|
| Syllabus Entry |
Foedera Text |
July 23. Commission to Antony earl of Ryvers, John Sapcots, esquire of the K.'s body, and William Slefield, one of the K.'s secretaries, to treat for truce and alliance with Francis duke of Brittany. Westm.
O. xi. 760. H. v. p. iii. 23. |
De Communicando cum Duce Britanniae.
An. 12. E. 4. Ibid. m. 14.
Rex Omnibus ad quos &c. Salutem.
Sciatis quòd Nos,
De Fidelitatibus, Industriis, & providis Circumspectionibus carissimi Consanguinei nostri Antonii Comitis de Ryvers, ac, Dilectorum & fidelium nostrorum, Johannis Sapcots Armigeri pro Corpore nostro, & Willielmi Slefeld unius Secretariorum nostrorum, quamplurimùm confidentes,
Ipsos nostros veros & indubitatos Ambassiatores, Oratores, & Commissarios speciales Ordinavimus & Constitutimus,
Dantes & Concedentes eisdem Ambassiatoribus, Oratoribus, & Commissariis, & Duobus eorum (quorum praefatum Comitem unum esse volumus) plenam Potestatem, & Auctoritatem, ac Mandatum generale & speciale, cum carissimo Consanguineo nostro Francisco Duce Britanniae, seu ejus Ambassiatoribus, Oratoribus, Commissionariis sufficientem Potestatem & Auctoritatem, ab eodem Duce ad hoc habentibus, Conveniendi, Communicandi, Tractandi, Concordandi, Componendi, & Appunctuandi, ac plenariè & integrè Determinandi, & finaliter Concludendi, de & super omnibus & omnimodis Treugis, Ligis, Alligantiis, Confoederationibus, Pactionibus, mutuis Auxiliis & Promissionibus, inter Nos & Haeredes & Successores nostros, ac Regna & Dominia nostra, ac Subditos, Alligatos, & Confoederatos nostros, & alios Nobis Adhaerentes quoscumque, & dictum Ducem, Haeredes & Successores suos, atque Loca & Dominia sua, Subditos & Alligatos suos, & sibi Adhaerentes, ineundis, capiendis, & habendis,
Universaque singula, quae inter eos in Praemissis seu eorum aliquo appunctuata, conventa, conclusa, & concordata fuerint, roborandi & assecurandi per Fidei interpositionem & Juramentum in Animam nostram praestandum,
Ac de & super omnibus & singulis Praemissis, & Dependentiis ab eisdem, omnes & omnimodas Securitates, Cautiones, Promissa, Obligationes, ac Literas sigillatas Concedendi, Faciendi, & Expediendi, prout eisdem Ambassiatoribus, Oratoribus, & Commissionariis nostris & Duobus eorum (quorum praefatum Comitem unum esse volumus) videbitur expedire; quae talem tantamque Vim, Auctoritatem, & Effectum volumus realiter obtinere, ac si ea in propria Persona fecissemus,
Caeteraque omnia & singula, quae in Praemissis necessaria fuerint seu quomodolibet oportuna, Faciendi & Exequendi;
Promittentes, bonâ Fide & in Verbo Regio, Nos Ratum, Gratum, & Firmum pro perpetuo habituros totum & quicquid per dictos Ambassiatores, Oratores, Commissarios, & Duos eorum (quorum praefatum Comitem unum esse volumus) Actum, Gestum, seu Procuratum fuerit in Praemissis, seu aliquo Praemissorum.
In cujus &c.
Teste Rege apud Westmonasterium, vicesimo tertio die Julii.
Per ipsum Regem. |
July 28. Grant of the lordship, castle, and town of la Sparre to Galliard de Dureford, lord of Duras and Blanquefort. Westm.
O. xi. 761. H. v. p. iii. 23. |
Pro Domino de Duras.
An. 12. E. 4. Pat. 12. E. 4. p. 1. m. 7.
Rex Omnibus, ad quos &c. Salutem.
Sciatis quòd Nos,
Bonum gratuitum & acceptabile Servitium, Nobis per Dilectum Militem nostrum Galliardum de Duroford Dominum de Duras & Blanquefort ante haec tempora multipliciter impensum, intimè considerantes, ac ut Ipse Statum suum decentius manutenere sustinereque valeat,
De Gratia nostra speciali, ac ex certa scientia & mero Motu nostris, Dedimus & Concessimus, ac per Praesentes Damus & Concedimus, eidem, Galliardo Dominium Castrum & Villam de la Sparre in Ducatu nostro Aquitanniae, ac omnia Castra, Maneria, Hundreda, Terras, Tenementa, Prata, Pascua, Pasturas, Redditus, Servitia, Warda, Maritagia, Relevia, Escaetas, Aquas, Piscarias, Warenna, Curias Letas, Visum Franciplegii, Advocationes Abbatiarum, Prioratuum, Ecclesiarum, Capellarum, & Cantariarum, & omnia alia Proficua, Emolumenta, Commoditates, & Pertinentias quaecumque, infra Dominium & Villam praedicta existentia, aut dictis Dominio Castro & Villae de la Sparre sive eorum alicui quoquo modo pertinentia sive Spectantia,
Habenda & Tenenda Dominium Castrum & Villam de la Sparre praedicta, ac omnia & singula alia Praemissa, cum eorum pertinentiis universis, praefato Galiardo, & Haeredibus suis Masculis, de Nobis & Haeredibus nostris imperpetuum; Eo quòd expressa mentio de Valore Annuo singulorum Praemissorum, seu eorum alicujus, sive de aliquibus aliis Donis & Concessionibus per Nos praefato Galiardo ante haec tempora factis & concessis, in praesentibus minimè facta existit, aut aliquo Statuto, Actu, Ordinatione, Restrictione, seu Provisione, in contrarium indè factis, editis, ordinatis, seu provisis, non obstantibus.
In cujus &c.
Teste Rege apud Westmonasterium, vicesimo octavo die Julii.
Per Breve de Privato Sigillo, & de Data praedicta, Auctoritate Parliamenti. |
Aug. 4. Commission to the lord of Duras to command an army. Westm.
O. xi. 761. H. v. p. iii. 23. |
Commissio pro Domino supradicto.
An. 12. E. 4. Ibid.
Rex omnibus, ad quos &c. Salutem.
Sciatis quòd,
Cùm quandam armatam Potentiam, ad proficiscendum versus Partes Transmarinas, cum Dilecto & Fideli nostro Galliardo de Dureford Domino de Duras, in Resistentiam Adversariorum & Inimicorum nostrorum, Ordinaverimus,
Assignaverimus ipsum Galliardum (de cujus Fidelitate & providâ Circumspectione plenam fiduciam optinemus) ac ei plenam Potestatem & Auctoritatem, Tenore Praesentium, Damus & Committimus ad Armatam praedictam Conducendum, Regendum, & Gubernandum,
Et ad Adversarios & Inimicos nostros praedictos, viis & modis quibus poterit, Expugnandum & Debellandum,
Necnon ad quoscumque de Armata praedicta, ac alios ad ipsum Galliardum Confluentes, quos Regimini, Gubernationi, Mandatis, Proclamationibus, & Ordinationibus suis, in hac parte faciendis & ordinandis, Contrarios seu Inobedientes invenerit, juxta sanam Discretionem suam & eorum Demerita, Castigandum & Puniendum, & Castigari & Puniri faciendum,
Omniaque alia & singula, in Praemissis necessaria & oportuna, Faciendum, Excercendum, & Exequendum;
Damus autem universis & singulis de Armata praedicta, ac alas quorum interest in hac parte, Tenore Praesentium, firmiter in Mandatis quòd eidem Galliardo Intendentes sint & Obedientes in omnibus diligenter.
In cujus &c.
Teste Rege apud Westmonasterium, quarto die Augusti.
Per ipsum Regem. |
Aug. 30. Alfonso K. of Portugal renews previous treaties between Portugal and England. Coimbra.
O. xi. 762. H. v. p. iii. 24. |
Renovatio Antiquorum Foederum, ex parte Regis Portugaliae.
An. 12. E. 4. Ex Autogr.
Alfonsus, Dei gratiâ, Rex Portugaliae & Algarbiorum citra & ultra Mare in Africa, omnibus & singulis, ad quos praesentes Litterae pervenerint, Salutem.
Inspeximus Tractatum Pacis, Concordiae, perpetuae Amicitiae inter Serenissimum Johannem Regem Portugaliae & Algarbii, Avum & Praedecessorem nostrum, pro Se, Haeredibus, Regnis, Terris, Dominiis, Vassalis, & Subditis ejus ex una, & Serenissimum Richardum Angliae & Franciae Regem, pro Se, Haeredibus, Regno, Terris, Dominio, Vassallis, & Subditis suis quibuscumque, ex altera Parte, modo & formâ prout inferius continetur,
Universis Christi Fidelibus, praesentes Litteras inspecturis, Nos, Ricardus Aberbury, Johannes Clavenoke, Milites, & Ricardus Rouhale Legum Doctor, Serenissimi Principis & Domini Domini Ricardi, Dei gratiâ, Regis Angliae & Franciae, Domini nostri Illustrissimi, Procuratores & Commissarii, ad infrascripta specialiter deputati, Salutem in omnium Salvatore.
Illud pium propositum rectè regnantium, illaque finalis intentio justè principantium esse debet, Bonum commune Subditorum privatis praeferre Commodis, talibusque subjectam eis rempublicam munire praesidiis, &c. prout supra in Literis, datis Undecimo Die Martii, mutatis mutandis; tunc sic (viz.)
Nos autem Alfonsus Rex Portugaliae, &c. supradicta Tractatus, Confoederationes, Conventiones, Alligantias, Amicitias, Pactiones, Conditiones, Promissiones, Foeddera, & quaecumque Ligamina supradicta, in modo & formâ praedictis, Tractata, Ordinata, Conventa, Inita, seu aliàs Disposita in Praemissis, Ore Regio Approbamus, Laudamus, Renovamus, Ratificamus, necnon praesentibus Confirmamus: atque etiam Promittimus pro Nobis, Haeredibus, & Successoribus nostris, & Causam a Nobis habentibus, Praemissa omnia & singula perpetuò Tenere & non Contrafacere eisdem vel alicui eorum, vel Venire contra eadem vel aliquam Partem eorumdem per Nos, nec per aliquem Haeredum seu Successorum nostrorum, vel alium seu alios a Nobis Causam habentes; sed ea omnia & singula supradicta firmiter & illaesa, quantum ad Nos & ad Haeredes & Successores nostros attinet, sicut in Litteris dictorum Ligaminum seu Pactionum continetur, & prout superiùs Contenta sunt, & Tractata & Concordata fuerunt, promittimus Observare & Observari facere, & contra ea nullatenus venire, & per Sancta Dei Evangelia, per Nos inspecta & corporaliter tacta, Promittimus & Juramus.
In cujus Rei Testimonium has praesentes Patentes Litteras nostras fieri fecimus, & solitâ Subscriptione nostrâ subscripsimus, atque fecimus communiri appensione Sigilli Plumbei nostri consueti.
Data in Urbe nostra Conimbria, penultimâ Die Mensis Augusti, Anno a Nativitate Domini Millesimo, Quadringentesimo, Septuagesimo secundo.
El Rey.
Et ego Martinus Lupus, Publicus Auctoritate praedicti Serenissimi Regis Portugaliae ac in omnibus Regnis suis praedictis, Notarius, Approbationi, Laudationi, Revocationi, & Ratifficationi suprascriptorum Tractatûs, Confoederationum, Conventionum, Alligantiarum, Amicitiarum, Pactionum, Conditionum, Promissionum, Foedderum, & quorumcumque Ligaminum praedictorum, sub modo & forma praescriptis Tractorum, Ordinatorum, Conventorum, & aliàs quomodolibet ut praefertur Dispositorum, per praefatum Serenissimum Dominum nostrum Alfonsum Regem Portugaliae & Algarbiorum citra & ultra Mare in Africa factis, necnon ejusdem Domini nostri Regis ad Sacrosancta Dei Evangelia per eum tunc in specta & corporaliter tacta Juramenti praestationi, caeterisque omnibus & singulis supradictis, dùm sic ut praemittitur per eundem Dominum nostrum Regem Approbarentur, laudarentur, renovarentur, ratificarentur, confirmarentur, promitterentur, agerentur, & fierent, unà cum Reverendis in Christo Patribus, & Dominis, Domino Georgio Archiepiscopo Ulixbonensi, & Domino Johanne Galuom Episcopo Columbriensi, Comite Sanctae Columbae, ac Serenissimi dicti Domini nostri Regis Majore Referendario, necnon Illustri Domino Domino Fernando Duce Vimarensi, atque, Magnificis Dominis, Domino Al-
fonso Comite de Farom, & Domino Petro Comite de Villa Real, & Domino Alfonso Comite Penelle, Consanguineis dicti Serenissimi Regis, atque Domino Valasco de Ataide Priore Ordinis Sancti Johannis Jherosolimitani in praefatis Regnis Portugaliae, pluribusque aliis Spectabilibus & Nobilibus Viris ad Praemissa vocatis specialiter & rogatis, sub Anno Domini, Mense, & Die quo supra, in quadam Camera inter Palatium Regium situata, praesens interfui, eaque omniae & singula, modo & formâ praescriptis, fieri Vidi & Audivi, & iccirco eis praesentibus Literis Regiis, per me in minuciori Litera conscriptis, & Plumbei Sigilli Domini nostri Regis appensione munitis, de ipsius Regis Mandato, me subscripsi, easque Signo meo & Nomine solitis & consuetis in pleniorem Fidem Praemissorum Signavi.
Sigillo utrimque uniformiter Filis de Serico Rubei Azureique Colorum. |
Aug. 31. Commission of Alfonso K. of Portugal to John de Elbie, procurator fiscal, to demand redress for Portuguese ships taken by the bastard Fauconber [Facunbuscus]. Coimbra.
O. xi. 763. H. v. p. iii. 24. |
Commissio dicti Regis ad petendum Restitutionem pro Navibus super Mare Derobatis.
An. 12. E. 4. Ex Autogr.
Alfonsus, Dei Gratiâ, Rex Portugaliae & Algarbiorum citra & ultra Mare in Africa, universis & singulis, praesentes Litteras inspecturis, NOTUM FACIMUS quòd Mittimus inpraesentiarum, Oratorem & Ambaxiatorem nostrum, ad Serenissimum Edwardum Regem Angliae, Consanguineum nostrum Carissimum, Praestantem Militem Johannem de Elbie, in Jure Civili Licentiatum & Procuratorem Fiscalem nostrum,
Cui Committimus, Damus, & Concedimus, meliori viâ & modo quo id fieri potest, plenam & indubiam Potestatem & Facultatem, ut, nostro Nomine & Regnorum ac Subditorum nostrorum, a praefato Rege Angliae Requirere, Exigere, ac effectualiter Recipere possit Restitutionem & Satisfactionem quarumdam Navium, Rerum, & Mercanciarum Subditorum nostrorum, quae injustè & iniquè Captae, Derobatae, ac Vi Raptae fuerunt per quosdam dictorum Regnorum Angliae Naturales & Incolas, qui dictas Naves, Res, & Merces sub Capitaneo Bastardo Facunbrisco iniquè & injustè & violenter Ceperunt, Derobârunt, & Rapuerunt dùm ex Flandria dictae Naves Subdictorum nostrorum redirent Mense Martii Anno Domini Millesimo, Quadringentesimo, Septuagesimo Primo,
Et cum Potestate ut praefatus Ambaxiator noster dicto Regi, Regno, & Subditis suis, Nomine quo supra, Remissionem & Quietantiam dare possit earum dumtaxat Navium, Rerum, & Mercium praedictarum quae sibi per antedictum Regem ac Subditos suos liberè & effectualiter consignabuntur & restituentur,
Et cum Potestate ut idem noster Ambaxiator, si & in quantum ei videbitur, Navibus & Mercatoribus dictorum Regnorum Angliae salvum Conductum ac plenam Securitatem dare & praestare possit ad Regna nostra Veniendi, Estandi, & Redeundi, ita ut Detineri, Represari, aut Capi non possint dictae Naves, Res, Merces, aut Personae quae in eis vehentur, & hoc dumtaxat pro Dampno, Rapinâ, & Capturâ praedictarum Navium, Rerum, & Mercium Subditorum nostrorum, factâ per dictum Bastardum Facunbriscum & per suos Socios, Complices, & Secaces,
Dantes insuper liberam & plenam Facultatem praefato Ambaxiatori nostro ut possit, & dictorum Regnorum ac Subditorum nostrorum Nomine, si aliquid Dubii tàm de Jure quàm de Facto, in Toto aut in Parte, evenerit inter praefatum Regem Angliae & eundem Ambaxiatorem nostrum circa Restitutionem dictarum Navium, Rerum, & Mercium dictorum Subditorum nostrorum, Compromittere in Clarissimum Principem Consanguineum nostrum Carissimum Ducem Burgundiae, tanquam in Arbitrum vel Arbitratorem aut amicabilem Compositorem & Mediatorem, cum appositione cujusvis Poenae & Juramenti in Animam nostram Praestandi & Apponendi; ad majorem Firmitatem & Validitatem dicti Compromissi, Laudi, vel Arbitramenti aut amicabilis Compositionis & eorum debitam effectualem ac realem Executionem,
Et cum Potestate, Nomine quo supra, Praefigendi & Constituendi Diem & Terminum certum, intra quem dictus Orator noster, Nomine quo supra, & quicumque alter qui per dictum Regem Angliae ad id constituetur, teneantur Sese Exhibere & Repraesentare coram praefato Duce, ad Petendum, Instandum, & Requirendum dicti Laudi, Compromissi, Arbitramenti, seu amicabilis Compositionis susceptionem & debitam executionem,
Et cum Potestate, Nomine quo supra, a praefato Rege Angliae Requirendi & Recipiendi Litteras quasdam suas Patentes Juramenti Amicitiarum, Confoederationum, & Alligantiarum, initarum & compositarum inter Portugaliae Reges Praedecessores nostros & Regna nostra, ac Reges Angliae praefati Regis Eduardi Praedecessores & Regna sua, quas quidem Litteras praedicti Juramenti Johanes Guileberti Miles insignis Regis praefati Ambaxiator ad Nos superioribus diebus deferebat,
Et ut idem Orator noster, susceptis Litteris dicti Juramenti, nostro Nomine alias Patentes Litteras nostras, consimilis Juramenti praedictarum Amicitiarum, Confoederationum, & Alligantiarum, dicto Regi dare & consignare possit;
Promittentes in Verbo Regio Ratum, Gratum, & Firmum Nos habituros quicquid per praefatum Ambaxiatorem nostrum, circa omnia in hiis Litteris Mandati & Procurationis contenta, aut quodlibet eorum sigilatim & particulariter, Dictum, Factum, Gestum, Concordatum, Transactum, Compositum, Factumve erit, sub Ypotheca & Obligatione omnium Bonorum nostrorum sublevantes eundem Oratorem nostrum ab omni Onere Satisdationis.
In quorum omnium plenam Fidem has Mandati & Procurationis Litteras nostro & Regnorum ac Subditorum nostrorum Nomine fieri mandavimus & Subscripsimus, ac Plumbei Sigilli nostri appensione communiri fecimus.
Datum in Urbe nostra Conimbria, Secundo Kal. Septembris, Anno a Nativitate Domini Millesimo, Quadringentesimo, Septuagesimo secundo.
El Rey.
Et ego Martinus Lupi, Publicus Auctoritate Serenissimi Regis Portugaliae in omnibus Regnis suis Notarius, omnibus & singulis in infrascriptis Literis Mandati & Procurationis contentis, dùm sic per praefatum Serenissimum Regem Portugaliae & Algarbiorum citra & ultra Mare in Africa constituerentur, ordinarentur, agerentur, & fierent, Praesens intersui, eaque omnia & singula modo & formâ praedictis fieri vidi & audivi; Testibus ad hoc specialiter vocatis & rogatis, Reverendis in Christo Patribus & Dominis, Domino Georgio Archiep. Ulixbonensi, & Domino Johanne Galuom Episcopo Columbriensi, Comite Sanctae Columbae, atque praefati Serenissimi Domini nostri Regis majore Referendario, & Domino Velasco Ataide Priore Ordinis Sancti Johannis Jherosolimitani in praefatis Regnis Portugaliae, pluribusque aliis Spectabilibus Viris, & iccirco iis praesentibus regiis Literis, Mandatis, & Procurationi, Plumbei Sigilli dicti Domini nostri Regis appensione munitis, de ipsius Regis Mandato, me Subscripsi, easque Signo meo & Nomine meo solitis & consuetis, in pleniorem Fidem Praemissorum, Signavi Anno, Mense, & Die quo supra. |
Sept. 20. Memorandum of the delivery of the great seal to John bp. of Rochester, during the illness of Robert bp. of Bath and Wells, chancellor of England.
O. xi. 764. H. v. p. iii. 25. |
De Liberatione Sigilli.
An. 12. E. 4. Claus. 12. E. 4. m. 16. d.
Memorandum quòd, Vicesimo Die Septembris, Anno Regni Regis Edwardi Quarti Duodecimo, idem Dominus Rex Mandavit Literas suas Missivas, ipsius Signo Manuali & Signeto consignatas, Venerabili Patri Roberto Bathoniensi & Wellensi Episcopo Cancellario Angliae, in quibus, inter alia, continebatur,
Quòd pro eo quòd idem Cancellarius, ob diversos Langores & Corporis Infirmitates, quibus adtunc detinebatur, circa Negotia, Officium Cancellariatûs concernentia, commodè ut oportuit vacare & intendere non potuit,
Quòd idem Cancellarius Sigillum Magnum, in Custodia sua existens, Venerabili Patri Johanni Episcopo Roffensi benè & fideliter Custodiendum Deliberaret,
Et ut idem Episcopus Roffensis omnia & singula ad Officium illud pertinentia faceret & exequeretur, quousque idem Cancellarius a dictis Langoribus & Infirmitatibus, Deo dante, Sanitatem recuperaret:
Super quo idem Cancellarius, juxta Mandatum dicti Domini Regis, eodem Vicesimo die Septembris, circa Horam Secundam post Meridiem, in praesentia Simonis Reynold & Simonis Litster, apud Chesewyk infra Hospitium suum in Magnâ Camerâ suâ juxta Thames, adtunc Deliberavit Sigillum praedictum praefato Episcopo Roffensi in quadam Bagâ de albo Corio, & Signeto ipsius Cancellarii (Figuram LE LEOPARD HEED continente) in Cerâ albâ impresso:
Et postea, Vicesimo tertio die Septembris, inter Horam Secundam & Horam Tertiam post Meridiem, praedictus Episcopus Roffensis, infra Hospitium suum juxta Lambethmersh in Magna Camera sua ibidem, Sigillum praedictum extra Bagam praedictam extrahi fecit, & quasdam
Cartas de Communi Gratia Ricardo Forster nuper de Bray in Comitatu Buk Gentilman, & Edmundo Lamberde de Fowleston in Comitatu Wiltesiae Armigero, ac diversa alia Literas Patentes & Brevia de Cursu, in Praesentia Magistri Ricardi Martyn Archidiaconi Londoniae, Willielmi Bolton, & Ricardi Wodeward, Clericorum, & aliorum de Curia Cancellariae praedictae, apertè Sigillavit, & sic de tempore in tempus quando necessitas exigebat. |
Nov. 23. Grant of arms, with a canton of the arms of England, to Lewis de Bruges de la Gruthuse, prince of Steenhuse, created earl of Winchester. Westm.
O. xi. 765. H. v. p. iii. 25. |
Pro Comite Wynton.
An. 12. E. 4. Pat. 12. E. 4. p. 1. m. 11.
Rex Omnibus, ad quos &c. Salutem.
Cùm Nos pridem, in pleno Parliamento nostro, ad Requisitionem & Rogatum totius Communitatis Regni nostri Angliae, in Parliamento nostro existentis, in Laudem Nobilis & Magnifici Domini Domini Lodowici de Brugges de la Gruthuse, Principis de Steehuse, Domini de Anelghieude Spyers de Aemstede & de Oestampe, ob ejus multiplicia Promerita & impensa Nobis Obsequia gratissima per id temporis quo in Transmarinis versabamur, IPSUM LODOWICUM, tanquam Regni nostri praedicti nostrique felicis Statûs Zelatorem, congruis Honoribus Praemiantes, in Comitem Wyntoniae EREXERIMUS & CREAVERIMUS, ac EUM de & cum STILO, TITULO, NOMINE, & HONORE, eidem debitis, per CINCTURAM GLADII, realiter INVESTIVERIMUS,
Habenda & Tenenda eadem STILUM, TITULUM, NOMEN, & HONOREM COMITIS WYNTONIAE eidem Lodowico de Brugges, & Haeredibus suis Masculis de Corpore suo exeuntibus imperpetuum, prout in Cartâ nostrâ, indè confectâ, plenè liquet,
Jamque nos, ulteriùs considerantes quòd quamquam Clarus sit Origine, & in Natali sua Provincia plurium ac diversorum Locorum Principatum & Dominationem Jure obtinuerit haereditario, Arma quoque & Insignia suae Nobilitatis simul & Donationum Clarissimos habuerit Testes, in hoc dicto nostro nichilominus Regno Arma sibi desunt, quibus eum, tàm hic quàm alibi, per Orbem, ut Comitem Anglicum, Insigniis Comite dignis ornari deceat & agnosci,
Proinde, Clarissimae suae Nobilitatis contemplatione, ac ut Domi Forisque & Bello & Pace nostrâ Largitione Decoratus incedat ornatior, Arma & Insignia pro Comitatu suo Wyntoniae sibi dari & assignari cupientes, de Liberalitate & Gratia nostris ac Praemissorum consideratione Dedimus, Concessimus, & Assignavimus, ac Tenore Praesentium Damus, Concedimus, & Assignamus eidem Lodowico, & Haeredibus suis Masculis de Corpore suo exeuntibus Wyntoniae Comitibus, ARMA & INSIGNIA ARMORUM modo & forma hic depicta,
Habenda, Portanda, & Utenda eidem Lodowico & Haeredibus suis praedictis in Pace & in Guerra, in Regnis, Locis, Dominiis, Provinciis, Terris, & Regionibus quibuscumque, imperpetuum, absque Impetitione, Calumpnia, seu Injuria cujuscumque,
In Gallico sic discernenda,
Il Porte d'Azure a Dix Mascles d'Oren orme d'ung Canton de nostre Propre Armes d'Engleterre (C'estassavoire,) de Goules a Ung Lepard passaunt d'Or Armee d'Asure, si comme le Picture demonstre.
In cujus &c.
Teste Rege apud Westmonasterium, Vicesimo tertio die Novembris.
Per ipsum Regem, & de Data &c.
Vacatur Irrotulamentum infrascriptum, quia Literae indè Patentes sursum redditae & restitutae fuerunt, ad Manus Domini nostri Regis Henrici Septimi, apud Villam Calesii, Anno Regni sui Decimo quinto, eâ intentione ut Cancellentur & Dampnentur; & quia Literae praedictae, sic ut praemittitur sursum redditae & restitutae, Cancellabantur & Dampnabantur, idcirco Irrotulamentum praedictum similiter Cancellatur & Dampnatur. |
Dec. 10. Power for Lewis de Brugges, earl of Winchester, William Hattecliff, the K.'s secretary, and three merchants of Calais, to treat for peace with the governors of the Teutonic Hanse. Westm.
O. xi. 765. H. v. p. iii. 25. |
De Communicando & Tractando cum Hanza Teutonicorum.
An. 12. E. 4. Franc. 12. E. 4. m. 10.
Rex Omnibus, ad quos &c. Salutem.
Inter omnia Cristianorum Principum rectè Facta atque Gesta, nichil est quod sese magis deceat quàm cum Cristianis Populis (hiis praesertim quorum Mores longâ Conversandi consuetudine sibi invicem congruere
videntur) Unitatis atque Pacis Vincula Firmare, cunctosque Obices atque Impedimenta Bonorum Amoris & Amicitiae studere pro viribus Tollere atque Extirpare.
Hinc est quòd,
De Fidelitate, ac Circumspectione, & Industriâ spectabilis Domini Domini Lodowici de Brugges Comitis Wyntoniae Domini de la Gruteheuse, &c. ac, Fidelium nostrorum, Magistri Willielmi Hattecliff Secretarii nostri, Willielmi Rosse Vitellarii Villae nostrae Calesii, Johannis Barton & Johannis Challey, Mercatorum Stapulae nostrae Calesii antedictae, pleniùs confidentes,
Ipsos Quatuor, Tres, aut Duos eorum (quorum ipsum Magistrum Willielmum Hattecliff antedictum unum esse volumus) Facimus, Ordinamus, Deputamus, & Constituimus nostros veros & indubitatos Ambassiatores, Commissarios, Procuratores, & Nuncios speciales,
Dantes & Concedentes eisdem Ambassiatoribus, Commissariis, Procuratoribus, Deputatis, & Nunciis nostris, Quatuor, Tribus, aut Duobus eorum, in forma praedicta, plenam & liberam Potestatem ac Mandatum generale & speciale, pro Nobis, Haeredibus, & Successoribus nostris, Regnis, Terris, Dominiis, Subditis, Amicis, Alligatis, Confoederatis, Faventibus & Adhaerentibus nostris quibuscumque, cum Communitate, Societate, seu Collegio Hanzae Teutonicorum, ac Spectabilibus & Egregiis Viris Gubernatoribus Patriarum & Civitatum Hanzae Teutonicae aliàs vocatae le Mesne Hanzae, seu eorum Ambassiatoribus, Commissariis, Procuratoribus & Nunciis sufficientem in hac parte Potestatem habentibus, ac etiam quibuscumque Universitatibus, Societatibus, Principibus, Dominis, Gubernatoribus & Rectoribus Terrarum, Patriarum, Civitatum, Opidorum, Villarum & Dominiorum quorumlibet seu Terrae Alemanniae, aut cum eorum Ambassiatoribus, Commissariis, Procuratoribus & Nunciis sufficientem ad hoc Potestatem habentibus, Conveniendi, Tractandi, Communicandi, Appunctuandi, Concordandi, & finaliter Concludendi de & super perpetua & reali Pace atque Concordia, tàm per Mare quàm per Terram, necnon Ligis, Amicitiis, & Confoederationibus quibuscumque, inter Nos, Haeredes, & Successores, Regna, Terras, Dominia nostra, Subditos, Amicos, Alligatos, Confoederatos, Faventes & Adhaerentes nostros quoscumque, ex parte una, & Communitatem, Societatem, seu Collegium Hanzae Teutonicorum praedictae, & praefatos Egregios & spectabiles Viros Gubernatores Patriarum & Civitatum Hanzae praedictae, ac etiam inter Universitates, Societates, Principes, Dominos, Gubernatores, & Rectores Terrarum, Civitatum, Opidorum, Villarum, & Dominiorum quorumlibet seu Terrae Alemanniae, Terras, Civitates, Opida, Villas, Castra, Patrias & Dominia sua, Subditos, Amicos, Alligatos, Confoederatos, Faventes, & Adhaerentes suos quoscumque, ex Parte altera, contrahendi, ineundi, & firmandi,
Omnesque & singulas Differentias, Lites & Discordias, inter Partes praedictas habitas, motas, & pendentes, Discutiendi, Componendi, Pacificandi, Terminandi & finaliter Abolendi,
Necnon Pacem & Concordiam, Ligas, Amicitias, & Confoederationes hujusmodi, viis & modis omnibus quibus expedire videbitur, Vallandi & Roborandi,
Et nichilominus, si eisdem Ambassiatoribus, Commissariis, Procuratoribus, Deputatis, & Nunciis nostris expediens visum fuerit, cum praefatis Communitate, Societate, seu Collegio Hanzae Teutonicorum praedictorum, spectabilibus & Egregiis Viris, ac Universitatibus, Societatibus, Principibus, & Dominis, Gubernatoribus, & Rectoribus, aut eorum Ambassiatoribus, Commissariis, Procuratoribus, Deputatis & Nunciis sufficientem Potestatem habentibus, de & super Treugis, Guerrarum Abstinentiis, & Mercandisarum Intercursu, tàm per Mare, quàm per Terram, inter ipsos, ac Regna, Terras, Civitates, Villas, Opida, Castra, Patrias & Dominia, tàm Nostra quàm Sua quaecumque, ac nostros & suos Subditos, Amicos, Alligatos, Confoederatos, Faventes & Adhaerentes praedictos, Capiendi & Firmandi, Conveniendi, Tractandi, Communicandi, Appunctuandi, Concordandi, & finaliter Concludendi, sub Modis, Formâ, & Conditionibus, de quibus inter dictos nostros Ambassiatores, Commissarios, Procuratores, Deputatos & Nuncios, & Communitatem, Societatem, seu Collegium Hanzae Teutonicorum praedictae, ac praedictos Spectabiles & Egregios Viros, ac etiam Universitates, Societates, Principes, Dominos, Gubernatores, & Rectores praedictos, seu eorum Ambassiatores, Commissarios, Procuratores, Deputatos & Nuncios, poterit Concordari,
Ac Tempus & Locum, Convenientia pro Executione Praemissorum, seu eo-
rum alicujus, cum dictis Spectabilibus & Egregiis Viris, ac etiam Universitatibus, Societatibus, Principibus, Dominis, Gubernatoribus, & Rectoribus praedictis, seu eorum Ambassiatoribus, Commissariis, Procuratoribus, Deputatis & Nunciis, Limitandi, Appunctuandi, ac in ipsa Consentiendi & Concordandi; ad quae Partes praedictae suos hinc inde Oratores, Ambassiatores, seu Commissarios, ad Praemissa & pro Praemissis sufficienter auctorizatos & instructos, mittere teneantur,
Caeteraque omnia & singula Faciendi, Excercendi, Expediendi, quae in Praemissis vel aliquo Praemissorum, seu circa ea aut eorum aliquod, necessaria fuerint seu quomodolibet oportuna, ac quae qualitas & natura hujusmodi Negotii exigunt & requirunt, & quae Nosmetipsi facere possemus si personaliter interessemus, & etiam si talia forent quae de se Mandatum exigant speciale;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid per dictos Ambassiatores, Procuratores, Deputatos, & Nuncios nostros, in forma praedicta, Actum, Gestum, seu Procuratum fuerit in Praemissis, seu aliquo Praemissorum.
In cujus &c.
Teste Rege apud Westmonasterium, x die Decembris.
Per ipsum Regem, & de Dat. &c. |
