Rymer's Foedera with Syllabus: January-March 1472

Rymer's Foedera Volume 11. Originally published by Apud Joannem Neulme, London, 1739-1745.

This free content was digitised by double rekeying. All rights reserved.

Citation:

'Rymer's Foedera with Syllabus: January-March 1472', in Rymer's Foedera Volume 11, ed. Thomas Rymer( London, 1739-1745), British History Online https://prod.british-history.ac.uk/rymer-foedera/vol11/pp733-750 [accessed 28 November 2024].

'Rymer's Foedera with Syllabus: January-March 1472', in Rymer's Foedera Volume 11. Edited by Thomas Rymer( London, 1739-1745), British History Online, accessed November 28, 2024, https://prod.british-history.ac.uk/rymer-foedera/vol11/pp733-750.

"Rymer's Foedera with Syllabus: January-March 1472". Rymer's Foedera Volume 11. Ed. Thomas Rymer(London, 1739-1745), , British History Online. Web. 28 November 2024. https://prod.british-history.ac.uk/rymer-foedera/vol11/pp733-750.

January–March 1472

Syllabus Entry Foedera Text
1472. Feb. 6. Commission to William bp. of Ely, Laurence bp. of Durham, Edward bp. of Carlisle, Henry earl of Northumberland, and 10 others, to meet the Scotch commissioners at Newcastle-upon-Tyne on April 25. Westm.
O. xi. 733. H. v. p. iii. 12.		 De Appunctuando cum Commissariis Regis Scotorum.
An. 11. E. 4. Scot. 11. E. 4. m. 22.
Rex Omnibus, ad quos &c. Salutem.
Sciatis quòd Nos,
De Fidelitatibus, Circumspectionibus, & Industriis, Venerabilium Patrum, Willielmi Eliensis Episcopi, Laurentii Dunolmensis Episcopi, Edwardi Karliolensis Episcopi, carissimorum Consanguineorum nostrorum, Henrici Comitis Northumbriae, Johannis Comitis Salopiae, Johannis Comitis Wiltesiae, ac Dilecti Nobis in Christo Ricardi Prioris Dunolmensis, necnon, Dilectorum & Fidelium nostrorum, Radulphi Graystok de Graystok Militis, Humfredi Dacre de Dacre Militis, Magistri Henrici Sharp Archidiaconi Bedfordiae Prothonotarii nostri, ac, Magistrorum, Johannis Lilleford & Johannis Coke, Legum Doctorum, Willielmi Parre Consiliarii nostri, & Jacobi Strangways, Militum, quamplurimùm confidentes,
Ipsos nostros veros & indubitatos Commissarios, Deputatos, & Procuratores speciales Facimus, Constituimus, & Ordinamus per Praesentes,
Dantes & Concedentes eisdem Commissariis, Deputatis, & Procuratoribus nostris, Quatuordecim, Tresdecim, Duodecim, Undecim, Decem, Novem, Octo, Septem, Sex, Quinque, & Quatuor eorum (quorum aliquem praedictorum Episcopi Dunolmensis, Comitis Northumbriae, Magistri Henrici Sharp, Johannis Lilleford, & Johannis Coke unum esse volumus) plenam Potestatem & Auctoritatem, Vicesimo quinto Die Aprilis proximò futuro, apud Novum Castrum super Tynam, vel in quocumque alio Loco congruo & oportuno, Conveniendi cum Commissariis, Deputatis, & Procuratoribus praecarissimi Consanguinei nostri Jacobi Regis Scotorum, sufficientem Potestatem in hac parte habentibus,
Ac Tractandi & Communicandi de & super quibuscumque Querelis, & Gravaminibus, ac Offensis, & Attemptatis, tàm per Ligeos & Subditos nostros quàm Ligeos & Subditos ipsius Consanguinei nostri Regis Scotorum, in Westmarchiis & Estmarchiis versus Scotiam seu alibi, contra Formam Treugarum seu Guerrarum Abstinentiarum, inter Nos & dictum Consanguineum nostrum Regem Scotorum captarum, initarum, & conclusarum, hinc indè habitis ac qualitercumque factis sive perpetratis,
Necnon debitam Reformationem & Reparationem Querelarum, Gravaminum, Offensarum, & Attemptatorum praedictorum fieri Petendi, ac fieri Promittendi,
Et super Praemissis & eorum Dependentiis Appunctuandi, Concordandi, & Concludendi,
Universaque & singula, quae pro Reparatione & Reformatione Praemissorum necessaria fuerint & oportuna, ac qualitercumque debita & requisita, juxta Leges & Consuetudines Marchiarum praedictarum, & aliàs prout expediens hinc indè visum fuerit, Faciendi, Excercendi, & Exequendi, unà cum Prorogatione Dierum & Locorum:
Dantesque ulterius & Concedentes eisdem Commissariis, Deputatis, & Procuratoribus, Quatuordecim, Tresdecim, Duodecim, Undecim, Decem, Novem, Octo, Septem, Sex, Quinque, & Quatuor eorum (quorum aliquem praedictorum Episcopi Dunolmensis, Comitis Northumbriae, Henrici Sharp, Johannis Lilleford, & Johannis Coke unum esse volumus) plenam Potestatem, & Auctoritatem, ac Mandatum generale & speciale, cum Commissariis, Deputatis, & Procuratoribus praefati Consanguinei nostri sufficientem Potestatem ab eodem Consanguineo nostro ad hoc habentibus, Conveniendi,
Ac Communicandi, & Tractandi, Concordandi, Componendi, & Appunctuandi, ac plenariè & integrè Determinandi & finaliter Concludendi, tàm de & super Pace perpetua, quàm de & super Treugis seu Guerrarum Abstinentiis, ac Amicitiâ, Confoederatione, & Concordiâ, inter Nos, ac Haeredes & Successores nostros, ac Regna & Dominia nostra, ac Subditos, Alligatos, Confoederatos nostros, ac alios Nobis Adhaerentes quoscumque, & dictum Consanguineum nostrum Regem Scotorum, ac Loca, Dominia, Subditos, Alligatos, & Adhaerentes suos ineundis, capiendis, & habendis,
Caeteraque omnia & singula, quae inter eos appunctuata, conventa, conclusa, & concordata fuerint, Roborandi & Assecurandi per Fidei interpositionem & Juramentum in Animam nostram praestandum,
Ac de & super omnibus & singulis Praemissis, & Dependentiis ab eisdem, omnes & omnimodas Securitates, Promissa, Obligationes, ac Literas sigillatas Concedendi, Faciendi, & Expediendi, prout eisdem Commissariis, Deputatis, & Procuratoribus nostris videbitur expediri, quae talem tantamque Vim, Auctoritatem, & Effectum volumus realiter optinere, ac si ea in propriâ Personâ fecissemus,
Et, si necesse fuerit, Dietam, ac Diem & Locum pro eadem, Appunctuandi & Assignandi,
Caeteraque omniae & singula, quae in Praemissis conclusa, concordata, & firmata fuerint, Expediendi, Perficiendi, & pro Parte nostrâ Perimplendi, ac debitè Exequendi, etiam si majora sint expressatis, & Mandatum de sui natura magis exigant speciale, & quae nosmetipsi facere possemus si personaliter praesentes essemus in Explicatione & Conclusione Praemissorum;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid per Commissarios, Deputatos, & Procuratores nostros praedictos, Quatuordecim, Tresdecim, Duodecim, Undecim, Decem, Novem, Octo, Septem, Sex, Quinque, & Quatuor eorum (quorum aliquem praefatorum Episcopi Dunolmensis, Comitis Northumbriae, Henrici Sharp, Johannis Lilleford, & Johannis Coke unum esse volumus) in Formâ praedictâ Actum, Gestum, seu Procuratum fuerit in Praemissis, seu aliquo Praemissorum.
In cujus &c.
Teste Rege apud Westmonasterium, sexto die Februarii.
Per Breve de Privato Sigillo, & de Data &c.
Feb. 12. Pardon for John Hunden, bp. of Llandaff. Westm.
O. xi. 734. H. v. p. iii. 13.		 Pro Episcopo Landavensi de Pardonatione.
An. 11. E. 4. Pat. 11. E. 4. p. 2. m. 20.
Rex omnibus Ballivis & Fidelibus suis, ad quos &c. Salutem.
Sciatis quòd, certis Considerationibus Nos specialiter moventibus, de Gratia nostra speciali, ac ex certa Scientiâ & mero Motu nostris, Pardonavimus, Remisimus, & Relaxavimus Johanni Hunden Episcopo Landavensi, seu quocumque alio Nomine censeatur, Sectam Pacis nostrae, quae ad Nos versus ipsum Johannem pertinet seu pertinere poterit, pro omnimodis Proditionibus, Murdris, Raptibus Mulierum, Insurrectionibus, Rebellionibus, Conspirationibus, Confoederationibus, Congregationibus, Coadunationibus, Riotis, Routis, Conventiculis illicitis, Insidiationibus falsis, Alligantiis, Feloniis, Transgressionibus, Offensis, Mesprisionibus, Deceptionibus, Extortionibus, Concelamentis, & Cognitionibus eorumdem, Forisfactis, Contemptibus, Impetitionibus, Cambipartiis, Manutenentiis, Imbraciariis, Ambidextriis, Negligentiis, & aliis Malefactis quibuscumque, per ipsum Johannem ante Octavum Diem Februarii ultimò praeteritum qualitercumque factis sive perpetratis, unde idem Johannes Indictatus, Appellatus, Impetitus, Rectatus, Attinctus, vel Adjudicatus existit, aut Judicari, Appellari, Impetiri, Rectari, Attingi, vel Adjudicari contigerit in futurum, ac etiam Utlagariis, si quae in ipsum Johannem hiis occasionibus seu earum aliqua fuerint promulgatae, & Firmam Pacem nostram ei inde Concedimus; ita tamen quòd Stet Recto in Curia nostra, si quis versus ipsum Loqui voluerit de Praemissis vel aliquo Praemissorum; aliquo Statuto, Actu, sive Ordinatione, indè in contrarium factis, editis, sive ordinatis, aut aliquâ aliâ Re, Causâ, vel Materiâ quacumque, non obstantibus.
In cujus &c.
Teste Rege apud Westmonasterium, duodecimo die Februarii.
Per Breve de Privato Sigillo, & de Data praedicta, &c.
Feb. 12. Licence to Margaret duchess of Burgundy to export 50 sacks of wool to the Straits of Marrok. Westm.
O. xi. 735. H. v. p. iii. 13.		 Pro Ducissa Burgundiae super Lana Claccanda.
An. 11. E. 4. Pat. 11. E. 4. p. 2. m. 13.
Rex omnibus, ad quos &c. Salutem.
Sciatis quòd, certis Considerationibus Nos specialiter moventibus, de Gratia nostra speciali, ac ex certa Scientia & mero Motu nostris, Concessimus & Licentiam Dedimus, ac per Praesentes Concedimus & Licentiam Damus, pro Nobis, & Haeredibus nostris, quantum in Nobis est, Praecarissimae Sorori nostrae Margaretae Ducissae Burgundiae, quòd ipsa, aut, ipsâ Defunctâ, Executores sui vel Administratores Bonorum & Catallorum suorum, aut ejus vel eorum Factores sive Attornati, Indigenae vel Alienigenae, Lanas quascumque Berdare, Claccare, & Mundare possint vel possit,
Quodque ipsi seu eorum aliquis Quinquaginta Saccos hujusmodi Lanarum Berdatarum, Claccatarum, & Mundatarum, tàm de Bonis suis propriis, quàm alienarum Personarum quarumcumque, vel alterius Personae cujuscumque, in quocumque Portu sive in quibuscumque Portubus Regni nostri Angliae, vel in eorum aliquibus vel aliquo, in quacumque Galea, Carraca, Nave, sive Vase, aut in quibuscumque Galeis, Carracis, Navibus, vel Vasis, unà Vice vel diversis Vicibus, ad libitum suum, Eskippare & Carcare, ac Eskippari & Carcari facere, & Lanas illa sic Eskippatas per Strictus de Marrok Traducere & Cariare, ac Traduci & Cariari facere valeat & valeant,
Absque aliquibus Custumis seu Subsidiis aut aliis Deveriis Calesio pro eisdem Lanis seu aliqua indè Parcella Nobis vel Haeredibus nostris reddendis sive solvendis,
Et absque Impetitione vel Impedimento Nostri vel Haeredum nostrorum praedictorum, aut aliorum Officiariorum sive Ministrorum nostrorum, vel dictorum Haeredum nostrorum quorumcumque, vel alterius Personae cujuscumque,
Et absque Compoto, seu aliquo alio Nobis vel dictis Haeredibus nostris pro eisdem Lanis sive aliqua indè Parcella, seu pro aliquibus Custumis aut Subsidiis eorumdem, seu alicujus indè Parcella, aut aliis Deveriis praedictis reddendis, seu solvendis quovis modo,
Et absque aliqua Bullione, seu aliqua Uncia de Bullione Auri, seu Valore ejusdem de Argento, pro quolibet sive aliquo Sacco Lanarum praedictarum Magistro Minetae Turris Londoniae seu alicui alii portandâ,
Et absque aliquâ Securitate per ipsam Ducissam, Executores vel Administratores suos praedictos, aut ejus vel eorum Factores sive Attornatos suos praedictos in hac parte, sive eorum aliquem, Custumariis sive Collectoribus Custumarum & Subsidiorum in Portubus praedictis, seu in eorum aliquibus vel aliquo, vel eorum alicui, pro tempore existentibus, inveniendâ, sive per eorum aliquem capiendâ, ad Reportandum sive Reducendum, a Partibus Exteris in Regnum Angliae sive aliter, aliquam Bullionem Massam sive Platam Auri vel Argenti, ad Cambium sive Minetam vel alibi Deliberandam, pro quolibet sive aliquo Sacco Lanarum praedictarum sive alicujus indè Parcella, per ipsam Ducissam Executores vel Administratores suos praedictos, aut ejus vel eorum Factores sive Attornatos praedictos, seu eorum aliquem, praetextu harum Literarum nostrarum Patentium Eskippandarum,
Aliquibus Statutis sive Ordinationibus, in contrarium factis sive ordinatis, non obstantibus,
Per Indenturas, inde inter ipsam Ducissam Executores vel Administratores suos praedictos, aut ejus vel eorum Factores sive Attornatos praedictos, aut eorum aliquem, & Custumarios sive Collectores Custumarum & Subsidiorum in Portubus praedictis, seu in eorum aliquibus vel aliquo, pro tempore existentes, extra quos vel quem Lanas praedictas seu aliquam inde Parcellam sic Eskippari & Traduci contigerit, Eskippationem & Traductionem illas, de tempore in tempus debitè conficiendas, Testificantes,
Per quarum quidem Indenturarum alteram Partem, & has Literas nostras, & Brevia nostra, superinde Custumariis sive Collectoribus Custumarum & Subsidiorum, in Portubus praedictis, & eorum quolibet, pro tempore existentibus, dirigenda, volumus & per Praesentes Concedimus quòd tàm eadem Ducissa, Executores & Administratores sui praedicti, ac ejus vel eorum Factores sive Attornati praedicti, & eorum quilibet, quàm Custumarii & Collectores praedicti, & eorum quilibet, de omnimodis Pecuniarum Summis, Custumis, Subsidiis, Exactionibus, & Demandis, quae ab ipsis seu eorum aliquo pro Praemissis seu aliquo Praemissorum, aut aliâ Exactione seu Demandâ quacumque ad Opus nostrum seu Haeredum nostrorum exigi seu pertinere poterint quovis modo, sive unde ipsi aut eorum aliquis erga Nos vel dictos Haeredes nostros impeti aut onerari poterint, erga Nos & Haeredes nostros omninò Exonerentur & Acquietentur; aliquibus Statutis, Actubus, Ordinationibus, Concessionibus, Provisionibus, Assignationibus, Restrictionibus, aut Mandatis, in contrarium factis vel fiendis, eo etiam quòd Lanae praedictae non sint vel fuerint, aut aliqua inde Parcella non sit vel fuerit Propria Bona ipsius Ducissae, Executorum vel Administratorum suorum praedictorum, aut ejus vel eorum Factorum sive Attornatorum suorum praedictorum, vel alicujus eorum; aut eo quòd expressa mentio de vero Valore Praemissorum aut de aliis Donis sive Concessionibns eidem Ducissae per Nos ante haec tempora factis in Praesentibus minimè facta existit, aut aliquâ aliâ Re, Causâ, vel Materiâ quacumque non obstantibus:
Volumus etiam & per Praesentes Concedimus praefatae Ducissae, Executoribus & Administratoribus suis praedictis, quòd Cancellarius noster Angliae, ac Custos Privati Sigilli nostri qui pro tempore fuerit, fieri faciat & deliberari eisdem Ducissae, Executoribus & Administratoribus suis praedictis, aut ejus vel eorum Factoribus sive Attornatis praedictis, & eorum cuilibet, tot & talia Brevia & Waranta, tàm Custumariis sive Collectoribus in Portubus praedictis & eorum cuilibet pro tempore existentibus, quàm Thesaurario & Baronibus de Scaccario nostro pro tempore existentibus, & aliis quibuscumque dirigenda, quot & qualia eidem Ducissae, Executoribus ac Administratoribus suis praedictis aut ejus vel eorum Factoribus sive Attornatis praedictis, & eorum cuilibet, tàm pro Eskippatione Lanarum praedictarum, quàm pro Exoneratione Custumariorum sive Collectorum praedictorum necessaria fuerint seu quomodolibet oportuna:
Concessimus etiam praefatae Ducissae Executoribus & Administratoribus suis praedictis, quòd, si praesentes Literae nostrae Sibi, Factoribus sive Attornatis suis praedictis, vel eorum alicui, quoad Praemissa seu aliquod eorumdem, Invalidae aut minus Sufficientes existant, vel existere contigerint, tunc Cancellarius noster Angliae qui pro tempore fuerit, eidem Ducissae, Executoribus & Administratoribus suis praedictis, aut ejus vel eorum Factoribus sive Attornatis, & eorum cuilibet, tot & tanta Literas nostras Patentes bonas & efficaces ac Brevia nostra, sub Magno Sigillo nostro debitè conficienda, de tempore in tempus, fieri faciet & deliberari, absque aliqua Prosecutione sive Waranto inde penes Nos vel Haeredes nostros praedictos faciendis, quot & qualia dictae Ducissae, Executoribus vel Administratoribus suis praedictis, aut ejus vel eorum Factoribus sive Attornatis, & eorum cuilibet, in hac parte necessaria fuerint seu quomodolibet oportuna; aliquo Statuto, Actu, sive Ordinatione, in contrarium facto, edito, sive ordinato, non obstante.
In cujus &c.
Teste Rege apud Westmonasterium, duodecimo die Februarii.
Per Breve de Privato Sigillo, & de Data &c.
Feb. 25. Pardon for Robert Stillyngton, bp. of Bath and Wells. Westm.
O. xi. 736. H. v. p. iii. 13.		 Pro Roberto Episcopo Bathon. & Wellen. de Pardonatione.
An. 11. E. 4. Pat. 11. E. 4. p. 2. m. 9.
Rex Omnibus Ballivis & Fidelibus suis, ad quos &c. Salutem.
Sciatis quòd de Gratia nostra speciali, & ex certa Scientia & mero Motu nostris, PARDONAVIMUS, REMISIMUS, & RELAXAVIMUS VENERABILI Patri Roberto Episcopo Bathoniensi & Wellensi, aliàs dicto Roberto Bathoniensi & Wellensi Episcopo, aliàs dicto Roberto Episcopo Bathoniensi & Wellensi Decano Liberae Capellae nostrae Sancti Martini Magni Londoniae, aliàs dicto Roberto Bathoniensi & Wellensi Episcopo Decano Liberae Capellae nostrae Sancti Martini Magni Londoniae, aliàs dicto Roberto Episcopo Bathoniensi & Wellensi ac Decano Liberae Capellae nostrae Sancti Martini Magni Londoniae, aliàs dicto Roberto Bathoniensi & Wellensi Episcopo ac Decano Liberae Capellae nostrae Sancti Martini Magni Londoniae, aliàs dicto Roberto Stillyngton Decano Liberae Capellae nostrae Sancti Martini Magni Londoniae, aliàs dicto Roberto Decano Sancti Martini Londoniae, aliàs dicto Magistro Roberto Stillyngton Decano Liberae Capellae nostrae Sancti Martini Magni Londoniae, aliàs dicto Magistro Roberto Decano Sancti Martini Londoniae, aliàs dicto Magistro Roberto Stillyngton nuper Custodi Privati Sigilli nostri, aliàs dicto Magistro Roberto Stillyngton nuper Custodi Privati Sigilli, seu quocumque alio Nomine censeatur, omnimoda Transgressiones, Offensas, Mesprisiones, Contemptus, Impetitiones, Detentiones, Elongationes, Negligentias, Extortiones, Ignorantias, Concelamenta, & Deceptiones, per ipsum Robertum Episcopum ante praesentem Diem qualitercumque facta sive perpetrata:
Et insuper, ex Scientia & Motu nostris praedictis, PARDONAVIMUS, REMISIMUS, & RELAXAVIMUS eidem Roberto Episcopo SECTAM PACIS nostrae, quae ad Nos versus ipsum Robertum Episcopum pertinet, pro omnimodis Proditionibus, Rebellionibus, Insurrectionibus, Feloniis, Conspirationibus, Cambipartiis, Manutenentiis, Imbraciariis, ac aliis Transgressionibus, Offensis, Negligentiis, Extorsionibus, Mesprisionibus, Ignorantiis, Contemptibus, Concelamentis, Forisfacturis, & Deceptionibus, per ipsum Robertum Episcopum ante praedictum praesentem Diem qualitercumque factis sive perpetratis, ac etiam Utlagariis, si quae in ipsum Robertum Episcopum hiis Occasionibus seu earum aliqua fuerint Promulgatae, & Firmam Pacem nostram ei inde Concedimus; ita tamen quòd Stet Recto in Curia nostra, si quis versus eum Loqui voluerit de Praemissis vel aliquo Praemissorum:
Ac etiam, ex Scientia & Motu nostris praedictis, PARDONAVIMUS, REMISIMUS, & RELAXAVIMUS eidem Roberto Episcopo omnimoda Escapia Felonum & Clericorum Convictorum seu Attinctorum, ante dictum praesentem Diem qualitercumque facta, necnon omnimodas Poenas & Redemptiones, ac Forisfacturas, & omnimodos Fines adjudicatos, Amerciamenta, Exit. Forisfact. Relevia, Scutagia, ac omnimoda Debita, Compota, Praestita, Arreragia Firmarum & Compotorum, Nobis ante dictum praesentem Diem per praefatum Robertum Episcopum qualitercumque debita sive pertinentia, necnon omnimodas Actiones, Sectas, Querelas, Impetitiones, Executiones, & Demandas quas Nos soli vel Nos conjunctim cum aliis Personis seu aliâ Personâ habemus seu habere poterimus versus ipsum Robertum Episcopum pro Praemissis vel aliquo Praemissorum, aut pro aliqua alia Re, Causa, vel Materia quacumque; aliquibus Statutis, Ordinationibus, Provisionibus, Restrictionibus, sive Actibus, in contrarium factis sive editis, aut aliquâ aliâ Re, Causâ, vel Materiâ quacumque non obstantibus.
In cujus &c.
Teste Rege apud Westmonasterium, vicesimo quinto die Februarii.
Per ipsum Regem, & de Dat. &c.
Feb. 29. Power for Thomas bp. of Rochester, keeper of the privy seal, William lord Hastynges, the K.'s chamberlain, and two others, to treat with Charles duke of Burgundy. Westm.
O. xi. 737. H. v. p. iii. 14.		 De Communicando & Tractando cum Duce Burgundiae.
An. 11. E. 4. Franc. 11. E. 4. m. 7.
Rex Omnibus ad quos &c. Salutem,
Sciatis quòd Nos,
De Fidelitatibus, Circumspectionibus, & Industriis, Venerabilis Patris Thomae Episcopi Roffensis Custodis Privati Sigilli nostri, ac, Dilectorum & Fidelium nostrorum, Willielmi Hastynges Militis Domini de Hastynges Camerarii nostri, Magistri Willielmi Hattecliffe Secretarii nostri, & Magistri Johannis Russell Secundarii in Officio Privati Sigilli nostri, Consiliariorum nostrorum, plenariè confidentes,
Ipsos nostros veros & indubitatos Ambassiatores, Commissarios, Procuratores, Deputatos, & Nuncios speciales Facimus, Ordinamus, & Constituimus per Praesentes,
Dantes & Concedentes eisdem Ambassiatoribus, Commissariis, Procuratoribus, Deputatis, & Nunciis nostris, Tribus, Duobus, & Uni eorum (quem praefatum Willielmum Hatteclyffe esse volumus) plenam & sufficientem Potestatem & Auctoritatem, ac Mandatum generale & speciale, cum Illustrissimo Principe Fratre nostro carissimo Karolo, Dei gratiâ, Duce Burgundiae, &c. seu ejus Ambassiatoribus, Commissariis, Procuratoribus, Deputatis, seu Nunciis, aut Ambassiatore, Commissario, Procuratore, Deputato, seu Nuncio, sufficientem Potestatem & Auctoritatem ab eodem Fratre nostro habentibus vel habente, Conveniendi,
Ac Tractandi, Communicandi, Appunctuandi, Concordandi, & finaliter Concludendi, de & super reali, firma, & perpetua Pace, Ligis, Amicitiis, & Confoederationibus quibuscumque, inter Nos, Haeredes, & Successores nostros, Regna, Terras, Dominia, Subditos, Amicos, Alligatos, Confoederatos, Faventes, & Adhaerentes nostros quoscumque ex Parte una, & praefatum Fratrem nostrum, Haeredes & Successores suos, Loca, Dominia, Subditos, Amicos, Alligatos, Confoederatos, Faventes & Adhaerentes suos quoscumque, ex Parte altera, Contrahendis, Ineundis, Firmandis, & Roborandis, Auxiliisque & Assistentiis pecuniariis, ac aliis quibuscumque, Nobis ac ipsi Fratri nostro invicem praestandis, Modoque Forma & Quantitate eorum, Ordinandi, Firmandi, & Roborandi Viis, Modis, & Formis quibuscumque,
Caeteraque omnia & singula, quae in Praemissis seu aliquo Praemissorum vel circa ea aut eorum aliquod necessaria fuerint seu quomodolibet oportuna, Faciendi, Excercendi & Expediendi, etiam si Mandatum de se magis exigant speciale;
Promittentes, bonâ Fide & in Verbo Regio, Nos Ratum, Gratum, & Firmum pro perpetuo habituros totum & quicquid per praefatos Ambassiatores, Commissarios, Procuratores, Deputatos, & Nuncios nostros, Tres, Duos, vel Unum eorum (quem praefatum Willielmum Hatteclyffe esse Volumus) Actum, Gestum, seu Procuratum fuerit in Praemissis vel aliquo Praemissorum.
In cujus &c.
Teste Rege apud Westmonasterium, vicesimo nono die Februarii.
Per ipsum Regem & de Dat. &c.
March 4. Power for sir John Scotte, marshal of Calais, William Hatteclyffe, the K.'s secretary, John Russel, archdeacon of Berks, and six others, to treat with the Burgundian ambassadors concerning commerce. Westm.
O. xi. 738. H. v. p. iii. 14.		 De Tractando, super Pacificatione Differentiarum, cum Ambassiatoribus Ducis Burgundiae.
An. 12. E. 4. Franc. 12. E. 4. m. 23.
Rex Omnibus, ad quos &c. Salutem.
Sciatis quòd,
Cùm pridem quaedam Dieta inchoata & tenta fuerit apud Brugez, inter Nostros & Illustrissimi Principis Caroli Ducis Burgundiae Fratris nostri Ambassiatores & Commissarios, de & super nonnullis Differentiis & Difficultatibus, inter Subditos utriusque Partis hincinde, super Facto, Usu, & Excercitio Mercandisae, multipliciter exortis & dependentibus, Indiscussis,
Quòdque licet varia Colloquia & Advisamenta, de & super Abolitione & Extirpatione Differentiarum & Difficultatum hujusmodi, per ipsos Commissarios facta, concepta, ac in Scriptis redacta extiterint, obstantibus tamen nonnullis Articulis, super quibus ad ambarum Partium Principes pro pleniore Informatione eorumdem recurri ac Relationem fieri oportebat, communicata & advisata hujusmodi nondum debitum sortita sunt effectum,
Volentes igitur ut ad finalem Pacificationem Differentiarum & Difficultatum earumdem, ac aliarum de novo Emergentium si quae occurrerint, sine dilatione ulteriori efficaciter procedatur,
De Fidelitatibus, Circumspectionibus, & Industriis, Dilectorum & Fidelium nostrorum, Johannis Scotte Militis Marescalli Villae nostrae Calesii, Magistrorum, Willielmi Hattecliffe Secretarii, Johannis Russel, Berks, ac Ricardi Martyn, Londoniae, Archidiaconorum, Consiliariorum nostrorum, Johannis Yonge & Johannis Crossebye Militum, Willielmi Rosse Vitellarii dictae Villae nostrae Calesii, Hugonis Brice Clerici in Officio Contrarotulatoris Monetae nostrae, ac Johannis Pykeryng Consulis Mercatorum Regni nostri Frequentantium Patrias ipsius Fratris nostri, pleniùs confidentes,
Ipsos, Octo, Septem, Sex, Quinque, aut Quatuor eorum (quorum dictorum Johannis Scotte, Willielmi Hattecliffe, Johannis Russel, & Ricardi Martyn Duos esse Volumus) Facimus, Ordinamus, Deputamus, & Constituimus nostros veros & indubitatos Ambassiatores, Commissarios, Procuratores, & Nuncios speciales per Praesentes,
Damus & Concedimus eisdem Octo, Septem, Sex, Quinque, aut Quatuor eorum, in forma praemissa, Potestatem generalem & Mandatum speciale ad dictam Villam Brugensem in partibus Flandriae se Transportandi, & ibidem, seu alibi si necesse fuerit, cum dicto Fratre nostro, Commissariisve aut Deputatis ab eodem ad hoc sufficientem Potestatem habentibus, de & super Differentiis & Difficultatibus quibuscumque supratactis Communicandi, Tractandi, Ordinandi, Appunctuandi, Statuendi, & Concludendi,
Media & Articulos, pro Pacificatione & finali Abolitione Differentiarum earumdem utilia seu oportuna, Concipiendi ac eisdem Concentiendi,
Unamque seu plures Literam aut Literas, per modum Capitulorum seu Articulorum, aut aliter, prout visum fuerit, desuper Conficiendi, Expediendi, & Sigillandi,
Aliam seu Novam Dietam, pro Praemissis forsitan necessariam, Satuendi & Concludendi,
Caeteraque Faciendi, Excercendi, & Expediendi quae in Praemissis necessaria fuerint seu quomodolibet oportuna;
Promittentes, in Verbo Regio, Nos Ratum, Gratum, & Firmum perpetuò habituros quicquid per dictos Ambassiatores nostros, in Forma praemissa, Gestum, Actum, seu Conclusum fuerit in hac parte.
In cujus &c.
Teste Rege apud Westmonasteriam, quarto die Martii.
Per ipsum Regem, & de Data praedicta &c.
March 5. Power for the same commissioners to treat with the governors of le Mesne Hanzae. Westm.
O. xi. 739. H. v. p. iii. 14.		 De Tractando, cum Gubernatoribus Patriarum Hanzae Teutonicae, super Pace perpetua.
An. 12. E. 4. Franc. 12. E. 4. m. 23.
Edwardus, Dei gratiâ, Rex Angliae & Franciae, & Dominus Hiberniae, Omnibus, ad quos praesentes Literae pervenerint, Salutem.
Illa Consuetudo rectè Regnantium, ille Mos justè Principantium semper fuit, Bonum Commune Subditorum quibuscumque Privatis praeferre Commodis, talibusque Rempublicam munire Praesidiis, per quae posset a Bellorum & Guerrarum Dispendiis secura & quieta persistere, ac sub Tranquillitate Pacis votivaque Felicitate laetari; quod tunc satis utiliter creditur promoveri, cùm Cristiani Principes & alii Seculi Potentes in verae Amicitiae & Amoris Foedere, unâ Mentis consonantiâ, conveniunt, ac indissolubili modo copulantur.
Hinc est quòd Nos,
De Fidelitate, Circumspectione, & Industriâ, nostrorum Fidelium & Dilectorum, Johannis Scotte Militis Marescalli Villae nostrae Calesii, Magistrorum, Willielmi Hattecliff Secretarii, Johannis Russell, Berke, ac Ricardi Martyn, Londonia, Archidiaconorum, Consiliariorum nostrorum, Johannis Yonge & Johannis Crosseby Militum, Willielmi Rosse Vitellarii dictae Villae nostrae Calesii, Hugonis Brice Clerici in Officio Contrarotulatoris Monetae nostrae, ac Johannis Pickering Consulis Mercatorum Regni nostri Frequentantium Patrias Illustrissimi Principis Caroli Ducis Burgundiae Fratris nostri, pleniùs confidentes,
Ipsos Octo, Septem, Sex, Quinque, aut Quatuor eorum (quorum dictorum Johannis Scotte, Willielmi Hattecliff, Johannis Russel, & Ricardi Martyn duos esse volumus) Facimus, Ordinamus, Deputamus, & Constituimus nostros veros & indubitatos Ambassiatores, Commissarios, Procuratores, & Nuncios speciales,
Dantes & Concedentes eisdem Ambassiatoribus, Commissariis, Procuratoribus, Deputatis, & Nunciis nostris, Octo, Septem, Sex, Quinque, aut Quatuor eorum, in forma praedicta, plenam & liberam Potestatem ac Mandatum generale & speciale, pro Nobis & Successoribus nostris, Regnis, Terris, Dominiis, Subjectis, Amicis, Alligatis, Confoederatis, Faventibus, & Adhaerentibus nostris quibuscumque, cum spectabilibus & Egregiis Viris Gubernatoribus Patriarum & Civitatum Hanzae Teutonicae aliàs vocatae le Mesne Hanzae, seu eorum Ambassiatoribus, Commissariis, Procuratoribus, & Nunciis sufficientem in ea parte Potestatem habentibus, ac etiam cum quibuscumque Universitatibus, Societatibus, Principibus, Dominis, Gubernatoribus, & Rectoribus Terrarum, Patriarum, Civitatum, Opidorum, Villarum, & Dominiorum quorumlibet seu Terrae Alemanniae, aut cum ipsorum Ambassiatoribus, Commissariis, Procuratoribus, & Nunciis sufficientem Potestatem habentibus, Conveniendi, Tractandi, Communicandi, Appunctuandi, Concordandi, & finaliter Concludendi de & super perpetua & reali Pace atque Concordia, tàm per Mare quàm per Terram, necnon Ligis, Amicitiis, & Confoederationibus quibuscumque, inter Nos, & Successores, Regna, Terras, Dominia nostra, Subditos, Amicos, Alligatos, Confoederatos, Faventes & Adhaerentes nostros quoscumque, ex parte una, & praefatos Egregios & Spectabiles Viros Gubernatores Patriarum & Civitatum Hanzae praedictae, ac etiam inter Universitates, Societates, Principes, Dominos, Gubernatores, & Rectores Terrarum, Civitatum, Opidorum, Villarum, & Dominiorum quorumlibet dicti Regni seu Terrae Alemanniae, Terras, Civitates, Opida, Villas, Castra, Patrias, & Dominia sua, Subjectos, Amicos, Alligatos, Confoederatos, Faventes, & Adhaerentes suos quoscumque, ex parte altera, Contrahendis, Ineundis, & Firmandis,
Necnon Pacem & Concordiam, Ligas, Amicitias, & Confoederationes hujusmodi, viis & modis omnibus quibus expedire videbitur, Vallandi & Roborandi,
Et nichilominus, si eisdem Ambassiatoribus, Commissariis, Procuratoribus, Deputatis, & Nunciis nostris expediens Visum fuerit, cum praefatis Spectabilibus & Egregiis Viris, ac Universitatibus, Societatibus, Principibus, & Dominis, Gubernatoribus, & Rectoribus, aut eorum Ambassiatoribus, Commissariis, Procuratoribus, Deputatis, & Nunciis sufficientem Potestatem habentibus, de & super Treugis & Guerrarum Abstinentiis, ac Mercandisarum Intercursu, tàm per Mare, quàm per Terram,
Inter Nos & Ipsos, ac Regna, Terras, Civitates, Villas, Opida, Castra, Patrias, & Dominia, tàm Nostra quàm Sua quaecumque, ac nostros & suos Subditos, Amicos, Alligatos, Confoederatos, Faventes & Adhaerentes praedictos, Capiendis & Firmandis,
Conveniendi, Tractandi, Communicandi, Appunctuandi, Concordandi, & finaliter Concludendi, sub Modis Formâ & Conditionibus, de quibus inter dictos nostros Ambassiatores, Commissarios, Procuratores, Deputatos & Nuncios, & praefatos Spectabiles & Egregios Viros, ac etiam Universitates, Societates, Principes, Dominos, Gubernatores, & Rectores praedictos, seu eorum Ambassiatores, Commissarios, Procuratores, Deputatos & Nuncios, poterit concordari,
Caeteraque omnia & singula Faciendi, Excercendi, & Expediendi, quae in Praemissis vel aliquo Praemissorum, seu circa ea aut eorum aliquod, necessaria fuerint seu quomodolibet oportuna,
Ac quae qualitas & natura hujusmodi Negotii exigunt & requirunt, & quae Nosmetipsi facere possemus si personaliter interessemus, etiamsi talia forent quae de se Mandatum quantumcumque exigant speciale;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid, per dictos Ambassiatores, Procuratores, Deputatos, & Nuncios nostros, in forma praedicta, Actum, Gestum, seu Procuratum fuerit in Praemissis, seu aliquo Praemissorum.
In cujus rei Testimonium has Literas nostras fieri fecimus Patentes.
Teste meipso apud Westmonasterium, Quinto die Martii, Anno Regni nostri duodecimo.
Per ipsum Regem, & de Data praedicta, Auctoritate Parliamenti.
March 6. Safe conduct for Thomas bp. of Aberdeen, David Lyndesey, earl of Craforth, James lord Hamilton, and four other Scotch ambassadors. Westm.
O. xi. 740. H. v. p. iii. 15.		 De salvo Conductu pro Ambassiatoribus Scotiae, cum 200 Personis in Comitiva sua.
An. 12. E. 4. Scot. 12. E. 4. m. 21.
Edwardus, Dei gratiâ, Rex Angliae & Franciae, & Dominus Hiberniae, universis & singulis Admirallis, Capitaneis, Castellanis, & eorum Locatenentibus, Custumariis, Custodibus Portuum Maris & aliorum Locorum Maritimorum, necnon Vicecomitibus, Majoribus, Ballivis, Constabulariis, ac aliis Officiariis, Ministris, Ligeis & Subditis nostris quibuscumque, infra Libertates & extra, tàm per Terram, quàm per Mare, constitutis, ad quos praesentes Literae pervenerint, Salutem.
Sciatis quòd suscepimus in salvum & securum Conductum nostrum, ac in Protectionem, Tuitionem, & Defensionem nostras speciales, Venerabilem Patrem, Thomam Episcopum Aberdensem David Lyndesey, Comitem de Craforth Militem, Jacobum Hamilton Dominum Hamilton Militem, Johannem Steward Dominum de Darneley, Archibaldum Whitlawe Archidiaconum de Lothean Secretarium Carissimi Consanguinei nostri Jacobi Regis Scotorum, David Guthre Magistrum Registriae ipsius Regis, Duncanum de Dundasse, Ambassiatores & Commissarios praefati Consanguinei nostri, in Regnum nostrum Angliae, ex certis Causis, cum Ducentis Personis in Comitiva sua &c.
Teste Rege apud Westmonasterium, Sexto die Martii.
March 10. Restitution of the temporalities to Thomas bp. of Lincoln, translated from Rochester. Westm.
O. xi. 740. H. v. p. iii. 15.		 De Restitutione Temporalium.
An. 12. E. 4. Pat. 12. E. 4. p. 1. m. 18.
Rex, Escaetori suo in Comitatu Lincolniae, Salutem.
Cùm Dominus Sixtus Summus Pontifex, Venerabilem Patrem Thomam, nuper Roffensem Episcopum, a Vinculo, quo dictae Roffensi Ecclesiae praeerat & tenebatur, de Apostolicae plenitudinis Potestate Absolvens, Ipsum ad Ecclesiam Lincolniensem, Vacantem per Mortem bonae memoriae Johannis ultimi Episcopi ejusdem,
Cui dictus Dominus Summus Pontifex, per Literas suas Bullatas, eandem Ecclesiam, quamdiu Vitam duceret in humanis, per eum Tenendam, Regendam, & Gubernandam in Spiritualibus & Temporalibus commendavit,
Auctoritate Apostolicâ Transtulerit, Ipsumque Thomam in Episcopum Loci illius Praefecerit & Pastorem, sicut per Literas Bullatas ipsius Domini Summi Pontificis, Nobis inde directas, Nobis constat,
Nos,
Pro eo quòd praefatus Thomas omnibus Verbis, Nobis & Coronae nostrae Praejudicialibus, in dictis Literis Bullatis contentis, palàm & expressè Renunciavit, & Gratiae nostrae humiliter se Submisit, Volentes cum eo agere gratiosè,
Cepimus Fidelitatem ipsius Thomae, Nobis pro Temporalibus dictae Ecclesiae Lincolniensis debitam, & eidem Thomae Temporalia illa, cum pertinentiis, prout moris est, Restituimus;
Et ideò Tibi Praecipimus quòd eidem Thomae Temporalia praedicta, cum pertinentiis, in Balliva tua, Liberes in forma praedicta; salvo Jure cujuslibet.
Teste Rege apud Westmonasterium, x die Martii.
Per Breve de Privato Sigillo, & de Data &c.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Oxon.
Escaetori Regis in Com. Notyngh.
Escaetori Regis in Com. Leyc.
Escaetori Regis in Com. Norht. & Rotel.
Escaetori Regis in Com. Bed. & Buk.
Escaetori Regis in Com. Hertf.
Escaetori Regis in Com. Cantebr. & Hunt.
Dilecto Regis Willielmo Edward Majori Civitatis suae Londoniae, ac Escaetori suo in eadem Civitate.
Majori Civitatis Regis Lincolniae, ac Escaetori suo in eadem Civitate.
Et Mandatum est Militibus, &c.
March 11. Ratification of the treaty with Portugal, dated Westm., 24 Feb. 1387. Westm.
O. xi. 741. H. v. p. iii. 15.		 Renovatio Antiquorum Foederum cum Portugalia.
An. 12. E. 4. Franc. 12. E. 4. m. 22.
Rex Omnibus, ad quos &c. Salutem.
Inspeximus Tractatum Pacis, Concordiae, & perpetuae Amicitiae, inter Consanguineum nostrum Carissimum Ricardum nuper Regem Angliae Praedecessorum nostrum, pro Se, Haeredibus, Regno, Terris, Dominiis, Vassallis, & Subditis ejus, ex una, & Carissimum Fratrem nostrum Johannem Regem Portugaliae & Algarbii, pro Se, Haeredibus, Regno, Terris, Dominiis, Vassallis, & Subditis suis quibuscumque, ex altera Parte, modo & formâ prout inferius continetur.
Nos, Ricardus Abberbury, Johannes Clamevowe Milites, & Ricardus Rouhale Legum Doctor, Serenissimi Principis & Domini Domini Ricardi, Dei gratiâ, Regis Angliae & Franciae, Domini nostri Illustrissimi, Procuratores & Commissarii, ad Infrascripta specialiter Deputati, Salutem in omnium Salvatore.
Illud pium Propositum rectè Regnantium, illaque finalis Intentio justè Principantium esse debet, Bonum Commune Subditorum Privatis praeferre Commodis, talibusque subjectam eis Rempublicam munire Praesidiis, per quae, exclusis caecis Inquietationum Turbinibus, exterminatisque Adversantium Incursibus, Plebs fidelis, quae talibus gubernatur Auctoritatibus, nedùm augeatur Prosperis, set sub optatae Quietis & Pacis amoenitate conservetur continuè in Adversis; quod reverà tunc aptiùs procurari speratur, cùm Christianissimi Reges & Principes, in vera Unitate & Obedientia sacrosanctae Romanae Ecclesiae persistentes, in unam Mentis consonantiam conveniunt, & invicem indissolubilis Amoris Foedere copulantur.
Hoc siquidem Serenissimus Princeps & Dominus noster Metuendissimus supradictus in profundae suae Considerationis revolvens examine, nobis Tractandi & Firmandi Nomine suo Ligas, Amicitias, & Confoederationes reales & perpetuas,
Cum, Nobilibus & Discretis Viris, Domino Fernando Magistro Ordinis Militiae Sancti Jacobi in Regnis Portugaliae & Algarbii, & Laurentio Johannis Fogata Milite Cancellario Portugaliae, Ambassiatoribus, Procuratoribus, seu Nunciis, Illustris Consanguinei sui Domi- ni Johannis, Dei gratiâ, Regis Portugaliae & Algarbii, ad Praesentiam praefati Serenissimi Domini nostri propterea transmissis,
Per Literas suas Patentes Magno Sigillo munitas (quarum Tenor inferiùs describitur) Potestatem commisit & attribuit,
In cujus vigore cum Ambassiatoribus & Nunciis Domini Regis Portugaliae supradictis, a praefato Domino suo ad Infrascripta Faciendum Potestatem seu Procuratorium sub Sigillo Plumbeo ex Parte praefati Domini sui exhibentibus, (cujus etiam Tenor inferiùs describitur) Ligas, Amicitias, Confoederationes, seu Uniones reales, firmas, & perpetuas, Tractavimus, &, post varias Dietas, Concordavimus sub haec forma,
In Primis, jamque Tractatum est, & finaliter Concordatum quòd, propter Bonum publicum, & Quietem Regum & Subditorum utriusque Regni, sint & inviolabiliter ac perpetuò permaneant inter Reges Modernos supradictos, eorumque Haeredes & Successores, ac Subditos utriusque Regni, Ligae, Amicitiae, Confoederationes, & Uniones firmae, perpetuae, & reales, nedùm pro Ipsis & eorum Haeredibus, & Successoribus, set pro Regnis, Terris, Dominiis, & Patriis, eorumque Subditis, Vassallis, Alligatis, & Amicis quibuscumque; adeò quòd alter eorum teneatur alteri Succursum facere & Adjutorium impendere, contra omnes, qui possunt vivere & mori, qui Partem alterius laedere, seu Statum depravare quomodolibet molirentur; Domino nostro Summo Pontifice Urbano moderno, suisque Successoribus Canonicè intrantibus, Dominis Wenzeslao, Dei gratiâ, Rege Romanorum & Bohemiae, & Johanne, eadem gratiâ, Rege Castellae & Legionis Duce Lancastriae, Avunculo praefati Illustrissimi Domini nostri, pro Parte ejusdem specialiter dumtaxat Exceptis.
Item, Tractatum est & unanimiter Concordatum quòd omnes & singuli Vassalli, seu Subditi Regnorum, Terrarum, & Dominiorum supradictorum, etiamsi Praelati, Duces, Comites, Barones, Milites, Clerici, Scutiferi, Mercatores, seu alii (cujuscumque Praeeminentiae, Statûs, vel Conditionis extiterint) poterunt salvò & securè Pars (videlicet) una alterius Regnum, Terras, & Dominia Intrare, & cum ipsis Subditis mutuò Conversari & Mercari, ibidemque Morari, & deinde ad Lares proprios Reverti, vel quocumque placuerit se Divertere, adeó liberè & pacificè, sicuti in propria Patria hoc liceret; & quòd una Pars in Regnis, Terris, & Dominiis alterius, adeò amicabiliter Receptetur, & honestè Tractetur in singulis Partibus, ad quas declinare contigerit, sicuti Gentes dictarum Partium, paris Conditionis, Tractari debeant aut solebant; Solvendo Regi & aliis Dominis Partium dictarum Custumas & Deveria in Partibus illis solvi hactenus consueta, necnon Custodiendo Leges & Statuta Regum & Terrarum supradictorum ubi sic ut praedictum est, intraverint vel eos morari contigerit.
Item, mutuò Concordatum est quòd nullo modo liceat dictis Regibus, nec alicui Subditorum, Terrarum & Dominiorum praedictorum (cujuscumque Gradûs, Statûs, seu Conditionis extiterint) Dare seu Facere quovismodo Concilium, Auxilium, vel Favorem Terrae, vel Dominio, sive Nationi, quae alteri Parti eorumdem Inimica fuerit vel Rebellis: nec Inimicis hujusmodi Naves, Galeas, seu quaevis alia Navigia, quae in Gravamen alterius Partis cedere poterint, quovismodo Locare, Concedere, seu aliud Suffragium (cujuscumque generis vel naturae fuerit) hujusmodi Inimicis vel Rebellibus, quocumque Titulo, Cooperatura, Palliatione vel Colore, directè vel indirectè, publicè vel occultè, quovismodo facere, vel Succursum Inimicis seu Rebellibus hujusmodi, qui in Gravamen alterius Partis cedere possit, impendere vel praestare; quin potiùs quilibet dictorum Regum, & Regnorum, Terrarum & Dominiorum suorum, & Haeredum ipsorum, Inimicos & Rebelles alterius eorumdem, ut eorum proprios & Capitales Inimicos, Vitare Persequi & Destruere totis Viribus teneantur; &, si quis dictorum Subditorum, contra Praemissa seu aliquod Praemissorum, aliquid attemptasse Convictus extiterit, absque Diffugio vel Simulatione Puniri debebit legittimè, ad Beneplacitum & Voluntatem illius Regis, in cujus Offensam sic fuerit attemptatum.
Item, est concorditer Ordinatum quòd, si, futuris temporibus, una Pars Regum praedictorum, Haeredumve suorum, indigeat alterius Supportatione vel Succursu, & pro habendo hujusmodi Auxilio Partem alteram legitimè requisierit; quòd Pars Requisita hujusmodi Auxilium seu Succursum Parti Requirenti (si & quatinus, propter occurrentia Sibi, Regnis, Terris, Dominiis, & Subditis suis Pericula, hoc facere poterit) cessante dolo, fraude, seu fictione quibuscumque, facere Teneatur, & ad hoc faciendum, ut praemittitur, per praesentes Ligas firmiter Obligetur; Requirentis tamen rationabilibus Sumptibus & Expensis, prout inter dictos Reges vel eorum Deputatos seu Concilia poterit concordari; Proviso semper quòd Requisitio Auxilii vel Succursûs hujusmodi fiat per Sex Menses antequam Executioni demandari debebit.
Insuper, Ordinatum est quòd omnia Bona mobilia & se moventia (cujuscumque generis extiterint seu speciei) quae per Gentes alicujus Regum praedictorum, Haeredumve aut Successorum suorum, in Obsequio alterius ipsorum Regum existentes, super Inimicos Regis, Auxilium vel Succursum requirentis, adquiri contigerit & lucrari, sint ipsius Regis & Gentium suarum inconcussè qui Succursum fecerit vel Auxilium, ad Disponendum de eisdem secundùm Consuetudinem in Regno suo usitatam: Proviso semper quòd, si per Mare hujusmodi Bona hostiliter Capiantur, Tertia Pars eorumdem erit illius Regis, qui Sumptus & Expensas principaliter fecerit, in hac parte, ad Nocendum & Resistendum Inimicis praedictis: Si autem aliquos Duces Bellorum seu Conflictuum, seu magnos Capitaneos super Mare vel Terram, de Inimicis hujusmodi capi contigerit, statim, sine Contradictione quacumque, ipsi Regi, qui in Praemissis Sumptus praestiterit & Expensas fecerit principales pro dicta Armata facienda, Liberentur & illius sint; salva tamen Remuneratione sive Regardo competenti, per illum Regem faciendo illi vel illis qui dictos Duces vel Capitaneos hujusmodi Ceperint, prout poterunt inter se seu per suos Deputatos rationabiliter convenire:
Bona verò immobilia, puta Terrae, Villae, Castra, & similia, si per Gentes unius dictorum Regum, Haeredum, vel Successorum suorum, super Inimicos alterius illarum Invasa fuerint & Optenta, ad quae de Jure alteri ipsorum Regum Haeredum vel Successorum suorum Jus competierit in hac parte, & ad ea aliàs Jus habuerit prosequendi, ubicumque fuerint Bona illa & in quibus Regnis vel Dominiis, eidem Regi Angliae vel Portugaliae, cui illorum in illis Partibus, Jure Haereditario, vel aliâ viâ Juris legitimâ daretur Actio, & Jus haberet aliàs Prosequendi, protinùs Liberentur, absque contradictione vel difficultate quacumque.
Item, Concordatum est quòd, si aliquis Partium praedictarum aliquid scire, explorare, seu sentire poterit quòd aliquod Dampnum, Malum, Vituperium, seu Gravamen contra Partem alteram Ordinatum, Tractatum, vel Ymaginatum extiterit, per Terram vel per Mare, publicè vel occultè, quòd hoc toto Posse suo impediet, sicuti Dampnum & Vituperium Partis suae propriae impediri optaret; procurabitque & faciet Factum hujusmodi, cum debitis Circumstantiis, Parti alteri, contra quam sic Ymaginatum extiterit, cum quacumque possibilitate perferri, dolo, fraude, & fictione cessantibus quibuscumque.
Item, Concordatum est quòd nullae Treugae seu Guerrarum Sufferentiae, per Terram vel per Mare, per alterum Regum praedictorum Haeredumve suorum de caetero capiantur, nisi alter Rex, Regna, Terrae, & Dominia sua ejusque Subditi Comprehendantur in eisdem, ut eorum Beneficio uti & gaudere valeant, si eis expediens videatur.
Item, si, temporibus futuris, contigerit (quod absit) quòd aliquid, contra praesentes Alligantias, per Subditos alterius Regum praedictorum Haeredumve suorum contra alium, per aliquas Incursiones, Invasiones, Castrorum, Villarum, seu Fortalitiorum Captiones, Depraedationes, Derobbationes Personarum, seu Rerum Captiones aut Detentiones, vel quovis alio modo, Attemptatum fuerit seu quomodolibet Injuriatum, quòd Rex ille (cujus Subditi taliter attemptaverint & injuriati fuerint) & Haeredes sui pro tempore existentes teneantur, & quilibet eorum pro tempore suo teneatur, Reparare, Reformare, Emendare, & ad Statum debitum Attemptata hujusmodi Reducere, ac Delinquentes hujusmodi debitè Corrigere & Punire ad Voluntatem & Discretionem illius Regis cui sic Injuriatum extiterit, cum omni celeritate quâ citiùs fieri poterit, & ad minus infra Sex Menses postquam super Reformatione & Punitione fiendis fuerint debitè Requisiti, vel eorum aliquis inde fuerit Requisitus; fraude, dolo, dilatione, & Malitiâ cessantibus quibuscumque; proviso semper quòd praesentes Alligantiae pro tanto non censeantur seu habeantur in aliquo Fractae, Dissolutae, seu Irritae, set semper in suo Robore maneant & virtute.
Et ulteriùs, pro Conservatione dictarum Alligantiarum fortiùs, Ordinatum existit quòd, pro nullo Articulo suprascipto, neque pro omnibus simul junctis, etiam si Mors vel Mutilatio Personarum ex eisdem fuisset (quod absit) subsecuta, neque pro quacumque alia Violentia quae fieri seu praemachinari poterit, cujuscumque foret qualitatis vel condition- nis, praesentes Alligantiae dissolvi poterunt vel infringi, quinimmo semper attemptata, ut praemittitur, Reformari debebunt; praesentibus Ligis in suis Firmitate & Robore nichilominus continuè duraturis;
Set, si contingeret futuris temporibus (quod absit) quòd unus Praemissorum Regum Haeredumve suorum, pro tempore existentium, per Se, Subditos suos, vel alios, de eorumdem Regum Mandato, Voluntate, Approbatione, vel Consensu, vellent seu vellet, contra Formam & Effectum Alligantiarum & Amicitiarum praedictarum, contra alterum de facto Malignari, faciendo fieri vel per se, vel per suos, aut fieri permittendo seu procurando, Parti alteri apertam Guerram, per Terram vel per Mare, vel aliàs praefatam Partem alteram Dampnificando vel Molestando, quovis quaesito Titulo vel Colore, Ordinatum est & unanimiter Concordatum quòd Pars illa, quae Excessum & Injuriam seu Violentiam hujusmodi commiserit, perdat Beneficium praesentium Ligarum ad Partis alterius, contra quam sic Attemptatum fuerit, Voluntatem; & quòd ipsa Pars Injuriata praefatas Alligantias, in Praejudicium alterius, si hoc voluerit, Infringendi, vel aliàs, ipsis Ligis, in Favorem praefatae Partis Injuriatae, in suo Robore permanentibus, ad Reformationem Attemptatorum, per quascumque vias sibi magis expediens videbitur, Procedendi (absque aliqua nota Perjurii, Infamiae, seu cujuscumque alterius Poenae seu Culpae) Liberam habeat Optionem.
Item, Concordatum est quòd omnes Haeredes & Successores Regum praedictorum, singuli suis temporibus successivis, infra Annum a Die Coronationis suae continuè Computandum, Teneantur, & quilibet eorum pro tempore suo Teneatur, praesentes Alligantias solempniter & publicè, in Personarum Nobilium & Autenticarum Praesentiâ, Jurare, ipsasque Renovare, Ratificare, Confirmare sub Testimonio publico & Sigillis Majoribus eorumdem; super quibus, sic Juratis, Renovatis, Approbatis, & Confirmatis, Teneantur Literas seu Documenta publica conficere, & ipsas Literas, Sigillo suo Majori, ut praemittitur, Communitas, Parti alteri, citiùs quo commodè fieri poterit, cum Persona secura & fidedigna transmittere seu destinare, fraude, dolo, malitia, seu negligentia cessantibus quibuscumque.
Item, Ordinatum est quòd praesentes Ligae, postquam Concordatae, Scriptae, & Sigillatae fuerint, nedùm per Nos Commissarios & Procuratores supradictos in Animabus Dominorum nostrorum praedictorum, set per praefatos Dominos Reges Principales solempniter jurentur, priusquam Partibus liberentur.
Tenor verò Mandati sive Procuratorii, per Serenissimum Principem Dominum nostrum Dominum Regem Angliae & Franciae Illustrem nobis in hac parte attributi (de quo superius fit mentio) sequitur in haec verba,
Ricardus, Dei gratiâ, Rex Angliae & Franciae, & Dominus Hiberniae, omnibus, ad quos praesentes Literae pervenerint, Salutem,
Notum vobis facimus quòd,
De Fidelitate probatâ, Industriâ, & Circumspectione providis, Dilectorum & Fidelium nostrorum, Ricardi Abberbury, Johannis Clanvowe, Militum, & Magistri Ricardi Rouhale Legum Doctoris, plenissimè confidentes,
Ad Tractandum, Conveniendum, & Concordandum cum Nobili & Potenti Principe Consanguineo nostro Carissimo Johanne Rege Portugaliae, seu ad hoc per eum Deputatis, Mandatum sufficiens habentibus, super quibuscumque Ligis, Confoederationibus, & Amicitiis, inter Nos, Subditos nostros, Regna, & Dominia nostra quaecumque, ex una, & ipsum Consanguineum nostrum carissimum, Subditos suos, Regna & Dominia sua quaecumque, ex altera Parte, ac etiam de Modo, Formà, & Quantitate Auxilii, Subventionis, seu Subsidii hinc inde tempore Necessitatis mutuò Ministrandorum, & de Communicationibus inter Subditos hinc inde in Mercimoniis & aliis licitis securè faciendis, necnon in & super omnibus & singulis Articulis, quantumcumque specialibus, qui Ligas, Confoederationes, seu Amicitias, inter Nos & ipsum Consanguineum nostrum carissimum firmandas, concernere poterunt quovismodo, cum eorum Incidentibus, Emergentibus, Dependentibus, & Connexis,
Ac omnia, quae sic Tractata, Concordata, & Conventa fuerint, cum omni Securitate debita & honesta in hoc Casu, Firmandi, consimilemque Securitatem pro Nobis & Nomine nostro Petendi, Stipulandi, Recipiendi, Jurandique in Animam nostram quod Tractata, Conventa, & Concordata hujusmodi Rata habebimus & Grata, nec aliquid procurabimus vel faciemus per quod Tractata & Concordata hujusmodi Effectu debito frustari poterunt seu quo- modolibet impediri, ac Juramentum consimile ab eodem Consanguineo nostro carissimo seu ejus Deputatis Petendi, Exigendi, & Recipiendi,
Caeteraque omnia & singula Faciendi, Excercendi, & Expediendi, quae in Praemissis & circa ea necessaria fuerint seu quomodolibet oportuna, ac quae qualitas & natura hujusmodi Negotii exigunt & requirunt, & quae nosmetipsi facere possemus si personaliter interessemus, etiam si talia forent quae Mandatum exigerent quantumcumque speciale,
Ipsos, Ricardum, Johannem, & Ricardum, & Duos eorum, nostros legitimos & indubitatos Procuratores, Negotiorum Gestores, Commissarios, Deputatos, & Nuncios speciales Facimus, Creamus, Ordinamus, & Constituimus per Praesentes;
Promittentes, bonâ Fide, & in Verbo Regio, ac sub Ypothecâ & Obligatione omnium Bonorum nostrorum praesentium & futurorum, Nos Ratum, Gratum, & Firmum perpetuò habituros quicquid per dictos Procuratores nostros, vel Duos eorum, Actum, Gestum, seu Procuratum fuerit in Praemissis, & singulis Praemissorum; aliis Mandatis seu Procuratoriis nostris in suo nichilominus Robore duraturis.
In cujus Rei Testimonium has Literas nostras fieri fecimus Patentes, Sigilli nostri Magni appositione communitas.
Dat. in Palatio nostro Westmonasterii, Duodecimo Die Aprilis, Anno Regni nostri Nono.
Tenor autem Potestatis seu Procuratorii, per Ambassiatores & Nuncios Domini Regis Portugaliae exhibiti (de quo superius mentio habetur) sequitur & est talis,
Johannes, Dei gratiâ, Portugaliae & Algarbii Rex, universis, praesentes Literas inspecturis, Salutem.
Notum facimus quòd Nos,
De Probitate, Fidelitate, Circumspectionis Industria, Nobilium & Discretorum Virorum, Dominorum, Fernandi Magistri Ordinis Militiae Sancti Jacobi in praedictis Regnis nostris Portugaliae & Algarbii, & Laurentii Johannis Fogata Militis Cancellarii nostri, plenariè confidentes,
Ipsos simul Facimus, Constituimus, ac etiam Ordinamus nostros certos, veros, legitimos, & indubitatos Procuratores, Actores, Factores, & Negotiorum nostrorum infrascriptorum Gestores, ac Nuncios speciales, ita quòd unus sine altero nequeat expedire,
Dantes & Concedentes eisdem plenam & liberam Potestatem ac Mandatum speciale, pro Nobis & Nomine nostro, Tractandi, Ineundi, Paciscendi, Concordandi, & Firmandi, cum Serenissimo Principe ac Domino Domino Ricardo Rege Angliae, ac Illustri & Magnifico Principe & Domino Domino Johanne Rege Castellae & Legionis ac Duce Lancastriae, & quibuscumque Viris Inclitis ac Nobilibus & Personis aliis (cujuscumque Dignitatis, Honoris, Statûs, & Conditionis existant) quoscumque Tractatus Colligationis, Annexationis, Unionis, Confoederationis, & Amicitiae, de quibus eisdem Procuratoribus nostris videbitur Nomine & Vice nostrâ, super Gentibus Armorum & Flecheriis, ad Nos ad Auxilium nostrum & dictorum nostrorum Regnorum mittendis, sub Modis & Formis, Conventionibus, Conditionibus, Obligationibus, Pactionibus, de quibus eis videbitur.
Necnon Contrahendi Mutuum, & mutuò Recipiendi, eisdem Nomine & Vice, cum & a quibuscumque Personis, seu quibuscumque Obligationibus, Conventionibus, Unionibus, Pactis, & Conditionibus, illas Pecuniarum quantitates, quae, pro Solvendis Gentibus Armorum & Flecheriis, ac aliis Negotiis nostris & praedictorum Regnorum nostrorum gerendis, per eos erunt necessariae seu etiam oportunae,
Et Jurandi & Promittendi in Animam nostram quòd Nos omnia & singula, per eos Tractanda, Inita, Concordata, & Firmata cum eis, Tenebimus & Observabimus, & in nullo Contraveniemus,
Et generaliter omnia & singula Faciendi, Tractandi, Paciscendi, & Concordandi, quae in Praemissis & circa Praemissa & Praemissorum quodlibet necessaria fuerint seu etiam oportuna,
Insuper Nos exnunc Approbamus & Ratificamus omnia & singula Tractata, Inita, Concordata, & hactenus mutuò Recepta, & alia quomodocumque Gesta, Honorem & Utilitatem nostros ac Regnorum nostrorum concernentia, per Procuratores nostros, & eorum quemlibet, hucusque quoquo modo, eaque Rata, Grata, atque Firma habentes promittimus observare, & contra ea nullatenus contraire, & de Mutuis per eos & quemlibet eorum Receptis plenariè Satisfacere, sub Poenis, Obligationibus, Conventionibus, Pactionibus, Modis, & Formis per eos & eorum quemlibet Habitis, Tractatis, Initis, Concordatis, & Firmatis; Renunciantes in praedictis & circa Praemissa & eorum quodlibet, omnibus Exceptionibus tàm Juris quàm Facti, quae Nobis competunt vel competere possunt quomodolibet in futurum,
Nos etiam exnunc habemus & habere Promittimus Ratum, Gratum, & Firmum quicquid per supradictos Procuratores nostros, & eorum quemlibet usque nunc Actum, Tractatum, Initum, Concordatum, Firmatum, & Gestum fuerit, & de caetero per ambos simul pariter fuerit in futurum, ut praefertur, in Praemissis & Praemissorum quolibet & circa ea, seu alio modo quolibet procuratum, sub Ypotheca & Obligatione Bonorum nostrorum & Regnorum praedictorum omnium praesentium & futurorum, quae ad ea specialiter & expressè Obligamus.
In quorum Testimonium praesentes Literas nostras per nostrum Notarium Publicum infrascriptum fieri & publicari Mandavimus, nostrique Sigilli fecimus appensione muniri.
Dat. & Acta in Civitate nostra Columbriensi Decima quinta die Mensis Aprilis, de Anno Nativitatis Domini Millesimo, Trecentesimo, Octogesimo quinto, sub Aera Millesima, Quadringentesima, Vicesima Tertia; Praesentibus, Reverendo in Christo Patre ac Domino Domino Johanne Episcopo Elborensi, Gundissalvo Menendi de Vasconcellis, Walasta Martini de Merloe, Militibus, Egidio de Sensu, Johanne de Regulis, & Martino Alfonsi, Legum Doctoribus, & aliis Testibus ad Praemissa vocatis specialiter & rogatis,
Et me Johanne Alfonsi Columbriensi, Publico Auctoritate supradicti Domini Regis in universo Dominio suo, in quo dicta Civitas Columbriensis consistit, generali Tabellione, seu Notario, qui Praemissis omnibus & singulis, dùm ut praemittitur per supradictum Dominum Regem agerentur & constituerentur, unà cum dictis Testibus, praesens fui, & de Mandato ejusdem has praesentes Procuratorias Literas propriâ Manu scripsi, & superius interlineavi Verba omissa in uno Loco ubi legitur Confoederationis, & in alio ubi legitur nunc, Signoque meo solito signavi in Fidem & Testimonium Praemissorum.
Sancta Maria Intercede pro me.
Post haec Nos, Commissarii suprascripti, fecimus & praestitimus, Nomine dicti Domini nostri Regis & in Animam ipsius, Sacramentum corporale, ad Sancta Dei Evangelia, in Praesentia dictorum Nunciorum & Procuratorum dicti Regis Portugaliae, ad Custodiendum praesentes Ligas, necnon Tenendum & Complendum easdem in omnibus firmiter & legaliter, sine fraude, dolo, malo ingenio, & fictione quibuscumque.
In quorum Testimonium Sigilla nostra propria Praesentibus apposuimus.
Dat. apud Wyndesore, Nono Die Mensis Maii, Anno Domini Milesimo, Trescentesimo, Octogesimo sexto, in Praesentia, Venerabilium in Christo Patrum Dominorum, W. Wynton, Johannis Dunolm. Walteri Coventr. & Lich. Episcoporum, ac, Nobilium Virorum Dominorum, Edmundi Ducis Eborum Patrui dicti Domini Regis, Willielmi de Monte Acuto Sarum, Henrici de Percy Northumbriae, Comitum, & Simonis de Burley Subcamerarii praefati Domini nostri Regis Angliae, ac Dominorum, Willielmi de Dyghton, Johannis de Wendlynburgh, Ecclesiae Sancti Pauli Londoniae Canonicorum, & Johannis de Kirkeby Clerici.
Et ego Johannes de Bowland Clericus Karliolensis Dioecesis, publicus Apostolicâ Auctoritate Notarius, dictarum Ligarum, Amicitiarum, Confoederationum, Unionum Lecturae, Procuratoriorum Exhibitioni & Publicationi, ac Juramentorum Praestationi, Sigillorumque Appositioni, prout inferiùs describitur, caeterisque Praemissis omnibus & singulis dùm sic ut praemittitur per dictos Procuratores & Commissarios agerentur, Anno Domini ab Incarnatione, secundùm Cursum & Computationem Ecclesiae Anglicanae, supradicto, Indictione Nonâ, Pontificatûs Sanctiffimi in Christo Patris & Domini nostri Domini Urbani Divinâ Providentiâ Papae Sexti Anno Nono, Mensis Maii Die Nona, in Domo Capitulari Capellae Regiae Collegiatae Sancti Georgii infra Castrum Regale de Wyndesore Sarum Dioecesis, unà cum dictis Reverendis in Christo Patribus Nobilibus & Testibus supradictis & infrascriptis, Praesens interfui, eaque sic fieri vidi & audivi, diversis occupatus Negotiis per alium scribi & in hanc Publicam Formam redigi feci, me tamen subscripsi, Signumque meum apposui praesentibus consuetum rogatus in Fidem & Testimonium Praemissorum,
Ac Dominus Johannes Clanvowe Miles, unus Procuratorum & Commissariorum praedictorum, Sigillum suum ibidem praesentibus apposuit,
Subsequitur verò, eisdem Anno, Indictione, Pontificatu, Mense, Die tamen ejusdem Mensis Septimâ, in quadam Camera vocata Camera Stellata, infra Palatium Regale Westmonasteriense Londoniensis Dioecesis, Dominus Ricardus Abberbury Miles, alius Procuratorum & Commissariorum praedictorum, praesentibus Sigillum suum apposuit, Praesentibus tunc ibidem, Reverendis in Cristo Patribus Dominis, Willielmo Wynton. Waltero Coventren. & Lych. Episcopis, ac aliis in Multitudine copiosa Testibus ad Praemissa vocatis specialiter & rogatis.
Nos autem Tractatus, Confoederationes, Conventiones, Alligantias, Amicitias, Pactiones, Conditiones, Promissiones, Foedera, & quaecumque Ligamina supradicta, Nomine nostro ac Haeredum nostrorum praedictorum, per saepedictos Procuratores nostros, cum memoratis Ambassiatoribus & Nunciis praefati Regis Portugaliae, Tractata, Ordinata, Conventa, Inita, seu aliàs Disposita in Praemissis, ore Regio Approbamus, Laudamus, necnon Praesentibus Confirmamus, & etiam Promittimus, pro Nobis & Haeredibus nostris praedictis, Praemissa omnia & singula pro perpetuo Tenere, & non Contrafacere vel Venire per Nos, vel alium, seu alios, set ea firmiter & illaesa, sicut in Literis dictorum Ligaminum seu Pactionum pleniùs contineri noscitur, inviolabiliter observare.
In cujus Rei Testimonium has Literas nostras fieri fecimus Patentes.
Dat. in Palatio nostro Westm. Primo Die Decembris, Anno Regnorum nostrorum Decimo.
Quae omnia & singula prout superius Tractata sunt & Concordata, inviolabiliter Observare & Observari facere, per Sancta Dei Evangelia, per Nos inspecta & corporaliter tacta, Promittimus & Juramus.
In cujus Rei Testimonium praesentes Literas nostras, in formam Publici Instrumenti, per Notarium Publicum infrascriptum fieri & publicari mandavimus, nostrique Sigilli Magni fecimus appensione muniri.
Dat. in Palatio nostro Westmonasterii, Vicesimo quarto Die Februarii, Anno Domini Milesimo, Trescentesimo, Octogesimo Septimo, & Regnorum nostrorum Anno Undecimo.
Nos autem, Edwardus Rex Angliae supradictus, Tractatus, Confoederationes, Conventiones, Alligantias, Amicitias, Pactiones, Conditiones, Promissiones, Foedera, & quaecumque Ligamina supradicta, in Modo & Formâ supradictis Tractata, Ordinata, Conventa, Inita, seu aliàs Disposita in Praemissis, Ore Regio Approbamus, Laudamus, Renovamus, Ratificamus, necnon Praesentibus Confirmamus, ac etiam Promittimus, pro Nobis, Haeredibus, & Successoribus nostris, & Causam a Nobis habentibus, Praemissa omnia & singula pro perpetuo Tenere, & non Contrafacere eisdem vel alicui eorum, vel Venire contra eadem vel aliquam Partem eorumdem, per Nos, nec per aliquem Haeredum, seu Successorum nostrorum, vel alium, seu alios, a Nobis Causam habentes, set ea omnia & singula supradicta firmiter & illaesa, quantum ad Nos & ad Haeredes & Successores nostros attinet, sicut in Literis dictorum Ligaminum seu Pactionum continetur, & prout superiùs contenta sunt & tractata fuerunt, Promittimus Observare & Observari facere, & contra ea nullatenus devenire:
Quae omnia & singula, prout superiùs Contenta sunt, & Tractata & Concordata fuerunt, inviolabiliter Observare & Observari facere, & contra ea nullatenus venire, per Sancta Dei Evangelia, per Nos inspecta & corporaliter tacta, Promittimus & Juramus
In cujus rei Testimonium atque Fidem praesentes has Literas nostras, in Publicam Formam per Clericum nostrum, Notarium Publicum, Magistrum Henricum Sharp infrascriptum, fieri & publicari, in Modum Instrumenti Publici, Mandavimus, nostrique Sigilli Magni appensione easdem Fecimus Comuniri.
Dat. in Palatio nostro Westmonasterii, undecimo Die Martii, Anno ab Incarnatione Domini, secundùm Cursum & Stilum Ecclesiae Anglicanae, Millesimo, Quadringentesimo, Septuagesimo Primo, & Regnorum nostrorum Anno Duodecimo.
Per ipsum Regem, & de Data &c.
March 13. Pope Sixtus confirms the privileges of the Augustin priory of Heveringlaund. Rome.
O. xi. 748. H. v. p. iii. 18.		 Pro Monasterio de Heveringlaund.
An. 12. E. 4. Ex Autogr.
Sixtus Episcopus, Servus Servorum Dei, Dilectis Filiis, Priori & Conventui Monasterii de Heverynglaund, per Priorem soliti gubernari, Ordinis Sancti Augustini Norwicensis Dioecesis, Salutem & Apostolicam Benedictionem.
Cùm a Nobis petitur quod justum est & honestum, tàm vigor Aequitatis quàm ordo exigit Rationis ut id, per solicitudinem Officii nostri, ad debitum perducatur Effectum.
Ea propter, Dilecti in Domino Filii, vestris justis Postulationibus grato concurrentes Assensu, omnes Libertates & Immunitates, a Praedecessoribus nostris Romanis Pontificibus, sive per Privilegia vel alia Indulta, vobis & Monasterio vestro Concessas, necnon Libertates & Exemptiones Secularium Exactionum a Regibus & Principibus ac aliis Christi Fidelibus vobis & eidem Monasterio rationabiliter indultas, specialiter autem Decimas, Primitias, Fructus, Redditus, Proventus, Domos, Ortos, Terras, Vineas, Prata, Pascua, Silvas, Nemora, Molendina, aliaque mobilia & immobilia Bona ad Monasterium praedictum legitimè spectantia, sicut ea omnia justè & pacificè possidetis, vobis & per vos eidem Monasterio Auctoritate Apostolicâ Confirmamus, & praesentis Scripti Patrocinio Communimus; salvâ in praedictis Decimis Moderatione Concilii Generalis.
Nulli ergo omnino Hominum liceat hanc Paginam nostrae Confirmationis & Communitionis infringere &c.
Dat. Romae apud Sanctum Petrum, Anno Incarnationis Dominicae Millesimo, Quadringentesimo, Septuagesimo primo, Tertio Id. Martii, Pontificatûs nostri Anno primo.
Mar A. de Viluno.
Bandetus per comput.
Super Plicam,
Per Londene.
B. Lunensis.
Sub Filis sericis flavi rubeique Coloris.
March 16. William bp. of Ely, Laurence bp. of Durham, Edward bp. of Carlisle, Henry earl of Northumberland, Johu earl of Shrewsbury, and 11 others, are commissioned to treat with the Scotch ambassadors at Newcastle-on-Tyne on April 25. Westm.
O. xi. 748. H. v. p. iii. 18.		 De Tractando & Communicando cum Commissariis Scotiae.
An. 12. E. 4. Scot. 12. E. 4. m. 19.
Rex Omnibus, ad quos &c. Salutem.
Sciatis quòd Nos,
De Fidelitatibus, Circumspectionibus, & Industriis, Venerabilium Patrum, Willielmi Episcopi Eliensis, Laurentii Dunolmensis Episcopi, Edwardi Karliolensis Episcopi, carissimorum Consanguineorum nostrorum, Henrici Comitis Northumbriae, Johannis Comitis Salopiae, Johannis Comitis Wiltesiae, ac, Dilectorum Nobis in Christo, Thomae Abbatis Monasterii beatae Mariae extra Muros Civitatis nostrae Eborum, Ricardi Prioris Dunolmensis, necnon, Dilectorum & Fidelium nostrorum, Radulphi Graystok de Graystok Militis, Humfredi Dacre Domini de Dacre Militis, Magistri Johannis Lilleford, & Magistri Willielmi Potman, Legum Doctorum, Willielmi Parre Consiliarii nostri, Jacobi Strangways, & Johannis Conyers, Militum, & Thomae Witham, quamplurimùm confidentes,
Ipsos nostros veros & indubitatos Commissarios, Deputatos, & Procuratores speciales Facimus, Constituimus, & Ordinamus per Praesentes,
Dantes & Concedentes eisdem Commissariis, Deputatis, & Procuratoribus nostris, Quindecim, Quatuordecim, Tresdecim, Duodecim, Undecim, Decem, Novem, Octo, Septem, Sex, Quinque, & Quatuor eorum (quorum aliquem praedictorum Episcopi Dunolmensis, Comitis Northumbriae, Johannis Lilleford, Willielmi Potman, & Thomae Wytham unum esse volumus) plenam Potestatem & Auctoritatem, Vicesimo quinto Die Aprilis proximò futuro, apud Novum Castrum super Tynam, vel in quocumque alio Loco congruo & oportuno, Conveniendi cum Commissariis, Deputatis, & Procuratoribus praecarissimi Consanguinei nostri Jacobi Regis Scotorum, sufficientem Potestatem in hac parte habentibus,
Ac Tractandi & Communicandi de & super quibuscumque Querelis, & Gravaminibus, ac Offensis, & Attemptatis, tàm per Ligeos & Subditos nostros quàm Ligeos & Subditos ipsius Consanguinei nostri Regis Scotorum, in Westmarchiis & Estmarchiis versus Scotiam, seu alibi, contra Formam Treuga- rum & Abstinentiarum Guerrae, inter Nos ac dictum Consanguineum nostrum Regem Scotorum captarum, initarum, & conclusarum, hinc indè habitis ac qualitercumque factis sive perpetratis,
Necnon debitam Reformationem & Reparationem Querelarum, Gravaminum, Offensarum, & Attemptatorum praedictorum fieri Petendi, ac fieri Promittendi,
Et super Praemissis & eorum Dependentiis Appunctuandi, Concordandi, & Concludendi,
Universáque & singula, quae pro Reparatione & Reformatione Praemissorum necessaria fuerint & oportuna, ac qualitercumque debita & requisita, juxta Leges & Consuetudines Marchiarum praedictarum, & aliàs prout expediens hinc indè visum fuerit, Faciendi, Excercendi, & Exequendi, unà cum Prorogatione Dierum & Locorum:
Dantesque ulterius & Concedentes eisdem Commissariis, Deputatis, & Procuratoribus nostris, Quindecim, Quatuordecim, Tresdecim, Duodecim, Undecim, Decem, Novem, Octo, Septem, Sex, Quinque, & Quatuor eorum (quorum aliquem praedictorum Episcopi Dunolmensis, Comitis Northumbriae, Johannis Lilleford, Willielmi Potman, & Thomae Wytham unum esse volumus) plenam Potestatem, & Auctoritatem, ac Mandatum generale & speciale, cum Commissariis, Deputatis, & Procuratoribus praefati Consanguinei nostri, sufficientem Potestatem ab eodem Consanguineo nostro ad hoc habentibus, Conveniendi,
Ac Communicandi, & Tractandi, Concordandi, Componendi, & Appunctuandi, ac plenariè & integrè Determinandi & finaliter Concludendi, tàm de & super Pace perpetua, quàm de & super Treugis seu Guerrarum Abstinentiis, ac Amicitiâ, Confoederatione, & Concordiâ, inter Nos, ac Haeredes & Successores nostros, ac Regna & Dominia nostra, ac Subditos, Alligatos, Confoederatos nostros, ac alios Nobis Adhaerentes quoscumque, & dictum Consanguineum nostrum Regem Scotorum, Haeredes & Successores suos, ac Loca, Dominia, Subditos, Alligatos, & Adhaerentes suos ineundis, capiendis, & habendis,
Caeteraque omnia & singula, quae inter eos appunctuata, conventa, conclusa, & concordata fuerint, Roborandi & Assecurandi per Fidei interpositionem & Juramenti in Animam nostram praestationem,
Ac de & super omnibus & singulis Praemissis, & Dependentiis ab eisdem, omnes & omnimodas Securitates, Promissa, Obligationes, ac Literas sigillatas Concedendi, Faciendi, & Expediendi, prout eisdem Commissariis, Deputatis, & Procuratoribus nostris videbitur expedire, quae talem tantamque Vim, Auctoritatem, & Effectum volumus realiter optinere, ac si ea in propriâ Personâ fecissemus,
Et, si necesse fuerit, Dietam, ac Diem & Locum pro eisdem, Appunctuandi & Assignandi,
Caeteraque omnia & singula, quae in Praemissis conclusa, concordata, & firmata fuerint, Expediendi & Perficiendi, & pro Parte nostrâ Perimplendi, ac debitè Exequendi, etiam si majora sint & Mandatum de sui natura magis exigant speciale, & quae nosmetipsi facere possemus si personaliter praesentes essemus in Explicatione & Conclusione Praemissorum;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid per Commissarios, Deputatos, & Procuratores nostros praedictos, Quindecim, Quatuordecim, Tresdecim, Duodecim, Undecim, Decem, Novem, Octo, Septem, Sex, Quinque, & Quatuor eorum (quorum aliquem praefatorum Episcopi Dunolmensis, Comitis Northumbriae, Johannis Lilleford, Willielmi Potman, & Thomae Wytham unum esse volumus) in Formâ praedictâ Actum, Gestum, seu Procuratum fuerit in Praemissis, seu aliquo Praemissorum.
In cujus &c.
Teste Rege apud Westmonasterium, decimo sexto Die Martii.
Per ipsum Regem & de Data praedicta &c.
March 16. Safe conduct for Andrew bp. of Glasgow, Thomas bp. of Aberdeen, William bp. of Orkney, David earl of Crauford, Nicholas earl of Argyle, and 11 other Scotch ambassadors.
O. xi. 749. H. v. p. iii. 19.		 De Salvo Conductu pro Ambassiatoribus Scotiae cum 400 Personis in Comitiva sua.
An. 12. E. 4. Scot. 12. E. 4. m. 21.
Rex, per Literas suas Patentes, per Quatuor Menses proximò futuros duraturas, certis considerationibus R. specialiter moventibus, suscepit in salvum & securum Conductum suum, ac in Protectionem, Tui- tionem, & Defensionem suas speciales, Venerabiles Patres, Andream Episcopum Glasguensem, Thomam Episcopum Aberdenensem, Willielmum Episcopum Orkenay, ac David Comitem de Crauford Dominum Lyndyssay, Nicholaum Comitem de Ergyll, Willielmum Comitem de Cathnasse, Archibaldum Abbatem de Halirudehous, Johannem Dominum de Rule, Jacobum Dominum Hamilton, Georgium Dominum Seton, Robertum Dominum Lile, Archibaldum Whitelawe Archidiaconum Louthian. Secretarium carissimi Consanguinei Regis Jacobi Regis Scotorum, Johannem de Otturburn Officialem de Seint Andrews Professorem de Metheuen, Magistrum Martinum Reaun Cancellarium de Glasgu, Magistrum Gilbertum Kerik Archidiaconum de Glasgu, & Magistrum David Guthre Clericum Registri ipsius Consanguinei Regis, Ambassiatores & Commissarios praefati Consanguinei Regis, in Regnum Regis Angliae,
Ad Communicandum & Tractandum cum Commissariis Regis, de & super Reformatione Attemptatorum, contra Formam Treugarum, inter Regem & praefatum Consanguineum Regis captarum, hinc indè factorum,
Cum Quadringentis Personis, vel infra, & totidem Equis, ac Bogeis, Manticis, Fardellis, Literis, Papiris, Scriptis, & Instructionibus, necnon Rebus & Hernesiis suis licitis quibuscumque, conjunctim & divisim, tàm per Terram, quàm per Aquas dulces, equestrè vel pedestrè aut aliis equitaturis, veniendo, ibidem morando & perhendinando, & exindè ad Partes suas proprias transeundo, &c. prout in ejusmodi de Conductu Literis.
Dat. decimo sexto Die Martii.
March 19. Pope Sixtus confirms the liberties and immunities of the Benedictine priory of Snapes. Rome.
O. xi. 750. H. v. p. iii. 19.		 Pro Priore & Conventu de Snapes.
An. 11. E. 4. Ex Autogr.
Sixtus Episcopus, Servus Servorum Dei, Dilectis Filiis, Priori & Conventui Monasterii beatae Mariae de Snapes, per Priorem soliti gubernari, Ordinis Sancti Benedicti, Norwicensis Dioecesis, Salutem & Apostolicam Benedictionem.
Cum a Nobis petitur quod justum est & honestum, tàm vigor Aequitatis quàm ordo exigit Rationis ut id, per solicitudinem Officii nostri, ad debitum perducatur Effectum.
Ea propter Dilecti in Domino Filii, vestris justis Postulationibus grato concurrentes Assensu, omnes Libertates & Immunitates, a Praedecessoribus nostris Romanis Pontificibus, sive per Privilegia vel alia Indulta, vobis & Monasterio vestro Concessas, necnon Libertates & Exemptiones Secularium Exactionum a Regibus & Principibus & aliis Christi Fidelibus vobis & eidem Monasterio rationabiliter indultas, specialiter autem Decimas, Census, Fructus, Redditus, Terras, Ortos, Campos, Grangias, Agros, Prata, Pascua, Possessiones, Molendina, Jura, Jurisdictiones, aliaque mobilia & immobilia Bona ad dictum Monasterium legitimè spectantia, sicut ea omnia justè & pacificè possidetis, vobis & per vos eidem Monasterio Auctoritate Apostolicâ Confirmamus, & praesentis Scripti Patrocinio Communimus; salvâ in praedictis Decimis Moderatione Concilii Generalis.
Nulli ergo omnino Hominum liceat hanc Paginam nostrae Confirmationis & Communitionis infringere &c.
Dat. Romae apud Sanctum Petrum, Anno Incarnationis Dominicae Millesimo, Quadringentesimo, Septuagesimo primo, Quartodecimo Kal. Aprilis, Pontificatûs nostri Anno primo.
Jo. de Tartarinis.
Sub Filis sericis flavi rubeique Coloris.
PreviousTable of contentsNext