|
| Syllabus Entry |
Foedera Text |
July 28. Papal bull of dispensation for the marriage of the K.'s daughter Margaret with James K. of Scotland. Rome.
O. xii. 765. H. v. p. iv. 157. |
Pro Margareta, Primogenita Regis, Dispensatio Matrimonii cum Rege Scotorum.
Registrata in Secretaria Apostolica. MUTINEN.
An. 15. H. 7. Ex Origine.
Alexander Episcopus Servus Servorum Dei Dilectae in Christo Filiae Nobili Mulieri Margaretae Carissimi in Christo Filii nostri Henrici Angliae Regis Illustris Natae Salutem & Apostolicam Benedictionem.
Cunctorum Christi Fidelium, praesertim Regii Sanguinis generositate pollentium, Statui solertius intendentes, Votis illis libenter annuere curamus, per quae Fideles ipsi, praesertim Catholici Reges & Principes, salubribus Successibus valeant gratulari.
Cùm itaque, sicut exhibita Nobis nuper pro Parte tua Petitio continebat, tuque, Carissimi in Christo Filii nostri Henrici Angliae Regis Illustris Primogenita, & in Decimo cum Dimidio vel circa tuae Aetatis Anno constituta existis, non possis cum Carissimo in Christo Filio nostro Jacobo Scotorum Rege Illustri (cui Quarto & Quarto consanguinitatis & Affinitatis Gradibus es conjuncta) Matrimonium juxta ipsius Jacobi Regis desiderium contrahere, nisi super hoc Apostolicae Sedis Auctoritas suffragetur,
Nos, volentes desuper oportunè providere, tuis in hac parte Supplicationibus inclinati, Tecum & cum dicto Jacobo Rege, ut etiam ex nunc Matrimonium invicem Contrahere, & in eo postquam contractum fuerit Remanere, liberè ac licitè valeatis, Auctoritate Apostolicâ & ex certa Scientia, Tenore Praesentium, de specialis Dono Gratiae, Dispensamus,
Prolem ex hujusmodi Matrimonio suscipiendam legitimam Nuntiantes, ac Decernentes dictum Matrimonium, si ante Aetatem legitimam illud contrahi contingat, eandem Vim eundemque Vigorem habere, quos haberet si Tu tempore dicti contrahendi Matrimonii in dicta Aetate legitima constituta fores,
Non obstantibus Aetatis praemissae Defectu, quem ad hoc pateris, in illius Decimo Anno cum Dimidio praedicto vel circa constituta ut praefertur, & quem ad hoc harum serie supplemus, & aliis Consanguinitatis & Affinitatis Impedimentis praedictis, ac Apostolicis necnon Bonae Memoriae Ottonis & Ottoboni olim in dicto Regno Angliae Apostolicae Sedis Legatorum in Provincialibus quoque & Sinodalibus Conciliis editis, Generalibus vel Specialibus Con-
stitutionibus & Ordinationibus caeterisque contrariis quibuscunque.
Nulli ergo omnino Hominum liceat hanc Paginam nostrae Dispensationis, Nunciationis, Constitutionis & Suppletionis infringere &c.
Dat. Romae apud Sanctum Petrum, Anno Incarnationis Dominicae Millesimo, Quingentesimo: Quinto Kal. Augusti; Pontificatûs nostri Anno Decimo.
Jo. Mutinen.
Super plicam,
P. Tuba.
Sub Plumbeo Sigillo pendente a Filis sericis flavi rubeique Colorum. |
Aug. 6. Power for Robert Shirborn, dean of St. Paul's, and sir Amyas Paulet, to compound with the adherents of Michael Joseph, and Peter Warbek, and with the heirs of those now dead. Westm.
O. xii. 766. H. v. p. iv. 157. |
Super Rebellione Petri Warbek, de Intendendo.
An. 15. H. 7. Pat. 15. H. 7. p. 2. m. 16.
Rex, Dilectis & Fidelibus suis, Magistro Roberto Shirborn Decano Ecclesiae nostrae Cathedralis Sancti Pauli Londoniae, & Amisio Paulet Militi pro Corpore nostro, Salutem.
Sciatis quòd Nos,
De Fidelitatibus Industriis & providis Circumspectionibus vestris quamplurimum confidentes.
Assignavimus & Constituimus vos Commissarios & Deputatos nostros in Comitatibus nostris Somersetiae, Dorsetiae, Wiltesiae & Suthamptoniae, & singulis Partibus eorumdem,
Dantes & Concedentes vobis plenam, Tenore Praesentium, Potestatem & Auctoritatem ad omnes & singulos Subditos nostros Comitatuum praedictorum, qui Michaeli Joseph Rebelli & Proditori nostro, aut Cuidam Idolo sive Simulacro, Nomine Petro Warbek, Infimi Statûs viro, adhaeserunt, aut Consilium, Favorem, Auxilium sive Assistentiam eis seu eorum alteri aliquo modo adhibuerunt, & coram Vobis sive aliis Commissariis in Partibus illis nuperimè Assignatis non comparuerunt, & Se gratiae nostrae non submiserunt, & superinde Gratiam & Pardonationem nostram non obtinuerunt, neque Fines suos pro Rata & Qualitate Delictorum suorum Nobiscum Commissariisve nostris fecerint, aut alios quoscumque qui fugerint & se retraxerint, & in eorum Malitia perstiterint & adhuc existunt, necnon omnes & singulas Personas quae aliqua Bona sive Catalla dictorum Subditorum nostrorum Delinquentium sive non Delinquentium ceperint, abduxerint & detinuerint, coram Vobis per Publicas Proclamationes, infra Comitatus praedictos, & singulis Locis eorumdem, faciendas, aut alias prout Vobis melius visum fuerit, ad certos Dies & Loca, quos ad hoc provideritis, Evocandi & Venire faciendi,
Ac Ipsos & eorum quemlibet super hujusmodi Criminibus & Delictis suis diligenter Examinandi,
Et eos omnes & singulos, qui Se Gratiae nostrae submittere & Se Nobis dare voluerint, ad Gratiam nostram Acceptandi & Admittendi,
Ipsosque ad Fines & Redemptiones, pro Delictis suis solvendos, consideratâ Qualitate & Quantitate Delictorum suorum, juxta sanas discretiones vestras, Limitandi & Assignandi,
Ac quascumque Recognitiones, Securitates, Cautiones, Promissa & Obligationes, tàm pro Solutione hujusmodi Finium Nobis fiendorum, quàm de Se versus Nos benè gerendo, ab ipsis & quolibet eorum Petendi & Exigendi, ac hujusmodi Recognitiones, Securitates, Cautiones & Obligationes, cùm sic captae fuerint, in Cancellariam nostram Mittendi & debitè Retornandi,
Insuper Damus vobis, ut praemittitur, plenam Potestatem & Auctoritatem omnia & singula Bona, Terras & Possessiones, qualescumque & ubicumque fuerint, quae alicujus Viri jam Mortui fuerint, qui quidem Mortuus in Praemissis aut aliquo Praemissorum offenderit, & superinde nostram Gratiam aut Abolitionem pro hujusmodi suis Offensis non obtinuerit, in Manus nostras Capiendi & Seisiendi, & ipsa quae erant ipsius tempore dictae suae Rebellionis & Mortis Appreciandi & Vendendi, si hujusmodi Defuncti, Haeredes, aut Executores rationabilem Finem proinde facere noluerint,
Necnon Fines & Redemptiones hujusmodi Requirendi, Levandi & Recipiendi, ac Ipsos & eorum quemlibet super omnibus & singulis suis Solutionibus debitè Acquietandi, & Literas vestras Acquietantiae superinde Liberandi, quas tanquam nostras validas habere volumus,
Necnon omnes & singulos, quos in hac parte Disobedientes & coram vobis comparere aut Fines suos pro De-
lictis suis facere Recusantes inveneritis, ut Rebelles & Proditores nostros in singulis Locis, infra Comitatus praedictos, & eorum quemlibet, publicè Proclamandi, Publicandi & Declarandi, publiceve Proclamari, Publicari & Declarari faciendi, ac Terras, Tenementa, Redditus & Possessiones suas quascumque ac Bona & Catalla sua quaecumque, ubicumque & in quorumcumque Manibus fuerint, per Vicecomites, Escaetores & alios Officiarios nostros Comitatuum praedictorum, aut alios pro Nobis & Nomine nostro, Arrestari & in Manus nostras Seisiri faciendi, ac Corpora ipsorum Rebellium sic Delinquentium, ubicumque inveniri poterunt, Arestandi & Prisonis nostris Committendi, ibidem, absque Cautione sive aliqua alia Securitate, Moratura quousque pro ipsorum Deliberatione duxerimus aliter fore ordinandum;
Et ideò vobis & utrique vestrûm Mandamus quòd circa Praemissa diligenter intendatis, & ea faciatis & exequamini in forma praedicta:
Damus autem universis & singulis Dominis, Militibus, Proceribus, Majoribus, Vicecomitibus, Ballivis, Senescallis, Constabulariis, caeterisque Officiariis, Ministris, Fidelibus, Ligeis & Subditis nostris quibuscumque, Tenore Praesentium, firmiter in Mandatis quòd Vobis & utrique vestrûm, in Executione Praemissorum, Intendentes sint Faventes & Auxiliantes in omnibus, prout decet.
In cujus &c.
Teste Rege apud Westmonasterium, sexto die Augusti.
Per ipsum Regem. |
Oct. 17. Restitution of the temporalities to Richard bp. of Winchester, translated from Durham. Westm.
O. xii. 767. H. v. p. iv. 157. |
De Restitutione Temporalium Winton.
An. 16. H. 7. Pat. 16. H. 7. p. 2. m. 13.
Rex Escaetori suo in Comitatibus Suthamptoniae & Wiltesiae, Salutem.
Cùm Dominus Summus Pontifex Venerabilem in Christo Patrem Richardum Dunolmensem Episcopum a vinculo, quo eidem Ecclesiae Dunolmensi, cui tunc praeerat, tenebatur, absolverit, Ipsumque ad Ecclesiam Wyntoniensem, per Mortem bonae memoriae Thomae ultimi Episcopi Loci illius vacantem, transtulerit, sicut per Literas Bullatas ipsius Domini Summi Pontificis, Nobis indè directas, Nobis constat,
Nos,
Pro eo quòd idem Episcopus omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè recunciavit, & Gratiae nostrae humiliter se submisit, Volentes cum eo in hac parte agere gratiosè,
Cepimus Fidelitatem ipsius Episcopi, & Temporalia Episcopatûs Wyntoniensis, prout moris est, restituimus eidem;
Et ideò Tibi Praecipimus quòd eidem Episcopo Temporalia praedicta, cum pertinentiis, in Balliva tua, sine dilatione, Liberes in forma praedicta; salvo Jure cujuslibet.
Teste Rege apud Westmonasterium, xvij die Octobris.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Surr.
Escaetori Regis in Com. Buk.
Escaetori Regis in Com. Somers. & Dors.
Escaetori Regis in Com. Oxen. & Berk.
Et Mandatum est Militibus, &c. |
Oct. 20. Power for sir Richard Nanfan, deputy lieutenant of Calais, and five others, to receive 25,000 francs due from Lewis K. of France on Nov 1. Woodstock.
O. xii. 767. H. v. p. iv. 158. |
Super Receptione Annui Census Franciae.
An. 16. H. 7. Franc. 16. H. 7. m. 3.
Rex omnibus, ad quos &c. Salutem.
Cùm, Anno Domini Millesimo, Quadringentesimo, Nonagesimo secundo, Die verò Tertiâ Mensis Novembris, inter Nostros & Perhennis Memoriae Regis Karoli dudùm Gallorum Principis Commissarios, Procuratores, Oratores, Deputatos, & Nuncios, inter caetera, Conventum, Concordatum, & Conclusum fuerit,
Quòd idem nuper Rex Karolus Solveret & Deliberaret, Solvive & Deliberari faceret Nobis & Haeredibus no-
stris, nostrove Deputato vel Deputatis, vel dictorum Haeredum nostrorum Deputato vel Deputatis, Summam Septingentarum Quadraginta & Quinque Millium Coronarum Auri,
Quam quidem Summam Septingentarum Quadraginta & Quinque Millium Coronarum Auri praefatus nuper Rex Karolus Confessus fuerit & declaraverit Se Nobis tunc debuisse, Seque Haeredes atque Successores suos, per Literas suas Nomine suo subsignatas, Obligaverit, & pro se & dictis Haeredibus atque Successoribus suis Consentiit & Promisit solvere & deliberare, solvive & deliberari facere Nobis & Haeredibus nostris, nostrove Deputato vel Deputatis, aut dictorum Haeredum nostrorum Deputato seu Deputatis, sub modo & formâ sequentibus; videlicet,
Quòd idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, nostrove Deputato vel Deputatis, seu dictorum Haeredum nostrorum Deputato vel Deputatis, in Villa nostra Calesii, Die Primo Mensis Maii extunc proximò sequentes, Viginti & Quinque Millia Francorum in Coronis Auri, unoquoque Franco valente Viginti Solidos Turonenses, secundum Cursum & Aestimationem quam tunc habuerunt in Regno Franciae,
Et Primo Die Mensis Novembris tunc proximò futuro consimilia Viginti & Quinque Millia Francorum in Coronis Auri in Praedicta Villa nostra Calesii,
Et sic, de Anno in Annum, & de Termino in Terminum, idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, aut nostris seu dictorum Haeredum nostrorum Deputato seu Deputatis, Loco & Terminis antedictis, donec & quousque dicta Summa Septingentarum Quadraginta & quinque Millium Coronarum Auri per ipsum nuper Regem Karolum Gallorum Principem Haeredes & Successores suos, Nobis & dictis Haeredibus nostris, ut praedictum est, plenè & integrè Soluta & Contenta foret,
Prout in Literis Commissariorum dicti Illustrissimi Principis Regis Caroli, plenam in ea parte ab eo Potestatem habentium, Datis apud Stapulas supra Mare, dictâ Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadecimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboys Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Literas ac omnia & singula Contenta in eisdem Illustrissimus Carissimusque Frater & Consanguineus noster Rex Lodowicus nunc Gallorum Princeps, pro Se, Haeredibus, & Assignatis suis, Approbavit, Ratificavit, & Confirmavit,
Atque ad fidelem & debitam Solutionem & Satisfactionem Residui & Restidictae Summae Septingentarum Quadraginta & Quinque Milium Coronarum Auri, Loco & Terminis in Literis dicti nuper Regis Caroli Praedecessoris sui specificatis, non modò per Literas suas Patentes, Magno Sigillo suo munitas, & Manu suâ subscriptas, ac per Sanctissimum Dominum nostrum Alexandrum Papam Modernum, unà cum Decreto de praedictis Solutionibus sub Poena Camerae Apostolicae observandis, Approbatas & Confirmatas Se Haeredesque & Successores suos Astrinxit & prout in Literis suis desuper confectis, quarum Data est Parisius Quartadecimâ Die Mensis Julii, Anno Domini Millesimo, Quadringentesimo, Nonagesimo octavo, pleniùs continetur, verum etiam per alia Scripta sub Poena Excommunicationis latae Sententiae Se Obligavit,
Et quia Prima Dies Mensis Novembris, quae erit unus Terminus Solutionis antedictae, in qua Summa Viginti & Quinque Millium Francorum in Coronis Auri, in praedictâHaeredibus nostris, nostrove Deputato vel Deputatis, seu dictorum Haeredibus nostris, nostrove Deputato vel Deputatis, seu dictorum Haeredibus nostris, nostrove Deputato vel Deputatis, seu dictorum Villâ nostrâ Calesii, ut praemittitur, solvi debeat (videlicet) Anno Domini Millesimo, Quingentesimo, propediem est ventura,
Hinc est quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Richardi Nanfan Militis Deputati Locumtenentis Villae nostrae Calesii, Johannis Turbervile Militis Thesaurarii ejusdem Villae, Antonii Broun Militis Constabularii nostri ibidem, Adriani Whetehill Contrarotulatoris Villae praedictae, Radulphi Lathom, & Francisci Marzen, quamplurimùm confidentes,
Ipsos nostros veros & indubitatos Commissarios, Procuratores, Factores, Negotiorum Gestores, Receptores, & Deputatos Facimus, Constituimus, Ordinamus, & Deputamus per Praesentes,
Dantes Eisdem, Quinque, Quatuor, Tribus, & Duobus eorum (quorum alterum praefatorum Richardum Nanfan & Franciscum unum esse volumus) plenam, Tenore Praesentium, Potestatem & Auctoritatem, ac Mandatum speciale cum Commissariis, Procuratoribus, Deputatis, & Nunciis dicti Illustrissimi Principis Fratris & Consanguinei nostri Carissimi, Regis Lodowici, apud Villam nostram Calesii, Nomine nostro, Tractandi & Communicandi, & ab ipsis dictam Summam Viginti & Quinque Millium Francorum in Coronis Auri (unoquoque Franco Viginti Solidos Turonenses, ut praemittitur, valente) Nobis dicto Primo Die Mensis Novembris Anno Domini Millesimo Quingentesimo per ipsum nunc Gallorum Principem debitam & solvendam, Recipiendi, & eorum Solutiones Acceptandi, ipsique Serenissimo Principi Lodowico Consanguineo nostro & dictam Summam ejus Solventibus, ejusve Commissariis, Procuratoribus, Deputatis, vel Nunciis praedictis de & pro hujusmodi Receptis Literas nostras Acquietantiae & Exonerationis, Magno Sigillo nostro sigillatas, Nomine nostro Tradendi & Deliberandi,
Caeteraque Faciendi & Perimplendi quae in Praemissis seu circa ea necessaria fuerint seu quomodolibet oportuna;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid praefati Commissarii, Procuratores, Factores, Negotiorum Gestores, Receptores, & Deputati nostri, Nomine nostro, fecerint in Praemissis, seu eorum aliquo.
In cujus &c.
Teste Rege apud Wodstok, vicesimo die Octobris.
Per ipsum Regem. |
Nov. 4. Receipt for the above-named sum. Woodstock.
O. xii. 769. H. v. p. iv. 158. |
Pro dicto Censu Acquietantia.
An. 16. H. 7. Franc. 16. H. 7. m. 3.
Rex universis & singulis, ad quos &c. Salutem.
Sciatis Nos Recepisse & Habuisse, Die Confectionis Praesentium, ab Illustrissimo Carissimoque Fratre & Consanguineo nostro Rege Lodowico Gallorum Principe, per Manus apud Villam nostram Calesii, Viginti & quinque Milia Francorum in Coronis Auri (unoquoque Franco Viginti Solidos Turonenses valente) Nobis Primo Die Mensis Novembris, Anno Domini Millesimo Quingentesimo, solvi debitorum, qui erat Unus Terminus pro parte Solutionis Septingentarum Quindraginta & quinque Millium Coronarum Auri per, Perhennis Memoriae, Regem Carolum novissimè Defunctum Nobis debitarum & solvendarum,
Prout in Literis Commissariorum dicti Illustrissimi Regis Caroli, plenam in ea parte ab eo Potestatem habentium, Datis apud Stapulas supra Mare Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadecimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboyse Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Literas ac omnia & singula contenta in eisdem Illustrissimus Princeps Rex Lodowicus Consanguineus noster antedictus, pro Se, Haeredibus, & Assignatis suis, Approbavit, Ratificavit, & Confirmavit,
Atque ad fidem & debitam Solutionem & Satisfactionem Residui & Resti dictae Summae Septingentarum Quadraginta & quinque Millium Coronarum Auri, Loco & Terminis in Literis dicti nuper Regis Caroli Praedecessoris sui specificatis, non modò per Literas suas Patentes, Magno suo Sigillo munitas & Manu suâ subscriptas, ac per Sanctissimum Dominum nostrum Alexandrum Papam modernum, unà cum Decreto de praedictis Solutionibus sub Poena Camerae Apostolicae observandis Approbatas & Confirmatas, Se Haeredesque & Successores suos Astrinxit & Submisit, prout in Literis suis desuper confectis (quarum Data est Parisius Quartadecimâ Die Mensis Julii, Anno Domini Millesimo, Quandringentesimo, Nonagesimo octavo) pleniùs continetur, verùm etiam per alia Scripta sub Poena Excommunicationis latae Sententiae Se Obligavit,
De quibus quidem Viginti & quinque Millibus Francornm in Coronis Auri Fatemur Nobis pro Termino praedicto fideliter esse Solutum, & eundem Fratrem & Consanguineum nostrum Regem Lodowicum Haeredesque suos superinde
fore Quietos & exinde plenè Exoneratos.
In cujus &c.
Teste Rege apud Wodstok, Quarto Die Novembris.
Per ipsum Regem. |
Dec. 7. The several sheriffs are ordered to issue a proclamation summoning persons possessing 40l. a year in land or rents to assume the order of knighthood. Woodstock,
O. xii. 770. H. v. p. iv. 159. |
De Ordine Militari suscipiendo.
An. 16. H. 7. Pat. 16. H. 7. p. 1. m. 12. dor.
Rex Vicecomiti Kantiae Salutem.
Cùm nuper, per Breve nostrum, Praeceperimus nuper Vicecomiti Comitatûs tui quòd, in singulis Locis infra Ballivam suam, tàm infra Libertates quàm extra, ubi magis expediens videret, ex Parte nostra publicè Proclamari faceret,
Quòd omnes illi, qui Quadraginta Libratas Terrae vel Redditûs & ultra per Annum in Manibus suis vel in Manibus Feoffatorum habuerint, & eos per Tres Annos sic habuerint, & Milites non sunt, ad nostram Praesentiam, citra certum Diem jam praeteritum, sub Periculo incumbenti, personaliter accederent, & de Nominibus illorum, qui sic Quadraginta Libratas Terrae vel Redditûs de Balliva sua, ut praedictum est, habuerint, Nos & Concilium nostrum citra Diem praedictum constare faceret indilatè,
Ac jam intelleximus quòd idem nuper Vicecomes, virtute dicti Brevis nostri, Nomina quarumdam Personarum Comitatûs sui praedicti, Quadraginta Libratas Terrae vel Redditûs & ultra per Annum in Manibus suis ut praedictum est habentium, Nobis in Concilium nostrum Certificavit & Retornavit,
Ac nonnullas alias Personas de dicta Balliva sua, Terras & Redditus ad Valorem praedictum per Annum & ultra similiter habentes, & Milites non existentes, in Retorno suo praedicto Nobis minimè Certificavit, sed extra eundem Retornum omisit, & de eorum Nominibus nichil dicit ut satis Nobis constat,
Nos igitur, de Nominibus omnium & singularum hujusmodi Personarum Comitatûs praedicti per Te melius Certiorari volentes, Tibi Praecipimus, firmiter injungentes, quòd statim, post Receptionem Praesentium, in singulis Locis, infra Ballivam tuam, tàm infra Libertates quàm extra, ubi magis expedire videris, iteratò publicè Proclamari facias,
Quòd omnes & singulae Personae, Terras, & Redditus ad Valorem praedictum habentes, ad Praesentiam nostram citra Festum Purificationis Beatae Mariae proximò futurum personaliter accedant,
Et de Nominibus omnium & singulorum, qui Quadraginta Libratas Terrae vel Redditûs, ut praedictum est, de Balliva tua habent, Nos & Concilium nostrum, citra Festum Purificationis Beatae Mariae proximò futurum, meliùs constare facias indilatè,
Et summoneas, per bonas Summonitiones, omnes illos quòd exnunc, ad dictum Ordinem Militarem recipiendum, se praeparant, ita quòd, citra dictum Festum, sub Periculo praedicto, sint parati ipsum Ordinem Militarem recepturi; Et hoc, sub Periculo incumbenti, nullatenus omittas.
Teste Rege apud Wodstok, septimo die Decembris.
Consimilia Brevia diriguntur Vicecomitibus subscriptis, in Comitatibus subscriptis, sub eâdem Datâ; videlicet,
Surr. & Sussex.
Norff. & Suff.
Somers. & Dors.
Suthampt.
Devon.
Norhampt.
Wiltes.
Cornub.
Essex. & Herf.
Warr. & Leyc.
Lincoln.
Eborum.
Northumbr.
Westmerl.
Cumbr.
Lancastr.
Hereford.
Wygorn.
Glouc.
Rotel.
Oxon. & Berk.
Bed. & Buk.
London. & Midd.
Quinque Portus.
Staff.
Cantebr. & Hunt.
Notyngh. & Derb.
Salop. |
