|
| Syllabus Entry |
Foedera Text |
Oct. 15. Licence to Venetian merchants to trade in England for one year. Westm.
O. viii. 655. H. iv. p. i. 179. |
Pro Mercatoribus de Venitia.
An. 12. H. 4. Franc. 12. H. 4. m. 31.
Henricus, Dei gratiâ, Rex Angliae & Franciae, & Dominus Hiberniae, universis & singulis Admirallis, Capitaneis, Castellanis, & eorum Loca tenentibus, Custodibus Portuum Maris, & aliorum Locorum Maritimorum, Vicecomitibus, Majoribus, Ballivis, Constabulariis, Ministris, & aliis Fidelibus & Subditis suis, tàm per Terram, quàm per Mare, constitutis, ad quos praesentes Literae pervenerint, Salutem.
Sciatis quòd Nos,
Ad internam & specialem Requisitionem, Nobilis Viri, Michaelis Steno Ducis de Venicia,
Concessimus & licentiam dedimus quòd, quicumque Mercatores sui de Venicia, cum Carrakis, Galeis, & aliis Navigiis, Mercibus, & Mercandisis carcatis, & in partibus de Venicia existentibus, ab eisdem partibus in Regnum, Dominia, & Potestatem nostra mercatoriè venire, ibidem morari, perhendinare, & mercandisare, ac ad partes Flandriae transire, necnon exindè in Regnum, Domina, & Potestatem nostra revenire, ibidem morari, & perhendinare, ac Merces & Mercandisas suas praedictas per se & suos, absque impedimento seu perturbatione Officiariorum seu Ministrorum nostrorum, aut aliorum quorumcumque vendere,
Et Carrakas, Galeas, & alia Navigia sua praedicta, cum Lanis, Pannis, & aliis Mercandisis, infra Regnum nostrum Angliae providendis & emendis, recarcare, & exindè ad partes proprias redire possint licitè & impunè,
Ita semper quòd Carracas, Galeas, & Navigia hujusmodi de Amicitia nostra existant,
Ac Mercatores, Capitanei, Marinarii, & Patroni eorumdem legales excerceant Mercandisas,
Ac Custumas, Subsidia, & alia Deveria, Nobis pro Mercibus & Mercandisis suis praedictis debita, de tempore in tempus solvant,
Ligeisque nostris pro Victualibus & aliis Rebus, ab eis emptis & emendis, satisfaciant,
Ac nichil in praemissis faciendis per se, vel suos, faciant vel attemptent, per quod praejudicium vel periculum aliquod Nobis, aut Regno nostro, seu Ligeis nostris evenire poterit,
Nec aliqua Bona seu Mercandisas aliquorum Inimicorum nostrorum, sub colore suorum propriorum, colorent ullo modo;
Et ideò vobis Mandamus quòd ipsos Mercatores, Capitaneos, & Patronos, praemissa debitè facientes, contra Tenorem praesentis Concessionis & Licentiae nostrae, non molestetis in aliquo seu gravetis.
In cujus rei Testimonium has Literas nostras fieri fecimus Patentes per unum Annum duraturas.
Teste meipso apud Westmonasterium, decimo quinto die Octobris, Anno Regni nostri Duodecimo.
Per Breve de Privato Sigillo. |
Nov. 5. The K. orders the several sheriffs to publish the prorogation until Jan. 1. of the truce with France. Westm.
O. viii. 655. H. iv. p. i. 180. |
De Prorogatione Treugarum Franciae.
An. 12. H. 4. Claus. 12. H. 4. m. 34. dors.
Rex Vicecomiti Suthton, Salutem.
Quia inter Ambassiatores & Commissarios nostros, ac Ambassiatores & Commissarios Adversarii nostri Franciae, jam noviter Concordatum existat quòd illae Treugae, generales per Mare, & particulares per Terram (videlicet) in partibus Picardiae, Ducatu Aquitanniae, & Comitatu Tholosi, quae finiri debuerunt in Festo Omnium Sanctorum proximò praeterito, eisdem modo & formâ, quibus prius captae fuerunt, usque ad primum diem Mensis Januarii, proximò futurum, ipso die incluso, prorogentur & prorogari debeant,
Tibi praecipimus quòd Prorogationem praedictam, in singulis Portubus, & aliis locis, ubi indiguerit, infra Ballivam tuam, publicè proclamari facias & teneri, prout juxta vim, formam, & effectum Prorogationis praedictae, fuerit faciendum;
Et hoc nullatenus omittas.
Teste Rege apud Westmonasterium, Quinto die Novembris.
Per Concilium.
Consimilia Brevia diriguntur Vicecomitibus subscriptis, mutatis mutandis, sub eadem Data;
Vicecomitibus Londoniae, &c. |
Nov. 18. The K. orders Henry prince of Wales, constable of Dover Castle and warden of the Cinque Ports, to make restitution to John Dirdolf and others of Berflet in Flanders, whose ships have been taken by sir John Prendergest. Westm.
O. viii. 656. H. iv. p. i. 180. |
Pro Burgensibus Villarum de Flandria.
An. 12. H. 4. Ibid. m. 33.
Rex, carissimo Filio suo, Henrico Principi Walliae, Constabulario Castri nostri Dovorriae, & Custodi Quinque Portuum suorum, vel ejus Locum tenenti, Salutem.
Ex parte Burgensium Villarum de Gaunt, Brugges, & Iper, ac Hominum Territorii de Frank in Flandria, Nobis est, graviter conquerendo, monstratum quòd
Cùm Duae Naves,
Cum Sale & aliis Mercandisis, Johannis Dirdolf, Johannis de le Beeke, Petri Cummebier, & aliorum Burgensium de Berflet in Flandria, carcatae,
Nuper, supra Mare velando versus Villam Calesii, per Johannem Prendergest Chivaler & alios Complices suos Captae, & usque Villam de Rye, quae est infra Libertatem Quinque Portuum praedictorum, Ductae,
Ac quamplura alia Dampna & Gravamina diversis aliis Mercatoribus, Piscatoribus, & aliis Hominibus de dictis partibus Flandriae, per praefatum Johannem Prendergest & Complices suos hujusmodi, facta & illata fuissent, contra Formam Treugarum, inter Nos & illos de Flandria initarum,
Unde nobis supplicârunt sibi de Remedio in hac parte providere oportuno,
Nos,
Volentes Treugas praedictas, ac omnia & singula contra easdem, per hujusmodi Ligeos & Subditos nostros, aliqualiter Attemptata, quantum in Nobis est, debitè Reformari,
Vobis Mandamus quòd, habitâ super Praemissis diligenti Informatione, tàm praefatis, Johanni Dirdolf, Johanni de le Beeke, & Petro, quàm aliis Burgensibus, Mercatoribus, Piscatoribus, & aliis Hominibus de dictis partibus Flandriae, Justitiae complementum de Praemissis exhiberi, & Executionem debitam indè fieri faciatis, prout de Jure & secundum formam Treugarum praedictarum fuerit faciendum.
Teste Rege apud Westmonasterium, decimo octavo die Novembris.
Per Concilium. |
Nov. 20. The several sheriffs are ordered to enjoin the assumption of knighthood by those persons possessing 40 librates of land, or rents to that amount, by the year. Westm.
O. viii. 656. H. iv. p. i. 180. |
De Ordine Militari suscipiendo.
An. 12. H. 4. Claus. 12. H. 4. m. 31. d.
Rex, Vicecomiti Kantiae, Salutem.
Praecipimus tibi, firmiter injungentes, quòd, per totam Ballivam tuam, tàm infra Libertates, quàm extra, ubi expedire videris, publicè proclamari facias,
Quòd omnes illi, qui Quadraginta Libratas Terrae vel Redditûs per Annum habent, & eas per Tres Annos integros tenuerunt, & Milites non sunt, Ordinem suscipiant Militarem citra Crastinum Purificationis beatae Mariae proximò futurum, vel in eodem Festo ad ultimum, sub Periculo quod incumbit,
Et de Nominibus illorum, qui Quadraginta Libratas Terrae vel Redditûs habent in Balliva tua, sicut praedictum est, diligenter inquiras, & Nos de Nominibus illorum in Cancellaria nostra constare facias ante Crastinum supradictum;
Et hoc nullatenus omittas.
Teste Rege apud Westmonasterium, vicesimo die Novembris.
Per Concilium.
Consimilia Brevia diriguntur singulis Vicecomitibus per Angliam. |
Nov. 26. Grant to John Sheffield of the office of bearer of the verge before the Knights of the Garter at Windsor on the feast of S. George's, with 12d. a day. Leicester.
O. viii. 657. H. iv. p. i. 180. |
Pro Portitore Virgae.
An. 12. H. 4. Pat. 12. H. 4. m. 31.
Rex Omnibus, ad quos &c. Salutem.
Sciatis quòd, de Gratiâ nostrâ speciali, ac consideratione tàm boni Servitii quod, dilectus Armiger noster, Johannes Sheffeld nobis impendit, quàm magnae Senectutis & Deblilitatis in quas ipse jam devenit, Concessimus eidem Johanni Officium Portitoris Virgae, coram Nobis, & Honorabilibus Militibus de la Garter, ad Festum Sancti Georgii, in Capella nostra Collegiata, infra Castrum nostrum de Wyndesore,
Habendum pro Termino Vitae suae, cum Vadiis Duodecim Denariorum per Diem, percipiendorum de Proficuis de Villis de Feltham & Coldkenynton provenientibus, unà cum omnibus aliis Proficuis & Commoditatibus quibuscumque, ad praedictum Officium quoquo modo spectantibus, adeò integrè sicut Magister Thomas Sy ea habuit & percepit dum vixit ex causa Officii praedicti.
In cujus &c.
Teste Rege apud Leycestr. vicesimo sexto die Novembris.
Per Breve de Privato Sigillo. |
Nov. 29. Commission to Thomas Swynburne, mayor of Bourdeaux, and John Sturmynstre, clerk, to meet the ambassadors of Castile at Fuentarabia on Feb. 8. Leicester.
O. viii. 657. H. iv. p. i. 180. |
De Tractando, cum Rege Castellae.
An. 12. H. 4. Franc. 12. H. 4. m. 29.
Rex Omnibus, ad quos &c. Salutem.
Sciatis quòd Nos,
De fidelitate & circumspectione, dilectorum & fidelium nostrorum, Thomae Swynburne Majoris Civitatis nostrae Burdegaliae, & Johannis Sturmynstre Clerici, pleniùs confidentes,
Assignavimus, Fecimus, & Constituimus ipsos Ambassiatores & Nuncios nostros ad Conveniendum, apud Fountrabie, octavo die Februarii, proximò futuro, cum Ambassiatoribus & Nunciis, carissmi Nepotis nostri, Regis Castellae & Legionis,
Et ad Treugas inter Regna praedicta, ultimò captas, prorogandum ad tantum tempus, prout inter dictos Ambassiatores & Nuncios ambarum Partium poterit concordari,
Ac etiam ad insimul Concordandum super certis Die & Loco, ad quae Solempnes Ambassiatores nostri convenire poterunt, ad Tractandum ulterius cum Ambassiatoribus alterius Partis, tàm super Alligantia, Amicitia, & Pace finali, sive longis Treugis per Mare & per Terram, quàm ad Procedendum super Reparatione Attemptatorum, contra Treugas & aliter factorum, secundum id quod appunctuatum fuit & concordatum in captione Treugarum supradictarum.
In cujus &c.
Teste Rege apud Leyc. vicesimo nono die Novembris.
Per ipsum Regem. |
Nov. 29. Instructions for the said Thomas Swynburne and John Sturnmynstre to prorogue the truce. Leicester.
O. viii. 657. H. iv. p. i. 180. |
Instructiones pro Ambassiatoribus, ad Tractandum cum Commissariis Castellae.
Instruccion Donee a Monsieur Thomas Swynbourne Maire de la Citee de Burdeux, & a Mestre Johan Sturmynstre Clerc, Messages du Roy envoiez a sa Citee de Bayone pour Traictier ovesque les Commys de la Partie de Castille.
An. 12. H. 4. Ex. Bibl. Cot. Vespasian. C. 12.
En Primes, doient les ditz Messages bien regarder & examiner l'Accord & Appointement que se prist, n'adgairs, a Fountrabie, d'entre les Ambassiatours du Roy nôtre Soverein Seigneur d'une, & les Ambassiatours de son Nepueu le Roy de Castille d'autre part, sur certeines Trieues, que les fineront le Oytisme Jour de Fevrier prochein venant, dont ils averont la Copie.
Item, a lour Venue a la Citee de Bayone, devant le dit Oytisme Jour de Fevrier, il faut qu'ils envoient au dit Lieu de Fountraby, pour savoir a quel Lieu ils deyvent, ovec autres, de lour Estatz, de la Partie Adverse, convenir & assembler le dit Oytisme Jour de Fevrier.
Item, s'il aviegne que, au Temps de mesme lour Assemble, solempnes Ambassiatours, de la Partie nôtre dit Soverein Seigneur le Roy, pour aucun Impediment, ne viegnent selonc ce que, en le darrein Traictie susdit, appointez feu & accordez, adonques doient les ditz Maire & Clerc Excuser ycelle lour non Venue en le plus sage & honeste manere que se purra, selonc ce que le dit Clerc est Enformez; en donant Confort a les Ambassiatours de l'autre Partie, que les Ambassiatours du Roy nôtre Soverein Seigneur viendront (Dieu donant) en le Moys de May, ou de Juyn, prochein venant, solonc ce qu'il pourra estre accordez, au dit Lieu de Fountrabi, sibien pour Traictier plus avant ovec ceux de la Partie Adverse, comme pour Proceder sur la Reparation des Attemptatz, selonc la Contenue de la Commission du Roy mesme nôtre Seigneur a eux ent a faire.
Item, les ditz Maire & Clerc, en Cas de la non Venue des ditz solempnes Ambassiatours du Roy nôtre dit Soverein Seigneur, puissent bien Accorder ovec les Commys de l'autre Partie, a lour dit Assemble, sur la Prorogation des dites Trieues, prinses par devant comme desus, soit il pour un An, ou plus, ou meyns, comme semblera a lour sage Discretion estre mielx expedient.
Item, pourront les ditz Messages Accorder que, devant l'Assemble des Grandes Commissairs d'ambe Partz, Proclamation soit fait, de chescune Coustee, que ceux, qui se sentent estre grevez contre la Forme & Effect des dites Trieues, viegnent, en lour propres Persones, ou par lour Procuratours, as Jour & Lieu a accorder come desus, pour lors bailler sus lour Compleintz, & ent demander, & avoir due Redresse, selonc l'Exigence des dites Trieues,
Item, ycelle Traictie, ainsi faicte & concludez par les ditz Maire & Clerc, doient ilz Certifier le Roy nôtre dit Seigneur ce q'ils en ont fait, a toute la celerite qu'ils puissent.
En Tesmoignance de quele Chose sibien les Grand & Prive Sealx du Roy nôtre dit Soverein Seigneur come son Signet a y ceste Instruction sont myses.
Don. a la Ville de Leycestre, le xxix Jour de Novembres, l'An du Regne de nôtre dit Seigneur le Roy Henri Quart puis le Conquest Douzisme. |
The K. informs John K. of Castile that he is about to send ambassadors to him, and desires credence for Arnauld Buade, the bearer. Westm.
O. viii. 558. H. iv. p. i. 181. |
Litera ad dictum Regem.
An. 12. H. 4. Ibid.
Serenissimo Principi, Johanni, Dei Gratiâ, Regi Castellae & Legionis, Nepoti nostro carissimo, Henricus, eadem Gratiâ, Rex Angliae & Franciae, & Dominus Hiberniae, cum Fideli pariter & sincerâ Dilectione, Salutem.
Recolimus, Serenissime Princeps, Nepos noster carissime, quid in Anno, ultimo jam elapso, fuerat Appunctuatum inter vestros & nostros Ambassiatores, in Fonterabido congregatos,
Quodque scripsimus vestrae Serenitati, per quosdam Honorabiles Nuncios vestros, qui jampridem ad nostram praesentiam accesserunt (videlicet) quòd Solempnes Ambassiatores nostros, ad Civitatem nostram Baionensem, citra Octavum Diem Mensis Februarii proximò nunc futurum,
Pro Tractatu Pacis aut longis Treugis inter Regna & Dominia nostra (prout Dominus dederit) ineundo, necnon & pro Reparationibus Attemptatorum hinc inde, ad gravatorum Instantias faciendis, transmittere curaremus,
Prout Pars vestra, Serenissime Princeps, ea propter, ad Fontemrabidum simili modo promiserat se facturam,
Quod utique pro parte nostra libenti Animo perficere cupiremus:
Verum tamen, si, jam instantis Yemis intemperie, seu quovis alio fortuito Casu, contigerit ipsos Ambassiatores nostros Solempnes aliqualiter impediri, quo minus in ipso tempore limitato illuc accedere valeant, Vestra quaesumus inchoata Dilectio, Serenissime Princeps, Nepos noster carissime, hoc molestè non ferat, nec Impedimentum hujusmodi nobis velit ascribere quovis modo,
Scituri, Carissime Nepos, quòd, in illius eventum, alii Nuncii nostri, minoris statûs (quorum unus erit Miles & alter Clericus) unà cum vestris, consimilis statûs, citra dictum Octavum Diem, in aliquo Loco mutuo concordando, convenient, ac super certis Die & Loco, ad quos hujusmodi Solempnes
Ambassiatores debeant convenire, vigore Potestatis eisdem Nunciis attributae, tractabunt ac etiam concordabunt:
Quoniam semper habuimus & habemus indubitanter in votis ut, inter utrorumque nostrûm Regnicolas, tranquillae Pacis Amoenitas ad Laudem Altissimi vigeat, nullis unquam Temporibus infringenda,
Prout, dilectus Domicellus noster, Arnaldus Buade, Lator Praesentium, vestrae Serenitati noverit pleniùs intimare, cui, super Praemissis, eidem vestrae Serenitati adhibere complaceat plenam Fidem; significantes nobis per ipsum, ad singularem Cordis nostri Laetitiam, placibilia nova de vestri Statûs Continentia salutari.
Serenissime Princeps, Nepos Noster carissime, in Filio Virginis Gloriosae diu & foeliciter valeatis.
Dat. &c. |
Nov. 29. Safe conduct of Peter bp. of Noyon and the other French ambassadors. Leicester.
O. viii. 659. H. iv. p. i. 181. |
De salvo Conductu pro Ambassiatoribus Franciae cum 300 Personis.
An. 12. H. 4. Franc. 12. H. 4. m. 28.
Le Roy a touz noz Connestable, &c. Salut & Dilection.
Savoir vous faisons que, pur certeines Causes, a ce Nous mouvans, Nous avons Donne & Ottroie, Donnons & Ottroions, par ces Presentes, a Reverend Pier en Dieu Pierre Evesque de Noyon Per de France, Jaques de Chastillon Seigneur de Damperre & de Rollaincourt Admiral de France, Guillen Seignur de Thignoville Chivaler, & a Master Goutier Coll Secretaire du Roy nostre Adversaire, Conseilleurs & Ambassadeurs de mesme nostre Adversaire, & a leurs Gens, Jusques au Nombre de Tres Cens Parsonnes, & au dessoubz, tielz qu'il leur plaira, tous Ensemble, ou par Parties, a Cheval, ou a Pie, a leur volente, bon, & loial, & seur Conduit, par Mer & par Terre, &c. ut in ejusmodi de Conductu Literis.
Donne par Tesmoignaunce de nostre Graund Seal a Leycestre, le xxix jour de Novembre. |
Nov. 29. Power for sir Thomas Picworth, lieutenant of Calais, sir William Bardolf, sir John Bagot, and four others, to treat for a truce with the duke of Burgundy. Leicester.
O. viii. 659. H. iv. p. i. 181. |
De Tractando cum Duce Burgundiae.
An. 12. H. 4. Ibid. m. 26.
Rex Omnibus, ad quos &c. Salutem in Domino sempiternam.
Noverit Universitas vestra quòd,
Ad Honorem Dei, & Sanguinis Christiani effusionem, malaque ac dampna irreparabilia evitanda, quae, stante Guerrâ inter Nos & Ducem Burgundiae & Comitem Flandriae, verisimiliter & sine dubio poterunt evenire, prout jam veraciter evenerunt, sicut tansacti temporis cursus edocet manifestè,
Inclinamur & assentimus ad Tractandum cum dicto Duce,
Et, ob hanc Causam, mittimus de praesenti, versus partes Picardiae, Dilectos & Fideles nostros, Thomam Picworth Locum tenentem Villae nostrae Calesii, Willielmum Bardolf, Johannem Bagot, Milites, Magistrum Johannem Catryk Archidiaconum Surriae, in Decretis Licentiatum, necnon Hugonem Blyce, Johannem Bourghope, & Petrum le Loharent,
De quorum fidelitate, discretione, & Industriâ, pleniùs confidentes,
Ipsis Dedimus, Concessimus, & Commisimus, ac Damus, Concedimus, & Committimus per praesentes, sufficientem Auctoritatem, plenamque ac liberam Potestatem, & Mandatum generale ac speciale, pro Nobis & nomine nostro, necnon pro Subditis, Regnis, Terris, & Dominiis nostris citra & ultra Mare,
De & super omnibus & singulis Contentionibus, Quaestionibus, Litibus, Querelis, Guerris, Debatis, Demandis, & Discordiis quibuscumque, cum omnibus suis Circumstantiis, Incidentibus, Emergentibus, Dependentibus, & Conexis,
Inter Nos, Subditos, Regna, & Dominia nostra citra & ultra Mare, ex una parte, & dictum Ducem, Subditos & Dominia sua, ex parte altera, qualitercumque motis vel habitis,
Necnon de & super quarumcumque Treugarum, in hac parte initarum, Violationibus, ac earum Reformationibus, & contra earum formam Attemptatorum Reparationibus & Emendis, Dandis, Faciendis, & Recipiendis,
Quibuscumque Locis & Temporibus oportunis, cum dicto Duce, seu ejus sufficienter Deputatis vel Deputandis in hac parte, Conveniendi, Tractandi,
Componendi, Paciscendi, Transigendi, ac finaliter Concordandi,
Necnon Treugas, Tolerantias, & Abstinentias generales, speciales, seu particulares, tàm per Terram, Aquam, & Mare, simul vel separatim, melioribus viis, modo, & forma quibus fieri possit, tamdiu, & tanto tempore duraturas, secundum quod praefatis Commissariis nostris, Sex, Quinque, Quatuor, Tribus vel Duobus eorum placebit in eventum, cum dicto Duce, sufficienter Deputatis seu Deputandis ab eodem, Ineundi, Ordinandi, Faciendi, Perficiendi, Capiendi, & Concedendi,
Necnon quascumque Treugas, Tolerantias, & Abstinentias generales vel par ticulares, inter Nos & praefatum Ducem jam nunc habitas, factas, captas, pendentes, & durantes, ad Terminum quemcumque longiorem ultra Terminum in eis assignatum, limitatum, & praefixum, Continuandi & Prorogandi, cum quibuscumque Clausulis, Conditionibus, Modificationibus, Additionibus, Declarationibus, & Circumstantiis necessariis, utilibus, vel oportunis,
Ac etiam Commissarios, seu certos Deputatos, Gardianos, Judices, seu Conservatores, tot & tales, ac in locis ubi expedire videbitur, pro stabili, firmâ, & fideli Conservatione Treugarum, Tolerantiarum, & Abstinentiarum hujusmodi, ac pro debita Reformatione & Reparatione omnium & singulorum, quae contra vim, formam, & effectum ipsarum Treugarum, Tolerantiarum, & Abstinentiarum qualitercumque attemptari contigerit in futurum, Dandi, Deputandi, Constituendi, Praeficiendi, & Ordinandi,
Necnon quòd Nos, pro Nobis, Haeredibus, & Successoribus, ac Subditis nostris, Treugas, Tolerantias, Abstinentias, & Ordinationes quascumque & qualescumque circa Praemissa, per praesentes Commissarios seu Deputatos nostros,
Dumtamen praefati Commissarii, Sex, Quinque, Quatuor, Tres, vel Duo eorum, sint cum dicto Duce, vel suis in hac parte sufficienter Deputatis seu Deputandis,
Faciendas, Ordinandas, Conveniendas, Concedendas, & Habendas,
Cum suis omnibus Clausulis, Modis, Conditionibus, Circumstantiis, & Appenditiis quibuscumque,
Firmè, fideliter, & inviolabiliter observabimus, &, quantum in nobis est, observari faciemus,
Necnon de debitè Reformando & Reparando totum & si quid in contrarium, per Partem nostram (quod absit) contigerit attemptari, in Animam nostram, sub verbo Regio, ac tactis etiam Sacrosanctis Evangeliis, Jurandi, ac quodlibet aliud genus liciti Sacramenti, Nomine nostro, & pro Nobis, Praestandi,
Necnon quascumque Cautiones solitas & honestas Exponendi,
Dictúmque Ducem, Deputatos, vel Deputandos ab eodem consimiliter Jurare Petendi & Audiendi,
Hujusmodique Treugas, Tolerantias, Abstinentias, Ordinationes, & Conventiones quascumque, Personis & Locis quibuscumque, ubicumque, & quandocumque expedire videbitur, Insinuandi, Notificandi, Proclamandi, & Publicandi, Insinuari, Notificari, Publicari, & Proclamari, Faciendi & Mandandi,
Necnon omnia alia & singula Agendi, Excercendi, & Expediendi, quae in Praemissis vel circa ea necessaria fuerint seu quomodolibet oportuna, etiam si de se Mandatum exigant speciale, & altioris naturae fuerint quàm Capitula expressata, ac quae & qualia nosmet ipsi facere possemus si personaliter interessemus,
Promittimus etiam, bonâfide, & verbo Regio, Nos, pro Nobis, Haeredibus, Successoribus, & Subditis nostris, quantum in nobis est, Ratum, Gratum, & Firmum, perpetuis temporibus, habituros totum & quicquid per hujusmodi Commissarios, seu Deputatos nostros, Sex, Quinque, Quatuor, Tres, vel Duos eorum, cum dicto Duce, Deputatis seu Deputandis ab eodem, Actum, Factum, Ordinatum, Concordatum, vel Conventum fuerit in Praemissis vel in aliquo Praemissorum,
Et exponimus Cautionem,
Eaque omnia & singula, per Literas nostras, & sub Magno Sigillo nostro, Ratificabimus & Confirmabimus, quotienscumque ad hoc fuerimus requisiti.
In cujus rei testimonium has Literas nostras Patentes fieri, & Magni Sigilli nostri munimine fecimus roborari.
Dat apud Leycestre, vicesimo nono die Novembris.
Per ipsum Regem. |
Nov. 29. Power for Henry prince of Wales, captain of Calais, to grant safe conducts to the ambassadors of the duke of Burgundy. Leicester.
O. viii. 661. H. iv. p. i. 182. |
Pro Principe Walliae, de Potestate ad dandum Salvos Conductus.
An. 12. H. 4. Franc. 12. H. 4. m. 29.
Rex Omnibus ad quos &c. Salutem.
Sciatis quòd,
Cùm assignavimus, dilectos & fideles nostros, Thomam Picworth Militem, Locumtenentem Villae nostrae Calesii, ac quosdam alios Ambassiatores nostros, ad Conveniendum cum Ambassiatoribus & Nunciis, pro parte, carissimi Consanguinei nostri, Johannis Ducis Burgundiae Comitis Flandriae, quibuscumque, seu etiam cujuscumque Alterius in Comitatu Flandriae sua Praetendentis Interesse, ad hoc sufficientem Potestatem habentibus,
Et ad Tractandum & Concordandum, super Novis Treugis, inter Nos & dictum Ducem capiendis & ineundis,
Seu ad Treugas, inter Nos & eundem Ducem captas & pendentes, ad certum Terminum, inter eos Concordandum & Limitandum, Prorogandum,
Et ad quaedam alia, in Literis nostris Patentibus, indè confectis, contenta, Faciendum & Exequendum, prout in Literis praedictis pleniùs continetur,
Nos,
De Probitate, Circumspectione, & Industria, carissimi Filii nostri, Henrici Principis Walliae, Capitanei Villae nostrae Calesii, seu ipsius Locumtenentis ejusdem Villae Calesii, Confidentes,
Commisimus eidem Filio nostro, seu ejus Locumtenenti, Potestatem ad Dandum, Concedendum, & Liberandum salvos Conductus, in forma meliori, per Terram & per Mare, illis Ambassiatoribus & Nunciis pro parte ipsius Ducis, ac Alterius cujuscumque, qui in praedicto Comitatu putaverit sua Interesse, ac Aliis, qui ex Praemissis Causis convenient, pro ipsis & ipsorum Familiaribus, ac Aliis ad associandum eos deputandis, unà cum Auro, Argento, ac aliis Hernesiis ipsorum, absque Molestatione & Impedimento quibuscumque, per Regnum nostrum Angliae ac Dominia nostra ubicumque, per Terram & per Mare,
Mandantes insuper praefato Capitaneo dictae nostrae Villae Calesii, seu ejus Locum tenenti, ac nostris Admirallis, Capitaneis, Gentibus Armorum, Castellanis, Ballivis, ac nostris Officialibus, Ministris quibuscumque, & eorum Locatenentibus, ac cuilibet eorumdem, in quantum ipsos concernit, quatinus, vigore hujusmodi salvi Conductûs, permittant liberè transire per nostrum Regnum Angliae, & Dominia nostra praedicta ubicumque, Ambassiatores & Nuncios praefati Ducis, ac inibi morari, abinde recedere pro beneplacito eorumdem, durante hujusmodi salvo Conductu, absque Molestatione quacumque, in Personis seu Bonis eorumdem,
Et in casu (quod absit) si aliquid fiat in contrarium, quòd incontinenti absque dilatione fiat Restitutio in statum pristinum, per Capitaneum, ac Admirallos, & Capitaneos, & alios quoscumque etiam superiùs nominatos,
Promittentes nos Ratum, Gratum, & Firmum habituros, quicquid per ipsum Capitaneum, seu ejus Locumtenentem, ritè Actum sive Gestum fuerit in Praemissis.
Dat. apud Villam Regis Leycestr. sub Magni Sigilli nostri testimonio, xxix die Novembris.
Per ipsum Regem. |
Dec. 13. The K. orders Pontius Sete, lord of Castilhon, and the mayor of Bourdeaux, to execute the sentence in the case of the ransom of the count of Denia. Westm.
O viii. 661. H. iv.p.i. 182. |
Super Hostagiamento, quondam Comitis de Denia.
An. 12. H. 4. Vasc. 12. H. 4. m. 14.
Rex, dilectis & fidelibus suis, Pontio Sete Domino de Castilhon, ac Majori Civitatis Burdegaliae, Salutem.
Cùm nuper,
Pendente Placito, in Curia Militari, in quadam Causa Injustae Occupationis & Detentionis cujusdam Alphonsi, Hostagii pro quondam Comite de Denia, Regni Arragoniae, nuper Prisonario & Captivo Roberti Hauley Armigeri defuncti, ipsiúsque Hostagii Custodis, necnon certarum Pecuniae Summarum, pro Financia seu Redemptione Corporis ipsius Comitis, ratione Captivitatis suae, debitarum, cum omnibus suis Dependentiis,
Quae Primò, coram Henrico nuper Comite Northumbriae Constabulario, & tunc Marescallo Angliae, inter Johannem Hoton Cessionarium Matillis Hauley Sororis & Haeredis unicae praefati Roberti, ab Intestato Defuncti, & Procuratorum in Rem suam propriam sufficienter in hac parte Constitutum, Partem Actricem, ex parte unâ, & Johannem Shakell Armigerum Partem Ream, ex altera,
Ac deinde inter praefatum Johannem Hoton Cessionarium, Partem Actricem, ex parte una, & Thomam Stokes Armigerum, Executorem Testamenti praedicti Johannis Shakell, Socii praetensi ipsius Roberti in quibuscumque Adquisitis per eundem Robertum in Armis, & praesertim Socii ejusdem Roberti in Redemptione sive Financia praedicti Comitis, in Bello de Nazers, sub Vexillo & Potestate Edwardi nuper Principis Walliae, in dicto Bello Principalis Capitanei, capti, Partem Ream ex altera, vertebatur,
Praedictus nuper Comes, legitimè Procedens, quandam Sententiam pro parte praedicti Johannis Hoton tulisset Diffinitivam, ac praedictum Thomam in quibuscumque Summis, per ipsum, ratione Financiae praedicti Comitis, qualitercumque receptis, & praesertim de Quatuor Milibus & Septingentis Marcis, & Sexdecim Milibus Francorum, per ipsam Partem Ream, ratione Redemptionis sive Financiae praedictae, realiter receptis, necnon de praedicto Hostagio, ac quibuscumque Munimentis, Cartis, & Scriptis obligatoriis, Redemptionem sive Financiam praedictam concernentibus, eidem Johanni Hoton liberandis,
Ac etiam praedictum Thomam ad rationabilem Compotum eidem Johanni Hoton de Summis praedictis Reddendum astringi & obligari,
Necnon Receptionem Pecuniarum, ratione Redemptionis sive Financiae praedictae, extunc solvendarum, eidem Thomae interdici & inhiberi Pronunciaverit & Declaraverit,
Ac, a Sententia illa, per praedictam Patrem Ream, ad Nos & Audientiam nostram Appellato, Nos, Venerabilibus Patribus Waltero Dunelmensi, Johanni Herefordensi, & Ricardo Bangorensi, nuper Episcopis, ac Johanni Cheyne Militi, & Johanni Cokkyng Armigero, necnon certis aliis Commissariis nostris, per Literas nostras Patentes, sub certa Forma in eisdem Literis contenta, Commisissemus Vices nostras,
Ac iidem, nuper Episcopus Herefordensis, Johannes Cheyne, & Johannes Cokkyng, ac quidam Richardus Cradok Miles, unà eis ad Praemissa assignatus, in hujusmodi Negotio legitimè Procedentes, visis & recensitis Actis indè habitis, Decreverint Appellationem praedictam fuisse & esse Desertam,
Partem Appellantem in Expensis, per Partem adversam in hac parte legitimè factis, Condempnantes,
Ac, postmodùm ab hujusmodi Decreto, per ipsam Partem Ream, ad Nos & Audientiam nostram Appellato, Nos demùm, Venerabili Patri, Ricardo Roffensi Episcopo, Johanni Kyngton, Willielmo Rocombe, & Roberto Wytton, Clericis, necnon certis aliis Commissariis nostris, per alias Literas nostras Patentes, Commisissemus Vices nostras, & plenam Potestatem, ac Mandatum speciale, ad Audiendum, Cognoscendum, & Procedendum in causa Appellationis hujusmodi, sive in Negotio in hac parte Principali, prout dictaverit Ordo Juris, ipsamque, cum suis Incidentibus, Emergentibus, Dependentibus, & Connexis quibuscumque, secundum Juris exigentiam Discutiendum & Fine debito Terminandum,
Ac postmodùm, certis de Causis, Nos moventibus, per alias Literas nostras Patentes, associaverimus praefatis, Episcopo Roffensi, Johanni Kynton, Willielmo, & Roberto, ac aliis eorum Collegis, Dilectos Nobis, Magistrum Ivonem Zouche Archidiaconum Huntingdoniae, & Robertum Branche Canonicum Liberae Capellae Sancti Martini Magni Londoniae, ac quosdam alios,
Mandantes eisdem quòd circa Praemissa, unà cum praefatis, Episcopo Roffensi, Johanne Kynton, Willielmo & Roberto Wytton, ac aliis eorum Collegis, diligenter intenderent, & ea facerent & exequerentur in Forma praedicta,
Necnon praefatis, Episcopo Roffensi, Johanni Kyngton, Willielmo, & Roberto Wytton, & eorum Collegis quòd praedictos, Ivonem, & Robertum Braunche, ut eorum Collegas, ad hoc, in Socios admitterent,
Prout in diversis Literis nostris Patentibus, indè confectis, pleniùs continetur,
Et tandem praefati, Episcopus Roffensis, Johannes Kyngton, Willielmus, Robertus, & Robertus Onus ultimae Commissionis & Associacionis praedictarum in se assumentes, servatis in hac
parte de Jure servandis, Decreverint dictam Sententiam, per praedictos, nuper Episcopum Herefordensem, Johannem Cheyne, & Johannem Cokkyng, ritè & legitimè Latam, ipsamque Confirmaverint, ac malè ab eis & eorum Sententia fuisse & esse Appellatum, Appellationémque, ab eis & eorum Sententia Interpositam, fuisse & esse Desertam, sententialiter & diffinitivè Pronunciaverint & Declaraverint, sicut per Tenorem Recordi & Processûs, indè habitorum, quae coram Nobis in Cancellariam nostram venire fecimus, plenè liquet,
Subsequentérque, praedicto Johanne Hoton Cessionario, ab hac Luce Sublato, quidam Thomas Malton Capellanus, Thomas Cottyngwith, Johannes Tropynell, & Ricardus Colet, praedicti Johannis Hoton in hac parte Legatarii,
Prout per Testamentum ipsius Johannis Hoton, legitimè Probatum, Approbatum, & Insinuatum, ac coram Nobis in Cancellaria nostra Exhibitum, pleniùs poterit apparere,
Pro ipsorum Interesse, in curia nostra praedicta, per Locumtenentem ejusdem Curiae, in praesentia partis Adversae, legitimae admissi, ut dicitur, nobis supplicaverint ut Sententiam, per praefatum nuper Comitem in hac parte latam, & per Commissarios nostros praedictos, ut praefertur, Confirmatam, Executioni demandare dignaremur,
Nos,
Volentes Sententias & Judicia, in quibuscumque Curiis nostris ritè lata & reddita, Executioni debitè demandari,
Vobis conjunctim, & utrique Vestrûm divisim, Mandamus, firmiter Injungentes, quòd Executionem Sententiae, in dicta Causa Principali sic latae, infra Terram nostram Vasconiae, cum ea celeritate qua decet, fieri, & eisdem Legatariis & eorum cuilibet Summas, Munimenta, Cartas, & Scripta praedicta, ac alia, Redemptionem sive Financiam praedictam qualitercumque concernentia, habere faciatis, juxta Tenorem Literarum nostrarum praedictarum, & prout secundum Vim, Formam & Effectum Sententiae praedictae, ac Foros & Consuetudines Partium illarum fuerit faciendum:
Damus autem universis & singulis Ligeis nostris Partium earumdem, quòd vobis & alteri vestrûm, in Praemissis faciendis & exequendis, Intendentes sint, Consulentes, & Auxiliantes prout decet.
In cujus &c.
Teste Rege apud Westmonasterium, xiij die Decembris.
Per Breve de Privato Sigillo. |
Dec. 24. Confirmation of the treaty with Henry de Plawe, master-general of the Teutonic order, dated Maienerburgh, Dec. 24. 1410. Westm.
O. viii. 663. H. iv. p. i. 183. |
Tractatuum cum Magistro Ordinis Theutonicorum Ratificatio.
An. 12. H. 4. Franc. 12. H. 4. m. 16.
Rex Omnibus, ad quos &c. Salutem.
Inspeximus Literas Patentes, Nobilis & Potentis Viri, Fratris Henrici de Plawe, Ordinis beatae Mariae Domûs Theutonicae Jerusolimitanorum Magistri Generalis, factas in haec verba,
In Nomine Sanctae Et Individuae Trinitatis Amen.
Nè ea,
Quae pro turbatae Pacis Reformatione, ac consuetae Amicitiae Amorisque mutui conservatione, maturè tractantur, ordinantur, & inter Partes quarum interest, pro earumdem Commodo & Utilitate, ac aliàs pro Communi Bono, legitimè statuuntur,
De facili, alicujus arte vel ingenio, seu aliàs quavis illicitâ occasione, per Matrem Jurgiorum irritari contingat quomodolibet seu infringi, necesse visum fuit & est ea per Scripta Autentica Roborari, Comuniri firmissime, & Stabiliri.
Hinc est quòd Nos, Frater Henricus de Plawe, Ordinis beatae Mariae, Domûs Theutonicae Jerusolimitanorum Magister Generalis, universis Christi Fidelibus, ad quorum notitiam praesentes Literae qualitercumque pervenerint, Tenore earumdem cupimus fore Notum Qualiter, fideles nostri (videlicet) Theodricus de Logendorff Miles, Leffardus de Herfford Borgomagister Civitatis nostrae Elbingensis, & Johannes Crolow Civis apud Civitatem nostram Dantzick,
Procuratores, Deputati, & Nuncii, Venerabilis quondam Fratris nostri dùm vixit (scilicet) Ulrici de Jungingen, ultimi & immediati Praedecessoris no-
stri, ipsiúsque & Successorum suorum plenâ potestate ad infrascripta suffulti,
Nos, atque, Venerabiles & religiosos Viros, Concilii nostri Fratres,
De. & super Reparationis, Reformationis, & Emendae, omnium & singulorum Attemptatorum indebite, inter, Serenissimum Principem ac Dominum nostrum, Dominum Henricum, Dei gratiâ Regem Angliae & Franciae, & Dominum Hiberniae, ipsiúsque Ligeos & Subditos, parte ex una, necnon dictum Fratrem Ulricum Praedecessorem nostrum, Nos quoque & Ordinem nostrum, ac quoscumque Subditos nostros, parte ex altera, variis Tractatibus unanimis, ipsorumque concordi & finali Appunctuamento,
Inter dicti Domini Regis Commissarios (videlicet) honorabiles Viros, Ricardum Merlowe Majorem & Civem Civitatis Londoniae, Magistrum Johannem Kinghton Clericum, & Willielmum Askam ejusdem Civitatis Civem & Aldermannum, & dicti Fratris Ulrici nostri Praedecessoris, Procuratores & Nuncios antedictos habito, facto, ac conclusive exinde secuto,
Per Patentes Literas & Indentatas, utriusque Partis praedictae Commissariorum & Procuratorum jam dictorum Sigillis, sub Dato Quartae Diei Decembris, Anno Domini Millesimo, Quadringentesimo Nono, Sigillatas,
Sufficienter & debite, sub forma quae sequitur, informârunt.
Per hanc Indentatam sive Interscissam Literam universis Christi Fidelibus ad notitiam Rei gestae manifesta fiat fides, quòd, Nobiles & Honorabiles Viri, Ricardus Merlowe Major & Civis Civitatis Londoniensis, Magister Johannes Kington Clericus, & Willielmus Askam ejusdem Civitatis Civis & Aldermannus, Serenissimi Principis & Domini, Domini Henrici, Dei gratiâ, Regis Angliae & Franciae, & Domini Hiberniae, necnon Tidericus de Logendorp, Miles, Leffardus de Herfford, Burgomagister Civitatis Elbingensis, & Johannes Crolowe Civis apud Civitatem Dantzik, Nobilis ac Almae Religionis Viri, Fratris Ulrici de Jungingen, Ordinis fratrum Hospitali Sanctae Mariae Theutonicorum Jerusolimitanorum Magistri Generalis, Procuratores, Deputati & Nuncii, ad infrascripta Potestatem sufficientem habentes, nominibus dictorum Dominorum Regis & Magistri, in vim Potestatis, eis hinc inde attributae, omnia & singula subscripta appunctârunt, & de eisdem unanimiter concordârunt,
Primo (videlicet) pro conservatione mutui Amoris & Amicitiae consuetae, Pacisque votivae tranquillitate, extitit Ordinatum quòd omnes & singuli Ligei & Subditi Regni Angliae, Terrarum & Dominiorum ejusdem Regni, Mercatores, & alii (cujuscumque Statûs vel Conditionis extiterint) poterunt & debebunt salvo & secure Terram Pruciae tàm per Terram, quàm per Aquam, intrare, ac inibi mutuò conversari, ac liberè, more Mercatorio, tàm cum Prucenis, quàm aliis (cujuscumque Nationis vel Ritûs fuerunt) Mercari, ibidemque morari, & exindè ad Lares & Domicilia propria redire, vel quo voluerint, quotiens placuerit, tàm per Terram, quàm per Aquam, cum Bonis, Mercandisis, & Mercimoniis suis quibuscumque, Jura, Custumas, ratione Merchandisarum & Mercimoniorum suorum, debita, fideliter persolvendo,
Salvis semper dicto Magistro Generali, & ipsius Successoribus, omni Jure ac Remedio, eis per Obligationes, per dictum Dominum Regem (de quibus infra dicetur) factas, Concessis & Indultis.
Item, extitit Ordinatum quòd omnes & singuli Subditi dictorum Magistri Generalis & Ordinis (cujuscumque statûs vel conditionis extiterunt) poterunt & debebunt, salvò & securè, Regnum Angliae, Terras, & Dominia ejusdem, tàm per Terram, quàm per Aquam, intrare, ac inibi mutuò conversari, & liberè, more Mercatorio, tàm cum Anglicis, quàm cum aliis quibuscumque (cujuscumque Nationis vel Ritûs fuerint) Mercari, ibidemque morari, & exinde ad Lares & Domicilia propria redire, & quo voluerint, quotiens placuerit divertere, tàm per Terram, quàm per Aquam, cum Bonis, Mercandisis, & Mercimoniis suis quibuscumque, Jura & Custumas, ratione Mercandisarum & Mercimoniorum suorum debita, fideliter persolvendo,
Salvis semper dicto Domino Regi, Haeredibus, & Successoribus suis, omni Jure ac Remedio, eis, per Obligationes, per Commissarios & Procuratores dicti Magistri Generalis, supranominatos (de quibus infra dicetur) ipsius Magistri nomine factas, Concessis & Indultis.
Item, unanimiter Concordatum, Promissum est, & Concessum quòd, pro omnibus & singulis Dampnis, Gravaminibus, & Depraedationibus, dicto Domino Regi, ac ipsius Subditis qui-
buscumque, ac caeteris omnibus qui, tempore Dampnorum, Gravaminum, & Depraedationum praedictorum, dicti Domini Regis Subditi fuerunt, vel sunt de praesenti, ante Datam Praesentium, quomodocumque factis & illatis, dicto Domino Regi, aut ipsius Successoribus, per praedictum Magistrum Generalem, aut Successores suos, in plenam Satisfactionem Dampnorum, Gravaminum, & Depraedationum praedictorum, solvi debent nonnullae Pecuniarum Summae Monetae Anglicanae, prout in Literis Obligatoriis, per praedicti Magistri Generalis Procuratores & Nuncios supranominatos in hac parte factis, & eorum Sigillis sigillatis, Procuratoribusque & Commissariis dicti Domini Regis praenominatis traditis & liberatis, plenius continetur.
Item, Condictum, Concessum existit, & Promissum quòd nullus subditus dicti Magistri Generalis, aut suorum Successorum, ratione vel occasione Dampnorum, Gravaminum, & Depraedationum praedictorum, per praefatum Dominum Regem, vel ipsius Successores, aut eorumdem Jussu vel Mandato, aut per alium quemcumque, qui, occasione vel causâ Dampnotum, Gravaminum, & Depraedationum, de quibus superius memoratur, offensus fuerit vel dampnificatus, ipsorumve alicujus Procuratione vel Instantiâ, capietur, arestabitur, incarcerabitur, vel detinebitur, nec Subditorum dicti Magistri Generalis, vel successorum suorum, seu alicujus eorumdem Bona capiantur, arestentur, vel detineantur.
Item, Condictum est & Concordatum quòd, si contingat aliquem Ligeum vel Subditum dicti Magistri Generalis, & Successorum suorum, contra Formam Concordiae & Concessionis proximò praescriptarum, gravari vel dampnificari, quòd tunc Dominus Rex antedictus, & Successores sui Reges Angliae, pro omni Dampno, quod Subditi dicti Magistri Generalis, vel Successorum suorum, ea de causa injustè sustinuerint, vel aliquis eorum sustinuerit, plenariè Dampnificato satisfacere teneantur,
Quod si Dominus Rex antedictus, vel Successores sui in Regno Angliae, congruè per Literas dicti Magistri Generalis, aut Successorum suorum requisiti, facere recusaverint, extunc, post lapsum Sex Mensium, a tempore Requisitionis hujusmodi, proximò sequentium, benè liceat, praefato Magistro Generali, qui est, & qui erit pro tempore, factâ primitùs fide oportunâ de Requisitione hujusmodi, tanta Bona Subditorum dicti Domini Regis, in Terra Pruciae reperta, arestare, quae sufficere poterunt ad congruas Satisfactionem & Emendam indebitè in hac parte Gravatorum vel Gravati, & ea sub Aresto detinere, quousque condigna hujusmodi Gravatis vel gravato Satisfactio fiat & emenda.
Item, per Commissarios & Procuratores saepefatos, Concordatum, Promissum, & Concessum existit quòd, pro omnibus & singulis Dampnis, Gravaminibus, & Depraedationibus, dicto Magistro Generali, & ipsius Subditis quibuscumque, tàm Prucenis, quàm Lyvoniensibus, ac caeteris omnibus, qui tempore Dampnorum, Gravaminum, & Depraedationum praedictorum, dicti Magistri Generalis Subditi fuerunt, vel sunt de praesenti, per dicti Domini Regis Ligeos & Subditos, ante Datam Praesentium, quomodocumque factis & illatis,
Salvis semper Dampnis & Gravaminibus aliquibus dicti Magistri Generalis Subditis, ante Datam Praesentium, per dicti Domini Regis Ligeos & Subditos, specialiter illis de Prueia illatis, in quibusdam aliis Literis Indentatis, per Nos, & inter Nos, Procuratores & Nuncios praenominatos, Confectis & Sigillatis, quae sunt de Data, in Civitate Londoniae in Anglia Quarto Die Decembris anno Domini Millesimo Quadringentesimo Nono, nominatis & specificatis,
Dicto Magistro Generali, aut ipsius Successoribus, per dictum Dominum Regem, aut suos Successores, in plenam Satisfactionem dictorum Dampnorum, Gravaminum, & Depraedationum, Prucenis, & Lyvoniensibus, ac caeteris aliis, de quibus praemittitur, illatorum, solvi debent nonnullae Pecuniarum Summae, prout in Literis Obligatoriis ipsius Domini Regis, in hac par te factis, ac eisdem Procuratoribus & Nunciis dicti Magistri Generalis traditis & liberatis, plenius continetur.
Item, Concordatum, Concessum, atque Promissum est quòd nullus Ligeus vel Subditus dicti Domini Regis, vel Haeredum suorum, ratione vel occasione Dampnorum, Gravaminum, & Depraedationum praedictorum, per Magistrum Generalem antedictum, vel ipsius Successores, aut eorum Jussu vel Mandato, aut per alium quemcumque qui, occasione vel causâ Dampnorum, Gravaminum, & Depraedationum, de quibus superuis memoratur, offensus
fuerit vel Dampnificatus, aut per eorum Procurationem vel instantiam capietur, arestabitur, incarcerabitur, vel detinebitur, nec Subditorum Domini Regis Antedicti, vel Haeredum suorum, nec alicujus Bona earumdem capientur, arrestabuntur, vel detinebuntur,
Reservato etiam semper praenominato Magistro Generali, & ipsius Successoribus, omni Jure ac Remedio, eis, per obligationes (de quibus praemittitur) quovismodo quaesitis & competentibus.
Item, Condictum est & Concordatum quòd si contingat aliquem Ligeum vel Subditum dicti Domini Regis, Haeredum aut Successorum suorum, contra Formam concordiae & Concessionis proximò praescriptarum, gravari vel Dampnificari, quòd tunc dictus Magister Generalis, & Successores sui pro omni Dampno, quod Ligei vel Subditi praedicti Domini Regis, Haeredum vel Successorum suorum, ea de causa, injustè sustinuerint, vel eorum aliquis sustinuerit, plenariè Dampnificato Satisfacere teneantur,
Quod si Magister Generalis antedictus aut Successores sui, congruè per Literas dicti Regis, vel Haeredum suorum requisiti, facere recusaverint, extunc post lapsum sex Mensium, a tempore Requisitionis hujusmodi, proximò sequentium, benè liceat praefato Domino Regi, qui est, & qui erit pro tempore, factâ primitus fide oportunâ de Requisitione hujusmodi, tanta Bona Subditorum dicti Magistri Generalis in Regno Angliae reperta, arestare, quae sufficere poterunt ad congruas Satisfactionem & Emendam indebitè in hac parte Gravatorum vel Gravati, & ea sub Aresto salvo detinere quousque condigna hujusmodi Gravatis vel Gravato Satisfactio fiat & Emenda.
In quorum omnium Testimonium atque fidem praesentibus Literis Indentatis, penes praescriptos Ricardum Merlowe, Johannem Kyngton, & Willielmum Askam, pro Parte Angliae, remanentibus, dicti Tedericus, Lyfardus, & Johannes Crolowe, ex ipsorum certis Scientiis, Sigilla apposuerunt.
Dat. in Civitate Londoniae in Anglia, Quarto die Decembris, Anno Domini Millesimo Quadringentesimo Nono.
Praedictarum igitur Unionis & Concordiae Foederaque Pacis votivae appunctuata, Collaudata, Sopita, & Terminata,
Prout in omnibus suis Clausulis & Punctis per utriusque Patris Procuratores & Deputatos antedictos, plenam Potestatem ad hoc habentes, ordinata, condicta, statuta sunt & promissa,
Nos, Frater Henricus, Magister Generalis antedictus, de Consilio Venerabilium Fratrum nostrorum Concilii nostri, Grata, Rata recepimus & habuimus pariter & Accepta,
Eaque juxta eorum Continentias & Tenores, cum omnibus eorumdem Emergentibus, Incidentibus, Dependentibus, Connexis, pro Nobis & Ordine nostro Approbamus, Ratificamus, & Tenore Praesentium, firmissimè Tenenda, inviolabiterque & bonâ fide observanda, Confirmamus,
Nec aliquid procurabimus aut faciemus, directè vel indirectè, secretè vel occultè, seu aliàs quovis quaesito colore, per quod Tractata, Conventa, Statuta, Promissa, Reformata, Finita, Terminata, & Concessa hujusmodi effectu debito frustrari poterunt quomodolibet seu impediri.
In evidens testimonium omnium Praemissorum Sigillum Ordinis nostri praesentibus est appensum.
Dat. in Castro nostro Maienerburgh, Vicesima Quarta die Mensis Decembris, Anno Domini Millesimo Quadringentesimo Decimo.
Nos autem, Appunctuata praedicta, ac omnia alia Praemissa, juxta eorum Continentias & Tenores, cum omnibus eorum Emergentibus, Incidentibus, Dependentibus & Connexis, Rata habentes & Grata, ea pro Parte nostra Approbamus, Ratificamus, & Tenore Praesentium, firmissimè tenenda, inviolabiliterque & bona fide observanda, Confirmamus,
Nec aliquid Procurabimus aut faciemus, directè vel indirectè, secretè vel occultè, seu aliàs quovis quaesito Colore, per quod Tractata, Conventa, Statuta, Promissa, Reformata, Finita, Terminata, & Concessa hujusmodi effectu debito frustrari poterunt quomodolibet seu impediri.
In cujus rei Testimonium has Literas nostras Patentes fieri & Magni Sigilli nostri munimine fecimus roborari.
Dat. in Palatio nostro Westm. xxiv die Maii.
Per Breve de Privato Sigillo. |
Dec. 27. Safe conduct for Helias Sabot, a Hebrew, of "Boleyne la Crase," doctor of medicine, to come to England, to practise medicine in any part of the realm. Westm.
O. viii. 667. H. iv. p. i. 184. |
Pro Elia Sabot Hebrewe, Medicinarum Doctore.
An. 12. H. 4. Franc. 12. H. 4. m. 28.
Rex, per Literas suas Patentes, per Biennium proximò futurum duraturas, suscepit in salvum & securum Conductum suum, Magistrum Heliam Sabot Hebrewe de Boleyne la Crase Doctorem in Artibus Medicinarum, in Regnum Regis Angliae, cum Decem Hominibus Servientibus suis Equitibus, in Comitiva sua, ac Bonis & Hernesiis, & Rebus suis quibuscumque, veniendo, ibidem morando & perhendinando, ac Scientiam sive Misteram praedictam, in quacumque parte jeusdem Regni Regis sibi placuerit, utendo & excercendo, absque perturbatione vel impedimento Ministrorum seu Officiariorum Regis quorumcumque;
Ita semper quòd praedictus Helias ac Servientes sui praedicti, ante introitum suum aliquorum Castrorum Regis, Fortalitiorum, seu Villarum firmatarum, praesentes Literas Regis de salvo Conductu Capitaneis, Majoribus, aut Custodibus eorumdem, primitùs demonstrent,
Quódque nullae Personarum praedictarum Proditores Regis, vel Gentes extra Regnum Regis praedictum Abjudicatae seu Bannitae non existant.
Teste Rege apud Westmonasterium, xxvij die Decembris.
Per Billam de Privato Sigillo. |
1410. [Dec. 27]. Safe conduct for the bp. of "Seint Biriok" [S. Brien], chancellor of Brittany, and John Kneen of Brittany.
O. viii. 667. H. iv. p. i. 184. |
Pro Cancellario Britanniae.
An. 12. H. 4. Ibid.
Rex, per Literas suas Patentes, usque Festum Paschae proximò futurum duraturas, suscepit in salvum & securum Conductum suum, Venerabilem in Christo Patrem, Episcopum de Seint Biriok, Cancellarium Britanniae, Johannem Kneen de Britannia Armigerum, & decem & octo Homines Equites in Comitiva sua, in Regnum Regis Angliae, veniendo, ibidem morando, & perhendinando, & ad libitum suum versus Partes suas proprias redeundo, absque perturbatione quacumque;
Ita semper quòd iidem, Episcopus, & Johannes, ac Homines praedicti, ante introitum suum &c. ut supra.
Teste ut supra.
Per Billam de Privato Sigillo. |
