A Short English Chronicle: London under Richard I and John (1189-1215)

London under Richard I and John (1189–1215)

Ricardus Primus.

The names of the Kepers and Baylyffes of the Cite of London in the tyme of Kynge Richarde the fyrst, the whiche was crowned iij daye of Septembre.

Henry Cornhill, Richard Remer, Baylyves A° primo.

The same day of the kynges coronacion all the Jewes that were fownde or myght be take were distroyed as well be nyght as by day.

John Herlyon, Roger Duke, Baylyves A° ij.
William Averyll, John Boknott, Bayllives A° iij^e
Nicholas Dukett, Peter Newlyn, Bailyves the iiij^eyer.
Roger Dewke, Richard Aleyn, B. the v yere.
William FitzIsabell, William FitzArnulff, B. the vj.

The same yere the kynge comyng homard warde from Jerusalem was take wythe the Duke of Ostrych and was rawnsoned, and for to pay his rawnson euche other chalis throwe this londe was coyned in monye.

Robert Besaunt, Jokerell, Josue, Baylives the vij.
Gerrard Antilache, Robert Durant, B. the viij.
Roger Blont, Nicholas Dukett, B. the ix^e.
Costotinus Arnulff, Robert Lovell, B. þ^e x^e yere.

This yere dyed Kynge Richard, and lythe at Powntlarge.

Rex Johaunnes.

The names of the Kepers and Baylyves in Kynge Johns tyme, the Assencion daye of our Lorde at Westmester.

Arnolde Arnulffsone, Richard Darthy, B. þ^e j yere.

This yere the kynge had of every plowelond in þis lond iij s.
Roger Dosett, Jamys Darthy, B. the ij yere.

This yere died Seint Hugh of Lyncolne.
Water FizAlis, Simond Alderman, B. the iij yere.
Norman Blonden, John Ely, B. the iiij^e

This yere Englond and Walys was enterdited, the whiche dured v yere.
Water Browne, William Chamburlayne, B. þ^e v yere.
Thomas Averyll, Hamonde Bronde, B. the vj^e.

This yere began the Order of Frere Prechurs.
John Waldgrave, Richard Wynchestre, B. the vij^e
John Holylonde, Edmond Gerrard, B. viij^e.
Roger Wychester, Edmond Hardell, B. ix.

This yere Henry the kynges sonne was borne, and the enterdityng sessed.

A° x° Regis Johannis, a° vero Domini 1210.

All presentes that was Kepers and Baylyves at that tyme were put downe, and chosyn Mayr and Shoreffes for the Cite of London.

Primus major, quia ante fuerunt ballivi.

This yere the chirche of Seint Mary Overes was fyrst fownded.

1211. iij.

This yere the kynge wente in to Irelonde, and made the rebelles sogetis to hym.

1212. iiij.

This yere Sowthewerke, London, the Brygge, and the most part of the Cite of London, was brent.

1213, iiij.

This yere the stone brygge was fyrste be gon, and Castell Baynarde destroyed.

1214, iiiij. 1215, j° 1216.

This yere, the morne after Seint Lukys day, dyed Kyng John, and is beryed at Wursceter.

Henricus iij^us.

The name of the Meyres and Shoreffes of London in the renge Henricus iij^uo of Kyng Henry the iij^e, the whiche was crowned at Glowcester in thest (fn. 1) of Simond and Jude.

This yere the kynge had of every plowe londe ij s. And the same yere Scint Thomas of Caunterbery was translatyd, 1 yere aftir that he was martred.

This yere the kynge was in purpose to caste downe the wallys of London.

This yere came Frere Mynours first in to Englonde.

This yere all the weerys that were in Temmes were distroyed by the kynges ordynaunce. And the same yere the kynge graunted to the Cite of London waren.

This yere the kynge grawnted that eche Shereffe of London sholde have ij Clerkis and ij Sergauntes and no moo. Also the kynge graunted to the Citezeynes of London that thei shulde have a Comyne Seale, þ^e whiche shulde be in kepynge of ij Aldermen and ij Com[en]ers of the seid Cite. And that the seid seale shuld not be denyed to any comener of the seide Cite whan hit is resonablye asked. And nothinge be taken for the seid seale, &c.

This yere was ordeyned that from that day forwarde shold never after Shoreff of London be in Office lenger then one yere.

This yere was a grete wynde and an erthequake.

This yere the kynge spoused the eldest doughter of the Provynce (fn. 3) at Caunterburye.

This yere Edward the kynges sonne was borne.

This yere Newlyn Prynce of Walys meved wer a gayne the kynge, and Gryffyn, Newlyns sonne, fell oute of the Toure of London and brake his neck.

This yere the Cite of Damaske was won with Cristen men.

This yere be gan Frere Austines fyrst in Engelonde.

This yere was Seint Peter of Melayne martered.

This yere the kynge lete gader the scowtage, that is to sey of every knyghtes fee throw Englond xl s.

This yere was the bataylle of Lewys, and stella comata apered xv wekys.

This yere the kynge did translate Seint Edward in to a precious shryne, and in the same yere was the erþe quake.

A° Do^l M^l.ij. c.iij^xxix.

This yere the stepill of Bowchyrche fell downe and did myche harme

This yere died that noble kynge, whose bones ben buryed at Westmestre.