|
| Syllabus Entry |
Foedera Text |
April 2. Commission to sir Robert Ogle and sir John Bertram to settle with the lords Gordon and Montgomery the bounds within which the inhabitants of Berwick and Roxburgh can feed their cattle and collect forage. Westm.
O. x. 695. H. v. p. i. 50. |
De Potestate Limitandi Bundas, super Marchiis Scotiae.
An. 16. H. 6. Scot. 16. H. 6. m. 2.
Rex, Dilectis & Fidelibus nostris, Roberto Ogle, & Johanni Bertram, Militibus, Salutem.
Cùm inter, dilectos & fideles nostros, Henricum Comitem Northumbriae Consanguineum nostrum, Johannem Dominum de Tiptot, & Magistrum Willielmum Lyndewode Custodem Privati Sigilli nostri, Commissarios nostros, &, Nobiles ac Discretos Viros, Alexandrum Dominum de Gordon, Alexandrum Dominum de Mountgomery, Johannem Methven Praepositum Ecclesiae Collegiatae de Lynclouden, & Johannem Vause Armigerum, Commissarios Consanguinei nostri Jacobi, Dei gratiâ, Regis Scottorum, inter caetera, Appunctuatum, Concordatum, & Conclusum sit, quòd Vos Duo,
Pro Parte nostra & Regni nostri Angliae,
Praefati, Alexander & Alexander,
Pro Parte Regni Scotiae,
Citra Primum Diem Mensis Maii, proximò futurum, in aliquo Loco, ad hoc congruo, Convenientes, Distinguetis & Limitabitis Bundas infra quas Soldarii & alii, Inhabitantes tàm Villam & Castrum nostra Berewici quàm Castrum nostrum de Rokesburgh, pro suis Bestiis & Animalibus Pascendis,
Herbam & Foenum liberè colligere & habere, ac Focalia & alia sibi ad Victum necessaria percipere & possidere, & eis uti & frui debeant, durantibus Treugis Novem Annorum, jam inter Nos Reges praedictos de novo captis,
Nè Appunctuamentum hujusmodi frustra fiat seu aliàs reddatur inutile, Vobis & alteri Vestrûm (de quorum & cujus Fidelitate & Circumspectionis Industriâ plenè Confidimus) ad Conveniendum, Tractandum, Communicandum, & Concludendum, Nomine nostro, cum praefatis Alexandro & Alexandro, sufficientem in ea parte Potestatem habentibus vel habituris, de & super Distinctione & Limitatione Bundarum hujusmodi, dictasque Treugas, post Concordiam in ea parte inter vos habitam, ut moris est, Proclamandum, plenam, Tenore Praesentium, Committimus Potestatem.
Promittentes, in Verbo Regio, Nos Ratum, Gratum, & Firmum habituros quicquid per Vos, seu alterum vestrûm, Nomine nostro, Actum sive Gestum fuerit in Praemissis, seu aliquo Praemissorum;
Et ideò Vobis Mandamus quòd circa Praemissa diligenter Intendatis, ac ea faciatis & exequamini in forma praedicta:
Damus autem universis & singulis Ligeis nostris, Tenore Praesentium, firmiter in Mandatis quòd Vobis, & utrique Vestrûm, in Executione Praemissorum, sint Consulentes & Auxiliantes in omnibus diligenter.
In cujus &c.
Teste Rege apud Westmonasterium, secundo die Aprilis.
Per Breve de Privato Sigillo. |
April 3. Delivery of the temporalities of the see of Ely to Guillerme Erardi, proctor of Louis abp. of Rouen, to whom they have been granted. Westm.
O. x. 695. H. v. p. i. 50. |
De Administratione Episcopatus Eliensis Concessa Archiepiscopo Rothomagensi.
An. 16. H. 6. Pat. 16. H. 6. p. 2. m. 37.
Rex Escaetori suo in Comitatibus Cantebrigiae & Huntingdoniae Salutem.
Cùm Dominus Summus Pontifex nuper, vacante Ecclesiâ Eliensi, per Mortem, Venerabilis Patris, Philippi ultimi Episcopi Loci illius, Venerabili Patri Ludovico Rothomagensi Archiepiscopo praefatam Ecclesiam Eliensem, quoad vixerit, unà cum Ecclesia Rothomagensi (cui hactenus laudabiliter praefuit) Tenendam, ac in Spiritualibus & Temporalibus per se, vel per alium, seu alios Regendam seu etiam Gubernandam, de suorum Fratrum Consilio, commendaverit, & eidem Ludovico Administrationem ipsius Ecclesiae perpetuò Concesserit,
Ita quòd, debitis & consuetis Mensae Episcopalis Eliensis supportatis Oneribus, & Residuis illius Fructibus, Redditibus, & Proventibus disponere & ordinare liberè & licitè valeat, sicuti veri qui fuerunt pro tempore Elienses Episcopi de illis disponere & ordinare potuerunt seu etiam debuerunt,
Alienatione tamen quorumcumque Bonorum Immobilium, & pretiosiorum Mobilium, ejusdem Eliensis Ecclesiae, eidem Administratori penitùs Interdictâ,
Sicut per Literas Bullatas ipsius Domini Summi Pontificis, Nobis inde directas, Nobis constat,
Nos,
Pro eo quod Magister Guillermus Erardi, Sacrae Theologiae Professor, Procurator Generalis dicti Venerabilis Patris, vice & nomine dictae Ecclesiae Eliensis Aministratoris, omnibus & singulis verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter se Submisit, sicut per Instrumentum Publicum super hoc confectum, & coram Nobis in Cancellaria nostra exhibitum, plenè liquet,
Volentes cum eo in hac parte agere gratiosè, Cepimus Fidelitatem ipsius Administratoris, Nobis per praedictum Procuratorem suum, vice & nomine ejusdem Administratoris, factam, Nobis pro Temporalibus dictae Ecclesiae Eliensis, in manu nostra ratione ultimae Vacationis ejusdem existentibus, debitam, & Temporalia ejusdem Episcopatûs Eliensis eidem Administratori Liberavimus;
Et ideò tibi Praecipimus quòd eidem Administratori Temporalia illa, cum Pertinentiis, in Ballivâ tuâ, sine dilatione Liberes; salvo jure cujuslibet.
Teste Rege apud Westmonasterium, Tertio Die Aprilis.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Datâ; videlicet,
Escaetori Regis in Com. Norff. & Suff.
Escaetori Regis in Com. Effex. & Hertf.
Escaetori Regis in Com. Midd.
Et Mandatum est Militibus, &c. |
April 3. Safe conduct for Gilbert de la Fayet, calling himself marshal of France, employed about the liberation of the count d'Eu and the earl of Somerset. Westm.
O. x. 697. H. v. p. i. 50. |
Super Deliberatione Comitis Somers & Comitis de Eu.
An. 16. H. 6. Franc. 16. H. 6. m. 8.
Rex universis & singulis Admirallis, &c. ad quos &c. Salutem.
Sciatis quòd,
In Favorem, carissimi Consanguinei nostri, Comitis Somers, diu Prisonarii Inimicis & Adversariis nostris, occasione Guerrae in Regno nostro Franciae, & Deliberationis suae de Prisonâ, quae cum parte Consanguinei nostri qui se dicit Comitem d'Eu, etiam Prisonarii in dicto Regno nostro Franciae, in Obedientiâ nostra, jam tractatur,
Dedimus & per praesentes Damus Gilberto de la Fayet Militi, Marescallum Franciae se dicentem, bonum, securum, & salvum Conductum pro se, vel pro alio, quem per Literam suam pro se & per se voluerit nominare, vel sibi committere, praesentes Literas nostras de salvo Conductu, cum Literâ praedicti Gilberti, deferentem, ac Quadraginta Personis de Comitivâ suâ & infra (cujuscumque Status, Patriae, Auctoritatis, vel Conditionis existant) ad discedendum & veniendum de quocumque Loco, per Inimicos & Adversarios nostros praedictos, infra dictum Regnum nostrum Franciae, tento & occupato, bonum sibi videbitur, dicto Consanguineo nostro Comite Somers in Comitivâ suâ existente, in quamcumque Patriam seu Locum de Obedientiâ nostrâ, seu de illâ Inimicorum nostrorum praedictorum, sibi placuerit & necesse fuerit, sit in Patriam Britanniae vel alibi infra dictum Regnum nostrum Franciae,
Et praecipuè ad Ducendum & Conducendum dictum Consanguineum nostrum Comitem Somers infra aliquem Locorum praedictorum de Obedientiis praedictis, ad faciendum super Campos Deliberationem suam & dicti Consanguinei nostri qui se dicit Comitem d'Eu,
Et, si necesse fuerit, ad Reducendum eundem Consanguineum nostrum Comitem Somers ad Loca per Inimicos nostros praedictos occupata,
Et consimiliter ad Ducendum & Conducendum ipsum Consanguineum nostrum, qui se Comitem d'Eu nominat, Personâ ejusdem Consanguinei nostri Comitis Somers deliberatâ, ad Patriam & Loca per dictos Inimicos nostros occupata & de Obedientiâ suâ praedictâ;
Et ideò vobis & cuilibet vestrûm expressè Mandamus quòd praefatum Gilbertum, vel per eum in hac parte Commissum, Literam suam praedictam habentem, & praesentes Literas nostras de salvo Conductu deferentem, & eos de Comitivâ suâ, ad dictum Numerum Quadraginta Personarum, vel infra (cujuscumque Statûs, Patriae, Auctoritatis, seu Conditionis existant) Armatos vel non Armatos, Equites seu Pedestres, dicto Consanguineo nostro Comite Somers in Comitivâ suâ existente, & similiter dicto Consanguineo nostro Comitem d'Eu se dicente, post Deliberationes suas factas ut praemittitur, cum Auro, Argento, Monetâ, Literis, Papiris, Memorandis, Instructionibus, aut aliis Scripturis, Robis, Jocalibus, Vasis, ac aliis Bonis & Rebus suis quibuscumque, ire, venire, perhendinare, morari, & redire, de Die & Nocte, per Aquam, per Terram, per Viam & extra Viam, semel vel saepiùs, durante praesente salvo Conductu nostro, plenè & pacificè, salvò & securè permittatis, absque Aresto, Perturbatione, vel Impedimento per viam Marquae, Contromarquae, Captionis, Recaptionis, Vendictae, Contravendictae, & Intercursûs, seu aliter qualitercumque fuerit, set omne Impedimentum, quod sibi factum fuerit vel illatum, plenae &
celeri Deliberationi, prout ad unumquemque vestrûm pertinet, ponatis & poni faciatis;
Proviso semper quod ipsi quicquam, quod in Dampnum & Praejudicium nostrum aut Patriae seu Subditorum nostrorum cedere possit, non faciant neque impetrent,
Et quòd ipsi praesentes Literas nostras de salvo Conductu, ad introitum Villarum & Locorum firmatorum de Obedientiâ nostrâ praedictâ, Capitaneis seu Custodibus eorumdem monstrare teneantur,
Et non intendimus quòd, si aliquis has Literas nostras de salvo Conductu particulariter infregerit, id cedat in praejudicium alicujus nisi solummodò ad Infractorem.
In cujus &c. usque Primum diem Julii proximò futurum duraturas.
Teste Rege apud Westmonasterium, Tertio die Aprilis.
Per Breve de Privato Sigillo. |
April 8. Restitution of the temporalities to Robert bp. of Durham, late bp. of Salisbury. Windsor.
O. x. 698. H. v. p. i. 51. |
De Restitutione Temporalium pro Episcopo Dunelmensi.
An. 16. H. 6. Pat. 16. H. 6. p. 2. m. 37.
Rex Escaetori suo in Comitatu Middlesexiae, Salutem.
Cùm Dominus Summus Pontifex,
Venerabilem Patrem, Robertum, nuper Episcopum Sarum, a Vinculo, quo ipse Ecclesiae Sarum, cui tunc praeerat, tenebatur, de Apostolicae plenitudinis Potestate, Absolvens,
Ipsum ad Ecclesiam Dunelmensem transtulerit, illique praefecerit in Episcopum & Pastorem, sicut per Literas Bullatas ipsius Domini Summi Pontificis, nobis indè directas, nobis constat,
Nos,
Pro eo quòd idem Episcopus omnibus & singulis verbis, in dictis Literis Bullatis contentis, Nobis & Coronae nostrae praejudicialibus, coram Nobis palàm & expressè Renunciavit, & Gratiae nostrae humiliter se submisit, volentes cum eo in hac parte agere gratiosè,
Cepimus Fidelitatem ipsius Episcopi, & Temporalia dicti Episcopatûs Dunelmensis, prout moris est, Restituimus eidem;
Et ideò tibi Praecipimus quòd eidem Episcopo Temporalia praedicta, cum pertinentiis, in Ballivâ tuâ, sine dilatione, Liberes in formâ praedictâ.
Teste Rege apud Castrum suum de Wyndesore, octavo die Aprilis.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Datâ; videlicet,
Escaetori Regis in Com. Eborum.
Escaetori Regis in Com. Lincoln.
Escaetori Regis in Com. Northumbr.
Et Mandatum est Militibus, &c. |
April 27. Commission of Henry bp. of Münster [Episcopus Monasteriensis] to Ysbrand de Merwyck, and John Doweler, to do homage to the K., and to receive an annuity. Cologne.
O. x. 698. H. v. p. i. 51. |
Commissio Episcopi Monasteriensis ad Tractandum cum Commissariis Regis.
An. 16. H. 6. Ex Autogr.
Nos Henricus, Dei gratiâ, Episcopus Monasteriensis, Notum facimus universis & singulis, ad quos praesentes nostrae Litterae pervenerint,
Quòd Nos, ex certâ nostrâ Scientiâ ac animo benè deliberato, omnia & singula, per, Venerabiles & circumspectos Viros, Johannem Upinegrave Praepositum Ecclesiae Sancti Andreae Coloniensis, Arnoldum de Breympt Armigerum, & Johannem de Coffeldia Decretorum Doctorem, Procuratores & Amicos nostros, ad hoc specialiter constitutos nostri Nomine, cum Reverendo in Christo Patre Domino Willielmo, nuper Episcopo Norwicensi, nunc Episcopo Lincolniensi, necnon, spectabilibus Dominis, Johanne le Scrop, & Johanne Tiptot, Militibus, ac Magistro Johanne Storthwayt utriusque Juris Baccalario, Praecentore ac Canonico Praebendato Ecclesiae Cathedralis Wellensis, Nomine & ex parte Christianissi-
mi Principis & Domini, Domini Henrici, Dei Gratiâ, Angliae & Franciae Regis, & Domini Hiberniae Illustris, Londoniae, ultimâ die Mensis Februarii, Anno Domini Millesimo, Quadringentesimo, Tricesimo sexto, Acta, Facta, Dicta, Concordata, & Conclusa, prout in quâdam Cedulâ Indentatâ, desuper confectâ, pleniùs continetur, Laudamus, Ratificamus, & Approbamus,
Et nichilominus, omnibus melioribus Viâ, Jure, Modo, Causâ, & Formâ quibus possumus & debemus, Fecimus, Constituimus, & Ordinavimus, Praesentibúsque Facimus, Constituimus, & Ordinamus, honorabiles Viros, Ysbrandum de Merwyck, Sancti Lugeri, Praesentem, & Onus Procurationis hujusmodi in se sponte suscipientem, & Johannem Doweler, veteris Ecclesiae Sancti Pauli Monasteriensis, Ecclesiarum Canonicos, Absentem tamquam Praesentem, & quemlibet eorum in solidum, ita quòd Occupantis conditio potior non existat, sed quod unus eorum inceperit alter ipsorum prosequi valeat, Mediare, pariter & Finire, in nostros veros, certos, legitimos, & indubitatos Procuratores, Actores, Factores, & Negotiorum nostrorum Gestores, ac Nuncios speciales,
Ad Comparendum, pro Nobis & Nomine nostro, coram praefato Christianissimo Principe & Domino Domino Henrico Angliae & Franciae Rege, suisque ad infrascripta Commissariis, Deputatis, seu Deputandis,
Ac ad Tractandum, Concordandum, & Concludendum, cum ipso Domino Rege, seu Commissariis antedictis, de & super quibuscumque Ligis, Amicitiis, Alligantiis, & mutuis Subventionibus, Auxiliis, seu Servitiis, inter Nos, ac pro Nobis, Terris, Dominiis, Subditis, & Vassallis nostris quibuscumque, ex parte unâ, & praefatum Christianissimum Principem Dominum Regem, pro se, Regnis, Terris, Dominiis, Ligeis, Vassallis, & Subditis suis quibuscumque, ex alterâ parte, ad Vitam ipsius Domini Regis & nostram, ineundis & praestandis,
Atque ad Faciendum Nos Henricum Episcopum praefatum Vassallum atque Homagialem fidelem ipsius Domini Regis,
Necnon ad Petendum & Recipiendum, pro Nobis, & Nomine nostro, Investituram Feudi seu Feudorum, si quod vel si qua praefatus Dominus Rex Nobis concedere velit vel conferre,
Et specialiter ad Promittendum, Faciendum, & Praestandum, pro Nobis Henrico Episcopo praefato & Nomine nostro, praefato Domino Regi Homagium,
Ac etiam ad Praestandum, in Animam nostram, in eâ parte Fidelitatis Sacramentum, cum omnibus Capitulis & Clausulis, ad hujusmodi Sacramentum Fidelitatis fieri debitis & consuetis,
Necnon super quibuscumque Articulis, quantumcumque specialibus, qui Ligas, Amicitias, mutuas Subventiones, Auxilia, sive Servitia Homagii, & Fidelitatis Sacramentum, supradicta concernere poterunt quovis modo, cum eorum incidentibus, emergentibus, dependentiis, & connexis,
Ac quae sic Tractata, Promissa, Praestita, & facta fuerint sub Cautionibus, Promissionibus, ac omni Securitate debitâ & requisitâ in hac parte, pro Nobis & Nomine nostro, Assecurandum & Firmandum,
Consimilémque Securitatem a praefato Domino Rege, seu per ipsum ad id Deputando, pro Nobis & Nomine nostro, Petendum, Stipulandum, & Recipiendum,
Necnon ad Sublevandum, Recipiendum, & Petendum, Nomine nostro, quascumque Pecuniarum Summas, Nobis per eundem Dominum Regem, nomine Provisionis sive Pensionis Annuae, ex causâ Homagii, seu Vasallatûs, aut Fidelitatis, assignatas seu deputatas, assignandas seu deputandas, a quibuscumque Thesaurariis, seu Commissariis, Deputatis, seu Deputandis,
Ipsúmque Dominum Regem, Thesaurarios, seu Commissarios antedictos, de Receptis & Levatis Quitandum, Quitationem, Absolutionem, & Pactum de ulterius Percepta & Levata non petendo, Faciendum,
Et generaliter omnia & singula Faciendum, Gerendum, & Excercendum, quae circa Praemissa necessaria fuerint seu quomodolibet oportuna, & quae Nos faceremus seu facere possemus si Praemissis personaliter interessemus, etiam si talia forent quae Mandatum a Jure magis exigant speciale,
Promittentes bonâ fide, sub Ypotheca & Obligatione omnium Bonorum nostrorum, Nos Ratum, Gratum, & Firmum perpetuò habere & tenere totum id & quicquid per dictos Procuratores nostos, & eorum quemlibet, Actum Factumve fuerit in Praemissis & singulis Praemissorum, seu quomodolibet Procuratum.
In quorum omnium & singulorum Testimonium praesentes Litteras per Johannem Notarium Publicum infrascriptum subscribi & publicari Mandavimus, nostrique Sigilli jussimus appensione communiri.
Acta fuerunt haec Coloniae in Curiâ Habitationis Venerabilis Johannis Upinegrave, Praepositi Ecclesiae Sancti Andreae Coloniensis supradicti, quam infra Emunitatem Ecclesiae Beatae Mariae ad Gradus inhabitat, sub Anno a Nativitate Domini Millesimo, Quadringentesimo, Tricesimo octavo, Indictione primâ, Die verò vicesimâ septimâ Mensis Aprilis, Pontificatûs Sanctissimi in Christo Patris & Domini nostri, Domini Eugenii, Divinâ Providentiâ, Papae Quarti, Anno octavo,
Praesentibus ibidem.
Illustri Domino Gerardo de Clivis Comite de Marka,
Necnon,
Venerabilibus & Spectabilibus Viris, Johanne de Creynelt Sanctorum Apostolorum,
Johanne Upinegrave jam dicto, Sancti Andreae Coloniensis,
Ecclesiarum Praepositis,
Et Friderico de Husen Armigero Coloniensis Dioecesis,
Testibus fidedignis ad Praemissa vocatis partier & rogatis.
Et ego Johannes Corten de Caulille Clericus Leodiensis Dioecesis, Publicus Imperiali Auctoritate & approbatus Notarius, quia Praemissis omnibus & singulis, dùm sic, ut praemittitur, per praefatum, Reverendum in Christo Patrem & Dominum, Dominum Henricum, Dei Gratiâ, Episcopum Monasteriensem fierent & agerentur, unà cum praenominatis Testibus interfui, eaque sic fieri vidi & audivi,
Ideò praesens Publicum Instrumentum, manu meâ scriptum, exinde confeci, Signoque & Nomine meis solitis & consuetis, unà cum appensione Sigilli dicti Reverendi Patris Domini Episcopi Monasteriensis, signavi, Rogatus & Requisitus in Fidem & Testimonium omnium & singulorum Praemissorum.
Jo. Corten.
Sub Sigillo de cerâ rubeâ pendente a duplici Caudâ Pergamenae. |
April 27. Similar commission of Gerard de Cleves, count of Mark, to the same persons. Cologne.
O. x. 700. H. v. p. i. 52. |
Commissio Comitis de Marka.
An. 16. H. 6. Ex Autogr.
Nos Gerardus de Clivis, Comes de Marka, NOTUM FACIMUS universis & singulis, ad quos praesentes nostrae Litterae pervenerint,
Quòd Nos, ex certâ nostrâ Scientiâ ac animo benè deliberato, omnia & singula, per, Venerabiles & Circumspectos Viros, Johannem Upinegrave Praepositum Ecclesiae Sancti Andreae Coloniensis, Arnoldum de Breympt Armigerum, & Johannem de Coeffeldia Decretorum Doctorem, Procuratores & Amicos nostros, ad hoc specialiter constitutos nostri Nomine, cum, Reverendo in Christo Patre, Domino Willielmo, nuper Episcopo Norwicensi, nunc Episcopo Lincolniensi, necnon, Spectabilibus Dominis, Johanne le Scrop, & Johanne Typtot, Militibus, ac Magistro Johanne Storthwayt utriusque Juris Baccalario Praecentore & Canonico Praebendato Ecclesiae Cathedralis Wellensis, Nomine & ex Parte, Christianissimi Principis & Domini, Domini Henrici Dei Gratiâ, Angliae & Franciae Regis, & Domini Hiberniae Illustris, Londoniae, ultimâ Die Mensis Februarii, Anno Domini Millesimo, Quadringentesimo, Tricesimo sexto, Acta, Facta, Dicta, Concordata, & Conclusa, prout in quâdam Cedulâ Indentatâ, desuper confectâ, pleniùs continetur, Laudamus, Ratificamus, & Approbamus,
Et nichilominus, omnibus melioribus Viâ, Jure, Modo, Causâ & Formâ quibus possumus & debemus, Fecimus, Constituimus, & Ordinavimus, Praesentibusque Facimus, Constituimus, & Ordinamus, Honorabiles Viros, Isbrandum de Merwyck, Sancti Ludgeri, praesentem & Onus Procurationis hujusmodi in se sponte suspicientem, & Johannem Dowoler, Veteris Ecclesiae Sancti Pauli Monasteriensis, Ecclesiarum Canonicos, Absentem tamquam Praesentem, & quemlibet eorum
in solidum, ita quòd Occupantis conditio potior non existat, set quod unus eorum inceperit, alter ipsorum prosequi valeat, Mediare, pariter & Finire, in nostros veros, certos, legitimos, & indubitatos Procuratores, Actores, Factores, & Negotiorum nostrorum Gestores, ac Nuncios speciales,
Ad Comparendum, pro Nobis & Nomine nostro, coram praefato Christianissimo Principe & Domino Domino Henrico Angliae & Franciae Rege, suisque ad infrascripta Commissariis, Deputatis, seu Deputandis,
Ac ad Tractandum, Concordandum, & Concludendum cum ipso Domino Rege, seu Commissariis antedictis, de & super quibuscumque Ligis, Amicitiis, Alligantiis, & mutuis Subventionibus, Auxiliis, seu Servitiis, inter Nos, & pro Nobis, Terris, Dominiis, Subditis, & Vassallis nostris quibuscumque, ex parte unâ, & praefatum Christianissimum Principem Dominum Regem, pro se, Regnis, Terris, Dominiis, Ligeis, Vasallis, & Subditis suis quibuscumque, ex alterâ parte, ad Vitam ipsius Domini Regis & nostram, ineundis & praestandis,
Atque ad Faciendum Nos Gerardum Comitem praefatum Vasallum atque Homagialem fidelem ipsius Domini Regis,
Necnon ad Petendum & Recipiendum, pro Nobis, & Nomine nostro, Investituram Feudi seu Feudorum, si quod vel si qua praefatus Dominus Rex Nobis concedere velit vel conferre,
Et specialiter ad Promittendum, Faciendum, & Praestandum, pro Nobis Gerardo Comite praefato & Nomine nostro, praefato Domino Regi Homagium,
Ac etiam ad Praestandum, in Animam nostram, in eâ parte Fidelitatis Sacramentum, cum omnibus Capitulis & Clausulis, ad hujusmodi Sacramentum Fidelitatis fieri debitis & consuetis,
Necnon super quibuscumque Articulis, quantumcumque specialibus, qui Ligas, Amicitias, mutuas Subventiones, Auxilia, sive Servitia Homagii, & Fidelitatis Sacramentum, supradicta concernere poterunt quovis modo, cum eorum incidentibus, emergentibus, dependentibus, & connexis,
Ac quae sic Tractata, Promissa, Praestita, & facta fuerint sub Cautionibus, Promissionibus, ac omni Securitate debitâ & requisitâ in hac parte, pro Nobis & Nomine nostro, Assecurandum & Firmandum,
Consimilémque Securitatem a praefato Domino Rege, seu per ipsum ad id Deputandis, pro Nobis & Nomine nostro, Petendum, Stipulandum, & Recipiendum,
Necnon ad Sublevandum, Recipiendum, & Petendum, Nomine nostro, quascumque Pecuniarum Summas, Nobis per eundem Dominum Regem, nomine Provisionis sive Pensionis Annuae, ex causâ Homagii, seu Vasallatûs, aut Fidelitatis, assignatas seu deputatas, assignandas seu deputandas, a quibuscumque Thesaurariis, seu Commissariis, Deputatis, seu Deputandis,
Ipsúmque Dominum Regem, Thesaurarios, seu Commissarios antedictos, de Receptis & Levatis Quitandum, Quitationem, Absolutionem, & Pactum de ulterius Percepta & Levata non petendo, Faciendum,
Et generaliter omnia alia & singula Faciendum, Gerendum, & Excercendum, quae circa Praemissa necessaria fuerint seu quomodolibet oportuna, & quae Nos faceremus seu facere possemus si Praemissis personaliter interssemus, etiam si talia forent quae Mandatum a Jure magis exigant speciale,
Promittentes bonâ fide, sub Ypotheca & Obligatione omnium Bonorum nostrorum, Nos Ratum, Gratum, & Firmum perpetuò habere & tenere totum id & quicquid per dictos Procuratores nostros, & eorum quemlibet, Actum Factúmve fuerit in Praemissis & singulis Praemissorum, seu quomodolibet Procuratum.
In quorum omnium & singulorum Testimonium praesentes Litteras per Johannem Notarium Publicum infrascriptum subscribi & publicari Mandavimus, nostrique Sigilli jussimus Appensione communiri.
Acta fuerunt haec Coloniae in Curiâ Habitationis Venerabilis Johannis Upinegrave, Praepositi Ecclesiae Sancti Andreae Coloniensis supradicti, quam infra Emunitatem Ecclesiae Beatae Mariae ad Gradus inhabitat, sub Anno a Nativitate Domini Millesimo, Quadringentesimo, Tricesimo octavo, Indictione primâ, Die verò vicesimâ septimâ Mensis Aprilis, Pontificatûs Sanctissimi in Christo Patris & Domini nostri, Domini Eugenii, Divinâ Providentiâ, Papae Quarti, Anno octavo,
Praesentibus ibidem,
Reverendo in Christo Patre & Domino, Domino Henrico Episcopo Monasteriensi,
Necnon,
Venerabilibus & Spectabilibus Viris,
Johanne de Creynelt Sanctorum Apostolorum,
Johanne Upinegrave jam dicto, Sancti Andreae Coloniensis,
Ecclesiarum Praepositis,
Et Frederico de Husen Armigero Coloniensis Dioecesis,
Testibus fidedignis ad Praemissa vocatis.
Et ego Johannes Corten de Caulille Clericus Leodiensis Dioecesis, Publicus Imperiali Auctoritate & approbatus Notarius, quia Praemissis omnibus & singulis, dùm sic, ut praemittitur, per praefatum Illustrem Dominum Gerardum de Clivis, Comitem de Marka, fierent & agerentur, unà cum praenominatis Testibus interfui, eaque sic fieri vidi & audivi,
Ideò praesens Publicum Instrumentum, manu alterius fideliter scriptum, exinde confeci, Signoque & Nomine meis solitis & consuetis, unà cum appensione Sigilli ejusdem Domini Comitis, signavi Rogatus & Requisitus in Fidem & Testimonium omnium & singulorum Praemissorum.
Jo. Corten.
Sub Sigillo cerâ rubeâ expresso & pendente a Caudâ Pergamenae. |
May 14. Safe conduct for Alexander de Seton, lord of Gordon, coming to the K. Westm.
O. x. 702. H. v. p. i. 52. |
Pro Domino de Gordon.
An. 16. H. 6. Scot. 16. H. 6. m. 3.
Rex universis & singulis Admirallis, &c. ad quos &c. Salutem.
Sciatis quòd,
Cùm Alexander de Seton, Dominus de Gordon in Scotia, penes Praesentiam nostram, pro certis Materiis & Causis, ipsum moventibus, de Licentia nostra, venire proponat ut accepimus,
Proinde suscepimus ipsum Alexandrum, ac Viginti Personas Familiares suos in Comitiva sua, in Regnum nostrum Angliae, ad Praesentiam nostram, veniendo, ibidem morando & perhendinando, per Dies & per Noctes, & extra idem Regnum nostrum in Scotiam, absque perturbatione vel impedimento quocumque, durante praesenti salvo Conductu nostro, transeundo, in salvum & securum Conductum nostrum, ac in Protectionem, Tuitionem, & Defensionem nostras speciales,
Et ideò vobis Mandamus &c. non inferentes &c. & si quid &c.
Proviso semper quòd praedictus Alexander ac dictae Personae Familiares sui se benè & honestè erga Nos & Populum nostrum habeant & gerant, absque aliquo, quod in Praejudicium seu Dampnum nostrum aut Populi nostri praedicti cedere valeat, faciendo seu attemptando,
Et quòd ipsi nullum Castrorum, Fortalitiorum, seu Villarum nostrarum firmatarum, absque eo quòd ipsi praesentes Literas nostras de salvo Conductu Capitaneis, Gubernatoribus, seu Custodibus eorumdem priùs demonstrent, ingrediantur.
In cujus &c. usque Festum Sancti Martini in Yeme proximò futurum duraturas.
Teste Rege apud Westmonasterium, decimo quarto die Maii.
Per Breve de Privato Sigillo. |
May 20. Louis abp. of Rouen, is appointed perpetual administrator of the see of Ely, with all the rights and privileges enjoyed by the bps. of Ely. Kennington.
O. x. 702. H. v. p. i. 53. |
Pro Archiepiscopo Rothomagensi, Eliensis Ecclesiae perpetuo Administratore.
An. 16. H. 6. Pat. 16. H. 6. p. 2. m. 10.
Rex Omnibus, ad quos &c. Salutem.
Sciatis quòd,
Cùm Dominus Summus Pontifex nuper,
Vacante Ecclesiâ Eliensi, per Mortem, Venerabilis Patris, Philippi ultimi Episcopi Loci illius,
Venerabili Patri Lodovico Rothomagensi Archiepiscopo praefatam Ecclesiam
Eliensem, quoad vixerit, unà cum Ecclesia Rothomagensi (cui hactenus laudabiliter praefuit) Tenendam, ac in Spiritualibus & Temporalibus per se, vel per alium, seu alios, Regendam seu etiam Gubernandam, de suorum Fratrum Concilio, commendaverit, & eidem Ludovico Administrationem ipsius Ecclesiae perpetuò Concesserit,
Ita quòd, debitis & consuetis Mensae Episcopalis Eliensis supportatis Oneribus, de Residuis illius Fructibus, Redditibus, & Proventibus disponere & ordinare liberè & licitè valeat, sicut veri, qui fuerunt pro tempore, Elienses Episcopi de illis disponere & ordinare poterunt seu etiam debuerunt,
Alienatione tamen quorumcumque Bonorum Immobilium, & pretiosorum Mobilium, ejusdem Eliensis Ecclesiae, eidem Administratori penitùs Interdictâ,
Sicut per Literas Bullatas ipsius Domini Summi Pontificis, Nobis inde directas, Nobis constat,
Et Nos,
Pro eo quod Magister Guillermus Erardi, Sacrae Theologiae Professor, Procurator Generalis dicti Venerabilis Patris, vice & nomine dictae Ecclesiae Eliensis Administratoris, omnibus & singulis verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter se Submisit, sicut per Instrumentum Publicum super hoc confectum, & coram Nobis in Cancellaria nostra exhibitum, plenè liquet,
Volentes cum eo in hac parte agere gratiosè, Cepimus Fidelitatem ipsius Administratoris, Nobis per praedictum Procuratorem suum, vice & nomine ejusdem Administratoris, factam, Nobis pro Temporalibus dictae Ecclesiae Eliensis, in manu nostra ratione ultimae Vacationis ejusdem existentibus, debitam, & Temporalia ejusdem Episcopatûs Eliensis eidem Administratori Concesserimus Liberanda, eáque eidem Administratori Mandaverimus liberari, sicut satis nobis constat,
Jámque praefatus Administrator Nobis humiliter supplicavit ut,
Cùm diversa Privilegia, Franchesiae, Jurisdictiones, Libertates, Quietantiae, & Immunitates Episcopis Ecclesiae praedictae, qui ante haec tempora fuerunt, per Cartas Progenitorum nostrorum, quondam Regum Angliae (quas, ut dicitur, Confirmaverimus) Concessa fuerunt, iidemque nuper Episcopi & Successores sui omnibus & singulis Privilegiis, Franchesiis, Libertatibus, Quietantiis, & Immunitatibus illis usi fuerint & gavisi, praedictúsque Administrator metuat Se, ac Officiarios, & Ministros suos, in Franchesiis, Libertatibus, Quietantiis, & Immunitatibus illis, per hujusmodi Nomen Administratoris, utendis, gaudendis, & excercendis multipliciter Molestari, Perturbari, & Gravari, eo quòd praedictus Summus Pontifex ipsum in Administratorem Ecclesiae praedictae praefecit,
Velimus sibi de Remedio congruo, in hac parte, ex Regia Benignitate nostra, gratiosè ordinare,
Et Nos,
Attendentes grata & laudabilia Servitia, quae praedictus Administrator Nobis in Regno nostro Franciae multipliciter hactenus impendit, ac qualiter se Nobis Obsequiosum ibidem semper adhibet,
Volentes igitur pro eodem Administratore, in hac parte, ut tenemur, Providere, de Gratiâ nostrâ speciali, Concesserimus eidem Administratori quòd ipse, per idem Nomen Administratoris, per Se, ac Justiciarios, Officiarios, & alios Ministros suos, tàm omnibus & singulis Franchesiis, Privilegiis, Libertatibus, Jurisdictionibus, Quietantiis, & Immunitatibus, in Cartis & Confirmatione praedictis contentis, quàm omnibus Franchesiis, Privilegiis, Libertatibus, Jurisdictionibus, Quietantiis, & Immunitatibus, Custumis, & Consuetudinibus licitis quibuscumque, quibus Episcopi Ecclesiae praedictae ante haec tempora uti & gaudere, eaque excercere, & in executionem debitam ponere consueverunt, adeò plenè & integrè, liberè & pacificè, ac summariè & de plano, absque impetitione, molestatione, vel impedimento nostri, vel Haeredum nostrorum, Justiciariorum, Escaetorum, Vicecomitum, aut aliorum Ballivorum seu Ministrorum nostrorum quorumcumque, gaudeat & utatur, eaque licitè excercere, & quotiens opus fuerit & necesse in executione ponere possit, prout praedicti nuper Episcopi aut eorum aliquis Franchesiis, Privilegiis, Libertatibus, Jurisdictionibus, Quietantiis, Immunitatibus, Custumis, & Consuetudinibus praedictis & eorum quolibet semper hactenus rationabiliter uti & gaudere, eaque excercere, & in executionem
debitam ponere consueverunt aut consuevit, & prout Ipse eis & eorum quolibet uti & gaudere, ac ea excercere, & in executionem debitam ponere deberet, si ipse, per praefatum Summum Pontificem, Nomen Episcopi Ecclesiae praedictae optinuisset; aliquibus Statutis sive Ordinationibus, seu aliis Causis vel Materiis quibuscumque, in contrarium factis sive habitis, non obstantibus.
In cujus &c.
Teste Rege apud Manerium suum de Kenyngton, vicesimo die Maii.
Per Breve de Privato Sigillo. |
June 29. Pardon to Henry cardinal of England, John abp. of York, sir Ralph de Crumwelle, and Robert Whityngham, executors of the duke of Bedford, for all debts to the crown, arrears of wages, &c. Havering.
O. x. 704. H. v. p. i. 53. |
Pro Executoribus Johannis nuper Ducis Bedfordiae.
An. 16. H. 6. Ibid. m. 11.
Rex Omnibus, ad quos &c. Salutem.
Sciatis quòd Nos, de Gratia nostra speciali, & pro quadam Summâ notabili.
Nobis per, praecarissimum Avunculum nostrum Henricum Cardinalem Angliae, Venerabilem Patrem Johannem Archiepiscopum Eborum, Radulphum de Crumwelle Militem, & Robertum Whityngham, quosdam Executorum Testamenti carissimi Avunculi nostri Johannis nuper Ducis Bedfordiae, in manibus solutâ,
Pardonavimus, Remisimus, & Relaxavimus praefatis Executoribus omnimoda Compota, Praestita, Arreragia Firmarum & Compotorum, necnon omnimodas Actiones & Demandas quas Nos versus ipsos habemus, seu habere poterimus ratione sive occasione alicujus Debiti, Compoti, Praestiti, Arreragii Firmarum & Compotorum, vel Guerrarum Vadiorum, & Tertiarum Tertiarum Redemptionum Prisonariorum in Guerra captorum, & omnimodorum aliorum Lucrorum Guerrae, aut aliarum Actionum, Demandarum, sive Causarum quarumcumque, unde praefatus nuper Dux in vita sua, vel aliquis alius ejus nomine, Nobis computabilis extiterat sive oneratus, & iidem Executores erga Nos vel Haeredes nostros, occasionibus praedictis, aut earum aliquâ, onerari, molestari, seu qualitercumque gravari poterunt in futurum,
Volentes ulteriùs & Concedentes, Venerabili Patri, Ludovico Archiepiscopo Rothomagensi, tunc Episcopo Morivensi Cancellario Franciae, Johanni Fastolf Militi, & Andreae Ogard Militi, Coexecutoribus praedictorum Cardinalis, Archiepiscopi, Radulphi, & Roberti Testamenti praedicti, quòd ipsi Beneficium & Avantagium praesentis Pardonationis, Remissionis, & Relaxationis habeant, & percipiant, ac eis plenè gaudeant in casu quo ipsi de Bonis & Catallis, quae fuerunt praedicti nuper Ducis, & quae ad Manus suas devenerunt, fidelem Compotum & Ratiocinium praefatis Cardinali, Archiepiscopo, Radulpho, & Roberto reddant, & Bona & Catalla residua, quae fuerunt praedicti nuper Ducis, unà cum eisdem Cardinali, Archiepiscopo, Radulpho, & Roberto, secundùm Consilium, Avisamentum, & Consensum ipsorum Cardinalis, Archiepiscopi, Radulphi, & Roberti, pro Salute Animae praefati nuper Ducis disponant, provideant, & administrent; alioquin praefatus Ludovicus Archiepiscopus, Johannes Fastolf, & Andreas Ogard, Milites praedicti, in quantum eos aut eorum aliquem tangit, Praesentium omni vi & vigore careant & virtute.
In cujus &c.
Teste Rege apud Manerium suum de Havering, vicesimo nono die Junii.
Per Breve de Privato Sigillo. |
