|
| Syllabus Entry |
Foedera Text |
Nov. 2. Six obligations of the duke of Orleans to pay 134,000 crowns in all.
O. x. 817. H. v. p. i. 96. |
Obligatio Ducis Aurelianensis pro Solutione Viginti Milium Nobilium.
An. 19. H. 6.
Ex Autogr.
Universis Christi Fidelibus, ad quos praesentes Litterae pervenerint, Nos, Karolus Dux Aurelianensis, & Valesii, Blesis, & Bellimontis Comes, Astensis & Conciacy Dominus, Notum facimus quòd,
Cùm in Literis Appunctuamenti,
Inter Excellentissimum Serenissimumque Principem Henricum Angliae &c. Regem ex parte unâ, & Nos Karolum Ducem Aurelianensem, Captivum & Prisonarium dicti Serenissimi Principis Regis antedicti, Parte ex altera, de & super Elargatione, Acquitatione, ac finali Deliberatione nostri Ducis praedicti facti,
Inter caetera contineatur, quòd Nos, Karolus Dux praedictus, infra Sex Menses, ab illo Die quo primùm egrediemur Regnum Angliae proximò sequentes & futuros, Solvemus seu Solvi faciemus praefato Serenissimo Principi Regi Angliae supradicti, in Civitate suâ Londoniae, Summam Viginti Milium Nobilium bonae & legalis Monetae Regni Angliae, seu Quadraginta Milium Scutorum, quorum Duo semper valeant unum Nobile Anglicanum,
Nos,
Pro Securitate praefati Serenissimi Principis Regis praelibati, quoad Solutionem Summae antedictae, in Termino supradicto sibi fiendam, providere volentes,
Non Vi, vel Metu, aut alio quovis illicito Modo ad hoc inducti, set de nostrâ merâ, purâ, spontaneâ Voluntate,
Ad Solutionem supradictae Summae, praefato Serenissimo Principi Regi Angliae supradicto, aut Deputatis, Haeredibus, aut Executoribus suis, in Termino suprascripto, benè & fideliter, sine ulteriori dilatione, faciendam, Obligamus Nos, Haeredes, & Executores nostros, ac omnia Bona nostra mobilia & immobilia, ubicumque & sub cujuscumque Judicis Ecclesiastici vel Secularis Potestate seu Districtione fuerint inventa:
Et, ut praefatus Serenissimus Princeps Rex praenominatus tanto redditur certior quòd omnia Praemissa inviolabiliter observabuntur, quò majori fulciuntur Roboris firmitate, Nos, in eventum quo contra ea vel aliquod eorum Nos venire contingat (quod absit) Submittimus Nos & Personam nostram, quoad Solutionem de praefata Summa faciendam,
unà cum Dampnis, Sumptubus Litis, & Expensis, ac omni Interesse ipsius Regis, ratione non Solutionis dictae Summae sibi secuturis, fiendis, & futuris, ac omnia Bona nostra mobilia & immobilia, Jurisdictioni, Cohertioni, Compulsioni, ac Districtioni Curiae Camerae Apostolicae, & Domini nostri Papae quem pro tempore Rex antedictus pro Papa recognoverit: ac ipsius Camerae, Camerarii, Auditoris, Marescalli: ac cujuscumque Imperatoris, Regis, Archiepiscopi, Episcopi, Ducis, Comitis, Civitatis: necnon quorumcumque Praepositorum, Rectorum, Potestatum, sive Majorum Villarum, Opidorum, & Locorum, ac aliorum quorumcumque Judicum, tàm Ecclesiasticorum, quàm Secularium, quocumque Nomine appellentur vel censeantur: & eorum Jurisdictionem, etiam si aliàs nostri Judices non fuerint, Tenore Praesentium Prorogamus: & in eorum quemlibet, tanquam in Judicem nostrum, consentimus per Praesentes; ita quòd contra Nos procedere poterint & poterit eorum quilibet, Nobis vocatis seu non vocatis, summariè &, de plano, inquisitâ solâ Facti veritate, inspectione Praesentium pro plenaria probatione contentus sive contenti: ac Nos cogere & compellere ad Observationem omnium & singulorum Praemissorum & infrascriptorum, & ipsi Judices Ecclesiastici, etiam per Excommunicationis & Interdicti Sententias, in Personam nostram & quaecumque Terras & Dominia nostra ferendas.
Insuper, ad finem quòd praefatus Rex Angliae nullam patiatur Dilationem in Prosecutione, si opus esset, fiendà pro assecutione dictae Summae, Renunciamus omnibus tàm Juris quàm Facti Remediis, quibus contra Praemissa seu aliquod eorumdem possimus Nos juvare, etiam si Defensio fuerit Juris Naturalis: Et specialiter Renunciamus Privilegio Crucis assumptae vel assumendae; omniq; Beneficio Restitutionis in integrum, omnibus insuper Gratiis & Privilegiis tàm Fori quàm aliis, & Gratiarum hujusmodi Literis tàm impetratis quàm impetrandis, seu qualitercumque concessis seu concedendis, etiam mero motu Concedentur: necnon Statutis tàm generalibus quàm specialibus, & praesertim Regni Franciae, & eorum Beneficiis, per quas, vel quae, praemissis Obligationibus, Promissionibus, Prorogationibus, seu Submissionibus derogari seu praejudicari possit: necnon Protectionibus, ac Litteris salvi Conductûs, datis sive dandis, concessis sive concedendis; ac generaliter omni Dilationi, necnon quibuscumque Juribus, quibus deceptis vel decipiendis quomodolibet subveniri potest: omnique Dispensationi, Absolutioni Apostolicâ Auctoritate vel aliâ quacumque factae seu fiendae, quam praetendere possemus in Exonerationem nostram adversus Obligationes, Promissiones, Submissiones, Prorogationes, seu Juramenta nostra suprascripta vel infrascripta, seu adversus aliquod eorumdem: ac cujuscumque Provocationis, Appelationis, Supplicationis, Libertatis, Franchesiae, seu Immunitatis Personae sive Loci, necnon cujuscumque Consuetudinis aut Usûs, Auxilio sive Remedio, Praemissa quomodolibet impedire valenti sive differre: omnique Implorationi Judicis, aut Reductioni ad Arbitrium boni Viri, ac etiam Juri dicenti quòd nemo debet coram diversis Judicibus simul trahi, & quòd ubi coeptum fuerit Judicium, ibi finem accipere debet: ac specialiter Juri, dicenti quòd, in Carcerem quem detrusit ut aliquid ei extorqueret, quicquid ob hanc Causam factum est nullius Momenti est: Et generaliter omni Exceptioni ac Replicationi, aut cuicumque Defensioni Metûs, Violentiae, Compulsionis, aut Timoris: Juri etiam dicenti quòd non valet Renunciatio Generalis, nisi praecedat specialis: Exceptioni doli mali, & in factum Actioni, Conditioni indebiti, Condictioni ob Causam, vel sine Causâ, ac Pacti de non petendo: omni insuper Privilegio temporis Feriati, Beneficio Constitutionis tàm felicis recordationis Bonefacii Papae Octavi, ne quis extra suam Civitatem seu Dioecesim, nisi in certis Casibus ibinotatis, & in illis non ultraunam Dietam, a Finibus ejusdem Dioecesis, ad Judicium evocetur, quàm de Duabus Dietis in Concilio Generali, Juri quoque Revocandi Domum, ac generaliter & indistinctè omni alii Actioni, Exceptioni, Replicationi, Duplicationi, Dilationi, & Defensioni, per quam Solutio praefati Debiti sive Summae, vel Actio sive Petitio ejusdem, aut Executio, pro eadem fienda, in Personâ nostrâ seu in Bonis nostris, Personisve aut Bonis Fidejussorum nostrorum, alicujusve eorumdem, quomodolibet differri posset aut impediri;
Ita quòd nullo ad Defensionem nostram in hac re uti poterimus Suffragio, nisi Litteris Acquitantiae praefati Excellentissimi & Serenissimi Principis Angliae &c. Regis, Nobis, Fidejussoribus nostris, ipsorumve alicui, factis, Magno Sigillo ipsius Regis sigillatis, testificantibus Solutionem plenariam ipsi Regi de praefatâ Summâ factam:
Juramus insuper, ad Sancta Dei Evangelia, per Nos corporaliter tacta, atque Promittimus, sub Forisfacturâ Honoris nostri terreni, quòd omnia & singula praedicta fideliter adimplebimus, observabimus, & faciemus secundùm omnem vim, formam, & effectum eorumdem, absque dolo, fraude, vel malo Ingenio quocunque.
In cujus rei Testimonium Sigillum nostrum, unà cum Scriptione & Signo Manuali nostris, Praesentibus apposuimus.
Dat. Secundo die Mensis Novembris, Anno Domini Millesimo, Quadringentesimo, Quadragesimo.
Karolus.
Sub rubeo Sigillo, pendente a Caudâ Pergamenae.
Consimilis est Obligatio pro Sexaginta Mil. Scutorum, manu propriâ signata hoc modo, viz.
Karolus.
Sub rubeo Sigillo pendente a Caudâ Peragamenae.
Consimilis est Obligatio pro Quindecim Mil. Scutorum, propriâ manu signata.
Sub rubeo Sigillo pendente a Caudâ Pergamenae.
Item, alia Obligatio pro Sex Mil. Scutorum, propriâ manu similiter signata.
Sub rubeo Sigillo pendente a Caudâ Pergamenae.
Item, alia Obligatio pro Sex Mil. Scutorum, propriâ manu subscripta.
Sub rubeo Sigillo pendente a Caudâ Pergamenae.
Item, alia Obligatio pro Tribus Millibus Scutorum, propriâ manu signata.
Sub rubeo Sigillo pendente a Caudâ Pergamenae. |
Nov. 3. Indenture by which the K. of England releases the duke of Orleans for one year, binding him to return in six months if the sum due at that time is not paid. Westm.
O. x. 819. H. v. p. i. 97. |
Indentura, de Appunctuatis pro Redemptione praefati Ducis.
An. 19. H. 6. Ex Autogr.
Henricus, Dei gratiâ, Rex Angliae & Franciae, & Dominus Hiberniae, Omnibus, ad quos praesentes Litterae, inter Nos Henricum Regem praedictum parte ex unâ, & Carissimum Consanguineum nostrum Karolum Ducem Aurelianensem, & Valesii, Blesis, & Bellimontis Comitem, Astensis & Conciacy Dominum, Captivum & Prisonarium nostrum, parte ex altera Indentatae, pervenerint, Salutem.
Susceptâ per Nos pridem cujusdam Supplicationis Cedulâ (quam Nobis idem Consanguineus & Captivus noster exhibuit) in effectu continente quomodo ipse, a tempore quo, sinistrante sibi fortunâ Belli, in Campo de Agincourt in Picardia commissi, ab, Inclitissimae recordationis, Henrico Rege Angliae Quinto, Genitore nostro, contra Excercitum Adversarii sui in Francia feliciter Trihumphante, jam sunt Viginti quatuor & amplius Anni, sub Captivitate miserâ, infra Regnum nostrum Angliae, continuâ sub Custodiâ detentus, omnem Captivitatis Legem & Armorum, juxta modum pro ipsius Salva Guardia dispositum, humiliter & obedienter subiit, nichil unquam Verbo, Scripto, vel Facto contra Juramentum, occasione Captivitatis suae hujusmodi praestitum, attemptando,
Sicque Detentus & Captivatus, velut infelix, Alienus, & Elongatus ab Amicis & Notis suis, Exúlque a Solo Natali, steriliter & infructuosè majora Vitae suae tempora transegit, nec sibi nec aliis utilis existens, nec alios habens sibi utiles, modicum seu nichil quasi Commodi vel Utilitatis ex Dominiis, Terris, Possessionibus, Rebus, aut Bonis, in Regno Franciae vel alibi ad eum spectantibus & pertinentibus, capiendo, adeò quòd, ad extremum quasi Depauperatus & Adnichilatus, vix valeat attingere modicam vel exiguam Partem illius Summae, pro Redemptione Personae suae vel Finantia dandam, quam in primordiis suae Captivationis exsolvere potuisset,
Apud Nos propterea instantiùs, ymmò instantissimè, & humiliter supplicando quatinus,
Praemissis Pietatis & Clementiae Regalis intuitu ponderatis & inspectis, nè, praeter suum Demeritum, cum reliquis Vitae suae diebus, in nostri pariter & sui Dispendium, vadat in Perditionem & Exterminium sibi perpetuum & finale,
Dignaremur, Mediantibus congruis & rationabilibus Oblationibus, per ipsum fiendis, Liberationi suae intendere, & Sinum Gratiae nostrae sibi ex Regali Clementiâ aperire,
Nos, praedictae Supplicationis Cedulâ visâ & intellectâ, volentes de Mediis Obligationibusque hujusmodi apertiùs informari, varios cum praedicto Consanguineo nostro Tractatus & Communicationes habuimus, tàm super Liberatione suâ petitâ, quâm super Mediis quibus perveniri posset ad eandem,
Et quamquam ea, quae in hujusmodi Tractatibus & Communicationibus a memorato Duce, pro sua Liberatione, & Praeambulis, ac Circumstantiis ejusdem, Nobis oblata fuerunt,
Tàm quoad Pecuniarum Summas, quàm quoad Securitates de & pro Solutione earumdem, Nobis in Termino vel Terminis, de quibus concordari posset, fiendâ, quàm etiam quoad Reditum & Restitutionem Personae suae in Manus nostras, in eventum non Solutionis hujusmodi, & non Executionis aliorum per eundem Ducem & Consanguineum nostrum perimplendorum,
Nobis exilia nimis atque fragilia visa fuerint modicâque existimatione digna, habito praesertim respectu ad Praeeminentiam, Nobilitatémque Sanguinis, ac Statum, & alias Circumstantias Personae ejusdem Ducis,
Considerantes tamen quòd in Principe non mius Gloriosum & Laudabile quàm Hostem vincere sit scire Victi miserere, firmiterque in mente tenendo id quod ab oraculo vocis memorati Ducis Consanguinei nostri, etiam cum Jurejurando saepè prolatum, audivimus,
Quòd (videlicet) tùm pro vitandâ lacrimabili Christiani Sanguinis effusione & aliis innumeris Bellorum & Guerrarum incommodis, tùm etiam pro consequendo dulcissimae Pacis Bono (cujus proculdubio ardenissimo flagramus & se flagrare fatetur desiderio & summo inflammari affectu) pro quo quidem Pacis Bono consequendo Personam suam exponeret, ut asseruit, nullis Laboribus nullisque Sumptibus sibi possibilibus in ea parte parcendo, quodque nichil Rebus in humanis excogitari posset cujus Prosecutioni tàm libenter intenderet seque totaliter accommodaret, sicuti Pacis Finalis & Perpetuae Inclitorum Franciae & Angliae Regnorum, adeò quod, Optione sibi datâ, eam Propriae Vitae praeferret,
Horum, unà cum aliis praedictis, consideratione permoti,
Attento praeterea quòd Principis Auctoritas & Potestas ea potissimè Decori & Gloriae sibi fiunt, si eis utatur ad Salutem & Gratiam aliorum,
Aliisque Causis & Motivis rationabilibus incitati, Precibus & Instantiis praelibati Ducis, maximè spe Pacis praedictae per suas Solicitudinem & Industriam consequendae, animum Regium duximus inclinandum, & Appunctuavimus cum eodem sub certâ Formâ, inter Nos & eundem Ducem concordatâ, sicuti tàm per Litteras nostras quàm ipsius Ducis Indentatas, Sigillis nostris alternatim sigillatas, liquet pleniùs & apparet,
Quibus, inter caetera, saltem in effectu, continetur quòd Personam ipsius Ducis, propter Causas in eisdem Litteris seriosiùs descriptas, & ad tempus in eisdem Litteris comprehensum, elargaremus,
Juxta cujus Appunctuamenti Vim & Effectum Personam ipsius Ducis Elargavimus & Elargamus a Custodia sive Prisona, quâ praetextu Captivitatis suae praedictae tenebatur, sicque Personam suam Tenore Praesentium Declaramus Elargâsse, Elargatione hujusmodi duraturâ tantummodo, a die Datae Praesentium Litterarum, usque ad Annum extunc proximò sequentem,
Ad hoc (videlicet) quòd, Elargatione hujusmodi durante, possit & valeat, absque impedimento nostri, vel alicujus Ligeorum seu Subditorum nostrorum, salvò & securè se divertere ad quascumque Partes Regni nostri Franciae, & tàm ibi quàm alibi intendere & vacare quibuscumque Viis, Modis, & Mediis honestis, necessariis, seu quomodolibet oportunis ad Executionem & Complementum omnium & singulorum inter Nos & ipsum Ducem pro & super Redemptione seu Liberatione sua Appunctuatorum,
Quâ tamen Elargatione durante, ac usque ad Liberationem suam finalem a Captivitate sua praedicta, per Litteras nostras Patentes, sibi tradendas, testificandam, non poterit idem Dux nec debebit se contra Nos Armare, nec aliquid Consilio, Auxilio, aliove modo facere seu procurare, quod in nostri praejudicium vel dampnum tendere vel cedere valeat quoquomodo:
Et,
Si contingat eundem Ducem, praesenti Elargatione sic per eum a Nobis acceptâ, & dùm sic Elargatus fuit, in toto vel in parte deficere in Solutione Summarum, nobis, ut praemittitur, infra Sex Menses, a Die quo primùm egredietur Regnum nostrum Angliae proximò secuturos, solvendarum, secundùm vim & effectum dicti Appunctuamenti inter Nos & Ipsum facti,
Eo casu idem Dux tenebitur atque debet, cum omni celeritate possibili, immediatè post Lapsum ipsorum Sex Mensium, & ad omne tardius infra Quadraginta Dies a Lapsu dictorum Sex Mensium proximò futurorum, ad Nos in Regnum Angliae redire, & Reddere ac Restituere Nobis Personam suam in Captivitate sicut prius extituram & remansuram; non obstantibus supradictis:
Et, quamquam praesentibus Litteris non exprimantur vel specificentur omnia & singula, quae praefatus Dux, hac Elargatione sibi concessâ durante, facere, prosequi, & procurare, nec omnes Solicitudines & Diligentiae quas infra tempus ejusdem Elargationis impendere tenetur & debet, nec omnes & singuli Casus quibus occurrentibus tenebitur & debet reverti & redire in Regnum nostrum Angliae, & illic Reddere & Restituere Corpus & Personam suam pristinae Captivitati & in eadem remanere, non est tamen intentionis nostrae, neque praefati Ducis, quòd, per Omissionem Expressionis seu Specificationis hujusmodi, quovismodo derogetur alicui Contentorum in praedictis Litteris Principalibus Indentatis Appunctuamenti inter Nos & praefatum Ducem facti; set quòd nichilominus in suo pleno robore permaneant & vigore.
In cujus rei Testimonsum huic Parti Indentatae, remansurae penes dictum Serenissimum Principem Henricum Regem Angliae & Franciae, & Dominum Hiberniae, Nos Karolus Dux Aurelianensis, & Valesii, Blesis, & Bellimontis Comes, Astansis & Conciacy Dominus praedictus, Sigillum nostrum praesentibus fecimus apponi.
Dat. apud Westm. Tertio die Novembris, Anno dicti Regis Decimo Nono, & Anno Domini Millesimo, Quadringentesimo, Quadragesimo.
Karolus.
Per Dominum Ducem Aurelianensem.
Hardon.
Sub rubeo Sigillo pendente a Cauda Pergamenae. |
Nov. 3. Receipt by the K. for 80,000 crowns from the duke of Orleans, and of letters of obligations John duke of Brittany, John duke of Alençon, and others. Westm.
O. x. 821. H. v. p. i. 98. |
Acquietantia super certis Denariorum Summis Solutis, necnon Literis Obligatoriis traditis, pro finali Liberatione Ducis memorati.
An. 19. H. 6. Franc. 19. H. 6. m. 28.
Rex Omnibus, ad quos &c. Salutem.
Noveritis quòd,
Cùm in Literis Appunctuamenti,
Inter Nos ex una, & carissimum Consanguineum nostrum Karolum Ducem Aurelianensem Captivum & Prisonarium nostrum parte ex alterâ, de & super Elargatione, Acquitatione, ac finali Liberatione ejusdem Ducis & Praembulis ad eandem, facti,
Inter caetera contineatur, saltim in effectu, & Concordatum existat, quòd, incontinenti & prae manibus, idem Dux Nobis solvere debeat Summam Quadraginta Milium Nobilium, bonae & legalis Monetae Regni nostri Angliae, seu Octoginta Milium Scutorum, quorum Duo semper valeant unum Nobile Anglicanum:
Et etiam quòd, praeter & ultra praedictam Summam, infra Sex Menses, ab illo Die quo primum egredietur Regnum nostrum Angliae proximò sequentes & futuros, solvet seu solvi faciet Nobis Summam Sexaginta Milium Nobilium, bonae & legalis Monetae Regni nostri Angliae, seu Centum Viginti Milium Scutorum, quorum duo semper valeant unum Nobile Anglicanum;
Et quòd idem Dux, praeter Literas suas Obligatorias de Summa praedicta (videlicet) Sexaginta Milium Nobilium, sive Centum Viginti Milium Scutorum, Nobis infra dictos Sex Menses, ut praefertur, exsolvendâ, pro ampliori Securitate nostra quoad Solutionem ejusdem Summae Nobis benè & fideliter fiendam, dabit Nobis & tradet, seu dari & tradi Nobis faciet, ante Recessum suum a Regno nostro Angliae, Literas Patentes,
Dalphini Viennae, de Triginta Milibus Scutorum,
Ducis Alensonii, de Viginti Milibus Scutorum,
Comitis Vindoniensis, de Decem Milibus Scutorum,
Comitis Marchiae, de Decem Milibus Scutorum,
Archiepiscopi Remensis Cancellarii Franciae, de Decem Milibus Scutorum,
Archiepiscopi Narbonensis, de Sex Milibus Scutorum,
Comitis de Harecourt & Tancarvilla, de Sex Milibus Scutorum,
Domini de Mailli, de Quatuor Milibus Scutorum,
Domini de Loheac, de Quatuor Milibus Scutorum,
Divisas, distinctas, & separatas, quoad Summas praedictas, in eisdem Literis specificandas, Nobis ab ipsis persolvendas, concipiendas in forma inter Nos & eundem Ducem concordatâ, sigillandas Sigillis eorum publicè notis & consuetis,
Prout haec & alia in Literis dicti Appunctuamenti pleniùs in effectu continentur & sunt expressa;
Jamque praefatus Dux Aurelianensis, juxta vim, formam, & effectum Appunctuamenti supradicti, Nobis per manus Georgii de Luques, Benedicti Borromei, Johannis Michaelis, & Forcii de Rabatta, Mercatorum Florentiae, in nostra Civitate Londoniae degentium, praemanibus exsolvere curaverit & exsolverit, ut tenebatur, Summam Quadraginta Milium Nobilium seu Octoginta Milium Scutorum supradictam,
Nos, in exonerationem & acquitationem ejusdem Ducis in ea parte, fatemur Nobis de praedicta Summa Quadraginta Milium Nobilium, sive Octaginta Milium Scutorum, quam prae manibus Nobis solvere debebat, esse Satisfactum, & eundem Ducem, ac Haeredes, Successores, & Executores suos indè Acquietamus per Praesentes:
Fatemur, insuper, & Recognoscimus eundem Ducem tradidisse Nobis & liberâsse, pro Securitate nostra quoad Solutionem Summae praedictorum Sexaginta Milium Nobilium, sive Centum Viginti Milium Scutorum, Nobis, ut praefertur, infra Sex Menses, ab illo die quo primùm egredietur Regnum nostrum Angliae proximò sequentes, fiendam, Literas Patentes Obligatorias, quas idem Dux asserit illorum esse qui subscribuntur; videlicet,
Johannis Ducis Britanniae Comitis Montis fortis & Richmundiae, de Summa Viginti Milium Scutorum,
Johannis Ducis Alensonii, Comitis Pertici, Vicecomitis Bellimontis, de Summa Viginti Milium Scutorum,
Ludovici de Borbonio Comitis Vindoniensis & Carnotensis, Supremi Magistri Hospitii Franciae, de Summa Decem Milium Scutorum,
Bernardi de Armaignaco Comitis Marchiae Pardiaci & Castrensis de Summa Decem Milium Scutorum,
Reginaldi de Carnoto Archiepiscopi & Ducis Remensis, Paris ac Cancellarii Franciae, de Summa Decem Milium Scutorum,
Johannis de Hauricauria Archiepiscopi Narbonensis, de Summa Sex Milium Scutorum,
Hardoynis de Mayllayco Domini Mayllayco, de Rosseyo, de Rochocorbrini, & de Venetis, de Summa Quatuor Milium Scutorum,
Et Andreae de Valle Militis Domini de Loheaco Marescalli Franciae, de Summa Quatuor Milium Scutorum,
Et, praeter has Literas, ut idem Dux asserit, Obligatorias Delphini Viennae de Summa Quindecim Milium Nobilium, seu Triginta Milium Scutorum, discrepantes tamen & differentes a modo & forma Literarum hujusmodi inter Nos & praefatum Ducem in ea parte concordatis,
Et, nè fortassè aliquid Difficultatis aut Dubii ex hujusmodi Discrepantia vel Difficultate suboriretur vel emergeret, per quod Obstaculum, Impedimentum, vel Dilatio dari possit Appunctuamento supradicto, vel Executioni ejusdem Appunctuamenti,
Idem Dux Aurelianensis tradidit & liberavit Nobis, seu tradi & liberari fecit, pro dictâ Summâ Triginta Milium Scutorum, comprehensâ praefatis Literis quae dicuntur esse Delphini Viennae, etiam ex habundanti, Literas Patentes Obligatorias (quas esse dicit Illustris Principis Carissimae Consanguineae nostrae Ducissae Burgundiae) de Summa Quindecim Milium Scutorum, unà cum Literis Patentibus Ducis Mariti sui, Approbatotiis, Ratificatoriis, seu Confirmatoriis earumdem,
Literas Patentes Obligatorias Comitis Nivernensis, de Summa Sex Milium Scutorum,
Comitis de Stampis, de Summa Sex Milium Scutorum,
Nicholai Rolim Militis Domini de Authuma, Cancellarii Burgundiae, de Summa Trium Milium Scutorum,
Illâ Traditioni praefatarum Literarum (videlicet, Ducissae, Comitum de Nivernensi & de Stampis, ac Cancellarii Burgundiae) Conditione adjectâ sive subjunctâ quòd,
Si iidem, Ducissa, Comites Nivernensis & de Stampis, ac Cancellarius Burgundiae Nobis, infra Terminum Trium Mensium, a Die quo dictus Dux Aurelianensis primùm egredietur Regnum nostrum Angliae proximò sequentes, Nobis tradant seu tradi faciant Literas praefati Delphini, conceptas, factas, & sigillatas in formâ inter Nos & praefatum Ducem Aurelianensem concordatâ,
Eo Casu praefatae Literae Ducissae, Comitum Nivernensis & de Stampis, ac Cancellarii Burgundiae extunc Invalidae reputabuntur & erunt ac Cassae atque Nullae, quas etiam eo casu eisdem, Ducissae, Comitibus, & Cancellario Burgundiae, super hoc requisiti, restitui faciemus & liberari,
Praeter & ultra Praemissa Fatemur etiam & Recognoscimus praefatum Ducem liberasse Nobis & Tradidisse Literas Consanguinei & Adversarii nostri Franciae, Approbatorias & Confirmatorias omnium & singulorum.
In quorum omnium & singulorum fidem & testimonium has Literas nostras fieri fecimus Patentes.
Dat. apud Westmonasterium, tertio die Novembris.
Per Breve de Privato Sigillo. |
Nov. 3. Release to John Cornewaille, lord of Fanhop, for the custody of the duke of Orleans. Westm.
O. x. 823. H. v. p. i. 99. |
Super Custodia Ducis Aurelianensis de Exonerando.
An. 19. H. 6. Pat. 19. H. 6. p. 1. m. 9.
Rex omnibus, ad quos &c. Salutem.
Sciatis quòd,
Cùm nostrae nuper placuerit Celsitudini, apud Villam nostram de Redyng, dilectum & fidelem nostrum, Johannem Cornewaille Militem Dominum de Fauhop, per Literas nostras sub Privato Sigillo nostro, onerare cum salva Custodia Personae Consanguinei nostri Karoli Ducis Aurelianensis, ad ipsum salvò & securè custodiendum, prout idem Johannes sub suo Periculo nostrae Celsitudini praelibatae responderet,
Idemque Johannes eundem Ducem justè & salvò custodierit, juxta Mandatum nostrum supradictum,
Posteáque nuperimè nostrae placuerit Celsitudini praenotatae cum eodem Duce Appunctuare pro Elargatione sua, extra Regnum nostrum Angliae recedendi ad tale tempus prout in Literis nostris Patentibus, Indentatis super Appunctuamento praedicto, sub Magno Sigillo nostro indè confectis, pleniùs continetur,
Jámque pro eo quòd idem Johannes praefatum Ducem nobis & ad manus nostras, per Mandatum nostrum, apud Westmonasterium, in die Apostolorum Simonis & Judae ultimò praeterito, Reliberavit, manúsque ejusdem Johannis de Custodia ipsius Ducis, praetextu hujusmodi Mandati nostri, amotae existant, ac ipsum Ducem ad Recedendum, extra dictum Regnum nostrum Angliae, cùm voluerit, licentiaverimus,
Nos,
Pro Securitate ipsius Johannis, in hac parte, nè ipse, quovis exquisito colore, valeat in futurum aliqualiter impetiri, prospicere volentes ut tenemur,
Declaramus per Praesentes eundem Johannem praefatum Ducem, juxta Mandatum nostrum, sibi apud Redyng, ut praemittitur, factum, benè & fideliter hucusque conservâsse,
Ipsumque Johannem, Haeredes, & Executores suos de ulteriori Custodia ipsius Ducis exnunc Declaramus Quietos & Exoneratos,
Eundemque Johannem, Haeredes, & Executores suos, de quacumque hujusmodi ulteriori Custodia ipsius Ducis, realiter & in facto, Acquietamus & Exoneramus imperpetuùm per Praesentes,
Nolentes quòd idem Johannes, Haeredes, vel Executores sui praedicti, ex Causa hujusmodi Recessûs ipsius Ducis a Regno nostro Angliae supradicto, per Nos, vel Haeredes, seu Successores nostros, aut alios quoscumque, Impetatur, Molestetur in aliquo, seu Gravetur, Impetantur, Molestentur in aliquo, seu Graventur.
In cujus &c.
Teste Rege apud Westmonasterium, tertio die Novembris.
Per ipsum Regem & de Data praedicta auctoritate Parliamenti. |
Nov. 3. Safe conduct for the duke of Orleans, with one hundred persons in his retinue, to leave England. Westm.
O. x. 824. H. v. p. i. 99. |
De Salvo Conductu pro Duce Aurelianensi & Centum Personis in Comitiva sua.
An. 19. H. 6. Franc. 19. H. 6. m. 28.
Rex universis nostris Locumtenentibus, Constabulariis, Admirallis, Viceadmirallis, Marescallis, Nobilibus, Militibus, Armigeris, Capitaneis Congregationibusve Gentium Armorum ac Sagittariorum, caeterisque Gentibus Guerrae sub nostra Jurisdictione seu Obedientia existentibus, Ballivis, Praepositis, Majoribus, Scabinis, etiam Capitaneis, Custodibus, Gubernatoribus, sive Rectoribus Civitatum, Villarum, Castrorum, Fortalitiorum, Pontium, Portuum, Passagiorum, Jurisdictionum, Districtuum, & Locorum, caeterisque Justiciariis, Officiariis, Subditis, Servitoribus, Amicis, Confoederatis, ac Benevolis nostris aut eorum Locumtenentibus, ad quos praesentes Literae pervenerint, Salutem & Dilectionem.
Cùm nuper,
Ad Requestam Supplicationémque humilimas carissimi Consanguinei nostri Karoli Ducis Aurelianensis Captivi & Prisonarii nostri, post multimodas Remonstrationes seu Querimonias per ipsum Nobis factas, Factum suae longae Detentionis & Captivitatis tangentes, & etiam ac principaliter spe dulcissimae Pacis inter Nos & Karolum Avunculum & Adversarium nostrum Franciae, per ipsum prosequendae, ac per ejus Solicitudinem & Industriam consequendae (cujus sicut asserit ardentissimo flagrat desiderio) quam quidem Pacem, Deo teste, semper desideravimus & desideramus toto corde,
Annuerimus, Consenserimus, & Deliberaverimus praedictum Ducem Aurelianensem Consanguineum nostrum a Prisonâ, quâ detinetur, Elargare, durante Termino, per Media ac sub Conditionibus in Literis Appunctuamenti, inter Nos & dictum Ducem facti, ad longum declaratis,
Per quoddam Appunctuamentum Concordatum sit quòd, pro dictâ Pace consequendâ, praedictus Dux Aurelianensis nostras Salvi Conductûs Literas, pro ipso & ejus Comitiva, ad transeundum, eundum, ac Remeandum per nostra Franciae & Angliae Regna, a Nobis haberet & optineret,
Notum igitur facimus quòd, hac de causâ, Dedimus & Concessimus, ac, de nostra Gratia speciali, Damus & Concedimus, per Praesentes, bonum, securum, legalémque, fidelem, ac salvum Conductum,
A die Datae Praesentium, usque ad unum Annum integrum proximò venturum ac Quadraginta dies extunc proximò secuturos & non ultra duraturum,
Praefato Karolo Duci Aurelianensi Consanguineo nostro, pro ipso & Centum Personis de Comitiva sua existentibus, sint Praelati, Duces, Comites, Barones, Milites, Scutiferi, Doctores, sive Personae Ecclesiasticae, & aliae cujuscumque Statûs, Gradûs, Auctoritatis, Praeeminentiae, aut Conditionis, Spiritualis vel Temporalis, existunt, pro Tuitione ac Defensione suis Armatae, si eis placuerit, vel non Armatae, & totidem Equis, aut aliis Equitaturis, vel infra, pro pendente ac durante tempore dicti nostri salvi Conductûs, praedictum Ducem Aurelianensem, cum sua Comitiva, discedendo ac pacificè recedendo, a dicto nostro Regno Angliae ultra Mare transire, & per totum dictum nostrum Regnum Franciae, tàm in Locis Nobis subjectis ac obedientibus, quàm extra, ad dictam Materiam Pacis prosequendam, & aliter, ire, redire, morari, & conquiescere,
Et pro eadem Materia, & aliàs, in dictum Regnum Angliae ad Nos reverti, iterúmque ire & redire, unâ vice vel pluribus, tàm per Terram, quàm per Mare, ac morari & perhendinare, salvò, liberè, & securè, absque dolo, fraude, vel malo ingenio quibuscumque,
Mandando proptereà ac districtè Praecipiendo Justiciariis, Officiariis, ac Subditis nostris quibuscumque, caeterosque Amicos, Confoederatos, ac Benivolos nostros affectuosè Rogantes ac Requirentes, quatinus praedictum Consanguineum nostrum Karolum Ducem Aurelianensem, unà cum illis de sua Comitiva, usque ad Numerum dictarum Centum Personarum, sint Praelati, Duces, Comites, Barones, Milites, Scutiferi, Doctores, Personae Ecclesiasticae aut aliae, cujuscumque Statûs, Gradûs, Auctoritatis, Praeeminentiae, aut Conditionis, Spiritualis vel Temporalis, existentes, Armatae, ut dictum est, vel non Armatae, & totidem Equis, seu aliis Equitaturis,
vel infra, ut praefertur, cum suis Equis, seu Equitaturis, Curribus, Armaturis, Harnesiis, Malis, Bougiis, Vestibus, Balisiis, Jocalibus, Auro, Argento monetato seu non monetato, Literis, Libris, Memorialibus, Obligationibus, Instructionibus, & aliis Scripturis, ac Bonis quibuscumque, quae cum eis deferent, ire, venire, transire, morari, quiescere, redire, & reverti, Die Nocteque, per Terram & per Mare, pedestrè vel equestrè, in Itinere sive ultra Iter, unâ vice vel pluribus, simul aut divisim, in & per Villas, Civitates, Fortalitia, Passagia, Jurisdictiones, Districtus, & Loca vestra, & alia vobis in Custodiam commissa, plenè, pacificè, securè, & quietè patiamini & permittatis,
Providentes, aut eisdem provideri facientes, de Victualibus, Guidis, Conductibus, ac aliis Rebus necessariis & oportunis, eorum tamen Sumptibus & Expensis moderatis, si & dum ab eisdem seu aliquo eorum super hoc fueritis requisiti,
Proviso tamen quòd, sub colore dicti nostri Salvi Conductûs, aut de eodem utendo, dictus Dux Aurelianensis Consanguineus noster, neque aliquis de sua Comitiva, quicquam in praejudicium nostri, sive Regnorum & Dominiorum nostrorum, seu in eisdem Inhabitantium Nobis Subditorum & obedientium, 'facient seu procurabunt,
Set quòd idem Dux & singuli de Comitiva sua erga Nos & Populum & Subditos nostros honestè in omnibus, tàm Verbo, Facto, quàm aliis, se habeant & gerant,
Et quòd non ingredientur aliquod Fortalitiorum nostrorum, neque Villarum nostrarum firmatarum, absque Licentia Capitanei ejusdem, seu Deputati vel Locumtenentis sui, aut Rectorum seu Justiciariorum dictae Villae,
Et etiam Nolumus, ac eidem Duci & suis de sua Comitiva Prohibemus & Defendimus, quod in hujusmodi Fortalitiis seu Villis nostris firmatis, in Regno nostro Franciae Nobis obedientibus, per quas contigerit ipsos transire, ultra unam Diem & unam Noctem (praeterquam in Villa nostra Calesii) pro una vice minimè maneant aut pernoctent,
Et, si a casu contigerit aliquem seu aliquos de Familia & Comitiva dicti Ducis Aurelianensis praesentem nostrum salvum Conductum Infringere vel Violare, Nolumus tamen nec intendimus quòd dicta Infractio praejudicet alteri quàm Infractori seu Infractoribus, ymmò Volumus & Declaramus, per Praesentes, quòd, pro aliis, non Infringentibus, dictus salvus Conductus remaneat illaesus & in suo robore ac vigore, absque dolo, fraude, vel malo ingenio quibuscumque, ut dictum est.
In cujus &c. ad unum Annum & Quadraginta Dies post Datam Praesentium tantummodo duraturas.
Teste Rege apud Westmonasterium, Tertio Die Novembris.
Per Breve de Privato Sigillo. |
Nov. 3. Licence to Charles Waterby to conduct the duke of Orleans to France. Westm.
O. x. 825. H. v. p. i. 100. |
De Comitando Ducem in Partibus Franciae.
An. 19. H. 6. Penes Cler. Pell.
Henri, parla Grace de Dieu, Roy d'Engleterre & de Fraunce, & Seignur d'Irlande, a touz ceulx, qi cestes prasentes noz Lettres verront ou orront, Salutz.
Sachez que Nous avons Grauntez & Donnez Congie & Licence a, nôtre Chier & bien Ame, Charles Waterby q'il, ovec Quatre Persones ses Serviteurs en sa Compaignie, ou au dessoubz, lour Chivalx & Harnoises, soy puisse Transporter en nôtre Royaume de Fraunce, & en la Compaignie de nôtre Treschier & Tresame Cousin le Duc d'Orleaunce, qi de present est en alant parmye nôtre Lycence en nôtre dit Royaume, & pour y demorer par ung An prochein a venier,
Et de Receivre pour Luy & ses ditz Serviteurs Biens & Hernoises de nôtre dit Cousin, & de nôtre Adversaire de Fraunce & d'aultres a Nous Rebelles, Lettres de sauf Conduyt & de sauf Garde, pour le dit Temps, pour lour Demoeurer es Parties du dit nôtre Royaume de Fraunce, nient esteantz dessoubz nôtre Obeissaunce, saunz ascun empeschement de Nous, ou Destourbaunce d'ascuns de noz Officers ou Ministres.
En Tesmoignaunce du quelle Chose Nous avons fait faire cestes noz Lettres Patentes dessoubz nôtre Prive Seal.
Donnees a Westm. le Tierce Jour de Novembre, l'An de nôtre Regne Dys & Noefisme.
Dors.
Rex, apud Westmonasterium, tertio Die Novembris, Anno decimo nono, mandavit Custodi Privati Sigilli sui facere fieri Litteras Patentes sub eodem Sigillo, Tenoris infrascripti, pro Personis, Quarum Nomina scribuntur in Cedulâ annexâ, Manibus Regia & Ducali fignata.
Praesente Domino Comite Suffolciae.
Adam Moleyns. |
Nov. 3. Commission to W. bp. of Rochester, John Cornewale, lord of Fanhope, Sir Thomas Kyriell, lieutenant of Calais, and four others, to receive a renewal of the duke of Orlean's oath to observe his treaty with the K. of England on his arrival in France. Westm.
O. x. 826. H. v. p. i. 100. |
De Potestate recipiendi Sacramentum Ducis, renovandum in Partibus Franciae.
An. 19. H. 6. Franc. 19. H. 6. m. 27.
Rex, Venerabili in Christo Patri, W. eadem gratiâ, Episcopo Roffensi, ac, dilectis & fidelibus suis, Johanni Cornewale Domino de Fanhope, Thomae Kyriell Locumtenenti Villae suae Calesii, & Roberto Roos, Militibus, ac, dilectis sibi, Magistris, Stephano Wilton, & Willielmo Sprever, Decretorum & Legum Doctoribus, ac Roberto Whityngham Armigero Thesaurario dictae Villae suae Calesii, Salutem.
Sciatis quòd,
Cùm, carissimus Consanguineus noster, Karolus Dux Aurelianensis, in Festo Apostolorum Simonis & Judae ultimò praeterito, in Ecclesia sive Monasterio beati Petri Westmonasteriensi, sub forma quae sequitur,
Ego Karolus Dux Aurelianensis Juro, ad haec Sancta Dei Evangelia, per me corporaliter tacta, quòd omnia & singula in Literis Appunctuamentorum, inter Serenissimum Principem Henricum, Dei Gratia, Angliae Regem, & me Karolum praedictum factorum, conventorum, & concordatorum, necnon in Literis Obligatoriis, per me praefato Regi factis sive fiendis, Sigilloque meo consignatis sive consignandis, contenta, quatenus me, Partemque meam, aut aliàs, ex Couventione, Pactione, seu Promissione mea, concernunt, fecundùm omnem vim, formam, & effectum eorumdem, absque dolo, fraude, cavillatione, aut malo ingenio, benè & fideliter adimplebo, adimplerique faciam & observari,
Juro in super quòd gratiis ac Privilegiis Fori vel aliis, & Gratiarum hujusmodi Literis impetratis seu impetrandis, seu qualitercumque concessis seu concedendis, etiam mero motu concedentur, non utar in Praejudicium dicti Domini Regis, Haeredum, vel Successorum suorum, nec in Praejudicium contentorum in Appunctuamentis praedictis seu aliquo eorumdem;
Sic me Deus adjuvet & haec Sancta:
Alioquin precor Altissimum ut Infractio seu Violatio Sacramenti hujus (ultra cujuslibet Honoris Terreni Amissionem & Infamiae Notam indelebilem) michi ad Dampnationem cedat aeternam, Diabolo & Angelis ejus imperpetuum sociando;
Et, in signum fideliter observandi & adimplendi istud Juramentum meum & singula in ipso comprehensa, nomem meum manu meâ propriâ hic subscribo.
Solempne ac corporale praestitit Juramentum,
Nobisque fideliter & in Verbo Principis promiserit quòd, postquam in Partes Regni Franciae, extra Obedientiam nostram existentes, pervenerit, Juramentum hujusmodi Renovabit, necnon quòd certas Literas Recognitionis, per ipsum factas, & in Regno nostro Angliae per ipsum Sigillatas, sine Procrastinatione aliqua, sub Sigillo suo consueto Renovaret,
Ad Recipiendum, Nomine nostro, dicti Ducis Sacramentum sic praestandum, ac Literas Recognitionis hujusmodi ab eodem Duce Petendum, Exigendum, & Recipiendum, vobis (de quorum fidelitate & circumspectionis industria plenè confidimus) conjunctim, & divisim, Committimus Potestatem.
In cujus &c.
Teste Rege apud Westmonasterium, Tertio Die Novembris.
Per ipsum Regem. |
Nov. 3. Commission to the same persons to treat for a new meeting with the French ambassadors in the marches of Calais. Westm.
O. x. 827. H. v. p. i. 100. |
De Conveniendo, ac Dietas ad Tractandum appunctuando, super Pace, ad Mediationem Ducis.
An. 19. H. 6. Ibid.
Rex omnibus, ad quos &c. Salutem.
Sciatis quòd,
Cùm, post Tractatus varios, inter Commissarios & Ambassatores nostros ex una, ac Commissarios & Ambassatores Adversariinostri Franciae ex alia Partibus, nuper in Marchiis Calesii, Loco ad hoc appunctuato & concordato hinc inde, de & super Pace Generali & Perpetua, inter Nos, Regna Angliae & Franciae, & Dominia nostra alia, ac Adversarium nostrum praedictum habitos, Dieta & Dietis, super hiis tentis, labentibus sine fructu,
Nè Pacis hujusmodi componendae Spes (pro qua, inter caeteros, carissimus Consanguineus noster Karolus Dux Aurelianensis Mediatorum erat unus) totaliter depereat, set Pax ipsa, Gratiâ Dei mediante, Conclusionem foelicem & optatam sortiatur,
Idem carissimus Consanguineus noster Dux praedictus Nobis instantissimè supplicavit quatinus, pro Bono Pacis hujusmodi consequendo, Prorogationi Tractatuum praedictorum, alioquin novae Dietae in Loco supradicto assumptioni, consentire dignaremur, in quo Ambassatores & Commissarii nostri, unà cum Ambassatoribus & Commissariis dicti Adversarii nostri, convenire valeant & debeant, de & super Pace hujusmodi Tractaturi, &, Dei gratiâ annuente, finaliter Conclusuri,
Nos itaque, in Dominum confidentes quòd, Mediatione dicti Ducis & Consanguinei nostri, Pax ipsa finaliter gratum & Nobis acceptissimum sortietur effectum, suis Supplicationibus in hac parte condescendimus,
Ac de fidelitate & circumspectionis industriâ, dilectorum & fidelium Nobis in Christo,
Venerabilis in Christo Patris, Willielmi, Dei gratiâ, Roffensis Episcopi,
Johannis Cornewale Domini de Fanhope,
Thomae Kyriell Locumtenentis Villae nostrae Calesii,
Roberti Roos,
Militum,
Necnon Magistrorum,
Stephani Wilton,
Et Willielmi Sprever,
Decretorum & Legum Doctorum.
Ac Roberti Whityngham Armigeri Thesaurarii dictae Villae nostrae Calesii,
Etiam confidentes,
Ipsos Deputavimus, Ordinavimus, & Constituimus Oratores, Ambassatores, & Commissarios nostros,
Dantes & Concedentes eisdem Septem, Sex, Quinque, Quatuor, Tribus, aut Duobus eorum, Potestatem & Mandatum tàm generale quàm speciale, Nomine nostro, cum Oratoribus, Ambassatoribus, & Commissariis dicti Adversarii nostri, sufficientem in ea parte Potestatem habentibus, Conveniendi, ac Dietam Tractatûs, de & super hujusmodi Pace habendi, in Loco praedicto, infra Marchias Calesii, de novo Appunctuandi, & eidem Consentiendi, seu saltim, si oportebit, & eis visum fuerit, Dietas & Tractatus praehabitos ad eundem Locum & certum Diem, inter ipsos & Commissarios dictae Partis Adversae concordandos & appunctuandos, Prorogandi, cum Continuatione & Prorogatione Dierum tunc sequentium usque ad finalem Conclusionem dictae Pacis, Dei adjutorio, optinendae,
Caeteraque omnia & singula Faciendi, Excercendi, & Expediendi, quae in Praemissis vel circa ea necessaria fuerint seu aliàs quomodolibet oportuna,
Promittentes, bonâ Fide, & Verbo Regio, Nos Ratum & Gratum, Firmum & Stabile, perpetuò habituros quicquid in Praemissis, seu aliquo Praemissorum, per praedictos Commissarios, Oratores, Ambassatores, seu Deputatos nostros, aut Duos ex eis, appunctuatum, conventum, conclusum, seu concordatum fuerit,
Et quòd omnia & singula, sic Appunctuata, Conventa, Conclusa, seu Concordata, absque dolo, fraude, malóve ingenio, pro parte nostra, ac quantum ad Nos spectabit, exequemur & exequi faciemus.
In cujus &c.
Teste Rege apud Westmonasterium, tertio die Novembris.
Per ipsum Regem. |
Nov. 5. Payment of 20l. to Garter king-of-arms, sent by the K. with the duke of Orleans. Westm.
O. x. 828. H. v. p. i. 100. |
Pro Rege Armorum in Comitiva Ducis.
An. 19. H. 6. Penes Cler. Pell.
Le Quint Jour de Novembre, l'An &c. xix, a Westmonster, estoit Accordez par les Seignurs du Counsail du Roy, esteant en la Chambre des Estoilles, que sufficeant Garrant soit fait dessoubz le Prive Seal du Roy, Direct as Tresourer & Chamberlains de l'Eschequier, eux Commaundauntz par ycelles de Paier, du Tresour du Roy, xx Livres au Gartier Roy d'Armes, envoiez par Commandement du Roy ovec le Duc d'Orlians, pour son Honeure, en alant de present par Congie du Roy souz certain Appointement a ses Parties propres; & ceo par voie de Regarde.
Presents Messieurs le Cardenal, le Chaunceller, & autres.
Adam Moleyns. |
Nov. 5. The K. grants the petition of Katherine de la Pole, abbess of Barking, for 53l. 12s., the expenses of Edmond ap Meredith ap Tydier and Jasper ap Meredyth ap Tydier. Westm.
O. x. 828. H. v. p. i. 101. |
De Filiis Katherinae nuper Reginae, quibus Pater Owinus Tudor.
To The Kyng Oure Souverain Lord.
An. 19. H. 6. Penes Cler. Pell.
Besechith youre full humble Oratrice Kateryni de la Pole, Abbesse of Berkyng, that,
For as muche as she, afore this tyme, hath bene Demened and Reuled, by th'Advis of youre full discrete Counsail, to take upon hir the Charge, Costes, and Expenses of Edmond ap Meredith ap Tydier, and Jasper ap Meredyth ap Tydier, being yit in hir kepyng, for the which cause she was Payed, fro the xxvij day of Juyll, the Yere of youre full Noble Regne xv, unto the Setterday the Last Day of Feverer, the Yere of youre saide Regne xvij, l. Livres,
And after the saide Last Day of Feverer youre saide Bedewoman hath borne the Charges as aboven unto this Day, and is behynde of the Paiement for the same Charge, Costes, and Expenses, amontyng after th'afferant of hir last Paiement, fro the same last day of Feverer unto the Feste of Allhalowen, the Yere of youre said Regne xix, the Somme of lii Livres, xii Sols.
And of youre Noble Grace to Graunt your Letters of sufficiant Warrant herupon, under your Privie Seal, direct unto the Tresourer and Chamberlains of youre Eschequier, to Pay unto the same youre Oratrice the saide lii Livres, xii Sols, for the cause and consideration above reherced;
And she shall Praye to God for you.
The Kyng, by th' Advisse of his Consail, commandeth the Keper of his Privay Seal, to do make Letters of suffisiant Warrantee, as it is asked for the tyme that no Payment hath be made for the cause withynne rehersed.
Yeven at Westm. the v day of Novembre, the xix Yere of his Regne.
Adam Moleyns. |
Nov. 10. The K. orders the treasurer and barons of the Exchequer to repay to the sheriffs of London the costs of making lists at Westminster for the combat between sir Peter de Vasques of Spain and sir Richard Wydeville, on Nov. 26. Westm.
O. x. 828. H. v. p. i. 101. |
De Pecuniarum Summis, circa Puncta & Facta Armorum, allocandis.
An. 19. H. 6. Claus. 19. H. 6. m. 33.
Rex Thesaurario & Baronibus suis de Scaccario, Salutem.
Quia Petrus de Vasques de Ispannia Miles, in Regnum nostrum Angliae jam tardè de Licentiâ nostrâ veniens, dilectum & fidelem Militem nostrum Ricardum Wydevile ad certa Puncta sive Facta Armorum inter eos facienda petiit & provocavit, & cum eo Puncta sive Facta praedicta Licentiâ nostrâ mediante peragere desiderat,
Quam quidem Licentiam gratanter Concessimus eisdem, & per Breve nostrum Praecipimus Vicecomitibus Londoniae quòd quasdam Listas & Barrucas
de Maerennio, fortes & satis sufficientes pro eisdem Punctis sive Factis, inter praedictos Petrum & Ricardum, vicesimo sexto Die hujus instantis Mensis Novembris, apud Westmonasterium, in Suburbiis Civitatis praedictae, perficiendis, citra Diem praedictum, nostris Sumtibus & Expensis erigi, construi, & fieri, ac Humum sive Aream infra Listas praedictas cum Sabulo & Arena sufficienter & planè cooperiri faciant, ita quòd Impedimentum seu Offendiculum aliquod per Lapides seu aliter infra easdem Listas non emineat nec appareat quovis modo,
Et ulterius Locum, Nobis competentem, & Statui nostro Regio convenientem, ibidem, erga Diem praedictum, nostris Sumptibus & Expensis praedictis, per avisamentum carissimi Consanguinei nostri Johannis Ducis Norfolciae Marescalli Angliae, construi, erigi, & praeparari faciant,
Vobis igitur Mandamus quòd, viso Mandato nostro praedicto, omnes Pecuniarum Summas, quas vobis, per Sacramentum dictorum Vicecomitum aut Deputatorum suorum constare poterit, ipsos Vicecomites, praetextu Mandati nostri praedicti, circa Praemissa rationabiliter exponere & expendere, eisdem Vicecomitibus, in Compoto suo, ad Scaccarium praedictum, debitè allocetis; Recipientes a praefatis Vicecomitibus Mandatum nostrum supradictum.
Teste Rege apud Westmonasterium, decimo die Novembris. |
Nov. 12. Charles duke of Orleans acknowledges his liberation by the K. of England. Gravelines.
O. x. 829. H. v. p. i. 101. |
Literae Ducis Aurelianensis, quibus Recognovit se Libertati restitutum.
An. 19. H. 6. Ex Autogr.
Nos, Karolus Dux Aurelianensis & Valesii, Comes Blesis, Bellimontis, ac Astensis, & Conciaci Dominus, Universis Christi fidelibus Notum facimus quòd,
Cùm in Literis Appunctuamenti,
Inter Excellentissimum Serenissimumque Principem Henricum Regem Angliae & Nos Karolum antedictum, de & super Elargatione Personae nostrae a Prisonâ ad tempus certum in eisdem Litteris specificatum, ac Liberatione nostra finali, & Praeambulis ejusdem, Facti,
Inter caetera contineatur, saltim in effectu, quòd, incontinenti post Solutionem praefato Regi a Nobis factam de Summâ Quadraginta Milium Nobilium, seu Octoginta Milium Scutorum, eidem Regi prae manibus solvendorum, & postquam eidem Regi tradidissemus & liberâssemus Literas Securitatum, de quibus in dicto Appunctuamento fit mentio, & praestitissemus Juramenta pro observatione debitâ contentorum in dicto Appunctuamento & circa ea rationabiliter Requisita, & implevissemus alia quae secundùm Tenorem dicti Appunctuamenti a Nobis ante Elargationem Personae nostrae fienda forent, praefatus Rex Elargaret Personam nostram secundùm vim & effectum Litterarum, super Elargatione hujusmodi fiendarum, inter praefatum Regem & Nos Indentandarum, & Sigillis nostris hinc inde Sigillandarum,
Nos, Karolus antedictus, Fatemur & Recognoscimus praefatum Regem Praemissa omnia & singula, quantum ad se & Personam suam spectat, tàm quoad Elargationem Personae nostrae, quàm quoad Litteras suas de & super Elargatione hujusmodi fiendas, cum omni benignitate & favore fecisse, implevisse, & observâsse,
Ac insuper dedisse Nobis & liberâsse Litteras, tàm salvorum Conductuum in forma a Nobis postulata, quàm alias quascumque, quas, pro expeditione nostra sive Transitûs nostri a Regno Angliae, pro observatione seu executione dicti Appunctuamenti, ab eo petivimus & requisivimus,
De & in quibus omnibus Reputamus & Fatemur Nobis esse per Partem dicti Regis plenè satisfactum, sic quod nichil est deffectus, ex parte dicti Regis, quo ad Observationem dicti Appunctuamenti, de quo justè conqueri possumus vel causari.
In quorum omnium fidem & testimonium Nos, Karolus antedictus, Sigillum nostrum fecimus hiis Litteris praesentibus apponi.
Datum Gravelinis, Duodecimo die Mensis Novembris, Anno Domini Millesimo, Quadringentesimo, Quadragesimo.
Karolus.
Sub Sigillo rubeo pendente a Cauda Pergamenae. |
Nov. 12. Oath of Charles duke of Orleans to observe his engagements to the K. of England. Gravelines.
O. x. 830. H. v. p. i. 101. |
Juramentum Ducis praestitum Gravelingae.
An. 19. H. 6. Ex Autogr.
Ego, Karolus Dux Aurelianensis, JURO, ad haec Sancta Dei Evangelia, per me corporaliter tacta, quòd omnia & singula,
In Litteris Appunctuamentorum, inter Serenissimum Principem Henricum, Dei gratiâ, Angliae Regem & me Karolum praedictum factorum, conventorum, & concordatorum, necnon in Litteris Obligatoriis per Me praefato Regi factis sive fiendis, Sigilloque meo consignatis sive consignandis, contenta,
Quatenus Me, Partemque meam, aut alias, ex Conventione, Pactione, seu Promissione meâ concernunt, secundum omnem vim, formam, & effectum eorumdem, absque dolo, fraude, cavillatione, aut malo ingenio benè & fideliter adimplebo, adimplerique faciam & observari,
Juro insuper quòd Gratiis ac Privilegiis Fori vel aliis, & Gratiarum hujusmodi Litteris impetratis seu impetrandis, seu qualitercumque concessis seu concedendis, etiam mero motu concedentur, non utar in praejudicium dicti Domini Regis, Haeredum, vel Successorum suorum, nec in praejudicium contentorum in Appunctuamentis praedictis feu aliquo eorumdem:
Sic me Deus adjuvet & haec Sancta;
Alioquin precor Altissimum ut Infractio seu Violatio Sacramenti hujus (ultra cujuslibet Honoris terreni amissionem & Infamiae notam indelebilem) michi ad Dampnationem cedat aeternam, Diabolo & Angelis ejus imperpetuum sociando.
Et, in signum fideliter observandi & adimplendi istud Juramentum meum, & singula in ipso comprehensa, Nomen meum manu meâ propriâ hic subscribo.
Acta sub Sigillo meo in Ecclesia Parochiali de Graveling, duodecimo Die Novembris, Anno Domini Millesimo, Quadringentesimo, Quadragesimo.
Karolus.
Sub rubeo Sigillo pendente a Caudâ Pergamenae. |
Nov. 12. Attestation of the receipt by the bp. of Rochester and his colleagues of the above-mentioned oath, and acknowledgment of the duke of Orleans. Gravelines.
O. x. 830. H. v. p. i. 101. |
Instrumentum super dicto Juramento.
An. 19. H. 6. Ex Autogr.
In Dei Nomine Amen.
Tenore publici Instrumenti cunctis evidenter appareat & sit notum quòd,
Anno ab Incarnatione Domini, secundùm Cursum & Computationem Ecclesiae Anglicanae, Millesimo, Quadringentesimo, Quadragesimo, Indictione quartâ, Pontificatûs, Sanctissimi in Christo Patris & Domini nostri, Domini Eugenii, Divinâ Providentiâ, Papae Quarti Anno Decimo, Mensis verò Novembris Die duodecimâ, ac ejusdem Diei Horâ undecimâ ante Meridiem, vel circa, in Ecclesia Parochiali Sancti Willibrordi de Gravelings Moriensis Dioecesis, ad Altare Sancti Nicholai, ad Australem Partem ejusdem Ecclesiae situatum,
In nostrâ Notariorum & Testium subscriptorum praesentiâ personaliter constitutus, Serenissimus Princeps & Dominus, Karolus Dux Aurelianensis,
In Praesentiâ Venerabilis in Christo Patris, Willielmi Roffensis Episcopi, Domini Johannis Cornewaill Domini de Fanhope, & Roberti Roos Militis, necnon Magistrorum, Stephani Wilton, Decretorum, & Willielmi Sprever, Legum Doctorum, Ambassiatorum, Oratorum, Commissariorum, & Deputatorum Excellentissimi & Christianissimi Principis, Domini Henrici, Dei gratiâ, Angliae & Franciae Regis, &c. ad Recipiendum Vice & Nomine dicti Christianissimi Regis, a praefato Karolo Duce Aurelianensi, Sacramentum infrascriptum, Potestatem sufficientem habentium,
Prout per Commissionem praefati Excellentissimi Domini Regis, eis super Praemissis factam, & Nobis Notariis supra & infrascriptis realiter exhibitam, satis liquet,
Cujus Tenor sequitur, & est talis,
Henricus, Dei gratiâ, Rex Angliae & Franciae, & Dominus Hiberniae, Venerabili in Christo Patri, W. eâdem gratiâ, Roffensi Episcopo, ac Dilectis & Fidelibus suis, Johanni Cornewale Domino de Fanhope, Thomae Kyriell Locumtenenti Villae suae Calesii, & Roberto Roos, Militibus: necnon, dilectis sibi Magistris, Stephano Wilton, & Willielmo Spre-
ver, Decretorum & Legum Doctoribus, ac Roberto Whityngham Armigero Thesaurario dictae Villae suae Calesii, Salutem.
Sciatis quòd,
Cùm, carissimus Consanguineus noster, Karolus Dux Aurelianensis, in Festo Apostolorum Simonis & Judae ultimò praeterito, in Ecclesia sive Monasterio beati Petri Westmonasteriensi, sub forma quae sequitur,
Ego Karolus Dux Aurelianensis Juro, ad haec Sancta Dei Evangelia, per me corporaliter tacta, quòd omnia & singula in Literis Appunctuamentorum, inter Serenissimum Principem Henricum, Dei Gratia, Angliae Regem, & me Karolum praedictum factorum, conventorum, & concordatorum, necnon in Literis Obligatoriis, per me praefato Regi factis sive fiendis, Sigilloque meo consignatis sive consignandis, contenta, quatenus me, Partemque meam, aut aliàs, ex Conventione, Pactione, seu Promissione mea, concernunt, secundùm omnem vim, formam, & effectum eorumdem, absque dolo, fraude, cavillatione, aut malo ingenio, benè & fideliter adimplebo, adimplerique faciam & observari,
Juro insuper quòd gratiis ac Privilegiis Fori vel aliis, & Gratiarum hujusmodi Literis impetratis seu impetrandis, seu qualitercumque concessis seu concedendis, etiam mero motu concedentur, non utar in Praejudicium dicti Domini Regis, Haeredum, vel Successorum suorum, nec in Praejudicium contentorum in Appunctuamentis praedictis seu in aliquo eorumdem;
Sic me Deus adjuvet & haec Sancta:
Alioquin precor Altissimum ut Infractio seu Violatio Sacramenti hujus (ultra cujuslibet Honoris Terreni Amissionem & Infamiae Notam indelebilem) michi ad Dampnationem cedat aeternam, Diabolo & Angelis ejus imperpetuum sociando;
Et, in signum fideliter observandi & adimplendi istud Juramentum meum & singula in ipso comprebensa, nomen meum manu meâ propriâ hic subscribo.
Solempne ac corporale praestitit Juramentum,
Nobisque fideliter & in Verbo Principis promiserit quòd, postquam in Partes Regni Franciae, extra Obedientiam nostram existentes, pervenerit, Juramentum hujusmodi Renovabit, necnon quòd certas Literas Recognitionis, per ipsum factas, & in Regno nostro Angliae per ipsum Sigillatas, sme Procrastinatione aliqua, sub Sigillo suo consueto Renovaret,
Ad Recipiendum, Nomine nostro, dicti Ducis Sacramentum sic praestandum, ac Literas Recognitionis hujusmodi ab eodem Duce Petendum, Exigendum, & Recipiendum, vobis (de quorum fidelitate & circumspectionis industria plenè confidimus) conjunctim, & divisim, Committimus Potestatem.
In cujus rei Testimonium has Litteras nostras fieri fecimus Patentes.
Teste meipso apud Westmonasterium. tertio die Novembris, Anno Regni nostri Decimo nono.
Tactis corporaliter per eundem Ducem Sacrosanctis Evangeliis, non vi, dolo, aut metu, sive fraude ductus, sed suâ merâ, & spontaneâ voluntate, ut asseruit tunc ibidem, juxta, & quemadmodum in quadam Cedulâ Pergameni, per eum tunc ibidem publicê lectâ, continebatur, Juravit,
Cujus Tenor sequitur, & est talis,
Ego, Karolus Dux Aurelianensis, JURO ad haec Sancta Dei Evangelia, per me corporaliter tacta, quòd omnia & singula in Literis Appunctuamentorum, inter Serenissimum Principem Henricum, Dei gratiâ, Angliae Regem, & me Karolum praedictum factorum, conventorum, & concordatorum, necnon Literis Obligatoriis per me praefato Regi factis sive fiendis, Sigilloque meo consignatis sive consignandis, contenta, quatenus me, Partemque meam, aut alias ex conventione, pactione, seu promissione meâ concernunt, secundum omnem vim, formam, & effectum eorumdem, absque dolo, fraude, cavillatione, aut malo ingenio, benè & fideliter adimplebo, adimplerique faciam & observari:
Juro, insuper, quòd gratiis ac privilegiis fori, vel aliis, & gratiarum hujusmodi Literis impetratis, seu impetrandis, seu qualitercumque concessis, seu concedendis, etiam mero motu concedentur, non utar in praejudicium dicti Domini Regis, Haeredum, vel Successorum suorum, nec in praejudicium contentorum in appunctuamentis praedictis, seu in aliquo eorumdem:
Sic me Deus adjuvet, & haec Sancta;
Alioquin precor Altissimum, ut infractio, seu Violatio Sacramenti hujus (ultra cujuslibet honoris Terreni amissionem, & infamiae notam indelebilem) michi ad dampnationem cedat aeternam, Diabolo & Angelis ejus imperpetuùm sociando;
Et in signum fideliter observandi, & adimplendi istud Juramentum meum, & singula in ipso comprehensa, nomen meum manu meâ propriâ hic subscribo.
Quo quidem Juramento per praesatum Serenissimum Ducem ut supra emisso & facto, idem Karolus Dux Aurelianensis in Cedulâ supradictâ, Juramentum praefatum continente, Nomen suum manu suâ propriâ subscripsit, & Signum suum Manuale apposuit,
Insuper & eandem Cedulam suo Sigillo, in cerâ rubeâ pendente, Arma sua, cum tali Circumferentiâ scripturae, Sigillum Karoli Ducis Aurelianensis & Valesii, Comitisque Blesis, Bellimontis, ac Astensis, & Conciaci Domini, continente, consignari, & praefatis Ambassiatoribus dicti Christianissimi Regis tradi fecit, & realiter liberari,
Et tunc subsequenter, ad idem Altare Sancti Nicholai, praefatus Dux Aurelianensis dictis Ambassiatoribus praefati Domini Regis Angliae & Franciae, quasdam Literas Recognitionis, suo Sigillo quo supra in Cera rubea consignatas, realiter liberavit; ac palàm, publicè, & expressè, in praesentiâ dictorum Ambassiatorum, omnia & singula in dictis Litteris Recognitionis contenta, fatebatur & recognovit fuisse & esse vera; Quarum quidem Literarum Tenor sequitur in haec verba,
Nos, Karolus Dux Aurelianensis & Valesii, Comes Blesis, Bellimontis, ac Astensis, & Conciaci Dominus, Universis Christi Fidelibus, Notum facimus quòd, cùm in Litteris Appunctuamenti, inter Excellentissimum Principem Henricum Regem Angliae, & Nos Karolum antedictum, de & super Elargatione Personae nostrae a Prisonâ, ad tempus certum in eisdem Litteris specificatum, ac Liberatione nostrâ finali, & Praeambulis ejusdem facti, inter caetera contineatur, saltim in effectu, quòd incontinenti post Solutionem praefato Regi a Nobis factam de Summâ Quadraginta Milium Nobilium, seu Octoginta Milium Scutorum, eidem Regi prae Manibus solvendâ; & postquam eidem Regi tradidissemus, & liberâssemus Literas Securitatum, de quibus in dicto Appunctuamento fit mentio, & praestitissemus Juramenta pro observatione debitâ Contentorum in dicto Appunctuamento, & circa ea rationabiliter requisita, ac expedivissemus & implevissemus alia, quae secundùm Tenorem dicti Appunctuamenti, a Nobis ante Elargationem Personae nostrae fienda forent, praefatus Rex Elargaret Personam nostram, secundùm vim & effectum Literarum, super Elargatione hujusmodi Fiendarum, inter praefatum Regem & Nos Indentandarum, & Sigillis nostris hinc inde Sigillandarum,
Nos Karolus antedictus Fatemur, & Recognoscimus praefatum Regem Praemissa omnia & singula, quantum ad se & Personam suam spectat, tàm quoad Elargationem Personae nostrae, quàm quoad Literas suas de & super Elargatione hujusmodi fiendas, cum omni benignitate & favore fecisse, implevisse, & observâsse:
Ac insuper dedisse nobis, & liberâsse Literas, tàm salvorum Conductuum, in formâ a nobis postulatâ, quàm alias quascunque, quas pro Expeditione nostrâ sive Transitûs nostri a Regno Angliae, pro observatione seu executione dicti Appunctuamenti, ab eo petivimus & requisivimus,
De, & in quibus omnibus reputamus & fatemur Nobis esse per Partem dicti Regis plenè Satisfactum; sic quòd nichil est defectus ex parte dicti Regis, quoad observationem dicti Appunctuamenti, de quo justè conqueri possumus vel causari.
In quorum omnium fidem & testimonium, nos Karolus antedictus Sigillum nostrum fecimus hiis Literis praesentibus apponi.
Datum Gravelinis, duodecimo Die Mensis Novembris, Anno Domini Millesimo, Quadringentesimo, Quadragesimo.
Super quo Juramento, sicut praemittitur, per praefatum Serenissimum Principem Karolum Ducem Aurelianensem emisso, & caeteris supradictis, tàm idem Serenissimus Dux, quàm supradicti Ambassiatores dicti Christianissimi Principis Angliae & Franciae Regis, requisiêrunt Nos Notarios supra & infrascriptos, ad futuram hujus rei memoriam, publica conficere Instrumenta.
Acta igitur sunt haec, prout suprascribuntur & recitantur, sub Anno Domini Indictione, Pontificatu, Mense, Die, & Loco quibus supra.
Praesentibus Honorabilibus & Discretis Viris,
Magistro Johanne Hornlee Bacallario in Sacra Pagina,
Aegidio Seynclowe,
Thomâ Isaac,
Thomâ Reynes,
Willielmo Deny,
Roberto Knolles,
Edmundo Blackett,
Thomâ Pympe,
Willielmo Roos,
Et Willielmo Strikland,
Et aliis in numero copioso Testibus ad Praemissa vocatis specialiter & rogatis.
Et ego Willielmus Midelton Clericus Eboracensis, Publicus Apostolicâ & Imperiali Auctoritatibus Notarius, sic Praemissis Juramenti praestationi caeterisque suprascriptis,
Dùm sic, ut praemittitur, sub Anno Domini, Indictione, Pontificatu, Mense, Die, & Loco quibus supra, per Serenissimum Principem Karolum Ducem Aurelianensem supradictum, non ad haec coactum, non vi, dolo, metu, aut fraude inductum, sed ex sua mera, propria, & spontanea voluntate, prout michi Notario praedicto apparuit, & idem Serenissimus Princeps etiam asseruit, fierent, & agerentur,
Unà cum Connotario infrascripto, & Testibus supranominatis, praesens personaliter intersui, eaque omnia & singula sic fieri vidi, & audivi, ipsumque Juramentum in Scriptis, ut praemittitur, redactum, necnon supradictas Litteras Commissionis Excellentissimi & Christianissimi Principis, Angliae & Franciae Regis, Magno suo Sigillo in Cera alba, ac Recognitionis dicti Ducis, suo Sigillo ad Arma in Cera rubea ut supra, pendentibus signatas, diligenter inspexi, palpavi, examinavi, & transumpsi, ac Tenorem earumdem Commissionis, Juramenti, & Recognitionis Literarum in praesenti publico Instrumento de verbo ad verbum scribi feci:
Ideoque hoc praesens publicum Instrumentum manu alienâ, me aliis occupato Negotiis, fideliter scriptum, in hanc publicam formam redegi, Signoque & Nomine meis solitis & consuetis signavi rogatus, & requisitus, tàm per praefatum Serenissimum Ducem, quàm per Ambassiatores Christianissimi Domini Regis supradicti, in Fidem & Testimomium omnium Praemissorum.
Midelton.
Et ego Rogerus Wenlok Clericus, Herfordensis Dioecesis, Publicus Auctoritate Apostolicâ & Imperiali Notarius, Praemissis Juramenti emissioni caeterisque omnibus & singulis,
Dùm sic, ut praemittitur, sub Anno Domini, Indictione, Pontificatu, Mense, Die, & Loco quibus supra, per Serenissimum Principem Karolum Ducem Aurelianensem supradictum, ad haec non vi coactum, nec dolo, metu, aut fraude inductum, sed ex sua mera, propria, & spontanea voluntate, utpote michi Notario praedicto apparuit, & idem Serenissimus Princeps etiam exposuit, agerentur & fierent,
Unà cum Connotario praelibato, & Testibus supranominatis praesens personaliter intersui, eaque omnia & singula sic fieri vidi, & audivi, idemque Juramentum in Scriptis, ut praefertur, redactum, necnon praefatas Literas Commissionis Excellentissimi & Christianissimi Principis, Angliae & Franciae Regis, suo Magno Sigillo in Cera alba, ac Recognitionis Literarum in praesenti publico Instrumento, de verbo ad verbum scribi feci, praesensque Instrumentum publicum manu alienâ, me aliis Negotiis arduis praepedito, fideliter scriptum, in hanc publicam formam redegi, Signoque & Nomine meis solitis & consuetis signavi rogatus & requisitus, in fidem & testimonium omnium Praemissorum, tàm per praenominatum Serenissimum Principem, quàm per Christianissimi Domini Regis praedicti Ambassiatores.
Wenlok. |
Nov. 17. Congé d'élire to the archdeacon and chapter of Llandaff on the death of John the late bishop there. Westm.
O. x. 834. H. v. p. i. 103. |
De Licentia Eligendi.
An. 19. H. 6. Pat. 19. H. 6. p. 1. m. 16.
Rex, dilectis sibi in Christo, Archidiacono & Capitulo Ecclesiae Cathedralis Landavensis, Salutem.
Ex parte vestra nobis est humiliter supplicatum ut,
Cùm Ecclesia vestra praedicta, per mortem, bonae memoriae, Johannis, nuper Episcopi Loci illius, Pastoris sit solatio destituta,
Alium vobis Eligendi in Episcopum & Pastorem Licentiam Vobis concedere dignaremur,
Nos, Supplicationi praedictae favorabiliter inclinati, Licentiam illam vobis duximus concedendam;
Mandantes quòd talem vobis eligatis in Episcopum & Pastorem, qui Deo Devotus, Ecclesiae vestrae Necessarius, Nobisque & Regno nostro Utilis & Fidelis existat.
In cujus &c.
Teste Rege apud Westmonasterium, decimo septimo Die Novembris.
Per Breve de Privato Sigillo. |
Nov. 28. Reward of 130 crowns to Ostrigge, messenger from the emperor. Westm.
O. x. 834. H. v. p. i. 103. |
Pro Nuncio Imperatoris.
An. 19. H. 6. Penes Cler. Pell.
Henri, &c. as Tresorer & Chamberleins de nôtre Eschequier, Saluz.
Nous Volons & vous Mandons que a Ostrigge, Messagier n'adgairs envoiees devers nôtre Presence, depar nôtre Treschier & Tresame Frere l'Empereure, pour le bien du Pees d'Esglise, facez Paier, de nôtre Tresour, Cent Escuts, a avoir de nôtre Donne par voie de Regarde.
Donn. &c.
Dors.
Rex, de avisamento Concilii sui, aapud Westmonasterium, vicesimo octavo Die Novembris, Anno Decimo nono, mandavit Custodi Privati Sigilli sui facere Garrentum sub eodem Sigillo, Tenoris infrascripti.
Praesentibus,
Cardinali Ebor. Cancellar.
Comite Suffolciae;
Et aliis.
Adam Moleyns. |
