Rymer's Foedera with Syllabus: July-December 1497

Rymer's Foedera Volume 12. Originally published by Apud Joannem Neulme, London, 1739-1745.

This free content was digitised by double rekeying. All rights reserved.

Citation:

'Rymer's Foedera with Syllabus: July-December 1497', in Rymer's Foedera Volume 12, ed. Thomas Rymer( London, 1739-1745), British History Online https://prod.british-history.ac.uk/rymer-foedera/vol12/pp654-671 [accessed 28 November 2024].

'Rymer's Foedera with Syllabus: July-December 1497', in Rymer's Foedera Volume 12. Edited by Thomas Rymer( London, 1739-1745), British History Online, accessed November 28, 2024, https://prod.british-history.ac.uk/rymer-foedera/vol12/pp654-671.

"Rymer's Foedera with Syllabus: July-December 1497". Rymer's Foedera Volume 12. Ed. Thomas Rymer(London, 1739-1745), , British History Online. Web. 28 November 2024. https://prod.british-history.ac.uk/rymer-foedera/vol12/pp654-671.

July–December 1497

Syllabus Entry Foedera Text
July 7. Treaty of commerce between the K. of England and Philip archduke of Austria. London.
O. xii. 654. H. v. p. iv. 113.		 Tractatus de Intercursu Burgundiae.
An. 12. H. 7. Ex Autogr.
Cum paulo ante, per Commissarios Illustrissimorum Principum, Henrici, Dei gratiâ, Regis Angliae & Franciae, & Domini Hiberniae, ac Philippi, Dei gratiâ, ARCHIDUCIS Austriae, DUCIS Burgundiae, Lotharingiae, Lucemburgiae, & Gheldriae, COMITIS Habsburgensis, Flandriae, Turolis, Arthesii, & Burgundiae, PALATINI & Hanoniae, LANTGRAVII Alsatiae, MARCHIONIS Sacri Romanorum Imperii; & Burgoniae, Hollandiae, Zeellandiae, Ferretis, Riburgii, Namurci, & Zutphaniae COMITIS; & DOMINI Friziae, Marchiae, Sclavoniae, Portusnaonis, Salinarum, & Mechliniae, Auctoritate & Potestate sufficienti ab eisdem Principibus eis concessis, prout in eorum Litteris Commissionum pleniùs liquere poterit, quaedam Foedera erant inita, conventa & conclusa,
In quibus quidem Foederibus & Conventionibus nonnulla Pacis, Amicitiarum, Intercursûs Mercium, caeterarumque Rerum, quaedam Capitula Conventa erant, & Conclusa, prout in Litteris predictorum Foederum & Conventionum (quarum Data est vicesimo quarto Die Mensis Februarii, Anno Domini Millesimo, Quadringentesimo, Nonagesimo quinto) pleniùs continetur,
Nos,
Thomas London. Episcopus, Thomas Comes Ormund, Serenissimae Dominae Reginae Angliae Camerarius, necnon Willielmus Warham Legum Doctor Rotulorumque Custos Illustrissimi Domini Regis Angliae, una cum Johanne Meautis uno Secretariorum praedicti Domini Regis, Commissarii & Deputati Potentissimi Principis Henrici Septimi Regis Angliae & Franciae &c. antedicti,
Atque Nos, Johannes Petir Magister Requestarum Hospitii dicti Domini Archiducis, & Johannes de Courteville Scutifer Trenchiator Marescallus Hospitiorum ejusdem Archiducis & Ballivus de Lille, Commissarii & Oratores praefati Illustrissimi Principis Philippi Archiducis Austriae, &c.
Auctoritate, ut supra, sufficienti suffulti atque muniti, post varias Comunicationes & Tractatus, pro inviolabili dictorum Foederum Observantia, inter Nos Commissarios praedictos, habitos, quibus quidem Foederibus firmiter inhaerentes & non ab eis aut ab eorum aliquo recedere volentes, & quae hic pro expressis habemus, Nomine dictorum Principum pro eis Convenimus & Conclusimus ut sequitur,
Inprimis, Conventum, Concordatum, & Conclusum est, quòd Illustrissimus Dominus Archidux antedictus pro Se, Haeredibus & Successoribus suis, amodò & exnunc illam Floreni & quamcumque aliam de Pannis Anglicanis & quolibet eorum novam Impositionem factam, Amovebit, Cassabit, & penitùs Extinguet; & quòd idem Dominus Archidux pro Se, Haeredibus & Successoribus suis, permittet exnunc praefatos Pannos Anglicanos & quemlibet eorum habere Cursum in Patriis, Terris, Aquis, & Dominiis suis, Exceptâ Flandriâ, eo modo quo permiserunt & pariformiter sicut usi sunt Illustrissimi quondam Principes & Progenitores & Praedecessores sui, Promittendo pro Se, Haeredibus & Successoribus suis, quòd, durante Cursu vel Intercursu Pannorum praedictorum, nec Florenus nec alia quaecumque Nova Impositio levabitur cum effectu a Subditis Domini Regis aut super Pannos eorum,
Et, Casu quo aliquo tempore futuro continget dictum Dominum Archiducem vel suos Successores praefatum Cursum vel Intercursum Pannorum impedire, vel Impositionem novam Floreni vel aliam facere super praefatos Subditos Domini Regis vel super Pannos praedictos directè vel indirectè, quòd tunc sit in Arbitrio merâ Voluntate & Discretione praefati Domini Regis Haeredum & Successorum suorum omnia & singula Capitula tàm praesentis Tractatûs quàm omnium aliorum Tractatuum, Amicitiarum, & Mercium Intercursûs, sub quacumque Verborum serie quandocunque & per quoscunque inita, contracta & conclusa, Custodire & Observare vel penitùs Extinguere; Sigillorum dictorum Principum & Commissariorum suorum aut aliorum quorumcumque mutuâ Deliberatione & Traditione aut alio vinculo quocumque non obstantibus,
Et Nos, praefati Oratores veri & indubitati Commissarii Domini Archiducis antedicti, praedictos Subditos & Pannos eorum ab illa Floreni, & a quacumque alia nova Impositione, praefato Cursu durante, exnunc penitùs Eximimus & Exoneramus.
Item, quoad Marcam, quae levatur in Calesio super quolibet Sacco Lanarum, quam, tanquam Novitatem, Oratores Domini Archiducis petunt penitùs tolli de quocumque genere & qualitate Lanarum, & Stapularii Calesii expressè contradicunt; Concordatum est quòd, in dieta Brugiis tenenda, de qua inferius articulabitur, comparebunt Deputati utriusque Principis, cum plenè & amplissimo Mandato, Viri tractabilis & bonae conscienciae, qui, auditis Stapulariis ex una Parte & Mercatoribus Subditis Domini Archiducis praedicti ex altera Parte, post bonam & plenam Informationem ac Intellectum Negotii, postposito omni favore, solum Deum prae oculis habentes, illum Ordinem im- ponere curabunt circa istam Amotionem Marcae quam qualitas Negotii in rei veritate exigerit,
Et nichilominus interim ante illam Dietam, & exnunc, ex Permissione sive Promissione Domini Regis Angliae, sine praejudicio Juris alicujus ex Principibus vel suorum Subditorum, vendantur & distribuantur in Calesio Lanae bonae & mediocres; ita quòd Lanae, quae consueverunt pro Viginti pro Decem & Novem, & quae pro Quatuordecim, pro Tresdecim Marcis vendantur, sub isto Ordine quod de Tribus Saccis vendantur Duo de Nova Lana sine Marca, & totus Saccus de Veteri Lana cum Marca.
Item, Conventum, Concordatum & Conclusum est quòd, si in praefata Dieta Deputati Domini Regis non comparuerunt, extunc & statim penitùs & totaliter imposterùm praefata Marca Cessabit & Tolletur de Sacco cujuscumque generis Lanarum, nisi inter praedictos Principes vel eorum Commissarios fuerit aliter concordatum & dispositum: Et pariformiter, si Deputati dicti Domini Archiducis non comparuerint in praefata Dieta, maneat Marca praedicta firma sicut ante tempus hujus Conventionis manebat; nisi per Principes vel eorum Deputatos fuerit aliter provisum.
Item, Conventum, Concordatum & Conclusum est quòd omnes aliae Difficultates, Querelae, Quaestiones, & Differentiae praesenti Tractatu minimè Conclusae, tam Lanarum & pannorum Mercium & Rerum quarumcumq; ac aliorum Gravaminum quorumcumq; Subditos utriusq; Principis tangentes, in Dietam, apud Brugis Tertio Die Mensis Februarii proximè futuro post Datam Prasentium, vel infra Quindecim Dies tunc proximè & immediatè Sequentes, tenendam differantur; & quòd ibidem, maturâ Deliberatione, omnia praedicta, ac alia ex hiis emergentia seu pendentia, atque noviter incidentia, per Commissarios cum pleno Mandato utriusque Principis tractentur & concludentur: Et, si praedictis Commissariis expediens visum fuerit, ad aliam Dietam possint praedicta in toto vel in parte differri & prorogari:
Sequuntur Tenores Commissionum de quibus supra fit mentio,
Henry, par la Grace de Dieu, Roy d'Angleterre & de France, Seigneur d'Irland, a tous ceulx qui ces presentes Lettres verront, Salut.
Comme il soit ainsi que Treshalt & Puissant Prince, nostre Trescher & Tresame Cousin l'Archiduc Phelipe d'Autriche Duc de Bourgoigne, &c. Ait puis n'a gnaires envoye pardevers Nous sees Amez & Feaulx Conseilliers & Ambassadeurs Maistre Johan Piter Maistre des Requestes de son Hostell, & Jehan de Courteville son Escuyer Trenchant & Mareschall de ses Logiez, de pour & en son Nome estre & comparoir pardevant Nous ou Nous Gens & Deputtes, telz qu'il Nous plaira ordonner & commectre, tant pur la Delivrance & entreschange des Scellez pur l'accomplissement des Traictes derrenierement faictz entre Luy & Nous, que sommes tenuz de bailler, que pur Communiquer, Traicter, Besoigner & Conclure, tant sur le Fait de nostre Estaple de Calais, comme aussi sur le Fait de l'Entrecours, & ce qui en deppende,
Pur quoy soit Besoing Deputter aucons Notables Personaiges pur depar Nos Besoigner en ce que dit est avecque ses dits Ambassadeurs & Comis,
Savoir faisons que Nos,
Confians a plain es Scens, Loiaultes, Prudonnes & Bonnes Diligences, de Nous Amez & Feaulx Conseilliers, le Reverende Pier en Dieu Thomas Evesque de Londres, nostre Treschier & Tresame Cousin Thomas Conte d'Oremont Chambrelan de nostre Treschier & Tresame Compaigne le Royne, Guilleame Wareham Doctour es Loix Maistre de nous Rolles, & Maistre Johan Mautys nostre Secretaire,
Nous Iceulx avons Commis & Ordonne Commectons & Ordonnons, en leur Donnant playn Auctorite & Maundement especiall par ces Presentes, de pour & en nostre Nome, estre & comparoir avec les ditz Gens & Deputtes de nostre dit Cousyn, de livrer les Scelx que pur l'accomplissement des dits Traittes derrenierement faites d'entre Leu & Nous Sommes tenuz de bailler, de receyvoir ceulx qu'il est tenu Nous bailler, de Communiquer, Traicter, Besoigner & Conclure tant sur le Fait de nostre dite Estaple de Calais, comme aussi sur le Fait du dit Intrecours des Draps & autres Marchandices de nostre Realme, & tout ce qui en depende,
Et, au surplus, faire toutes & singuleres les Choses que bons & loialx Depuctes dessusdits peuent & dovient faire & que Nous meisme ferions ou faire pourruons se present en nostre Personne y estions;
Promettans, de bonne Foy, avoir & tenir Agreable Ferme & Estable a tous jours tout ce que par nos dits Commis & Deputes, les Quatre, Trois, ou Dues, sera Fait, Dit, Traictes, Besoigne & Conclu es Choses dessusdites, & celles qui en deppendent, sans jamais faire ou ailler ne souffour estre fait ou alle a contraire en manere quelconque,
Et de bailler nous Lettres de Confirmacione sur ce que ainsi sera Traicte, Promis & Conclu toutes les foiz que requis en serons.
En Tesmoing de ce Nous avons faite mettre nostre Scell a ses Presentes.
Donne en nostre Manoir de Grene-Wiche, le Premier Jour de May, l'An de Grace Mille Quatrecens Quatrevins & dix Sept, Et de nostre Reigne le Douziesme.
Philip, par la grace de Dieu, Archiduc d'Austrice &c. ut supra in Commissione Dat. Bruxellis le xxvi Jour de Fevrier, l'An de Grace Mille Quatrecens Quatrevins & Seze.
In quorum omnium & singulorum Praemissorum Testimonium Fidem & Approbationem Nos, Ambassiatores, Commissarii & Deputati praedicti Serenissimi Archiducis superius nominati, praesentes Litteras Sigillis ac Signis nostris Manualibus Sigillavimus & Subsignavimus.
Dat. London. Septimo Die Julii Anno Domini Millesimo, Quadringentesimo, Nonagesimo Septimo.
Johannes Pieters.
J. De Courteville.
1497. July 18. Grant to John Gyglys, the K.'s agent at Rome, of the custody of the temporalities of the see of Worcester. Westm.
O. xii. 657. H. v. p. iv. 114.		 De Custodia Temporalium Concessa.
An. 12. H. 7. Pat. 12. H. 7. p. 2. m. 11.
Rex omnibus, ad quos &c. Salutem.
Sciatis quòd Nos, certis considerationibus Nos specialiter moventibus, de Gratia nostra speciali ac certa scientia & mero motu nostris, Dedimus & Concessimus ac per Praesentes Damus & Concedimus praedilecto & Fideli Consiliario nostro Magistro Johanni Gyglys, in Curia Romana Procuratori nostro, Custodiam omnium Temporalium Episcopatûs Wygorniensis cum pertinentiis, ac omnia Exitus & Proficua earumdem, necnon quascumqe Portiones, Pensiones, & omnia & singula alia quae Nobis per Mortem bonae memoriae Roberti ultimi Episcopi Loci praedicti & ratione Vacationis ejusdem Episcopatûs aliquo modo pertinent seu pertinere poterunt aut debent in futurum,
Habendam & Tenendam Custodiam praedictam eidem Johanni Assignatis & Executoribus suis, unà cum Exitibus & Proficuis praedictis, a tempore Mortis praefati Roberti nuper Episcopi, quamdiu Temporalia praedicta in Manibus nostris contigerit remanere, unà cum Feodis Militum Escaetis Terrarum & Tenementorum ac Bonorum & Catallorum quorumcumque, necnon Advocationibus Ecclesiarum, Abbatiarum, Prioratuum, Ecclesiarum Collegiatarum, Decanatuum, Praepositurarum, Capellarum, Cantariarum, Archidiaconatuum, Praebendarum, Hospitalium & aliorum Beneficiorum Ecclesiasticorum quorumcumque, absque aliquo Nobis vel Haeredibus nostris pro Praemissis reddendo seu solvendo, aut Compoto inde faciendo,
Et ulterius, Concessimus praefato Johanni plenariam Potestatem, Tenore Praesentium, omnia hujusmodi Ecclesias, Abbatias, Prioratus, Ecclesias Collegiatas, Praeposituras, Decanatus, Capellas, Cantarias, Archidiaconatus, Praebendas, Hospitalia, & alia Beneficia Ecclesiastica quaecumque, Nobis ratione Vacationis praedictae pertinentes, cuicumque sibi placuerit, cùm & quotiens vacaverint seu aliquod eorum vacaverit, ad libitum suum, Concedendi, Conferendi, Praesentandi, sive Donandi, ac etiam Auctoritatem & Potestatem Faciendi sive Donandi, omnimodos Senescallos, Receptores, Ballivos, Firmarios, & alios Officiarios sive Occupatores & Officia quaecumque Episcopatui praedicto pertinentia, cuicumque sibi placuerit, & hujusmodi Officiarios sive Officia, ad libitum suum praedictum, Expellendi, Amovendi, & Revocandi, prout Nos faceremus si praesens Concessio nostra facta non fuisset, absque impedimento, molestatione, calumpnia, perturbatione seu gravamine Nostri vel Haeredum nostrorum, Justiciariorum, Escaetorum, Vicecomitum, Ballivorum vel aliorum Officiariorum seu Ministrorum nostrorum quorumcumque;
Eo quòd expressa mentio de vero Valore Annuo seu Certitudine Praemissorum seu alicujus eorum aut de aliis Donis sive Concessionibus, eidem Johanni per Nos ante haec tempora factis, in Praesentibus minimè facta existit, aut aliquo Statuto, Actu, Ordinatione, Provisione seu Restrictione, in contrarium facto, edito, ordinato sive proviso, aut aliquâ aliâ Re Causâ vel Materiâ quacumque non obstante.
In cujus &c.
Teste Rege apud Westmonasterium, xviij die Julii.
Per Breve de Privato Sigillo.
July 18. Confirmation of the treaty for the marriage of prince Arthur with the lady Katharine, daughter of Ferdinand and Isabella [Elizabetha], K. and Q. of Castile, dated Oct. 1, 1496. Sheen.
O. xii. 658. H. v. p. iv. 114.		 Tractatus de Matrimonio Arthuri Primogeniti Regis cum Catherina Infante Ispaniae Confirmatio.
An. 12. H. 7. Franc. 12. H. 7. m. 3.
Rex, &c. Universis & singulis evidenter INNOTESCAT quòd,
Cùm inter Nos & Serenissimos Dominos Dominum Ferdinadum & Dominam Elizabetham Regem & Reginam Castellae, Legionis, Aragonum, Siciliae & Garnatae, &c. Consanguineos nostros Carissimos, per Reverendum in Christo Patrem Thomam Episcopum Londoniensem Consiliarium & Deputatum nostrum, Nomine Procuratorio, in vim Mandati suae Procurationis a Nobis eidem concessae, Necnon per Clarissimum Dominum Doctorem Rodericum Gundisalvi de Puebla Jurisconsultum Consiliarium & Oratorem praefatorum Dominorum Regis & Reginae Consanguineorum nostrorum, & vigore Mandati Procurationis a suis Majestatibus eidem Doctori de Puebla concessae,
Tractatum, Compositum & Concordatum sit ut Illustrissimus Dominus Arthurus PRINCEPS Walliae, Dux Cornubiae, COMES Cestriae Filius noster Primogenitus cum Illustrissima Infante Domina Catherina Filia Carissima & Amantissima praefatorum Dominorum Regis & Reginae Hispaniae matrimonialiter copuletur, prout haec & alia in Compositione & Capitulatione praedictis pleniùs continentur,
Quorum Tenor sequitur & est talis,
Cùm, inter Potentissimos & Excellentissimos Principes Dominum Henricum, Dei gratià, Angliae & Franciae Regem &c. & Ferdinandum & Elizabetham Castellae, Legionis, Aragonum, &c. Regem & Reginam, quaedam amicabilis & mutua Conversatio jamdiu intercesserit, quâ utriusque viciscim Amor correspondet, ac quasi quaedam innata Benevolentia hactenus accrevit, & adeò in eorum Cordibus radicata consistit, ut maximum Amicitiae vinculum inter eos conjecrit, quod nulla prorsus Adversitate disrumpi aut facile flecti speretur,
Praedicti Principes,
Animadvertentes hanc Amicitiam, Sanguinis necessitudine vallatam, firmiorem stabilioremque futuram, si Liberorum Conjunctione roboretur, ad Omnipotentis Dei Laudem, Gloriam & Honorem, & pro majore firmioreque Corroboratione Amicitiae praedictae, ac ut major Intelligentia Conjunctioque, per Affinitatem inter praefatos Illustrissimos Principes eorumque Haeredes, Successores & Subditos, pro perpetuis temporibus intercedere valeat,
Fecerunt, Ordinârunt & Constituerunt eorum Commissarios, Procuratores & Nuncios speciales; videlicet,
Pro Parte praefati Domini Regis Angliae, Reverendum in Christo Patrem Thomam Londoniensem Episcopum,
Et pro Parte praefatorum Regis & Reginae Castellae, Legionis, Aragonum, &c. Insignem & Venerabilem Virum Rodericum Gonzales de Puebla Jurisconsultum,
Cum facultate Tractandi, Communicandi & Concludendi de & super Matrimonio contrahendo inter Illustrissimum ac Serenissimum Principem Dominum Arthurum praedicti Regis Angliae Filium Primogenitum PRINCIPEM Walliae, DUCEM Cornubiae, COMTEM Cestriae, &c. ac Serenissimam Principem Dominam Catherinam praedictorum Regum Castellae, Legionis, Aragonum, &c. Filiam Quartam, prout ex eorum Commissionibus pleniùs liquere poterit,
Quarum Tenor sequitur & est talis,
Henricus, Dei gratiâ, Rex Angliae & Franciae & Dominus Hiberniae.
Quamquam cum omnibus Christianis Principibus Foedus & Amicitiam libenter habere & volumus & optamus, ut omnibus intentis ad Communem Pacem Christiana res publica augeretur, tamen id libentius agimus cum illis Principibus cum quibus mutuus Amor & Benevolentia Nobis est,
Igitur pro Conservanda & Confirmanda augendaque Amicitia & Affinitate, quae est inter Nos & Serenissimos Principes Ferdinandum & Elizabetham, Dei gratiâ, Regem & Reginam Castellae, Legionis, Aragonum, &c. Consanguineos nostros Carissimos, & quia scimus ipsos idem velle & cupire, confidentes admodum de Peritia, Prudentia & Legalitate vestri Reverendi in Christo Patris Thomae Londoniensis Episcopi Commissarii & Consiliarii nostri, Tenore Praesentis, de nostra certa Scientia deliberatè & consultò, cum omnibus Melioribus viâ modo & formâ quibus de jure & aliis possimus & valeamus, Facimus, Constituimus, Creamus & Ordinamus nostrum verum certum legittimum indubitatum Procuratorem, Oratorem & Nuncium specialem & ad Infrascripta generalem, ita tamen quòd Specialitas Generalitati non deroget, nec è contra, vos eundem Episcopum Absentem tanquam Praesentem; videlicet, ut pro Nobis & Nomine nostro possitis & valeatis Tractare, Concordare, Facere & Firmare cum praedictis Rege & Regina Consanguineis nostris Confoederationem, Amicitiam, Ligam & Intelligentiam strictam vel minus strictam, perpetuam vel ad tempus, scilicet, inter Nos Haeredes & Successores nostros Reges Angliae & Franciae, Regnaque & Dominia nostra, ac Subditos nostros, Parte ex una, & eosdem Serenissimos Principes Ferdinandum & Elizabetham Regem & Reginam Castellae, Legionis, Aragonum, &c. Haeredesque & Successores suos, ac Regna & Dominia sua, & Subditos suos, Parte ex altera,
Cùm expressa Exceptione Sanctissimi Domini nostri Papae, & Sanctae Matris Ecclesiae, & Serenissimorum Principum Johannis Daciae & Manuelis Portugaliae Regum Consanguineorum & Confoederatorum nostrorum Carissimorum, vel ipsis in eadem Confoederatione inclusis si in ea includi voluerint,
Et possitis quaecumque Capitula & Instrumenta ac quoscumque Contractus, Confoederationis & Amicitiae, pro Nobis & Nomine nostro, cum eisdem Serenissimis Rege & Regina Facere, Stipulare & Firmare, fierique facere, Petere & Instare, cum illis Pactis, Vinculis, Conditionibus, Promissionibus, Obligationibus, Poenis, Summissionibus, Renuntiationibus, Securitatibus, Juramentis, Clausulis & Cautelis quibus volueritis & Vobis benè visum fuerit,
Et, pro eisdem firmiter tenendis, adimplendis & inviolabiliter observandis, quaecumque Juramenta in Animam nostram Facere & Praestare, & quascumque Obligationes & Securitates Nomine nostro & pro Nobis Facere & Fimare eisdem Serenissimis Regi & Reginae Castellae, Legionis, Aragonum, &c. & eadem Juramenta & similes Obligationes & Securitates ab eisdem Serenissimis Rege & Regina Petere, Recipere & Acceptare,
Et alia omnia & singula Facere & Firmare, quae in praedictis & circa ea requirantur & necesaria sint seu quomodolibet oportuna,
Et quoniam, pro majori Conservatione & Securitate praedictae Confoederationis & Amicitiae, inter Nos & dictos Serenissimos Regem & Reginam, ut praefertur, faciendae, & pro augmento Affinitatis nostrae, fuit inter Nos & Ipsos Medio Oratorum nostrorum, Tractatum quòd Praecarissimus Arthurus Princeps de Gales Filius noster Legittimus Primogenitus & Haeres noster contrahat Matrimonium cum Illustrissima Catherina Infante Castellae & Aragonn. Filla sua Carissima,
Et quia Mens & Voluntas nostra est, si eisdem Regi & Reginae Castellae, Legionis, Aragonum, &c. ita placuerit, quòd praedictum Matrimonium fiat & concludatur,
Propterea eodem Tenore Praesentium, Damus & Concedimus vobis dicto Episcopo Commissario & Procuratori nostro plenum Posse nostrum, ut pro Nobis & Nomine nostro possitis Tractare, Concordare, & Firmare cum dictis Serenissimis Rege & Regina Castellae, Legionis, Aragonum, &c. Consanguineis nostris Sponsalia & Matrimonium praedicti Praecarissimi Arthuri Principis Filii nostri Primogeniti & Haeredis cum praedicta Illustrissima Infante Catherina Filia eorumdem Regis & Reginae Consanguineorum nostrorum Carissima, & Promittere quòd Nos faciemus & curabimus, dabimusque Operam cum effectu quòd praedictus Praecarissimus Arthurus Princeps de Gales Filius Primogenitus & Haeres noster, cùm ad Legittimam pervenerit Aetatem ad Faciendum, Concedendum, & Contrahendum praedicta Sponsalia & Matrimonium, illud faciet, concedet, & contrahet, per verba de praesenti, Matrimonium facientia juxta Ordinem Sanctae Romanae Ecclesiae, cum dicta Illustrissima Infante Catherina Filia eorumdem Regis & Reginae cùm ipsa quoque ad Legittimam pervenerit Aetatem illud faciendum, concedendum, & contrahendum, & quòd postea Celebrabit & Consummabit dictum Matrimonium cum dicta Illustrissima Catherina, prout & quemadmodum legittimi Vir & Uxor id facere debent,
Possitisque Nomine nostro & dicti Praecarissimi Arthuri Filii nostri Primogeniti & Haeredis Petere & Recipere similem Promissionem & Obligationem a dictis Rege & Regina Castellae, Legionis, Aragonum, &c. pro seipsis & Nomine praedictae Illustrissimae Catherinae, eorumdem Regis & Reginae Filiae; videlicet, quòd, cùm ipsa Illustrissima Catherina ad Legittimam pervenerit Aetatem, ut praefertur, faciet Sponsalia & contrahet Matrimonium, per Verba de praesenti, juxta Ordinem Sanctae Matris Ecclesiae Romanae, cum dicto Praecarissimo Arthuro Principe Filio nostro Primogenito & Haerede, & Consummabit & Celebrabit cum eo dictum Matrimonium prout & quemadmodum legittimi Vir & Uxor id facere debent,
Et possitis Concordare & Firmare quòd praedicta fieri debeant & adimpleri Modis, Formis, Temporibus & Locis quibus vobis dicto Commissario & Procuratori nostro benè visum fuerit, & prout Vos ea concordabitis, concedetis, capitulabitis & firmabitis,
Damus etiam Potestatem & Facultatem Vobis, Commissario & Procuratori nostro, ut possitis Petere, Concordare, & Firmare cum dictis Rege & Regina Castellae, Legionis, Aragonum, &c. Consanguineis nostris Dotem, quam ipsi dare teneantur cum dicta Illustrissima Catherina Filia sua in Jocalibus Auri, Lapidibus preciosis, & in Argento & Vestibus, Ornamentis Personae & Domûs suae, & in Pecuniis, Summam, videlicet, & Quantitatem quae vobis benè visa fuerit, ac Terminis & Locis quibus illam dare & solvere teneantur, & Conditiones, Pacta, & Conventiones quae in Solutione & Restitutione ejusdem Dotis poni, concedi & firmari debeant,
Et nichilominus Damus vobis Potestatem & Facultatem ut possitis Concordare Augmentum Dotis & Donationem propter Nuptias & Cameram, quae debent dari & assignari dictae Illustrissimae Catherinae Filiae eorumdem Regis & Reginae, & in quibus Civitatibus, Villis & Locis, & Redditibus, prout vobis dicto Commissario & Procuratori nostro benè visum fuerit,
Et demùm possitis Firmare omnia & singula quae pro Expeditione & Complemento Matrimonii praedicti necessaria convenientia & oportuna vobis videbuntur, & de praedictis omnibus & singulis possitis Concordare, Facere & Firmare, Nomine nostro, cum praefatis Serenissimis Rege & Regina Castellae, Legionis, Aragonum, &c. Consanguineis nostris, Fieri facere, Petere & Instare, quaecumque Capitula & quoscumque Contractus, cum illis Pactis, Conditionibus, Obligationibus, Juramentis, Securitatibus, Poenis, Summissionibus, Renunciationibus & Promissionibus quibus volueritis,
Et generaliter omnia alia & singula Facere, Firmare (cujuscumque naturae, qualitatis & importantiae fuerint aut esse poterint) in praedictis & circa ea quae Nos facere possemus si in Praemissis personaliter adessemus, etiam si talia sint quae ad ea conficienda Praeceptum exigant magis speciale,
Damusque etiam & Concedimus vobis dicto Commissario & Procuratori nostro plenam Posse ut possitis Jurare in Animam nostram quòd Tenebimus, Observabimus, & Adimplebimus realiter & cum effectu omnia & singula quae in praedictis & circa ea Nomine nostro concordabitis, capitulabitis, jurabitis, concedetis, & firmabitis, omni fraude, cautela, & dolo cessantibus,
Possitisque simile Juramentum Petere & accipere ab eisdem Serenissimis Rege & Regina Castellae, Legionis, Aragonum, &c. Consanguineis nostris,
Pro quibus omnibus & singulis antedictis, cum Incidentibus, Dependentibus, & Emergentibus ex eisdem ac eis annexis, Damus & Concesimus vobis plenum Posse, cum libera & generali Administratione, Promittentesque, in Fide & Verbo nostro Regio, praefatis Serenissimis Regi & Reginae Castellae, Legionis, Aragonum, &c. & Nos Obligamus Nos Tenere, Observare & Adimplere realiter & cum effectu omnia & singula quae in praedictis & circa ea, Nomine nostro, per vos, dictum Commissarium & Procuratorem nostrum, fuerint Facta, Concordata, Capitulata, Assecurata, Promissa, Jurata & Firmata, eis modo & formâ quibus vos ea concordabitis, capitulabitis assecurabitis, promittetis, jurabitis, & firmabitis, & nullo unquam tempore Revocare nec contra ea aut eorum aliquod facere vel venire aliquo tempore nec aliquo modo, sub Obligatione omnium Bonorum nostrorum Patrimonialium.
In quorum Testimonium praesentem fieri jussimus, Manu nostrâ signatam, Sigilloque nostro sigillatam.
Dat. in Castro nostro de Wyndesore, Die Vicesimo secundo Mensis Septembris, Anno a Nativitate Domini Millesimo, Quadringentesimo, Nonagesimo sexto, & Regni nostri Duodecimo.
Nos, Fedinandus & Elizabetha, Dei gratià, Rex & Regina Castellae, Legionis, Aragonum, Siciliae, Granatae, Tolleti, Valenciae, Galleciae, Majoricarum, Hispalis, Sardiniae, Cordubae, Corsicae, Murciae, Giernis, Algarbii, Algezirae, Gibraltaris, & Insularum Canariae, Comes & Comitissa Barchinonae, Domini Bizcayae & Molinae, Duces Athenarum & Neopatriae, Comites Rossilionis & Ceritaniae, Marchiones Oristam. & Gociani,
Quamquam cum omnibus Christianis Principibus Foedus & Amicitiam libenter habere & volumus & optamus, ut omnibus intentis ad Comunem Pacem Christiana Respublica augeretur, tamen id libentius agimus cum illis Principibus cum quibus mutuus Amor & Benivolentia Nobis est,
Igitur, pro Conservanda, Confirmanda, Augendaque Amicitia & Affinitate, quae est inter Nos & Serenissimum Principem Henricum, Dei gratiâ, Regem Angliae Consanguineum nostrum Carissimum, & quia scimus ipsum idem velle & cupere, confidentes admodum de Peritiâ, Prudentiâ, & Legalitate vestri Roderici Gonzales de Puebla Jurisconsulti, Oratoris & Consiliarii nostri, Residentis in Curia praefati Serenissimi Regis Angliae Consanguinei nostri, Tenore Praesentis, de nostra certa Scientia, deliberatè & consultò, eis omnibus melioribus viâ modo & formâ quibus de Jure & aliis possimus & valeamus, Facimus, Constituimus, Creamus, & Ordinamus nostrum verum, certum, legittimum, & indubitatum Procuratorem, Oratorem, & Nuncium specialem, & ad Infrascripta generalem, ita tamen quòd Specialitas Generalitati non deroget, nec è contra, vos eundem Rodericum Gonzales de Puebla Absentem tanquam Praesentem, videlicet, ut pro Nobis & Nomine nostro possitis & valeatis Tractare, Concordare, Facere, & Firmare cum praedicto Serenissimo Rege Angliae Consanguineo nostro Confoederationem, Amicitiam, Ligam, & Intelligentiam strictam vel minus strictam perpetuam vel ad tempus, scilicet, inter Nos Haeredesque & Successores nostros Reges Castellae, Legionis, Aragonum, Granatae, &c. Regnaque & Dominia nostra, ac Subditos nostros, Parte ex una, & eundem Serenissimum Principem Henricum Regem Angliae, Haeredesque & Successores suos, ac Regnum & Dominia sua, & Subditos suos, Parte ex alterâ,
Cum expressa tamen Exceptione Sanctissimi Domini nostri Papae, & Sanctae Matris Ecclesiae, & Serenissimi Principis Maximiliani Romanorum Regis Fratris nostri Carissimi, ac etiam Illustrissimi Principis Philippi Archiducis Austriae Ducis Burgundiae Filii nostri Dilectissimi, vel ipsis in eadem Confoederatione expressè inclusis, si in ea includi voluerint,
Et possitis quaecumque Capitula & Instrumenta & quoscumque Contractus Confoederationis & Amicitiae, pro Nobis & Nomine nostro, cum eodem Serenissimo Rege Angliae Facere, Stipulare, & Firmare, Fierique facere, Petere, & Instare, cum illis Pactis, Vinculis, Conditionibus, Promissionibus, Obligationibus, Poenis, Submissionibus, Renunciationibus, Securitatibus, Juramentis, Clausulis, & Cautelis quibus volueritis & vobis benè visum fuerit,
Et, pro eisdem firmiter Tenendis, Adimplendis, & inviolabiliter Observandis, quaecumque Juramenta in Animas nostras Facere & Praestare, & quascumque Obligationes & Securitates, Nomine nostro & pro Nobis, Facere & Firmare eidem Serenissimo Regi Angliae, & eadem Juramenta & similes Obligationes & Securitates ab eodem Serenissimo Rege Petere, Recipere, & Acceptare,
Et alia omnia & singula Facere & Firmare quae in praedictis & circa ea requirantur & necessaria sint seu quomodolibet oportuna,
Et quoniam, pro majori Observatione & Securitate praedictae Confoederationis & Amicitiae, inter Nos & dictum Serenissimum Regem Angliae, ut praedicitur, faciendae, & pro Augmento Affinitatis nostrae, fuit inter Nos & ipsum Tractatum, Medio Oratorum nostrorum, quòd Illustrissima Catherina Infans Castellae & Aragonum Filia nostra carissima contrahat Matrimonium cum Illustrissimo Arthuro Principe de Gales Filio Legittimo Primogenito & Haerede ejusdem Serenissimi Regis Angliae,
Et quia Mens & Voluntas nostra est, si eidem Regi ita placuerit, quòd praedictum Matrimonium fiat & concludatur,
Propterea, eodem Tenore Praesentium, Damus & Concedimus vobis dicto Roderico Gonzales de Puebla, Oratori nostro & Procuratori nostro, plenum Posse nostrum, ut, pro Nobis & Nomine nostro, possitis Tractare, Concordare, & Firmare cum dicto Serenissimo Rege Angliae Consanguineo nostro Sponsalia & Matrimonium praedictae Illustrissimae Infantis Catherinae Filiae nostrae carissimae cum illo Illustrissimo Arthuro Principe de Gales Filio Primogenito & Haerede dicti Regis Angliae Consanguinei nostri, & Promittere quòd Nos faciemus & curabimus dabimusque operam cum effectu quòd dicta Illustrissima Infans Catherina Filia nostra, cùm ad Legittimam pervenerit Aetatem ad Faciendum, Concedendum, & Contrahendum praedicta Sponsalia & Matrimonium, illud faciet, concedet, & contrahet, per verba de praesenti, Matrimonium facientia, juxta Ordinem Sanctae Romanae Ecclesiae, cum dicto Illustrissimo Arthuro Principe de Gales Filio Primogenito & Haerede praedicti Regis Angliae Consanguinei nostri, cum ipse quoque ad Legittimam pervenerit Aetatem ad illud faciendum, concedendum, & contrahendum, & quòd posteà Celebrabit & Consummabit dictum Matrimonium cum dicto Principe de Gales prout & quemadmodum legittimi Vir & Uxor id facere debent,
Possitisque, Nomine nostro & dictae Infantis Catherinae Filiae nostrae, Petere & Recipere similem Promissionem & Obligationem a dicto Rege Angliae pro Seipso & Nomine praedicti Arthuri Principis de Gales ejus Filii, videlicet, quòd, cùm Ipse Princeps ad Legittimam pervenerit Aetatem, ut praefertur, faciet Sponsalia & contrahet Matrimonium, per Verba de praesenti, juxta Ordinem Sanctae Matris Ecclesiae Romanae, cum dicta Illustrissima Infante Catherina Filia nostra, & Consummabit & Celebrabit cum ea dictum Matrimonium prout & quemadmodum Legittimi Vir & Uxor id facere debent,
Et possitis Concordare & Firmare quòd praedicta fieri debeant & impleri Modis, Formis, Temporibus, & Locis quibus vobis dicto Oratori & Procuratori nostro benè visum fuerit, & prout vos ea concordabitis, concedetis, capitulabitis, & firmabitis,
Damus etiam Potestatem & Facultatem vobis, Oratori & Procuratori nostro, ut possitis Concordare & Firmare cum dicto Rege Angliae Consanguineo nostro Dotem, quam Nos dare teneamur cum dicta Infante Katerina Filia nostra in Jocalibus Auri, Lapidibus Preciosis, & in Argento & Vestibus & Ornamentis Personae & Domûs suae, & in Pecuniis, Summam, videlicet, & Quantitatem quae vobis benè visa fuerit, ac Terminis & Locis quibus illam dare & solvere teneamur, & Conditiones, Pacta, & Conventiones quae in Solutione & Restitutione ejusdem Dotis poni, concedi, & firmari debent,
Et nichilominus Damus vobis Potestatem & Facultatem ut possitis Petere & Concordare Augmentum Dotis & Donationem propter Nuptias & Cameram, quae debent dari & assignari dictae Infanti Catherinae Filiae nostra, & in quibus Civitatibus, Villis, & Locis & Redditibus, prout vobis dicto Oratori & Procuratori nostro benè visum fuerit,
Et demùm possitis facere & firmare omnia & singula quae pro Expeditone & Complemento dicti Matrimonii necessaria, convenientia, & oportuna vobis videbuntur,
Et de praedictis omnibus & singulis possitis concordare, facere, & firmare, Nomine nostro, cum praefato Serenissimo Rege Angliae Consanguineo nostro, fierique facere petere & instare, quaecumque Capitula & quoscumque Contractus, cum illis Pactis, Conditionibus, Obligationibus, Juramentis, Securitatibus, Poenis, Summissionibus, Renunciationibus, & Promissionibus quibus volueritis,
Et generaliter omnia alia & singula facere & firmare (cujuscumque naturae qualitatis & importantiae fuerint aut esse poterint) in praedictis & circa ea, quae Nos facere possemus si in Praemissis personaliter adessemus, etiam si talia sint quae ad ea conficienda Praeceptum exigant magis speciale,
Damusque etiam & Concedimus vobis dicto Procuratori & Oratori nostro plenum Posse, ut possitis Jurare in Animas nostras quòd Tenebimus, Observabimus, & Adimplebimus realiter & cum effectu omnia & singula quae in praedictis & circa ea Nomine nostro concordabitis, capitulabitis, jurabitis, concedetis, & firmabitis, omni fraude, cautelâ, & dolo cessantibus,
Possitisque simile Juramentum Petere & Accipere ab eodem Serenissimo Rege Angliae Consanguineo nostro,
Pro quibus omnibus & singulis antedictis, cum Incidentibus, Dependentibus, & Emergentibus ex eisdem ac eis annexis, damus & concedimus vobis plenum Posse cum libera & generali Administratione, Promittentesque in Fide & Verbis nostris Regiis, praefato Serenissimo Regi Angliae, & Nos Obligamus Nos Tenere & Adimplere realiter & cum effectu omnia & singula quae in praedictis & circa ea, Nomine nostro, per vos, dictum Procuratorem & Oratorem nostrum, fuerint facta, concordata, capitulata, assecurata, & promissa, jurata & firmata eis modo & formâ quibus vos ea concor dabitis, capitulabitis, assecurabitis, promittetis, jurabitis & firmabitis, & nullo unquam tempore Revocare nec contra ea aut eorum aliquod facere vel venire aliquo tempore nec modo aliquo, sub Obligatione omnium Bonorum nostrorum Patrimonialium & fiscalium.
In quorum Testimonium Praesentem fieri Jussimus Manibus nostris signatam Sigilloque nostro sigillatam.
Dat. in Civitate Dertuse, Die Tricesimo Mensis Januarii, Anno a Nativitate Domini Millesimo, Quadringentesimo, Nonagesimo Sexto.
Qui quidem Commissarii, vigore & virtute suarum Commissionum, saepius super praedicto Matrimonio Communicantes & Conferentes, tandem in hos sequentes Articulos convenerunt & concluserunt; videlicet,
Ut Matrimonium inter Illustrissimum Principem Arthurum memorati Domini Regis Angliae Filium Primogenitum Principem Walliae, Ducem Cornubiae, Comitem Cestriae, &c. atque Serenissimam Principem Dominam Catherinam praefatorum Regis & Reginae Castellae, Legionis, Aragonum, &c. Filiam Quartam, Dei gratiâ & adjutorio, Contrahetur, riteque Celebrabitur, ac in facie Ecclesiae legittimè Solemnizabitur,
Necnon quòd Dos & Donationes propter Nuptias statuentur praestabuntur atque persolventur, prout in sequentibus Articulis pleniùs continetur.
Item, inter Oratores Memoratos Conventum & Concordatum & Conclusum est quòd praefatus Dominus Rex Angliae & Franciae &c. pro praelibato Domino Principe Arthuro Filio suo Primogenito, & praedilecti Domini Rex & Regina Castellae, Legionis, Aragonum, &c. pro praefata Domina Catherina Filia sua Quarta, procurabunt omnemque diligentiam opem atque operam efficaciter praestabunt pro viribusque efficient, ac eorum quilibet procurabit pro viribusque laborabit & efficiet, ut dicti Principes Arthurus & Catherina, cùm idem Dominus Arthurus Quatuordecim Annos compleverit, per Seipsos vel per Procuratores seu Nuncios speciales ad hoc deputatos & constitutos, cum Dei & Ecclesiae Benedictione, per Verba de praesenti, invicem Matrimonium contrahent, atque hujusmodi Matrimonium secundùm Morem & Consuetudinem Sacrosanctae Romanae Ecclesiae Celebrari facient, & quòd posteà Matrimonium hujusmodi Consummabitur sicuti inter veros & legittimos Virum & Uxorem fieri debeat, omni dolo, simulatione, cavillatione, & fraude in ea parte cessantibus.
Item, Conventum, Concordatum, & Conclusum est quòd, si propter aliquas urgentes Causas Regibus antedictis & eorum cuilibet visum fuerit hoc Matrimonium per verba de praesenti inter eorum Liberos praedictos Celebrari debere quamcitò praedictus Arthurus Duodecimum Annum compleverit, tunc praedicti Reges eorum Parentes omnem opem curam & diligentiam praestabunt & impendent ac quilibet eorum praestabit & impendet quòd talis Dispensatio a Summo Pontifice impetretur, quaâ impetratâ & optentâ praedicti eorum Parentes omnem operam curam & diligentiam pro viribus praestabunt & efficient, & quilibet eorum pro viribus praestabit & efficiet, ut Matrimonium per Verba de praesenti inter praedictos Liberos Contrahatur & Celebretur, quae omnia ad praedictum Matrimonium Dependentia, quoad eorum Parentes, proinde valeant & habeantur ac si praedictus Arthurus in Anno xiv constitutus contraxisset.
Item, Conventum, Concordatum, & Conclusum est quòd, quamprimùm praedictus Illustrissimus Princeps Arthurus peregerit Quartumdecimum suae Aetatis Annum vel Duodecimum Annum, si tunc, ut praemittitur, ex Dispensatione optenta visum fuerit eorum Parentibus Matrimonium inter praedictos eo rum Liberos perficere per Verba de praesenti, tunc praefata Princeps Domina Catherina, Expensis suorum Parentum Haeredum vel Successorum suorum, in Angliam (videlicet) in Portu Londoniae, Gravisende, Southampton, seu in aliquo praedictorum Portuum ubi commodiùs & convenientiùs applicari poterit, Traducetur.
Item, Conventum, Concordatum, & Conclusum est quòd memorati Principes Castellae, Legionis, Aragonum, &c. Rex & Regina dabunt, in Dotem, cum praedictâ, Dominâ Catherinâ Filiâ suâ Quartâ, Ducenta Milia Scutorum Auri; unoquoque Scuto Quatuor Solidos & Duos Denarios Sterlingorum Monetae Angliae valente,
Quae quidem Ducenta Milia Scutorum Auri praefati Domini Rex & Regina Castellae, Legionis, Aragonum, &c. eorumve Haeredes & Successores solvent seu solvi facient modo & formaâ sequentibus; videlicet,
Praedicti Rex & Regina Castellae, Legionis, Aragonum, &c. eorumve Haere- des Successores, solvent seu solvi facient, in Pecunia Numerata, praelibato Domino Regi Angliae & Franciae, &c. vel ejus Executoribus aut Deputatis, in Civitate Londoniae, aut in Villa Bristolliae, seu alibi infra Regnum Angliae, infra Decem Dies proximò ante vel post Solemnizationem praedicti Matrimonii sequentes, inter saedictos Principes Arthurum & Catherinam perficiendi, Centum Milia Scutorum Auri Valoris antedicti,
Et, infra unum & primum Annum dictam Solemnizationem ut supra expressum est proximò sequentem, in Pecunia Numerata, in Loco ut supra, alia Quinquaginta Milia hujusmodi Scutorum Auri Valoris antedicti,
Et postremùm infra Secundum Annum, praedictam Solemnizationem, ut supradictum est, proximò sequentem, in Loco ut supra, alia Quinquaginta Milia modo & forma sequentibus; videlicet,
Praedicti Rex & Regina Castellae, Legionis, Aragonum, &c. solvent seu solvi facient, Loco & Tempore ut supra, praefato Domino Regi Angliae & Franciae, &c. ejusve Executoribus aut Deputatis, ut dictum est, Quindecim Milia Scutorum Auri Valoris antedicti, ac alia Quindecim Milia eisdem Tempore & Loco praedicti Rex & Regina solvere seu solvi facere in Vasis seu Vasellis Auri Argenti seu Deauratis justo Pretio per illius Operis expertos Opifices Indigenas aut ad hoc Deputandos & Jurandos, in Civitate Londoniae commorantes, existimandis vim Juramenti sui unamquamque Unciam Auri Argenti & Deaurati, juxta ejus verum Valorem prout Uncia valebit in eo Loco in quo fienda est Solutio, tempore Solutionis; quae Vasa seu Vasella, per Unciam ut supra appreciata, praedictus Rex Angliae & Franciae, &c. ejusve Executores seu Deputati in Partem Solutionis accipiet pro illo Precio Unciae tantum ut illi Appreciatores illo tempore accipere voluerint aut eodem tempore Vendi poterint,
Similiter & eodem temporis contextu & loco, ut supra, praefati Rex & Regina Castellae, Legionis, Aragonum, &c. solvent seu solvi facient alia Viginti Milia, in plenam atque perfectam Solutionem atque Contentationem totius Summae Nomine Dotis promissae, in Jocalibus Margaritarum & aliorum Lapidum Preciosorum justo Precio per illius Operis expertos Opifices Indigenas, Londoniae commorantes, ad hoc deputandos & jurandos, existimandorum: quae Jocalia, sic ut supra Appreciata, praedictus Rex Angliae & Franciae, &c. ejusve Executores seu Deputati in Partem Solutionis accipiet pro illo Precio tantum ut illi Appreciatores eodem tempore accipere voluerint, vel aliis eodem tempore vendi poterint,
Ad quam quidem Solutionem dictorum Ducentorum Milia Scutorum, nomine Dotis seu Donationis propter Nuptias, praedicto Regi Angliae & Franciae, &c. ejusve Executoribus seu Deputatis, in Civitate Londoniae, aut in Villa Bristolliae, seu alibi infra Regnum Angliae, ut praefertur, fiendam, & ad inviolabilem illius Solutionis Observantiam, praefati Domini Rex & Regina Castellae, Legionis, Aragonum, &c. Obligant & Astringunt Sese, suosque Haeredes & Successores, ac Bona sua Patrimonialia & Fiscalia, necnon Bona Subditorum suorum in formâ Contractûs Garentitii paratam Executionem habentis; & promittunt, sub bonâ Fide & Verbis Regiis, praedictam Dotem realiter & cum effectu Solvere in Terminis & Locis supra expressis & contentis, taliter quòd, ob defectum Solutionis praedictae vel alicujus Partis ejusdem, dictus Rex Angliae & Franciae, &c. ejusve Executores seu Deputati poterint, Requisitione & Amonitione praemissis, ut inter tales Principes fieri decet, nedùm Bona ipsorum Regum Haeredumque & Successorum suorum, verùm etiam Subditorum suorum Capere, & pro rata Debiti Distrahere & Vendere.
Item, Conventum, Concordatum, & Conclusum est quòd praefata Domina Catherina Dotabitur, per praedictos Regem Angliae & Franciae, &c. & Arthurum Principem Walliae, &c. in Tertiâ Parte Principatûs Walliae, Ducatûs Cornubiae, & Comitatûs Cestriae, & quòd dicta Tertia Pars sibi assignabitur in Bonis, Villis, Terris, & Dominiis praedictorum Principatûs, Ducatûs & Comitatûs, cum Redditibus & Proventibus aequivalentibus Valori dictae Tertiae Partis; in qua quidem Tertia Parte Principatûs, Ducatˆs, & Comitatûs praefata Dominae Catherina assignabitur atque realiter & cum effectu dotabitur infra Decem Dies proximò ante vel post Solemnizationem praedicti Matrimonii.
Item, Conventum, Concordatum, & Conclusum est quòd, si contingat eandem Dominam Catherinam forè Angliae Reginam, conftante dicto Matrimonio, quòd etiam tunc adeò amplè & ita honorificè, juxta Consuetudinem aliarum Reginarum ejusdem Regni, dotabitur sicuti alia Regina Angliae, habitis actis temporibus, Dotata exstitit;
Et, ut haec omnia fiant modo quo expressa sunt, dictus Dominus Rex Angliae & Franciae, &c. Obligat Se, Haeredes & Successores suos, & Bona sua Patrimonialia & Fiscalia, necnon Bona Subditorum suorum, in formâ Contractûs Garentitii paratam Executionem habentis, Promittitque, sub Fide & Verbo Regio, praedictam Dotationem realiter & cum effectu, modo & tempore ut supra, perficere & perimplere, taliter quòd, ob defectum Dotationis hujusmodi, dicti Domini Rex & Regina Castellae, Legionis, Aragonum, &c. eorumve Haeredes & Successores possint, Amonitione & Requisitione praemissis, ut inter tantos & tales Principes fieri decet, nedùm Bona ipsius Domini Regis, Haredis & Successorum suorum, verùm etiam Bona Subditorum suorum Capere, & ea pro ratâ Debiti Distrahere & Vendere.
Item, Conventum, Concordatum, & Conclusum est quòd, si contingat pertinere dictae Dominae Catherinae Successio dictorum Regnorum Castellae, Legionis, Aragonum, &c. per Obitum suorum Fratrum & Sororum Eâ Majorum (quod Deus avertat) quòd tunc praefata Domina Catherina Succedat in eisdem Regnis & Dominiis, ac si ibidem Vitam ageret & Praesens personaliter fuisset.
Item, pro uberiori Dilectione nutrienda, & ad Honorem Complacentiam praefatorum Dominorum Regis & Reginae Consanguineorum nostrorum, Conventum & Concordatum est quòd, postquam praedicta Domina Catherina fuerit Regina Angliae & Franciae, quod, ultra praedictam Dotem Tertiae Partis Principatûs, Ducatûs, & Comitatûs praedictorum, habebit in Dotalitio, quoad Valorem Tertiae Partis, Redditum omnium Terrarum, Tenementorum, & Dominiorum Coronae Angliae & Franciae pertinentium; quae praedicta Dotalitia habebit durante ejus Vitâ.
Notum facimus quòd Nos, Thomas Londoniensis Episcopus, & Rodericus Gonzales de Puebla Jurisconsultus, Oratores supradicti, pro majori Robore & Firmitate omnium Articulorum supradictorum, in Animas Principalium Supremorum Dominorum nostrorum Juramus per Deum Omnipotentem, & per ejus Sacrosancta Evangelia per Nos realiter tacta, omnia & singula Capitula praecedentia & eorum quodlibet, Factum proprium Principum nostrorum concernentia, inviolabiliter per praedictos Principes Supremos Dominos nostros esse Observanda & Perimplenda,
Caetera autem Capitula, Factum aliorum tangentia, praedicti Principes pro curabunt & solicitabunt, & quilibet eorum procurabit & solicitabit, ea perimpleri & perfici, omni dolo, similatione, fraudeque in ea parte cessantibus,
In cujus Rei Testimonium & Fidem has, Scripturas Nos praedicti Oratores Manibus propriis signavimus & hiis Sigilla nostra apposuimus.
Data primâ Die Mensis Octobris, Anno Domini Millesimo, Quadringentesimo, Nonagesimo sexto.
Sunt Rasurae in Linea Septuagesima prima, quae verba super Rasuram posita sunt ista, videlicet, Gravisende, Southampton, seu in aliquo praedictorum Portuum, non noceat nec Suspitionem Legentibus inferat praedicta Rasura, quoniam ex Consensu Partium Contrahentium hujusmodi Verba super Rasuram imponebantur,
Thomas Episcopus Lincolniensis Manu Propriâ.
Doctor de Puebla Manu propriâ,
Nos igitur Rex Henricus antedictus, Visis Perspectis & Examinatis per Nos Capitulis, Pactis, & Compositionibus praeinsertis, quia justa & honesta sunt, Nobisque maximè placent & conducunt, Volentes & Decernentes ea omnia & singula nostris Patentibus Literis, Manibus propriis subscriptis, ac nostro Regio Sigillo munitis, Confirmare, Approbare, & Corroborare, idcircò praedicta Capitula, Pacta, Concordata, & Conclusa, prout supra inserta sunt, & omnia & singula in eis contenta, Tenore Praesentium, Laudamus, Approbamus, & Corroboramus, ac Rata, Grata, Firma, & Illibata habemus, & si necesse est ea omnia & singula de novo Concedimus & Firmamus,
Et insuper Promittimus & Assecuramus, bonâ Fide & Verbo Regio, Tenere, Complere, & realiter cum effectu Observare omnia & singula, in Praeinsertis Capitulis, prout Nobis incumbunt, contenta & expressa, non unquam tempore in contrarium venturi, quemadmodùm praedictus Orator noster Nomine nostro pleniùs & copiosiùs Promisit, Obligavit, & Concessit, ac sub Poenis & Vinculis & Obligationibus, per ipsum Oratorem in Praeinserta Capitulatione & Compositione appositis & expressis,
Pro quibus omnibus & singulis firmiter & inviolabiliter Tenendis, Complendis, & Observandis Bona nostra omnia Patrimonialia & Fiscalia praesentia & futura Submittimus & Obligamus, & ad validiorem Praemissorum Firmita- tem & Robur Fidem nostram & Verbum Regium Interponimus & Obligamus, ac etiam per immortalem Deum & Signum Sanctae Crucis (+) & Sacrosancta Dei Evangelia, Manibus nostris propriis reverenter tacta, coram Secretario nostro & Notario infrascripto Jurejurando astringimur quòd omnia & singula Praeinserta & eorum quodlibet, prout Nobis incumbunt, omni dolo, fraude, similatione, & quacumque aliâ falsâ machinatione cessantibus, Tenebimus, Complebimus, & firmiter ac inviolabiliter Observabimus, Absolutionem verò vel Relaxationem hujusmodi nostri Jurisjurandi nullo unquam tempore petituri a Summo Pontifice vel ejus & Sedis Apostolicae Legato aut Delegato seu Ordinario, aut alio quocumque absolvere vel relaxare valente, nec si proprio Motu Nobis detur aut concordatur hujusmodi Concessione usuri.
In quorum omnium & singulorum Robur & Firmitatem, Praesentem, propriis Manibus subscriptam ac nostro Regio Sigillo munitam, per Secretarium nostrum Notarium infrascriptum, coram Testibus, in publica forma signari & redigi jussimus.
Data & Acta apud Shene, Decimo octavo Die Mensis Julii, sub Anno a Nativitate Domini Millesimo, Quadringentesimo, Nonagesimo septimo, Regni verò nostri Duodecimo.
Praesentibus ibidem,
Reverendissimo in Christo Patre Johanne Tituli Sanctae Anastasiae Sacrosanctae Romanae Ecclesiae Presbitero Cardinali,
Archiepiscopo Cantuariensi totius Angliae Primate & Cancellario nostro,
Carissimo Consanguineo nostro Edwardo Stafford Duce Bukynghamiae,
Reverendoque in Christo Patre Thoma Londoniensi Episcopo saepenominato,
Ac Carissimo Consanguineo nostro Henrico Percy Comite Northumbriae,
Consiliariis,
Testibus ad Praemissa vocatis specialiter & rogatis,
July 27. Congé d'élire to the prior and chapter of Worcester on the death of Robert the late bp. Westm.
O. xii. 666. H. v. p. iv. 118.		 De Licentia Eligendi.
An. 12. H. 7. Pat. 12. H. 7. p. 2. m. 7.
Rex Dilecto sibi in Christo Priori Ecclesiae Cathedralis beatae Mariae Wygorniensis & ejusdem Loci Capitulo, Salutem.
Ex parte vestra Nobis est humiliter Supplicatum quòd,
Cùm Ecclesia vestra praedicta, per Mortem recolendae memoriae Roberti ultimi Episcopi Ecclesiae praedictae, Pastoris solatio sit destituta,
Alium vobis Eligendi in Episcopum & Pastorem Licentiam vobis concedere dignaremur,
Nos, Precibus vestris in hac parte favorabiliter inclinati, Licentiam illam vobis duximus concedendam;
Mandantes quòd talem vobis eligatis in Episcopum & Pastorem, qui Deo Devotus, Ecclesiae vestrae praedictae Necesarius, Nobisque & Regno nostro Utilis & Fidelis existat,
In cujus &c.
Teste Rege apud Westmonasterium, vicesimo septimo Die Julii.
Per Breve de Privato Sigillo.
July 28. Licence to Antony Salvaigo of Genoa to import a precious stone called "a Spynella," and other precious stones. Woodstock.
O. xii. 666. H. v. p. iv. 118.		 De Licentia Adducendi Jocalia.
An. 12. H. 7. Franc. 12. H. 7. m. 7.
Rex omnibus, ad quos &c. Salutem.
Sciatis quòd Nos, certis de causis & considerationibus Nos specialiter moventibus, de Gratia nostra speciali, ac ex certa Scientia & mero Motu nostris, Concessimus & Licentiam dedimus, pro Nobis & Haeredibus nostris, Dilecto Nobis Antonio Salvaigo Mercatori de Janua, aliàs dicto Antonio Salvago Mercatori de Janua, quòd Ipse, per Se, Factores, Servientes, sive Attornatos suos Indigenas vel Alienigenas, sive eorum aliquem, quoddam Jocale cum quodam Lapide Precioso vocato a Spynella, aut quovis alio Nomine nuncupatur, ligatum in Auro, unum alium Lapidem vocatum a Peerle, necnon alium Lapidem vocatum a Tabled Diamont, aut cujusvis alterius Factionis Generis vel Crescentiae, Auro cepta vel non cepta, & alia Lapides Preciosos & Jocalia, cujusvis Factionis Generis Crescentiae Precii seu Valoris Jocale Lapides & Jocalia illa fuerint, a quibuscumque Partibus Exteris & Trasmarinis ad & in Regnum nostrum Angliae, & in alia Loca & Dominia nostra quaecumque sub Obedientia & infra Jurisdictiones nostras ubicumque, tàm per Terram quàm per Ma- re & Aquas dulces, in quemcumque Portum, in quacumque Navi vel alio Vase, tàm de Obedientia nostra quàm aliarum Partium quarumcumque, ad eorum libitum, unâ vice tantùm, adducere & conferre, adduci conferrive facere, & ad Terram ibidem ponere & discarcare, & eadem Jocale Lapides & alia Jocalia & quamlibet indè Parcellam sic adducta in eodem Regno nostro aut alibi infra Dominia nostra praedicta vendere vel aliter ad ejus libitum disponere,
Aut eadem Jocale Lapides & alia Jocalia & eorum quodlibet, si ea ibidem vendi non contigerit, extra idem Regnum, Loca, & Dominia praedicta ad quascumque Partes Exteras & Transmarinas, in quacumque Navi vel Vase, abducere & abcariare, abduci & abcariari facere possit & valeat licitè & impunè, absque aliquibus Custumis, Subsidiis, aut aliis Deveriis Nobis proinde solvendis, aut aliquo alio Nobis indè reddendo vel faciendo, & absque Impedimento, Molestatione, Perturbatione, Exactione, seu Gravamine Nostri vel Haeredum nostrorum, Custumariorum, Scrutatorum, aut aliorum Officiariorum seu Ministrorum nostrorum quorumcumque, necnon absque aliqua Forisfactura sive Deperdito Nobis in ea parte forisfaciendo aut amittendo, ac omnimoda Custumas, Subsidia, & alia Deveria, Nobis pro Praemissis seu eorum aliquo in hac parte debita sive debenda, eidem Antonio Damus & Concedimus per Praesentes, habenda eidem Antonio de Dono nostro, absque aliquo Nobis inde reddendo, eo quod expressa mentio de Certitudine veri Valoris Precii Numeri seu Qualitatis Lapidum & aliorum Praemissorum, aut aliquâ aliâ Certitudine Praemissorum, in Praesentibus minimè facta existit, aut aliquo Statuto, Actu, Ordinatione, sive Provisione, ante haec tempora in contrarium edita sive provisa, aut aliquâ aliâ Re, Causa, vel Materia quacumque, in aliquo non obstante.
In cujus &c.
Teste Rege apud Wodstok, vicesimo octavo die Julii.
Per ipsum Regem.
Aug. 28. Commission to Thomas Routhawe, apostolic prothonotary, to treat with France for redress of injuries. Woodstock.
O. ixi. 667. H. v. p. iv. 118.		 Super Attemptatis Franciae Reformandis.
An. 13. H. 7. Franc. 13. H. 7. m. 6.
Henricus, Dei gratiâ, Rex Angliae & Franciae, & Dominus Hiberniae, Dilecto & Fideli Consiliario suo Thomae Routhawe Clerico Decretorum Doctori ac Sedis Apostolicae Prothonotario, Salutem.
Cùm, hiis trasactis Diebus, quaedam Pacis Amicitiarumque Foedera inter Nos & Illustrissimum Consanguineum nostrum Regem Carolum Franciae tractata, conventa, & percussa fuerint,
Post quae Foedera, sic inter Nos conventa, nonnulae Injuriae, Dampna, Spolia, atque Homicidia, tàm per nostros quàm per suos Subditos, hincinde, contra dicta Pacis Foedera commissa fuerunt,
Pro quorum quidem sic Attemptatorum Reformatione quaedam Dieta erat per Nos dictumque Consanguineum nostrum atque nostrâ suaque Auctoritate Calisiae & Boloniae statuta,
In qua Dieta Oratores nostri & sui, post maturum & deliberatum Tractatum inter eos habitum, pro Reparatione & Satisfactione Injuriarum & Dampnorum, per suos & nostros Subditos hincinde illatorum & commissorum, necnon ut praecludatur & vitetur via & facultas Injuriarum & Dampnorum hujusmodi post hac inferendorum & committendorum, quaedam Capitula prout eis videbitur valdè utilia & necessaria conceperunt, atque in formam redigi fecerunt, & per Nos Consanguineumque nostrum antedictum Appunctuanda, Concordanda, atque super eisdem Capitulis sic formatis & conceptis Literas Recessus, manibus ipsorum Oratorum subscriptas, hincinde tradiderunt, prout in eisdem Literis pleniùs liquet,
Nos, de tua provida Circumspectione Doctrinâ atque Fidelitate plurimùm confidentes, magnoperè cupientes Dampna illata resarciri, & inferenda, ut praemittitur, vitari, Te nostrum verum & indubitatum Procuratorem, Oratorem, Commissarium, Deputatum, & Nuncium generalem & specialem Facimus, Constituimus, Deputamus, & Ordinamus per Praesentes,
Dantes & Concedentes Tibi, Tenore Praesentium, plenam Potestatem & Auctoritatem, ac Mandatum generale & speciale, Nomine nostro ac pro Nobis, super eisdem Capitulis & quolibet eorum Tractandi, Conveniendi, & Concludendi, atque eisdem Addendi, & ab eis Auferendi, eaque Diminuendi, necnon nova Capitula Tractandi, Componendi, & Concludendi,
Et, pro inviolabili Observantia hujusmodi Capitulorum sive Articulorum sic conclusorum & concludendorum, Juramenta, Obligationes, Securitates, debitasque Cautiones atque Instrumenta, necnon Literas sic conclusorum Confirmatorias per praefatum Consanguineum nostrum, sub Magno suo Sigillo praestandas, Nomine nostro & pro Nobis, a dicto Consanguineo nostro, ejusve Commissario sive Deputato, aut ejus Commissariis sive Deputatis, Stipulandi, Exigendi, & Recipiendi, atque consimilia Juramenta, Obligationes, Securitates, debitasque Cautiones, hujusmodique Literas Confirmatorias, pro Parte nostra ac Nomine nostro & pro Nobis, Praestandi, Promittendi, atque Deliberandi,
Caeteraque omnia & singula Faciendi, Excercendi, & Expediendi quae in Praemissis seu circa ea necessaria fuerint seu quomodolibet oportuna, ita & eo modo prout Nos ea faceremus & facere possemus si in propriâ Personâ nostrâ interessemus;
Promittentes, bonâ Fide & Verbo Regio, Nos Ratum, Gratum, & Firmum habituros & observaturos totum & quicquid, quod per Te Nomine nostro & pro Nobis Actum, Gestum, seu Procuratum fuerit in Praemissis, vel aliquo Praemissorum.
In cujus rei Testimonium has Literas nostras fieri fecimus Patentes.
Teste meipso apud Wodstok, vicesimo octavo Die Augusti, Anno Regni nostri Tertiodecimo.
Sept. 5. Power for W. bp. of Carlisle, sir Thomas Dacre of Dacre, William Warham, keeper of the rolls of Chancery, and Henry Wyot, to treat for truce and mercantile intercourse with Scotland. Woodstock.
O. xii. 668. H. v. p. iv. 118.		 De Appunctuando cum Rege Scotorum.
An. 13. H. 7. Scot. 13. H. 7. m. 19.
Rex omnibus, ad quos &c. Salutem.
Sciatis quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum Reverendi in Christo Patris W. Episcopi Carliolensis, Thomae Dacre de Dacre Militis, Willielmi Warham Custodis Rotulorum Cancellariae nostrae, & Henrici Wyot, quamplurimùm confidentes,
Ipsos Tres & Duos eorum (quorum praefatum Willielmum Warham unum esse volumus) nostros veros & indubitatos Oratores, Procuratores, Commissarios, Deputatos, & Nuncios speciales Facimus, Assignamus, & Constituimus per Praesentes,
Dantes & Concedentes eisdem, Tribus & Duobus eorum (quorum praefatum Willielmum Warham unum esse volumus) plenam Potestatem & Auctoritatem, ac Mandatum generale & speciale, pro Nobis & Nomine nostro, cum Illustrissimo Principe Consanguineo nostro Jacobo Scotorum Rege, seu ejus Oratoribus, Procuratoribus, Deputatis, & Nunciis, sufficientem Potestatem & Auctoritatem ab eodem Consanguineo nostro ad hoc habentibus, tàm de & super Treugis & Guerrarum Abstinentiis, Ligis, Amicitiis, Intelligentiis & Confoederationibus, imperpetuùm, ad Vitam, seu ad minora Tempora, juxta eorum Discretiones, duraturis, ac de & super mutuo & amicabili Intercursu Mercium & Mercandisarum inter Nos & dictum Consanguineum nostrum, ac Regna, Terras, Dominia, Patrias, & Loca nostra atque sua, Subditos, Vassallos, Alligatos, Amicos, Confoederatos, & Adhaerentes nostros atque suos quoscumque, hincinde ineundis, percutiendis, pasciscendis, Componendis, & habendis, ac Securitates, Cautiones, Promissa, Juramenta, Obligationes, Literas, & Scripta sigillata, pro Praemissorum complemento, Nomine nostro, a praefato Illustrissimo Principe Stipulandi, Exigendi, & Recipiendi, atque eodem Nomine nostro Securitates, Cautiones, Promissa, Obligationes, & Literas Promittendi, Tradendi & Deliberandi, ac Juramentum in Animam nostram Praestandi, necnon de & super omnibus & singulis Contentionibus, Quaestionibus, Guerris, Querelis, Litibus, Attemptatis, & Demandis, unà cum suis Circumstantiis, Incidentibus, atque Connexis, quae inter Nos & praefatum Illustrissimum Principem, ac Regna, Terras, Dominia, Patrias, & Loca, Subditos, Vassallos, Alligatos, Confoederatos, & Adhaerentes nostros & suos praedictos, hinc inde pendere dinoscuntur, Tractandi, Communicandi, Conveniendi, Componendi, Concludendi, & Determinandi,
Novamque Dietam talibus Tempore & Loco, prout Eis, Tribus & Duobus eorum (quorum praefatum Willielmum Warham unum esse volumus) melius visum fuerit, & quatenus opus fuerit, Statuendi & Appunctuandi, & inibi de & super omnibus & singulis Praemissis & ab eis qualitercumq; dependentibus Tractandi, Communicandi, Conveniendi, Concordandi, Appunctuandi, & finaliter Concludendi, & Determinandi, cum Prorogatione Dierum, Temporum, & Locorum, Praemissaque omnia & singula Firmandi, Roborandi, & Assecurandi, atque Juramentum in Animam nostram Praestandi, necnon de & super hujusmodi Appunctuatis & Conclusis, caeterisque omnibus & singulis, Praemissa qualitercumque concernentibus, quae cum praefato Consanguineo nostro, seu ejus Commissariis, Procuratoribus, Deputatis, Legatis, & Nunciis antedictis, Appunctuata, Concordata, & Conclusa fuerint, Literas validas & efficaces, pro Parte nostra, Tradendi & Deliberandi, Tradique per Nos nostroque Sigillo muniri & deliberari Promittendi, Literasque alias in hac parte validas & efficaces ex Parte altera fieri Requirendi, Exigendi, Petendi, & Recipiendi,
Et generaliter omnia Praemissa & Praemissorum singula atque ea qualitercumque concernentia Faciendi & Excercendi, Exequendi & Expediendi, ita & eodem modo sicut Nos ipsi faceremus & facere possemus si in propriâ Personâ nostrâ interessemus, etiam si talia sint quae Mandatum de se magis exigant speciale;
Promittentes, &c.
In cujus &c.
Teste Rege apud Wodstok, Quinto die Septembris.
Per ipsum Regem.
Oct. 10. Charles K. of France orders the seneschal of Boulenois to decide concerning the debt claimed by James Tirel, captain of Guisnes, from Walran Dynas, bailiff of Hesdin. Amboise.
O. xii. 669. H. v. p. iv. 119.		 Pro Capitaneo de Guynes, de Cognoscendo.
An. 13. H. 7. Ex Autogr.
Charles, par la Grace de Dieu, Roy de France, au Seneschal de Boulenoys, ou son Lieutnant, Salut.
De la Partie de James Tirel Cappitaine de Guynes Nous a este humblement Expose & Remonstre que Walran Dynas Bailly de Hesdin est Tenu & Oblige envers Luy en certaine Somme de Deniers, ainsi que peut apparoir par son Seelle ou Obligation,
Et, combien que les Termes du Payement soyent escheuz & passez des pieca, toutesvoyes il n'en a eu ne peut avoir la Raison ne Payement,
A la quelle Cause le dit Exposant Nous ait fait Requerer qu'il le puisse faire convenir par devant Vous, & vous commectre & depputer a Discuter & Determiner de ceste Matiere, & sur ce Luy impartir noz Lettres convenables,
Pourquoy Nous, les Choses dessusdites considerees, qui voulons subvenir en ceste Partie au dit Exposant, & favorablement le traicter en ses Afaires, vous avons Commis & Deppute, par ces Presentes, a Congnoistre, Juger, Decider, & Determiner du fait de la Debte & Obligation, appelle avec vous le Tresorier de Boulenoys ou autre que adviserez,
Et pour ce faire, s'il vous appert de la dite Obligation, faictes convenir & adjourner pardevant Vous icelluy Bailly de Hesdin, pour Respondre a icelluy Tirel touchant la dit Debte & Dependances d'icelle, & le faictes Proceder en ceste Matiere pardevant Vous comme de Raison, & a ce faicte le Contraignez, ou faictes Contraindre, tout ainsi que s'il estoit vôtre Ressort & Juridicion,
En faisant au surplus aux Parties oyes bon & brief Droit, & acomplissant de Justice, de ce faire Vous avons Donne & Donnons Pouoir, Auctorite, & Commission; non obstant quelzconques Odonnances & Lettres subreptices, Impetrees ou a Impetrer a ce contraires.
Donne a Amboise, le x Jour d'Octobre, l'An de Grace Mille, Quatrecens, Quatrevingts dixsept, & de nôtre Regne le Quinziesme.
Par Le Roy.
Le Sire de Graville Admiral de France & autres Presens.
Robertet.
Sub Sigillo Magno Cerae albae a cauda Pergamenae pendente.
Dec. 1. Safe conduct for the abp. of S. Andrew's. Westm.
O. xii. 670. H. v. p. iv. 119.		 Pro Archiepiscopo Sancti Andreae.
An. 13. H. 7. Scot. 13. H. 7. m. 20.
Rex universis & singulis Admirallis, &c. ad quos &c. Salutem.
Cùm Reverendissimus in Christo Pater ac Praecarissimus Consanguineus noster, Permissione divinâ, Archiepiscopus Sancti Andreae in Scotiâ, hoc Regnum nostrum Angliae, certas ob Causas se moventes, nostrâ prius habitâ Licentiâ, ingredi pertransireque, & ab illinc ad alia Loca se divertere concupiscit,
Nos, nobiscum considerantes ipsius Consanguinei nostri Dignitatem quâ praeest, Vitae Sinceritatem atque Morum Honestatem quibus floret, caeterasque plurimas Virtutes quibus caeteris praestat, necnon propinquum Sanguinis Gradum quo Nobis attingit, suscepimus ipsum Consanguineum nostrum in salvum & securum Conductum nostrum, ac in Protectionem, Tuitionem, & Defensionem nostras speciales; ita quòd benè liceat eidem Consanguineo nostro in hoc Regnum nostrum Angliae ac alia Loca Nobis subjecta quaecumque, cum Centum Personis in Comitiva sua vel infra, & totidem Equis, ac Bonis, Rebus, Hernesiis, Jocalibus, Auro & Argento monetato, &c. ut in similibus de Conductu Literis.
In cujus &c. per Biennium duraturas.
Teste Rege apud Westmonasterium, Primo die Decembris.
Per ipsum Regem.
Dec. 5. Restitution of the temporalities to John Gigles, bp. elect of Worcester. Westm.
O. xii. 670. H. v. p. iv. 119.		 De Liberatione Temporalium.
An. 13. H. 7. Pat. 13. H. 7. m. 11.
Rex Escaetori suo in Comitatu Wigorniae, Salutem.
Cùm Dominus Summus Pontifex nuper, vacante Ecclesiâ, Cathedrali Wigrniensi, per Obitum, bonae Memoriae, Roberti ejusdem Ecclesiae ultimi Pastoris & Episcopi, Personam Fidelis Clerici ac Consiliarii nostri Magistri Johannis Gigles nostri in Curia Romana Procuratoris, ejusdem Ecclesiae Electi, in ipsius Ecclesiae Episcopum praefecerit & Pastorem, sicut per Literas Bullatas ipsius Domini Summi Pontificis, Nobis indè directas, Nobis constat,
Nos,
Pro eo quòd idem Electus, per suum Procuratorem sufficientem, omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Recunciavit, & Gratiae nostrae humiliter se submisit, volentes cum eo in hac parte agere gratiosè,
Eidem Electo (cujus Fidelitatem per Procuratorem suum praedictum Cepimus) Temporalia Episcopatûs illius, prout moris est, Restituimus;
Et ideò Tibi Praecipimus quòd eidem Electo Temporalia praedicta, cum pertinentiis, in Balliva tua, sine dilatione, Liberes in formâ praedictâ; salvo Jure cujuslibet.
Teste Rege apud Westmonasterium, Quinto die Decembris.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eâdem Datâ, videlicet,
Escaetori Regis in Com. Glouc. ac Marchiis Walliae eidem Comitatui adjacentibus.
Escaetori Regis in Com. Warr.
Escaetori Regis in Com. Midd.
Et Mandatum est Militibus, Liberis Hominibus, &c.
Dec. 12. Power for Robert Middleton, dean of Leicester, to treat for peace, truce, and mercantile intercourse with Scotland. Westm.
O. xii. 670. H. v. p. iv. 119.		 De Tractando cum Rege Scotorum.
An. 13. H. 7. Scot. 13. H. 7. m. 20.
Henricus, Dei gratiâ, Rex Angliae & Franciae & Dominus Hiberniae omnibus, ad quos praesentes Literae Pervenerint, Salutem.
Sciatis quòd Nos,
De Fidelitate, Industriâ, & providâ Circumspectione Praedilecti & Fidelis Consiliarii nostri Roberti Middleton Cle- rici Legum Doctoris Decani Leycestriae quamplurimùm confidentes,
Ipsum nostrum verum & indubitatum Commissarium, Legatum, Procuratorem, Deputatum & Nuncium specialem Assignamus, Facimus, Ordinamus, Constituimus & Deputamus per Praesentes,
Dantes & Concedentes eidem plenam, Tenore Praesentium, Potestatem & Auctoritatem, ac Mandatum generale & speciale, pro Nobis & Nomine nostro, cum Illustrissimo Principe Jacobo Scotorum Rege Consanguineo nostro Carissimo, seu ejus Commissariis, Procuratoribus, Legatis, Deputatis & Nunciis, sive ejus Commissario, Procuratore, Legato, Deputato & Nuncio sufficientem Potestatem & Auctoritatem ab eodem Consanguineo nostro ad hoc habente vel habentibus, tàm de & super vera, firma, perpetua & reali Pace atque Concordia, quàm de & super Treugis & Guerrarum Abstinentiis, Ligis, Amicitiis, mutuoque & amicabili Intercursu Mercium & Mercandisarum, necnon Intelligentiis, Affinitatibus, Alligantiis & Confoederationibus quibuscumque, inter Nos & ipsum Consanguineum nostrum, Haeredesque & Successores nostros & ipsius Consanguinei nostri, ac Regna, Terras, Dominia, Patrias & Loca, ac Subditos, Vassallos, Confoederatos, Faventes & Adhaerentes utriufque nostrˆm quoscumque hincinda, ineundis, capiendis, celebrandis, & habendis, Conveniendi, Communicandi, Tractandi, Appunctuandi, Concordandi, Componendi, Paciscendi ac finaliter & integrè Determinandi,
Necnon de & super hujusmodi Appunctuatis & Conclusis Literas validas & efficaces, pro Parte nostra, Tradendi & Deliberandi, consimilesque Literas ab eodem Consanguineo nostro, seu ejus Commissariis, Procuratoribus, Legatis, Deputatis & Nunciis, Commissario, Procuratore, Legato, Deputato & Nuncio suo, Exigendi, Petendi, Requirendi & Recipiendi,
Caeteraque Faciendi, Exequendi, & Expediendi quae in Praemissis seu circa ea necessaria fuerint seu quomodolibet oportuna, etiam si talia sint quae Mandatum de se magis exigant speciale;
Promittentes, bonâ Fide & in Verbo Regio, Nos Ratum, Gratum & Firmum habituros totum & quicquid per dictum Commissarium nostrum Actum, Gestum seu Procuratum fuerit in Praemissis seu aliquo Praemissorum.
In cujus rei Testimonium has Literas nostras fieri fecimus Patentes.
Teste meipso apud Westmonasterium, Duodecimo die Decembris Anno Regni nostri Tertiodecimo.
Per ipsum Regem.
Dec. 13. The K. consents to refer his complaint against James K. of Scotland for violating the truce with the K. and Q. of Spain. Westm.
O. xii. 671. H. v. p. iv. 120.		 De Attemptatis Scotiae, Arbitrio Regis & Reginae Hispaniarum Commissis.
An. 13. H. 7. Ibid.
Rex omnibus, ad quos, &c. Salutem.
Sciatis quòd,
Cùm, in Tractatu Pacis & Treugarum, superioribus hiis Diebus, apud Ayton in Regno Scotiae, inter nostros ex una, & carissimi Consanguinei nostri Jacobi Scotorum Regis Commissarios Partibus ex altera inito & concordato, inter alia, fuerit Conventum & Conclusum quòd tàm Nos quàm praefatus Consanguineus noster Cognitionem & Causam Violationis, Ruptionis & Dissolutionis Treugarum ultimarum, inter Nos & Eundem Consanguineum nostrum, Judicio & Arbitrio Illustrissimorum Principum Regis & Reginae Hispaniarum Consanguineorum & Confoederatorum nostrorum Carissimorum Committeremus, Nos,
Quae nostrâ Auctoritate gesta sunt debitum sortiri volentes effectum,
Contenti sumus praedictam Violationis Ruptionis & Dissolutionis Causam ejusque Cognitionem Arbitrio Judicio & finali Determinationi praefatorum Principum Regis & Reginae Hispaniarum Committere, & per praesentes Committimus, atque in eorum Manus irrevocabiliter Deponimus;
Promittentes, per has Literas nostras & in Verbo Regio, Nos Ratum Firmum & Stabile perpetuò habituros quicquid penes dictae Violationis Ruptionis & Dissolutionis Treugarum Controversiam & Causam praefatique Rex & Regina Hipaniarum Determinaverint Ordinaverint & Concluserint.
In cujus &c.
Teste Rege apud Westmonasterium, decimo tertio die Decembris.
Per ipsum Regem.
PreviousTable of contentsNext