|
| Syllabus Entry |
Foedera Text |
April 4. Power for sir Henry Fitzhugh, sir Richard Redman, and Richard Holme, canon of York, to treat for peace or a truce with Scotland. Westm.
O. viii. 630. H. iv. p. i. 170. |
De Tractando, super Pace finali, aut novis Treugis, cum quibuscumque Personis Scotiae.
An. 11. H. 4. Scot. 11. H. 4. m. 8.
Rex Omnibus, ad quos &c. Salutem.
Sciatis quòd Nos,
De fidelitate sincera, & circumspecta providentia, dilectorum & fidelium nostrorum, Henrici Fitz Hugh Chivaler, Richardi Redman Chivaler, & Magistri Richardi Holme Clerici, Canonici Eborum, pleniùs confidentes,
Facimus, Ordinamus, Constituimus, & Assignamus, per Praesentes, ipsos, Henricum, Richardum, & Richardum, Deputatos nostros, Commissarios, & Nuncios speciales,
Dantes sibi plenam, Tenore Praesentium, Potestatem, Auctoritatem, & Mandatum speciale ad Conveniendum, Tractandum, & Concordandum cum quibuscumque Personis Regni Scotiae, sufficientem Potestatem & Auctoritatem pro Se & eodem Regno Scotiae habentibus vel habituris, super Pace finali, & perpetua, ac super Novis Treugis,
Inter Nos, pro Nobis & Regno nostro Angliae, & ipsas Personas pro Se, dicto Regno Scotiae, tàm per Mare, quàm per Terram, Ineundis & Firmandis,
Necnon ad omnia & singula, tempore Treugarum, ex parte nostra inde-
bitè Attemptata Reformandum, Reparandum, & in Statum debitum Reducendum,
Et per partem adversam Attemptata hujusmodi Reformari, Reparari, & in statum debitum Reduci, petendum & Optinendum,
Fractorésque & Violatores Treugarum hujusmodi debitè Puniendum, & ad Satisfactionem plenariam faciendam, Compellendum,
Et ad omnia & singula Faciendum, Exercendum, & Expediendum, quae in Praemissis vel circa ea necessaria fuerint seu quomodolibet oportuna:
Promittentes Nos Ratum, Gratum & Firmum habituros quicquid per Deputatos, Commissarios, & Nuncios nostros praedictos, Actum sive Gestum fuerit in Praemissis, & quolibet Praemissorum.
In cujus &c.
Teste Rege apud Westmonasterium, quarto die Aprilis.
Per ipsum Regem. |
April 4. Power for the above-mentioned persons to demand the return of Archibald earl of Douglas as prisoner. Westm.
O. viii. 631. H. iv. p. i. 170. |
Pro Regressu Comitis de Douglas ad praesentiam Regis de Requirendo.
An. 11. H. 4. Ibid.
Rex, dilectis & fidelibus suis, Henrico Domino Fitz-Hugh, Richardo Redeman Militi, & Richardo de Holme Canonico Eborum, Salutem.
Sciatis quòd,
De vestris fidelitate, circumspectione, & industria plenius confidentes,
Deputavimus Vos Tres, Duos, ac Unum vestrûm ad Requirendum, Consanguineum nostrum, Ducem Albaniae, necnon Ambassatores & Nuncios suos, qui pro parte Regni Scotiae, vicesimo Primo die praesentis mensis Aprilis, apud Haudenstank, vobiscum Convenire debent, ac Archibaldum Comitem de Douglas, si ad eum commodè possitis accedere,
Quòd iidem, Dux, Ambassiatores, & Nuncii, faciant, quantum in eis fuerit, per omnes vias eis possibiles, quòd Archibaldus Comes praedictus, noster Prisonarius & Captivus, in Partibus Scotiae jam existens, ad nostram praesentiam redeat, ut tenetur, ipséque Archibaldus in Persona propria, ut noster Prisonarius, ad nostram Potestatem debitè Revertatur,
Intimantes & praedicentes eisdem, & ad praefati Archibaldi aliorumque Scotorum & Amicorum suorum Notitiam deducentes, quòd,
Nisi ipse Archibaldus ad Praesentiam nostram, seu Carissimi Filii nostri Johannis Custodis Estmarchiae nostrae versus Scotiam, infra Mensem a tempore Requisitionis hujusmodi faciendae, sine dolo vel fraude se conferat,
Obsides suos (apud Nos pro ipsius Regressu dimissos) prout suae Fidelitati & Honestati convenit, quietando,
Nos extunc, non solùm de ipsis Obsidibus, in quantum Jura Armorum & rationis exigentia requirunt, pro nostrae Voluntatis Arbitrio Disponemus, verùm etiam praefatum Archibaldum, tanquam Prisonarium nostrum & Hostem, oportunitate temporis arridente, totis Viribus prosequemur, Justitiâ suadente,
Volumus autem, ac vobis, firmiter injungendo, Mandamus quòd de tempore, modo, & forma Requisitionis & Intimationis hujusmodi, per vos factae, Nos certiorari curetis sub Sigillis vestris, praesentium cum Tenore.
In cujus &c.
Teste Rege apud Westmonasterium, quarto die Aprilis.
Per ipsum Regem. |
April 13. Protection for John Willeford, of Lynne, in the retinue of John Gerard, captain of the Lancaster Tower at Calais. Westm.
O. viii. 631. H. iv. p. i. 171. |
De Lancastre Tour Calesii custodienda.
An. 11. H. 4. Franc. 11. H. 4. m. 13.
Johannes Willeford de Lynne, qui, in obsequium Regis, in Comitiva, dilecti Armigeri Regis, Johannis Gerard, Capitanei Novae Turris (voctae Lancastre Tour) supra Portum Villae Regis Calesii, in Partibus Picardiae, profecturus est, ibidem super salva Custodia Turris & Partium praedictarum moraturus, habet Literas Regis de Protectione (cum Clausula volumus) per unum Annum duraturas.
Praes. &c.
Teste Rege apud Westmonasterium, xiij die Aprilis.
Per Billam de Privato Sigillo. |
April 23. Protection for Thomas Selby, in the retinue of Henry prince of Wales, captain of Calais. Westm.
O. viii. 632. H. iv. p. i. 171. |
Pro Comitiva Principis Walliae super Custodia Calesii.
An. 11. H. 4. Franc. 11. H. 4. m. 13.
Thomas Selby Armiger, qui, in obsequium Regis, ad partes Picardiae profecturus est, ibidem in Comitiva, Carissimi Filii Regis, Henrici Principis Walliae, Capitanei Villae Regis Calesii, super salva Custodia ejusdem Villae Moraturus, habet Literas Regis de Protectione (cum Clausula volumus) per unum Annum duraturas.
Praes. &c.
Teste Rege apud Westmonasterium, xxiij die Aprilis.
Per Billam de Privato Sigillo. |
April 27. Power for sir Thomas Pykworth and sir William Bardolf to treat for a new truce with France. Westm.
O. viii. 632. H. iv. p. i. 171. |
De Tractando cum Adversario de Francia.
An. 11. H. 4. Ibid. m. 12.
Rex Omnibus, ad quos &c. Salutem.
Sciatis quòd Nos,
De fidelitate sincera, & circumspecta providentia, dilectorum & fidelium nostrorum, Thomae Pykworth Chivaler, & Willielmi Bardolf Chivaler, plenius confidentes,
Facimus, Ordinamus, Constituimus, & Assignamus, per praesentes, Ipsos, Thomam & Willielmum, Deputatos nostros, Commissarios, & Nuncios speciales,
Dantes sibi plenam, Tenore Praesentium, Potestatem, Auctoritatem, & Mandatum speciale, ad Conveniendum, Tractandum, & Concordandum cum Adversario nostro Franciae, seu ejus in hac parte Commissariis, Nunciis, sive Deputatis, sufficientem Potestatem & Auctoritatem pro Se, Terris, & Dominiis ipsius Adversarii nostri habentibus, vel habituris, super Novis Treugis & Guerrarum Abstinentiis,
Inter Nos, pro Nobis, Regno, Terris, & Dominiis nostris, & ipsum Adversarium nostrum, pro se, Terris, & Dominiis suis, tàm per Terram, quàm per Mare, Ineundis & Firmandis,
Et ad omnia & singula Faciendum, Exercendum, & Expediendum, quae in Praemissis vel circa ea necessaria fuerint seu quomodolibet oportuna,
Promittentes Nos Ratum, Gratum, & Firmum habituros, quicquid per dictos Deputatos, Commissarios, & Nuncios nostros praedictos, Actum sive Gestum fuerit in Praemissis & quolibet Praemissorum.
In cujus, &c.
Teste Rege apud Westmonasterium, xxvij die Aprilis.
Per ipsum Regem. |
April 28. Pardon for Henry bp. of S. David's for obtaining bulls authorizing the bp. of Winchester to receive the resignation of his benefices, and confer them on persons named by the former. Westm.
O. viii. 632. H. iv. p. i. 171. |
Pro Episcopo Menevensi.
An. 11. H. 4. Pat. 11. H. 4. p. 2. m. 25.
Rex Omnibus, ad quos &c. Salutem.
Sciatis Quod,
Cùm Sanctissimus in Christo Pater, Alexander Papa modernus,
Considerans qualiter, Venerabilis in Christo Pater, Henricus Episcopus Menevensis Canonicatus & Praebendas, necnon Dignitates, Personatus, & Officia, Ecclesias Parochiales, & alia Beneficia Ecclesiastica, quae ipse, ex Dispensatione Sedis Apostolicae, unà cum Ecclesia sua Menevensi, optinet, Resignare proponat, ad effectum quòd Collationes indè fiant Personis idoneis, quas ipse ad hoc duxerit eligendas.
Volensque idem Sanctissimus Pater Proposito ejusdem Episcopi annuere gratiosè,
Per Bullas suas Apostolicas Mandaverit, Venerabili Patri, Episcopo Wyntoniensi quòd ipse, Auctoritate dicti sanctissimi Patris, a praefato Episcopo Menevensi, seu Procuratore suo, hujusmodi Resignationes (si eas gratis facere voluerit) hac vice admittat & recipiat,
Et, ulterius, quòd idem Episcopus Wyntoniensis, Resignationibus illis per ipsum receptis & admissis, Canonicatus, & Praebendas, Dignitates, Personatus, Officia, Ecclesias, & alia Beneficia supradicta, cum suis Juribus & Pertinentiis universis (quandocumque per hujusmodi Resignationes vacaverint) Auctoritate praedictâ, Conferat & Assignet (videlicet) singula singulis Personis idoneis, quas praefatus Episco-
pus Menevensis ad ea duxerit Eligendas,
Et similiter quòd dictus Episcopus Wyntoniensis, per se, vel per alios, hujusmodi Personas, aut Procuratores suos, in Corporalem Possessionem dictorum Canonicatuum, & Praebendarum, ac Dignitatum, Personatuum, Officiorum, Ecclesiarum, & Beneficiorum, Jurium, & Pertinentium praedictorum, Inducat, easque defendat Inductas,
Et etiam quòd faciat quemlibet de Personis illis in Ecclesiis (in quibus hujusmodi Canonicatus, & Praebendae, necnon Dignitates, Personatus, & Officia, ac alia Beneficia fuerint) ad Praebendas in Canonicos recipi & in Fratres, Stallo eis in Choro, & Loco in Capitulo, in eisdem Ecclesiis, cum plenitudine Juris assignatis,
Et faciat similiter eas ad Dignitates Personas, vel Officia, vel alia Beneficia supradicta admitti,
Et de Fructibus, Juribus, & Proventibus Praebendarum, Dignitatum, & aliorum Beneficiorum supradictorum responderi, prout in Bullis praedictis, in Cancellaria nostra exhibitis, pleniùs poterit apparere,
Nos, de Gratia nostra speciali, Pardonavimus & Relaxavimus praefato Episcopo Menevensi omnimodos Contemptus, Forisfacturas, Transgressiones, & Mesprisiones, per ipsum in hac parte factas,
Et, ulterius, de uberiori Gratia nostra, Concessimus quòd Bullae & Mandatum Apostolica supradicta, praefato Episcopo Wyntoniensi sic directa, sint valida & effectualia in omnibus Rebus & articulis contentis in eisdem,
Et similiter quòd idem Episcopus Wyntoniensis Collationes, & Assignationes, Inductiones, & caetera alia quaecumque, juxta formam & exigentiam Bullarum praedictarum, quoad Canonicatus, & Praebendas, necnon Dignitates, Personatus, & Officia, ac alia Beneficia supradicta, quibuscumque Personis Ligeis nostris, per ipsum Episcopum Menevensem nominandis, faciat & fieri demandet auctoritate supradictâ,
Ac quòd dictus Episcopus Wyntoniensis omnimodos Processus & Executiones, de & super Bullis praedictis, per se, & suos Subexecutores, Deputatos, Notarios, ac alias Personas quascumque, in omnibus faciat secundum Tenorem, formam, & exigentiam Bullarum supradictarum,
Et, insuper, Concessimus quòd omnes Personae,
Quibus hujusmodi Collationes, Assignationes, Inductiones, Admissiones, Receptiones, & caeterae Res supradictae, per praefatum Episcopum Wyntoniensem, & ipsius Auctoritatem, in hac parte fient,
Beneficia illa, (videlicet) Canonicatus, & Praebendas, necnon Dignitates, Personatus, Officia, & Ecclesias praedicta, liberè & licitè Acceptare, & corporalem Possessionem inde (simul cum Juribus & Pertinentiis suis universis) per Se, ac Procuratores, & Servientes suos,
Virtute & auctoritate dictarum Bullarum & Processuum, Collationum, Assignationum, Inductionum, & aliorum supradictorum, per eundem Episcopum Wyntoniensem & ipsius Auctoritatem sic fiendorum,
Capere, optinere, & continuare,
Ac quascumque Executiones super hoc, in Curia Cristianitatis & alibi, tàm infra Regnum nostrum Angliae, quàm extra, juxta effectum, tenorem, & exigentiam dictarum Bullarum, ac Processuum, Collationum, Assignationum, Inductionum, Admissionum, Receptionum, & aliorum, per dictum Episcopum Wyntoniensem in hac parte fiendorum, Prosequi & Habere possint absque Impetitione, Gravamine, vel Impedimento Nostri, vel Haeredum nostrorum,
Statutis contra Provisores, tàm tempore Regis Ricardi Secundi post Conquestum, quàm temporibus aliorum Progenitorum nostrorum, quondam Regum Angliae, factis, & quibuscumque aliis Statutis & Ordinationibus, in contrarium editis, non obstantibus:
Dumtamen quicquam de Praebendis, in liberis Capellis nostris existentibus, seu de Beneficiis, de Patronatu nostro aut alicujus Laicalis Patroni similiter existentibus, colore praesentium, seu dictarum Bullarum Apostolicarum, non fiat seu aliqualiter attemptetur.
In cujus &c.
Teste Rege apud Westmoansterium, xxviij die Aprilis.
Per ipsum Regem. |
April 28. Grant to the mayor and bailiffs of Cambridge of certain tolls for three years for the repair of the road and paving of the town. Westm.
O. viii. 634. H. iv. p. i. 171. |
De Villa Cantebrigiae pavianda.
An. 11. H. 4. Pat. 11. H. 4. p. 2. m. 25.
Rex, dilectis sibi, Majori, & Ballivis, ac Probis Hominibus Villae Cantebrigiae, Salutem.
Sciatis quòd (in Auxilium Villae praedictae, & Viarum, eidem Villae adjacentium, Paviendarum & Reparandarum) Concessimus vobis quòd, a Die Confectionis Praesentium, usque ad Finem Trium Annorum, proximò sequentium, plenariè completorum, capiatis de Rebus Venalibus, ad dictam Villam, tàm per Terram, quàm per Aquam, venientibus, per manus illorum quos ad hoc deputare & pro quibus respondere volueritis, Consuetudines subscriptas,
Videlicet,
De qualibet Navi, cum Pisce vel Allece ibidem veniente, Quatuor Denarios,
De quolibet Batello Piscatorio, cum Pisce, Allece, Ostriis, vel Piscibus vocatis Musclis, ibidem veniente, Duos Denarios,
De quolibet Quarterio Frumenti & Siliginis venalium, Unum Quadrantem,
De singulis Duobus Quarteriis Fabarum, Pisarum, Brasiae, & Avenarum venalium, unum Quadrantem,
De quolibet Equo, Equa, Bove, vacca venalibus, unum Obolum,
De decem Porcis, & decem Ovibus Venalibus, unum Denarium,
De qualibet Carecta, ferente Pisces salitos, friscos sive recentes, duos Denarios,
De quolibet Salmone frisco vel salito Venali, unum Quadrantem,
De quolibet Pisce vocato Porpeys Venali, unum Quadrantem,
De quolibet Corio Equi, Equae, Bovis, & Vaccae Tannato Venali, unum Quadrantem,
De qualibet Centena Pellium Agnorum, Capriolorum, Leporum, Cuniculorum, Vulpium, Catorum, & Squirelorum Venalium, unum Denarium,
De quolibet Summagio Panni Venalis, unum Denarium,
De quolibet Panno integro Venali, unum Denarium,
De qualibet Centena Lintae, Telae, Canevacii, Pannorum Hibernicorum, Galwarde, & Worstede Venalium, duos Denarios,
De qualibet Tela vocata Sakcloth vel Heirecloth Venali, unum Quadrantem,
De qualibet Milliari Turbarum Venalium, unum Quadrantem,
De qualibet Milliari de Garbis Arundinis & de Garbis de Segg Venalium, unum Denarium,
De quolibet Batello, cum Cirpis onerato Venalibus, unum Obolum,
De quolibet Dolio Vini Venalis, duos Denarios,
De quolibet Dolio Cinerum Venalium, unum Denarium,
De quolibet Summagio Cinerum Venalium, unum Obolum,
De quolibet Dolio Mellis Venalis, unum Denarium,
De quolibet Summagio Mellis Venalis, unum Obolum,
De quolibet Trussello Panni Venalis ducti per Carectam, duos Denarios,
De quolibet Summagio Panni (qui vocatur Pak) unum Denarium,
De quolibet Summagio Ferri Venalis, unum Obolum,
De qualibet Carecta, cum Cortice Carcata, unum Denarium,
De Averio de Pondere, scilicet, de Centena, unum Denarium,
De qualibet Peisa Butiri, Casii, Cepi, sive Uncti Venalium, Unum Obolum,
De quolibet Quarterio Waide Venalis, duos Denarios,
De quolibet Barello Ceparum Venalium, unum Quadrantem,
De Octo Garbis Allei Venalis, unum Obolum,
De quolibet Barello Allecum Venalium, unum Obolum,
De qualibet Centena Bordorum Venalium, duos Denarios,
De quolibet Quarterio Salis Venalis, unum Quadrantem,
De quolibet Celdro Carbonum Venalium, unum Obolum,
De qualibet Carecta, onerata cum Bladis, Maeremio, Ferro, vel aliis Rebus Venalibus, duos Denarios,
De qualibet Centena Piperis Venalis, duos Denarios,
De quolibet Fraello Ficuum & Racenorum Venalium, unum Obolum,
De qualibet Centena Amigdalarum Venalium, unum Denarium,
De quolibet Molari Venali, unum Denarium,
De qualibet Petra vocata Gryndstone Venali, unum Quadrantem,
De qualibet Centena Stanni, Aeris & Cupri Venalium, unum Denarium,
De qualibet Centena Ferri, ad Equos, & Cloutis ad Carectas, Venalis, unum Obolum,
De quolibet Summagio Clavorum Venalium, unum Denarium,
De quolibet Carcasio Bovino Venali, unum Obolum,
De duodecim Carcasiis Ovinis Venalibus, unum Denarium,
De duobus Carcasiis Porcinis Venalibus, unum Obolum,
De quolibet Barello de Pice & Tarr venalibus, unum Quadrantem,
De quolibet Summagio Piscis venalis, unum Obolum,
Et de quibuscumque aliis Mercimoniis & Rebus venalibus, hic non specificatis, ad villam praedictam, tàm per Terram, quàm per Aquam, venientibus (exceptis Lanis, Coriis, & pellibus Lanutis) unum Denarium de Libra,
Unum obolum de Decem Solidis,
Et unum Quadrantem de Quinque Solidis,
Ità quod Proficuum, de Consuetudinibus praedictis proveniens, circa pavimentum Villae praedictae, ac Reparationem Viarum, eidem Villae adjacentium, & non in alios usus convertatur;
Et ideo vobis Mandamus quòd dictas Consuetudines, usque ad Finem dictorum Trium Annorum, capiatis in forma praedicta, & Proficua earumdem Consuetudinum circa Pavimentationem & Reparationem praedictas ponatis:
Completo autem Termino dictorum Trium Annorum, dictae Consuetudines penitùs cessent & deleantur.
In cujus &c.
Teste Rege apud Westmonasterium, xxviij die Aprilis. |
May 6. Robert duke of Albany, regent of Scotland, informs the K. of England that he is willing to accept the truce negotiated by William de Haya and others at Hawdenstank. Falkland.
O. viii. 635. H. iv. p. i. 172. |
Litera Ducis Albaniae super Treugis.
An. 11. H. 4. Ex Orig. Penes Camer.
Excellentissimo Principi Domino Henrico, Dei gratiâ, Anglorum Regi, Consanguineo nostro carissimo, Robertus, eadem gratiâ, Regis Scotiae Genitus, Dux Albaniae, Comes de Fife & de Menteth, ac praedicti Regni Scotiae Gubernator, Salutem & dilectionis vinculum ampliari.
Per Relationem, dilectorum & fidelium nostrorum, Willielmi de Haya de Lochorwart, Willielmi de Borthwik, Militum, & Magistri Alexandri de Carnis Praepositi Ecclesiae Collegiatae de Lyncloudane, Commissariorum & Nunciorum nostrorum, informamur quòd ipsi cum certis Commissariis vestris apud Hawdenstank, vicesimo primo die Mensis Aprilis, ultimo praeterito, pro tractatu Pacis seu Treugarum habendo, prout inter ipsos antea erat concordatum, personaliter convenerunt,
Ubi appunctuabant quòd Certificatio litteratoria, per vos apud Kelcow, & nos apud Berwik, ultimo die instantis Mensis Maii, fieret & mitteretur, si Treugae, aliàs inter ipsos captae & prolocutae usque vicesimum primum diem Mensis Maii, Anni proximò futuri, vestrae excellentiae ac nobis placerent, & interim deberent debitè observari:
Super quo (Excellentissime Princeps & Consanguinee carissime) vobis declaramus quòd, propter commodum & utilitatem utriusque Regni, & evitationem dampnorum plurimorum irreparabilium, omnino consentimus & nobis placet quòd dictae Treugae firmiter teneantur, &, pro nobis & omnibus Subditis nostris Regni Scotiae, usque exitum earumdem, debitè observentur omni forma & effectu, quibus Anno ultimo praeterito captae erant & concordatae.
Excellentissime Princeps & Consanguinee carissime, vestram excellentiam conservare dignetur altissimus, ad utrorumque Regnorum Pacem & Tranquillitatem diu & feliciter procurandas.
Dat. sub Sigillo nostro secreto, apud Manerium nostrum de Falkland, sexto die Mensis Maii, Anno Domini Millesimo, Quadringentesimo, decimo; Et Gubernationis nostrae Anno Quinto.
Sub Privato Sigillo Scotiae, Cera rubea expresso, pendente a cauda pergamae. |
May 20. Commission to Henry bp. of S. David's, Henry lord Beaumont, sir John Cheyne, and John Catryk to treat with France for redress of injuries. Westm.
O. viii. 636. H. iv. p. i. 172. |
De Tractando super Treugarum Violationibus.
An. 11. H. 4. Franc. 11. H. 4. m. 10.
Rex Omnibus, ad quos &c. Salutem in Domino sempiternam.
Noverit Universitas vestra quòd,
Ad Honorem Dei, ac Sanguinis Christiani effusionem, malaque ac dampna irreparabilia evitanda, quae, stante Guerrâ inter Nos & Adversarium nostrum de Francia, verisimiliter & sine dubio poterunt evenire, prout jam veraciter evenerunt, sicut transacti temporis cursus edocet manifestè,
Inclinamur & assentimus ad Tractandum cum dicto Adversario nostro de Francia,
Et ob hanc Causam mittimus, de praesenti, versus partes Picardiae, Reverendum in Christo Patrem, Henricum, Dei gratiâ, Menevensem Episcopum, necnon, dilectos & fideles nostros, Henricum Dominum de Beaumont, Johannem Cheyne Militem, & Magistrum Johannem Catryk in Decretis Licentiatum,
De quorum fidelitate, discretione, & Industriâ, pleniùs confidentes, ipsis Quatuor, Tribus, vel Duobus eorumdem Dedimus, Concessimus, & Commisimus, ac Damus, Concedimus, & Committimus, per praesentes, sufficientem Auctoritatem, plenamque ac liberam Potestatem, & Mandatum generale & speciale, pro Nobis & nomine nostro, necnon pro Subditis, Colligatis, & Confoederatis, Regnis, Terris, & Dominiis nostris citra & ultra Mare, quibuscumque Locis & Temporibus oportunis, cum dicto Adversario nostro de Francia,
De & super omnibus & singulis Contentionibus, Quaestionibus, Litibus, Querelis, Guerris, Debatis, Demandis, & Discordiis quibuscumque, cum omnibus suis Circumstantiis, Incidentibus, Emergentibus, Dependentibus, & Connexis,
Inter Nos, Subditos, Colligatos, & Confoederatos nostros, Regna & Dominia nostra citra & ultra Mare, ex una parte, & dictum Adversarium nostrum de Francia, Subditos, Colligatos, Confoederatos, & Dominia sua, ex parte altera, qualitercumque motis vel habitis,
Necnon de & super quarumcumque Treugarum, in hac parte initarum, Violationibus, ac earum Reformationibus, & contra earum formam Attemptatorum Reparationibus & Emendis, Dandis, Faciendis, & Recipiendis,
Quibuscumque Locis & Temporibus oportunis,
Cum dicto Adversario nostro, seu ejus sufficienter Deputatis vel Deputandis in hac parte, Conveniendi, Tractandi, Componendi, Paciscendi, Transigendi, ac finaliter Concordandi,
Necnon Treugas, Tolerantias, & Abstinentias generales, & speciales, seu particulares, tàm per Terram, Aquam, & Mare, simul vel separatim, melioribus viis, modo, & forma quibus fieri possit, tamdiu, & tanto tempore duraturas, secundum quod dictis Episcopo, Henrico, Johanni, & Johanni, Quatuor, Tribus vel Duobus eorumdem placebit in eventum, cum dicto Adversario nostro de Francia, & sufficienter Deputatis seu Deputandis ab eodem, Ineundi, Ordinandi, Faciendi, Perficiendi, Capiendi, & Concedendi, cum quibuscumque Clausulis, Conditionibus, Modificationibus, & Circumstantiis necessariis, utilibus vel oportunis,
Ac etiam Commissarios, seu certos Deputatos, Gardianos, Judices, seu Conservatores, tot & tales, ac in locis, ubi expedire videbitur, pro stabili, firmâ, & fideli Conservatione Treugarum, Tolerantiarum, & Abstinentiarum hujusmodi, ac pro debita Reformatione & Reparatione omnium & singulorum, quae contravim, formam, & effectum ipsarum Treugarum, Tolerantiarum, & Abstinentiarum qualitercumque attemptari contigerit in futurum, Dandi, Deputandi, Constituendi, Praeficiendi, & Ordinandi,
Necnon quòd Nos, pro Nobis, Haeredibus, & Successoribus, ac Subditis, Colligatis, & Confoederatis nostris Treugas, Tolerantias, Abstinentias, & Ordinationes quascumque,
Et qualescumque circa Praemissa per praesentes Commissarios seu Deputatos nostros, Quatuor, Tres, vel Duos eorumdem, cum dicto Adversario nostro, vel suis in hac parte sufficienter Deputatis seu Deputandis, Faciendas, Ordinandas, Conveniendas, Concedendas, & Habendas,
Cum suis omnibus Clausulis, Modis, Conditionibus, Circumstantiis, & Appenditiis quibuscumque,
Firmè, fideliter, & inviolabiliter observabimus, &, quantum 1. nobisest, observari faciemus,
Necnon de dibitè Reformando & Reparando totum & si quid in contrarium, per Partem nostram, quod absit, contigerit attemptari, in Animam nostram, sub verbo Regio, ac tactis etiam Sacrosanctis Euvangeliis, Jurandi, ac quodlibet aliud genus liciti Sacramenti, Nomine nostro, & pro Nobis, Praestandi,
Necnon quascumque Cautiones solitas & honestas Exponendi,
Dictúmque Adversarium nostrum, Deputatos vel Deputandos ab eodem consimiliter Jurare Petendi & Audiendi,
Hujusmodique Treugas, Tolerantias, Abstinentias, Ordinationes, & Conventiones quascumque, Personis & Locis quibuscumque, ubicumque, & quandocumque expedire videbitur, Insinuandi, Notificandi, Proclamandi, & Publicandi, Insinuari, Notificari, & Proclamari Faciendi & Mandandi,
Necnon omnia alia & singula Agendi, Excercendi, & Expediendi, quae in Praemissis vel circa ea necessaria fuerint seu quomodolibet oportuna, etiam si de se Mandatum exigant speciale, & altioris naturae fuerint quàm Capitula expressata, ac quae & qualia nosmet ipsi facere possemus si personaliter interessemus,
Promittimus etiam, bonâ fide, verbo Regio, & sub Attestatione Divini Judicii, Nos, pro Nobis, Haeredibus, Successoribus, & Subditis, Colligatis, & Confoederatis nostris, quantum in nobis est, Ratum, Gratum, & Firmum, perpetuis temporibus, habituros totum & quicquid per hujusmodi Commissarios, seu Deputatos nostros, Quatuor, Tres, vel Duos eorumdem, unà cum dicto Adversario de Francia, Deputatis seu Deputandis ab eodem, Actum, Factum, Ordinatum, Concordatum, vel Conventum fuerit in Praemissis vel in aliquo Praemissorum,
Et exponimus Cautionem,
Eaque omnia & singula, per Literas nostras, & sub Magno Sigillo nostro, Ratificabimus quotienscumque ad hoc fuerimus requisiti.
In cujus &c.
Dat apud Westmonasterium, vicesimo die Maii.
Per ipsum Regem. |
May 20. Commission to the above-mentioned persons to treat for a perpetual peace. Westm.
O. viii. 637. H. iv i. 172. |
De Tractando cum Adversario Franciae, pro perpetua Pace.
An. 11. H. 4. Ibid.
Rex Omnibus, ad quos &c. Salutem in Domino sempiternam.
Noverit Universitas vestra quòd Nos, Reverendum in Christo Patrem, Henricum, Dei gratiâ, Menevensem Episcopum, necnon, dilectos & fideles nostros, Henricum Dominum de Beaumont, Johannem Cheyne Militem, & Magistrum Johannem Catrik in Decretis Licentiatum,
De quorum fidelitate, circumspectione, & industria, plenam in Domino fiduciam optinemus,
Nostros veros, certos, & indubitatos Commissarios, ac pro Nobis, Regnis, Dominiis, & Subditis, ac Colligatis, & Confoederatis nostris quibuscumque, Deputatos speciales, melioribus viis, modo, & formâ quibus possumus, Ordinamus, Facimus, Constituimus, Creamus, & Praeficimus per Praesentes,
Dantes eisdem Episcopo, Henrico, Johanni, & Johanni, Quatuor, Tribus, vel Duobus eorum, plenam & liberam Auctoritatem, Potestatem, & Facultatem (ad Honorem Dei, evitationemque Sanguinis Christiani) de, pro, & super firmâ, stabili, & perpetuâ Pace,
Habendâ, inter Nos, Haeredes, Successores, & Subditos, ac Colligatos, & Confoederatos nostros quoscumque, Regnaque & Dominia nostra, citra & ultra Mare, ex una parte, & Adversarium nostrum Franciae, Haeredes, Successores, & Subditos, ac Colligatos, & Confoederatos suos, ac Dominia sua, ex altera,
Quibuscumque Diebus & Locis oportunis, cum dicto Adversario nostro, ejusve sufficienter Deputatis seu Deputandis in hac parte, Conveniendi, Tractandi, Componendi, & finaliter Concordandi,
Necnon quascumque Vias inductivas & media licita & honesta, ad hujusmodi Pacem pro perpetuo firmandam, stabiliendam, & habendam, Offerendi & Prosequendi,
Ulteriusque Faciendi, Excercendi, & Expediendi, quae in Praemissis vel circa ea necessaria fuerint seu in se quomodolibet oportuna, ac etiam si in se Mandatum exigant speciale,
Promittimus etiam, bonâ fide, & verbo Regio, Nos Ratum, Gratum, & Firmum perpetuis temporibus habituros, totum & quicquid per dictos Episcopum, Henricum, Johannem, & Johannem, Quatuor, Tres, vel Duos eorum, Actum, Factum, Conventum, seu Concordatum fuerit in Praemissis vel in aliquo Praemissorum,
Et exponimus Cautionem.
In cujus rei Testimonium has Literas nostras Patentes fieri, & Magni Sigilli nostri munimine fecimus roborari.
Dat. apud Westmonasterium, vicesimo die Maii.
Per ipsum Regem. |
May 20. Power for the above-mentioned commissioners to grant safe conducts. Westm.
O. viii. 638. H. iv. p. i. 173. |
De Licentia concedendi Salvos Conductus.
An. 11. H. 4. Ibid.
Le Roi &c. a touz ceux, qui cestez Lettres verront, Salutz.
Savoir faisons que Nous,
Pour l'Onur de Dieu, & pour escheuer l'effusion de Sanc Christian, & les Maulx & Dommages irreparables, que par la Fait de Guerres, d'entre Nous & nostre Adversaire de France, purroient ensuier en temps a venir, sicome ont este en temps passe,
Sumez enclinez & assentuz pour Traitier avecque nostre dit Adversaire,
Et, par celle encheson, Envoions en present, devers les Parties de Pycardie, pur y assembler avecque nostre dit Adversaire, ou sez Deputees, le Reverent Pier en Dieu, Henry Evesque de Seynt David, &, noz chiers & foiaux, Henry Sire de Beaumont, Johan Cheyne Chivaler, & Mestre Johan Catryk Lycenciat en Decrees, pour Traitier ovesque nostre dit Adversaire ou ses Deputees, de bonnes vrai Pees & Accord, si Dieux le voet ottroir,
Et par tant, au fin que le Busoigne du dit Traite se pourra meulx Avancer, & pur Remover les Impedimentz que a ce purront avenir, avons Donnez, Commiz, Ottroiez, & Grauntez, Donnons, Commettons, Ottroions, & Grantons par cestes Presentes, as ditz Evesque, Henry, Johan, & Johan, Quatre, Trois, ou Deux de eux, plaine Auctorite, Povoir, & Mandement especialx, de Donner, Ottroier, & Grantier, pour Nous & nostre Noun, desouz lour Sealx, Lettres de Seure conduit & Sauf gard a tous les Gens & Subgiz de nostre dit Adversaire, de quele Condicion qu'ils soient, tantz, & tielx, & de tiel forme, & par tant de temps a durer, come bon semblera as ditz Evesque, Henry, Johan, & Johan, Quatre, Trois, ou Deux de eux,
Les queux Saufs conduitz voillons avoir tiel effect, vigor, & firmite, come si Nous les eussons Donnez & Grauntez en nostre propre Parsone, & par noz Lettres Seales de nostre Graunt Seal,
Promettantz, en bonne foye, Tenir ferme & estable tout ce que par les ditz Evesque, Henry, Johan, & Johan, Quatre, Trois, ou Deux de eux serra fait Promys ou Grauntez en cest Partie.
En Tesmoignance de quele chose avons fait faire ces noz Lettres Patentes.
Don. a nostre Paloys de Westm. le xx jour de May.
Par le Roy. |
May 28. Restitution of the temporalities to John Bacon, abbot of S. James, at Northampton. Westm.
O. viii. 638. H.iv. p. i. 173. |
De Restitutione Temporalium.
An. 11. H. 4. Pat. 11. H. 4. p. 2. m. 19.
Rex, Escaetori suo in Comitatu Northamptoniae, Salutem.
Cùm, Venerabilis Pater, Philippus Lincolniae Episcopus, Electionem, nuper factam in Ecclesia Conventuali Sancti Jacobi juxta Northamptoniam, Ordinis Sancti Augustini, suae Dioecesis, de, dilecto nobis in Christo, Fratre Johanne Bacon, Canonico ejusdem Domûs, in Abbatem Loci illius (cui prius Regium Assensum adhibuimus & Favorem) confirmaverit, sicut per Literas Patentes ipsius Episcopi, nobis inde directas, nobis constat,
Nos, Confirmationem illam acceptantes, Cepimus Fidelitatem ipsius Electi, & Temporalia Abbatiae illius, prout moris est, Restituimus eidem;
Et ideò tibi Praecipimus quòd eidem Electo Temporalia praedicta, cum pertinentiis in Balliva tua, Liberes in Forma praedicta; salvo jure cujuslibet.
Teste Rege apud Westmonasterium, vicesimo octavo die Maii.
Consimilia Brevia diriguntur Escaetoribus subscriptis, sub eadem Datâ; videlicet,
Esc. Regis in Com. Bed. & Buk.
Esc. Regis in Com. Warr. & Leyc.
Esc. Regis in Com. Hunt.
Et Mandatum est Militibus, &c. |
May 30. Power for sir Robert Ogle, sir Thomas Grey, of Horton, and John Fox to treat with the ambassadors of the duke of Albany at Handerstank on June 17. Westm.
O. viii. 639. H. iv. p. i. 173. |
De Conveniendo cum Commissariis Ducis Albaniae.
An. 11. H. 4. Scot. 11. H. 4. m. 9.
Henricus, Dei gratiâ, Rex Angliae & Franciae & Dominus Hiberniae, dilectis & fidelibus suis, Roberto Ogle, & Thomae Grey de Horton, Militibus, ac Johanni Fox Armigero, Salutem.
Sciatis quòd Nos (de fidelitate & circumspectione vestris pleniùs confidentes) Fecimus, Ordinavimus, Assignavimus, & Constituimus, ac Facimus, Ordinamus, Constituimus, & Assignamus vos Deputatos nostros & Nuncios speciales,
Dantes vobis, Tenore Praesentium, Potestatem, ad Conveniendum apud Haudenstank, Decimo septimo die Junii, proximò futuro, cum Commissariis Ducis Albaniae, de consimili Statu existentibus, & ad Guerrarum generalem Abstinentiam, usque Festum Omnium Sanctorum proximò futurum duraturam, tàm per Terram, quàm per Mare, inter Regna Angliae & Scotiae, per Verba & Terminos expressa, juxta Tenorem Literarum nostrarum, sub Signeto nostro vobis directarum, capiendum,
Necnon ad omnia alia & singula Faciendum & Exequendum, quae circa Praemissa, seu eorum Expeditionem necessaria fuerint vel etiam quomodolibet oportuna:
Et ideò vobis Mandamus quòd circa Praemissa diligenter intendatis, ac ea faciatis & exequamini in forma praedicta.
In cujus &c.
Teste meipso apud Westmonasterium, tricesimo die Maii, Anno Regni nostri Undecimo.
Per ipsum Regem & Concilium. |
June 9. Grant of 50 marks a year to the prince of Wales for the wardship of Edmund earl of March and his brother. Westm.
O. viii. 639. II. iv. p. i. 174. |
Pro Principe Walliae.
An. 11. H. 4. Pat. 11. H. 4. p. 2. m. 15.
Rex Omnibus, ad quos &c. Salutem.
Sciatis quòd Nos,
Considerantes qualiter, dilectus & fidelis Miles noster, Johannes Pelham, pro tempore quo ipse, ex ordinatione nostra, Custodiam & Gubernationem, carissimorum Consanguineorum nostrorum, Edmundi Comitis Marchiae, & Fratris sui, habuit, Quingentas Marcas, quolibet Anno, pro eorum Custubus & Expensis, de nobis percepit,
Et qualiter, carissimus Filius noster, Henricus Princeps Walliae,
Cui, primo die Februarii, Anno Regni nostri Decimo, praefati Comes & Frater ejus in Custodiam & Gubernationem commissi extiterunt,
Nichil de Nobis, a dicto primo die Februarii, pro eorum Custubus & expensis, hucusque habuit aut percepit,
De assensu Concilii nostri, concessimus praefato Filio nostro Quingentas Marcas, pro Custubus & Expensis praedictorum Comitis & Fratris sui, percipiendas a praedicto primo die Februarii, quolibet Anno, quamdiu ipsi sic sub Custodia & Gubernatione praefati Filii nostri, ex ordinatione nostra, fuerint, de Custuma & Subsidio Lanarum, Coriorum, & Pellium Lanutarum, in Portu Londoniae, per manus Collectorum eorumdem Custumae & Subsidii ibidem, pro tempore existentium, ad Terminos Paschae & Sancti Michaelis, per aequales Portiones.
In cujus &c.
Teste Rege apud Westmonasterium, nono die Junii. |
