|
| Syllabus Entry |
Foedera Text |
1498. Oct. 26. Commission to sir Richard Nanfan, deputy lieutenant of Calais, and five others, to receive the 25,000 francs due from Lewis K. of France on Nov. 1. Westm.
O. xii. 698. H. v. p. iv. 130. |
Pro Ludovico Franciae, de Recipiendo & Acquietando.
An. 14. H. 7. Franc. 14. H. 7. m. 27.
Rex omnibus, ad quos &c Salutem.
Cùm, Anno Domini Millesimo, Quadringentesimo, Nonagesimo secundo, inter Nos & Perhennis Memoriae Regis Karoli dudùm Callorum Principis Commissarios, Procuratores, Oratores, Deputatos, & Nuncios, inter caetera, Conventum, Concordatum, Appunctuatum, & Conclusum fuerit,
Quòd idem nuper Rex Karolus Solveret & Deliberaret, Solvive & Deliberari faceret Nobis & Haeredibus nostris, seu nostris Deputatis vel dictorum Haeredum nostrorum Deputato vel Deputatis, Summam Septingentarum Quadraginta & Quinque Millium Coronarum Auri,
Quam quidem Summam Septingentarum Quadraginta & Quinque Millium Coronarum Auri praefatus nuper Rex Karolus Confessus fuerit & declaraverit, Seque Haeredes atque Successores suos, per Literas suas Nomine suo subsignatas, Obligaverit, & pro se & dictis Haeredibus atque Successoribus suis Concensuit & Promisit, solvere & deliberare, solvive & deliberari facere Nobis & Haeredibus nostris, seu nostris Deputatis seu dictorum Haeredum nostrorum Deputato seu Deputatis, sub modo & formâ sequentibus; videlicet,
Quòd idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, nostrisve Deputatis seu dictorum Haeredum nostrorum Deputato vel Deputatis, in Villa nostra Calesii, Die Primo Mensis Maii extunc proximò sequente, Viginti & Quinque Millia Francorum in Coronis Auri unoquoque Franco valente Viginti Solidos Turonenses, secundùm Cursum & Aestimationem quam tunc habuerunt:
Et Primo Die Mensis Novembris tunc proximo sequente consimilia Viginti Quinque Millia Francorum in Coronis Auri in praedicta Villa nostra Calesii,
Et sic, de Anno in Annum, & de Termino in Terminum, idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, aut nostris seu dictorum Haeredum nostrorum Deputato vel Deputatis, Loco & Terminis antedictis, donec & quousqsue
dicto Summa Septingentarum Quadraginta & quinque Millium Coronarum Auri per ipsum nuper Regem Karolum Haeredes & Successores suos, Nobis & Haeredibus nostris, ut praedictum est, plenè & integrè Soluta & Contenta foret,
Prout in Literis Commissarlorum dicti Illustrissimi Prineipis Regis Caroli, plenam in ea parte ab eo Potestatem habentium, Datis apud Stapulas supra Mare, Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadeeimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboys Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Litteras ac omnia & singula Contenta in eisdem Illustrissimus Princeps Carissimus Frater & Consanguineus noster Rex Ludowicus Franciae, pro Se, Haeredibus, & Assignatis suis, Approbavit, Ratificavit, & Confirmavit,
Atque ad fidelem & debitam Solutionem & Residui & Restiti dictae Summae Septingentarum Quadraginta & Quinque Millium Coronarum Auri, Loco & Terminis in Literis dicti nuper Regis Caroli Praedecessoris sui specificatis, per Literas suas Patentes, Magno Sigillo suo munitas, & Manusuâ subscriptas, Datas Parisius quartadecimâ Die Mensis Julii, Anno Domini Millesimo, Quadringentesimo, Nonagesimo octavo, Se de Novo Haeredesque & Successores suos Astrinxit & Obligavit, prout in Literis suis desuper confectis pleniùs continetur.
Et quia Prima Dies Mensis Novembris, quae erit Duodecimus Terminus Solutionis antedictae, in qua Summa Viginti & Quinque Millium Francorum in Coronis Auri, in praedictâ Villâ nostrâ Calesii, ut praemittitur, solvi debeat (videlicer) Anno Domini Millesimo, Quadringentesimo, Nonagesimooctavo, propediem est ventura,
Hiuc est quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Ricardi Nanfan Militis Deputati Locumtenentis Villae nostrae Calesii, Johannis Turbervile Militis Thesaurarii ejusdem Villael, Antonii Broun Militis Constabularii Castri nostri ibidem, Adriani Whetehil Contrarotulatoris dictae Villae, Radulphi Lathom, & Francisci Marzen, quamplurimùm confidentes,
Ipsos nostros veros & indubitatos Commissarios, Procuratores, Factores, Negotiorum Gestores, Receptores, & Deputatos Facimus, Constituimus, Ordinamus, & Deputamus per Praesentes,
Dantes eisdem Quinque, Quatuor, aut Tribus eorumdem plenam, Tenote Praesentium, Potestatem & Auctoritatem, ac Mandatum speciale cum Commissariis, Procuratoribus, Deputatis, sive Nunciis dicti Illustrissimi Principis Fratris & Consanguinei nostri Regis Lodowici Franciae, apud dictam Villam nostram Calesii, Nomine nostro, Tractandi & Communicandi, & ab ipsis dictam Summam Viginti & Quinque Millium Francorum in Coronis Anri (unoquoque Franco Viginti Solidos Turonenses, ut praemittitur, valente) Nobis dicto Primo Die Novembris per ipsum Consanguineum nostrum Lodowicum Regem Franciae debitam & solvendam, Recipiendi, & eorum Solutiones Acceptandi, ipsumque Serenissimum Principem Lodowicum Consanguineum nostrum & dictam Summam Solventes de hujusmodi Receptis Acquietandi & Exonerandi, atque Literas suas Acquietantiae & Exonerationis eorumdem Conficiendi, ipsasque Literas atque nostras Acquietantiae & Exonerationis hujusmodi, Magno Sigillo nostro sigillatas, praefatis Commissariis, Procuratoribus, Deputatis sive Nunciis praedicti Fratris & Consanguinei nostri, Nomine nostro atque suo, Tradendi & Deliberandi,
Caeteraque Faciendi &c.
Promittentes &c.
In cujus &c.
Teste Rege apud Westmonasterium, vicesimo sexto Die Octobris.
Per ipsum Regem
|
Nov. 8. Receipt for the above-mentioned sum. Westm.
O. xii. 700. H. v. p. iv. 131. |
Pro dicto Ludovico Acquietantia.
An. 14. H. 7. Franc. 14. H. 7. m. 26.
Rex universis & singulis, ad quos &c. Salutem.
Sciatis Nos Recepisse & Habuisse, Die Confectionis Praesentium, ab Illustrissimo Carissimoque Fratre & Consanguineo nostro Rege Lodowico Gallorum Principe, per Manus apud Villam nostram Calesii, Viginti & quinque Millia Francorum in Coronis Auri (unoquoque Franco Viginti Solidos Turonenses valente) Nobis Primâ Die Mensis Novembris Anno Domini Millesimo, Quadringentesimo, Nonagesimo octavo solvo debitorum, quae erat Duodecimus Terminus pro Parte Solutionis Septingentarum Quadraginta & quinque Millium Coronarum Auri per, Perhennis Memoriae, Regem Carolum novissimè Defunctum Nobis debitarum & solvendarum, prout in Literis Commissariorum ejusdem Illustrissimi Principis Regis Caroli plenam in ea parte ab eo Potestatem habentium, Datis apud Stapulas supra Mare Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadecimâ Die Decembris extunc proximò sequente Confirmatis, necnon Literis suis superinde Obligatoriis, Datis apud Amboyse Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo plenissimè liquet,
Quas quidem Literas ac omnia & singula contenta in eisdem Illustrissimus Princeps Rex Lodowicus Consanguineus noster antedictus, pro Se, Haeredibus, & Assignatis suis, Approbavit, Ratificavit & Confirmavit,
Atque ad fidelem & debitam Solutionem & Satisfactionem Residui & Restiti dictae Summae Septingentarum Quadraginta & quinque Millium Coronarum Auri, Loco & Terminis in Literis dicti nuper Regis Caroli Praedecessoris sui specificatis, per Literas suas Patentes, Magno Sigillo suo munitas & Manu suâ subscriptas, Datas Parisius Quartadecimâ Die Mensis Julii, Anno Domini Millesimo, Quadringentesimo, Nonagesimo octavo, Se de novo Haeredesque & Successores suos Astrinxit & Obligavit,
Prout in Literis suis desuper confectis pleniùs continetur.
De quibus quidem Viginti & quinque Millibus Francorum in Coronis Auri Fatemur Nobis fideliter esse Solutum, & eundem Fratrem & Consanguineum nostrum Regem Lodowicum Haeredesq; suos superinde fore Quietos, & exinde plenè Exoneratos.
In cujus &c.
Teste Rege apud Westmonasterium, octavo Die Novembris.
Per ipsum Regem. |
Nov. 24. Power for Thomas bp. of London, and William Warham, keeper of the rolls of Chancery, to treat with the magistrates and commonalty of Riga for the redress of injuries. Westm.
O. xii. 700. H. v. p. iv. 131. |
De Concordia, cum Civitate Riga, ineunda.
An. 14. H. 7. Ibid. m. 25.
Rex omnibus, ad quos &c. Salutem.
Sciatis quòd Nos, pro Concordia & Pace decenti & honestâ concipiendâ, pertractandâ, & ineundâ,
De & super Differentiis, Litibus, & Discensionibus, occasione quarumdam praetensarum Ablationum & Depraedationum certarum Navium necnon Rerum & Personarum diversorumque Bonorum ad Civitatem Rigensem Nationis Theotonicae & ipsius Civitatis Cives, Mercatores, & Socios, ut praetenditur, pertinentium.
Inter Nobiles Progenitores nostros, Ligeos & Subditos hujus Regni nostri Angliae, & circumspectos commendabiles & providos Viros ejusdem Civitatis Archipraefectum, Proconsules, Consules, Seniores, & Communitates longè ante haec tempora exortis & adhuc pendentibus Indecisis,
De Fidelitatibus, providisque Circumspectionibus & Industriis, Praedilectorum & Fidelium Consiliariorum nostrorum, Reverendi in Christo patris Thomae Londoniensis Episcopi, & Magistri Willielmi Warham Legum Doctoris Custodis Rotulorum Cacellariae nostrae pleniùs confidentes,
Ipsos nostros veros & indubitatos Oratores, Commissarios, Procuratores, Ambassiatores, & Nuncios speciales, Facimus, Constituimus, Deputamus, Creamus, & Ordinamus per Praesentes,
Dantes & Concedentes eis plenam, Tenore praesentium, Potestatem & Auctoritatem, ac Mandatum generale &
speciale, pro Nobis & Nomine nostro, cum praefatis Archipraefecto, Proconsulibus, Consulibus, & Senioribus dictae Civitatis Rigensis, ac Communitate ejusdem, eorumve Procuratore vel Procuratoribus, Actorum, Factorum, & Negotiorum suorum Gestore aut Gestoribus, & Nuncio sive Nunciis, sufficientem Potestatem & Auctoritatem ab eisdem Archipraefecto, Proconsulibus, Consulibus, Senioribus, & Communitate ad hoc habente vel habentibus, de & super Praemissorum Navium Rerum & Bonorum praetensis Ablationibus & Depraedationibus, necnon de & super Excessibus, Litibus, Contraversiis, Discensionibus, Injuriis, & Dampnis, Praemissorum occasionibus, Communicandi, Tractandi, Concordandi, Paciscendi, & Transigendi,
Concordiam, Pactum, sive Transactionem Vallandi & Roborandi, & ex adverso Roborari videndi, & ad effectum Concordiae & Pacis intervenient, & non aliter Dicendi, Gerendi, Excercendi, & Procurandi,
Ac etiam ab eisdem Archipraefecto, Proconsulibus, Consulibus, Senioribus, & Communitate, eorumve Procuratore sive Procuratoribus, Actorum, Factorum, & Negotiorum suorum Gestore seu Gestoribus, ac Nuncio vel Nunciis praedictis, Literas Acquietantiae sive Acquietatorias ac alias Liberationes quascumque quarumcumq; Pecuniarum Summarum, Magistro Generali Prusiae, ac Archipraefecto, Proconsulibus, Consulibus, Senioribus, & Communitati praedictae Civitatis Rigensis, Civibusve aut Mercatoribus ejusdem, aut eorum alicui, per Nos aut Progenitores nostros praedictos praetensarum quovis modo debitarum, Nobis, Haeredibus, & Successoribus nostris fiendas & deliberandas, Nomine nostro, Petendi, Stipulandi, & Recipiendi,
Caeteraque omnia & singula Faciendi, Excercendi, & Expediendi quae in Praemissis vel eorum aliquo necessaria fuerint seu quomodolibet oportuna etiam si talia fuerint quae de se Mandatum exigant magis speciale, & quae Nosmetipsi faceremus vel facere possemus si praesentes personaliter interessemus,
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid per dictos Oratores, Commissarios, Procuratores, Ambassiatores, & Nuncios nostros Communicatum, Tractatum, Concordatum, Pactum, Transfactum, & Procuratum fuerit in Praemissis, seu aliquo Praemissorum.
In cujus &c.
Teste Rege apud Westmonasterium, vicesimo quarto die Novembris.
Per ipsum Regem. |
Confirmation of a treaty for mercantile intercourse with Riga dated Westm., 26 Nov. 1498. Westm.
O. xii. 791. H. v. p. iv. 132. |
Appunctuamentorum, super Amicitia perpetua, cum Archipraefecto & Civibus Rigensibus, Confirmatio.
An. 14. H. 7. Franc. 14. H. 7. m. 21.
Rex omnibus, ad quos &c. Salutem.
Inspeximus quaedam Appunctuamenta, Conventiones, Concordias, & Conclusiones Pacis, Amicitiarum, ac Mercium Intercursûs, per Terram, Mare, & Aquas dulces & ubique Locorum,
Inter Reverendum in Christo Patrem Dominum Thomam Londoniensem Episcopum, & Magistrum Willielmum Warham Legum Doctorem Magistrum sive Custodem Rotulorum Cancellariae nostrae, nostros Commissarios speciales, pro Nobis, Regno, Terris, Patriis, Subditis, & Vassallis nostris, Auctoritate sufficienter a Nobis munitos, ex Parte una, & Venerabilem Virum Magistrum Johannem Prange in Decretis Bacularium, Commissarium, Oratorem, Procuratorem, ac Nuncium specialem Archipraefecti, Proconsulum, Consulum, Burgimagistrorum, & Seniorum totius Communitatis Civitatis Rigensis in Livonia, ac Communitatum, Civium, Mercatorum, & Sociorum ejusdem Civitatis, necnon aliorum Locorum eidem Civitati subjectorum & cohaerentium, & pro ipsis Archipraefecto, Proconsulibus, Consulibus, Burgomagistris, Magistris, & Senioribus totius Communitatis Civitatis praedictae, ac Communitatum, Civium, Mercatorum, & Sociorum ejusdem Civitatis & Locorum supradictorum, ex Parte altera, hincinde Appunctuata, Conventa, Concordata, & Conclusa, sub eo qui sequitur Tenore Verborum,
Universis Et Singulis, praesentes Literas visuris, audituris, & inspecturis, Venerabilis Vir Magister Johannes Prange in Decretis Bacularius, Commissarius,
Orator, Procurator ac Nuncius specialis Archipraefecti, Proconsulum, Consulum, Burgimagistrorum & Seniorum totius Communitatis Civitatis Rigensis in Livonia, ac Civitatum, Civium, Mercatorum & Sociorum ejusdem Civitatis, necnon aliorum Locorum eidem Civitati Subjectorum & Cohaerentium Salutem.
Notum Facio per Praesentes, quòd ego Johannes Prange antedictus, pro Bono Pacis & Utilitate dictorum Archipraefecti, Burgimagistrorum, Proconsulum & Consulum, Civitatum, Mercatorum, Civium, Sociorum & Incholarum praefatae Civitatis Rigensis ac aliorum Locorum supradictorum, necnon Subditorum, Ligeorum, Mercatorum Serenissimi ac Metuendissimi Principis & Domini Henrici Septimi Regis Angliae & Franciae & Domini Hiberniae & ejus Regni, pro dictis Archipraefecto, Proconsulibus, Consulibus, Burgimagistris, Communitatibus, Mercatoribus, Civibus, Sociis & Incolis praefatae Civitatis ac aliis Locis praedictis, & pro ipsis Haeredibus & Successoribus suis, atque eorum Nominibus, & ab eisdem sufficienter in hac parte Procuratorium & Commissionem habens (quod quidem Procuratorium sive Commissio Praesentibus est annexum) cum Reverendo in Christo Patre Domino Thoma Londoniensi Episcopo, & Magistro Willielmo Warham Legum Doctore Magistro sive Custode Rotulorum Cancellariae dicti Domini Regis, Commissariis, Oratoribus, Ambassiatoribus, Procuratoribus & Nunciis specialibus ejusdem Illustrissimi Domini Regis & ab eodem Domino Rege sufficientem Potestatem habentibus, omnia & singula Capitula, modo & formâ subscriptis, Conveni, Contraxi & Conclusi, ac per Praesentes Convenio, Contraho & Concludo, & Ipsi Mecum Convenerunt, Contraxerunt & Concluserunt, ac per Praesentes Conveniunt, Contrahunt & Concludunt.
In Primis, Conventum, Concordatum & Conclusum est quòd, de caetero, inter Subditos, Ligeos & Vassallos dicti Serenissimi Regis Angliae, & omnes & singulos Homines Incholas & Mercatores dictae Civitatis Rigensis, ac aliorum Locorum eidem civitati Subjectorum sive Cohaerentium, tàm per Terram quàm per Mare & Aquas dulces ac ubique Locorum, sit bona vera integra & perfecta Pax & Amicitia, perpetuis futuris temporibus duratura.
Item, Conventum, Concordatum & Conclusum est quòd, durante Pace & Amicitiâ antedictis, licebit omnibus & singulis Subjectis ac Mercatoribus dicti Serenissimi Regis Angliae ad dictam Civitatem Rigensem, ac ad omnia alia Loca eidem Civitati subjecta aut Cohaerentia, cum & sine Bonis, Rebus, Mercibus, ac aliis Commoditatibus de & in Terris Dominiis ac Patriis Regni Angliae provenientibus & crescentibus, liberè, quietè ac sine Molestatione quacumque cum & sine Navibus suis venire, morari, ibidemque cum omnibus & singulis Mercatoribus ejusdem Civitatis ac aliis quibuscumque in eâdem Civitate, aut in aliis Locis eidem Civitati subjectis, aut cohaerentibus Emere & Vendere, ac Bona sic Empta ac alia sua Bona quaecumque ad quaecumque alia Loca, tàm per Terram, quàm per Mare & Aquas dulces, liberè & impunè Traducere & Exportare:
Et dicti Mercatores Angliae, pro Bonis Rebus & Mercibus praedictis, per eos in dictam Civitatem ac alia Loca eidem Civitati subjecta sive cohaerentia ac in aliquos Portus ejusdem Civitatis aut eorum Locorum Trahiciendis & Inducendis ac Exportandis Evehendis & Traducendis, a Solutione omnium & singulorum Vectigalium Pedagii Augariagiae aut Custumarum praestatione quacumque perpetuis futuris temporibus Liberi erunt & Quieti:
Et è contra licebit omnibus & singulis Mercatoribus dictae Civitatis Rigensis ad dictum Regnum Angliae, cum Bonis Rebus & Mercibus ac aliis Commoditatibus, de & in Terris Dominiis ac Patriis ejusdem Civitatis ac aliorum Locorum eidem Civitati subjectorum provenientibus & crescentibus, & non aliis, liberè quietè & sine molestatione quacumque, cum & sine Navibus suis, Venire, Morari, ibidemque cum omnibus & singulis Mercatoribus Regni Angliae Emere & Vendere, ac Bona sic Empta ac alia Bona sua quaecumque ad quaecumque alia Loca, tàm per Terram quàm per Mare & Aquas dulces, libere & impunè Traducere & Exportare; Solvendo tamen pro hujusmodi Bonis, Rebus & Mercibus dictae Civitatis ac aliorum Locorum praedictorum, in aliquos Portus Regni Angliae Trahiciendis & inducendis, Vectigalia, Pedagia, Augariagias ac Custumas qualia Mercatores Hanzae Thetonicae solvere teneantur; pro aliis verò Bonis, Rebus & Mercibus suis quibuscumque, secundùm Jura, Consuetudines & Statuta Regni Angliae in idem Regnum Inducendis, & ab eodem Regno Exportandis, Vectigalia, Pedagia, Augarias & Custumas
solvent, qualia alii Mercatores Extranei & Alienigenae solvunt & solvere tenentur.
Item, Conventum, Concordatum & Conclusum est quòd omnis Literarum Obligatio aut alia publica aut privata Scriptura quarumcumque Pecuniarum summarum, & praesertim quaedam praetensa Obligatio de Dicto Anno Domini Millesimo, Quadringentesimo nono, Decimo Die Mensis Octobris, Anno verò Regni nostri Undecimo, & extendit se ad Summam Decem Millium Nobilium, Sexcenta, Triginta & Septem Nobilia, puri Auri & justi Ponderis, Monetae nostrae Anglicanae, ac Duorum Solidorum & Denariorum Sterlingorum, ac omnes aliae similes Scripturae cujuscumque sint Tenoris & Effectûs, ac Promissa & Pollicitationes, quibus Serenissimus Rex Angliae antedictus aut sui Nobilissimi Progenitores, aut alii Mercatores vel Subditi Regni Angliae per Magistros generales Pruciae aut Cruciferos sive Rutenos aut Communitatem vel Mercatores quoscumque Civitatis aut aliorum Locorum praedictorum seu eorum Haeredes, Successores aut Assignatos vel alios quoscumque Onerari aut quovis modo Gravari possint, Tenore Praesentium pro Cassis Nullis & Irritis perpetuis futuris temporibus habeantur & censeantur; & ego Johannes Prange, Orator antedictus, Tenore Praesentium, pro perpetuo Casso Irrito & Adnichillo, & omni Beneficio ejusdem, Nominibus quibus supra, in vim Pacti, in hiis Scriptis Renuncio.
Item, Magister Johannes Prange Orator antedictus, Nomine Archipraefecti, Proconsulum, Consulum ac aliorum Communitatis ac Mercatorum ejusdem Civitatis & Locorum praedictorum & eorum Nominibus, Nobis, Oratoribus dicti Domini Regis & pro eodem Rege & ejus Nomine Stipulantibus, Promisit & Tenore Praesentium Promittit quòd dictam Obligationem Originalem de Data ac Summa praedicta Johanni Wilshire Magistro Societatis Mercatorum Angliae, in Opido Andewarpensi aut Burgensi, aut caeteris Locis infra Terras, Patrias & Dominia Archiducis Austriae Residentium, aut alteri ejus in loco interim surrogando in hac parte sufficienti Auctoritate, infra Quatuor Menses proximò & immediatè sequentes post Datam Praesentium, in dicto opido Andewarpensi, Tradet & Deliberabit seu Tradi aut Deliberari faciet; quod si non fecerit, omnia singula Capitula praesentis Tractatûs, quatenus dictos Mercatores Incholas & Subjectos Civitatis & Locorum praedictorum concernunt, pro non Conclusis ipso facto habeantur & censeantur.
Item, Conventum, Concordatum & Conclusum est quòd dictus Serenissimus Rex, pro Se Haeredibus & Successoribus suis, omnia & singula Capitula praesentis Tractatûs, quatenus Se Haeredes & Successores suos concernunt aut concernent, Literas suas Patentes, Magno Sigillo suo sigillatas, infra Quinque Menses proximò & immediatè sequentes post Datam Praesentium, Commissario, Oratori, Procuratori dictae Civitatis Rigensis ac aliorum Locorum praedictorum, in hac parte sufficienter auctorizato, in Villa sua Calesii Tradet & Deliberabit aut Tradi & Deliberari faciet & Mandabit:
Et dicti Archipr aefectus, Proconsules, Consules & Burgimagistri Literas suas, sub Sigillo Communi dictae Civitatis Rigensis omnium & singulorum Capitulorum praesentis Tractatûs Ratificatorias & Confirmatorias, quatenus Se aut dictam Civitatem & Loca praedicta ac Communitatem Incholas Mercatores eorumdem Civitatis & Locorum eorum Haeredes aut Successores universales aut singulares concernunt aut concernent, infra Quinque Menses proximò & immediate sequentes post Datam praesentium, Commissario aut Commissariis dicti Serenissimi Regis, in hac Parte sufficienter Auctorizatis, in dicta Villa Calesii, cum effectu Tradent & Deliberabunt aut Tradi & Deliberari facient.
In quorum omnium & singulorum Praemissorum Testimonium atque Fidem Praesentibus ego praefatus Johannes Prange Orator antedictus Sigillum meum apposui, ac Nomen & Cognomen meum Manu meâ propriâ scripsi.
Dat. apud Westm. vicesimo Sexto Die Mensis Novembris, Anno Domini Millesimo, Quadringentesimo, Nonagesimo octavo.
Nos autem Henricus Rex antedictus, omnia suprascripta Capitula, Appunctuamenta, Conventiones, Concordiam & Conclusiones Ore Regio Roboramus & Ratificamus ac Tenore Praesentium Confirmamus;
Promittentes, bonâ Fide & in Verbo Regio, quòd Nos ea omnia & singula, quantum ad Nos attinet, realiter & cum effectu Observabimus & Exeque-
mur, ac Exequi & Observari faciemus, juxta vim, formam, & effectum eorumdem.
In quorum omnium & singulorum Praemissorum Fidem & Testimonium has Literas nostras Patentes, Manu nostrâ subscriptas Magni Sigilli nostri appensione fecimus communiri.
Dat. apud Palatium nostrum Westm. Anno Domini secundùm Computationem Ecclesiae Anglicanae Millesimo, Quadringentesimo, Nonagesimo octavo, & Regni nostri Quartodecimo. |
Dec. 1. Grant to Silvester de Giglys, archpriest of Lucca, the K.'s solicitor at Rome, of the custody of the temporalities of the see of Worcester, void by the death of John the late bp. Westm.
O. xii. 704. H. v. p. iv. 133. |
Pro Silvestro de Giglys, de Custodia Temporalium.
An. 14. H. 7. Pat. 14. H. 7. p. 1. m. 17.
Rex omnibus, ad quos &c. Salutem.
Sciatis quòd Nos, certis de Causis nos specialiter moventibus, de Gratia nostra speciali ac excerta scientia & mero Motu nostris, Dedimus & Concessimus ac per Praesentes Damus & Concedimus Praedilecto & Fideli Consiliario nostro Silvestro de Giglys Archipresbitero Lucensi Causarum nostrarum in Curia Romana Solicitatori Custodiam omnium Temporalium Episcopatûs Wygorniensis cum pertinentiis, ac omnimodos Exitus Proficuorum, Reddituum, Firmarum, Reventionum & Emolumentorum omnium & singulorum Dominiorum, Maneriorum, Terrarum, Tenementorum, Hundredorum, Reddituum, Possessionum Temporalium, quorumcumque Feodorum, Militum ac Wardorum Maritagiorum, Releviorum, Heriettorum, Escaetorum, Servitiorum, Feriarum, Mercatorum, Tolnetarum, Custumarum, Curiarum Laet. Vis. Franciplegiorum, Advocationum Ecclesiarum, Capellarum, Cantariarum, Abbatiarum, Prioratuum, Ecclesiarum Collegiatarum, Decanatuum, Archidiaconatuum, Praebendarum, Praepositurarum, Hospitalium ac aliorum Beneficiorum Ecclesiasticorum quorumcumque, & cum omnibus aliis Juribus, Commoditatibus & Emolumentis quibuscumque infra Regnum nostrum Angliae aut Walliae & Marchias Walliae Episcopatui Wygorniensi quoquo modo pertinentibus sive spectantibus, quae ad Manus nostras ratione ultimae Vacationis ejusdem per & post Mortem bonae Memoriae Johannis ultimi Episcopi Loci praedicti devenerunt aut devenire debuerunt aut in Manibus nostris existunt,
Habendam & Tenedam Custodiam praedictam, ac etiam Retinendo & Percipiendo omnia Exitus, Proficua, Redditus, Firmas, Reventiones & Emolumenta praedicta, ac caetera Praemissa eidem Silvestro Assignatis & Executoribus suis a tempore Mortis praefati Johannis nuper Episcopi hucusque & exnunc, quamdiu Temporalia illa ac caetera Praemissa in Manibus nostris contigerint remanere, tàm per Manus suas & Ministrorum suorum proprias, quàm per Manus omnium & singulorum Escaetorum seu Ministrorum nostrorum, in Comitatibus & Marchiis illis ubi Praemissa seu aliquod Praemissorum separatim existunt vel existit, liberè & quietè, absque Compoto, Responso seu aliquo alio Nobis pro Praemissis seu aliquo Praemissorum reddendo, solvendo seu faciendo quovis modo,
Et ulterius Concedimus praefato Silvestro plenariam Potestatem, Tenore Praesentium, omnia hujusmodi Ecclesias, Collegiatas, Cantarias, Abbatias, Prioratus, Ecclesias Collegiatas, Praeposituras, Decanatus, Archidiaconatus, Praebendas, Hospitalia & alia Beneficia Ecclesiastica quaecumque Nobis ratione Vacationis praedictae pertinentia cuicumque sibi placuerit, cùm & quotiens vacaverint seu aliquod eorum vacaverit, ad libitum suum, Concedendi, Conferendi, Praesentandi sive Donandi, ac etiam Auctoritatem & Potestatem faciendi sive Donandi omnimodos senescallos, Receptores, Ballivos, Firmarios & alios Officiarios, Ministros sive Occupatores, & Officia quaecumque Episcopatui praedicto pertinentia cujcumque sibi placuerit, & hujusmodi Officiarios sive Officia ad libitum suum praedictum Expellendi & Amovendi ac Revocandi, prout Nos faceremus si praesens Concessio nostra facta non fuisset, absque impedimento, molestatione, calumpnia, perturbatione seu gravamine Nostri vel Haeredum nostrorum Justiciariorum, Escaetorum, Ballivorum, Vicecomitum, vel aliorum Officiariorum seu Ministrorum nostrorum quorumcumque; eo quòd expressa mentio de vero Valore Annuo seu aliquo alio valore sive Certudine Praemissorum sive alicujus Praemissorum aut de aliis Donis sive Concessionibus, eidem Silvestro, per Nos ante haec tempora factis, in Praesentibus minimè facta existit, aut ali-
quo Statuto, Actu, Ordinatione sive Restrictione in contrarium ante haec tempora facto, edito, ordinato sive proviso, aut aliquâ aliâ Re Causâ vel Materiâ quacumque in aliquo non obstante.
In cujus &c.
Teste Rege apud Westmonasterium, Primo die Decembris.
Per Breve de Privato Sigillo. |
Dec. 12. Power for sir James Tyrell, captain of Guisnes, and Robert Middleton, dean of Leicester, to treat with the ambassadors of Maximilian K. of the Romans concerning the alliance with him. Westm.
O. xii. 705. H. v. p. iv. 133. |
De Tractando cum Rege Romanorum.
An. 14. H. 7. Franc. 14. H. 7. m. 27.
Rex omnibus, ad quos &c. Salutem.
Sciatis quòd Nos,
De Fidelitate Industria providaque Circumspectione, Dilectorum & Fidelium Consiliariorum nostrorum, Jacobi Tyrell Militis Capitanei nostri de Guisnes, & Roberti Middleton Legum Doctoris Capellani nostri Decani Ecclesiae Collegiatae Leycestriae, plenissimè confidentes,
Ipsos nostros veros & indubitatos Oratores, Commissarios, Procuratores, Deputatos & Nuncios speciales Assignamus, Ordinamus, Constituimus & Deputamus per praesentes,
Dantes & Concedentes eis plenam, Tenore Praesentium, Potestatem & Auctoritatem atque Mandatum generale & speciale cum Sacratissimo Illustrissimoque Principe Fratre atque Consanguineo nostro Carissimo Maximiliano Romanorum Rege, seu ejus Oratoribus, Procuratoribus, Deputatis sive Nunciis, Oratore, Procuratore, Deputato sive Nuncio sufficientem Potestatem & Auctoritatem ab eodem Sacratissimo Principe ad hoc habente vel habentibus, de & super omnibus & singulis Capitulis & Articulis, Honorem, Utilitatem, Pacem mutuamque amicitiam utriusque nostrûm praedictorum Principum, atque Regnorum, Dominiorum, Terrarum & Patriarum, necnon Subditorum nostrorum hincinde concernentibus, Tractandi, Conveniendi, Communicandi, Concordandi, Appunctuandi ac plenè & integrè Determinandi & finaliter Concludendi, prout eis melius visum fuerit & oportunum,
Omniaque & singula, quae inter eos Tractata, Conventa, Concordata, Appunctuata & Conclusa fuerint, Roborandi, Firmandi, Componendi & Assecurandi,
Necnon de & super hujusmodi Appunctuatis & Conclusis, caeterisque omnibus & singulis, Capitula & Articulos praedicta qualitercumque Concernentibus, quae cum praefato Sacratissimo Principe, seu ejus Oratoribus, Procuratoribus, Deputatis sive Nunciis antedictis Conventa, Appunctuata, Concordata & Conclusa fuerint, Literas validas & efficaces pro Parte nostra Tradendi & Deliberandi, Literasque alias consimilis effectûs & vigoris ex altera Parte Petendi, Exigendi & Recipiendi,
Et generaliter omnia Praemissa & Praemissorum singula eaque qualitercumque Concernentia Faciendi, Exequendi, Excercendi & Expediendi, ita & eodem modo sicut Nosipsi faceremus seu facere possemus si in propria Persona nostra interessemus, etiam si talia sint quae de sui natura Mandatum de se magis exigant speciale;
Promittentes bonâ Fide, &c.
In cujus &c.
Teste Rege apud Westmonasterium, duodecimo die Decembris.
Per ipsum Regem. |
Dec. 14. Agreement between the K. of England and the K. of the Romans for the surrender of each others rebels. Westm.
O. xii. 705. H. v. p. iv. 133. |
Appunctuamentum cum dicto Rege de non Receptando Rebelles.
An. 14. H. 7. Ibid.
Rex, universis & singulis, praesentes Literas inspecturis, Salutem.
Sciatis quòd inter Nos & Sacratissimum Illustrissimumque Principem Fratrem & Consanguineum nostrum Carissimum Maximilianum Romanorum Regem Conventum, Concordatum, Appunctuatum & Conclusum est, quòd Neuter nostrûm praedictorum Regum quovismodo Receptabit, nec a Subditis suis eorum alter Receptari permittet, aliquos Rebelles sive Proditores de Crimine Laesae Magestatis suspectos, aut transfugas ex Subditis alterius Nostrûm, scelestam Factionem contra alterum Nostrûm machinantes,
Nec hujusmodi Rebellibus sive Proditoribus, Rebelli sive Proditori, qui in aliquem Locum Obedientiae nostrae seu alterius Nostrûm declinaverint seu declinaverit, quoquo modo dabit seu praestabit Consilium, Auxilium, Favorem, Subsidium, aut Assistentiam, set Eum aut Eos, infra Viginti Dies posteaquam per Literas alterius Nostrûm, cujus hujusmodi Rebelles aut Rebellis, Subditi aut Subditus extiterint sive extiterit, alter ex Nobis requisitus fuerit, Eum vel Eos Literarum hujusmodi Requisitionis Latori, aut alii in hujusmodi Literis Nominato sive Deputato, Tradet, Restituet, & Deliberabit, Tradive, Restitui, & Deliberari faciet.
In cujus &c.
Teste Rege apud Westmonasterium, decimo quarto die Decembris.
Per ipsum Regem. |
Dec. 17. Restitution of the temporalities to John Malverne, abbot of S. Peter's, Gloucester. Westm.
O. xii. 706. H. v. p. iv. 133. |
De Restitutione Temporalium.
An. 14. H. 7. Pat. 14. H. 7. p. 3. m. 17.
Rex Escaetori suo in Comitatu Suthamptoniae, Salutem.
Cùm Reverendissimus in Christo Pater J. eadem gratiâ, Cardinalis Archiepiscopus Cantuariensis totius Angliae Primas & Apostolicae Sedis Legatus,
Ad quem omnis & omnimoda Jurisdictio Spiritualis & Ecclesiastica, quae ad Episcopum Wigorniensem pertinuit, Sede plenâ, ipsâ Sede jam Vacante, notoriè dinoscitur pertinere,
Electionem, nuper factam in Ecclesia sive Monasterio Sancti Petri Gloucestriae, Ordinis Sancti Benedicti, dictae Wigorniensis Dioecesis, de Religioso Viro Dompno Johanne Malverne Commonacho & Confratre ejusdem Monasterii in Abbatem & Pastorem Loci illius (cui prius Regium Assensum adhibuimus & Favorem) confirmaverit, sicut per Literas Patentes ipsius Reverendissimi Patris, Nobis inde directas, Nobis constat,
Nos, Confirmationem illam acceptantes Cepimus Fidelitatem ipsius Abbatis, & Temporalia Abbatiae illius, prout moris est, Restituimus eidem;
Et ideò Tibi Praecipimus quòd eidem Abbati Temporalia praedicta, cum Pertinentiis, in Balliva tua, Liberes in forma praedicta; salvo Jure cujuslibet.
Teste Rege apud Westmonasterium, decimo septimo die Decembris.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Glouc. ac Marchiis Walliae eidem Comitatui adjacentibus.
Ac Dilecto sibi Majori Villae suae Gloucestriae ac Escaetori suo in eadem Villa.
Escaetori Regis in Com. Hereford. ac Marchiis Walliae eidem Comitatui adjacentibus,
Escaetori Regis in Com. Salop. ac Marchiis Walliae eidem Comitatui adjacentibus,
Escaetori Regis in Com. Wiltes.
Escaetori Regis in Com. Warr.
Et Mandatum est Militibus, Liberis Hominibus, &c. |
