Registrum Statutorum et Consuetudinum Ecclesiae Cathedralis Sancti Pauli Londiniensis. Originally published by Nichols and Sons, London, 1873.
This free content was digitised by double rekeying. All rights reserved.
'The Fraternity of Jesus: Letter of protection to Henry Hasylwood, appointed to collect alms in diocese of York, 1536', in Registrum Statutorum et Consuetudinum Ecclesiae Cathedralis Sancti Pauli Londiniensis, ed. W Sparrow Simpson( London, 1873), British History Online https://prod.british-history.ac.uk/no-series/st-pauls-register/pp453-454 [accessed 21 November 2024].
'The Fraternity of Jesus: Letter of protection to Henry Hasylwood, appointed to collect alms in diocese of York, 1536', in Registrum Statutorum et Consuetudinum Ecclesiae Cathedralis Sancti Pauli Londiniensis. Edited by W Sparrow Simpson( London, 1873), British History Online, accessed November 21, 2024, https://prod.british-history.ac.uk/no-series/st-pauls-register/pp453-454.
"The Fraternity of Jesus: Letter of protection to Henry Hasylwood, appointed to collect alms in diocese of York, 1536". Registrum Statutorum et Consuetudinum Ecclesiae Cathedralis Sancti Pauli Londiniensis. Ed. W Sparrow Simpson(London, 1873), , British History Online. Web. 21 November 2024. https://prod.british-history.ac.uk/no-series/st-pauls-register/pp453-454.
VII. LETTER OF PROTECTION GRANTED BY HENRY VIII. TO HENRY HASYLWOOD, APPOINTED BY THE FRATERNITY TO COLLECT ALMS IN THE DIOCESE OF YORK. 1536.
Henricus octavus, Dei gracia Anglie et ffrancie Rex, fidei defensor, Dominus Hibernie, et in
terra supremum capud Ecclesie Anglicane, universis et singulis Archiepiscopis, Episcopis,
Abbatibus, Prioribus, Archidiaconis, Decanis, et eorum Officialibus, Rectoribus, Vicariis, ac
aliis personis ecclesiasticis quibuscumque, necnon Vicecomitibus, Majoribus, Ballivis, Constabulariis, Ministris, et fidelibus legeis nostris quibuscumque, tam infra libertates quam extra,
ad quos presentes litere pervenerint, Salutem. Sciatis quod cum dilectus nobis Ricardus Pace, (fn. 1)
Decanus Ecclesie Cathedralis Sancti Pauli London, et ex hoc Rector perpetuus ffraternitatis
sive Gilde gloriosissimi Nominis Jesu in Criptis subtus ipsam Ecclesiam, Willielmus Turke et
Rogerus Barker, de London, Cives et Gardiani pro tempore ffraternitatis sive Gilde predicte,
licencia nostra fundate et erecte, ubi hoc Gloriosum Nomen pre ceteris Regni nostri Anglie locis
maxime honoratum, in redditibus et facultatibus ita insufficienter ac adeo exile existant, quod
bona ejusdem ffraternitatis sive Gilde ad sustentacionem omnium et aliorum piorum operum tam
in divinis serviciis eis multipliciter et necessarie incumbencium non sufficiunt, nisi a Christi
fidelibus et Deo devotis subveniatur eisdem; ac providi idem Rector et Gardiani, ffratres et
Sorores ffraternitatis sive Gilde predicte, constituerunt Henricum Hasylwood et substitutos
suos nostros veros et legitimos Collectores ac nostros generales et speciales nuncios in et per
totam Diocesin Eboracensem cum provincia ejusdem, tam in locis exemptis quam non exemptis,
ad elimosinas pro sustentacione ffraternitatis sive Gilde predicte a Christi fidelibus et Deo
devotis petendum et colligendum, nostra mediante licencia: Nos volentes securitati ipsius
Henrici ac deputatorum suorum in hac parte gloriose providendum, ob reverenciam et laudem
ac cinceram devocionem quas penes ipsum Gloriosum Nomen Jh[es]u preceteris in nostro scrinio
pectoris gerimus et habemus, suscepimus ipsum Henricum ad dictas Elimosinas infra diocesin
predictam petendum et colligendum, ac deputatos homines et servientes suos, necnon res et bona
sua quecumque in protexcionem et defencionem nostras speciales. Et ideo vos prelatas ac alias
personas Ecclesiasticas precipimus et mandamus quatenus cum idem Henricus vel deputati sui
ad Ecclesias et loca vestra pro hujusmodi elimosinis, ut prefertur, a Christi fidelibus et Deo
devotis petendum et colligendum, accesserit vel accesserint, ipsum vel ipsos in Ecclesiis predictis
et alibi, benigne recipiatis, et ipsum vel ipsos hujusmodi elimosinas libere querere et habere,
aceciam penes se retinere pro commodo ffraternitatis sive Gilde predicte et absque impedimento
aliquo permittatis, necnon ipsum Henricum ac deputatos suos in dictis Ecclesiis vestris et aliis
benigniter admittatis ad agendum, exponendum, et declarandum Clero et populo suffragia et
beneficia ffraternitatis sive Gilde predicte: aceciam omnia alia negocia dicte ffraternitatis sive
Gilde per literas nostras patentes gratuite recipere velitis. Vobisque Vicecomitibus, Majoribus,
Ballivis, Constabulariis, Ministris, et aliis fidelibus nostris precipimus et firmiter mandamus,
quod ipsum Henricum ad dictas elimosinas in quibuscumque locis infra diocesim predictam
petendum et colligendum, ac omnes deputatos suos, necnon res et bona sua predicta manuteneatis,
protegatis, et defendatis; necnon inferentes eis seu, quantum in vobis est, ab aliis inferri permittentes injuriam, molestiam, dampnum, impedimentum aliquod seu gravamen, et si quid eis
forisfactum sive injuriatum fuerit, id eis sine dilatione debite corrigi et reformari faciatis. In
cujus rei testimonium has literas nostras fieri fecimus patentes per unum annum duraturas.
Teste Meipso apud Westmonasterium, quarto die Aprilis, Anno regni nostri vicesimo septimo.
per ipsum Regem, et.
per Crumwell.