Rymer's Foedera with Syllabus: 1501

Rymer's Foedera Volume 12. Originally published by Apud Joannem Neulme, London, 1739-1745.

This free content was digitised by double rekeying. All rights reserved.

Citation:

'Rymer's Foedera with Syllabus: 1501', in Rymer's Foedera Volume 12, ed. Thomas Rymer( London, 1739-1745), British History Online https://prod.british-history.ac.uk/rymer-foedera/vol12/pp771-785 [accessed 28 November 2024].

'Rymer's Foedera with Syllabus: 1501', in Rymer's Foedera Volume 12. Edited by Thomas Rymer( London, 1739-1745), British History Online, accessed November 28, 2024, https://prod.british-history.ac.uk/rymer-foedera/vol12/pp771-785.

"Rymer's Foedera with Syllabus: 1501". Rymer's Foedera Volume 12. Ed. Thomas Rymer(London, 1739-1745), , British History Online. Web. 28 November 2024. https://prod.british-history.ac.uk/rymer-foedera/vol12/pp771-785.

1501

Syllabus Entry Foedera Text
1501. Jan. 9. Congé d'élire to the prior and convent of Christchurch, Canterbury, on the death of John Morton, late cardinal archbp. Woodstock.
O. xii. 771. H. v. p. iv. 159.		 De Licentia Eligendi.
An. 16. H. 7. Ibid. m. 11.
Rex, Dilectis sibi in Christo, Priori Ecclesiae Christi Cantuariensis & ejusdem Loci Conventui, Salutem.
Ex Parte vestra Nobis est humiliter supplicatum ut, cùm Ecclesia vestra praedicta, per Mortem, Recolendae Memoriae, Domini Johannis Morton Cardinalis dudum Cantuariensis Archiepiscopi, sit Pastoris solatio destituta, Vobis alium Eligendi in Pontificem & Pastorem Licentiam concedere dignaremur,
Nos, Precibus vestris in hac parte favorabiliter inclinati, Licentiam hujusmodi duximus concedendam;
Mandantes quòd talem vobis eligatis in Pontificem & Pastorem, qui Deo Devotus, Ecclesiae vestrae Necessarius, Nobisque & Regno nostro Utilis & Fidelis existat.
In cujus &c.
Teste Rege apud Wodstok, nono Die Januarii.
Per Breve de Privato Sigillo.
April 24. Restitution of the temporalities to Richard Nikke, bp. of Norwich, late dean of the chapel royal, vice Thomas late bp., deceased. Westm.
O. xii. 771. H. v. p. iv. 159.		 De Restitutionibus Temporalium.
An. 16. H. 7. Ibid. m. 2.
Rex Escaetori suo in Comitatibus Norffolciae, & Suffolciae, Salutem.
Cùm Dominus Summus Pontifex nuper, Vacante Ecclesiâ Cathedrali Norwicensi, per Obitum, bonae memoriae, Thomae nuper Episcopi Norwicensis, Dilectum Nobis Ricardum Nikke Clericum, nuper Decanum Capellae nostrae, eidem Ecclesiae Norwicensi Auctoritate Apostolicâ providerit, ipsumque illi praefecerit in Episcopum & Pastorem, sicut per Literas Bullatas ipsius Domini Summi Pontificis, Nobis inde directas, nobis constat,
Nos,
Pro eo quòd idem Episcopus omnibus & singulis verbis, in praedictis Literis Bullatis contentis, Nobis & Coronae nostrae Praejudicialibus, coram Nobis palàm & expressè Renunciavit, & Gratiae nostrae humiliter Se Submisit, Volentes cum eo in hac parte agere gratiosè,
Cepimus Fidelitatem ipsius Episcopi, Nobis pro Temporalibus Episcopatûs praedicti in Manibus nostris ratione Vacationis praedictae existentibus debitam, & Temoralia illa, cum pertinentiis, prout moris est, Restituimus eidem;
Et ideò Tibi Praecipimus quòd eidem Episcopo Temporalia praedicta, cum pertinentiis, in Balliva tua, sine dilatione, Liberes in forma praedicta; salvo Jure cujuslibet.
Teste Rege apud Westmonasterium, vicesimo quarto die Aprilis.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Midd.
Escaetori Regis in Com. Essex.
Dilecto Regis Majori Civitatis suae Norwici ac Escaetori suo in eadem Civitate.
Et Mandatum est Militibus, &c.
April 29. Restitution of the temporalities to Thomas archbp. of York, translated from London, vice Thomas late archbp., deceased. Westm.
O. xii. 771. H. v. p. iv. 159.		 De Restitutionibus Temporalium Eborum.
An. 16. H. 7. Ibid. m. 1.
Rex Escaetori suo in Comitatu Eborum, Salutem.
Cùm Dominus Summus Pontifex nuper, vacante Ecclesiâ Cathedrali Eborum per Mortem, bonae Memoriae, Thomae ultimi Archiepiscopi ejusdem Ecclesiae, Venerabilem Fratrem Thomam nuper Episcopum Londoniensem a vinculo, quo eidem Ecclesiae Londoniensi, cui tunc praeerat, tenebatur, Absolverit, & ipsum ad dictam Ecclesiam Eborum transtulerit, Ipsumque in Archiepiscopum dictae Ecclesiae Eborum praefecerit & Pastorem, sicut per Literas Bullatas ipsius Domini Summi Pontificis Nobis inde directas, Nobis constat,
Nos,
Pro eo quod idem Archiepiscopus, sic ad dictam Ecclesiam Eborum Translatus, omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter Se Submisit, volentes cum eo in hac parte agere gratiosè,
Cepimus Fidelitatem ipsius Archiepiscopi, sic ad eandem Ecclesiam Eborum Translati, & Temporalia Archiepiscopatûs illius, prout moris est, Restituimus eidem;
Et ideò Tibi Praecipimus quòd eidem Archiepiscopo, sic ad eandem Ecclesiam Eborum Translato, Temporalia praedicta, cum pertinentiis, in Balliva tua, sine Dilatione, Liberes in forma praedicta; salvo Jure cujuslibet.
Teste Rege apud Westmonasterium, vicesimo nono Die Aprilis.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Notyngh.
Escaetori Regis in Com. Lincoln.
Escaetori Regis in Com. Midd.
Escaetori Regis in Com. Northumbr.
Escaetori Regis in Com. Glouc. ac Marchiis Walliae eidem Comitatui adjacentibus.
Dilecto Regis Majori Civitatis suae Eborum ac Escaetori suo in eadem Civitate.
Dilecto Regis Majori Villae suae de Kyngeston super Hull ac Escaetori suo in eadem Villa.
Et Mandatum est Militibus, &c.
May 9. Safe conduct for Robert archbp. of Glasgow, Patrick earl of Bothwell, warden of the west marches, and chief admiral, and Andrew Forman, prior of Mayo, Scotch ambassadors. Westm.
O. xii. 772. H. v. p. iv. 159.		 Pro Ambassiatoribus Scotiae.
An. 16. H. 7. Scot. 16. H. 7. m. 3.
Rex universis & singulis Admirallis, &c. Salutem.
Sciatis quòd, de Gratia nostra speciali, ac de avisamento & assensu Concilii nostri, suscepimus in salvum & securum Conductum nostrum, ac in Protectionem, Tuitionem, & Defensionem nostras speciales, Venerabilem in Christo Patrem Robertum Archiepiscopum Glasguensem, ac Nobiles & Spectabiles Viros, Patricium Comitem de Bothvile Gardianum Marchiarum Occidentalium Regni Scotiae versus Angliam & Magnum Admirallum Scotiae, & Andream Forman Prothonotarium Apostolicum ac Priorem de Mayo, Consiliarios & Oratores Illustrissimi Principis Jacobi Scotorum Regis Fratris & Consanguinei nostri Carissimi, in hoc Regnum nostrum Angliae, ac alia Loca Nobis subjecta quaecunque, cum Centum Personis & totidem Equis in Comitiva sua vel infra, ac cum Bonis, Rebus, Jocalibus, Literis, &c. prout in similibus de Conductu Literis.
In cujus &c. per Octo Menses proximo futuros duraturas.
Teste Rege apud Westmonasterium, nono die Maii.
Per ipsum Regem.
Aug. 2. Restitution of the temporalities to Henry archbp. of Canterbury, translated from Salisbury, vice cardinal John late archbp., deceased. Westm.
O. xii. 772. H. v. p. iv. 160.		 De Restitutionibus Temporalium Cantuarien.
An. 16. H. 7. Pat. 16. H. 7. p. 1. m. 1.
Rex Escaetori suo in Comitatu Kantiae, Salutem.
Cùm Dominus Summus Pontifex nuper, vacante Ecclesiâ Cathedrali Cantuariensi, per Mortem, bonae Memoriae, Johannis Cardinalis ultimi Archiepiscopi ejusdem Ecclesiae, Venerabilem Patrem Henricum nuper Episcopum Sarum a Vinculo, quo eidem Ecclesiae Sarum tenebatur, absolverit, & ipsum ad dictam Ecclesiam Cantuariensem transtulerit, ipsumque in Archiepiscopum dictae Ecclesiae Cantuariensis praefecerit & Pastorem, sicut per Literas Bullatas ipsius Domini Summi Pontificis, Nobis inde directas, Nobis constat,
Nos,
Pro eo quòd idem Henricus, sic ad dictam Ecclesiam Cantuariensem Translatus, omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè renunciavit, & Gratiae nostrae humiliter se submisit, volentes cum eo in hac parte agere gratiosè,
Cepimus Fidelitatem ipsius Henrici, sic ad eande Ecclesiam Cantuariensem Translati, & Temporalia Archiepiscopatûs illius, prout moris est, Restituimus eidem;
Et ideò Tibi Praecipimus quòd eidem Henrico, sic ad eandem Ecclesiam Cantuariensem Translato, Temporalia praedicta, cum Pertinentiis, in Balliva tua, sine dilatione, Liberes in forma praedicta; salvo Jure cujuslibet.
Teste Rege apud Westmonasterium, secundo die Augusti.
Per Breve de Privato Sigillo.
Consimilia Brevia diriguntur Escaetoriribus subscriptis, in Comitatibus subscriptis, sub eadem Data; videlicet,
Escaetori Regis in Com. Eborum.
Escaetori Regis in Com. Buk.
Escaetori Regis in Com. Essex. & Hertf.
Escaetori Regis in Com. Norff. & Suff.
Escaetori Regis in Com. Oxon. & Berk.
Escaetori Regis in Com. Surr. & Sussex.
Dilecto Regis Majori Civitatis suae Londoniae ac Escaetori suo in eadem Civitate.
Et Mandatum est Militibus, &c.
Aug. 7. Grant to Henry archbp. of Canterbury of the temporalities during the vacancy. Lantony.
O. xii. 773. H. v. p. iv. 160.		 Pro Henrico Archiepiscopo Cantuariensi.
An. 16. H. 7. Pat. 16. H. 7. p. 2. m. 9.
Rex omnibus, ad quos &c. Salutem.
Sciatis quòd, cum Metropolitana & Cathedralis Ecclesia Christi Cantuariensis, per Mortem, Recolendae Memoriae, Domini Johannis nuper Tituli Sanctae Anastasiae Sacrosanctae Romanae Ecclesiae Presbiteri Cardinalis nuper Cantuariensis Archiepiscopi totius Angliae Primatis & Apostolicae Sedis Legati nuper Viduata ac Pastorali solatio fuerit destituta & vacaverit, eoque praetextu omnia Exitus & Proficua, Firmae, Redditus, Reventiones, Jura, Commoditates, & Emolumenta omnium Temporalium Archiepiscopatûs illius, a tempore Mortis praedicti nuper Archiepiscopi, tempore Vacationis Archiepiscopatûs illius, Nobis Jure Praerogativae nostrae Regiae pertinere & spectare dinoscuntur,
Cumque etiam Prior & Conventus praedictae Ecclesiae Metropolitanae, post Mortem praedicti nuper Archiepiscopi, Licentiâ nostrâ priùs optentâ, Reverendissimum in Christo Patrem Henricum, nunc dictae Ecclesiae Cantuariensis Archiepiscopum, tunc Sarum Episcopum, in suum eligerint Archiepiscopum & Pastorem, Sanctissimusque Dominus Summus Pontifex Alexander Papa Modernus Electionem illam acceptaverit & confirmaverit, ipsumque sic Electum in Archiepiscopum praedictae Ecclesiae Cantuariensi praefecerit & Pastorem, sicut per Literas Bullatas ipsius Summi Pontificis, Nobis inde directas, Nobis constat,
Et Nos superinde, Fidelitatem ipsius Archiepiscopi accipientes, Temporalia Archiepiscopatûs illius, prout moris est, eidem restituerimus,
Nos nunc, certis causis & considerationibus, nos specialiter moventibus, & ob sinceram Dilectionem quam penes praefatum Archiepiscopum gerimus & habemus, de Gratia nostra speciali, ac ex certa Scientia & mero Motu nostris Dedimus & Concessimus, & per Praesentes Damus & Concedimus eidem nunc Archiepiscopo omnia & singnla Exitus, Firmas, Redditus, Proficua, Reventiones, Avantagia, Commoditates, Feodi Firmas, & alia Emolumenta quaecumque, cum omnibus & singulis suis pertinentiis & dependentiis omnium & singulorum Honorum, Castrorum, Dominiorum, Maneriorum, Terrarum, Tenementorum, Reddituum, Firmarum, Feodi Firmarum, Annuitatum, Pensionum, Portionum, Hundredorum, Lastorum, Burgorum, Villarum, Villatarum, Hamelettorum, Molendinorum, Vivariorum, Piscariarum, Pasturarum, Morarum, Mariscorum, Forestarum, Chacearum, Leucatarum, Parcorum, Warennarum, Communium, Vastorum, Purpresturarum, Boscorum, Feriarum, Mercatorum, Tolnetorum, Officiorum, Visuum Franciplegiorum, Auxiliorum, Vic. Letarum Curiarum, Libertatum, Franchesiarum, Escaetarum, Feodorum Militum, Servitiorum, Wardorum, Maritagiorum, Releviorum, Heriettorum, Custumarum, & Consuetudinum Tenentium tàm Liberorum quàm Nativorum, ac Sectarum & Serviciorum eorumdem Tenentium, ac omnium aliarum Rerum, Possessionum, & Haereditamentorum quorumcumq; Temporalium Archiepiscopatûs praedicti seu eidem Archiepiscopatui vel Temporalibus Archiepiscopatûs illius quovis modo perti- nentium sive spectantium, ac Praesentationes, Nominationes, & Ordinationes quorumcumque Advocationum, Collationum, & Patronatuum Ecclesiarum, Abbatiarum, Prioratuum, Collegiorum, Hospitalium, Praebendarum, Cantariarum, Heremitagiorum, Liberarum Capellarum, & aliorum Beneficiorum Ecclesiasticorum quorumcumque, de Advocatione Archiepiscopatûs illius quovis modo contingentes sive emergentes, per Nos ad praesens minimè Collatas, Datas, sive Praesentatas, necnon omnimodos Fines, Forisfacturas, Exitus Forisfacti, Redemptiones, & Amerciamenta omnium Tenentium Archiepiscopatûs praedicti Residentium & non Residentium infra Feodum ejusdem, coram quibuscumque Justiciariis nostris, in quibuscumque Curiis nostris, facta sive forisfacta, tempore Vacationis praedictae contingentia, prout praedictus Johannes nuper Archiepiscopus & Praedecessores sui nuper Archiepiscopi ibidem Sede illâ plenâ per Cartas Progenitorum nostrorum quondam Regum Angliae vel aliter seu eorum aliquis meliùs & liberiùs habuerunt seu perceperunt habuit seu percepit, & omnia alia Proficua quaecumque omnium & singulorum Jurium Temporalium Archiepiscopatûs praedicti seu eidem Archiepiscopatui quoquo modo aut jure pertinentium, appendentium, accidentium, sive spectantium a tempore Mortis praedicti nuper Archiepiscopi qualitercumque provenientia sive emergentia aut contingentia, quae ad Nos pertinent seu pertinerent, aut in Manibus nostris extiterunt seu existere deberent, ratione vel causâ ultimae Vacationis Archiepiscopatûs illius & Custodiae dictorum Temporalium ejusdem, usque ad & in Secundum Diem instantis Mensis Augusti ultimò praeteritum, & pro eodem Die quo Die eidem nunc Archiepiscopo Temporalia Archiepiscopatûs praedicti, ut praefertur, Restituerimus, quovis modo provenientia, crescentia, emergentia, sive contingentia,
Habenda, Levanda, Percipienda, Retinenda, Gaudenda, Utenda, & Possidenda omnia & singula Praemissa cum eorum Juribus & Pertinentiis universis eidem nunc Archiepiscopo, a dicto tempore Mortis praedicti nuper Archiepiscopi, usque dictum Secundum Diem Augusti tunc proximò sequentem, & pro eodem Die, tàm per Manus suas & Ministrorum suorum proprias, quàm per Manus omnium & singulorum nunc & nuper Escaetorum, Vicecomitum, Custodum Temporalium, Senescallornm, Ballivorum, Firmariorum, Receptorum, Appruatorum, Praepositorum, Collectorum, Tenentium, Ministrorum, sive aliorum Occupatorum omnium & singulorum Praemissorum & eorum cujuslibet, vel aliquorum aliorum Officiariorum nostrorum quorumcumque, seu eorum alicujus, qui se inde, aliquo modo, pro Nobis aut Nomine nostro, vel aliter, intromiserunt aut intromittere debuerunt, in singulis & quibuscumque Comitatibus & Locis infra Regnum nostrum Angliae & Marchias Walliae, in quibus Praemissa seu aliquod Praemissorum existunt jacent & situata sunt, liberè, integrè, quietè, benè, & in Pace, ac adeò plenè, licitè, & impunè de Dono nostro speciali prout Nos omnia & singula, occasione Vacationis praedictae Archiepiscopatûs illius, haberemus seu habere possemus, si praesens Concessio nostra eidem nunc Archiepiscopo facta non fuisset, absque Perturbatione, Molestatione, Inquietatione, seu Gravamine Nostri aut Haeredum nostrorum aut Justiciariorum nostrorum, Baronum nostrorum de Scaccario, Escaetorum, Vicecomitum, aut aliorum Officiariorum seu Ministrorum nostrorum quorumcumque vel eorum alicujus, & absque Compoto, Responso, Onere, seu aliquo alio aut alia Re quacumque, de, pro, aut in Praemissis vel aliquo Praemissorum per ipsum nunc Archiepiscopum, aut aliquem vel aliquos Officiariorum aut Ministrorum nostrorum praedictorum, sive aliquorum aliorum vel eorum alicujus, Nobis vel dictis Haeredibus nostris quovis modo Reddendo, Faciendo, seu Solvendo, ac omnimoda Debita, Compota, Praestita, Arreragia, & Demanda, quae Nobis de aut pro Praemissis vel eorum alicujus, seu causâ vel occasione Praemissorum aut eorum alicujus, per ipsum nunc Archiepiscopum aut aliquem Officiariorum seu Ministrorum nostrorum praedictorum vel aliquorum aliorum, pertinentia reddenda seu solvenda, penitùs eidem nunc Archiepiscopo Remittimus & Relaxamus, atque ipsum omnesque & singulos Officiarios & Ministros suos praedictos de Praemissis & quolibet Praemissorum erga Nos & Haeredes nostros quantum in Nobis est Exoneramus ac finaliter & penitùs Acquietamus per Praesentes;
Eo quod expressa mentio de vero Valore annuo sive aliquo Valore aut Certitudine Temporalium praedictorum sive aliorum Praemissorum seu eorum alicujus, seu de aliis Donis vel Concessionibus, per Nos praefato Archiepiscopo ante haec tempora factis, in praesentibus minimè facta existit, aut aliquo Statuto, Actu, Ordinatione, aut Provisione, in contrarium facto sive edito, non obstante.
In cujus &c.
Teste Rege apud Lanthony, Septimo die Augusti.
Per ipsum Regem.
Aug. 20. Pope Alexander [VI.] writes to the archbp. of Canterbury in commendation of Richard bp. of Winchester. Rome.
O. xii. 775. H. v. p. iv. 161.		 Bulla, pro Episcopo Winton. Commendatoria.
An. 16. H. 7. Ex Origine.
Alexander Episcopus Servus Servorum Dei, Venerabili Fratri Archiepiscopo Cantuariensi, Salutem & Apostolicam Benedictionem.
Ad cumulum tuae cedit Salutis & Famae, si Personas Ecclesiasticas, praesertim Pontificali Dignitate praeditas, Divinae Propitiationis intuitu, oportuni favoris auxilio prosequaris,
Hodiè siquidem Venerabilem Fratrem Ricardum Episcopum Wintoniensem, nuper Dunelmensem, a vinculo, quo Dunelmensi Ecclesiae, cui tunc praeerat, tenebatur, de Fratrum nostrorum Consilio & Apostolicae Potestatis plenitudine Absolventes, ipsum ad Ecclesiam Wintoniensem Ordinis Sancti Benedicti, tunc, per Obitum, bonae Memoriae, Thomae Episcopi Wintoniensis extra Romanam Curiam Defuncti, Pastoris solatio destitutam, de Fratrum eorumdem Consilio duximus Apostolicâ Auctoritate transferendum, ipsumque eidem Ecclesiae Wintoniensi in Episcopum Praefecimus & Pastorem, Curam & Administrationem ipsius Wintoniensis Ecclesiae sibi in Spiritualibus & Temporalibus plenariè committendo, prout in nostris inde confectis Litteris pleniùs continetur,
Cùm igitur, ut idem Richardus Episcopus in commissa sibi dictae Ecclesiae Wintoniensis Cura faciliùs proficere valeat, tuus Favor sibi noscatur plurimùm oportunus, Fraternitatem tuam rogamus & hortamur attentè, per Apostolica Scripta Mandantes, quatinus eundem Richardum Episcopum ac Ecclesiam Wintoniensem sibi commissam Suffraganeam tuam habens pro nostrâ & dictae Sedis Reverentiâ perpensiùs commendatos, in ampliandis & conservandis ejusdem Ecclesiae Juribus sic eum tui Favoris Praesidio prosequaris, quòd ipse per tuae auxilium Gratiae se possit in commisso sibi ejusdem Ecclesiae Wintoniensis Regimine exercere, tuque Divinam Misericordiam, & Nostram, ac ejusdem Sedis Benedictionem & Gratiam valeas exinde uberiùs promereri.
Dat. Romae apud Sanctum Petrum, Anno Incarnationis Dominicae Millesimo Quingentesimo primo, Tertiodecimo Kal. Septembris, Pontificatûs nostri Anno nono.
A. De Mumauth.
R. Cabreto pro Comput.
A. De Pace.
A. Bucoamatyns.
F. pro L. Antus.
B. Aciotis.
M. Veccia pro Acotris.
Super Plicam.
Jo. Brouns.
Sept. 26. Restoration of the temporalities to Richard bp. of Ely, translated from Exeter. Westm.
O. xii. 775. H. v. p. iv. 161.		 De Restitutionibus Temporalium Ely.
An. 17. H. 7. Pat. 17. H. 7. p. 1. m. 20.
Rex Escaetori suo in Comitatibus Cantebrigiae & Huntingdoniae, Salutem.
Cùm Dominus Summus Pontifex Venerabilem Patrem Richardum nuper Episcopum Exoniensem a vinculo, quo eidem Ecclesiae Exoniensi, cui tunc praeerat, tenebatur, absolverit, & Ipsum ad dictam Ecclesiam Eliensem transtulerit, Ipsumque in Episcopum dictae Ecclesiae Eliensis praefecerit & Pastorem, sicut per Literas Bullatas ipsius Domini Summi Pontificis, Nobis inde directas, Nobis constat,
Nos,
Pro eo quod idem Episcopus, sic ad dictam Ecclesiam Eliensem Translatus, omnibus & singulis verbis, Nobis & Coronae nostrae Praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter Se Submisit, Volentes cum eo in hac parte agere gratiosè,
Cepimus Fidelitatem ipsius Episcopi, sic ad dictam Ecclesiam Eliensem Translati, & Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Episcopo, sic ad dictam Ecclesiam Eliensem Translato, Temporalia praedicta, cum pertinentiis, in Balliva tua, sine dilatione, Liberes in forma praedicta; salvo Jure cujuslibet.
Teste Rege apud Westmonasterium, vicesimo sexto die Septembris.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Midd.
Escaetori Regis in Com. Norff. & Suff.
Escaetori Regis in Com. Essex. & Hertf.
Dilecto Regis Majori Civitatis suae Londoniae ac Escaetori suo in eadem Civitate.
Et Mandatum est Militibus, &c.
Et Mandatum est, Dilectis Regis in Christo, Priori & Conventui de Ely quòd Se de Temporalibus Episcopatûs praedicti ulterius in aliquo nullatenus intromittant.
Teste ut supra.
Oct. 8. Commission of James K. of Scotland to Robert bp. of Glasgow, Patrick earl of Bothwell and Andrew, postulate of Moray, to contract a marriage in his name with the princess Margaret of England. Stirling.
O. xii. 776. H. v. p. iv. 161.		 De Matrimonio cum Primogenita Regis contrahendo, Commissio Regis Scotorum.
An. 17. H. 7. Ex Autogr.
Jacobus, Dei gratiâ, Rex Scoterum, universis & singulis, ad quorum notitias Praesentes Litterae pervenerint, Salutem.
Cùm Aeternus Deus, qui Machinam Mundi creavit, omniaque & cuncta ipsius Ambitu contenta Regit & Gubernat, in Exordio nascentis Mundi suae Divinae Majestatis Clementiam ostendens, Sacramentum Matrimonii, in Paradiso, Statu Innocentiae, inter nostros Primos Parentes, ad Humani Generis Propagationem & ipsius durabilitatem perpetuam, feliciter instituit,
Per quod almum Matrimonii Sacramentum, inmensâ bonitate cooperante Divinâ, Successione felici Reges regnant & Principes dominantur;
Ex quo etiam Matrimonio & ipsius Sacro Foedere Hostilitates, Inimicitiae, & alia Enormia quamplurima inter Reges & Regna multotiens sedantur, tolluntur, atque ex animis pelluntur Principum; Amor, Dilectio, Comitas, Pax, Tranquillitas, atque Caritas radicantur, multaeque aliae Felicitates & Bona innumerabilia consequuntur, firmantur, & stabiliuntur:
Nos igitur,
Praemissis attentis, ac tenerrimam Affectionem, Amorem, & Benevolentiam, ac Sanguinis Necessitudinem, quas erga Excellentissimum & Potentissimum Principem Henricum Angliae Regem Consanguineum & Fratrem nostrum Amantissimum purâ mente gerimus, Foederis Matrimonii Sacro Vinculo ostendere praeoptantes,
De Fidelitatibus, Probitatibus, Prudentiis, Circumspectionibus, & Industriis, Dilectorum & Fidelium Consulum nostrorum, Reverendissimi in Christo Patris Roberti Glasguensis Archiepiscopi, Patritii Comitis de Boithvill Domini Halis Magni Admiraldi Regni nostri ac Gardiani Occidentalium Merchiarum ejusdem, & Reverendi Patris Andreae Postulati Ecclesiae Cathedralis Moraviensis, pleniùs confidentes,
Ex maturâ Deliberatione nostri Magni Concilii, & ex nostra certa Scientia, ipsos nostros Commissarios, Oratores, Ambassiatores, Legatos, Procuratores, Deputatos, & Nuncios speciales & generales in solidum, conjunctim & divisim, Facimus, Constituimus, Deputamus, & Ordinamus per Praesentes,
Dantes, Committentes, & Concedentes eisdem & eorum cuilibet in solidum, conjunctim & divisim, nostram plenariam Potestatem & Auctoritatem, ac Mandatum generale & speciale, pro Nobis & Nomine nostro, cum dicto Excellentissimo Principe Rege Angliae, ac Serenissimâ Principissâ Margaretâ ejus Primogentiâ Filiâ Praecarissimâ, suisve Commissariis, Procuratoribus, Deputatis, & Nunciis ad hoc sufficientem Potestatem ab eisdem habentibus, Communicandi, Avisandi, Tractandi, Appunctuandi, & finaliter Concludendi de & super Re Uxoreâ & Sponsalibus per Verba de Futuro, seu Matrimonio per Verba de Praesenti, inter Nos & dictam Principissam, prout commodiùs, firmiùs, meliùs, & convenientiùs de Jure fieri poterit & debebit, Verba Sponsalia de Futuro, seu Matrimonium de Praesenti, per ipsam Principissam, aut dictum Excellentissimum Principem Angliae Regem, eorumve Commissarios, Procuratores, Deputatos, & Nuncios Nomine dictae Principissae, proferri Petendi,
Et nostris Nomine & ex Parte eâdem, cum ipsâ Principissâ Proferendi, Consentiendi, Dicendi, Pronunciandi, Recitandi, & Acceptandi prout, inter dictum Excellentissimum Principem Angliae Regem ejusque Filiam, eorumve Commissarios, Procuratores, Deputatos & Nuncios, ac dictos nostros Commissarios, Ambassiatores, Procuratores, Deputatos, & Nuncios, fuerit concordatum, conventnm, & conclusum, eademque Sponsalia & Matrimonium per Verba de Praesenti, cum dictâ Principissâ Margaretâ, Nomine & ex Parte nostris, realiter & cum effectu Celebrandi, Contrahendi, & Perficiendi,
Ac, cum ipsis Illustrissimo Principe nostro Consanguineo ejusque Filiâ, suisve Commissariis, Procuratoribus, Deputatis, & Nunciis, de Dote, Dotalitio, & Donatione propter Nuptias, necnon de Auro caeterisque Rebus Pretiosis in hac parte Promissis seu Promittendis, eaque Qualitate & Quantitate, ac etiam Terminis, Locis, & Modis Solutionum & Satisfactionum, de Tempore quo & quanto dicta Principissa cum praefato Excellentissimo Principe ejus Patre Moram faciat, ejusque Expensis, & quibus Formâ & Tempore ad Nos venire debebit, Conveniendi, Appunctuandi, Paciscendi, Concordandi, & Concludendi,
Tractata insuper, Concordata, Appunctuata, & Pollicita, inter dictum nostrum Consanguineum Angliae Regem, Nomine & ex Parte dictae Principissae ejus Filiae, eorumve aut alterius ipsorum Commissarios, Procuratores, Deputatos, & Nuncios ex Parte una, & dictos nostros Commissarios, Ambassiatores, Procuratores, Deputatos, & Nuncios ex Parte altera, quantum Nos tangit, omni Securitate legittimâ legali & honestâ nostro Nomine Firmandi, similem Securitatem ab ipsis seu eorum aliquo, quòd a dicto Tractatu, si, Deo permittente, ipsum firmari contigerit, non Recedent nec Recedet, Petendi & Recipiendi,
Dotem verò, & alia quaecumque praedicta, per dictum nostrum Consanguineum Angliae Regem Nomine dictae Principissae ejus Filiae, aut eorum Commissarios, Procuratores, Deputatos, & Nuncios Pollicita seu Promissa hujusmodi Matrimonii occasione, Petendi, Requirendi, & Recipiendi, de Receptis Quittantiam seu Quittantias Dandi, ac etiam Instrumenta & Notas Instrumentales Evidentiasque & Documenta quaecumque necessaria & oportuna Petendi, Levandi, & Recipiendi,
Caeteraque omnia alia & singula Faciendi, Gerendi, & Exercendi quae in Praemissis aut circa ea necessaria fuerint seu quomodolibet oportuna, & quae tanti Negotii Qualitas, cum ejusdem Circumstantiis, Dependentiis, & Annexis, exigit aut requirit; Et quae Nos faceremus aut facere possemus si personaliter interessemus, etiamsi talia forent quae Mandatum exigant magis speciale, quàm Praesentibus est expressum;
Promittentes in Verbo Regio, & sub Obligatione omnium & singulorum Bonorum nostrorum praesentium & futurorum, Nos Ratum, Gratum, Firmum, atque Stabile pro perpetuo habituros, nec Revocaturos quicquid & quaecumque per dictos nostros Commissarios, Oratores, Ambassiatores, Legatos, Procuratores, Deputatos, & Nuncios, aut eorum aliquem, in solidum Acta, Gesta, Pollicita, Procurata, Stabilitave fuerint in Praemissis & quolibet Praemissorum.
In cujus Rei Testimonium Magnum Sigillum nostrum Praesentibus apponi fecimus apud Strivelin, Octavo die Mensis Octobris, Anno Domini Millesimo Quingentesimo primo, & Regni nostri Decimo quarto.
James R.
Sub Magno Sigillo de cerâ albâ pendente a Caudâ Pergamenae.
Oct. 8. Commission of James K. of Scotland to the same persons to treat for perpetual peace with England. Stirling.
O. xii. 777. H. v. p. iv. 162.		 Memorati Regis Commissio, pro Pace & Amicitia.
An. 17. H. 7. Ex Autogr.
Jacobus, Dei gratiâ, Rex Scotorum, universis & singulis ad quorum notitias praesentes Litterae pervenerint, Salutem.
Sciatis quòd Nos,
De Fidelitatibus, Industriis & providis Circumspectionibus Dilectorum & Fidelium Consulum nostrorum Reverendissimi in Christo Patris Roberti Archiepiscopi Glasguensis, Patricii Comitis de Boithvile Domini Halis magni Admiraldi Regni nostri Gardiani Occidentalium Merchiarum ejusdem, & Reverendi Patris Andreae Postulati Ecclesiae Cathedralis Moraviensis quamplurimum confidentes,
Ipsos nostros veros & indubitatos Commissarios, Oratores, Procuratores, Legatos, Deputatos & Nuncios speciales Assignamus, Facimus, Ordinamus & Constituimus per Praesentes,
Dantes & Concedentes eisdem & eorum cuilibet in solidum, conjunctim & divisim, nostram plenariam Potestatem & Auctoritatem ac Mandatum generale & speciale, pro Nobis & Nomine nostro, cum Serenissimo Principe, Carissimoque Consanguineo, & Fratre nostro Henrico Rege Angliae, ejusve Commissariis, Procuratoribus, Deputatis & Nunciis sufficientem Potestatem & Auctoritatem ab eo ad hoc habentibus, tàm de & super verâ, firmâ, perpetuâ & reali Pace atque Concordiâ, quàm de & super Treugis & Guerrarum Abstinentiis, Ligis, Amicitiis, Affinitatibus, mutuisque hincinde Auxiliis & Affistentiis quotiens opus fuerit praestandis, necnon Intelligentiis, Alligantiis & Confoederationibus quibuscumque inter Nos & dictum Serenissimum Principem Haeredesque & Successores, ac Regna, Terras, Dominia, Patrias, Subditos, Vassallos, Faventes, Confoederatos & Adhaerentes nostros & suos quoscumque, hincinde Ineundis, Capiendis, Componendis, Celebrandis & Habendis, Conveniendi, Communicandi, Tractandi, Appunctuandi, Concordandi, Paciscendi, ac finaliter & integrè Determinandi & Concludendi, hujusmodique Pacem & Concordiam, ac Treugas & Guerrarum Abstinentias, Ligas, Amicitias, Foedera, Affinitates, Intelligentias, Alligantias & Confoederationes, aliasque Pactiones & Conventiones Componendi, Paciscendi, Firmandi, Statuendi & pro perpetuo Roborandi,
Necnon, de & super omnibus & singulis Contentionibus, Quaestionibus, Guerris, Causis, Querelis, Litibus, Attemptatis & Demandis, unà cum suis circumstantiis, emergentibus, incidentibus, dependentibus ac connexis quae, inter Nos & praefatum excellentissimum Principem Angliae Regem & Regna, Terras, Dominia, Patrias & Loca, Subditos, Vassallos, Alligatos, Confoederatos & Adhaerentes praedictos, hincinde pendere dinoscuntur, Tractandi, Conveniendi, Appunctuandi & Componendi,
Necnon, quoscumque Subditos nostros Malefactores, Homicidas, Fures, Latrones juxta Leges & Consuetudines Merchiarum Regni nostri Scotiae, debitè puniri Promittendi,
Necnon Rebelles dicti nostri Consanguinei in Regnum nostrum Fugientes, certis modo & formâ eidem Consanguineo nostro aut suo sufficienti Deputato Tradendos & Deliberandos, Annuendi & Consentiendi,
Necnon Leges, Statuta & Ordinationes pro Punitione hujusmodi Malefactorum de novo Statuendi, Condendi & Ordinandi,
Ac etiam de & super Litteris scriptis & Bullis Apostolicis omnium & singulorum Praemissorum Confirmatoriis, Approbatoriis & Ratificatoriis a Sede Apostolicâ, pro meliore Conservatione Praemissorum, per Nos impetrandis, habendis & obtinendis, cum Clausulis & Articulis de Sententiâ Excommunicationis in Nos & Personam nostram, ac de Sententia Interdicti in Regnum nostrum Patrias, Dominia & Terras nostras, si Tractatum Pacis aut aliquod Capitulum ejusdem Pacis seu Tractatûs, quem, inter Nos & dictum Principem, seu nostros aut ejus Commissarios, Iniri & Concludi contigerit, Violaverimus aut Violari permiserimus, Tractandi, Concordandi, Appunctuandi, Obligandi & Concludendi, ac cuicumque Privilegio, tàm Juris quàm Facti, sub quâcumque Verborum serie concesso aut Concedendo, alicui Capitulo praesentis Tractatûs quovis modo derogatorio, palàm expressè & in vim Pacti Nomine nostro Renunciandi,
Ac etiam Securitates, Cautiones, Promissa, Obligationes, Litteras & Scripta sigillata pro Praemissorum complemento, Nomine nostro Promittendi, Tradendi & Deliberandi, ac Juramentum in Animam nostram praestandi, Consimiliaque Securitates, Cautiones, Promissa, Obligationes, Litteras ac Juramentum a praefato Serenissimo Principe ejusve Commissariis similiter Exigendi, Stipulandi & Recipiendi,
Universaque & Singula quae, per praefatos Oratores, Commissarios, Procuratores, Deputatos & Nuncios nostros aut eorum aliquem in solidum, Appunctuata, Conventa, Conclusa & Concordata fuerint Vallandi, Roborandi & Assecurandi per Fidei interpositionem & Juramentum in Animam nostram praestandum,
Necnon de & super hujusmodi Appunctuatis & Conclusis, caeterisque omnibus & singulis Praemissa qualitercumque concernentibus, quae, cum praefato Consanguineo nostro, seu ejus Commissariis, Procuratoribus, Deputatis & Nunciis praedictis, Appunctuata, Concordata & Conclusa fuerint, Litteras validas & efficaces pro Parte nostrâ Tradendi & Deliberandi, Litterasque alias consimilis effectûs & vigoris ex altera Parte Petendi & Recipiendi,
Et generaliter omnia Praemissa & Praemissorum singula qualitercumque concernentia Faciendi, Exercendi & Expediendi, ita & eodem modo sicuti Nos ipsi faceremus & facere possemus si in propriâ Personâ nostra interessemus, & si talia sint quae Mandatum de se magis exigant speciale;
Promittentes bonâ Fide & in Verbo Regio omnia & singula quae, per praefatos Commissarios, Oratores, Procuratores, Legatos, Deputatos & Nuncios nostros aut eorum aliquem in solidum, Appunctuata, Promissa, Concordata & Conclusa fuerint in hâc parte, Nos Rata Grata & Firma habituros & observaturos, & superinde Litteras nostras Patentes Magno nostro Sigillo sigillatas, Manuque nostrâ subscriptas, omnium & singulorum Praemissorum Confirmatorias, Ratificatorias & Approbatorias, in formâ debitâ, prout opus fuerit, daturos.
In cujus rei Testimonium Praesentibus Magnum Sigillum nostrum apponi fecimus apud Striveling, octavo Die Mensis Octobris, Anno Domini Millesimo, Quingentesimo primo, & Regni nostri Decimo quarto.
James R.
Sigillo avulso.
Oct. 25. Grant to Richard bp. of Ely of the sums due to the K. from the bpric. during the vacancy. Westm.
O. xii. 779. H. v. p. iv. 162.		 De Concessione pro Episcopo Eliensi.
An. 17. H. 7. Pat. 17. H. 7. p. 2. m. 34.
Rex omnibus, ad quos &c. Salutem.
Sciatis quòd,
Cùm Episcopatus Eliensis, per Mortem bonae Memoriae Johannis Alcock nuper Episcopi ibidem, nuper vacaverit, & quòd Nobis per Priorem & Conventum Ecclesiae Cathedralis Eliensis & Successores suos, pro Custodia ejusdem Episcopatûs & Temporalium ejusdem Episcopatu illo Vacante, si per unum Annum vacaverit, de Duobus Milibus Librarum pro Anno illo, & minori vel majori Tempore quàm per Annum hujusmodi Vacatio duraverit, tunc per eosdem Priorem & Conventum & Successores suos praedictos, de Rata dictorum Duorum Millium Librarum per Annum pro Rata Temporis, Nobis Responderi debeat,
De Gratia nostra speciali, ac certa Scientia & mero motu nostris, Dedimus & Concessimus, ac per Praesentes Damus & Concedimus, pro Nobis & Haeredibus nostris quantum in nobis est, Venerabili in Christo Patri Ricardo nunc Episcopo Eliensi & Assignatis suis, omnes & omnimodas ac tantas & hujusmodi Denariorum Summas, necnon Exitus & Proficua Temporalium Episcopatûs praedicti quae ad Nos, ratione Vacationis praedictae, quoquo modo pertinent aut pertinere deberent,
Habenda & Percipienda eidem nunc Episcopo & Assignatis suis, per Manus praefatorum Prioris Conventûs & Successorum suorum, ad Usum praefati nunc Episcopi & Assignatorum suorum de Dono nostro, adeò liberè, plenè & integrè prout Nos vel Haeredes nostri, ratione Vacationis praedictae, haberemus si praesens Concessio nostra praefato nunc Episcopo inde facta non fuisset, absque Compoto, Responso, seu aliquo alio Nobis vel Haeredibus nostris pro praemissis seu eorum aliquo, inde Nobis Reddendo, Solvendo seu Faciendo, & absque Impetitione, Molestatione, Perturbatione seu Inquietatione Nostri vel Haeredum nostrorum, Justiciariorum, Escaetorum, Vicecomitum aut aliorum Ballivorum seu Ministrorum nostrorum quorumcumque,
Concessimus etiam pro Nobis & Haeredibus nostris praedictis quòd, tàm praedictus nunc Episcopus, quàm praefati Prior & Conventus & Successores sui praedicti & eorum quilibet, de omnibus & omnimodis Denariorum Summis Exitibus & Proficuis praemissis, Nobis ratione Vacationis praedictae debitis sive pertinentiis, erga Nos & Haeredes nostros exonerentur & acquietentur imperpetuum per Praesentes,
Et quòd idem nunc Episcopus & Assignati sui habeant tot & tanta Brevia & Warranta, pro Exoneratione dictorum Prioris & Conventûs & Successorum suorum in ea parte, quot & quanta sibi sint aut fuerint necessaria & opportuna pro eisdem,
Eo quòd expressa mentio de Certitudine Praemissorum seu eorum alicujus, vel de vero Valore eorumdem, aut de aliis Donis seu Concessionibus, per Nos eidem nunc Episcopo ante haec tempora factis, in Praesentibus minimè facta exi- stit, aliquo Statuto, Actu, Ordinatione, Provisione sive Restrictione, in contrarium facto, edito sive proviso, non obstante.
In cujus &c.
Teste Rege apud Westmonasterium, xxv Die Octobris.
Per Breve de Privato Sigillo.
Oct. 28. Safe conduct for Robert archbp. of Glasgow and his colleagues.
O. xii. 780. H. v. p. iv. 163.		 De Conductu pro Ambassiatoribus Regis Scotorum.
An. 17. H. 7. Scot. 17. H. 7. m. 1.
Rex universis & singulis Admirallis, Capitaneis, Castellanis & eorum Locatenentibus, Custumariis, Custodibus Portuum Maris & aliorum Locorum Maritimorum, necnon Majoribus, Ballivis, Constabulariis ac aliis Officiariis & Ministris suis quibuscumque, tàm infra Libertates quàm extra, tàm per Terram quàm per Mare ubilibet constitutis, Salutem.
Sciatis quòd, de Gratia nostra speciali ac de Avisamento & Assensu Concilii nostri, suscepimus in salvum & securum Conductum nostrum ac in Protectionem, Tuitionem & Defensionem nostras speciales, venerabilem in Christo Patrem Robertum Archiepiscopum Glasguensem, ac Nobiles & Spectabiles Viros Patricium Comitem de Rothvile Gardianum Marchiarum Occidentalium Regni Scotiae versus Angliam & Magnum Admirallum Scotiae, & Andream Formam Prothonotarium Apostolicum ac Priorem de Mayo, Consiliarios & Oratores Illustrissimi Principis Jacobi Scotorum Regis Fratris & Consanguinei nostri Carissimi, in hoc Regnum nostrum Angliae ac alia Loca Nobis subjecta quaecumque, cum Centum Personis & totidem Equis in Comitiva sua vel infra, ac cum Bonis Rebus Jocalibus Literis &c. ut in similibus de Conductu Literis.
Dat. 28 Octobr. &c.
Nov.—. Arthur prince of Wales assigns the towns and counties of Caernarvon, Conway, Cardigan, Haverford Castle, and other places, as the dower of his wife the lady Katherine.
O. xii. 780. H. v. p. iv. 163.		 Pro Katherina Hispaniae, Assignatio Dotis.
An. 17. H. 7. Ex Autogr.
Arthurus, Illustrissimi Principis & Domini Domini Henrici, Dei gratia, Regis Angliae & Franciae & Domini Hiberniae PRIMOGENITUS, PRINCEPS Walliae, DUX Cornubiae & COMES Cestriae, Archiepiscopis, Episcopis, Abbatibus, Prioribus, Ducibus, Comitibus, Baronibus, Justiciariis, Vicecomitibus, Majoribus, Ballivis, Constabulariis, ac aliis dicti Domini Regis Patris nostri Metuendissimi Fidelibus, Salutem.
Cùm nuper inter dictum Illustrissimum Patrem nostrum & Dominum, ac Serenissimos & Potentissimos Principes Ferdinandum & Elizabetham, eâdem gratiâ, REGEM & REGINAM Castellae, Legionis, Arragonum, Siciliae, Granatae, Toleti, Valentii, Galleciae, Majoricarum, Hispalis, Sardiniae, Cordubae, Corsicae, Murciae, Giennis, Algarbii, Algezire, Gibraltaris & Insularum Canariae, COMITEM & COMITISSAM Barchinone & Dominus Vizcaye & Molyne, DUCES Athenarum & Neopatriae, COMITES Rossilionis & Ceritanie, MARCHIONES Oristani & Gociani, quaedam Amicitia, Liga, Confoederatio, Unio & Intelligentia Superioribus hiis Diebus inita & conclusa fuerit, quâ vicissim Amor correspondebat, ac quasi quaedam mutua Benevolentia a diu accreverat, & in eorum Cordibus corroborata & radicata extiterat, ut maximum Amoris, Affectionis & Dilectionis Vinculum inter eos conjecerat, adeò quòd nulla prorsus Adversitate Dirumpi aut faciliter Flecti speraretur,
Praefatusque Illustrissimus Rex & Pater noster Metuendissimus, atque praedicti Serenissimi & Potentissimi Rex & Regina Castellae, Legionis Aragonum, &c. praefatam Amicitiam, Ligam, Confoederationem, Unionem & Intelligentiam eo firmiorem stabilioremque existimabant, si per Affinitatem, Sanguinis Unionem, Duorum Liberorum Conjunctionem, roboraretur;
Ad Omnipotentis igitur Dei Laudem Gloriam & Honorem, & ad Augmentationem Amicitiae, Ligae, Confoederationis, Unionis & Intelligentiae praedictarum inter praefatos Principes eorumque Haeredes, Successores & Subditos pro perpetuis temporibus duraturarum, nonnullis amicabilibus Conventionibus, Communicationibus, & Tractatibus inter praefatos Principes utrinque, ex Ad- visamento & Consilio Magnatum & Consiliariorum ex utraque Parte, per Procuratores & Oratores suos sufficienter & legitimè in ea parte constitutos & auctorizatos, praeviis praehabitis & praelocutis, tandem inter eosdem Principes Concordatum & Conclusum extitit & existit quòd Nos praefatus Princeps Arthurus cum Praeclarissima & Nobilissima Domina Domina Katherina praefatorum R. & R. Castellae, Legionis, Aragonum, &c. Filia Quarta, juxta Morem & Consuetudinem Ecclesiae legitimo Matrimonio copularemur, &, inter alia, in eisdem Conventione, Communicatione & Tractatu Conventum, Concordatum & Conclusum est quòd praefata Nobilissima & Praeclarissima Domina Domina Katherina Dotaretur per praedictum Illustrissimum Regem & Patrem nostrum Metuendissimum, & Nos praefatum Prinicipem Arthurum, in Tertia Parte Principatûs Walliae, Ducatûs Cornubiae & Comitatûs Cestriae; & quòd dicta Tertia Pars sibi assignaretur in Bonis, Villis, Terris & Dominiis praedictorum Principatûs Ducatûs & Comitatûs cum Redditibus Proventibus aequivalentibus Valori dictae Tertiae Partis, quae quidem Tertia Pars praedictae Nobilissimae & Praeclarissimae Dominae Dominae Katherinae assignaretur, & in qua eadem Praeclarissima Domina realiter & cum effectu Dotaretur infra Decem Dies proximò ante vel post Solemnizationem dicti Matrimonii, prout per Conventionem Tractatum & Conclusionem praedictos in Scriptis, sub Magno sigillo dicti Illustrissimi Regis & Patris nostri Metuendissimi ex Parte sua, ac Magno Sigillo dictorum Serenissimorum & Potentissimorum Regis & Reginae Castellae, Legionis, Aragonum, &c. ex Parte sua, Roboratis, pleniùs poterit apparere:
Nos verò Arthurus Princeps praedictus, Conventionem Tractatum & Conclusionem praedictos, inter praefatum Illustrissimum Regem & Patrem nostrum Metuendissimum & praedictos Serenissimos & Potentissimos Principes R. & R. Castellae, Legionis, Aragonum, &c. corde & animo adimplere & perficere cupientes, & maximè cum effectu exoptantes, de expressa Voluntate Consensu & Assensu ac Mandato ejusdem Illustrissimi Regis & patris nostri Metuendissimi, necnon Advisamento & Consilio Magnatum & Consiliariorum suorum ac Concilii nostri, realiter & cum effectu Dotamus per Praesentes praefatam Praeclarissimam Dominam Dominam Katherinam,
Ad Ostium Ecclesiae Cathedralis Sancti Pauli Londoniae, & in facie ejusdem Ecclesiae, cum maxima Populi multitudo ibidem adesset, in hac Die Solemnizationis Matrimonii praedicti; videlicet, Die Dominica Quartadecima Die Novembris, Anno Domini Millesimo, Quingentesimo primo, & Anno Regni dicti Illustrissimi Regis & Patris nostri Metuendissimi Decimo Septimo, tempore Celebrationis ejusdem Matrimonii tunc & ibidem habiti,
De, & in Dominio, Castro, Villa & Comitatu de Carnarvan, ac Dominio, Castro, & Villa de Conewey, cum quatuor Commotis de Issaph, & Ughah, Navecowey & Cruthyn in praedicto Comitatu de Carnarvan,
Dominio & Senescalsia de Contremaure, Dominio, Castro, Villa & Comitatu de Cardigan,
Dominio & Castro de Haverford, cum Prisis Vinorum ibidem, Castro & Dominio de Newcastell in Emelyn, in Suthwallia,
Ac Dominio de Newen & Pulghely in Northwallia,
Unà cum omnibus & singulis aliis Dominiis, Castris, Burgis, Villis, Villatis, Maneriis, Membris, Hamelettis, Terris, Tenementis, Feodis Militum, Advocationibus Ecclesiarum, Abbathiarum, Prioratuum, Capellarum, Cantariarum, Hospitalium, Vicariarum, Praebendarum & aliarum Domorum Religiosarum & Beneficiorum quorumcumque, necnon Pensionibus, Portionibus, Annuitatibus, Corrodiis, Officiis, Regalitatibus, Libertatibus, Liberis Consuetudinibus, Custumi, Prisis, & Exercitio omnis Justiciatûs & Cancellariatûs, Homagiis, Servitiis, Redditibus, Proficuis, Pratis, Pascuis, Pasturis, Mineris, Wrecco Maris, Piscariis, Moris, Mariscis, Turbariis, Forestis, Chaceis, Parcis, Boscis, Warennis, Hundredis, Commotis, Ragloriis & Ringeldiis, Senescalciis, Amobragiis, Curiis, Wodewardiis, Constabulariis, Forestariis, Ballivis, Coronatoriis, Reversionibus, Feriis, Mercatis, Wardis, Maritagiis, Releviis, Escaetis, & Servitiis Tenentium tàm Liberorum quàm Nativorum, ac omnibus aliis tàm ad dictum Principatum nostrum in eisdem Comitatibus de Carnarvan & Cardigan quàm ad Nos praefatum Principem Arthurum in eisdem Comitatibus de Carnarvan & Cardigan seu eorum altero spectantibus sive pertinentibus quoquo modo, Parcella dicti Principatûs nostri Walliae, unà cum Titulis, Actionibus, Placitis, Sectis, Demandis, Calumpniis, Punitionibus & aliis Rebus quibuscumque & Juribus universis ad Nos, ante haec tempora in eisdem Comitatibus seu eorum altero, ubicumque, quandocumque & qualitercumque spectantibus, seu Nobis praefato Principi Arthuro de Jure vel Consuetudine Partium illarum quomodolibet pertinentibus;
Et etiam de & in Castro & Dominio de Walingford cum Hamelettis & Membris suis & Annua Firma Villae de Walyngford, cum Honoribus de Walyngford & de Sancto Walerico cum pertinentiis in Comitatu Oxoniae & aliis Comitatibus ubicumque Honores illi existunt,
Dominio & Manerio de Cheylesmore cum Parco ibidem,
Ac Civitate Coventriâ unà cum Annua Firma Prioratûs, Civitatis & Villae de Coventria in Comitatu Warwicae & in Comitatu Civitatis Coventriae,
Manerio & Dominio de Kirton in Lyndesey cum omnibus suis Membris & Pertinentiis in Comitatu Lincolniae,
Dominio & Manerio de Penole in Comitatu Cornubiae, ac Tertia Parte Stannariae nostrae in eodem Comitatu Cornubiae, unà cum Tertia Parte Cunagii ejusdem Stannariae, & cum Tertia Parte omnium Exituum & Proficorum inde provenientium, ac Expliciarum Proficuorum & Perquisitionum Curiae Stannariae & Minerae in eodem Comitatu,
Necnon Tertia Parte Stannariae nostrae in Comitatu Devoniae, unà cum Tertia Parte Cunagii & omnium Exituum & Proficuorum ejusdem, ac Expleciarum, Proficuorum & Perquisitionum Curiae ejusdem Stannariae & Minerae in eodem Comitatu Devoniae, Parcella dicti Ducatus nostri Cornubiae;
Necnon de & in Castro & Comitatu de Flynt, ac Cantredo & Terris de Inglefield, & omnibus Maneriis, Terris, Tenementis & Possessionibus nostris in eodem Comitatu, unà cum Feodis Militum, Advocationibus Ecclesiarum, Abbathiarum, Prioratuum, Hospitalium, Capellarum, Cantariarum, Vicariarum, & aliarum Domorum Religiosarum & Beneficiorum ac Officiorum quorumcumque, Pensionibus, Portionibus, Annuitatibus, Corrodiis, Officiis, Prisis, Custumis, Libertatibus, Regalitatibus, Liberis Consuetudinibus, Franchesiis, Commotis, Hundredis, Escaetis, Forisfacturis, Feriis, Mercatis, Forestis, Chaceis, Parcis, Boscis, Warennis, Maritagiis, Releviis, Servitiis, Piscariis, Molendinis, Dominiis, Possessionibus, Proficuis & Emolumentis quibuscumque, & omnibus aliis Rebus ad eadem Castra Comitatus, Maneria, Terras, Cantredas, Commotos & Hundredos qualitercumque spectantibus sive de Jure pertinentibus;
Et etiam de & in Manerio, Dominio, Villa & Foresta de Maklefeld cum omnibus aliis Rebus ad eadem Castra, Comitatus, Maneria, Terras, Cantredas, Commotos & Hundreda qualitercumque spectantibus in Comitatu nostro Cestriae, ac Quadraginta Libris de Annua Firma Civitatis in eodem Comitatu Parcellis dicti Comitatùs nostri Cestriae,
Et omnia & singula supradicta Civitates, Castra, Dominia, Maneria, Honores, Villas, Villatas, Terras & Tenementa & caetera Praemissa cum suis pertinentiis, praefatae Dominae Katerinae pro Dote sua Assignamus per Praesentes;
Habenda Tenenda omnia & singula praedicta Civitates, Castra, Dominia, Maneria, Honores, Villas, Villatas, Terras & Tenementa ac caetera Praemissa, cum omnibus & singulis suis Pertinentiis & Juribus quibuscumque, eidem Praeclarissimae Dominae Dominae Katerinae ad Terminum Vitae suae, pro Dote sua ac in plenam Recompensationem Contentationem & Satisfactionem Tertiae Partis praedictorum Principatûs Walliae, Ducatûs Cornubiae & Comitatûs Cestriae, ac ad Assignationem totius Dotis suae eam de eisdem Principatu Ducatu & Comitatu contingentis, ac in plenarium Complementum praefatorum Conventuum, Tractatuum, & Conclusionum, inter praefatum Illustrissimum Regem & Patrem nostrum Metuendissimum ex una, & praedictos Serenissimos Regem & Reginam Castellae, Legionis, Aragenum &c. ex altera Partibus, ut praedictum est, Initorum, Concordatorum & Conclusorum.
Hiis Testibus, Reverendissimis in Christo Patribus H. Cantuariensi Custode Magni Sigilli dicti Illustrissimi Domini Regis Patris nostri, & Th. Eborum, Archiepiscopis,
Ac Venerabilibus in Christo Patribus, R. Wintoniensi Custode Privati Sigilli ejusdem Domini Regis, W. Lincoln, J. Coventren. & Lich. Episcopis, Praecarissimoque Fratre nostro Henrico Eborum Duce, Carissimoque Consanguineo nostro Edwardo Bukyngham Duce, atque Carissimis Consanguineis nostris Thoma Arundellae, Johanne Uxoniae Magno Camerario Angliae, Henry Northumbriae, Thoma Derbiae Constabulario Angliae, Thoma Surriae Thesaurario Angliae, Comitibus, necnon Dilectis & Fidelibus nostris Roberto Wylloughby de Broke Se- nescallo Hospitii nostri Patris Metuendissimi, Daubney de Daubney Camerario ejusdem Hospitii, Reginaldo Bray, & Thoma Lovell, Militibus, ac Roberto Fro Clerico Cancellario nostro, & aliis.
Dat. sub Magno nostro
Die Mensis Novembris, Anno Millesimo, Quingentesimo primo,              imo septimo supradictis.
Nov. 3. Papal bull, permitting Thomas Wuley (Wolsey), rector of Lymington, to hold incompatible benefices. Rome.
O. xii. 783. H. v. p. iv. 164.		 Pro Thoma Woolsey, Dispensatio ad Incompatibilia.
A. De Castell.
An. 17. H. 7. Ex Origine.
Alexander Episcopus, Servus Servorum Dei, Dilecto Filio Thomae Wuley Rectori Parchialis Ecclesiae de Lymyngton Bathoniensis & Wellensis Dioecesis, Magistro in Artibus, Salutem & Apostolicam Benedictionem.
Litterarum Scientia, Vitae ac Morum honestas, aliaque laudabilia Probitatis & Virtutum Merita, super quibus quòd Nos fidedigno commendaris Testimonio, Nos inducunt ut Te specialibus Favoribus & Gratiis prosequamur,
Hinc est quòd Nos, Volentes Te qui, ut asseris, Parochialem Ecclesiam de Lymyngton Bathoniensis & Wellensis Dioecesis inter alia obtines, praemissorum Meritorum tuorum intuitu Favore prosequi gratioso, Teque a quibuscunque Excommunicationis Suspensionis & Interdicti, aliisque Ecclesiasticis Sententiis Censuris & Poenis a Jure vel ab Homine, quavis occasione vel causâ latis, si quibus quomodolibet Innodatus existis, ad effectum Praesentium duntaxat consequendum, harum serie absolventes & absolutum fore censentes,
Necnon omnia & singula alia Beneficia Ecclesiastica sine Curâ quae obtines, ac cum Curâ & sine Curâ quae expectas, necnon in quibus & ad quae Jus Tibi quomodolibet competit, quaecunq; quotcunque & qualiacunque sint, eorumque, ac dictae Ecclesiae Fructuum Reddituum & Proventuum veros Annuos Valores Praesentibus pro expressis habentes, Tuis in hac parte Supplicationibus inclinati          cum dictâ Ecclesiâ unum, & sine illâ quaecunque alia Duo Curata seu aliàs invicem Incompatibilia Beneficia Ecclesiastica, etiam si Parrochiales Ecclesiae vel earum perpetuae Vicariae, Cantariae, Liberae Capellae, Hospitalia, vel annualia Servitia Clericis Secularibus in Titulum perpetui Beneficii Ecclesiastici assignari solita, aut Dignitates, Personatus, Administrationes, vel Officia in Cathedralibus, etiam Metropolitanis vel Collegiatis, & Dignitates ipsae in Cathedralibus etiam Metropolitanis post Pontificales Majores, seu Collegiatis Ecclesiis hujusmodi Principales aut talia mixtim fuerint, & ad Dignitates, Personatus, Administrationes, vel Officia hujusmodi consueverint, qui per Electionem assumi eisque Cura immineat Animarum, si Tibi aliàs canonicè Conferantur, aut Eligaris, Praesenteris, vel aliàs Assumaris ad illa, & Instituaris in eis, Recipere, & insimul quoad vixeris Retinere, illaque simul successivè, simpliciter, vel ex causâ Permutationis, quotiens tibi placuerit dimittere, &, Loco Dimissi vel Dimissorum, aliud vel alia, simile vel dissimile, aut similia vel dissimilia, Beneficium seu Beneficia, Ecclesiasticum vel Ecclesiastica, duo duntaxat Curata seu aliàs invicem Incompatibilia, similiter Recipere, & insimul quoad vixeris, ut praefertur, Retinere liberè & licitè valeas;
Quodque Litterarum Studio in Loco ubi illud vigeat generale Insistendo, seu in Romanâ Curiâ, vel aliquo Beneficiorum Ecclesiasticorum cum Curâ vel sine Curâ, quae obtines & pro tempore obtinebis, Residendo, in aliis Beneficiis per te obtentis quamdiu vixeris Residere minime tenearis, nec ad id invitus a quoquam compelli possis; Generalis Concilii & quibusvis aliis Apostolicis, ac bonae memoriae Ottonis & Ottoboni olim in Regno Angliae Apostolicae Sedis Legatorum, necnon in Provincialibus & Sinodalibus Conciliis editis Generalibus vel Specialibus, Constitutionibus & Ordinationibus, Statutis quoque & Consuetudinibus Ecclesiarum, in quibus Incompatibilia Beneficia hujusmodi forsan fuerint Juramento, Confirmatione Apostolicâ, vel quavis Firmitate alià roboratis, caeterisq; contrariis nequaquam obstantibus, Auctoritate Apostolicà, Tenore Praesentium, de specialis Dono Gratiae Dispensamus, tibique pariter Indulgemus;
Proviso quòd Ecclesia obtenta, & alia Incompatibilia Beneficia hujusmodi debitis propterea non fraudentur Obse- quiis, & Animarum Cura in obtenta Ecclesia, & si qua illis immineat aliis Incompatibilibus Beneficiis praedictis nullatenus negligatur, sed ipsorum Beneficiorum in quibus non Resideris congruè supportentur Onera consueta;
Nulli ergo omnino Hominum liceat hanc Paginam nostrae Absolutionis & Dispensationis infringere &c.
Dat. Romae apud Sanctum Petrum, Anno Incarnationis Dominicae Millesimo Quingentesimo primo, tertio Non. Novembris, Pontificatûs nostri Anno Decimo.
A. De Mumauth.
H. De Valdis.
Panc.
Jo. De Pilig.
P. Tuba.
S. Scustall.
B. Begutis.
W. F. Cincius.
Super plicam.
P. Thomarotius.
Sub Plumbeo Sigillo pendente a Filis sericis flavi rubeique Colorum.
Dec. 25. Grant to William Wareham, keeper of the rolls of Chancery, of the custody of the temporalities of the see of London, void by the translation of Thomas late bp. to York. Westm.
O. xii. 784. H. v. p. iv. 164.		 De Custodia Temporalium London.
An. 17. H. 7. Pat. 17. H. 7. p. 2. m. 5.
Rex omnibus, ad quos &c. Salutem.
Sciatis quòd,
Cùm Ecclesia Cathedralis Sancti Pauli Londoniae & Episcopatus ejusdem, per Translationem Venerabilis Patris Thomae Eborum Archiepiscopi nuper Episcopi Londoniensis, jam vacent, & Pastoris solatio sint destituti,
Et quòd Nobis per Decanum & Capitulum dictae Ecclesiae & Successores suos, pro Custodia ejusdem Episcopatûs & Temporalium ejusdem, Episcopatu illo Vacante, si per unum Annum vacaverit, de Mille Libris pro Anno illo, &, si minori vel majori Tempore quàm per Annum hujusmodi Vacatio duraverit, tunc per eosdem Decanum & Capitulum & Successores suos praedictos de Rata dictarum Mille Librarum per Annum pro Rata temporis, Nobis responderi debeat,
De Gratia nostra speciali, ac ex certa Scientia & mero Motu nostris Damus & Concedimus, pro Nobis & Haeredibus nostris, Dilecto & Fideli Consiliario nostro, Willielmo Warham Clerico Custodi Rotulorum Cancellariae nostrae Executoribus & Assignatis suis, quòd ipsi, quamdiu dictum Episcopatum Londoniae vacare contigerit, habeant & percipiant, per Manus Decani & Capituli dictae Ecclesiae Cathedralis Sancti Pauli & Successorum suorum, dictas Mille Libras, si Vacatio dicti Episcopatûs Londonaie per unum Annum duraverit,
Et, si Episcopatus ille majori vel minore tempore quàm per unum Annum vacaverit, quòd tunc idem Willielmus Executores & Assignati sui praedicti habeant & percipiant, per Manus dictorum Decani & Capituli & Successorum suorum, omnes ac tantas ac hujusmodi Denariorum Summas quae ad Nos, ratione vacationis ejusdem Episcopatûs Londoniae, pertinent aut pertinere poterunt seu debuerunt, juxta Ratam dictarum Mille Librarum per Annum, pro Rata Temporis quo Episcopatum illum per majus vel minus Tempus vacare contigerit, & omne Id quod ad Nos de dictis Mille Libris occasione Vacationis praedictae pertinet aut pertinere debeat aut poterit,
Habendas, Tenendas, & Percipiendas eidem Willielmo Executoribus & Assignatis suis praedictis de Dono nostro, adeò plenè integrè & liberè prout Nos vel Haeredes nostri, occasione hujusmodi Vacationis dicti Episcopatûs Londoniae, haberemus aut perciperemus si praesens Concessio nostra facta non fuisset,
Et insuper, de uberiori Gratia nostra speciali, ac ex certa Scientia & mero Motu nostris praedictis, Damus & Concedimus, pro Nobis & Haeredibus nostris praedictis, praefato Willielmo Executoribus & Assignatis suis praedictis, omnia & omnimoda Feoda Militum quae tenentur de dicto Episcopatu Londoniae, ac Advocationes Ecclesiarum, Capellarum, Cantariarum, Praebendarum, Archidiaconatuum, Dignitatum, Hospitalium, & aliorum Beneficiorum Ecclesiasticorum quorumcumque, ac Escaetas & Forisfacturas Terrarum & Tenementorum Bonorum & Catallorum quorumcumque, cum pertinentiis eidem Episcopatui Londoniae qualitercumque pertinentia, spectantia, sive incumbentia, quae, durante Vacatione ejusdem Episcopatûs Londoniae, ad Manus nostras sive ad Nos devenerunt aut acciderunt seu devenire debuerunt, debeant aut debebunt seu devenient durante Vacatione ejusdem Episcopatûs Londoniae, ac omnes Denariorum Summas de Praemissis sive eorum aliquo provenientium, Habenda & Tenenda eadem Feoda Militum, Advocationes, Escaetas, & Forisfacturas cum pertinentiis, ac Custodiam omnium eorumdem, ac omnes dictas Denariorum Summas, praefato Willielmo Executoribus & Assignatis suis praedictis, a tempore dictae Vacationis quamdiu dictum Episcopatum Londoniae vacare contigerit, ac omnia alia & caetera Praemissa absque aliquo Compoto, Responso, seu aliquo alio Nobis vel Haeredibus nostris pro Praemissis seu aliquo Praemissorum Reddendo seu Faciendo,
Et ulterius Concedimus praefato Willielmo plenariam Potestatem, Tenore Praesentium, hujusmodi Ecclesias, Capellas, Cantarias, Abbatias, Prioratus, Ecclesias Collegiatas, Praeposituras, Decanatus, Archidiaconatus, Praebendas, Hospitalia, & alia Beneficia Ecclesiastica quaecumque Nobis, ratione Vacationis praedictae, pertinentia, cuicumque sibi placuerit, cùm & quotiens vacaverint seu aliquod eorum vacaverit, ad libitum suum Concedendi, Conferendi, Praesentandi, sive Donandi,
Ac etiam Potestatem & Auctoritatem Faciendi sive Donandi & omnimodos Senescallos, Receptores, Ballivos, Firmarios, & alios Officiarios & Ministros sive Occupatores, & Officia quaecumque, Episcopatui praedicto pertinentia, cuicumque sibi placuerit, & hujusmodi Officiarios sive Officia ad libitum suum praedictum Expellendi, & Amovendi, ac Revocandi, prout Nos faceremus si praesens Concessio nostra facta non fuisset, absque impedimento, impetitione, molestatione, perturbatione, seu inquietatione Nostri vel Haeredum nostrorum, Justiciariorum, Escaetorum, Vicecomitum, aut aliorum Ballivorum seu Ministrorum nostrorum seu Haeredum nostrorum quorumcumque,
Et insuper ex certâ Scientiâ & mero Motu nostris praedictis Concedimus, pro Nobis & Haeredibus nostris, quòd tàm praedictus Willielmus Executores & Assignati sui praedicti, quàm praefati Decanus & Capitulum & Successores sui praedicti & eorum quilibet, de dictis Mille Libris per Annum, & qualibet indè Parcella pro Rata, inde Nobis pertinentibus, pro tempore quo dictum Episcopatum Londoniae vacare contigerit, pertinet, pertinebat, aut pertinere debuerit, erga Nos & Haeredes nostros exonerentur & inquietentur per Praesentes,
Eo quod expressa mentio de vero Valore annuo, sive Certitudine Praemissorum seu eorum alicujus, aut de aliis Donis sive Concessionibus eisdem Willielmo Executoribus & Assignatis suis ante haec tempora factis in praesentibus minimè facta existit, aut aliquo Statuto, Actu, Ordinatione, sive Restrictione quacumque, ante haec tempora facta, edita, sive provisa, non obstante.
In cujus &c.
Teste Rege apud Westmonasterium, vicesimo quinto die Decembris.
Per ipsum Regem.
PreviousTable of contentsNext