|
| Syllabus Entry |
Foedera Text |
1413. Jan. 20. The K. orders Edmund bp. of Exeter and Thomas lord de Carrewe to restore the ship of John Rodegys of Seville, arrested at Dartmouth, on the pretext of letters of marque granted to Margery de Coventre. Westm.
O. viii. 772. H. iv. p. ii. 25. |
Super Attemptatis, contra Treugas Ispaniae, de Restitutione.
An. 14. H. 4. Claus. 14. H. 4. m. 9.
Rex, Venerabili in Christo Patri, Edmundo Episcopo Exoniensi, Consanguineo nostro Carissimo, ac, Dilecto & fideli nostro, Thomae Baroni de Carrewe Chivaler, & eorum alteri Salutem.
Licet Nos nuper,
Accipientes Johannem Rodegys de Sivile in Ispannia, quandam Balingeram, Carissimi Nepotis nostri, Regis Castellae & Legionis, ac, Carissimae Sororis nostrae, Matris ejusdem Nepotis nostri, unde Petrus Gunsales est Magister, cum Quaterviginti & quinque Doliis Vini, ad ea, usque Civitatem nostram Londoniae, ducenda, & ibidem Vendition exponenda, apud Lepe in Ispania Carcari fecisse,
Dictamque Balingeram, velando supra Mare versus Civitatem praedictam, per Maris intemperiem graviter agitatam, ad Portum Villae de Dertemuth devenisse, ac eandem Balingeram, cum praedictis Vinis in Portu praedicto existentem, per Johannem Haule, Procuratorem & Attornatum cujusdam Margeriae de Coventre, Colore cujusdam Marquae, per Nos super Bona & Gentes Villae de Seint Auder in Ispania concessae, ac si eadem Balingera & Vina de eadem villa de Seint Auder essent cùm non fuerint, Captam & Detentam existere, in ipsius Johannis Rodegys Dispendium non modicum & Gravamen, ac contra formam Treugarum inter Nos & praedictum Nepotem nostrum initarum,
Per Literas nostras Patentes Vobis, inter alia, Mandaverimus quòd, si Vobis constare posset Balingeram ac Vina praedicta de praefata villa de Seint Auder existere, tunc praefatae Margeriae aut ejus Deputato, secundum Vim, formam, & effectum Marquae praedictae, per Nos sibi concessae, ejusdem Balingerae & Vinorum praedictorum Restitutionem plenariam faceretis, prout in Literis praedictis pleniùs continetur,
Quia tamen in Treugis praedictis, videlicet, a die Octava Mensis Februarii, proximò praeterita, usque Octavam diem Mensis Februarii proximò futuram Prorogatis, inter caetera, continetur,
Quòd, durantibus dictis Treugis Suffrentia & Abstinentia Guerrae, cessabunt in dictis Regnis Castellae & Legionis & Angliae, Territoriis, Patriis, & Dominiis nostris, & dicti Serenissimi Henrici Regis Angliae Patruinostri, ac inter Nos & ipsum, Ligeosque Vassallos, & Subditos quoscumque utriusque nostrûm, tàm per Terram, quàm per Mare, omnes Prisae & Captiones Personarum & Navigiorum, tàm in Portu, quàm extra Portum, in Mari & in Terra, Fortalitiorum, Bonorum, & Locorum quorumcumque, Demolitiones Domorum, Murorum, omnes Arsurae sive Combustiones, Pillariae, Robariae, Depraedationes, & omnia alia facta Guerrae, nec erunt aliqua Castra, aliquae Villae, nec aliqua Fortalitia Obsessa, Assalihata, Debellata, Escalata, clandestinè nec furtive Capta, nec Personae, Navigia, aut alia Bona Capta ab una nec ab altera Parte, in dictis Regnis Castellae & Legionis & Angliae, ac Dominiis, Ducatu, Terris, Patriis, Territoriis & Jurisdictionibus utriusque nostrûm, in Mari etiam nec in Terra, pro Marchia, Reprisaliis, Cautionibus, Promissionibus, Obligationibus, Venditionibus, nec sub Colore alicujus praedictorum, neque aliâ viâ & modo alio quibuscumque,
Et, poterunt, àurante tempore istarum praedictarum Treugarum, omnes Subditi, unius & alterius Partis, ire & venire, tàm per Terram, quàm per Mare, Stare & Facere eorum Culturas & Laborationes, Negotia, & Mercaturas licitas & non prohibitas, solvendo Deveria antiqua & solvi consueta.
Et generaliter & particulariter nichil fiet, in Mari nec in Terra, per Subditos unius vel alterius Partis, quacumque de Causa, Occasione, sive Colore, quod sit in
contrarium earumdem Treugarum, Suffrentiae, & Abstinentiae Guerrae, quibuscumque viâ sive modo, tempore durante dictarum Treugarum,
Nolentes praefatum Johannem Rodegys, contra formam Treugarum praedictarum, Colore dictarum Literarum nostrarum de Marqua, eidem Margeriae, ut praemittitur, factarum, indebitè Praegravari, vobis Madamus quòd statim, visis praesentibus, praefato Johanni Rodegys Vinorum ac aliorum Bonorum suorum, ac praefato Petro dictae Balingerae & Apparatûs ejusdem, ac aliorum Bonorum & Rerum suorum, unà cum Dampnis, Custibus, & Expensis ipsorum Johannis Rodegys & Petri, in hac parte rationabiliter habitis, Restitutionem plenariam fieri faciatis, prout secundum formam & effectum Treugarum praedictarum fuerit faciendum; dictis Literis nostris de Marqua, nisi alia subfuerint, non obstantibus.
Teste Rege apud Westmonasterium, vicesimo die Januarii.
Et erat Patens. |
Feb. 3. Letters of reprisal to the amount of 10,000l. for William Waldern, Drugo Barantyn, and seven others, against the Genoese. Westm.
O. viii. 773. H. iv. p. ii. 26. |
De Reprisalia.
An. 14. H. 4. Pat. 14. H. 4. m. 5.
Rex Ominibus, ad quos &c. Salutem.
Monstraverunt Nobis, dilecti Ligei nostri, Willielmus Waldern, Drugo Barantyn, Walterus Cotton, Johannes Reynewelle, Willielmus Flete, Thomas Broun, Willielmus Brekespere, Johannes Glamville, Johannes Sutton, & Socii sui, Mercatores Civitatis suae Londoniae, qualiter ipsi, nuper, certos Factores & Attornatos suos, cum magna quantitate Lanarum & aliarum Mercandisarum, usque ad Valorem Viginti & quatuor Milium Librarum, in diversis Navibus Carcatarum, versus partes Occidentales per Destrictus de Marrok, pro Commodo & Incremento Regni nostri ibidem faciendis, licitè & impunè ducendarum, de Licentia nostra transmiserunt,
Et, ad finem quòd Naves praedictae, sic Carcatae, salvum & securum Passagium haberent, Literas nostras Recommendatorias Gubernatoribus, Generosis, & Communitati Januae, duximus destinandas,
Quae quidem Literae, per quosdam Factorum praedictorum, sibi debitè praesentatae fuerunt, ut accepimus,
Ipsique de Janua, Literas nostras praedictas minimè ponderantes, set Passagium Praedictum in deteriorationem Reipublicae Regni nostri praedicti malitiosè impedire machinantes, Factores praedictos primitus detinuerunt, & postea Naves praedictas Portum Januae introire compulerunt,
Post quem quidem Introitum dictas Naves de Lanis & Mercandisis praedictis spoliârunt, & easdem Lanas & Mercandisas ad Manus suas applicârunt, & illas ad Usum & Proficuum sua propria vendiderunt,
Absque eo quod praefati Factores libertatem scribendi Magistris suis in hac parte, seu liberationem alicujus Parcellae Lanarum & Mercandisarum praedictarum, aut alicujus Denarii, indè provenientis, pro Sustentatione sua habere potuerunt seu possunt in praesenti, in ipsorum Ligeorum nostrorum Dispendium non modicum & Gravamen,
Unde Nobis supplicârunt ut eis Literas nostras de Marqua & Reprisalia concedere dignaremur,
Nos (Supplicationi praedictae annuentes) de Gratia nostra speciali, & de assensu Concilii nostri Concessimus & Licentiam dedimus, pro Nobis & Haeredibus nostris, praefatis, Willielmo, Drugoni, Waltero, Johanni, Willielmo, Thomae, Willielmo, Johanni, & Johanni, & Sociis suis praedictis, quòd ipsi per Se, sive Deputatos suos, tales & tantos Januenses districtuales, Subditos & Subjectos Januae, seu Inhabitantes Januam aut Districtum Januae, & eorum Factores & Negotiorum Gestores, quales & quot duxerint capiendos, tàm citra Mare, quàm ultra Mare, per Terram, & per Mare, unà cum Navibus, Vasis, Bonis, & Mercandisis suis quibuscumque, capere, & ea ad Usum ipsorum Willielmi, Drugonis, Walteri, Johannis, Willielmi, Thomae, Willielmi, Johannis, & Johannis, & Sociorum suorum praedictorum, quousque plenaria Restitutio & Satisfactio sibi, de valore Lanarum & Mercandisarum praedictarum, usque ad Summam praedictam, unà cum Custibus, Dampnis, Misis, & Expensis suis, quae per bonam aestimationem ad Summam Decem Milium Librarum se extendunt, facta fuerit, habere, custodire, & tenere, ac praesentes Literas nostras de Marqua & Reprisalia in Executionem, quotiens eis videbitur faciendum, ponere seu poni facere possint,
absque Perturbatione nostri vel Haeredum nostrorum, seu Admirallorum nostri vel Haeredum nostrorum, aut eorum Locatenentium, seu aliorum Officiariorum vel Ministrorum nostrorum quorumcumque,
Aliquibus Literis nostris de salvo Conductu, praefatis Januensibus Districtualibus, Subditis & Subjectis Januae, seu Inhabitantibus Januam vel Districtum Januae, aut eorum Factoribus seu Negotiorum Gestoribus, aut alicui alii Patriae aut Territorii Societatis sive Covinae eorum, concessis, seu in futurum concedendis, non obstantibus:
Damus autem universis & singulis Admirallis, Capitaneis, Castellanis, & eorum Locatenentibus, Custumariis, Custodibus Portuum Maris, & aliorum Locorum Maritimorum, Vicecomitibus, Majoribus, Ballivis, Constabulariis, Ministris, ac aliis Fidelibus & Subditis nostris, infra Libertates, & extra, tàm citra Mare, quàm ultra, firmiter in Mandatis quòd praefatis, Willielmo, Drugoni, Waltero, Johanni, Willielmo, Thomae, Willielmo, Johanni, & Johanni, ac Sociis suis praedictis, necnon dictis Deputatis suis, in Executione Praemissorum, Intendentes sint, Consulentes, & Auxiliantes, prout decet.
In cujus &c.
Teste Rege apud Westmonasterium, Tertio die Februarii.
Per ipsum Regem & Concilium. |
Feb. 5. Thomas duke of Clarence grants to John Dupont, his secretary, two houses in Bourdeaux. Westm.
O. viii. 774. H. iv. p. ii. 26. |
Donatio, per Ducem Clarentiae in Vasconia.
An. 14. H. 4. Vasc. 13. H. 4. m. 4.
Thomas, Fitz de Roy d'Angleterre & de France, Duc d'Clarence, Conte Daumarle, Grant Senescal d'Engleterre, Lieutenant d'Irland, & des Partes de Pardessa, pur nostre dit Tresredoubte & Tressouverain Seigneur & Pere, a touz ceulx, qui ces Presentes verront ou orront, Salut.
Savoir faisons que Nous,
De nostre certaine science & grace especiale, pour les bons & agreables Services que, nostre Treschier & bien Ame, Johan Dupont nostre Secretaire Nous a fait,
A luy avons Donne & Ottroye, & par le Teneur de cestes Donnons & Ottroyons, Deux Ostieux & Maisons, avecques toutz les Prouffitz, Drois, Devoirs, Rentes, Revenues, & Esmoluments quelconques, a ceo appartenes, en quelle fourme & maniere que ce soit, pour en Joier, User, & Exploiter, durant le Terme de sa Vie, paisiblement & sans aucune empeschement,
Les quelles Deux Maisons & Ostieux sont situes & assises en la Carreyre que va du Chastel de Lombriere de Bourdeaulx vers l'Esglise de Saint Pietre, & tiement de longe de la Grant Porte du dit Chastel jusques a l'autre Porte, & joingnent par derriere a la Grosse Tour & Mur du dit Chastel, & par devaunt a la dite Carreyre,
Quelles Maisons aultre Foys furent de Bos de la Barde Escuyer, par Donnation fait a luy par le Roy nostre dit Seigneur & Pere, & Vendues & Transportes par le dit Bos a un appelle Thomas Pigou, Constituez & Confermes au dit Thomas par le dit nostre Seigneur & Pere, pour les Tenir & Posseder durant le terme de sa Vie,
Par la Mort & Deces du quel Thomas les dites Maisons & Ostieux, avecques toutes leurs Appartenances, sont & appartiennent de present a nostre dit Tresredoubte & Tressoverains Seigneur & Piere,
Si Mandons & Commandons aux Senescal de Guyenne, Juge de Gascoigne, Prevost de Lombriere, Procureur, Fiscal, & Executour Royal de la Citee de Bourdeaulx, & a toutz aultres Officers, Ministres, Liges, & Obeissans de nostre dit Tresredoubte & Tressoverain Seigneur & Pere, que le dit John Dupont nostre Secretaire, ou son certein & sufficiaunt Procureur ou Attourne en noun de Luy, mettent & induyent en vraye Saisine & paisible Possession des dites Ostieux & Maisons toutes foys que requis en serront, amovant & ostant tout aulter Detentour ou Occupeur, si aucun en y avoit,
Et le Tiengnent & Maintiegnent en vrays Saisine & paisible Possession des dites Ostieux & Maisons, & d'iceulx, avecques touz lez Drois, Devoirs, & Esmoluments quelxconques, a yceulx appartenantz, come dit est, l'en facent Joier paisiblement, selonc le Tenour de cez noz presentes Patentes Lettres; non obstant quelxconques Donations ou Promesses faitez ou a faire au contraire; Car ainsi le voulons & nous plest estre fait.
Donne a Bourdeaulx, soubz nostre Seel, le Quint jour de Fevrier, l'An de Grace Mil, Quatrecentz & Douze. |
Feb. 7. Safe conduct for sir Walter Stewart of Raylston, and John de Leeth, ambassadors of the duke of Albany. Westm.
O. viii. 775. H. iv. p. ii. 26. |
De salvo Conductu pro Ambassiatoribus Ducis Albaniae.
An. 14. H. 4. Scot. 14. H. 4. m. 1.
Rex, per Literas suas Patentes, usque Festum Pentecostes proximò futurum duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Walterum Stewart de Raylston de Scotia Militem, & Johannem de Leeth de Scotia Armigerum, Ambassiatores, Potentis Principis, Ducis Albaniae Consanguinei Regis, ac Triginta & duos Homines Scotos Equites in Comitiva sua venientes, necnon Bona & Hernesia sua quaecumque, in Regnum Regis Angliae, ac alia Dominia sua Coronae Regis, pro Deliberatione, Consanguinei Regis & Prisonarii, Murthowe de Fyffe Filii praedicti Ducis, tàm per Villas firmatas, quàm alibi, absque Impetitione seu demonstratione praesentium Literarum Regis de salvo Conductu, si demonstratio earumdem ab eis non exigatur, veniendo, ibidem morando, & perhendinando, & exindè ad partes Flandriae transeundo, ac deindè in Regnum & Dominia Regis praedicta penes Praesentiam Regis reveniendo, & ad partes suas proprias, tàm per Terram & Mare, quàm per Aquam dulcem, absque Perturbatione seu Impetitione quacumque redeundo,
Nolens idem Rex quòd Personae praedictae pro aliquo, ante haec tempora facto, seu pro aliqua Marqua vel Reprisalia, impetrata vel impetranda, aut pro alia Causa quacumque, molestentur, impetantur, arestentur, seu deteriorentur,
Proviso semper quòd eaedem Personae quicquam, quod in Regis, seu Coronae suae, aut Legum Regni & Dominiorum Regis praedictorum, seu Populi sui, Dampnum vel Praejudicium cedere valeat, non attemptent seu attemptari faciant quovis modo.
Teste Rege apud Westmonasterium, septimo die Februarii.
Per Breve de Privato Sigillo. |
Feb. 27. Licence to Edward de Courtenay, son of the earl of Devon, to conduct 40 pilgrims to S. James of Galicia. Westm.
O. viii. 775. H. iv. p. ii. 27. |
De Peregrinis versus Sanctum Jacobum Galiciae, ducendis.
An. 14. H. 4. Franc. 14. H. 4. m. 1.
Rex Omnibus, ad quos &c. Salutem.
Sciatis quòd Concessimus & Licentiam Dedimus, Dilecto & Fideli nostro, Edwardo Filio Edwardi de Courtenay Comitis Devoniae Chivaler, quòd ipse, in quadam Bargea sua vocata la Marie de Kyngeswere, Quadraginta Peregrinos recipere, & eos versus Sanctum Jacobum Galiciae, ad Vota sua ibidem perficienda, ducere, & abindè in Angliam reducere possit licitè & impunè;
Aliquibus Ordinationibus sive Proclamationibus, in contrarium factis, non obstantibus:
Dùm tamen Peregrini illi de Amicitia nostra & Gentes Laicae existant, & quòd Aurum vel Argentum, in Massa vel Moneta, colore praesentis Licentiae nostrae, contra Statuta & Ordinationes dicti Regni nostri, secum non deferant quovis modo.
Teste Rege apud Westmonasterium, vicesimo septimo die Februarii. |
