|
| Syllabus Entry |
Foedera Text |
1477. Jan. 30. Commission to Clarenceux king-of-arms to treat with Cristiern K. of Denmark concerning a diet to be held for the settlement of differences. Westm.
O. xii. 39. H. v. p. iii. 74. |
Super Amicitia cum Rege Daciae Resolidanda.
An. 16. E. 4. Franc. 16. E. 4. m. 4.
Rex omnibus, ad quos &c. Salutem.
Cùm, inter caetera, jam ultima Aestate, inter Nos & Serenissimum Principem Cristiernum, Dei gratiâ, Daciae, Sweciae, Norwegiae, &c. Regem, pro medio Reconsolidandae inter Nos & nostra hincindè Regna Pacis & Amicitiae, Tractata pariter & Concordata, Dictum Appunctuatum & Conclusum extiterit quòd, infra Biennium, a Mense Junii ultimò transacti proximò secuturum, debeat certa DIETA teneri pariter & observari, inter Commissarios & Oratores tàm suos quàm nostros, talibus Loco & Tempore de quibus inter Nos invicem poterit concordari, ad finem ut Commissarii & Oratores hujusmodi, adhibitis, si oporteat, aliis Principibus Amicis utriusque Partis, omnia & singula, post & contra Confoederationem praedictam quomodolibet acta, Audiant, Examinent, Judicent, Reforment, atque Differentias & Causas praedictas in Amicitiâ aut Jure Terminent, ac perpetuo Scilentio finiant, Confoederationemque praedictam Renovent, Resolident, ac in pristinos Punctos Reducant atque contineuent, prout rationi consonum ac ipsis visum fuerit expedire,
Nos,
Volentes Dietam illam speratum per omnia sortiri effectum,
De Fidelitate & Discretione Dilecti & Fidelis Servitoris & Heraldi nostri Clarenceux Armorum Regis plenè confidentes,
Ordinavimus & Deputavimus eundem ad se Transportandum versus dictum Serenissimum Principem Daciae Regem,
Dedimusque & Damus eidem Potestatem generalem & Mandatum speciale, Nomine nostro, cum ipso Rege Daciae, seu ipsius Commissariis & Deputatis quibuscumque, in certum Locum ubi Dieta illa celebrari & teneri, & quo Die incipere debeat, ac eujus Statûs seu Conditionis Personae ab utraque Parte hincinde ad illam Transmittendae sint, deque aliis Rebus & Circumstantiis in hoc casu necessariis, Tractandi, Communicandi, Concordandi pariter & Concludendi,
Caeteraque Faciendi, Excercendi, & Expediendi quae in Praemissis necessaria
fuerint seu quomodolibet oportuna, etiam si de se Mandatum magis exigerent speciale;
Promittentes, bonâ Fide & in Verbo Regio, Nos Ratum, Gratum, & Firmum habituros quicquid dictus Clarenceux Nomine nostro Tractaverit, Concordaverit, seu Concluserit in Praemissis, atque id omne debitè executurum, juxta formam & modum Tractatûs & Concordiae, quam Nobis autenticè exhiberi contigerit in hac parte.
In cujus &c.
Teste Rege apud Westmonasterium, tricesimo die Januarii.
Per ipsum Regem. |
Jan. 31. Commission of James K. of Scotland to Archibald abbot of Holyrood, treasurer, William Scheves, archdean of St. Andrew's, and three others, to receive 2,000 marks due from the K. as the dower of the lady Cecilia. Edinburgh.
O. xi. 40. H. v. p. iii. 75. |
Super Dote Ceciliae, Filiae Regis, solvenda, Procuratorium Regis Scotorum.
An. 16. E. 4. Ex Autogr.
James, be the Grace of God, King of Scottis, to all and sundri quham it efferis, quhas knaulage this oure Letterz sal cum, Greting.
Wit Ze Ws to have Depute and Ordanit, and be thir oure Letterz Deputis and Ordanis, a Venerable Fadir in God oure Traiste Counsaloure and Thesaurare Archibald Abbot of Halirudehouse, and oure Lovectis Clerk Maister Wilzame Scheves Archdene and Coadjutoure of Sanct Andros and Vicare Generale of the samyn, Maister Alexander Murray Persone of Hawik Directoure of oure Chancellary and Channon of Murray, Sir David Luthirdale Archdene of Dunkeld, and James Allirdes Archdene of Murray and Channon of Glasgw, or thre of thame conjunctly (oure said Thesaurare being ane) oure speciale Commissaris,
Gevand and Grantand to the saide Archibald, Wilzame, Alexander, David, and James oure Commissaris, or Thre of thame, as saide is, conjunctly oure full Power and speciale Mandment to pas to the Kirk of Sanct Gile, within oure Burgh of Edinburgh, the Third Day of February next to cum, or ony uthir Day or Place sene spedefull to thame, and to Ressave, in oure Name, for a Maist Excellent Prince oure Derrest Cousing Edwarde King of Ingland, or ony uthir Persone send fra him, in his Name, having Power, the Some of Twa Thowsand Markes Inglis of the Gude and usuale Money of the Realme of Ingland, aucht to Ws be oure saide Derrest Cousing at the saide Daye, in Parte of Payment of the Soume of Twenty Thowsand Mark Inglis of the saide Money, for cause of Matermonze and Tothir betwix a Noble and Worthi Prince oure Derrest and anerly Sone James Duc of Rothissaye, Erle of Carrik, and Lord of Cunynghame, and a Ritht Noble and Wourthi Princesse Cecile the Third Dothtir of oure saide Derrest Cousing the King of Ingland, as into the Indenturis, made betuix oure saide Derrest Cousing and Ws thareuppon, mare planely is contenit,
And, estir the Ressate of the saide Soume of Twa Thowsand Mark Inglis, to deliver our Quittance yeruppon, undir our Grete Sele, to the saide oure Derrest Cousing, or to quham he sendis Deliverarie thareof,
And all uthir and sundri thingis to Do and Exerce, that to the Ressate of the saide Soume sal be sene expedient to thame, Halding and for to Hald ferme and stable all and quhatsuevir thing oure saide Commissaris, or Thre of thame conjunctly, as saide is, in the thingis above Writin, in oure Name Ledith to be Done.
In Witnes of the quhilk thing we have gert set oure Prive Sele to thir present Lettrez at Edinburgh, the last Day of Januare, the Zere of oure Lorde a Thowsand, Foure hundreth, Sevinty and six Zeris, and of oure Regnne the xvij Zere.
Per S. D. N. Regem.
Schevez.
James R.
Locus Sigilli. |
Feb. 2. James K. of Scotland sends Alexander lord Hume, Robert of Lawdir of Edringtone, Adam of Blachachtir of that ilk, and Lyon king-of-arms, to conduct the bearers of the above sum to Edinburgh. Edinburgh.
O. xii. 41. H. v. p. iii. 75. |
Pro Dote praetacta, de Salvo Conductu.
An. 16. E. 4. Ex Autogr.
James, be the Grace of God, King of Scottis til the Serviteurs of oure Derrast Bruthir the King of Inglande, Bringars of the Money autht to Ws be oure said Derrast Bruthir, of yis Terme of the Purification of oure Lady callit Candilmes, eftir the Forme, Tenour, and Effect of the Indentures maid betuix Him and Ws, Greting.
Wit Yhe Ws to have sende, for the traist siklier and souner Convoying and Keping of yhou in the Bringage of the said Money to Ws, oure Traist and Welebelovete Cousing Alexander Lord Hume, Robert of Lawdir of Edringtone Sonne and apperande Are til oure Lovete Robert of Lawdir of the Bass, and Adam of Blachachatir of that ilk,
Quhilks Persons, or ony Twa or One of thaim togidder, with oure Traist and Welbelovete Servitour Lyon King of Armes, we have Ordanit for zour said souner Convoying and Bringing of zow till Ws til Edinburgh, according to the forme of the saids Indentures,
And, as for Salfe Conduct, oure Conduct dormant wes deliverit, be oure said Servitour Lyon King of Armes, of oure Commaunde, to the Counstable of Norhame, ester the forme and tennour of ye sade Indentures, for the Convoying and souner Keping of the said Personnis, Bringaris of oure said Money, at the Termes contenit in the sammyn,
And therfor our will is that ze, togidder with the said Moneye, autht to Ws of the said Terme, put zow in the Convoying and Keping of the sade Persons, or ony Twa or Ane of thaim, oure Servitour Lyon King of Armes being present with thaim, or ony of thaim.
Gevin under oure Signet at Edinburgh, the Secunde Daye of the Moneth of Fabuary, the Zere of oure Lorde a Thowsand, Foure Hundreth, Sevinty and sex Zeres, and of oure Regne the xvii Zere.
James R.
Locus Sigilli. |
Feb. 3. Receipt by James K. of Scotland for the above-mentioned 2,000 marks from Alexander de Lye. Edinburgh.
O. xii. 41. H. v. p. iii. 75. |
Super dicta Dote, de Acquietantia.
An. 16. E. 4. Ex Autogr.
Jacobus, Dei gratiâ, Rex Scotorum, universis & singulis, ad quorum Notitias praesentes Litterae pervenerint, Salutem.
Sciatis Nos Recepisse ab Excellentissimo Principe Edwardo Rege Angliae Consanguineo nostro carissimo, per Manus Discreti & Magnae Prudentiae Clerici Magistri Alexandri de Lye dicti carissimi Consanguinei nostri Conciliarii, in Ecclesia beati Aegidii de Edinburgh, Tertio Die Mensis Februarii, Anno Domini Milesimo, Quadringentesimo, Septuagesimo Sexto, Summam Duorum Millium Marcarum bonae & legalis Monetae Angliae, in Partem Solutionis Summae Viginti Millium Marcarum ejusdem Monetae, de Tertio Termino Solutionis ejusdem, Nobis per praefatum Consanguineum nostrum carissimum, cum Illustri Principissâ Ceciliâ suâ Juniori Filiâ, Nomine Dotis & Causâ Matrimonii cum Illustri Principe Jacobo nostro Primogenito Haerede & Filio unico carissimo debitarum, prout in Indenturis, inter Nos & dictum Consanguineum nostrum carissimum indè confectis, latiùs continetur;
De quâ quidem Summâ Duorum Millium Marcarum Monetae praedictae, de Tertio Termino Solutionis ejusdem, ut praemittitur, fatemur Nos benè Pacatos Contentos & in Pecuniâ numeratâ Persolutos,
Et dictum Serenissimum Principem Edwardum Angliae Regem, suosque Haeredes & Successores, ac Regnum ejusdem, pro Nobis, Haeredibus, & Successoribus nostris, ac Regno nostro, de eâdem Summâ Duorum Millium Marcarum Quietos Clamamus & imperpetuum Exoneramus per Praesentes.
In cujus Rei Testimonium Magnum Sigillum nostrum praesentibus apponi fecimus apud Edinburgh, dicto Tertio Die Mensis Februarii, Anno Domini Millesimo, Quadringentesimo, Septuagesimo, sexto, & Regni nostri Decimo septimo.
Sign.
James.
Sub Sigillo Magno de cerâ albâ pendente a Caudâ Pergamenae. |
Feb. 24. Presentation of Thomas Ingleby, bp. of Rathluraigh [Episcopus Rathlurensis], to the church of Sutton Bonyngton in dioc. York. Westm.
O. xii. 42. H. v. p. iii. 75. |
De Praesentatione pro Episcopo Rathlurensi.
An. 16. E. 4. Pat. 16. E. 4. p. 2. m. 11.
Dilectus Clericus Regis, Frater Thomas Ingleby, Episcopus Rathlurensis, habet Literas Regis Patentes de Praesentatione ad Ecclesiam Parochialem de Sutton Bonyngton Eborum Dioecesis, Vacantem, & ad Regis Donationem spectantem,
Et Literae illae diriguntur Venerabili in Christo Patri L. eadem gratiâ, Archiepiscopo Eborum.
In cujus &c.
Teste Rege apud Westmonasterium, vicesimo quarto Die Februarii. |
March 31. Power for Richard Martin, archdeacon of London, and Thomas Langton to treat for a marriage between Edward prince of Wales and Isabel, daughter of Ferdinand and Isabel, K. and Q. of Castile. "Oburn."
O. xii. 42. H. v. p. iii. 76. |
De Comunicando & Tractando cum Rege Castellae.
An. 17. E. 4. Franc. 17. E. 4. m. 5.
Rex omnibus, ad quos &c. Salutem.
Cùm, in Animo nostro sit Confoederationes & Amicitias, quas cum Inclitissimis Domibus Castellae & Arragoniae habemus, Modis omnibus licitis & honestis augmentare,
De Fidelitate, Circumspectione, & Industriâ, Dilectorum & Fidelium nostrorum Consiliariorum, Magistrorum, Richardi Martin Licenciati in Decretis Archidiaconi Londoniae, ac Thomae Langton Decretorum Doctoris, plenè confidentes,
Ipsos nostros Oratores, Commissarios, & Procuratores Facimus, Ordinamus, & Constituimus per Praesentes,
Damusque & Concedimus eis & eorum utrique Potestatem generalem & Mandatum speciale, Nomine nostro, & pro Nobis, cum, Serenissimis & Excellentibus Principibus Consanguineis nostris Honoratissimis, Domino Ferdinando, Dei gratiâ, Castellae, Legionis, Siciliae, &c. Rege, Principe & Primogenito Aragonum, ac Dominâ Isabellâ Conjuge suâ Reginâ Regnorum praedictorum, seu Deputatis aut Deputandis ab eisdem, de & super Sponsalibus & Matrimonio inter Edwardum Primogenitum nostrum Principem Walliae, Ducem Cornubiae, & Comitem Cestriae, ex una Parte, ac Dominam Isabellam Filiam unicam dictorum Regis & Reginae, ex alterâ Parte, Dei adjutorio Contrahendis, Comunicandi, Tractandi, & Appunctuandi, Modos, Formas, & Conditiones, sub quibus res illa convenientiùs fieri & percipi possit, Concipiendi, Advisandi, & in Scriptis Redigendi, Conclusionem & Finem Negotii principalis hujusmodi, unà cum Modis, Formis, & Conditionibus memoratis, ad Nos Referendi & Remittendi, Legationem & Ambassiatam ab eisdem Principibus, pro Perfectione Praemissorum, ad Nos transmitti Procurandi, Petendi, & Obtinendi,
Caeteraque Faciendi, Exercendi, & Expediendi, quae in Praemissis necessaria fuerint seu quomodolibet oportuna;
Promittentes, bonâ fide & in Verbo Regio, habituros Nos Ratum & Gratum quicquid per ipsos Richardum & Thom. seu alterum ipsorum, Nomine nostro, Actum, Gestum, Dictum, Promissum, seu Procuratum fuerit in Praemissis, sub Ypotecâ & Obligatione omnium Bonorum nostrorum praesentium & futurorum.
In cujus &c.
Teste Rege apud Oburn. tricesimo primo Die Martii.
Per ipsum Regem. |
May 20. Power for sir John Donn, John Coke, and Lewis Bretell, to treat for an alliance with the ambassadors of the emperor, who are about to visit Margaret duchess of Burgundy. Westm.
O. xii. 42. H. v. p. iii. 76. |
De Tractando cum Oratoribus Imperatoris.
An. 17. E. 4. Ibid. m. 7.
Rex Omnibus ad quos &c. Salutem.
Cùm Illustrissima Princeps, Soror nostra carissima, Margareta Ducissa Burgundiae Nobis jamdudùm significaverit quòd certi Oratores, Gloriosissimi & Serenissimi Principis, Frederici Romanorum Imperatoris, ob certas Causas magnas & arduas ipsum Dominum Imperatorem moventes, ad Partes Flandriae cum omni celeritate transmitti deberent,
Quodque nonnulla, per eosdem Oratores in eorum Adventu ibidem proponenda, Regnum, Patrias, & Dominia nostra, tanquam ab olim ipsi Sacratissimo Imperio alligata, de verisimili concernere possent,
Volentes igitur cum dicto Domino Imperatore, non tàm Pacem & Amicitiam, superioribus Annis contractam, observare, quàm & eidem, omnibus modis licitis & oportunis, felicia, si oporteat, superaddere Incrementa,
De Fidelitatibus igitur, Circumspectionibus, & Industriis, Dilectorum & Fidelium nostrorum, Johannis Donn unius Militum pro Corpore nostro, & Magistri Johannis Coke Legum Doctoris, Consiliariorum nostrorum, ac Lodowici Bretell Armigeri & Familiaris nostri, pleniùs confidentes,
Ipsos nostros veros & indubitatos Oratores, Ambassiatores, Procuratores, Commissarios, & Nuncios speciales Facimus, Ordinamus, & Constituimus per Praesentes,
Damusque & Concedimus eisdem, Johanni, Johanni, & Lodowico, & Duobus eorum (quos Duos praefatos Johannem & Johannem esse volumus) Potestatem generalem & Mandatum speciale, pro Nobis & Nomine nostro, Oratores dicti Domini Imperatoris, si quid, quod Nos aut Dominia nostra praedicta tangere poterit, proponere velint, audiendi, & cum eisdem de & super Pace, Amicitiâ, Confoederatione, & Alligantiâ, quae inter Sacrum Imperium Romanum & Inclitum Regnum nostrum Angliae ab antiquo, ut praemittitur, initae & contractae fuerint, Tenendis, Observandis, & Augmentandis, deque aliis Incidentibus & Proponendis de novo, Comunicandi, Conferendi, Colloquendi, & Tractandi,
Deque Comunicatis, Collatis, Collocutis, & Tractatis hujusmodi Nos Advisandi & certiores Reddendi, ad finem ut super eisdem Deliberationem & Conclusionem, quae in hac parte consentaneae videbuntur, capere possimus,
Caeteraque Faciendi & Excercendi quae in Praemissis & ea concernentibus necessaria videbuntur seu quomodolibet oportuna,
In cujus &c.
Teste Rege apud Westmonasterium, vicesimo die Maii.
Per ipsum Regem. |
May 20. Protection for John abp. of Dublin. Westm.
O. xii. 43. H. v. p. iii. 76. |
Pro Archiepiscopo Dublinensi.
An. 17. E. 4. Pat. 17. E. 4. p. 1. m. 15.
Rex Omnibus, ad quos &c. Salutem.
Sciatis quòd,
Cùm laudabile sit & Regiae convenit Dignitati Subditos suos, praesertim illos qui non solum Bona sua set etiam Periculum Vitae & Membrorum suorum pro Jure Regni sui exposuerint & subicerint, a Pressuris, Dampnis, & Injuriis, praeservare,
Hinc est quòd Nos,
Bona & laudabilia Servitia, quae Venerabilis Pater Johannes Archiepiscopus Dublinensis Hiberniae Primas, neque Personae neque Facultatibus suis parcendo, Nobis ante haec tempora multipliciter impendit & impendere desiderat in futurum, considerantes,
Volentesque eundem Archiepiscopum, Nobis praedilectum, gratiosis Favoribus communire, ut quanto per Nos specialiùs sit Protectus, tanto Adversariorum suorum, ipsum inquietare volentium, quiescat & cesset Malitia,
De Gratiâ nostrâ speciali ac Praemissorum intuitu ipsum Archiepiscopum, ac omnia Terras & Tenementa, Res, Redditus, Dominia, & Possessiones sua, & Archiepiscopatûs sui sive Ecclesiae Dublinensis antedictae quaecumque in salvas & securas Protectionem, Tuitionem, & Defensionem nostras Suscepimus & per Praesentes Suscipimus speciales,
Et ulterius Volumus & Concedimus praefato Archiepiscopo, quòd ipse per Se, Officiarios, Ministros, & Servientes suos, in Temporalia Archiepiscopatûs sui & Ecclesiae suae praedictae, necnon quamlibet indè Parcellam, ac in Ecclesiarum & Praebendarum Advocationes & Collationes, per quoscumque Officiarios seu Ministros nostros, quae in Manus nostras quascumque ob Causas ante Datam Praesentium temporibus nostris seisita fuerint aut seisiri contigerit in futurum, ingredi & intrare, ac ea occupare, & Redditus, Exitus, Fructus, Emolumenta, & Proficua indè provenientia percipere, levare, & colligere, & ad Usum praefati Archiepiscopi, absque Impetitione, Molestatione, Perturbatione, Gravamine, vel Impedimento Nostri, Haeredum, Successorum, aut Officiariorum seu Ministrorum nostrorum quorumcumque, retinere valeat; & hoc absque aliquo Fine, seu Feodo, seu aliquo alio, Nobis aut Haeredibus nostris praedictis aliqualiter indè reddendo seu solvendo;
Dumtamen Temporalia praedicta ac alia Praemissa, ob altas Proditiones per ipsum Archiepiscopum perpetratas sive perpetrandas, unde Convictus fuerit, aut pro non faciendo Sectam & Servitium
Nobis debita & ab antiquo consueta, in Manus nostras Capta sive Seisita non existant.
In cujus &c.
Teste Rege apud Westmonasterium, vicesimo die Maii.
Per ipsum Regem. |
June 21. Commission to Edmund abp. of Armagh and Alfred Corneburgh to pacify the disputes amongst the lords of Ireland. Westm.
O. xii. 44. H. v. p. iii. 76. |
De Potestate commissa Archiepiscopo Armachanensi.
An. 17. E. 4. Pat. 17. E. 4. p. 2. m. 12.
Rex, Venerabili in Christo Patri Edmundo Archiepiscopo Armachanensi, ac Dilecto & Fideli nostro Alveredo Corneburgh Armigero pro Corpore nostro, Salutem.
Sciatis quòd, ut veraciter informamur, occasione particularium Litium, Discordiarum, & Contraversiarum, inter quosdam Dominos, Magnates, & Proceres in Dominio nostro Terrae nostrae Hiberniae, quamplures Riotae, Routae, Congregationes, & Conventicula illicita, in Pacis nostrae Laesionem & Perturbationem, ac Populi nostri Terrorem & Commotionem, indies facta sunt & perpetrata, & de verisimili, si imposterùm fieri permitterentur, Inconvenientiae inauditae exindè Prioribus pejores sunt secuturae,
Nos, Malis & Inconvenientiis, quae ex Praemissis prosequi possunt, providere volentes, ac de Fidelitatibus & providis Circumspectionibus vestris quamplurimùm confidentes, assignavimus vos ad vos de Litibus, Discordiis, & Contraversiis praedictis, omnibus viis, modis, & mediis quibus sciveritis, Informandum, & de eis debitè Perscrutandum, & Inquirendum,
Ac, Discordiis & Contraversiis illis per vos cognitis & intellectis, vobis plenam Potestatem & Auctoritatem Damus & Committimus quòd, vocatis vobis juxta discretionem vestram discretis & magis indifferentibus Personis Terrae nostrae praedictae, ad omnes & singulos Dominos, Magnates, & Proceres ejusdem Terrae, cujuscumque Statûs, Gradûs, seu Conditionis fuerint, inter quos aliquae particulares Lites, Debatae, Discordiae, & Contraversiae pendent & existunt, coram vobis Nomine nostro Evocandum, & eos super Praemissis Examinandum, & Querimonias suas Audiendum, & eas inter Partes praedictas Pacificandum & Determinandum, & quoscumque Contrarios in hac parte, si Casus exigerit, mediantibus hiis quae de Jure incurrere deberent, ad Pacificationem & Determinationem hujusmodi, Mediis debitis, Compellendum,
Et ad Nos & Concilium nostrum de toto Facto vestro in hac parte, ac de Nominibus omnium & singulorum, Mandatis & Injunctionibus, eis in hac parte Nomine nostro per vos faciendis & imponendis, Contradicentium & Inobedientium, & de eorum Factis & Gestibus, de tempore in tempus, debitè Certificandum, ut pro eorum Punitione in ea parte, in aliorum Exemplum taliter Delinquentium, providere possimus,
Et, in Casu quo Praemissa pacificare & finire non poteritis, assignavimus vos, ac vobis plenam Potestatem & Auctoritatem Damus & Committimus, ad hujusmodi Ordinationes & Directiones ac Mandata generalia & specialia in Praemissis faciendum & ordinandum, ac Injunctiones, juxta Discretiones vestras, quibuscumque, vobis in hac parte contrariis, Nomine nostro dandum & imponendum, nè ipsi nec eorum aliquis quicquam, quòd in nostri Contemptum aut Pacis nostrae Laesionem, aut Populi nostri Terrae nostrae praedictae Perturbationem, Molestationem, seu Inquietationem cedere valeat, attemptent aut attemptari praesumant quoquo modo,
Caeteraque omnia & singula, in ea parte necessaria & oportuna, Faciendum & Exequendum;
Et ideò &c.
Damus autem universis & singulis Dominis, Justiciariis, Majoribus, Praepositis, Vicecomitibus, ac aliis Officiariis & Ministris nostris Terrae nostrae praedictae (cujuscumque Statûs, Gradûs, seu Conditionis fuerint) ac aliis Fidelibus & Ligeis nostris ibidem, Tenore Praesentium, firmiter in Mandatis quòd vobis, in Executione Praemissorum, Intendentes sint, Assistentes, & Auxiliantes in omnibus diligenter.
In cujus &c.
Teste Rege apud Westmonasterium, vicesimo primo die Junii.
Per ipsum Regem. |
July 3. Grant to Edmund Connesburgh, abp. of Armagh, of the custody of the temporalities of the see. Westm.
O. xii. 45. H. v. p. iii. 76. |
Pro Archiepiscopo Armachanensi.
An. 17. E. 4. Pat. 17. E. 4. p. 1. m. 10.
Rex omnibus, ad quos &c. Salutem.
Sciatis quòd Nos, de Gratiâ nostrâ speciali, & ex certâ Scientiâ & mero Motu nostris, Concessimus & per Praesentes Concedimus Reverendo in Christo Patri Edmundo Connesburgh Archiepiscopo Armachanensi Custodiam omnium Temporalium Archiepiscopatûs praedicti, cum suis Pertinentiis, in Manibus nostris existentium,
Habendam & Possidendam eidem Archiepiscopo Custodiam praedictam, quamdiu in Manibus nostris remanere contigerint, absque aliquo Compoto seu aliquo alio indè Nobis Reddendo seu Solvendo.
In cujus &c.
Teste Rege apud Westmonasterium, tertio Die Julii.
Per ipsum Regem. |
July 5. Receipt for 25,000 crowns from Lewis K. of France. Westm.
O. xii. 45. H. v. p. iii. 77. |
Super Receptione Annuitatis Franciae.
An. 17. E. 4. Franc. 17. E. 4. m. 6.
Rex Universis, praesentes Literas nostras inspecturis, Salutem.
Sciatis Nos Recepisse & Habuisse, Die Confectionis Praesentium, ab Illustrissimo Principe Lodowico Franciae Consanguineo nostro carissimo, per Manus Willielmi Restout, Viginti & Quinque Millia Coronarum Auri, in Festo Paschae ultimò praeterito Nobis solvi debitarum, in Partem Solutionis Quinquaginta Millium Coronarum Auri annuatim Nobis solvendarum, prout in Literis superinde confectis pleniùs continetur;
De quibus quidem Viginti & Quinque Millibus Coronarum Auri fatemur Nobis fideliter esse Solutum, & eundem Consanguineum nostrum superinde fore Quietum.
In cujus &c.
Teste Rege apud Westmonasterium, Quinto Die Julii.
Per ipsum Regem. |
July 20. Power for Robert bp. of Bath and Wells, William bp. of Durham, William earl of Arundel, Henry earl of Essex, John lord Dudley, and seven others, to prorogue the truce with France, and to treat concerning mercantile intercourse. Westm.
O. xii. 45. H. v. p. iii. 77. |
De Tractando cum Ambassiatoribus Franciae.
An. 17. E. 4. Ibid. m. 2.
Rex Omnibus, ad quos &c. Salutem.
Sciatis quòd,
Cùm Illustrissimus Princeps Frater & Consanguineus noster carissimus Lodowicus Franciae suos Legatos, Oratores, sive Ambaxiatores (videlicet) Reverendissimum in Christo Patrem Guidonem Archiepiscopum Vienniae, Nobilesque Viros, Oliverum Gueryn Domicellum Dominum de Columbiers Praefectum Magistratui Hospitii, Magistrum Oliverum le Rous Dominum Belli Visûs Magistrum Ordinarium Compotorum, Johannem le Breton Generalem Monetarum Guerrarumque Thesaurarium, & Franciscum Texier Notarium & Secretarium suum, ad Nos nuperimè transmiserit, ejus Nomine Nobiscum, nostrisve cum Commissariis & Deputatis Tractaturos de & super Prorogatione Treugarum, inter Nos & eundem Fratrem & Consanguineum nostrum in Civitate Ambianensi novissimè initarum, atque verâ Aestimatione, & Valore, & Intercursu singularum Auri & Argenti tàm nostrarum quàm ejusdem Fratris & Consanguinei nostri Monetarum, super caeterisque Rebus & Materiis, eorum Legationis Munus concernentibus, facturos prout eâ in Parte eorum Potestas exigit & requirit,
Nos,
De Fidelitatibus, Industriis, Doctrinâ, & Experientiis, Reverendorum in Christo Patrum, Roberti Bathoniensis & Wellensis, & Willielmi Dunolmensis, Episcoporum, Praedilectorum Consanguineorum nostrorum, Willielmi Arundellae, & Henrici Essexiae, Comitum, necnon, Johannis Dudley Domini de Dudley, Johannis Dynham Domini de Dynham, Johannis Howard Domini de Howard, Baronum, Thomae Mongomery pro Corpore nostro Militis, Johannis Morton Legum Doctoris Rotulorum Cancellariae nostrae Custodis, Johannis Gunthrop Capellae nostrae Ecclesiaeque Cathedralis Wellensis Decani, Richardi Tunsall, & Johannis Wyngfeld, Militum,
Consiliariorum nostrorum, plurimùm confidentes,
Ipsos Commissarios, Procuratores, & Deputatos nostros Facimus, Constituimus, & Ordinamus per Praesentes,
Dantes & Concedentes eisdem Commissariis, Procuratoribus, & Deputatis nostris, Undecim, Decem, Novem, & Octo eorum, plenam Potestatem & Auctoritatem ac Mandatum generale & speciale, pro Nobis & Nomine nostro, cum ejusdem Serenissimi Principis Fratris & Consanguinei nostri Franciae Legatis, Oratoribus, sive Ambaxiatoribus antedictis, sufficientem Potestatem in hac parte habentibus, Conveniendi, Comunicandi, Tractandi, Componendi, Concludendi, & Terminandi, de & super dictarum Prorogatione, Continuatione, sive Extensione Treugarum & Guerrarum Abstinentiae, inter Nos & eundem Fratrem & Consanguineum nostrum Franciae in dictâ Civitate Ambianensi Conventarum, Initarum, & Conclusarum, quemadmodum in Literis indè confectis pleniùs continetur, quarum Data est Vicesimo nono Die Mensis Augusti, Anno Domini Millesimo, Quadringentesimo, Septuagesimo quinto,
Hujuscemodique Treugas ac Guerrarum Abstinentias, cum singulis in earum Capitulis inclusis, ac omnia in dictis Literis indè confectis contenta, ad Terminum Vitae nostrae & ipsius Fratris & Consanguinei nostri Franciae, & per unum Annum integrum post Mortem alterius nostrûm primò Decedentis, Extendendi, Continuandi, & Prorogandi,
Verumque Valorem & Aestimationem omnium & singularum Auri & Argenti tàm nostrarum quàm dicti Fratris & Consanguinei nostri Monetarum, atque debitum pro earum mutuo Intercursu Ordinem, caeteraque ipsas Monetas concernentia, ad nostra ipsiusque Fratris & Consanguinei nostri Comodum & Utilitatem, Determinandi, Statuendi, & Stabiliendi,
Necnon de & super Amicitiis, Intelligentiis, Mercimoniorum Intercursu, aliisque Rebus, nostri nostrorumve Subditorum, & dicti Fratris Consanguineique nostri ejusve Subditorum, antedictorumque Angliae & Franciae Regnorum, atque caeterarum Terrarum, Patriarum, & Dominiorum utriusque nostrûm, Commodum & Utilitatem quoquo Pacto concernentibus concernereve valentibus, prout eis Commissariis & Deputatis nostris & ejusdem Fratris & Consanguinei nostri Legatis antedictis meliùs videbitur expedire, Conveniendi, Componendi, atque Concludendi,
Literasque super omnibus & singulis, quae, vigore Praemissorum, per eos Conventa & Conclusa fuerint, Concedendi & realiter Tribuendi, consimilesque Literas ab eisdem Fratris & Consanguinei nostri Legatis Requirendi, Exigendi, & Recipiendi,
Caeteraque omnia & singula Faciendi, Excercendi, & Exequendi, quae circa Praemissa eorumve aliquod necessarium fuerit aut quomodolibet oportunum, etiam si talia forent quae de se Mandatum exigant magis speciale;
Promittentes Nos, bonâ Fide & in Verbo Regio, Ratum, Gratum, & Firmum pro perpetuo habituros totum & quicquid per dictos Commissarios, Procuratores, & Deputatos nostros, Undecim, Decem, Novem, Octove eorum, Actum, Gestum, seu Procuratum fuerit in Praemissis, seu aliquo Praemissorum, Literasque nostras Patentes, hujusmodi Ratificationem & Approbationem continentes, daturos cùm ad hoc fuerimus requisiti.
In cujus &c.
Teste Rege apud Westmonasterium, vicesimo Die Julii.
Per ipsum Regem. |
Oct. 25. The K. of England confirms the prorogation of the truce with France until one year after the death of one of the two kings, dated London, 21 July 1477. Westm.
O. xii. 46. H. v. p. iii. 77. |
Tractatus de Prorogatione Treugarum Confirmatio.
An. 17. E. 4. Franc. 21. E. 4. m. 13.
Rex universis, praesentes Literas inspecturis, Salutem.
Quanta Inclitissimis Angliae & Franciae Regnis, eorumque Subditis Guerrarum, Bellorum, atque Dissidiorum Turbines Dampna & Incommoda inflixerint, quantique utriusque Regni Principes & Populi dirâ Nece, proh dolor! occubuerunt, quibusve Calamitatibus omnis ipsorum Regnorum Status Lacessitus & Oppressus extiterit, ipsa, proh dolor! Experientia plus docuit quàm Literarum elementis exarari valeret.
Quorum Bellorum Acerbitatem Aeternus ipse Pacis Largitor suâ dignatus est Pietate sedare, & ad Felicitatis Statum reducere meliorem, cùm nuper Treugas, Bellorum quoque ac Guerrarum Abstinentias, inter Nos & Serenissimum Po-
tentissimumque Principem Fratrem & Consanguineum nostrum carissimum Regem Ludovicum Franciae, Regna nostra, nostrosque Subditos, jam ex Vicesima nona Die Mensis Augusti, Anno Domini Millesimo, Quadringentesimo, Septuagesimo quinto, tractari firmarique voluit & concludi,
Quae licet Treugae & Guerrarum Abstinentiae, ex Literis super hoc confectis, Septennio coartarentur, posteà tamen, missis ab ipso carissimo Fratre & Consanguineo nostro apud Nos & a Nobis apud ipsum hincindè Nunciis, fuit de ipsarum Treugarum uberiori & longiori Prorogatione Tractatum,
Nos autem,
Omnibus Nos accomodare & disponere cupientes quae ad Pacem Sedationemque Guerrarum, inter Nos & ipsum Serenissimum Fratrem & Consanguineum nostrum, & ad utriusque Angliae & Franciae Regnorum Utilitatem & Felicitatem, oportuna videbantur,
Nonnullos nostros Commissarios, Procuratores, & Deputatos Fecimus,
Qui a Nobis & per Patentes Literas nostras plenissimâ & sufficienti super hoc Commissione & Potestate suffulti, cum Legatis, Oratoribus, sive Ambassiatoribus praedicti Fratris & Consanguinei nostri carissimi, eâ Causâ ad Nos missis, praedictas Treugas & Guerrarum Abstinentias,
Quae inter Nos & praefatum Fratrem & Consanguineum nostrum, ex praedicta Vicesima nona Die Mensis Augusti, Anno Domini Millesimo, Quadringentesimo, Septuagesimo quinto, Tractatae & Conclusae pro Septem Annis dumtaxat extiterant,
Ad nostram & ipsius Fratris & Consanguinei nostri Vitam, & quamdiu Nos & Ipse ageremus in humanis, & per Unum Annum integrum post Obitum illius nostrûm qui primò decederet, Extenderunt, Continuârunt, & Prorogârunt,
Quemadmodum in Literis, super hoc per ipsos nostros & ipsius Fratris & Consanguinei nostri Deputatos hincindè confectis, in Civitate Londoniensi, Die Vicesimâ primâ Mensis Julii, Anno Domini Millesimo, Quadringentesimo, Septuagesimo septimo, pleniùs diffusiusque continetur,
Quarum Literarum (per Oratores, Procuratores, & Deputatos ipsius praefati Fratris ac Consanguinei nostri carissimi nostris Deputatis superius traditarum & Nobis redditarum) Tenor sequitur & est talis,
Universis & singulis, ad quorum Notitiam praesentes Literae pervenerint, Guido Archiepiscopus & Comes Viennae, Oliverus Guerun Domicellus Dominus de Columbiers Praefectus Magistratui Hospitii, Oliverus de Roux Dominus Belli Visûs Magister Ordinarius Compotorum, Johannes le Breton Generalis Monetarum, Consiliarii, & Franciscus Texier Notarius & Secretarius Cristianissimi ac Clarissimi Franciae Regis, Principis Metuendissimi, Domini nostri Suppremi, Oratores & Ambassiatores transmissi ad Serenissimum, Excellentissimum, Potentissimumque Principem Regem Angliae ejus Fratrem & Consanguineum carissimum, & ad Infrascripta Deputati, Salutem.
Sciatis quòd,
Cùm nonnulli, summae Prudentiae Viri Differtissimi, felicis Statûs Franciae & Angliae Regnorum Zelatores praecipui, maximoperè appetunt anhelántque Treugas, inter ipsorum Regnorum Principes non longè antea initas, pauloque post hac perituras, longiora ad tempora (nè Res eorum publica luctuosam Bellorum Calamitatibus Jacturam patiatur) Prorogari, ipsique Prorogationi assentire nostrum Principem saepenumerò interpellârunt,
Nos,
Ejusdem Cristianissimi Principis nostri Franciae Regis, eorum Interpellationibus inclinati, voto obtemperantes,
Pro eo, ejusque Nomine, Auctoritate ipsius, per suas Literas Patentes Nobis commissâ,
Quarum Tenor sequitur, & est talis,
Loys, par la grace de Dieu, Roy de France, a tous ceulx, qui ces presentes Lectours verront, Salut.
Come, puis n'aguiares, Treshault & Trespuissant Prince nostre Treschier & Tresame Frere & Cousyn, le Roy d'Engleterre ait envoie devers Nous acuns sez Notables Ambassadeurs, &, apres ce que les avons oyez, ayons commis aucuns Grans & Notables Parsonnages pour Besoigner avec eulx,
Et, en Comunequant sur plusieurs Matieres, ait este par entre eulx avise qui, pour le Bien & Prouffit des Deux Reaumes de France & d'Angleterre, & tous les Subgettes & Habitantes, il seroit bien expedient Proroguer la Treue d'entre Nous & nostre dit Frere & Cosyn le Roy d'Angleterre, qui est de Sept Ans (dont les Deux sont ja passes) durant le Cours de noz Vies, & jusques a ung An apres le Trespas du Primer decedant,
A ce qui l'Intelligence & bonne Amitee d'entre Nous puis estre de mieulx in mieulx continue, & que toute bonne & finable Paix, Amitee, & Communication de Merchandise se puis fair, excercer, & continuer entre les dites Deux Royaumes du France & d'Angleterre, au Bien & Augmentation de tout la Chouse publicque d'iceulx,
Pour les quelles Materes Tracter, Parler, Communequer, & Conclure, soit Besoingt Commettre, Ordonner, & Establir, de nostre Part, aucuns Parsonages Notables, & a Nos seures & feables,
Savoir fasons que Nous,
Bien acertennez des grans Sens, suffisans Loialte, Preudommis, bonne Conducte, Diligence, & Experience de, noz amees & feaulx Conseilliers, l'Arcevesque de Vienne, Oliver Gueryn Escuier Segneur de Colombiers nostre Maister d'Ostell, Maister Oliver le Roux Seigneur de Beauvoir Maistre ordinair de noz Comptes, Jehan le Breton General de noz Monnoyes & Tresorier des Guerres, Jehan Jouglet, & Francoys Texier nostre Notaire & Secretaire, & pour la grant Suertie & confiance que Nous avons de leurs Parsonnes,
A iceulx, ou aux Cinqe, Quatre, ou Trois d'eux in l'Absence des autres (dont vous l'Arcevesque de Vienne serres toutzjoures l'ung) avons Done & par la Teneur de ces Presentes Donons plaine Pouoir, Commission, Auctorite, & Mandement expres & especiall de vous Transporter par devers & a Parsonne de nostre Frere & Cosyn le Roy d'Angleterre,
Et avec luy, ou ces Commissaires & Deputes, tielx & in tiel Nombre qu'il lui plaira Commettre & Ordonner, Traicter, Parler, Adviser, Comuniquer, & Conclure, de & sur les dites Prorogation de Treus, bonnes Amitees, & Intelligences, & sur tous auters Choses, qui seront advises, d'un Partie & d'autre, estre honestes & utilles & prouffitables pour le Bien de Nous & de nostre dit Frere & Cosyn, & des dites Deux Royaumes de France & d'Angleterre, de la Communication & Entrecours de Merchandise, & de Bien, Prouffit, & Utillite de toutes les Subgettes & Habitans in iceulx Royaumes, & en toutz les autres Paiis, Terres, & Seigneuries de Nous & de nostre dit Frere & Cosin,
Et de ce, que parentre eulx serra Advise, Traicte, Parle, Comunicque, & Conclude, bailler & rescevoir, d'une Part & d'autre, Lectours bonnes & vailables en forme due & autentique & les meilleurs & pluis amples que fair se pourra;
Promettans, en bonne Foy & en Parolle de Roy, avoir & tenir Ferme, Estable, & Agreable tout ce que par nos ditz Ambaxadeurs, ou les Cinque, Quatre, ou Trois d'eulx, in l'absence dez autres (dont vous l'Arcevesque de Vienne serres tousjours l'ung come dit est) serra Fait, Parle, Communicque, Advise, & Conclude, touchant les Chouses desusdites & les Dependences, & en baillerons noz Lettres Patentes de Confirmation, Ratification, & Approbation si tost se deslors que requis en serons.
En Tesmoing de ce Nous avons signes ces dites Presentes de nostre Main, & a icelles fait mettre nostre Seal.
Done a Cambry, le Premier Jour de Juing, l'An de Grace Mille, Quatrecens, Soixante, Dix sept, & de nostre Reigne le xvj.
Cum, Reverendis in Christo Patribus, Roberto Bathoniensi & Wellensi, Willielmo Dunolmensi, Episcopis, Willielmo, Arundelliae, & Henrico, Essexiae, Comitibus, Johanne Dudley Domino de Dudley, Johanne Dynham Domino de Dynham, Johanne Howart Domino de Howart, Johanne Morton Rotulorum Cancellariae Angliae Custode, Johanne Gunthorp Capellae Regis Angliae & Ecclesiae Cathedralis Wellensis Decano, Ricardo Tunstall, & Johanne Wyngfeld, Militibus, Commissariis, Procuratoribus, & Deputatis dicti Serenissimi Regis Angliae ad Infrascripta per ipsius Literas,
Quarum Tenor sequitur, in haec verba,
Edwardus, Dei gratiâ, Rex Angliae & Franciae, & Dominus Hiberniae, omnibus, ad quos praesentes Literae pervenerint, Salutem.
Sciatis quòd,
Cùm, Illustrissimus Princeps Frater & Consanguineus noster, carissimus Lodovicus Franciae, suos Legatos, Oratores, sive Ambaxiatores (videlicet) Reverendissimum in Christo Patrem Guidonem Archiepiscopum Viennae, &c. prout supra in Literis Dat. 20 Julii, tunc sic,
Convenimus, Contraximus, & Conclusimus, & per Praesentes Convenimus, Contrahimus, & Concludimus quòd Treugae & Guerrarum Abstinentiae, per Septem Annos a tempore Inceptionis
earumdem duraturae, inter dictos Franciae & Angliae Principes, hiis superioribus Diebus, in Civitate Ambianensi conventae, initae, & conclusae (quemadmodum in Literis, indè confectis, quarum Data est Vicesimo nono Die Mensis Augusti, Anno Domini Millesimo, Quadringentesimo, Septuagesimo quinto, pleniùs continetur) ad ipsorum Principum Vitam, & unum Annum post Mortem alterius ipsorum primò Decedentis, Extendantur, Continuentur, & Prorogentur,
Sicque easdem Treugas & Guerrarum Abstinentias ad dictorum Principum Vitam, & per unum Annum integrum post Mortem alterius ipsorum primò Decedentis, Auctoritate Nobis in hac parte commissâ, Extendimus, Continuamus, & Prorogamus,
Ita quòd hujusmodi Treugae & Guerrarum Abstinentiae, cum singulis in earum Capitulis Contentis & Interclusis, inter Christianissimum Regem nostrum Franciae & Serenissimum Principem Regem Angliae Fratrem & Consanguineum suum antedictum, Subditos, Vassallos, Patrias, & Dominia sua, atque Alligatos & Confoederatos utriusque eorum, necnon Franciae & Angliae Regna, a Data Praesentium, ad Terminum Vitae ipsius Regis Franciae & Fratris atque Consanguinei sui Angliae antedicti, & per unum Annum integrum post Mortem alterius eorum primo Decedentis, in omnibus & per omnia, & sub eisdem Modo & Formâ prout in antedictis Literis continetur, Durent, Extendantur, & Prorogentur;
Sic tamen quòd uterque dictorum Franciae & Angliae Principum suos Alligatos & Confoederatos, in dictis Treugis in Civitate Ambianensi aliàs specificatos (si quos eorum in hiis Treugis prorogatis Comprehendendos nominare voluerit) infra Quatuor Menses, praesentium Literarùm Datam proximò sequentes, ipsorum alteri Principum nominabit; & ipsi Alligati & Confoederati, sic nominati (si in hiis Treugis prorogatis Comprehendi voluerint) Principi, cum quo confoederentur, in eisdem Treugis se Comprehendi velle declarabunt, & idem Princeps, cùm sic declaratur, alteri Principi, infra Decem Menses Praesentium Datam proximò sequentes, referet & notificabit,
Eâ verò Modificatione adhibitâ, quòd ipsarum praefatarum Obligatio Treugarum & Guerrarum Abstinentiarum, in Civitate Ambianensi inter dictos Principes, ut praemittitur, conclusarum, hac earum Prorogatione minimè tollatur innovetúrve, set suo in Robore, secundùm dictarum Literarum, superindè confectarum, Tenorem, maneat, & effectum.
Insuper Promittimus, & eundem Cristianissimum Principem nostrum Franciae Regem per Praesentes, Potestate, ut praemittitur, Nobis commissâ, Obligamus quòd idem Princeps noster omnia & singula Praemissa Ratificabit, Auctorizabit, & Confirmabit, eáque realiter & cum effectu exequetur & faciet quae Praemissorum Tenor exigit & requirit, suasque Literas Patentes, superindè debitè confectas, Magno ejus Sigillo munitas, Illustrissimo Principi Fratri & Consanguineo Regi Angliae antedicto, cùm ad hoc requisitus fuerit, deliberabit deliberarive faciet; salvis aliis Pactionibus, Conventionibus, Confoederationibus, Amicitiis, Intelligentiis, Promissionibus, Obligationibus quibuscumque, inter nostrum Principem Franciae Regem ejusque Fratrem & Consanguineum Angliae antedictum, Nominibusve eorum, antea initis.
In quorum omnium & singulorum Praemissorum Fidem & Testimonium hiis praesentibus, Manibus propriis subscriptis, Sigilla nostra apposuimus.
Datum in Civitate Londoniarum Die Vicesimâ primâ Mensis Julii, Anno Domini Millesimo Quadringentesimo, Septuagesimo septimo.
Et,
Licet hanc Treugarum, pro nostrâ & ipsius Consanguinei nostri Virâ, & uno Anno post Obitum illius nostrûm qui primò decesserit, Prorogationem, per nostros Deputatos superius nominatos sic factam, nos semper Firmam, Gratam, & Ratam tenuerimus & habuerimus, teneamúsque & habeamus,
Nè tamen Pacis & Generis Humani Inimici Fraudibus, ac etiam nostrorum & praedicti Fratris & Consanguinei nostri Aemulorum Susurrationibus, quicquam contra harum Treugarum & Abstinentiae Guerrarum Prorogationem moliri valeat, & ut omnia majori & securiori Firmitate laetentur,
Multi Magnates, & Proceres, utriusque Regni Pacis Zelatores, Spiritu Sancto, ut arbitramur, inspirante, virtuosâ Sollicitudine, apud Nos & praedictum Consanguineum nostrum, pluribus Suasionibus, interpellârunt ut, ad Tollendum omnium rerum quae obici possent Ambiguitatem, praedicta Treugarum Prorogatio iterùm a Nobis & praedicto Consanguineo nostro ratificaretur & confirmaretur,
Ad quam Ratificationem & Confirmationem praedictae Prorogationis Treugarum faciendas Assensum praebuimus.
Notum igitur facimus quòd Nos,
Excellentiâ & strenuitate Virtutum, quibus ipse Serenissimus & Potentissimus Princeps Frater & Consanguineus noster carissimus Ludovicus Franciae, inter caeteros Orbis Principes, Famâ & Rerum Claritate refulget, allecti,
Nichil Nobis conspicientes esse commodius aut desiderabilius quàm pro utriusque nostrûm Vitae Termino sub quieta invicem Pace & Tranquillitate versari, Utilitatem etiam atque Felicitatem Regnorum & Subditorum nostrorum, Commerciorúmque & Mercanciarum inter eos Communicationes & Concursus, ex cordis medullis visceraliter affectantes,
Ipsam Treugarum & Abstinentiae Guerrarum Extension em & Prorogationem, per praedictum Bathoniensem Episcopum aliosque nostros Commissarios & Deputatos superiùs nominatos, ad nostram & ipsius Fratris & Consanguinei nostri Vitam, & quamdiu vixerimus in humanis, & ad unum Annum integrum post Obitum illius nostrûm qui primò decesserit, cum praelibati Fratris & Consanguinei nostri Oratoribus, Procuratoribus, & Deputatis factam, tractatam, & conclusam, prout in superius insertis Literis, in Civitate Londoniarum, Vicesimâ primâ Die Mensis Julii, Anno Domini Millesimo, Quadringentesimo, Septuagesimo septimo, pleniùs continetur, sine tamen aliquâ ipsarum Literarum Innovatione, Laudavimus, Approbavimus, Confirmavimus, & Ratificavimus, Laudamusque, Ratificamus, & Confirmamus per Praesentes,
Promittentes, bonâ fide & in Verbo Regio, & sub Obligatione & Ypothecâ omnium & singulorum Bonorum nostrorum, omnia & singula, in praedictis Literis Prorogationis & Extensionis Treugarum, per praenominatos Deputatos nostros Acta, Tractata, & Concordata, inviolabiliter tenere & observare, tenerique & observari facere, omni dolo, fraude, & fallaciâ penitùs cessantibus.
Quod ut firmum & stabile perpetuò perseveret, nostrum Magnum Praesentibus fecimus apponi Sigillum.
In cujus &c.
Teste Rege apud Westmonasterium, vicesimo quinto Die Octobris.
Per ipsum Regem. |
Nov. 30. Power for John lord Howard, sir Richard Tunstall, and Thomas Langton to treat with the K. of France. Westm.
O. xii. 50. H. v. p. iii. 79. |
De Ambassiatoribus missis ad Ludovicum Franciae.
An. 17. E. 4. Franc. 17. E. 4. m. 4.
Rex Omnibus, ad quos &c. Salutem.
Sciatis quòd,
Cùm Pax ipsa non modò Dulcis set ipsius Nomen Blandum est & Suave, tamen Res ipsa Salutaris, nam hâc Agri Urbésque, hâc Res privatae, hâc publicae, hâc denique Regna constituuntur & conservantur, unde unicuique Civitati & Regno Pax amabilis & jocunda esse deberet,
Nos,
Volentes Christianae Religionis Cultum, Foedera, Treugas, Guerrarum Abstinentias, Ligas, & Amicitias, inter Nos & Principem Illustrissimum Lodowicum Franciae Consanguineum nostrum Carissimum inita & conclusa, nullaque Aetate nostri Defectu peritura, inconcussè servari,
De Fidelitatibus & providis Circumspectionibus, Dilectorum & Fidelium nostrorum, Johannis Howard Militis Domini de Howard, Richardi Tunstall Militis, & Magistri Thomae Langton Decretorum & Theologiae Doctoris, Consiliariorum nostrorum, pleniùs confidentes,
Ipsos nostros veros & Indubitatos Ambassiatores, Oratores, & Commissarios speciales Assignamus, Ordinamus, & Constituimus per Praesentes,
Dantes & Concedentes eisdem Ambassiatoribus, Oratoribus, & Commissariis nostris plenam Potestatem & Auctoritatem ac Mandatum speciale se ad Illustrissimum Principem Lodowicum Franciae Consanguineum nostrum Carissimum antedictum Transferendi.
Et cum eodem, ejúsve Commissariis, Procuratoribus, sive Deputatis, sufficientem Potestatem in hac parte habentibus, de & super quibuscumque Rebus, Materiis, & Negotiis, ipsum Consanguineum nostrum & Nos, ac Bonum & Utilitatem Statûs nostri, atque ejusdem Consanguinei nostri, necnon Regnorum, Patriarum, Dominiorum, & Subditorum nostrorum quorumcumque, & utriusque nostrûm, qualitercumque concernentibus, Comunicandi & Tractandi.
Ipsaque, sic Comunicata & Tractata, Audiendi, Nobisque Referendi,
Caeteráque omnia & singula, in Praemissis requisita & oportuna, Faciendi, Excercendi, & Exequendi,
In cujus &c.
Teste Rege apud Westmonasterium, tricesimo Die Novembris.
Per ipsum Regem. |
