiones, infra Duos Menses proximò sequentes post Datam Praesentium, per Litteras Patentes utriusque Regum praedictorum Magnis Sigillis suis sigillatas, Confirmabuntur & Ratificabuntur, quas quidem Litteras Ratificatorias & Confirmatorias, ut praemittitur sigillatas, uterque Principum praedictorum, infra dictos Duos Menses, sibi hincinde tradet & deliberabit, aut tradi & deliberari faciet & procurabit.
Item, Conventum & Conclusum est, quòd utraque Partium praedictarum Publicari & Notificari faciet dictas Guer-
rarum Abstinentias Subditis suis in omnibus & singulis Insignioribus Locis Marchiarum suarum, infra Octo Dies proximò sequentes post Datam Praesentium.
Sequuntur Tenores Commissionum,
Jacobus, Dei gratiâ, Rex Scotorum, universis & singulis ad quorum notitias praesentes Literae pervenerint Salutem.
Sciatis Nos,
De Fidelitatibus, Industriis & providis Circumspectionibus Dilectorum Consiliariorum nostrorum; viz. Reverendi in Christo Patris Andreae Formam Prothonotarii Apostolici & Prioris de Mayo, & Magistri Ricardi Lausonn Clerici Generalis nostrae Justiciariae quamplurimùm confidentes,
Ipsos nostros Commissarios Deputatos Nuncios speciales, ex avisamento & Deliberatione nostri Concilii, Fecimus, Constituimus, Deputavimus & Ordinavimus ac Tenore Praesentium, Facimus, Constituimus, Deputamus & Ordinamus,
Dantes & Concedentes eisdem nostris Commissariis, Deputatis & Nunciis conjunctim nostram plenariam Potestatem & Mandatum speciale Conveniendi cum Magistro Roberto Rydon Anglico Clerico Concilii Viceadmirallo, Ambassiatore & Commissario Excellentissimi Principis Henrici Regis Angliae Fratris & Consanguinei nostri Carissimi, sufficientem Potestatem ab eodem habente,
Ac de & super Reformatione certorum Articulorum & Clausularum in Treugis inter nostros & fuos Commissarios ultimò captis, seu Novis Articulis & Clausulis necessariis eisdem Treugis addendis,
Ac si opus fuerit super Novis Treugis & Guerrarum Abstinentiis capiendis & firmandis, & super hujusmodi ac aliis & singulis Bonum Treugarum & Observationem earumdem nostrique Regni Rempublicam concernentibus, prout dictis nostris Commissariis expedire videbitur, Communicandi, Tractandi, Appunctuandi, & finaliter Concludendi & Determinandi;
Caeteraque omnia alia & singula Faciendi, Exercendi, Gerendi & Expediendi quae in Praemissis & circa ea necessaria fuerint seu quomodolibet oportuna, etiam si Mandatum exigant magis speciale quàm Praesentibus est expressum;
Promittentes bona fide & in Verbo Regio Nos Ratum, Gratum, Firmum & Stabile habituros totum & quicquid, per dictos nostros Commissarios conjunctim Actum, Factum, Tractatum, Appunctuatum, Concordatum, Conclusumve fuerit in Praemissis, seu aliquo Praemissorum.
In cujus Rei Testimonium has Litteras nostras sub Magno Sigillo nostro fieri fecimus Patentes apud Striveling Duodecimo Die Mensis Julii, Anno Regni nostri Duodecimo.
Henricus Dei Gratiâ, Rex Angliae & Franciae & Dominus Hiberniae omnibus, ad quos praesentes Literae pervenerint, Salutem.
Sciatis quòd Nos,
De Fidelitate, Industriâ & providâ Circumspectione Praedilecti & Fidelis Consiliarii nostri, Roberti Rydon Clerici Concilii nostri, atque Viceadmiralli Regni nostri Angliae quamplurimùm confidentes,
Ipsum nostrum verum & indubitatum Commissarium, Oratorem, Procuratorem, Deputatum & Nuncium specialem Assignamus, Facimus, Constituimus & Deputamus per Praesentes,
Dantes & Concedentes eidem plenam, Tenore Praesentium, Potestatem & Auctoritatem ac Mandatum generale & speciale, pro Nobis & Nomine nostro, cum Illustrissimo Principe Fratre & Consanguineo nostro Carissimo Jacobo Scotorum Rege, sive ejus Commissariis, Oratoribus, Deputatis & Nunciis, ejusve Commissario, Oratore, Procuratore, Deputato & Nuncio sufficientem Potestatem & Auctoritatem ab eodem Fratre & Consanguineo nostro ad hoc habente vel habentibus, tàm de & super verâ, firmâ, perpetuâ & reali Pace atque Concordiâ, quàm de & super Treugis & Guerrarum Abstinentiis, Ligis Amicitiis, Confoederationibus, Affinitatibus & Intelligentiis inter Nos & dictum Illustrissimum Principem Haeredes & Successores nostros, ac Regna, Terras, Dominia, Patrias, Subditos, Vassallos, Faventes, Alligatos, Confoederatos, Amicos & Adhaerentes nostros & suos quoscumque, hincinde ineundis, capiendis, componendis & celebrandis, Tractandi, Communicandi, Conveniendi, Concordandi, Appunctuandi & finaliter Concludendi,
Novamque Dietam in talibus Loco & Tempore prout eis meliùs visum fuerit Statuendi & Limitandi, & Inibi Communicandi, Conveniendi, Concordan-
di, Appunctuandi & Concludendi, caeteraque Faciendi & Perimplendi quae in Praemissis seu circa ea necessaria fuerint seu quomodolibet opportuna;
Promittentes, bonâ Fide & in Verbo Regio, omnia & singula, quae per praefrtum Commissarium, Oratorem, Procuratorem, Deputatum & Nuncium nostrum, hincinde Communicata, Tractata, & Conclusa fuerint in hac parte, Nos Rata, Grata, & Firma habituros & observaturos.
In cujus Rei Testimonium has Literas nostras fieri fecimus Patentes.
Teste meipso apud Westmonasterium decimo Die Junii, Anno Regni nostri Quartodecimo.
Quam Quidem Amicitiam Confoederationem Pacem, & Intelligentiam supradictam, cum omnibus & singulis Articulis & Capitulis in eisdem comprehensis, Nos Oratores antedicti Concludimus, Ipsasque pro Conclusis habemus, vigore & auctoritate Principum nostrorum praedictorum Nobis Commissis, non obstantibus Ligis, Amicitiis, Confoederationibus & Intelligentiis quibuscumque inter praefatos Principes ante Datam praesentis Tractatûs quantumcumque habitis factis & conclusis.
In quorum omnium & singulorum Praemissorum Fidem & Testimonium atque Fidem huic Parti Indenturae, penes praefatum illustrissimum Angliae Regem remansurae, Nos praefati Andreas & Ricardus, Commissarii dicti Serenissimi Principis Jacobi Scotorum & Scotiae Regis Domini nostri Metuendissimi, Sigilla nostra ac nostras Subscriptiones Manuales apposuimus in Burgo de Striveling, Duodecimo Die Mensis Julii, Anno Domini Milesimo, Quadringentesimo, Nonagesimo nono, Regnique dicti Regis nostri Metuendissimi Duodecimo.
Quam Quidem Indenturam, ac omnia & singula Appunctuamenta, Conventiones, Concordias & Conclusiones in eâdem, Nos Jacobus Scotorum Rex antedictus Laudamus, Approbamus, Ratificamus, & per Praesentes Confirmamus.
Promittentes bonâ Fide & in Verbo Regio, quòd Nos ea omnia & singula quantum ad nos attinet, realiter & cum effectu Observabimus & Exequemur, ac Exequi & Observari faciemus, juxta vim formam & effectum earumdem.
In quorum omnium & singulorum Fidem & Testimonium has Litteras nosteas Patentes, Manu nostrâ subscriptas, Magni Sigilli nostri appensione fecimus communiri.
Datum apud Castrum nostrum de Striveling, Vicesimo Die Mensis Julii, Anno Domini Millesimo, Quadringentesimo, Nonagesimo nono, & Regni nostri Duodecimo.
James R.
Sub Magno Sigillo de cerâ Albâ pendente a duplici caudâ Pergamenae. |
July 21. Restitution of the temporalities to Thomas Jane, bp. of Norwich, vice James late bp., deceased. Westm.
O. xii. 728. H. v. p. iv. 142. |
De Restitutione Temporalium.
An. 14. H. 7. Pat. 14. H. 7. p. 2. m. 4.
Rex Escaetori suo in Comitatibus Norffolciae & Suffolciae, Salutem.
Cùm Dominus Summus Pontifex nuper, vacante Ecclesiâ Cathedrali Norwicensi per Obitum, bonae Memoriae, Jacobi ejusdem Ecclesiae ultimi Pastoris & Episcopi, de Persona Fidelis Clerici ac Consiliarii nostri Thomae Jane ejusdem Ecclesiae Electi, ex Fratrum suorum Concilio Auctoritate Apostolicâ providerit, Ipsumque in ipsius Ecclesiae Episcopum praefecerit & Pastorem, sicut per Literas Bullatas ipsius Domini Summi Pontificis, Nobis indè directas, Nobis constat,
Nos,
Pro eo quòd idem Electus, omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram nobis palàm & expressè Renunciavit, & Gratiae nostrae humiliter se submisit, volentes cum eo in hac parte agere gratiosè,
Fidelitatem ipsius Episcopi cepimus, & Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Electo Temporalia praedicta, cum Pertinentiis, in Balliva tua, sine dilatione, Liberes in forma praedicta; salvo Jure cujuslibet.
Teste meipso apud Westmonasterium, vicecimo primo Die Julii.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub Datâ praedictâ; videlicet,
Escaetori Regis in Com. Midd.
Majori Civitatis suae Norwici ac Escaetori suo in eadem Civitate.
Et Mandatum est Militibus, &c. |
Aug. 29. The K. grants to sir Robert Curson, captain of Hampnes Castle, licence to fight against the infidels, and desires him to surrender the castle to sir Sampson Norton, sir Richard Lovelas, and William Pawne. Knoll.
O. xii. 729. H. v. p. iv. 142. |
De Licentia ad Infideles debellandos.
An. 15. H. 7. Franc. 15. H. 7. m. 6.
Rex Roberto Curson Militi, Salutem.
Cùm plurimis vicibus & saepenumero Nos movistis atque solicitâstis ut possitis Licentiam a Nobis habere Infideles & Christi Inimicos Bello aggredi, & eos pro Fidei Catholicae Defensione Debellare, & quod Vos & Fidejussores vestros a Cura & Onere Custodiae Castri nostri de Hampnes, & Cautione atque Securitate per Vos & dictos Fidejussores vestros pro secura ejusdem Castri Custodia factâ, exonerare velimus,
Nos,
Honorabilem vestram in hac parte atque Dei Devotam Mentem considerantes, eidemque annuentes,
Assignavimus, Dilectos & Fideles nostros, Sampsonem Norton Militem, Ricardum Lovelas Militem, & Willielmum Pawne, & duos eorum ad Recipiendum a Vobis dictum Castrum atque omnes Marchias & Guerrarum Instrumenta eidem Castro pertinentia,
Volumus igitur quòd eisdem Sampsoni, Richardo & Willielmo, seu Duobus eorum dicta Castrum nostrum de Hampnes Marchias & Instrumenta Bellica atque caetera quae in Principio vestri Introitûs ibidem recepistis Deliberetis,
Cujus quidem Castri Deliberatione sic ut praemittitur factâ vos atque Fidejussores vestros a Custodia & Onere dicti Castri, atque ab omni Cautione & Securitate pro Custodia ejusdem Castri per Vos & eosdem Fidejussores vestros facta superinde Acquietamus.
In cujus &c.
Teste meipso apud Knoll, vicesimo nono Die Augusti, Anno Regni nostri Quintodecimo. |
Sept. 11. Power for Richard bp. of Durham, keeper of the privy seal, to negotiate a marriage between the K.'s daughter Margaret and James K. of Scotland. Winchester.
O. xii. 729. H. v. p. iv. 143. |
De Appunctuando cum Rege Scotorum.
An. 15. H. 7. Scot. 15. H. 7. m. 6.
Henricus, Dei gratiâ, Rex Angliae & Franciae & Dominus Hiberniae universis & singulis, ad quorum notitias praesentes Literae nostrae pervenerint, Salutem.
Sciatis quòd Nos,
De Circumspectione, Industria, Doctrina, Probitate, Fidelitate & Prudentia Reverendi in Christo Patris Domini Ricardi Dunolmensis Episcopi ac Custodis Privati Sigilli nostri Consiliariiq; nostri Dilectissimi quamplurimùm confidentes,
Ipsum nostrum Procuratorem, Nuncium, Oratorem, Commissarium & Ambaxiatorem Fecisse Constituisse & Ordinâsse, ac per Praesentes Eum Facimus, Constituimus & Ordinamus,
Dantes & Concedentes praefato Reverendo Patri Episcopo nostro in hac parte Procuratori, Oratori, Commissario & Ambaxiatori nostram plenariam & indubitatam ac omnimodam Potestatem ac Mandatum speciale & generale, pro Nobis & Nomine nostro, cum Illustrissimo ac Serenissimo Principe Jacobo Scotorum Rege Fratre & Consanguineo nostro Praecarissimo, ejusve Procuratoribus, Nunciis, Oratoribus, Commissariis & Ambaxiatoribus pluribus aut uno Potestatem consimilem aut sufficientem a dicto Excellentissimo Fratre & Consanguineo nostro Jacobo Scotorum Rege habentibus habentive, Tractandi, Communicandi, Conveniendi, Appunctuandi, Concordandi, Concludendi & finaliter & plenariè Terminandi & Finiendi de & super Sponsalibus & Matrimonio, Divinâ annuente Clementiâ, inter Dilectissimam Dominam Margaretam nostram Serenissimaeque Principis Dominae Elizabethae Carissimae Consortis Sponsae nostrae Reginae Amantissimae Filiam Majorem & Primogenitam modo viventem, & praedictum Fratrem & Consanguineum nostrum Jacobum Scotorum Regem Praecarissimum fiendis & celebrandis,
Ac de & super Dote seu Dotalitiis & Donationibus propter Nuptias, ex causa hujusmodi Matrimonii assignandis, promittendis, dandis, deliberandis &
solvendis, Tractandi, Conveniendi & Concludendi,
Atque de Pecuniarum Summis, & illarum Quantitatibus, Terminisque Temporibus & Locis dictarum Solutionum pro Nobis & Nomine nostro fiendis, Tractandi, Communicandi, Concordandi, Paciscendi, & Promittendi finaliterque & plenariè Terminandi & Finiendi, Quietantiasque debitas super Receptis hujusmodi si quae sint Recipiendi, Obligationes verò Cautiones & Securitates, pro Nobis & Nomine nostro, pro hujusmodi Dote seu Donationibus propter Nuptias dictae Praedilectissimae Filiae nostrae, eidem Consanguineo nostro Scotorum Regi Promittendi, Dandi & Deliberandi,
Necnon pro Nobis & Nomine nostro ac dictae Praedilectissimae Filiae nostrae Terras, Loca, Maneria, Possessiones & Dominia ab eodem Praeclarissimo Consanguineo nostro Scotorum Rege pro Dote ejusdem Filiae nostrae Petendi, Stipulandi & Exigendi, hujusmodique Loca, Terras, Dominia, Maneria & Possessiones, pro ejusdem Filiae nostrae Dote sic petita & promissa, necnon Obligationes & Securitates in hujusmodi Casuutiles oportunas & necessariasve, Petendi, Acceptandi & Recipiendi,
Omniaque alia & singula Faciendi & Excercendi quae in Praemissis seu circa ea necessaria fuerint seu quomodolibet oportuna, & quemadmodùm Nos si personaliter interessemus facere poterimus;
Promittentes bona fide & in Verbo Regio Nos, Rata, Grata, & Firma habituros omnia & singula quae per praefatum Reverendum in Christo Patrem Dominum Ricardum Episcopum Dunolmensem nostrum in hac Parte Procuratorem, Oratorem, Commissarium & Ambaxiatorem in Praemissis seu eorum aliquo Conventa, Appunctuata, Concordata & Conclusa fuerint, etiam & si fuerint quae Mandatum exigant magis speciale quàm Praesentibus est expressum.
In cujus Rei Testimonium has Litteras nostras fieri fecimus Patentes.
Teste Meipso apud Castrum nostrum Winton. xi Die Septembris, Anno Regni nostri Quintodecimo. |
Oct. 5. Papal bull annexing the church of Churcheaton to that of Bradley, at the request of William Gubins, rector of Bradley. Rome.
O. xii. 730. H. v. p. iv. 143. |
Super Unione Ecclesiarum dispensatio.
An. 15. H. 7. Ex Origine.
Alexander Episcopus Servus Servorum Dei ad futuram rei memoriam.
Ex injuncto Nobis desuper Apostolicae Servitutis Officio ad ea libenter intendimus, per quae Personarum Ecclesiasticarum omnium praesentium Litterarum scientiâ praeditarum, Commoditatibus valeat provideri.
Sanè pro Parte Dilecti Filii Willielmi Gubins Rectoris Parrochialis Ecclesiae de Bradley Conventrensis & Lichfeldensis Dioecesis, Magistri in Artibus Nobis nuper exhibita Petitio continebat quòd, si Parrochialis Ecclesia de Chyrcheytun dictae Dioecesis, quam & dictam Ecclesiam de Bradley ex Dispensatione Apostolica inter caetera obtinet, eidem Ecclesiae de Bradley, quamdiu ipse Willielmus illam obtinuerit duntaxat, uniretur annecteretur & incorporaretur, ex hoc profectò ejusdem Willielmi Commoditatibus non parum consuleretur.
Quare pro Parte ejusdem Willielmi, asserentis Fructus Redditus & Proventus dictae Ecclesiae de Chyrcheytun duodecim Marchiarum Sterlingorum, triginta septem Ducatos Auri de Camera vel circa constituentium, secundùm Communem extimationem Valorem Annuum non excedere, Nobis fuit humiliter Supplicatum ut dictam Ecclesiam de Chyrcheytun eidem Ecclesiae de Bradley, quamdiu ipse Willielmus illam obtinuerit duntaxat, Unire Annectere & Incorporare, aliasque in Praemissis oportunè providere de Benignitate Apostolica dignaremur.
Nos igitur, qui dudùm inter alia voluimus quòd petentes Beneficia Ecclesiastica aliis Uniri tenerentur exprimere verum Annuum Valorem secundùm extimationem praedictam etiam Beneficii cui aliud uniri peteretur, alioquin Unio non valeret, & semper in Unionibus commissio fieret ad Partes vocatis quorum interesset, praefatum Willielmum a quibusvis Excommunicationis Suspensionis & Interdicti aliisque Ecclesiasticis Sententiis Censuris & Poenis a Jure vel ab Homine quavis occasione vel causâ latis, si quibus quomodolibet inodatus existit, ad effectum Praesentium duntaxat consequendum, harum serie Absolventes & Absolutum fore censentes, nec non omnia & singula alia Beneficia Ecclesiastica, cum Cura & sine Cura, quae idem Willielmus etiam ex quibusvis aliis
Dispensationibus Apostolicis obtinet & expectat, ac in quibus & ad quae Jus sibi quomodolibet competit quaecumque quotcumque & qualiacumque sint, eorumque ac dictae Ecclesiae de Bradley Fructuum Reddituum & Proventuum veros Annuos Valores ac hujusmodi Dispensationum Tenores Praesentibus pro expressis habentes, Ecclesiam de Chyrcheytun praedictam cum omnibus Juribus & Pertinentiis suis eidem Ecclesiae de Bradley, quamdiu ipse Willielmus illam obtinuerit duntaxat, Auctoritate Apostolicâ Tenore Praesentium Unimus, Annectimus & Incorporamus, ita quòd liceat eidem Willielmo per Se vel alium seu alios corporalem Ecclesiae de Chyrcheytun Juriumque & Pertinentiarum praedictorum Possessionem propriâ Auctoritate liberè apprehendere, & quamdiu dictam Ecclesiam de Bradley obtinuerit retinere, illiusque Fructus Redditus & Proventus in suos ac dictarum Ecclesiarum usus utilitatemque convertere, Diocesani loci vel cujusvis alterius Licentiâ super hoc minimè requisiteâ; non obstantibus Voluntate praedictâ, ac bonae memoriae Octonis & Octoboni olim in Regno Angliae Apostolicae Sedis Legatorum, ac in Provincialibus & Sinodalibus Conciliis editis generalibus vel specialibus Constitutionibus & Ordinationibus contrariis quibuscunque, aut si aliqui super Provisionibus sibi faciendis de hujusmodi vel aliis Beneficiis Ecclesiasticis in illis Partibus speciales vel generales dictae Sedis vel Legatorum ejus Litteras impetrârint, etiamsi per eas ad Inhibitionem, Reservationem & Decretum vel aliàs quomodolibet sit Processum, quas quidem Literas & Processus habitos per easdem & inde secuta quaecunque ad dictam Ecclesiam de Chyrcheytun Volumus non extendi, sed nullum per hoc eis quoad assecutionem Beneficiorum aliorum praejudicium generari, & quibuslibet aliis Privilegiis, Indulgentiis & Litteris Apostolicis generalibus vel specialibus, quorumcunque Tenorum existant, per quae Praesentibus non expressam vel totaliter non insertam effectus earum impediri valeat quomodolibet vel differri, & de quibus quorumque totis Tenoribus de verbo ad verbum habenda sit in nostris Litteris mentio specialis.
Volumus autem quòd, propter Unionem, Annexionem & Incorporationem praedictas, dicta Ecclesia de Chyrcheytun debitis propterea non fraudetur Obsequiis, & Animarum Cura in ea nullatenus negligatur, sed ejus congruè supportentur Onera consueta, quodque, Cedente vel Decedente dicto Willielmo, seu Ecclesiam de Bradley praedictam aliàs quomodolibet Dimittente, Unio, Annexio & Incorporatio praedictae Dissolutae sint & esse censeantur, dictaque Ecclesia de Chyrcheytun in pristinum Statum revertatur eo ipso, & insuper ex nunc Irritum & Inane Decernimus si secùs super hiis a quoquam quavis Auctoritate scienter vel ignoranter contigerit attemptari.
Nulli ergo omnino Hominum liceat hanc Paginam nostrae Absolutionis, Unionis, Annexionis, Incorporationis, Voluntatis, & Decreti infringere &c.
Dat. Romae apud Sanctum Petrum, Anno Incarnationis Dominicae Millesimo, Quadringentesimo Nonagesimo nono, Tertio Non. Octobris, Pontificatûs nostri Anno octavo.
A. de Buccabellis.
P. Tuba.
A. Vives.
A. Calder. Dup.
A. Buccamatrus.
O. de Brakel.
Super Plicam,
Auscultata cum Registrario Literarum Apostolicarum per me Jo. Electum Terrannon. & concordat.
P. Valentia.
F. de Homel.
Alexander Papa Sextus.
Sub Sigillo Plumbeo, a Filis sericis flavi rubeique Colorum pendente. |
Oct. 19. Lewis K. of France orders the seneschal of Bouleois to assist James Tyrel, captain of Guisnes, in recovering a debt from Walran Dynas, bailiff of Hesdin. Lyons.
O. xii. 732. H. v. p. iv. 144. |
Litera Ludovici Franciae.
Commandement des Roys Charles & Loys au Seneschal de Bolennoys d'Ayder James Tyrell Capitaine de Guisnes a Recouverer la Debt sur Walran Dinas.
An. 14. H. 7. Ex Autogr.
Loys, par la Grace de Dieu, Roy de France au Seneschal de Boulenoys ou a son Lieutenant, Salut.
Nous, a la Supplication & Requeste de James Tirel Capitaine de Guynes, vous Mandons & Commectons, par ces Presentes, que veues par vous les Lettres Patentes atachees a ces Presentes soubz le Contreseel de nôtre Chancellerie, des le Dixiesme Jour d'Octobre, l'An Mil, Quatrecens, Quarante Dixsept, par seu nôtre Trescher Seigneur & Cousin le Roy Charles, que Dieu absoille, octroyees au dit Suppliant pour avoir Solution & Paiement de certain Debte en quoy il dit Walran Dynas Bailly de Hesdin Luy estre Tenu & Oblige, vous Appelle avec vous le Tresorier de Boulenoys, ou autre que adviserez ainsi qu'il vous est Mande faire, mectez ou faictes mectre les dites Lettres cy atachees a deue & entiere Execution, de Point en Point, selon leur Forme & Teneur, tout ainsi & par la Forme & Maniere que eussiez fait & peu faire du vivant de nôtre dit feu Seigneur & Cousin, & dedans l'An de l'Octroy & Concession d'icelles, ou que feriez & faire pourriez s'elles estoient par Nous octroyees & seellees de nôtre Seel, Car ainsi Nous plaist il estre fait,
Non obstant que les dites Lettres soient Surrannees, & qu'elles ne soient par Nous octroyees & seelles de nôtre Seel, de ce faire vous Donnons Pouoir, Auctorite, Commission, & Mandement especial, Mandons & Commandons a tous noz Justiciers, Officiers, & Subgectz que a vous voz Commis & Depputez, en ce faisant, obeissent, & entendent diligement.
Donne a Lyon le xix Jour d'Octobre, l'An de Grace Mil, Quatrecens, Quatrevings dixneuf, & de nôtre Regne le Second.
Par le Roy a la Relation des Gens de son Grant Conseil.
Rillebresme.
Sigillo avulso. |
Oct. 24. Power for sir Richard Nanfan and five others to receive the 25,000 francs due from Lewis K. of France on Nov. 1. Westm.
O. xii. 732. H. v. p. iv. 144. |
Super Annuo Censu, de Recipiendo & Acquietando.
An. 15. H. 7. Franc. 15. H. 7. m. 5.
Rex omnibus, ad quos &c. Salutem.
Cùm, Anno Domini Millesimo, Quadringentesimo, Nonagesimo secundo, inter Nos & Perhennis Memoriae Regis Caroli dudùm Gallorum Principis Commissarios, Procuratores, Oratores, Deputatos, & Nuncios, inter caetera, Conventum, Concordatum, Appunctuatum, & Conclusum fuerat,
Quòd idem nuper Rex Karolus Solveret & Deliberaret, Solvive & Deliberari faceret Nobis & Haeredibus nostris, seu nostris Deputatis, vel dictorum Haeredum nostrorum Deputatove Deputatis, Summam Septingentarum Quadraginta & Quinque Millium Coronarum Auri,
Quam quidem Summam Septingentarum Quadraginta & Quinque Millium Coronarum Auri praefatus nuper Rex Karolus Confessus fuerit & declaraverit, Seque Haeredes atque Successores suos, per Literas suas Nomine suo subsignatas, Obligaverit, & pro se & dictis Haeredibus atque Successoribus suis Consentiit & Promisit, solvere & deliberare, solvive & deliberari facere Nobis & Haeredibus nostris, seu nostris Deputatis aut dictorum Haeredum nostrorum Deputato seu Deputatis, sub modo & formâ sequentibus; videlicet,
Quòd idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, nostrisve Deputatis seu dictorum Haeredum nostrorum Deputato vel Deputatis, in Villa nostra Calesii, Die Primo Mensis Maii extunc proximò sequente, Viginti &
Quinque Millia Francorum in Coronis Auri, unoquoque Franco valente Viginti Solidos Turonenses, secundum Cursum & Aestimationem quam tunc habuerunt:
Et Primo Die Mensis Novembris tunc proximò futuro consimilia Viginti Quinque Millia Francorum in Coronis Auri in praedicta Villa nostra Calesii,
Et sic, de Anno in Annum, & de Termino in Terminum, idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, aut nostris seu dictorum Haeredum nostrorum Deputato vel Deputatis, Loco & Terminis antedictis, donec & quousque dicta Summa Septingentarum Quadraginta & quinque Millium Coronarum Auri per ipsum nuper Regem Karolum Gallorum Principem Haeredes & Successores suos, Nobis & dictis Haeredibus nostris, ut praedictum est, plenè & integrè Soluta & Contenta foret,
Prout in Literis Commissariorum dicti Illustrissimi Principis Regis Caroli, plenam in ea parte ab eo Potestatem habentium, Datis apud Stapulas supra Mare, Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountibus Sextadecimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboys Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Literas ac omnia & singula Contenta in eisdem Illustrissimus Carissimusque Frater & Consanguineus noster Rex Lodowicus nunc Gallorum Princeps, pro Se, Haeredibus, & Assignatis suis, Approbavit, Ratificavit, & Confirmavit,
Atque ad fidelem & debitam Solutionem & Satisfactionem Residui & Restiti dictae Summae Septingentarum Quadraginta & Quinque Milium Francorum in Coronis Auri, Loco & Terminis in Literis dicti nuper Regis Caroli Praedecessoris sui specificatis, per Literas suas Patentes, Magno Sigillo suo munitas, & Manu suâ subscriptas, Datas Parisius quartadecimâ Die Mensis Julii, Anno Domini Millesimo, Quadringentesimo, Nonagesimo octavo, Se de Novo Haeredesque & Successores suos Astrinxit & Obligavit, prout in Literis suis desuper confectis pleniùs continetur,
Et quia Prima Dies Mensis Novembris, quae erit Quartusdecimus Terminus Solutionis antedictae, in qua Summa Viginti & Quinque Millium Francorum in Coronis Auri, in praedictâ Villâ nostrâ Calesii, ut praemittitur, solvi debeat (videlicet, Anno Domini Millesimo, Quadringentesimo, Nonagesimo Nono) propediem est ventura,
Hinc est quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Ricardi Nanfan Militis Deputati Locumtenentis Villae nostrae Calesii, Johannis Turbervile Militis Thesaurarii ejusdem Villae, Antonii Broun Militis Constabularii Castri nostri ibidem, Adriani Whetehill Contrarotulatoris Villae praedictae, Radulphi Lathom, & Francisci Marzen, quamplurimùm confidentes,
Ipsos nostros veros & indubitatos Commissarios, Procuratores, Factores, Negotiorum Gestores, Receptores, & Deputatos Facimus, Constituimus, Ordinamus, & Deputamus per Praesentes,
Dantes Eisdem Quinque, Quatuor, Tribus, & Duobus eorum plenam, Tenore Praesentium, Potestatem & Auctoritatem, ac Mandatum speciale cum Commissariis, Procuratoribus, Deputatis, & Nunciis dicti Illustrissimi Principis Fratris & Consanguinei nostri Carissimi, apud Villam nostram Calesii, Nomine nostro, Tractandi & Comunicandi, & ab ipsis dictam Summam Viginti & Quinque Millium Francorum in Coronis Auri (unoquoque Franco Viginti Solidos Turonenses, ut praemittitur, valente) Nobis dicto Primo Die Mensis Novembris per ipsum nunc Gallorum Principem debitam & solvendam, Recipiendi, & eorum Solutiones Acceptandi, ipsumque Serenissimum Principem Lodowicum Consanguineum nostrum & dictam Summam Solventes de hujusmodi Receptis Acquietandi & Exonerandi, atque Literas suas Acquietantiae & Exonerationis earumdem Conficiendi, ipsasque Literas atque nostras Acquietantiae & Exonerationis hujusmodi, Magno Sigillo nostro sigillatas, praefatis Commissariis, Procuratoribus, Deputatis, sive Nunciis praedicti Fratris & Consanguinei nostri, Nomine nostro atque suo, Tradendi & Deliberandi,
Caeteraque Faciendi & Perimplendi quae in Praemissis seu circa ea necessaria suerint seu quomodolibet oportuna;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid praefati Commissarii, Procuratores, Factores, Negotiorum Gestores, Receptores, & Deputati, Nomine nostro fecerint in Praemissis, seu eorum aliquo.
In cujus &c.
Teste Rege apud Westmonasterium, vicesimo quarto die Octobris.
Per ipsum Regem. |
Nov. 6. Receipt by the K. of England for the above sum. Westm.
O. xii. 734. H. v. p. iv. 144. |
Acquietantia pro dicto Censu.
An. 15. H. 7. Franc. 15. H. 7. m. 4.
Rex universis &c. Salutem.
Sciatis Nos Recepisse & Habuisse, Die Confectionis Praesentium, ab Illustrissimo Carissimoque Fratre & Consanguineo nostro Rege Lodowico Gallorum Principe, per Manus apud Villam nostram Calesii, Viginti & quinque Milia Francorum in Coronis Auri (unoquoque Franco Viginti Solidos Turonenses valente) Nobis Primo Die Mensis Novembris Anno Domini Millesimo, Quadringentesimo, Nonagesimo Nono solvi debitorum, qui erat Quartusdecimus Terminus pro Parte Solutionis Septingentarum Quadraginta & quinque Millium Coronarum Auri per, Perhennis Memoriae, Regem Carolum novissimè Defunctum Nobis debitarum & solvendarum,
Prout in Literis Commissariorum dicti Illustrissimi Regis Caroli plenam in ea parte ab eo Potestatem habentium, Datis apud Stapulas supra Mare Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadecimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboyse Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Literas ac omnia & singula contenta in eisdem Illustrissimus Princeps Rex Lodowicus Consanguineus noster antedictus, pro Se, Haeredibus, & Assignatis suis, Approbavit,
Atque ad fidelem & debitam Solutionem & Satisfactionem Residui & Resti dictae Summae Septingentarum Quadraginta & quinque Millium Coronarum Auri, Loco & Terminis in Literis dicti nuper Regis Caroli Praedecessoris sui specificatis, per suas Literas Patentes, Magno Sigillo suo munitas & Manu suâ subscriptas, Datas Parisius Quartadecimâ Die Mensis Julii, Anno Domini Millesimo, Quadringentesimo, Nonagesimo octavo, Se de novo Haeredesque & Successores suos Astrinxit & Obligavit,
Prout in Literis suis desuper confectis pleniùs continetur,
De quibus quidem Viginti & quinque Millibus Francorum in Coronis Auri Fatemur Nobis fideliter esse Solutum, & eundem Fratrem & Consanguineum nostrum Regem Lodowicum Haeredesq; suos superinde fore Quietos, & exinde plenè Exoneratos.
In cujus &c.
Teste Rege apud Westmonasterium, sexto die Novembris. |
Nov. 14. Grant to Miles abbot of Eynesham of the custody of the temporalities of the see of Llandaff, void by the death of John the late bp. Westm.
O. xii. 734. H. v. p. iv. 145. |
De Custodia Temporalium Landaven.
An. 15. H. 7. Pat. 15. H. 7. p. 1. m. 20.
Rex omnibus, ad quos &c. Salutem.
Sciatis quòd Nos, certis de Causis nos specialiter moventibus, de Gratia nostra speciali ac ex certa scientia & mero Motu nostris, Dedimus & Concessimus ac per Praesentes Damus & Concedimus Praedilecto Nobis in Christo Patri Miloni Abbati de Eynesham Custodiam omnium Temporalium Episcopatûs Landavensis cum pertinentiis, ac omnimodorum Exituum, Proficuorum, Reddituum, Firmarum, Reventionum, & Emolumentorum, & singulorum Dominiorum, Maneriorum, Terrarum, & Tenementorum, Hundredorum, Reddituum, Reventionum, Possessionum Temporalium quorumcumque, Feodorum, Militum, ac Wardorum, Maritagiorum, Releviorum, Heriettorum, Escaetorum, Servitiorum, Feriarum, Mercatorum, Tolnetorum, Custumarum, Curiarum Letarum, Visûs Franciplegii, cum omnibus aliis Juribus, Commoditatibus & Emolumentis quibuscumque infra Regnum nostrum Angliae aut Wal-
liae aut Marchias Walliae Episcopatui Landavensi quoquo modo pertinentibus sive spectantibus, quae ad Manus nostras ratione ultimae Vacationis ejusdem per & post Mortem bonae Memoriae Johannis ultimi Episcopi Loci praedicti devenerunt aut devenire debuerunt aut in Manibus nostris existunt,
Habendam & Tenendam Custodiam praedictam, ac etiam Retinenda & Percipienda omnia Exitus, Proficua, Redditus, Firmas, Reventiones & Emolumenta praedicta, ac caetera Praemissa eidem Abbati, Assignatis & Executoribus suis, a tempore Mortis praefati Johannis nuper Episcopi hucusque & exnuc, quamdiu Temporalia illa ac caetera Praemissa in Manibus nostris contigerint remanere, tàm per Manus suas & Ministrorum suorum proprias, quàm per Manus omnium & singulorum Escaetorum, Vicecomitum, seu Ministorum nostrorum in Comitatibus & Marchiis illis, ubi Praemissa seu aliquod Praemissorum separatim existunt vel existit, liberè & quietè, absque Compoto, Responso, seu aliquo alio Nobis pro Praemissis seu aliquo Praemissorum reddendo, solvendo, seu faciendo quovis modo,
Et ulterius Concedimus praefato Abbati plenariam Potestatem & Auctoritatem Tenore Praesentium Donandi sive Faciendi omnimodos Senescallos, Receptores, Ballivos, Firmarios, & alios Officiarios, Ministros, sive Occupatores, & Officia quaecumque Episcopatui praedicto pertinentia, cuicumque sibi placuerit, & hujusmodi Officiarios sive Officia ad libitum suum praedictum Expellendi, & Amovendi, ac Revocandi, prout Nos faceremus si praesens Concessio nostra facta non fuisset, absque impedimento, molestatione, calumpnia, perturbatione, seu gravamine Nostri vel Haeredum nostrorum Justiciariorum, Escaetorum, Vicecomitum, Ballivorum, vel aliorum Officiariorum seu Ministrorum nostrorum quorumcumque;
Eo quòd expressa mentio de vero Valore annuo seu aliquo alio Valore sive Certitudine Praemissorum, sive alicujus Praemissorum, aut de aliis Donis sive Concessionibus, eidem Abbati, per Nos ante haec tempora factis, in Praesentibus minimè facta existit, aut aliquo Statuto, Actu, Ordinatione, sive Restrictione in contrarium ante haec tempora facto, edito, sive proviso, aut aliquâ aliâ Re, Causâ, vel Materiâ quacumque, non obstante.
In cujus &c.
Teste Rege apud Westmonasterium, decimo quarto die Novembris.
Per Breve de Privato Sigillo. |
Dec. 7. Grant to Henry bp. of Bangor of the sums due to the K. from the dean and chapter of Salisbury during the vacancy of the see, with the knights' fees, advowsons, &c. Westm.
O. xii. 735. H. v. p. iv. 045. |
Pro Episcòpo Bangorensi, super Custodia Episcopatus Sarum.
An. 15. H. 7. Ibid. m. 19.
Rex omnibus, ad quos &c. Salutem.
Sciatis quòd,
Cùm Ecclesia Cathedralis & Episcopatus Sarum, per Mortem Venerabilis Patris Johannis nuper Episcopi ejusdem, jam Vacent & Pastoris solatio sint destituti,
Et quòd Nobis per Decanum & Capitulum dictae Ecclesiae & Successores suos pro Custodia ejusdem Episcopatûs & Temporalium ejusdem Episcopatûs, illo vacante, si per unum Annum vacaverit, de Mille & Viginti & una Libris Septem Solidis & Undecim Denariis pro Anno illo, & si majore vel minori tempore quàm per Annum hujusmodi Vacatio duraverit, tunc per eosdem Decanum & Capitulum & Successores suos praedictos de Rata dictorum Mille Viginti & unius Librarum Septem Solidorum & Undecim Denariorum per Annum, pro Rata temporis, Nobis proinde respondere debeant,
De Gratia nostra speciali ac ex certa scientia & mero motu nostris Damus & Concedimus, pro Nobis & Haeredibus nostris, Dilecto & Fideli Consiliario nostro Henrico Bangorensi Episcopo & Assignatis suis quòd Ipsi, quamdiu dictum Episcopatum Sarum vacare contigerit, habeant & percipiant, per Manus Decani & Capituli dictae Ecclesiae Sarum & Successorum suorum, dictos Mille & Viginti & unam Libras septem Solidos & undecim Denarios, si Vacatio dicti Episcopatûs Sarum per unum Annum duraverit, & si Episcopatus ille majori vel minori tempore quàm per Unum Annum vacaverit, quòd tunc idem Henricus Bangoren. Episcopus & Assignati sui habeant & percipiant, per Manus dictorum Decani & Capituli & Successorum suorum, omnes ac tantas ac hujusmodi Denariorum Summas quae ad Nos per Mortem dicti Venerabilis Patris Johannis nuper Episcopi ibidem & ratione Vacationis ejusdem Episcopatûs Sarum pertinent aut pertinere poterunt seu debuerunt, juxta Ratam dictorum Mille
& Viginti & unius Librarum septem solidorum & undecim Denariorum per Annum, pro Rata temporis quo Episcopatum illum per majus vel minus tempus vacare contigerit, & omne quod ad Nos de dictis Mille & Viginti & una Libris septem solidis & undecim Denariis occasione Vacationis praedictae pertinet aut pertinere debeat seu poterit.
Habendas Tenendas & Percipiendas eidem Henrico Bangoriensi Episcopo & Assignatis suis praedictis, de Dono nostro praedicto, adeò plenè, integrè & liberè, prout Nos vel Haeredes nostri occasione hujusmodi Vacationis dicti Episcopatûs Sarum haberemus aut perciperemus si praesens Concessio nostra facta non fuisset,
Et insuper, de Uberiori Gratia nostra speciali ac ex certa scientia & mero motu nostris praedictis, Damus & Concedimus, pro Nobis & Haeredibus nostris praedictis, praefato Henrico Bangoriensi Episcopo & Assignatis suis praedictis omnia & omnimoda Feoda Militum quae tenentur de dicto Episcopatu, ac Advocationes Ecclesiarum, Capellarum, Cantariarum, Praebendarum, Archidiaconatuum, Dignitatum, Hospitalium & aliorum Beneficiorum Ecclesiasticorum quorumcumque, ac Escaetas & Forisfacturas Terrarum & Tenementorum ac Bonorum & Catallorum quorumcumque cum pertinentiis eidem Episcopatui Sarum qualitercumque pertinentibus spectantibus sive incumbentibus, quae, durante Vacatione ejusdem Episcopatûs Sarum, ad Manus nostras sive ad Nos devenerunt aut acciderunt seu devenire debuerunt debeant aut debebunt seu devenient durante Vacatione ejusdem Episcopatûs Sarum, ac omnes Denariorum Summas de Praemissis sive eorum aliquo provenientes,
Habenda & Tenenda eadem Feoda Militum Advocationes Escaetas & Forisfacturas cum pertinentiis ac Custodiam omnium eorumdem ac omnes dictas Denariorum Summas praefato Henrico Bangoriensi Episcopo & Assignatis suis praedictis, a tempore Mortis ejusdem venerabilis Patris Johannis nuper Episcopi ibidem, quamdiu dictum Episcopatum Sarum vacare contigerit, ac omnia alia & caetera Praemissa absque aliquo Nobis vel Haeredibus nostris pro Praemissis seu aliquo Praemissorum reddendo seu faciendo, & absque impetitione, molestatione, perturbatione seu inquietatione Nostri vel Haeredum nostrorum, Justiciariorum, Escaetorum, Vicecomitum aut aliorum Ballivorum seu Ministrorum nostrorum seu Haeredum nostrorum quorumcumque,
Et insuper, ex certa scientia & mero motu nostris praedictis, Concedimus, pro Nobis & Haeredibus nostris, quòd tàm praedictus Henricus Bangoriensis Episcopus & Assignati sui praedicti, quàm praefati Decanus & Capitulum & Successores sui praedicti, & eorum quilibet de dictis Mille & Viginti & una Libris septem solidis & undecim Denariis per Annum & qualibet inde Parcella pro Rata inde Nobis pertinentibus, pro tempore quo dictum Episcopatum Sarum ac tempore Mortis dicti Johannis nuper Episcopi ibidem vacare contigerit, pertinet, pertinebat aut pertinere debuerit, erga Nos & Haeredes nostros exonerentur & acquietentur per Praesentes; eo quod expressa mentio de vero Valore Annuo, sive Certitudine Praemissorum, seu eorum alicujus, aut de aliis Donis sive Concessionibus, eisdem Henrico Bangoriensi Episcopo & Assignatis suis ante haec tempora factis, in Praesentibus facta non existit, aut aliquo Statuto, Actu, Ordinatione, Provisione seu Restrictione quacumque ante haec tempora factâ editâ sive provisâ non obstante, & hoc absque Fine seu Feodo magno vel parvo inde ad Opus nostrum in Hanaperio nostro aliqualiter reddendis solvendis seu capiendis.
In cujus &c.
Teste Rege apud Westmonasterium, septimo die Decembris.
Per ipsum Regem. |
