|
| Syllabus Entry |
Foedera Text |
Sept. 11. Alfonso K. of Portugal agrees to observe the existing treaties with England. Sacavem.
O. x. 735. H. v. p. i. 65. |
Confirmatio Tractatuum Portugaliae.
An. 18. H. 6. Ex Autogr.
Alfonsus, Dei gratiâ, Regnorum Portugaliae & Algarbii Rex, Ceptaeque Dominus, universis & singulis, has praesentes Litteras inspecturis, Salutem & sincerae dilectionis affectum.
Omnes, qui honestam & tranquillam vitam ducere cupiunt, Paci, quâ nichil melius Deus Optimus Generi humano ab alto culmine rerum in vitâ donare decrevit, studere oportet, ipsa profectò facit ut in Quietâ Vitâ Aeternam Beatitudinem consequantur,
Nos autem, hujusmodi secuti sententiam, quantum nobis possibile erit, Duce Altissimo Deo, omni diligentiâ ipsam conservare conabimur, prout Majores nostri cum Christi Fidem Colentibus facere soliti sunt.
Considerantes igitur inter, Serenissimum & Clarissimum, bonae memoriae, Regem Johannem Avum meum, & Edvardum Dominum & Patrem meum, &, Serenissimos, felicis recordationis, Richardum & Henricum, quondam Reges Angliae & Franciae, Summâ quadam religione veram Pacem, Amicitiam, Concordiam, & Confoederationes per longam temporum continuationem fuisse servatam & custoditam, animadvertimus honestissimum utilimumque fore sanctissimâ quâdam perpetuatione inviolatam servare, manutenere, & augmentare & in melius semper velle.
Verum, quia Pubertatis perfectaeque Aetatis Nos, praefatus Alfonsus praedictorum Regnorum Rex dictaeque Civitatis Dominus, Annos nondum deduximus, set postquam proxime a Septennio Pupillaribus Annis super emergimus & Tractus, Pacem, Amicitiam, Concordiam, & peracti dilectique Foederis continuationem, & omnia & singula in eisdem contenta, promittere, jurare, aprobare, Ratúmque habere, propter Aetatis nostrae teneritudinem, non valemus,
Eâque de Re Serenissima Domina Leonora, dictorum Regnorum Portugaliae & Algarbii Regina, Genetrix, Tutrix, Curatrixque nostra, unà cum praecarissimo Petro Inffante, meo dilectissimoque Patruo, & eorumdem Regnorum nostro Nomine Defensore, intuentes & examinantes dictos Tractus, inter praemissos Reges sic concordatos, & jam quondam initos & firmatos, omniaque & singula in eis contenta, prius tamen de Consilio Ducum, aliorum Patruorum nostrorum, Praelatorum, & Comitum, necnon & caeterorum de nostro Concilio Procerum, diligenter perspecta & examinata, ne forte, ob temporis diuturnitatem, praelibatorum Regum sic tractantium aliqui oriantur Rumores, ne aliqua causetur oblivio quae ex hoc nasci posse videretur, cum & voluntatis & intentionis nostrae est Pacem, Amicitiam, & Confoederationem in totum & in qualibet ejus parte servare, custodire, &
manutenere, quantumcunque, propitio Deo, in Nobis fuerit, meritò per has praesentes Litteras, de Consilio praedictorum, nostro Nomine Approbant, Laudant, Confirmant, & Ratos habent dictos Tractus, Pacem, Amicitiam, Concordiam, & Confoederationem, in totum & eorum qualibet parte, cum omnibus & singulis Clausulis, Conditionibus, & quibuscumque aliis Incidentibus & Emergentibus, in dictis Tractibus appositis, & illos quovismodo concernentibus,
In quorum Roboratione promittunt & nostro Nomine jurant, ad Sancta Dei Evangelia, corporaliter tactis Scripturis, pro Nobis Successoribúsque nostris, quòd perpetuo & omni tempore illos semper in totum & qualibet eorum parte fideliter servabimus, manutenebimus, custodiemus, & inviolabiliter adimplebimus, & nullo tempore per Nos vel per alios illos in aliqua eorum parte violabimus, rumpemus, vel infringemus, set toto nostro Posse studiosam operam dabimus quatinus, cessante omni Dolo & quacunque aliâ sedulâ Machinatione, per quam fraus fiat dictis Tractibus, set praefata Pax, Amicitia, Concordia manuteneatur, conservetur, & impleatur secundùm sui totalem formam, caeterùm operam dabimus, quantum de jure ex formâ dictorum Tractatuum obligemur, ut semper Stabiles, Firmi, & omni tempore Inviolati permaneant sub quacunque Poenâ conventionali & juratoriâ, sive inter dictos Reges quondam concordatis, firmatis, & juratis comprehensâ.
Quâ quidem Poenâ commissâ, solutâ vel non solutâ, praefata Regina Mater & dictus Petrus Inffans Patruus & Defensor nostro Nomine volunt, & nichilominus sic promittunt & jurant eo modo quo supra, ut dicti Tractus, Pax, Amicita, Concordia, & Confoederatio, necnon & omnia & singula in eos contenta semper & omni tempore sint Firma, Rata, Stabilia, & perpetuò duratura.
In cujus rei Testimonium has praesentes Litteras, Manibus praelibatae Reginae Matris meae & dicti Petri Inffantis Patrui & Defensoris signatas, Patentes Publico Notario nostro, in Regnis nostris, nostrâ Regiâ Auctoritate, Testibúsque infra nominatis, fieri jussimus nostro Sigillo Plumbeo munitas.
Dat. apud nostram Villam de Sacaven. undecimo Die Septembris, Anno Domini Millesimo, Quadringentesimo, Tricesimo nono.
El Rynhay.
Iffannte Pedro. |
Oct. 20. Proclamation to be made throughout England enjoining the observance of the articles concluded for regulating the mercantile intercourse with Flanders. Westm.
O. x. 736. H. v. p. i. 65. |
De Intercursu cum Flandrensibus.
An. 18. H. 6. Claus. 18. H. 6. m. 21. dor.
Rex Vicecomitibus Londoniae, Salutem.
Cùm nuper certi Ambassiatores, Commissarii, & Deputati nostri, post plures Communicationes habitas cum certis Personis missis Calesio ex parte Inclitae ac Potentis Principissae Dominae Ducissae Burgundiae Actorizatae & Potestatem habentes in hac parte super Facto Intercursûs Mercandisae, Piscariae maritimae, & aliarum Rerum necessariarum Utilitatem communem Regni Angliae, Dominii Hiberniae, & Villae Calesii, parte ex unâ, & Ducatûs & Comitatûs Brabantiae & Flandriae, Dominii & Villae de Mechlinia, parte ex alterâ, tangentium, tractaverint, appunctuaverint, concordaverint, & concluserint cum dicta Ducissa Burgundiae pro Termino Trium Annorum, incipientium (videlicet) respectu Terrae Die vicesimâ Nonâ Septembris ultimò praeterito, & respectu Piscariae Quinto Die Mensis Octobris proximò praeterito, & quoad reliqua (videlicet) de Mari, Primo Die Novembris proximò futuro, & finiente Primo Die Novembris, qui erit Anno Domini Millesimo, Quadringentesimo, Quadragesimo secundo, ipso Die incluso, certos Punctos & Articulos, quos vobis sub Magno Sigillo nostro in formâ Patenti mittimus in praesenti,
Praefataque Ducissa Punctos & Articulos illos, per totam Potestatem praedictorum Ducatûs, Comitatûs, Dominii, & Villae de Mechliniâ, per totum praedictum Terminum Trium Annorum debitè & firmiter observaturos Proclamari fecerit, sicut Nos certitudinaliter est testificatum,
Nos id, quod ad Nos in hac parte pertinet, fieri volentes, vobis Praecipimus, firmiter injungentes, quòd statim, visis praesentibus, ac Punctis & Articulis praedictis, Punctos & Articulos illos in singulis Locis infra Ballivam vestram, tàm infra Libertates, quàm extra, ubi expedire videritis, publicè ex
parte nostrâ Legi & Proclamari faciatis, injungentes universis & singulis Ligeis nostris quòd Punctos & Articulos praedictos benè & fideliter in omnibus teneant & observent, quodque ipsi nec eorum aliquis quicquam contra vim & effectum Punctorum & Articulorum praedictorum nullatenus in aliquo contraveniant nec delinquent; Et hoc nullatenus omittatis.
Teste Rege apud Westmonasterium, vicesimo die Octobris.
Consimilia Brevia diriguntur Vicecomitibus subscriptis, in Comitatibus subscriptis, sub eadem Data; videlicet, &c. |
Oct. 21. Warrant for the payment of the arrears of the annuity of 40l. to Garter king-of-arms. Westm.
O. x. 737. H. v. p. i. 66. |
Pro Gartier Rege Armorum.
An. 18. H. 6. Claus. 18. H. 6. m. 35.
Rex Custodi Hanaperii Cancellariae suae, qui nunc est, vel qui pro tempore fuerit, Salutem.
Cùm, Quinto Die Maii, Anno Regni nostri Decimo septimo, bonum & acceptabile Servitium, quod dilectus Servitor noster Gartier Rex Armorum, Serviens Comunis ad Ordinem Garterae, tàm carissimo Domino & Patri nostro Regi Defuncto, quàm Nobis per tempus non modicum impendit, & Nobis impendet in futurum, considerantes, de Gratiâ nostrâ speciali, & ad instantiam & rogatum Dominorum dicti Ordinis de Gartera, Concesserimus dicto Gartier Quadraginta Libras per Annum, percipiendas pro Termino Vitae suae de Exitibus & Proficuis dicti Hanaperii provenientibus, per manus Custodis ejusdem Hanaperii pro tempore existentis, ad Terminos Sancti Michaelis & Paschae per aequales Portiones, prout in Literis nostris Patentibus indè confectis pleniùs continetur,
Vobis Mandamus quòd eidem Gartier id, quod ei a retrò est de praedictis Quadraginta Libris Annuis pro termino Sancti Michaelis ultimò praeterito, & easdem Quadraginta Libras Annuas, extunc singulis Annis, pro Termino Vitae suae, de Exitibus & Proficuis praedicti Hanaperii ad Terminos praedictos solvatis, juxta Tenorem Literarum nostrarum praedictarum;
Recipientes a praefato Gartier, de tempore in tempus, Literas suas Acquietantiae, quae pro Nobis sufficientes fuerint in hac parte, per quas & praesens Mandatum nostrum Nos vobis indè, in Compoto vestro ad Scaccarium nostrum, de tempore in tempus, debitam Allocationem habere faciemus.
Teste Rege apud Westmonasterium, vicesimo primo die Octobris.
Et erat Patens. |
Nov. 26. The K. declares that Louis, perpetual administrator of the bishopric of Ely, has in that see. full powers as a bishop. Westm.
O. x. 737. H. v. p. i. 66. |
Pro Administratore Elyensi.
An. 18. H. 6. Pat. 18. H. 6. p. 3. m. 21.
Rex Omnibus, ad quos &c. Salutem.
Sciatis quòd,
Cùm ex parte Lodowici, Administratoris perpetui in Spiritualibus & Temporalibus Ecclesiae de Ely, per quandam Petitionem suam, Nobis pro ipso in praesenti Parliamento per Comunitatem Regni nostri Angliae exhibitam, acceperimus qualiter, Sanctissimus in Christo Pater, Papa, vacante dictâ Ecclesiâ de Ely, per Mortem Venerabilis Patris Philippi ultimi Episcopi Loci illius, eandem Ecclesiam de Ely praefato Lodowico, per Nomen Lodewici Archiepiscopi Rothomagensis, Tenendam pro Vitâ suâ cum dictâ Ecclesiâ Rothomagensi commendavit, & Administrationem in Spiritualibus & Temporalibus dictae Ecclesiae de Ely pro perpetuo sibi concessit, prout per Literas Bullatas dicti Sanctissimi Patris nostri Nobis directas pleniùs apparet, & super hoc Magister Willielmus Erard, Generalis Procurator dicti Administratoris, Nomine ipsius Administratoris & pro ipso, omnibus & singulis verbis, infra dictas Literas Bullatas contentis, Nobis ac Coronae nostrae praejudicialibus, coram Nobis in Cancellariâ nostrâ palàm Renunciavit, & Gratiae nostrae humiliter se submisit, prout per quoddam Instrumentum, indè confectum, coram Nobis in Cancellariâ nostrâ remanens, pleniùs apparet, & super hoc Nos de benignâ Gratiâ nostrâ Fidelitatem ipsius Administratoris, Nobis pro Temporalibus dictae Ecclesiae de Ely, in manibus nostris ex causa Va-
cationis praedictae adtunc existentibus, cepimus, & concessimus eidem Administratori Temporalia praedicta deliberanda,
Eademque Temporalia dictae Ecclesiae de Ely dicto Administratori, virtute Literarum nostrarum Ministris nostris directarum, liberata & restituta extiterunt,
Qualiter etiam, per Legem Sanctae Ecclesiae, dictus Administrator habet & habere debet, per nomen Administratoris, omnes Res Spirituales & Temporales & Jus dictae Ecclesiae de Ely adeò integrè & plenariè, prout haberet si dictam Ecclesiam de Ely per Nomen Episcopi dictae Ecclesiae de Ely de praefato Sanctissimo Patre nostro habuisset,
Nichilominus praefatus Administrator, de diversis Opinionibus Hominum in Lege nostrâ temporali edoctorum, de auctoritate & effectu dicti nominis Administratoris se formidet, utrum ipse, per dictum Nomen Administratoris, Placitare & Recuperare valeat Jura dictae Ecclesiae de Ely in Curiis nostris temporalibus, ac habere & gaudere Libertatibus & Franchesiis, per Progenitores nostros diversis Abbatibus & Episcopis dictae Ecclesiae de Ely, Praedecessoribus ipsius Lodowici, concessis, necne?
Nos, nedùm Praemissa, verùm etiam Servitium, quod praefatus Lodowicus Nobis infra Regnum nostrum Franciae impendit, grandiáque dubium & periculum, quae ipse, tàm in suo Corpore, quaàm in omnibus suis Bonis terrenis, pro Nobis sustinuit, intimè considerantes, & super hoc ad tollendum dictam Ambiguitatem praedicti Nominis Administratoris, de avisamento & assensu Dominorum Spiritualium & Temporalium ac totius Comunitatis Regni nostri Angliae, in praesenti Parliamento existentium, Auctoritate ejusdem Parliamenti, Ordinavimus, Stabilivimus, & Concessimus quòd Restitutio & Liberatio, quas praefatus Administrator habet de Temporalibus praedictis, adeò benè & validè in Lege existant, ac si Restitutio & Liberatio eorumdem Temporalium sibi per Nomen Episcopi de Ely factae extitissent,
Et quod idem Administrator per se, & per Justiciarios, Officiarios, aut alios Ministros suos, habere, uti, gaudere, & in Executionem mittere valeat omnia Privilegia, Franchesias, Libertates, Jurisdictiones, Consuetudines, & Usus dictae Ecclesiae de Ely, adeò integrè & plenariè & eodem modo, ac si ipse dictam Ecclesiam de Ely, per Nomen Episcopi ejusdem Ecclesiae de Ely, habuisset, absque impetitione seu perturbatione nostri, vel nostrorum Haeredum, seu Successorum, Justiciariorum, Vicecomitum, Escaetorum, aut aliorum Ministrorum quorumcumque,
Et ulteriùs quòd idem Administrator, per Nomen Lodowici Administratoris perpetui, in Spiritualibus & Temporalibus dictae Ecclesiae de Ely tantum, habere & recuperare valeat coram quibuscumque Justiciariis, Judicibus, aut aliis Ministris Spiritualibus & Secularibus, omnia & singula quae haberet seu recuperare deberet, si dictam Ecclesiam de Ely per Nomen Episcopi ejusdem Ecclesiae habuisset,
Et quòd Ipse, per idem Nomen Administratoris, Placitare & Implacitari valeat tàm in omnibus Curiis & Placeis nostris, ac Haeredum, & Successorum nostrorum, quàm in omnibus aliis Curiis & Placeis, coram quibuscumque Justiciariis, Judicibus, & aliis Ministris Spiritualibus & Secularibus, in omnibus Actionibus, Querelis, & Placitis, in eisdem Curiis & Placeis ad praesens motis & pendentibus, ac in omnibus Actionibus, Querelis, & Placitis quae in eisdem Curiis & Placeis movebuntur, & quòd ipse per idem Nomen de eisdem Actionibus, Querelis, & Placitis Respondere & Responderi valeat, absque impedimento nostri, ac nostrorum Haeredum, & Successorum, Justiciariorum, aut aliorum Officiariorum quorumcumque,
Salvis cuilibet Personae Jure, Titulo, Ingressu, & Actione suis, versus praefatum Lodowicum Administratorem, de & in dictis Temporalibus, Privilegiis, Franchesiis, Libertatibus, Jurisdictionibus, Usibus, & Consuetudinibus, cum Pertinentiis, & quolibet eorumdem, dictâ Petitione non obstante.
In cujus &c.
Teste Rege apud Westmonasterium, vicesimo sexto die Novembris.
Per Petitionem in Parliamento. |
Dec. 3. Licence to Geoffrey Shriggeley, master of the order of Burton-Lazers in England, to obtain papal bulls for the election of masters. Westm.
O. x. 739. H. v. p. i. 66. |
De Licentia Perquirendi Bullas.
An. 18. H. 6. Ibid. p. 1. m. 4.
Rex omnibus, ad quos &c. Salutem.
Monstraverunt Nobis & Concilio nostro, Oratores nostri, Galfridus Shriggeley, Magister Domûs Ordinis de Burton Sancti Lazari de Jerusalem in Regno nostro Angliae, & Confratres sui ejusdem Domûs, quòd,
Cùm eadem Domus sit &, a tempore quo non extat memoria, fuerat Sedi Apostolicae ac Sanctissimo Patri nostro Papae pro tempore existenti immediatè subjecta, absque eo quòd aliquis Ordinarius, nisi solomodo praefatus Sanctissimus Pater, aliquod Interesse seu quamcumque Jurisdictionem habuerat in Domo praedictâ quovismodo,
In quâ quidem Domo, per totum tempus praedictum, erat & est talis Consuetudo,
Quòd, in qualibet Vacatione Domûs praedictae, Confratres ejusdem, ipsis in Domo Capitulari dictae Domûs juxta morem Sanctae Ecclesiae unanimiter congregatis, eligerunt unum de seipsis in Magistrum ejusdem Domûs,
Qui quidem Magister & Confratres sui, & eorum Praedecessores ab antiquo, a praedictâ Romanâ Curiâ per Bullas Papales privilegiati extiterant quòd, in qualibet hujusmodi Vacatione dictae Domûs, per debitam Electionem de uno Confratre dictae Domûs in Magistrum ejusdem, in forma praedicta factam, hujusmodi Electus, hoc facto, in Magistrum ejusdem Domûs erat Confirmatus, & pro Magistro ejusdem tentus & reputatus,
Quae quidem Bullae Papales, per negligentiam & malam gubernationem Custodum earumdem, putrifactae, vastatae, & destructae existunt, ad dictorum Magistri & Confratrum grave Dampnum, nisi sibi per nos de auxilio & succursu gratiosiùs provideatur in hac parte,
Nos, Praemissa considerantes, de Gratiâ nostrâ speciali, & de avisamento & assensu Concilii nostri, Concessimus praefato Galfrido & Confratribus suis praedictis, & eorum Successoribus, Licentiam nostram Regiam quòd ipsi a praedicta Sede Bullas Papales perquirere possint quòd, in qualibet Vacatione Domûs praedictae in futurum, incontinenter, post Electionem in eadem Domo de uno Fratre ejusdem, juxta morem Sanctae Ecclesiae ibidem, in Magistrum factam, idem sic Electus, ipso facto, sit Confirmatus in Magistrum Domûs praedictae, ac pro Magistro ejusdem Domûs tentus & reputatus,
Quódque ipsi dictas Bullas, sic perquirendas, acceptare, & eas in Executionem ponere, quotienscumque necessarium fuerit in futurum, absque aliquâ impetitione nostri, vel Haeredum nostrorum; aliquo Statuto vel Ordinatione, in contrarium factis, non obstantibus.
In cujus &c.
Teste Rege apud Westmonasterium, tertio die Decembris.
Per Breve de Privato Sigillo. |
Dec. 8. Power for John Stokes, William Cottesbroke, Bartholomew Stratton, and Nicholas Hyssham, to treat with the ambassadors of Holland and Zealand for the redress of injuries. Westm.
O. x. 739. H. v. p. i. 66. |
De Tractando cum Hollandis.
An. 18. H. 6. Franc. 18. H. 6. m. 30.
Rex omnibus, ad quos &c. Salutem.
Sciatis quòd,
Cùm certae Amicitiae, Confoederationes, & Alligantiae inter Nos, Ligeos, & Subditos nostros, ex parte unâ, & Illos de Partibus Hollandiae & Selandiae, parte ex altera, Tractatae sint & Firmatae,
Nos,
Ipsa Amicitiarum, Confoederationum, & Alligantiarum Foedera, quantum in nobis est, inviolata & illibata observari, ac quicquid in contrarium earumdem actum fuerit aut sit ultrò citróque debita cum celeritate Reformari cupientes,
De fidelitate, circumspectione, & industriâ, fidelium ac dilectorum nostrorum, Magistri Johannis Stokes Legum Doctoris, Willielmi Cottesbroke, Bartholomaei Stratton, & Nicholai Hyssham Mercatorum, pleniùs confidentes,
Ipsos nostros legitimos, veros, & indubitatos Deputavimus Ambassiatores, Commissarios, Procuratores, & Nuncios speciales,
Dantes & Concedentes eis omnibus, Tribus, & Duobus eorum Potestatem, &
Mandatum, tàm generale, quàm speciale, cum Ambassiatoribus, Commissariis, Deputatis, Procuratoribus, sive Nunciis pro ipsis de Holandia & Selandia, sufficientem Potestatem in hac parte habentibus, in quocumque Loco, ad hoc apto & congruo, Conveniendi,
Ac eorum Petitiones, Voluntates, & Desideria de & super omnibus & singulis, dictarum Amicitiarum, Confoederationum, & Alligantiarum debitam & fidelem Observantiam concernentibus, Audiendi & Tractandi,
Ac insuper Communicandi cum eisdem de & super omnibus & singulis, Dampnis, Injuriis, Depraedationibus, Interfectionibus Mercatorum ac Subditorum utriusque Partium praedictarum, ac Reparationem Attemptatorum contra ipsas Amicitias, Confoederationes, & Alligantias, qualitercumque concernentibus, & Attemptatorum hujusmodi debitam & celerem Correctionem, Punitionem, Reparationem, & Reformationem Faciendi, & eos fieri Petendi, Requirendi, & cum effectu Optinendi,
Ac utriusque Partium hujusmodi Querelas, ultrò citróque propositas & proponendas, cum suis Emergentibus, Incidentibus, Dependentibus, & Connexis, Audiendi, Examinandi, & Fine debito Terminandi, & super eisdem Componendi etiam summariè, simpliciter, & de plano, sine strepitu & figurâ Judicii, legalibus Terminis, si eis expedire videbitur, non servatis, aut aliàs de consensu Partium recissis aut abbreviatis, inspectâ solâ Facti veritate,
Caeteraque omnia & singula Faciendi & Excercendi, quae in Praemissis vel ipsorum aliquo necessaria fuerint vel quomodolibet oportuna,
Promittentes, in Verbo Regio, Nos, perpetuis futuris temporibus, Ratum, Gratum, Firmum, & Stabile habituros & fideliter impleturos totum & quicquid, quantum ad Nos pertinet, per dictos Commissarios nostros, Tres aut Duos eorumdem, Actum, Gestum, aut Procuratum fuerit in Praemissis, & quolibet Praemissorum.
In cujus &c.
Teste Rege apud Westmonasterium, octavo die Decembris.
Per Concilium. |
Dec. 12. Exemption for William bp. of Coventry and Lichfield from attendance at parliament and councils, in consequence of his infirmity. Westm.
O. x. 740. H. v. p. i. 67. |
Pro Episcopo Coventrensi, de non veniendo ad Parliamentum.
An. 18. H. 6. Pat. 18. H. 6. p. 1. m. 4.
Rex Omnibus, ad quos &c. Salutem.
Supplicavit nobis, venerabilis Pater, Willielmus Episcopus Coventrensis & Lichfeldensis ut,
Cùm ipse tantâ Corporis debilitate, ac Senio, variisque Infirmitatibus adeò sit confractus, quòd ad Concilia seu Parliamenta nostra, exnunc tenenda, absque inevitabili Corporis sui periculo, accedere nequeat seu vacare,
Velimus ex hac causa, cum eo in hac parte, piae compassionis affectu, agere gratiosè,
Nos,
Praemissa debitè ponderantes, ipsúmque volentes, pro nostro Regnique nostri Statu saluberimo crebriùs & devotiùs apud Altissimum exorare, fortius reddere obligatum, Corporis sui debilitatem nullatenus exoptantes, set potiùs ipsum per Tempora Altissimo complacentia Officium Pastorale super Gregem suum laudabiliter, ut solebat, jugiter excercere intimè affectantes,
De Gratiâ nostrâ speciali, ac piae compassionis intuitu, Concessimus eidem Episcopo quòd Ipse, durante Vitâ suâ, ad personaliter veniendum ad aliquod Concilium seu Parliamentum nostrum, vel Haeredum nostrorum, exnunc tenendum, ad Intendendum hujusmodi Concilio seu Parliamento, seu ad ibidem personaliter Comparendum, ut Dominus Concilii seu Parliamenti nostri, vel Haeredum nostrorum, prout alii Domini de Concilio seu Parliamento nostro faciunt, nullatenus artetur neque compellatur,
Nec quòd ipse, ratione Absentiae suae ab eisdem Concilio & Parliamento, seu non Comparitionis suae personalis in eisdem, aliqualiter impetatur, occasionetur, seu turbetur, set quòd ipse de quovis Incursu, in Contemptum, Mesprisionem, seu Defectum erga Nos, vel Haeredes nostros, ex hac causa, penitùs sit quietus, aliquo Mandato nostro vel Haeredum nostrorum, sibi exnunc in contrarium emanante, in aliquo non obstante,
Dumtamen idem Episcopus, cùm ipsum ab hujusmodi Parliamento nostro, vel Haeredum nostrorum, personaliter abesse contigerit, per Procuratorem suum idoneum, seu Procuratores suos idoneos, sufficientem Potestatem & Anctoritatem ab ipso Episcopo habentem, seu habentes, ad Consentiendum hiis, quae in hujusmodi Parliamento, divinâ favente Clementiâ, contigerit Ordinari, compareat ut est justum.
In cujus &c.
Teste Rege apud Westmonasterium, duodecimo die Decembris.
Per Breve de Privato Sigillo. |
Dec. 12. Treaty by which Henry bp. of Münster [Monasteriensis Episcopus] promises to do homage to the K., and to furnish him with 100 soldiers, receiving an annuity of 400 nobles. London.
O. x. 741. H. v. p. i. 67. |
Conventiones cum Episcopo Monasteriensi.
An. 18. H. 6. Ex Autogr.
Attestatur Praesens Indentura,
Facta Londoniae, Duodecimo Die Decembris, Anno Domini Millesimo, Quadringentesimo, Tricesimo Nono, inter Nos Johannem Dominum le Scrop Militem, Willielmum Lyitdewode utriusque Juris Doctorem Custodem Privati Sigilli Regii, & Johannem Strothwait in utroque Jure Bacallarium Canonicum & Praecentorem Cathedralis Ecclesiae Wellensis, Serenissimi & Metuendissimi Principis & Domini nostri, Domini Henrici, Dei gratiâ, Regis Angliae & Franciae, & Domini Hiberniae, Commissarios & Deputatos ex unâ, & Honorabilem Virum Dominum Isbrandum de Merwyck Canonicum Collegiatae Ecclesiae Sancti Ludgeri Monasteriensis, Reverendi in Christo Patris Domini Henrici, eâdem gratiâ, Monasteriensis Ecclesiae Episcopi, &c. Procuratorem & Nuncium, ad Praesentiam Serenitatis Regiae pro Ligis & Amicitiis inter ipsos Dominos Regem & Episcopum tractandis, paciscendis, & concordandis, & aliis Negotiis Factum Amicitiarum hujusmodi concernentibus, per ipsum Dominum Episcopum destinatum & transmissum ex parte alterâ,
Quorum quidem Commissionum & Procuratoriorum Tenores sequuntur de verbo ad verbum, & sunt tales,
Franc. 18. H. 6. m. 29.
Henricus, Dei gratiâ, Rex Angliae & Franciae, & Dominus Hiberniae, omnibus, ad quos praesentes Litterae pervenerint, Salutem.
Sciatis quòd,
Cùm nuper Anno Domini Millesimo, Quadringentesimo, Tricesimo Sexto, Reverendus in Christo Pater Dominus Henricus, eâdem gratiâ, Monasteriensis Ecclesiae Episcopus certos suos solempnes Ambassiatores, Procuratores, sive Nuncios, videlicet, Johannem Upinegrave Praepositum Ecclesiae Andreae Coloniensis, Arnoldum de Breympt Armigerum, & Johannem de Coesfeldiâ Decretorum Doctorem, ad Nos & Regnum nostrum Angliae, ad Conveniendum & Tractandum unà nobiscum, seu alio vel aliis per Nos deputandis, de & super nonnullis Materiis, Ligas, Amicitias, Subventiones, & Auxilia, necnon Homagii & Fidelitatis Sacramentum concernentibus, transmiserit,
Super quibus quidem Ligis, Amicitiis, mutuisque Subventionibus & Auxiliis per certos Fideles & Dilectos nostros, quorum Nomina praesentibus haberi volumus pro expressis, ac Procuratores sive Nuncios praedictos ipsius Domini Henrici Episcopi Monasteriensis, Actum, Factum, Dictum, Procuratum, Appunctuatum, & Conclusum fuit, prout in Cedulâ quâdam Indentatâ desuper confectâ plenius continetur,
Deinde Anno Domini ejusdem Millesimo, Quadringentesimo, Tricesimo Octavo praedictus Reverendus Pater Dominus Henricus Monasteriensis Episcopus suum Procuratorem, sive Nuncium specialem, videlicet, Discretum Virum, Isbrandum de Merwyck Canonicum Ecclesiae Sancti Ludgeri Monasteriensis, cum approbatione & ratificatione omnium & singulorum per supradictos suos Procuratores sive Nuncios Actorum, Factorum, Dictorum, Concordatorum, Appunctuatorum, & Conclusorum, ex eo quia supradicti Ambassiatores, Procuratores, sive Nuncii ejus plenè super Praemissis se instructos non fore asserebant, denuò transmisit ad Tractandum, Concordandum, & Concludendum, finaliter unà Nobiscum, seu alio vel aliis per Nos deputatos vel deputandos, de & super talibus Materiis, Ligas, Amicitias, mutuáque Subventiones & Auxilia, necnon Homagii & Fidelitatis Sacramentum ab ipso Domino Episcopo Nobis facienda & praestanda, concernentibus,
Ac Nos,
De Fidelitate, Prudentiâ, Circumspectione, & Industriâ Dilectorum & Fide-
lium nostrorum Johannis Domini le Scrop Militis, necnon Willielmi Lyndewode utriusque Juris Doctoris, Custodis nostri Privati Sigilli, & Johannis Storthwait utriusque Juris Baccalarii, Praecentoris & Canonici Praebendati Cathedralis Ecclesiae Wellensis, & eorum cujuslibet plenariè confidentes,
Ipsos & ipsorum singulos ad Tractandum, Conveniendum, & Concludendum cum praefato Procuratore sive Nuncio de & super quibuscunque Ligis, Amicitiis, mutuis Subventionibus inter Nos, Ligeos, Subditos, & Vasallos nostros, Regna, Terras, & Dominia nostra quaecunque ex unâ parte, & dictum Reverendum Patrem Dominum Henricum Episcopum Monasteriensem Subditos & Vasallos suos, Terras & Dominia sua quaecumque, ex alterâ, ad Vitam nostram & praedicti Episcopi ineundis & praestandis,
Et specialiter ad Tractandum, Paciscendum, & finaliter Concordandum cum eodem Procuratore sive Nuncio de & super Homagio ac Fidelitatis in ea parte Sacramento per praefatum Dominum Episcopum, alium vel alios ipsius Nomine ad hoc sufficienter & legitimè Deputatum sive Deputatos, Nobis faciendis & praestandis,
Ipsaque Homagium & Fidelitatis in ea parte Sacramentum per ipsum Dominum Episcopum, seu alium vel alios ipsius Nomine, ut praemittitur, Nobis facienda & praestanda, Vice & Nomine nostris, Admittendum, Recipiendum, & Acceptandum, cum omnibus Capitulis & Clausulis ad hujusmodi Sacramentum Fidelitatis debitis, & exhiberi solitis & consuetis,
Ac pro Homagio & Fidelitate hujusmodi, Nobis faciendis & praestandis, certam Provisionem sive Pensionem annuam pecuniariam, quae Nobis, aut Procuratoribus, Negotiorum Gestoribus, Nunciis, Commissariis, & Deputatis nostris suprascriptis rationabilis & congrua videbitur, dicto Domino Henrico Episcopo, in Feudum & loco Feudi, pro Nobis & Nomine nostro, Constituendum & Concedendum, certis Loco & Terminis per Nos aut ipsos Procuratores, Negotiorum nostrorum Gestores, Nuncios, Commissarios, & Deputatos nostros hujusmodi Limitandis, durante Vitâ nostrâ & Episcopi praedicti Solvendam,
Necnon super quibuscunque Articulis quantumcunque specialibus, qui Ligas, Amicitias, mutua Subventiones & Auxilia, Homagii & Fidelitatis Sacramentum, & Provisionem sive Pensionem supradictam concernere poterunt quovis modo, cum eorum Incidentibus, Emergentibus, Dependentibus, & Connexis,
Ac quae sic Tractata, Conventa, & Concordata fuerint cum omni Securitate debitâ, requisitâ, & honestâ in hoc easu Nomine nostro Firmandum,
Consimilemque Securitatem a dicto Procuratore, sive Nuncio, seu Deputato sive Deputatis dicti Domini Episcopi supradicti, pro Nobis & Nomine nostro, Petendum, Stipulandum, & Recipiendum,
Et generaliter omnia & singula Faciendum, Gerendum, & Exercendum, quae in Praemissis vel circa ea seu aliquo Praemissorum necessaria fuerint seu quomodolibet oportuna, & quae qualitas & natura hujusmodi Negotii exigunt & requirunt, & quae Nosmetipsi facere possemus, si personaliter interessemus, etiam si talia forent quae Mandatum exigerent quantumlibet speciale,
Nostros legitimos & indubitatos Procuratores, Negotiorum Gestores, Commissarios, Deputatos, & Nuncios speciales Fecimus, Creavimus, & Constituimus, Facimus, Creamus, & Constituimus per Praesentes,
Promittentes, bonâ Fide & in Verbo Regio, Nos Ratum & Gratum perpetuò habituros totum & quicquid per dictos Procuratores, Negotiorum Gestores, Commissarios, Deputatos, & Nuncios nostros, ipsorumve aliquem, Actum, Gestum, seu Procuratum fuerit in Praemissis, & singulis Praemissorum.
In cujus rei Testimonium has Litteras nostras fieri fecimus Patentes.
Teste meipso apud Westmonasterium, Secundo Die Decembris, Anno Regni nostri Decimo octavo.
Nos Henricus, Dei gratiâ, Episcopus Monasteriensis, &c.
Quòd idem, Commissarii & Deputati, Procurator & Nuncius,
Inter Mentium suarum praecordia sedulis & internis affectibns revolventes, qualiter inter gloriosas Reipublicae curas & Boni communis Fructus uberes illud dinoscitur esse praecipuum, Potentum & Sublimium, & non tàm Potentia quàm Vicinia invicem sibi conjunctarum personarum, copulare Praesidia & individuâ Unione Amicitiarum Foedera colligare, per quos Principatus indissolubilis Amoris confoederati nexibus, ex adverso Insurgentibus resistere,
& ab omni Oppressionis clade coadunatis viribus poterunt se tueri,
Horum consideratione providâ, ac singulari intuitu Amicitiae, quam dictus Dominus Henricus Episcopus ad Coronas & Regna dicti Illustrissimi ac Christianissimi Regis Angliae & Franciae continuis gessit & gerit in votis,
Ipsius Domini Episcopi Procurator & Nuncius supradictus cum dicti Domini Regis praetactis Commissariis & Deputatis insimul concordârunt, Nominibus quibus supra, sub modo & formâ subscriptis; videlicet,
Quòd praedictus Dominus Isdebrandus de Merwyck, dicti Domini Episcopi Procurator & Nuncius, & Procuratorio nomine ejusdem, ad Sacra Dei Evangelia per se corporaliter tacta, promittet & jurabit, in Animam dicti Domini Henrici Episcopi Domini sui, quòd ipse Dominus Episcopus memorato Serenissimo Principi & Domino, Domino Henrico Regi Angliae & Franciae, & Domino Hiberniae, durante Vitâ ipsorum Dominorum Regis & Episcopi, Fidelis erit, & ejusdem Domini Regis Vassallus Homagialis,
Et quòd Honorem & Utilitatem, pro Posse suo, Consiliis & Auxiliis ac Modis omnibus quibus potest, eidem Domino Regi fideliter custodiet & procurabit,
Dampnum quoque & Periculum ipsius Domini Regis, & Statûs sui, pro Posse suo avertet, Proditoribus & Rebellibus ejusdem Domini Regis non consentiet, & Malum suum vitabit, & quantociùs sibi inde constiterit, Regiam Majestatem super hoc avisabit & praemuniet,
Secretáque ipsius Domini Regis non pandet,
Omniáque & singula erga Personam ejusdem Domini Regis & Coronas suas purè faciet, attendet, & observabit, quae Vassallus Homagialis & Fidelis Domino suo observare debet & tenetur, dolo & fraude quibuscunque procul motis.
Item, concordârunt Commissarii & Deputati Procurator & Nuncius antedicti, vice & nominibus supradictis, quòd praefatus Dominus Episcopus contra dictum Dominum Regem, Regna sua Angliae & Franciae, Terras & Dominia sua quaecunque per Se aut suos Subditos aut Vassallos nullatenus faciet aut attemptabit, neque in quantum in ipso est, fieri aut attemptari patietur aut permittet; quin ymmò eidem Domino Regi contra quoscunque Injuriatores, Inimicos & Rebelles, exceptis inferi us designatis Personis, per Se & suos fideliter assistet, & Adjutor erit (ejusdem tamen Domini Regis Sumptibus & Expensis) quotiens & quando idem Dominus Henricus Episcopus per partem ipsius Domini Regis fuerit desuper congruè requisitus, & extunc etiam Diffidare debet ipsos Injuriatores, Inimicos, & Rebelles, & eis publicè & palàm per suas Litteras Patentes & Auctenticas intimare Se velle eidem Domino Regi assistere, & ipsum pro viribus adjuvare, eorum contrariâ voluntate quomodolibet non obstante.
Concordarunt insuper Commissarii & Deputati ac Procurator & Nuncius saepedicti, Nominibus quibus supra, quòd dictus Dominus Henricus Episcopus praefato Domino Regi serviet & Servitium ac Subventionem faciet & praestabit, cum Numero Centum Virorum Belligerorum Militarium & Armigerorum Lanceatorum, quotiens & quando per Partem dicti Domini Regis debitè super hoc fuerit requisitus; quibus more usitato in Anglia Stipendia diurna ministrabuntur, ut sequitur; videlicet,
Dux pro Personâ suâ capiet per diem, Duo Nobilia.
Comes capiet pro Personâ suâ per diem, Unum Nobile.
Baro per diem, Dimidium Nobile & Octo Sterlingos.
Miles per diem, Quartam Partem Nobilis, & Quatuor Sterlingos.
Armiger per diem Duodecim Sterlingos pro Vadiis, & Sex Sterlingos de Regardo.
Valettus, Sagittarius, seu Balistarius capiet per diem Sex Sterlingos.
Item, Conventum & Concordatum est inter Deputatos & commissarios necnon Procuratorem & Nuncium antedictos, vice & nominibus quibus supra, quòd praefatus Dominus Henricus Episcopus universos & singulos praedicti Domini Regis Ligeos, Vassallos, & Subditos, cujuscunque Dignitatis, Praeeminentiae, Statûs, Gradûs, Nationis, & Conditionis extiterint, per ipsius Domini Episcopi Terras, Districtus, & Dominia quaecunque transeuntes, Moram ibidem facientes, sive Negotiantes aut Mercandisantes, in eundo, redeundo, Moram faciendo, Negotiando & Mercandisando, cum Armaturis, Mercandisis, Bonis & Rebus quibuscunque fideliter Protegere & Defendere tenebitur, velut ipsius Domini Episcopi Subditos proprios, ipsisque & eorum cuilibet concedere & dare, juxta Casûs exigentiam, salvos Conductus sive salvum Conductum, si desuper requisitus fuerit, quo-
tiens opus erit; salvo quòd consueta Pedagia & Theolonia debitè persolvantur;
Excipiebat tamen Procurator & Nuncius praedictus ipsius Domini Henrici Episcopi, Nomine quo supra, in Praemissis Sanctissimum Dominum Papam quem pro tempore habere contigerit, Sanctam Apostolicam Sedem, Serenissimos Dominos Romanorum, Ungariae, Bohemiae, & Dalmatiae &c. Reges, Romanum Imperium, ipsius Imperii Electores & Principes, Reverendos Dominos, Theodoricum Archiepiscopum Coloniensem &c. Walramum Confirmatum Trajectensem, Fratres suos Germanos, necnon Gerardum de Clivis Comitem Marckensem, omnesque alios sibi Subditos & Vassallos, quorum pro tempore erit potens in Jure & Justitiâ si cum illis praefatus Dominus Rex agere haberet; in omnibus Praemissis & singulis Praemissorum dolo & fraude penitùs exclusis.
Et, Praemissorum intuitu, ac ex eo quòd memoratus Serenissimus Princeps & Dominus, Dominus Rex Angliae & Franciae ac Dominus Hiberniae Personam dicti Domini Henrici Episcopi Monasteriensis aliquandiu prosecutus est & prosequitur Favoribus gratiosis, ipsius Domini Regis Commissarii & Deputati supradicti cum ejusdem Domini Episcopi Procuratore & Nuncio saepedicto, Nominibus quibus supra, Concordârunt, Promiserunt, & Concesserunt, & Praesentium Tenore Promittunt & Concedunt, quòd,
Postquam ipse Dominus Henricus Episcopus, in Personâ suâ, aut per suos Procuratores, seu suum Procuratorem, sufficientem in hac parte Potestatem habentes, se dicto Domino Regi suum Fidelem Homagialem & Vassallum, & Fidelitatem & Homagium fecerit, ac hujusmodi Fidelitatis & Homagii in formâ superiùs expressatâ praestiterit Juramentum,
Idem Dominus Rex, de Gratiâ suâ speciali, Concedet, Dabit, & Assignabit ipsi Domino Henrico Episcopo Feudum & loco Feudi Provisionem sive Pensionem annuam Quadringentorum Nobilium Monetae Anglicanae, percipiendam & habendam eidem Domino Henrico Episcopo, ad Receptam Scaccarii Angliae ipsius Domini Regis, singulis Annis, durante Vitâ ipsorum Dominorum Regis & Episcopi, Festis & Terminis subsequentibus; videlicet,
In Festo Nativitatis Beati Johannis Baptistae proximè futuro, Ducenta Nobilia,
Et ad Festum Paschae proximè tunc futurum, alia Ducenta Nobilia,
Et deinceps, singulis Annis, ad Festum Paschae Quadringenta Nobilia, durante ut praemittitur Vitâ eorumdem:
Quam quidem Provisionem sive Pensionem annuam Quadringentorum Nobilium hujusmodi eidem Domino Henrico Episcopo, seu ejus Procuratori, sufficienter & legitimè constituto, sive suo certo Nuncio sufficientem & plenariam Acquietantiam in eâ parte eidem Domino Regi praesentanti & daturo, ipse Dominus Rex realiter & cum effectu per Se, aut suos Deputatos, solvet & liberabit:
Concedetque idem Dominus Rex liberam Licentiam exportandi Aurum & Monetam hujusmodi de Regno suo Angliae & aliis Dominiis suis quibuscunque:
Et idem Dominus Rex contra ipsum Dominum Henricum Episcopum, Terras, aut Dominia sua quaecunque per Se aut suos Subditos aut Vassallos, quicquam Injuriosum minimè faciet aut attemptabit, nec, quantum in ipso est, fieri aut attemptari faciet aut permittet:
Et debet idem Dominus Rex praefatum Dominum Henricum Episcopum Manutenere, prout de Jure bonus Dominus Vassallum suum defendere debet & tenetur (ipsius tamen Domini Henrici Episcopi Sumptibus propriis & Expensis) contra quoscunque, exceptis Personis inferiùs designatis:
Et dictus Dominus Rex universos & singulos praefati Domini Episcopi Vassallos & Subditos (cujuscunque Dignitatis, Praeeminentiae, Statûs, Gradûs, Nationis, & Conditionis extiterint) per ipsius Domini Regis Regna, Terras, Districtus, & Dominia quaecunque transeuntes, Moram ibidem facientes, Negotiantes aut Mercandisantes, in Eundo, Redeundo, Moram faciendo, Negotiando & Mercandisando, cum Mercandisis, Bonis, & Rebus quibuscunque fideliter Protegere & Defendere tenebitur, velut ipsius Domini Regis Subditos proprios, ipsisque & eorum cuilibet concedere & dare, juxta casûs exigentiam, salvos Conductus sive salvum Conductum, si desuper requisitus fuerit, quotiens opus erit; salvo quòd Personae superiùs nominatae Pedagia, Theolonea, Custumas, Subsidia & Deveria debita & consueta solvere tenebuntur;
Excipiebant tamen Commissarii & Deputati ipsius Domini Regis, Nomine quo supra, Sanctissimum Dominum Papam quem pro tempore habere contigerit, Sanctam Apostolicam Sedem, Serenissimum Principem Regem Romanorum, Romanum Imperium, & ipsius Imperii Principes Electores qui pro tempore fu-
erint, Necnon, Illustrissimos Principes, Portugaliae & Algarbii, Daciae, Sueciae, & Norwegiae Reges; dolo & fraude in Praemissis omnibus & singulis cessantibus quibuscunque.
In quorum omnium & singulorum Testimonium atque Fidem dictus Procurator & Nuncius, pro parte praefati Reverendi in Christo Patris Domini Henrici Monasterieusis Ecclesiae Episcopi, praesentem INDENTURAM, penes memoratum Serenissimum Principem Dominum Regem Angliae & Franciae & Dominum Hiberniae remansuram, Sigilli sui appensione roboravit.
Sub Sigillo praefati Isbrandi Cera rubea viridi expresso, pendente a duplici cauda Pergamenae.
In Dorso.
Anno Domini Millesimo Quadringentesimo, Tricesimo Nono, Die verò Martis xxij Mensis Decembris, Horâ ferè vespertinâ, Illustrissimo & Christianissimo Principe & Domino, Domino Henrico, Dei gratiâ, Angliae & Franciae Rege & Domino Hiberniae in Palatio suo apud Westmonasterium, in quâdam ejus Camerâ, ad Pedes cujusdam Loci Paramenti sedente, ad hoc praesentibus & audientibus, Magnifico Domino Wilhelmo Comite Suffolciae Senescallo Domûs Regalis, & Venerabili & Egregio Viro Domino & Magistro Thomâ Bekyngton Regio Secretario, necnon pluribus Spectabilibus Dominis & Nobilibus Viris,
Ego Isbrandus de Merwyck, Canonicus Collegiatae Ecclesiae Sancti Ludgeri Monasteriensis, ut Procurator & Nuncius & eo Nomine Reverendi in Christo Patris & Domini, Domini Henrici, eâdem gratiâ, Monasteriensis Ecclesiae Episcopi, ad Sancta Dei Euvangelia, per me corporaliter tacta, praestiti Juramentum in formâ immediatè subscriptâ; videlicet,
Coram vobis Illustrissimo & Christianissimo Principe & Domino, Domino Henrico, Dei gratiâ, Angliae & Franciae Rege, & Domino Hiberniae, ego Isbrandus de Merwyck, Canonicus Collegiatae Ecclesiae Sancti Ludgeri Monasteriensis, Reverendi in Christo Patris & Domini, Domini Henrici, eadem gratiâ, Monasteriensis Ecclesiae Episcopi, &c. Procurator & Nuncius, & Procuratorio Nomine, ad haec Sancta Dei Euvangelia, in Animam dicti Domini mei Henrici Episcopi, Juro & Promitto quòd, durante Vitâ Majestatis vestrae Regalis & ipsius Domini Henrici Episcopi, jam dictus Dominus Henricus Episcopus vestrae Regali Celsitudini Fidelis erit, & ejusdem Regalis Celsitudinis Vasallus Homagialis, & quòd Honorem & Vtilitatem, pro Posse suo, Consiliis & Auxiliis, ac Modis omnibus quibus potest, vestrae Regali Celsitudini fideliter custodiet & procurabit, Dampnum quoque & Periculum vestrae Regalis Celsitudinis ac Statûs sui pro Posse suo avertet; Proditoribus & Rebellibus Celsitudinis vestrae Regalis non consentiet, & Malum vestrum vitabit, & quantocius sibi inde constiterit, Regiam vestram Majestatem super hoc avisabit & praemuniet; Secretaque vestrae Majestatis Regalis non pandet; Omniaque & singula erga Personam vestrae Regalis Majestatis purè saciet, attendet & observabit, quae Vasallus Homagialis & Fidelis Domino suo observare debet & tenetur, dolo & fraude quibuscunque procul motis.
Isbrandus De Merwyck
supradictus Manu propriâ.
Constat mihi Thomae Bekynton Secretario Domini nostri Regis de Homagio in formâ praescriptâ dictis Die & Loco praestito, & igitur me subscribo
T. B. |
Dec. 12. Similar treaty with Gerard de Cleves, count of Merck. London.
O. x. 745. H. v. p. i. 69. |
Conventiones cum Comite de Marcka.
An. 18. H. 6. Ex Autogr.
Attestatur Praesens Indentura,
Facta Londoniae, Duodecimo die Mensis Decembris, Anno Domini Millesimo, Quadringentesimo, Tricesimo Nono, inter Nos, Johannem Dominum le Scrop Militem, Williemum Lyndewode utriusque Juris Doctorem Custodem Privati Sigilli Regii, & Johannem Strothwait in utroque Jure Bacallarium Canonicum & Praecentorem Cathedralis Ecclesiae Wellensis, Serenissimi & Metuendissimi Principis & Domini nostri, Domini Henrici, Dei gratiâ, Regis Angliae & Franciae, & Domini Hiberniae, Commissarios & Deputatos ex unâ, & Honorabilem Virum Dominum Isbrandum de Merwyck Canonicum Collegiatae Ecclesiae Sancti Ludgeri Monasteriensis, illustris Domi-
celli Gerardide Clivis Comitis de Marcka, &c. Procuratorem & Nuncium, ad Praesentiam Serenitatis Regiae pro Ligis & Amicitiis inter ipsos Dominum Regem & Domicellum Gerardum Comitem tractandis, paciscendis, & concordandis, & aliis Negotiis Factum Amicitiarum hujusmodi concernentibus, per ipsum Domicellum Gerardum Comitem destinatum & transmissum, ex parte alterâ,
Quorum quidem Commissionum & Procuratoriorum Tenores sequuntur de verbo ad verbum, & sunt tales,
Franc. 18. H. 6. m. 27.
Henricus, Dei gratiâ, Rex Angliae & Franciae, & Dominus Hiberniae, omnibus, ad quos praesentes Litterae pervenerint, Salutem.
Sciatis quòd,
Cùm Anno Domini Millesimo, Quadringentesimo, Tricesimo Sexto, Illustris Gerardus de Clivis Comes de Marcka certos suos solempnes Ambassiatores, Procuratores, sive Nuncios (videlicet) Johannem Vpinegrave Praepositum Ecclesiae Sancti Andreae Coloniensis, Arnoldum de Breympt Armigerum, & Johannem de Coesfeldiâ Decretorum Doctorem, ad Nos & Regnum nostrum Angliae, ad Conveniendum & Tractandum unà nobiscum, seu alio vel aliis per Nos deputandis, de & super nonnullis Materiis, Ligas, Amicitias, mutuáque Subventiones & Auxilia, necnon Homagii & Fidelitatis Sacramentum, concernentibus, transmiserit,
Super quibus quidem Ligis, Amicitiis, mutuisque Subventionibus & Auxiliis per certos Fideles & Dilectos nostros, quorum Nomina praesentibus haberi volumus pro expressis, ac Procuratores sive Nuncios praedictos ipsius Illustris Gerardi de Clivis Comitis de Marka, Actum, Factum, Dictum, Concordatum, Appunctuatum, & Conclusum fuit, prout in Cedulâ Indentatâ desuper confectâ pleniùs continetur,
Deinde Anno Domini ejusdem Millesimo, Quadringentesimo, Tricesimo Octavo praedictus Illustris Gerardus de Clivis Comes de Marka suum Procuratorem, sive Nuncium specialem (videlicet) Discretum Virum, Isbrandum de Merwyck Canonicum Ecclesiae Sancti Ludgeri Monasteriensis, cum approbatione & ratificatione omnium & singulorum per supradictos suos Procuratores sive Nuncios Actorum, Factorum, Dictorum, Concordatorum, Appunctuatorum, & Conclusorum, ex eo quia saepedicti Procuratores sive Nuncii ejus plenè super Praemissis se instructos non fore asserebant, denuò transmisit ad Tractandum, Concordandum, & Concludendum, similiter unà Nobiscum, seu alio vel aliis per Nos deputandis, de & super talibus Materiis, Ligas, Amicitias, mutuáque Subventiones & Auxilia, necnon Homagii & Fidelitatis Sacramentum, ab ipso Illustri Gerardo de Clivis Comite de Marka Nobis facienda & praestanda, concernentibus,
Ac Nos,
De Fidelitate, Prudentiâ, Circumspectione, & Industriâ, Dilectorum & Fidelium nostrorum, Johannis Domini le Scrop Militis, necnon Willielmi Lyndewode utriusque Juris Doctoris, Custodis nostri Privati Sigilli, & Johannis Storthwait utriusque Juris Bacallarii Praecentoris & Canonici Praebendati Cathedralis Ecclesiae Wellensis, & eorum cujuslibet plenariè confidentes,
Ipsos, conjunctim, & divisim, ad Tractandum, Conveniendum, & Concludendum cum praefato Procuratore sive Nuncio de & super quibuscunque Ligis, Amicitiis, mutuis Subventionibus inter Nos, Ligeos, Subditos, & Vasallos nostros, Regna, Terras, & Dominia nostra quaecunque, ex unâ parte, & dictum Illustrem Gerardum de Clivis Comitem de Marcka, Subditos & Vasallos suos, Terras & Dominia sua quaecumque, ex alterâ, ad Vitam nostram & ipsius Illustris Gerardi de Clivis Comitis de Marka praedicti ineundis & praestandis,
Et specialiter ad Tractandum, Paciscendum, & finaliter Concordandum cum eodem Procuratore sive Nuncio de & super Homagio ac Fidelitatis in ea parte Sacramento per praefatum Illustrem Gerardum de Clivis Comitem de Marka, alium, vel alios, ipsius Nomine ad hoc sufficienter & legitimè Deputatum sive Deputatos, Nobis faciendis & praestandis,
Ipsaque Homagium & Fidelitatis in ea parte Sacramentum per dictum Illustrem Gerardum de Clivis Comitem de Marka, seu alium, vel alios, ipsius Nomine, ut praemittitur, Nobis facienda & praestanda, Vice & Nomine nostris, Admittendum, Recipiendum, & Acceptandum, cum omnibus Capitulis & Clausulis ad hujusmodi Sacramentum Fidelitatis debitis, & exhiberi solitis & consuetis,
Ac pro Homagio & Fidelitate hujusmodi, Nobis faciendis & praestandis, certam Provisionem sive Pensionem annuam pecuniariam, quae Nobis, aut Procuratoribus, Negotiorum Gestori-
bus, Nunciis, Commissariis, & Deputatis nostris suprascriptis rationabilis & congrua videbitur, dicto Illustri Gerardo de Clivis Comiti de Marka, in Feudum & loco Feudi, pro Nobis & Nomine nostro, Constituendum & Concedendum, certis Loco & Terminis, per Nos aut ipsos Procuratores, Negotiorum nostrorum Gestores, Nuncios, Commissarios, & Deputatos nostros hujusmodi Limitandis, durante Vitâ nostrâ & ipsius Illustris Gerardi de Clivis Comitis de Marka, Solvendam,
Necnon super quibuscunque Articulis quantumcunque specialibus, qui Ligas, Amicitias, mutua Subventiones & Auxilia, Homagii & Fidelitatis Sacramentum, & Provisionem sive Pensionem supradictam concernere poterunt quovis modo, cum eorum Incidentibus, Emergentibus, Dependentibus, & Connexis,
Ac quae sic Tractata, Conventa, & Concordata fuerint cum omni Securitate debitâ, requisitâ, & honestâ in hoc casu Nomine nostro Firmandum,
Consimilemque Securitatem a dicto Procuratore, sive Nuncio, seu Deputato sive Deputatis dicti Illustris Gerardi de Clivis Comitis de Marcka supradicti, pro Nobis & Nomine nostro, Petendum, Stipulandum, & Recipiendum,
Et generaliter omnia alia & singula Faciendum, Gerendum, & Exercendum, quae in Praemissis vel circa ea seu aliquo Praemissorum necessaria fuerint seu quomodolibet oportuna, & quae qualitas & natura hujus Negotii exigunt & requirunt, & quae Nosmetipsi facere possemus, si personaliter interessemus, etiam si talia forent quae Mandatum exigerent quantumlibet speciale,
Nostros legitimos & indubitatos Procuratores, Negotiorum Gestores, Commissarios, Deputatos, & Nuncios speciales Fecimus, Creavimus, & Constituimus, Facimus, Creamus, & Constituimus per Praesentes,
Promittentes, bonâ Fide & in Verbo Regio, Nos Ratum & Gratum perpetuò habituros totum & quicquid per dictos Procuratores, Negotiorum Gestores, Commissarios, Deputatos, & Nuncios nostros, ipsorúmve aliquem, Actum, Gestum, seu Procuratum fuerit in Praemissis, & singulis Praemissorum.
In cujus rei Testimonium has Litteras nostras fieri fecimus Patentes.
Teste meipso apud Westmonasterium, Secundo Die Decembris, Anno Regni nostri Decimo octavo.
Nos Gerardus, &c.
Quod iidem, Commissarii & Deputati, Procurator & Nuncius,
Inter Mentium suarum praecordia sedulis & internis affectibus revolventes, qualiter inter gloriosas Reipublicae curas & Boni communis Fructus uberes illud dinoscitur esse praecipuum, Potentum & Sublimium, & non tàm Potentia quàm Vicinia invicem sibi conjunctarum personarum, copulare Praesidia & individuâ Unione Amicitiarum Foedera colligare, per quos Principatus, indissolubilis Amoris confoederati nexibus, ex adverso Insurgentibus resistere & ab omni Oppressionis clade coadunatis viribus poterunt se tueri,
Horum consideratione providâ, ac singulari intuitu Amicitiae, quam dictus Domicellus Gerardus de Clivis Comes de Marcka ad Coronas & Regna dicti Illustrissimi ac Christianissimi Regis Angliae & Franciae continuis gessit & gerit in votis,
Ipsius Domicelli Gerardi Comitis Procurator & Nuncius supradictus cum dicti Domini Regis praetactis Commissariis & Deputatis insimul concordârunt, Nominibus quibus supra, sub modo & formâ subscriptis; videlicet,
Quòd praedictus Dominus Isbrandus de Merwyck, dicti Domicelli Gerardi Comitis Procurator & Nuncius, & Procuratorio nomine ejusdem, ad Sacra Dei Evangelia per se corporaliter tacta, promittet & jurabit, in Animam dicti Domicelli Gerardi de Clivis Comitis de Marcka Domini sui, quòd ipse Domicellus Gerardus Comes memorato Serenissimo Principi & Domino, Domino Henrico Regi Angliae & Franciae, & Domino Hiberniae, durante Vitâ ipsorum Domini Regis & Domicelli Gerardi Comitis, Fidelis erit, & ejusdem Domini Regis Vassallus Homagialis,
Et quòd Honorem & Utilitatem, pro Posse suo, Consiliis & Auxiliis ac Modis omnibus quibus potest, eidem Domino Regi fideliter custodiet & procurabit,
Dampnum quoque & Periculum ipsius Domini Regis, ac Statûs sui, pro Posse suo avertet, Proditoribus & Rebellibus ejusdem Domini Regis non consentiet, & Malum suum vitabit, & quantociùs sibi inde constiterit, Regiam Majestatem super hoc avisabit & praemuniet,
Secretáque ipsius Domini Regis non pandet,
Omniáque & singula erga Personam ejusdem Domini Regis & Coronas suas purè faciet, attendet, & observabit, quae Vassallus Homagialis & Fidelis Domino suo observare debet & tenetur, dolo & fraude quibuscunque procul motis.
Item, concordârunt Commissarii & Deputati Procurator & Nuncius antedicti, vice & nominibus supradictis, quòd praefatus Domicellus Gerardus Comes contra dictum Dominum Regem, Regna sua Angliae & Franciae, Terras & Dominia sua quaecunque per Se aut suos Subditos aut Vassallos nullatenus faciet aut attemptabit, neque in quantum in ipso est fieri aut attemptari patietur aut permittet; quin ymmò eidem Domino Regi contra quoscunque Injuriatores, Inimicos & Rebelles (exceptis inferiùs designatis Personis) per Se & suos fideliter assistet, & Adjutor erit (ejusdem tamen Domini Regis Sumptibus & Expensis) quotiens & quando idem Domicellus Gerardus Comes per partem ipsius Domini Regis fuerit desuper congruè requisitus, & extunc etiam Diffidare debet ipsos Injuriatores, Inimicos, & Rebelles, & eis publicè & palàm per suas Literas Patentes & Auctenticas intimare Se velle eidem Domino Regi assistere, & ipsum pro viribus adjuvare, eorum contrariâ voluntate quomodolibet non obstante.
Concordarunt insuper Commissarii & Deputati ac Procurator & Nuncius saepedicti, Nominibus quibus supra, quòd dictus Domicellus Gerardus Comes praefato Domino Regi serviet & Servitium ac Subventionem faciet & praestabit, cum Numero Centum Virorum Belligerorum Militarium & Armigerorum Lanceatorum, quotiens & quando per Partem dicti Domini Regis debitè super hoc fuerit requisitus; quibus more usitato in Anglia diurna Stipendia ministrabuntur, ut sequitur; videlicet,
Dux pro Personâ suâ capiet per diem, Duo Nobilia.
Comes capiet pro Personâ suâ per diem, Unum Nobile.
Baro per diem, Dimidium Nobile & Octo Sterlingos,
Miles per diem, Quartam Partem Nobilis, & Quatuor Sterlingos.
Armiger per diem, Duodecim Sterlingos pro Vadiis, & Sex Sterlingos de Regardo.
Valettus, Sagittarius, seu Balistarius capiet per diem Sex Sterlingos.
Item, Conventum & Concordatum est inter Deputatos & Commissarios necnon Procuratorem & Nuncium antedictum, vice & nominibus quibus supra, quòd praefatus Domicellus Gerardus Comes universos & singulos praedicti Domini Regis Ligeos, Vassallos, & Subditos (cujuscunque Dignitatis, Praeeminentiae, Statûs, Gradûs, Nationis, & Conditionis extiterint) per ipsus Domicelli Gerardi Comitis Terras, Districtus, & Dominia quaecunque transeuntes, Moram ibidem facientes, sive Negotiantes aut Mercandisantes, in eundo, redeundo, Moram faciendo, Negotiando & Mercandisando, cum Armaturis, Mercandisis, Bonis & Rebus quibuscunque fideliter Protegere & Defendere tenebitur, velut ipsius Domicelli Gerardi Comitis Subditos proprios; ipsisque & eorum cuilibet concedere & dare, juxta Casûs exigentiam, salvos Conductus sive salvum Conductum, si desuper requisitus fuerit, quotiens opus erit; salvo quòd consueta Pedagia & Theolonia debitè persolvantur;
Excipiebat tamen Procurator & Nuncius praedictus ipsius Domicelli Gerardi de Clivis Comitis de Marcka, Nomine quo supra, in Praemissis Sanctissimum Dominum Papam quem pro tempore habere contigerit, Sanctam Apostolicam Sedem, Serenissimos Dominos Romanorum, Ungariae, Bohemiae, & Dalmatiae, &c. Reges, Romanum Imperium, ipsius Imperii Electores & Principes, omnesque alios sibi Subditos & Vasallos, quorum pro tempore erit Potens in Jure & Justitiâ si cum illis praefatus Dominus Rex agere haberet; in omnibus Praemissis & singulis Praemissorum dolo & fraude penitùs exclusis.
Et, Praemissorum intuitu, ac ex eo quòd memoratus, Serenissimus Princeps & Dominus, Dominus Rex Angliae & Franciae ac Dominus Hiberniae Personam dicti Domicelli Gerardi Comitis aliquandiu prosecutus est & prosequitur Favoribus gratiosis, ipsius Domini Regis Commissarii & Deputati supradicti cum ejusdem Domicelli Gerardi Comitis Procuratore & Nuncio saepedicto, Nominibus quibus supra, Concordârunt, Promiserunt, & Concesserunt, & Praesentium Tenore Promittunt & Concedunt, quòd,
Postquam ipse Domicellus Gerardus Comes, in Personâ suâ, aut per suos Procuratores, seu suum Procuratorem, sufficientem in hac parte Potestatem habentes, se dicto Domino Regi suum Fidelem Homagialem & Vassallum, & Fidelitatem & Homagium fecerit, ac hujusmodi Fidelitatis & Homagii in formâ superiùs expressatâ praestiterit Juramentum,
Idem Dominus Rex, de Gratiâ suâ speciali, Concedet, Dabit, & Assignabit ipsi Domicello Gerardo Comiti Feudum & loco Feudi Provisonem sive Pensionem annuam Quadringentorum Nobilium Monetae Anglicanae, percipiendam & habendam eidem Domicello Gerardo Comiti, ad Receptam Scaccarii Angliae ipsius Domini Regis, singulis Annis, durante Vitâ ipsorum Domini Regis & Domicelli Gerardi Comitis, Festis & Terminis subsequentibus; videlicet,
In Festo Nativitatis Beati Johannis Baptistae proximò futuro, Ducenta Nobilia,
Et ad Festum Paschae proximò tunc futurum, alia Ducenta Nobilia,
Et deinceps, singulis Annis, ad Festum Paschae Quadraginta Nobilia, durante, ut praemittitur, Vitâ eorumdem:
Quam quidem Provisionem sive Pensionem annuam Quadringentorum Nobilium hujusmodi eidem Domicello Gerardo Comiti, seu ejus Procuratori, sufficienter & legitimè constituto, sive suo certo Nuncio sufficientem & plenariam Acquietantiam in eâ parte eidem Domino Regi praesentanti & daturo, ipse Dominus Rex realiter & cum effectu per Se, aut suos Deputatos, solvet & liberabit:
Concedetque idem Dominus Rex liberam Licentiam exportandi Aurum & Monetam hujusmodi de Regno suo Angliae & aliis Dominiis suis quibuscunque:
Et idem Dominus Rex contra ipsum Domicellum Gerardum Comitem, Terras, aut Dominia sua quaecunque per Se, aut suos Subditos, aut Vassallos, quicquam Injuriosum minimè faciet aut attemptabit, nec, quantum in ipso est, fieri aut attemptari faciet aut permittet:
Et debebit idem Dominus Rex praefatum Domicellum Gerardum Comitem Manutenere, prout de Jure bonus Dominus Vassallum suum defendere debet & tenetur (ipsius tamen Domicelli Gerardi Comitis Sumptibus propriis & Expensis) contra quoscunque, exceptis Personis inferiùs designatis:
Et dictus Dominus Rex universos & singulos praefati Domicelli Gerardi Comitis Vassallos & Subditos (cujuscunque Dignitatis, Praeeminentiae, Statûs, Gradûs, Nationis, & Conditionis extiterint) per ipsius Domini Regis Regna, Terras, Districtus, & Dominia quaecunque transeuntes, Moram ibidem facientes, Negotiantes aut Mercandisantes, in Eundo, Redeundo, Moram faciendo, Negotiando & Mercandisando, cum Mercandisis, Bonis, & Rebus suis quibuscunque fideliter Protegere & Defendere tenebitur, velut ipsius Domini Regis Subditos proprios, ipsisque & eorum cuilibet concedere & dare, juxta casûs exigentiam, salvos Conductus sive salvum Conductum, si desuper requisitus fuerit, quotiens opus erit; salvo quòd Personae superiùs nominatae Pedagia, Theolonea, Custumas, Subsidia, & Deveria debita & consueta solvere tenebuntur;
Excipiebant tamen Commissarii & Deputati ipsius Domini Regis, Nomine quo supra, in Praemissis Sanctissimum Dominum Papam quem pro tempore habere contigerit, Sanctam Apostolicam Sedem, Serenissimum Principem Regem Romanorum, Romanum Imperium, & ipsius Imperii Principes Electores qui pro tempore fuerint, necnon, Illustrissimos Principes, Portugaliae & Algarbii, Daciae, Swetiae, & Norwegiae Reges; dolo & fraude in Praemissis omnibus & singulis cessantibus quibuscunque.
In quorum omnium & singulorum Testimonium atque Fidem dictus Procurator & Nuncius, pro parte praefati Domicelli Gerardi Comitis praesentem INDENTURAM, penes memoratum Serenissimum Principem Dominum Regem Angliae & Franciae & Dominum Hiberniae remansuram, Sigilli sui appensione roboravit.
Sub Sigillo Cerâ rubeâ expresso, pendente a cauda Pergamenae.
In Dorso.
Anno Domini Millesimo, Quadringentesimo, Tricesimo Nono, Die verò Martis xxij, Mensis Decembris, Horâ ferè vespertinâ, Illustrissimo & Christianissimo Principe & Domino, Domino Henrico, Dei gratiâ, Angliae & Franciae Rege & Domino Hiberniae in Palatio suo apud Westmonasterium, in quâdam ejus Camerâ, ad Pedes cujusdam Loci Paramenti sedente ad hoc, praesentibus & audientibus, Magnifico Domino Wilhelmo Comite Suffolciae Senescallo Domûs Regalis, & Venerabili & Egregio Viro Domino & Magistro Thomâ Bekyngton Regio Secretario, necnon pluribus Spectabilibus Dominis & Nobilibus Viris,
Ego Isbrandus de Merwyck, Canonicus Collegiatae Ecclesiae Sancti Ludgeri Monasteriensis, ut Procurator & Nuncius & eo Nomine Illustris Domicelli Gerardi de Clivis Comitis de Marcka,
ad Sancta Dei Euvangelia, per me corporaliter tacta, praestiti Juramentum in formâ immediatè subscriptâ; videlicet,
Coram vobis Illustrissimo & Christianissimo Principe & Domino, Domino Henrico, Dei gratiâ, Angliae & Franciae Rege, & Domino Hiberniae, ego Isbrandus de Merwyck, Canonicus Collegiatae Ecclesiae Sancti Ludgeri Monasteriensis, Illustris Domicelli Gerardi de Clivis Comitis de Marcka Procurator & Nuncius, & Procuratorio Nomine, ad haec Sancta Dei Euvangelia, in Animam dicti Domini mei Gerardi Comitis, Juro & Promitto quòd, durante Vitâ Majestatis vestrae Regalis & ipsius Domicelli Gerardi Comitis, jam dictus Domicellus Gerardus Comes vestrae Regali Celsitudini Fidelis erit, & ejusdem Regalis Celsitudinis Vasallus Homagialis, & quòd Honorem & Vtilitatem, pro Posse suo, Consiliis & Auxiliis, ac Modis omnibus quibus potest, vestrae Regali Celsitudini fideliter custodiet & procurabit, Dampnum quoque & Periculum vestrae Regalis Celsitudinis ac Statûs sui pro Posse suo avertet; Proditoribus & Rebellibus Celsitudinis vestrae Regalis non consentiet, & Malum vestrum vitabit, & quantocius sibi inde constiterit, Regiam vestram Majestatem super hoc avisabit & praemuniet; Secretaque vestrae Majestatis Regalis non pandet; Omniaque & singula erga Personam vestrae Regalis Majestatis purè faciet, attendet & observabit, quae Vasallus Homagialis & Fidelis Domino suo observare debet & tenetur, dolo & fraude quibuscumque procul motis.
Isbrandus De Merwyck
supradictus Manu propriâ.
Constat mihi Thomae Bekynton Secretario Domini nostri Regis de Homagio in formâ praedictâ dictis Die & Loco praestito, & igitur me subscribo
T. B. |
Dec. 24. Power for William de Lyndewode, keeper of the privy seal, John Stopyndon, clerk of the rolls of Chancery, and three others, to prorogue the truce with Flanders for five years. Gato, Westm.
O. x. 750. H. v. p. i. 71. |
De Treugis Flandriae prorogandis.
An. 18. H. 6. Ex Autogr.
Rex, dilectis sibi, Magistro Willielmo de Lyndewode Custodi Privati Sigilli nostri, Johanni Stopyndon Clerico Rotulorum Cancellariae nostrae, Thomae Bekyngton, & Stephano Wilton, Legum & Decretorum Doctoribus, ac Roberto Whityngham, Salutem.
Sciatis quòd,
Cùm aliàs certae Treugae & Intercommunicationes Mercandisarum inter Subditos nostros Angliae & ipsos de Flandria, extunc usque in finem Triennii, sub certis Modis & Formis, duraturae, habitae fuerint, tractatae, appunctuatae, & conclusae,
Ac jam, ex parte ipsorum de Flandria, nobis sit humiliter & instanter supplicatum ut Treugas sive Intercommunicationes praedictas prorogare dignaremur,
Hinc est quòd Nos,
De fidelitatibus & circumspectionibus vestris plurimùm confidentes,
Assignavimus vos Quinque, Quatuor, & Tres vestrûm, & vobis plenam, Tenore Praesentium, Committimus & Damus Potestatem, Auctoritatem, & Mandatum speciale ad Conveniendum, certis Locis & Temporibus, cum Magistro Henrico Utenhove, Paulo Deschamps, & Lodowico Domessent, Oratoribus sive Nunciis illorum de Flandria, plenam, sufficientem, & requisitam Potestatem in hac parte habentibus,
De & super Continuatione & Prorogatione hujusmodi Treugarum sive Intercommunicationum Tractandum & Communicandum,
Et demùm easdem Treugas sive Intercommunicationes, a fine & expiratione dicti Triennii, usque finem Quinquennii tunc proximò sequentis, Extendendum & Prorogandum cum effectu;
Et ideò vobis Mandamus quòd circa Praemissa diligenter intendatis, & ea faciatis, exequamini, & expleatis in formâ praedictâ:
Et Promittimus Nos bonâ fide Ratum, Gratum, Firmum, & Stabile habituros totum & quicquid per Vos, Quinque, Quatuor, seu Tres vestrûm, Actum, Gestum, seu Conclusum fuerit in Praemissis.
In cujus &c.
Teste Rege apud Westmonasterium, vicesimo quarto die Decembris.
Per ipsum Regem & Concilium. |
Dec. 31. The K. of England requests Alfonso K. of Portugal to do justice to William Norton and Egidea his wife, and Thomas Halman, whose property has been embezzled by Dominicoo Gato, their factor. Westm.
O. x. 751. H. v. p. i. 71. |
Ad Regem Portugaliae.
An. 18. H. 6.
Penes Cleric. Pell.
Serenissimo Principi, Domino Alfonso, Dei gratiâ, Portugaliae & Algarbii Regi, Fratri nostro praecarissimo, Henricus, Dei gratiâ, Rex Angliae & Franciae, & Dominus Hiberniae, Salutem & amoris mutui felix Incrementum.
Serenissime Princeps, Frater noster praecarissime,
Dudùm vestrae Serenitatis Genitori Fratri nostro, dùm in humanis agebat, inclitissimo (cujus Animam Paradisus obtineat) nostras direxisse Litteras meminimus in haec verba,
Serenissimo Principi Edwardo, Dei gratiâ, Portugaliae & Algaribii Regi, Fratri nostro praecarissimo, Henricus, Dei gratiâ, Rex Angliae & Franciae, & Dominus Hiberniae, Salutem & integri amoris continuum incrementum.
Serenissime Princeps, Frater noster praecarissime,
Celsitudini vestrae significamus quòd, dilecti Ligei & Fideles nostri, Willielmus Norton, Egidea Uxor ejus, & Thomas Halman, explicârunt quòd,
Quamquam nonnulla Mercimonia, Res, & Bona eorundem Ligeorum nostrorum, propriis Pecuniis eorumdem Empta per Dominicum Gato, Factorem & Attornatum eorumdem, Signo mercandizali ipsius Attornati signata, propter Guerras, tunc inter Ligeos nostros & Flandrenses subortas, in quadam Caraka sive Nave Petri Vendelyn Veneti, vocata Sancta Maria de Gratia, deposita fuerunt, in Angliam fideliter transmittenda & ibidem liberanda,
Ipse tamen Petrus, Patronus dictae Navis, fraudem praecogitans, ad vestram Civitatem Ulexbonensem cum dictis Nave & Mercimoniis dolosè velavit, & ibidem Mercimonia hujusmodi in manibus & possessione cujusdam Lodowici Moresun, Consulis Venetorum in Civitate vestra Ulexbonensi residentis, suo malo ingenio dimisit,
Qui quidem Lodowicus, cum quodam Franco Morebot Januensi, etiam ibidem residente, nephariè colludens, eundem Francum sibi callidè confoederavit, qui sic fraudulenter conspirantes & machinantes quomodo dictos Ligeos nostros Bonis & Mercimoniis suis hujusmodi privarent, & ipsa eis explicarent, publicè asseruerunt, minus verè affirmârunt Bona & Mercimonia hujusmodi fuisse & esse Bona Lumbardorum, cum quibus Januenses & Veneti ad tunc Guerram habuerunt, cùm reverà ipsa Bona & Mercimonia fuerunt, sunt, & esse debent Bona propria dictorum Ligeorum nostrorum, ipsorum propriis Pecuniis empta, prout per Literas Majoris dictae Civitatis nostrae Londoniae testimoniales plenè liquet,
Quocirca dicti Ligei nostri penes nostram Regalem Majestatem lamentabiliter institerunt pro Remedio eis oportuno in hac parte impendendo,
Nos itaque, absque aesitatione aliqua confidentes vestram Celsitudinem Regiam unicuique Jus suum impartiri velle, & nemini Justitiam denegare, attentè requirimus & rogamus eandem quatinus Litteris Testimonialibus praedictis, vestrae Regiae Majestati exhibendis, fidem quam convenit adhibere, ac dictis Ligeis nostris Justitiae complementum, ipsius rei veritate inspectâ, fieri demandet,
In quâ re rem Deo gratam & Nobis acceptabilem vestra indubiè faciet Fraternitas dilectissima; quam Successibus prosperis & votivis dirigat & conservet Trinitas benedicta.
Dat. sub Privato Sigillo nostro apud Palatium nostrum Westmonasterii, Decimo die Martii.
Post quarum Literarum nostrarum memorato Genitori vestro praesentationem ut concepimus, eo quòd infra Dies pauculos extunc sequentes Morte praeoccupatus Spiritum Creatori reddidit, per Nos requisita perficere non potuit, quae etiam usque in praesens, quâ aliâ de causâ dilata ignoramus, remanent incompleta:
Considerantes nichilominus, Princeps inclitissime, quòd, Suggestis in Litteris nostris antedictis diligenter examinatis & discussis, vestra Fraternalis Sublimitas Conquerentibus ipsis, absque morae diffugio, Justitiae parari faciet, ut decet complementum, eandem, Patri in Onere & Honore succedentem, hiis nostris Litteris duximus adeundam, confidentiùs exorantes Subditis, in casu parili, id quod justum fuerit, vestra Regalis Celsitudo perfici voluerit & impendi;
Quam conservet Altissimus per tempora feliciter duratura.
Dat. sub Privato Sigillo nostro, apud Palatium nostrum Westmonasterii, ultimo die Decembris, Anno &c. xviij. |
[Dec. 31.] Similar letter to Peter infant of Portugal.
O. x. 752. H. v. p. i. 71. |
Ad Petrum Infantem Portugaliae.
An. 18. H. 6. Penes Cler. Pell.
Henricus Dei gratiâ, Rex Angliae & Franciae & Dominus Hiberniae, Inclitissimo Principi ac Consanguineo carissimo, Petro Portugaliae Infanti, Salutem & sincerae dilectionis prosperum incrementum.
Inclitissime Princeps, Consanguinie noster amantissime,
Scribimus impraesentiarum Serenissimo Principi ac Fratri nostro carissimo Alfonso Portugaliae & Algarbii Regi Litteras nostras in haec verba,
Serenissimo Principi Domino Alfonso Dei gratiâ, Portugaliae & Algarbii Regi Fratri nostro praecarissimo, Henricus Dei gratiâ, Rex Angliae & Franciae & Dominus Hiberniae, Salutem & amoris mutui foelix Incrementum,
Serenissime Princeps Frater noster praecarissime,
Dudùm vestrae Serenitatis Genitori, Fratri nostro, dùm in humano agebat, inclitissimo (cujus Animam Paradisus obtineat) nostras direxisse Litteras meminimus in haec verba,
Serenissimo Principi Domino Edwardo, Dei gratiâ, Portugaliae & Algarbii Regi, Fratri nostro praecarissimo, Henricus, Dei gratiâ, Rex Angliae & Franciae & Dominus Hiberniae Salutem & integri amoris continuum Incrementum.
Serenissime Princeps, Frater noster praecarissime, Celsitudini vestrae significamus quòd, dilecti Ligei & fideles nostri, Willielmus Norton, Egidea Uxor ejus, & Thomas Halman, Cives nostrae Civitatis Londoniae, suis Petitionibus Nobis explicarunt, &c. ut supra de verbo in verbum,
Confidentes itaque, Inclite Princeps & Consanguinie dilectissime, quòd vestrarum diligentiarum opitulamine Res ipsa, pro qua scribimus, gratiorem consequetur effectum, eandem votivis effectibus duximus exorandam quatinus ad Expeditionem celerem & votivam manus apponere velitis adjustrices, per cujus opem hiis, pro quibus scribere decrevimus, Justitiam adesse speramus affectatam, parati ad vestrae Nobilitatis beneplacita voluntatis in Domino peragenda; qui vestram Personam inclitissimam foelicibus adaugeat Successibus & Honore.
Dat. ut supra. |
