|
| Syllabus Entry |
Foedera Text |
1497. Feb. 13. Commission of array in Cumberland and Westmoreland to sir Thomas Dacre, lieutenant of the west marches. Westm.
O. xii. 647. H. v. p. iv. 110. |
Contra Invasionem Scotorum, de Arraiatione facienda.
An. 12. H. 7. Pat. 12. H. 7. p. 2. m. 27. dor.
Rex Dilecto & Fideli suo Thomae Dacre Militi Locumtenenti Westmarchiarum nostrarum versus Scotiam, Salutem.
Cùm jamdudùm Inimious & Adversarius noster Scotorum Rex, cum maxima Armata Rebellium & Proditorum nostrorum, hoc Regnum nostrum Angliae hostiliter invaserit, ac Subditos nostros ejusdem, nulli Aetati aut Sexui parcendo, Spoliaverit, Jugulaverit ac crudeliter Trucidaverit & Tractaverit, necnon Castra, Fortalitia atque Villas, omni semotâ Pietate, Combusserit, Prostraverit & Destruxerit, aliaque Mala, Injurias, Rapinas & Detestabilia Facta, quae facere potuit, ibidem fecerit & perpetraverit, & Pejora Prioribus dicto Regno nostro & Subditis nostris praedictis inferre indies nititur & intendit, & ad hoc Se parat Viribus, in Nostri gravissimam Offensam & Populi nostri Terrorem ac Dampna & Deperdita irrecuperabilia,
Nos, prout convenit & decet hujusmodi Attempta & Detestabilia Facta vindicare, ac hujusmodi Injurias Nobis & Subditis nostris per ipsos Scotos illatas & inferendas propulsare, ac Regnum nostrum praedictum & Subditos nostros hujusmodi ejusdem ab ipsis Inimicis nostris tuere & defendere volentes,
Hinc est quòd Nos,
De Fidelitate, Industria & provida Circumspectione vestris quamplurimùm confidentes,
Assignavimus, Constituimus, Ordinavimus & Deputavimus vos Deputatum nostrum ac Capitaneum & Ductorem omnium & singulorum Subditorum nostrorum infra Comitatus nostros Cumbriae & Westmerlandiae, tàm infra libertates quàm extra commorantes,
Dantes & Concedentes vobis, Tenore Praesentium, Potestatem & Auctoritatem ad omnes & singulos Homines & Subditos nostros Comitatuum praedictorum ad Laborandum Potentes, ac omnes Homines Armatos, Sagittarios, Hobelarios & alios quoscumque Arma portare volentes, coram vobis ad certos Dies & Loca, quos ad hoc provideritis, Evocandum ac venire faciendum,
Eosque & eorum quemlibet juxta Gradus & Facultates suas Armari, Araiari & Triari faciendum & compellendum,
Et eos sic Arraiatos, Armatos & Triatos in Arraiatione hujusmodi continuè teneri & poni faciendum,
Atque eos ad quaecumque Loca Merchiarum praedictarum, ubi & quotiens opus fuerit, & casus exigerit, & prout vobis visum fuerit, ad Inimicos, Rebelles & Proditores nostros Repugnandum & Fugatos Prosequendum, Partesque Scotiae cum eisdem Subditis nostris Intrandum, eosque de tempore in tempus quotiens opus fuerit diligenter Capiendum, Providendum, & Faciendum,
Et insuper ad Signa, vocata Bekyns, in Locis consuetis, per quae Gentes Patriae de Adventu Inimicorum Proditorum & Rebellium praedictorum eongruis temporibus possint praemuniri, poni & supervideri ac reparari & emendari faciendum,
Atque etiam Proclamationes, pro bono & sano Regimine Subditorum nostrorum, de tempore in tempus, prout opus fuerit, faciendum & Proclamandum,
Ac quoscumque Contravenientes Deliquentes seu Mandatis & Proclamationibus vestris Inobedientes seu parare Recusantes Castigandum, & juxta eorum Demerita, per Imprisonamentum Corporum suorum, seu aliàs prout vobis visum fuerit, Puniendum,
Caeteraque Faciendum & Perimplendum quae in Praemissis seu circa ea necessaria fuerint seu quomodolibet oportuna,
Et ideò vobis Mandamus quòd circa Praemissa diligenter intendatis, ac ea faciatis & exequamini in formâ praedictâ:
Damus autem universis & singulis Vicecomitibus, Majoribus, Ballivis, Constabulariis, ac aliis Officiariis, Ministris, Fidelibus, Ligeis & Subditis nostris quibuscumque, quorum interest in hac parte, Tenore Praesentium, firmiter in Mandatis quòd vobis, in Executione Praemissorum, Intendentes sint, Assistentes & Auxiliantes in omnibus diligenter, prout decet.
In cujus &c.
Teste Rege apud Westmonasterium, decimo tertio die Februarii. |
Feb. 26. Commission of Philip archduke of Austria to John Preters, master of requests, and John de Courteville, bailiff of Lille, to deliver to the K., and receive from him the confirmation of, the treaty between them. Brussels.
O. xii. 648. H. v. p. iv. 111. |
Philippi, Austriae Archiducis, Commissio ad Tractandum.
An. 12. H. 7. Ex Autogr.
Philipe, par la Grace de Dieu, ARCHIDUC d'Austriche, Duc de Bourgoingne, de Lothrain, de Brabant, de Stiere, de Carinte, de Carniole, de Lembourg, de Lucembourg, & de Gheldres, CONTE de Habsbourg, de Flandres, de Tyrol, d'Artois, de Bourgoingne, PALATIN de Haynnau, LANTGRAVE d'Elsacem, MARQUIS de Burgaves & du Saint Empire, de Hollande, de Zeelande, de Farette, de Kiburg, de Namur, & de Zutland Conte, SEIGNEUR de Frise sur la Marche, de Sclavonie, de Portenaubb, de Salins & de Malines, a tous ceulx qui ces presentes Lettres verront, Salut.
Comme Nous aions n'agires fait dire a Treshault & Trespuissant Prince Treshonnore Seigneur & Cousin le Roy d'Angleterre, par Maistre Jehan Meautis son Secretaire, qu'il avoit envoye devers Nous, que envoierrons davers Luy pour la delivrance des seellez, que selon les Traictez derreinement faiz d'entre Luy & Nous se dovient delivrer d'une Part & d'autre, comme aussi pour Communiquer & Traicter tant sur le Fait de l'Estaple de Calais & de l'Entrecours & ce qui en dependra,
Par quoy soit Besoing deputer aucuns Notables Personnaiges, pour depar Nous aler devers nostre dit Cousin & Besoingner en ce que dit est,
Savoir faisons que Nous,
Confians a plain es Sens Loiaultez, Preudonnes & bonnes Diligences de, noz Amez & Feaulx Conseilliers, Maistre Jehan Preters Maistre des Requestes de nostre Hostel, & Jehan de Courteville nostre Escuier Trenchant Mareschal de noz Logis & Bailli de Lille,
Nous iceulx avons Commis & Ordonne, Commettons & Ordonnons en leur donnant plain Pouoir, Auctorite & Mandement especial, par ces Presentes, de pour & en nostre Nom, estre &comparoir devers nostre dit Cousin le Roy d'Angleterre, a Luy ou a ses Gens & Deputez qu'il vouldra a ce commectre deliurer les Seellez, que pour l'accomplessement des dites Traictez derreinement faiz d'entre Luy & Nous sommes tenuz de Bailler, de Recevoir ceulx qu'il est Tenu Nous Bailler, de Communiquer, Traicter, Besoingner & Conclure tant sur le Fait de l'Estaple du dit Calais comme aussi sur le Fait du dit Entrecours & ce qui en dependant, &, au surplus, fere toutes & singulieres les Choses que bons & loyaulx Deputez dessusdits peuent & doivent fere & que Nous mesmes ferions ou fere pourrions se presens en nostre Personne y estions;
Promectans de bonne Foy avoir & tenir Agreable Ferme & Estable a tous jours tout ce que par nos dits Commis & Deputez ou l'un d'eulx sera Fait, Dit, Traicte & Besoingne & Conclu es Choses dessusdites, & celles qui en dependent, sans jamais se ou aler ne souffrir estre fait ou ale au contre en maniere quelconque, & de bailler noz Lettres de Confirmacion sur ce qui ainsi sera Traicte Promis & Conclu toutes les foiz que requis en serons.
En Tesmoing de ce Nous avons fait mettre nostre Seel a ces Presentes.
Donne en nostre Ville de Brucelles, le xxvj Jour de Feurier, l'An de Grace Mille, Quatrecens, Quatrevins & Seze.
Par Monseignur l'Archiduc.
Numan. |
March 15. Pardon for Robert Morton, bp. of Worcester, keeper of the rolls of Chancery. Westm.
O. xii. 648. H. v. p. iv. 111. |
De Pardonatione pro Episcopo Wigorniensi.
An. 12. H. 7. Pat. 12. H. 7. p. 2. m. 17.
Rex omnibus Ballivis & Fidelibus suis, ad quos &c. Salutem.
Sciatis quòd Nos, de Gratiâ nostrâ speciali, ac ex certâ Scientiâ & mero Motu nostris, PARDONAVIMUS, REMISIMUS & RELAXAVIMUS, ac per Praesentes PARDONAMUS, REMITTIMUS & RELAXAMUS Reverendo in Christo Patri Roberto Episcopo Wigorniensi, aliàs dicto Roberto Episcopo Wigorniensi, nuper dicto Roberto Morton Clerico Custodi Rotulorum Cancellariae nostrae, aliàs dicto Roberto Episcopo Wigorniensi, nuper dicto Roberto Clerico sive Custodi Rotulorum Cancellariae nostrae, aliàs dicto Roberto Episcopo Wigorniensi, nuper dicto Roberto Morton Clerico Custodi Rotulorum Cancellariae Domini E. nuper Regis Angliae Quarti, aliàs dicto Roberto Episcopo Wigorn. nuper dicto
Roberto Morton Clerico sive Custodi Rotulorum Cancellariae Domini E. nuper Regis Angliae Quarti, aliàs dicto Roberto Episcopo Wigorn. nuper Roberto Morton Archidiacono Gloucestriae, aliàs dicto Roberto Episcopo Wigorn. nuper dicto Roberto Morton Clerico Wigorniensi Electo, aliàs dicto Roberto Morton Clerico Wigorn. Episcopo, seu quocumque alio Nomine censeatur, omnimodas Transgressiones, Offensas, Mesprisiones, Contemptus, Impetitiones, Detentiones, Elongationes, Negligentias, Extortiones, Ignorantias, Concelamenta & Deceptiones, per ipsum Robertum Episcopum ante Festum Sancti Andreae Apostoli Anno Regni nostri Duodecimo qualitercumque factas sive perpetratas,
Et insuper ex Scientia & Motu nostris praedictis PARDONAVIMUS, REMISIMUS & RELAXAVIMUS eidem Roberto Episcopo omnimodas Proditiones ac Sectam Pacis nostrae quae ad nos versus ipsum Robertum Episcopum pertinet pro omnimodis Proditionibus, Rebellionibus, Insurrectionibus, Feloniis, Conspirationibus, Confoederationibus, Riotis, Routis, Conventiculis illicitis, Cambipartiis, Manutenentiis, Imbraciariis ac aliis Transgressionibus, Negligentiis, Extortionibus, Imaginationibus, Mesprisionibus, Ignorantiis, Contemptibus, Concelamentis, Forisfacturis, Deceptionibus, Attemptatis & Offensis quibuscumque, per ipsum Robertum Episcopum ante praedictum Festum qualitercumque factis sive perpetratis,
Ac etiam Utlagariis si quae in ipsum Robertum Episcopum hiis occasionibus seu earum aliqua fuerint promulgatae, & firmam Pacem nostram ei inde concedimus;
Ita tamen quòd stet recto in Curia nostra, si quis versus eum loqui voluerit de Praemissis, vel aliquo Praemissorum.
Pardonavimus etiam eidem Roberto Episcopo omnia & omnimoda Judicia, Executiones & Poenas Mortis super ipsum redditas sive adjudicandas, ac omnimodas Forisfacturas quorumcumque Terrarum & Tenementorum, Bonorum & Catallorum suorum occasionibus praedictis seu earum aliquâ, & eadem Terras & Tenementa, Bona & Catalla eidem Roberto Episcopo Damus & Restituimus per Praesentes, Habenda & Gaudenda eidem Roberto Episcopo de Dono nostro absque Compoto seu aliquo alio Nobis inde reddendo seu faciendo,
Ac etiam PARDONAVIMUS, REMISIMUS & RELAXAVIMUS eidem Roberto Episcopo omnia & omnimoda Escapia & Evasiones quorumcumque Felonum & Clericorum convictorum sive attinctorum ante dictum Festum qualitercumque facta, necnon omnimodas Poenas, Redemptiones, Forisfacturas, Securitates Pacis, & alias Recognitiones & Manucaptiones, & omnimodos Fines adjudicatos, Amerciamenta, Exitus, Forisfacturas, Relevia, Scutagia, ac omnimoda Debita, Compota, Praestita, Arreragia Firmarum & Compotorum, & alia Deperdita Nobis ante dictum Festum per praefatum Robertum Episcopum qualitercumque forisfacta debita sive pertinentia, necnon omnimodas Demandas, Transgressiones, Offensas, Negligentias, Contemptus, Mesprisiones & Impetitiones, per ipsum Robertum Episcopum, contra formam tàm omnimodorum Statutorum, Ordinationum & Provisionum de Perquisitionibus, Acceptationibus, Lectionibus, Publicationibus, Notificationibus & Executionibus quibuscumque quarumcumque Literarum & Bullarum Apostolicarum & omnium aliorum Statutorum & Provisionum praetextu, quorum aliqua Secta versus eundem Robertum Episcopum per Billam vel per Breve de Praemunire facias, seu alio modo quocumque, pro aliquâ Materiâ ante dictum Festum factâ, fieri valeat, quàm omnium & omnimodorum aliorum Statutorum quorumcumque factorum sive editorum, per ipsum Robertum Episcopum ante eundem Diem qualitercumq; factas sive perpetratas, & omnimodas Actiones, Sectas, Querelas, Impetitiones, Executiones & Demandas, quas Nos solus vel Nos conjunctim cum aliis Personis vel aliâ Personâ habemus seu habere poterimus quovis modo versus ipsum Robertum Episcopum pro Praemissis vel aliquo Praemissorum, aut pro aliquâ Re, Causâ vel Materia quacumque; aliquibus Statutis, Ordinationibus, Provisionibus, Restrictionibus sive Actibus, in contrarium factis sive editis, aut aliquâ aliâ Re, Causâ, vel Materiâ quacumque, non obstantibus.
In cujus &c.
Teste Rege apud Westmonasterium, decimo quinto die Martii.
Per ipsum Regem. |
April 24. Commission to Robert Middleton, Thomas Routhall, sir John Turbervile, treasurer of Calais, and Adrian Whetehill, comptroller, to treat with French commissioners for redress of injuries. Westm.
O. xii. 650. H. v. p. iv. 111. |
De Dieta capienda, super Reformatione Attemptatorum Franciae.
An. 12. H. 7. Franc. 12. H. 7. m. 5.
Rex omnibus, ad quos &c. Salutem.
Cùm superioribus Diebus inter Nos & Carissimum Consanguineum nostrum Carolum Francorum Regem, super Reformatione Attemptatorum, Dampnorum, Injuriarum, Spoliationum, Navium Captionum, Interfectionum, Arestationum, ac injustarum Detentionum, & aliorum Gravaminum nostrorum ac dicti Consanguinei nostri Subditorum quorumcumque, quaedam Dieta, per Dei gratiam, in initio Mensis Maii proximò futuri, in Villa nostra Calesii feliciter inchoanda, statuta sit,
Hinc est quòd Nos,
Volentes Cepta hujusmodi debitum sortiri effectum,
De Fidelitate, Circumspectione & Industria, Dilectorum & Fidelium Consiliariorum nostrorum, Magistorum, Roberti Middleton Legum, & Thomae Routhall, Decretorum Doctorum, Johannis Turbervile Militis Thesaurarii Villae nostrae Calisiae, & Adriani Whetehill Armigeri Contrarotulatoris dictae Villae nostrae Calisiae, plenariè confidentes,
Ipsos nostros veros & indubitatos Ambassiatores, Oratores, Commissarios, Procuratores & Nuncios generales & speciales Constituimus, Deputavimus & Ordinavimus, ac Tenore Praesentium Constituimus, Deputamus, & Ordinamus,
Dantes & Concedentes eisdem, Tribus, & Duobus eorum plenam & liberam Potestatem ac Mandatum generale & speciale, pro Nobis, Haeredibus & Successoribus nostris, Regnis, Terris & Dominiis, Subjectis, Amicis, Alligatis, Confoederatis, Faventibus & Subditis nostris quibuscumque, cum Spectabilibus & Egregiis viris, dicti Consanguinei nostri Ambassiatoribus, Commissariis, Oratoribus, Procuratoribus, Deputatis & Nunciis, Potestatem sufficientem habentibus in dicta Villa nostra Calesiae aut alio loco apto & congruo quocumque Conveniendi, Appunctuadi, Concordandi & finaliter Concludendi de & super omnibus & singulis Dampnis, Injuriis, Spoliationibus, Depraedationibus, Navium captionibus, Interfectionibus, Arestationibus, Incarcerationibus, ac injustis Detentionibus nostrorum ac dicti Consanguinei nostri Subditorum aut alicujus eorumdem, necnon Displicenciis, Litibus, Quaestionibus, Discordiis, Gravaminibus & Attemptatis quibuscumque inter Nos nostrosque Subditos ex una Parte, & praefatum Consanguineum nostrum ac Subditos Amicos, Alligatos, Confoederatos & Adhaerentes suos quoscumque, ex Parte altera, pendentibus Indiscussis, motis seu movendis, horum & omnium & singulorum Correctionem, Punitionem, Reparationem & Reformationem Faciendi, & eas fieri Petendi, Requirendi & cum effectu Optinendi, ac nostrorum dictique Carissimi Consanguinei nostri Subditorum Querelas ultrò citroque propositas & proponendas, cum suis Emergentibus, Incidentibus, Dependentibus atque Connexis, Audiendi, Examinandi & Fine debito Determinandi, & super eisdem Componendi & summariè simpliciter & de plano sine Strepitu & figura Judicii solâ Facti veritate inspectâ Pronunciandi & Sententiandi,
Necnon Nos Haeredes & Successores nostros Obligandi quòd, priusquam aliqua Navis aliquem Portum Regni nostri Terrarum, Locorum, Dominiorum nostrorum exîerit, sufficientem Securitatem praestabit de non Molestando, Vexando, Injuriando aut Dampnificando Subditos dicti Carissimi Consanguinei nostri Violentiamve quamcumque eisdem ubique locorum inferendo; & si, post talem Securitatem sic praestitam Subditi nostri in eadem Navi existentes, Spoliaverint aut Dampnificaverint Subditos dicti Carissimi Consanguinei nostri, quòd tunc ipsi Dampnificantes & eorum Fidejussores, constito de tali Spoliatione, teneantur ad Restitutionem & Satisfactionem hujusmodi Spoliati aut Sdoliatorum, seclusâ Morâ, juxta qualitatem & quantitatem hujusmodi Dampni illati,
Consimilemque Obligationem Petendi & Exigendi a dicto Consanguineo nostro pro omnibus & singulis Navibus, a Portubus suis quovis pacto exituris,
Unamque insuper aliam Dietam, si ipsis visum fuerit, Appunctuandi, Concordandi pariter & Concludendi, sub Modo, Formâ & Conditionibus, de quibus inter dictos nostros Ambassiatores, Oratores, Procuratores, Commissarios,
Deputatos & Nuncios, ac praefatos Spectabiles & Egregios Viros dicti Carissimi Consanguinei nostri Ambassiatores, Oratores, Commissarios, Procuratores, Deputatos & Nuncios praedictos, poterit concordari,
Caeteraque omnia & singula Faciendi, Excercendi & Expediendi quae in Praemissis seu aliquo Praemissorum, seu circa ea conjunctim & divisim necessaria fuerint seu quomodolibet oportuna, ac quae qualitas & natura hujusmodi Negotii exigunt & requirunt, & quae Nosmetipsi faceremus seu facere possemus si personaliter interessemus, etiam si talia sint quae de se Mandatum magis exigant speciale;
Promittentes, bonâ Fide & in Verbo Regio, Nos Ratum, Gratum & Firmum habituros totum & quicquid praedicti Ambassiatores, Oratores, Commissarii, Procuratores & Nuncii nostri Nomine nostro fecerint in Praemissis, seu aliquo Praemissorum.
In cujus &c.
Teste Rege apud Westmonasterium, vicesimo quarto die Aprilis.
Per ipsum Regem. |
April 28. Commission to the same to treat with commissioners of the Teutonic House at Antwerp for redress of injuries. Westm.
O. xii. 651. H. v. p. iv. 112. |
De Communicando cum Rectoribus Hanzae.
An. 12. H. 7. Ibid. m. 8.
Rex omnibus, ad quos &c. Salutem.
Cùm, superioribus Diebus, inter Nos & Civitatum Hanzae Rectores & Gubernatores, super Reformatione Dampnorum, Injuriarum, Spoliationum, Depraedationum Navium, Captionum, Interfectionum, Arestatinum, Incarcerationum, & Injustarum Detentionum Subditorum, Privilegiorum, Libertatum & Beneficiorum Violatione, Detractione, Derogatione & Contraventione, ac Novorum Statutorum & Legum, in dictorum Privilegiorum Libertatum & Beneficiorum praetensam Derogationem Diminutionem & Praejudicium, Editione, ac de eorum Valore pariter & Vigore, necnon aliorum Gravaminum & Attemptatorum quorumcumque utriusque Partis in alteram, quaedam Dieta, per Dei Gratiam, initio Mensis Junii proximò futuri, in Opido Andewarpiae feliciter inchoanda, statuta sit,
Hinc est quòd Nos,
Volentes Cepta hujusmodi debitum sortiri effectum,
De Fidelitate, Circumspectione & Industriâ, Dilectorum & Fidelium Consiliariorum nostrorum, Magistrorum, Roberti Middelton Legum, & Thomae Routhall Decretorum Doctorum, Johannis Turbervile Militis Thesaurarii Villae nostrae Calesii, & Adriani Whetehill Armigeri Contrarotulatoris dictae Villae nostrae Calesii, plenaryè confidentes,
Ipsos nostros veros & indubitatos Ambassiatores, Oratores, Commissarios, Procuratores, Deputatos & Nuncios generales & speciales Constituimus, Deputavimus & Ordimavimus, ac, Tenore Praesentium, Deputamus, Constituimus & Ordinamus,
Dantes & Concedentes eisdem, Tribus, & Duobus eorum, plenam & liberam Potestatem ac Mandatum generale & speciale, pro Nobis, Haeredibus & Successoribus nostris, Regnis, Terris, Dominiis, Subditis, Amicis, Alligatis, Confoederatis, Faventibus & Adhaerentibus nostris quibuscumque, cum, Spectabilibus & Egregiis Viris, Gubernatoribus & Rectoribus Patriarum & Civitatum Hanzae Theutonicae, seu eorum Ambassiatoribus, Oratoribus, Commissariis, Procuratoribus, Deputatis & Nunciis, Potestatem sufficientem habentibus, in dicto Opido Antwarpiae, aut alio Loco apto & congruo quocumque, Conveniendi, Appunctuandi, Concordandi & finaliter Concludendi de & super omnibus & singulis Dampnis, Injuriis, Spoliationibus, Depraedationibus, Navium Captionibus, Interfectionibus, Arestationibus, Incarcerationibus, ac injustis Detentionibus Mercium & Mercatorum ac Subditorum alicujus Partium praedictarum,
Necnon Comunicandi & Tractandi de & super quibuscumque Privilegiis, Libertatibus & Beneficiis habitis sive praetensis, ac eorum Validitate paritet & Vigore, superque eorumdem Violatione, Detractione, Derogatione & Contraventione, ac Novorum Statutorum sive Legum, in dictorum Privilegiorum, Libertatum, Beneficiorum, si quae talia fuerint, Derogationem, Diminutionem & Praejudicium, Editione, ac etiam Displicentiis, Differentiis, Litibus, Quaestionibus, Discordiis, Gravaminibus & Attemptatis quibuscumque, inter Nos nostrosque Subditos ex una Parte, & praefatos Honorabiles & Discretos Viros Rectores & Gubernatores Patriarum & Civitatum Hanzae Theutonicae, atq; etiam
Universitates, Societates, Dominos, Principes, Gubernatores & Rectores Terrarum, Civitatum, Opidorum, Villarum & Dominiorum quorumlibet Terrae Almaniae, Terras, Civitates, Opida, Villas, Castra, Patrias & Dominia, Subjectos, Amicos, Confoederatos, Alligatos & Adhaerentes suos quoscumque ex Parte altera, pendentibus Indiscussis, ac horum omnium & singulorum Correctionem, Punitionem, Reparationem & Reformationem Faciendi, atque eas fieri Petendi, Requirendi, ac cum effectu Optinendi, ac utriusque Partium hujusmodi Querelas ultrò citroque propositas & proponendas, cum suis Emergentibus, Incidentibus, Dependentibus & Connexis, Audiendi, Examinandi, & Fine debito Terminandi,
Et super eisdem summariè simpliciter & de plano, sine Strepitu & Figura Judicii, solâ Facti veritate inspectâ, Pronunciandi, Sententiandi, necnon perpetuam & realem Pacem atque Comunicationem mutuam, & liberum Intercursum Mercandisandi, securumque Statum, pro Hominibus utriusque Partis praesentibus & futuris, tàm in Regnis, Patriis, Civitatibus, Dominiis & Locis unius vel alterius Partis praedictae, quàm aliàs ubilibet, tàm per Terram quàm per Mare & Flumina atque Aquas dulces,
Insuper Ligas, Amicitias & Confoederationes quascumque inter Nos Haeredes & Successores nostros, ac Regna, Terras, Dominia nostra, Subditos, Amicos, Alligatos, Confoederatos, Faventes & Adhaerentes nostros quoscumque ex una Parte, & praefatos Egregios & Spectabiles Viros Gubernatores & Rectores Patriarum & Civitatum Hanzae praedicae, ac etiam inter Universitates, Societates, Principes, Dominos, Gubernatores & Rectores Terrarum, Civitatum, Opidorum, Villarum & Dominiorum quorumlibet dictae Terrae Almaniae, Terras, Civitates, Opida, Villas, Castra, Patrias & Dominia sua, Subditos, Amicos, Alligatos, Confoederatos, Faventes & Adhaerentes suos quoscumque ex Parte altera, Contrahendi, Ineundi, Tractandi, Conveniendi, Appunctuandi, Concordandi pariter & Concludendi,
Unamque insuper aliam Dietam, si ipsis visum fuerit, Appunctuandi pariter & Concludendi, sub Modis, Formâ & Conditionibus, de quibus inter dictos nostros Ambassiatores, Procuratores, Deputatos & Nuncios, ac praefatos Spectabiles & Egregios Viros, ac inter Universiatates, Societates, Principes, Dominos, Gubernatores & Rectores praedictos, seu ipsorum Ambassiatores, Commissarios, Procuratores, Deputatos & Nuncios praedictos poterit concordari,
Caeteraqne omnia & singula Faciendi, Excercendi & Expediendi, quae in Praemissis seu aliquo Praemissorum seu circa ea conjunctim & divisim necessaria fuerint seu quomodolibet oportuna, ac quae qualitas & natura hujusmodi Negotii exigunt & requirunt, & quae Nosmetipsi facere possemus seu faceremus si personaliter interessemus, etiam si talia forent quae de se Mandatum exigant magis speciale;
Promittentes &c.
In cujus &c.
Teste Rege apud Westmonasterium, vicesimo octavo die Aprilis. |
May 4. Receipt for 25,090 francs from Charles K. of France. Westm.
O. xii. 652. H. v. p. iv. 112. |
Super Receptione Annuitatis Franciae.
An. 12. H. 7. Ibid. m. 5.
Rex universis & singulis, ad quos praesentes Literae pervenerint, Salutem.
Sciatis Nos Recepisse & Habuisse, Die confectionis Praesentium, ab Illustrissimo Carissimoque Fratre & Consanguineo nostro Karolo Gallorum Principe, per Manus apud Villam nostram Calesii, Viginti & quinque Millia Francorum in Coronis Auri (unoquoque Franco Viginti Solidos Turonenses, & unaquaque Corona Triginta & quinque Solidos Turonenses, valentibus) Nobis Primo Die Mensis Maii, Anno Domini Millesimo, Quadringentesimo, Nonagesimo Septimo, solvi debitorum, quae erat Nonus Terminus pro Parte Solutionis Summae Septingentarum Quadraginta & quinque Millium Coronarum Auri, Aestimationis praedictae, per ipsum Fratrem & Consanguineum nostrum vel Haeredes suos Nobis vel Haeredibus nostris solvendae, prout in Literis dicti Fratris & Consanguinei nostri, superinde confectis, quarum Data est apud Stapulas supra Mare, Die Tertiâ Mensis Novembris, Anno Domini Millesimo, Quadringentesimo, Nonagesimo secundo pleniùs continetur,
De quibus quidem Viginti & quinque Millibus Francorum in Coronis Auri, &
Aestimationis praedictae fatemur Nobis fideliter esse solutum, & eundem Fratrem & Consanguineum nostrum Haeredesque suos superinde fore Quietos & exinde plenè exoneratos.
In cujus &c.
Teste Rege apud Westmonasterium, Quarto Die Maii.
Per ipsum Regem. |
June 12. Licence to John bp. of Ely to suppress the priory of S. Radegunde, and to found a college in its place. Westm.
O. xii. 653. H. v. p. iv. 112. |
De Licentia ad Prioratum Sancte Radegundis Supprimendum & Collegium Fundandum.
An. 12. H. 7. Pat. 12. H. 7. p. 1. m. 14.
Rex omnibus, ad quos &c. Salutem.
Sciatis quòd Nos, tàm ex fidedigno Relatu Reverendi in Christo Patris Johannis Episcopi Eliensis, quàm ex publicaque Fama, accepimus quòd Domus sive Prioratus Religiosarum Mulierum Sanctae Radegundis, de Fundatione & Patronatu Episcopi, ut in Jure Ecclesiae suae Eliensis, ac Terrae, Tenementa, Redditus, Possessiones, Aedificia, necnon Res, Bona, Jocalia & alia Ornamenta Ecclesiastica eidem Domui sive Prioratui piè & caritativè antiquitùs Data & Collata, per Negligentiam atque improvidam & dissolutam Dispositionem & Incontinentiam, occasione Vieinitatis Universitati Cantebrigiae, Priorissarum & Religiosarum Mulierum Domûs antedictae, in tantum Dilapidata, Destructa, Devastata, Alienata, Diminuta, & Subtracta existunt, ipsaeque ad tantas Inopiam & Paupertatem sunt redactae quòd Divina Obsequia, Hospitalitatem, aut alia Misericordiae & Pietatis opera ibidem, juxta Primariam Fundationem & Ordinationem Fundatorum suorum usitata, manutenere & supportare, seu seipsas, quae Duae tantum Numero existunt (quarum una alibi professa alteraque Infans existit) aliqualiter Sustentare seu Relevare non valeant, set ipsas Domum sive Prioratum praedictas quasi desolatas relinquere oporteat,
Unde idem Episcopus, ob majorem Devotionem ac Divini Cultûs & Virtutis Augmentum, Nobis humillimè supplicavit ut sibi Licentiam nostram Regiam, quòd de Domo sive Prioratu praedicto Mulieres praedictas totaliter amovere & expellere, & inibi quoddam Collegium, perpetuis futuris temporibus duraturum, de novo Facere, Fundare, Erigere, Creare, & Stabilire possit & valeat, concedere dignaremur gratiosè,
Nos igitur, Praemissa ac piam & devotam Intentionem ipsius Episcopi intimè considerantes, intuitu Dei & ob sinceram Devotionem quam ad Sanctam & Individuam Trinitatem Beatissimamquae Virginem Dei Genitricem Mariam Sanctum Johannem Evangelistam atque Sanctam Virginem Radegundem & omnes Sanctos gerimus & habemus, de gratia nostra speciali, Concessimus & Licentiam Dedimus, prout per Praesentes Concedimus & Licentiam Damus, pro Nobis & Haeredibus nostris, quantum in Nobis est, eidem Reverendo Patri & Successoribus suis quòd Ipse & Successores sui Episcopi Elienses, ac Executores, Deputati & Assignati sui, seu eorum aliquis vel aliqui de Domo sive Prioratu praedicto quoddam Collegium de uno Magistro & Sex Sociis, & certo Numero Scolarium in Gramatica Erudiendorum, & ad Exorandum, & Divina singulis Diebus infra Collegium praedictum pro prospero Statu nostro & Elizabeth Reginae Angliae Consortis nostrae Carissimae, Carissimaeque Matris nostrae Margaretae, atque Praecarissimorum Filiorum nostrorum, Arthuri Primogeniti Principis Walliae, & Secundogeniti Ducis Eborum, caeterorumque Liberorum nostrorum dùm Vixerimus, ac pro bono Statu ipsius Episcopi similiter dùm vixerit, ac pro Animabus nostris cùm ab hac Luce migraverimus, ac etiam pro Anima Praecarissimi Patris nostri Edmundi Richemondiae, ac pro Anima ipsius Episcopi cùm similiter ab hac Luce migraverit, necnon pro Animabus Priorum Fundatorum Domuûs sive Prioratûs antedicti & omnium Fidelium Defunctorum imperpetuùm celebrandum, ac alia Misericordiae & Pietatis Opera ibidem, juxta Ordinationem & Stabilimenta per ipsum Episcopum aut Executores seu Assignatos suos praedictos in hac parte Facienda, Ordinanda, & Statuenda, Facere, Fundare, Erigere, Creare, & Stabilire possint & possit, perpetuis futuris temporibus duratura,
Et quòd Collegium praedictum, cùm sic Factum, Fundatum, Erectum, Creatum, & Stabilitum fuerit, Collegium beatissimae Mariae Virginis Sancti Johannis Evangelistae & Gloriosae Virginis Sanctae Radegundis juxta Cantebrigiam
in Comitatu Cantebrigiae imperpetuùm nuncupetur, vocetur & appelletur,
Quodque Magister, Socii, & Scolares Collegii praedicti & Successores sui, cùm sic, ut praemittitur, Erectum, Creatum, Factum, Fundatum, & Stabilitum fuerit, Magister, Socii, & Scolares Collegii Beatissimae Mariae Virginis Sancti Johannis Evangelistae & Gloriosae Virginis Sanctae Radegundis juxta Cantebriggiam nominentur, nuncupentur, vocentur, & appellentur,
Ita quòd per idem Nomen Placitare possint & Implacitari, ac Respondere & Responderi, atque Prosequi, Defendere, & Defendi in quibuscumque Curiis & Locis, & coram quibuscumque Judicibus sive Justiciariis Spiritualibus sive Temporalibus,
Et quòd sint unum Corpus & una Communitas Corporata in Re & Nomine, habeantque Successionem perpetuam ac Commune Sigillum pro Negotiis Collegii praedicti expediendis,
Et etiam quòd sint Personae habiles & capaces in Lege ad Perquirendum & Recipiendum Terras, Tenementa, Redditus, Reversiones, Pensiones, Annuitates, & alias Possessiones quascumque a quacumque Persona seu quibuscumque Personis ea eis Dare, Legare, seu Assignare volenti seu volentibus,
Et quòd ipsi Ordinationes, Statuta, & Stabilimenta pro bono & sano Regimine Collegii praedicti Concedere, Facere, Ordinare, & prout opus fuerit Stabilire possint & valeant,
Et ulterius, de uberiori Gratiâ nostrâ, Concessimus & Licentiam Dedimus praefato Episcopo, atque Successoribus suis, seu Executoribus & Assignatis suis praedictis, & eorum cuilibet, quòd ipsi, seu eorum aliquis, vel aliqui, postquam Collegium praedictum sic Factum, Fundatum, Erectum, Creatum, & Stabiitum fuerit, praefatos Magistros, Socios, & Scolares in Corporalem Possessionem Domûs sive Prioratûs praedicti ac omnium & singulorum Terrarum, Tenementorum, Reddituum, Servitiorum, Pensionum, Portionum, & aliarum Possessionum ediem Prioratui anantiquitùs datorum & collatorum tàm Spiritualium quàm Temporalium ac Jocalium & Ornamentorum Ecclesiasticorum quorumcumque eidem pertinentium & spectantium Instituere, Inducere, & Ponere, aut Institui, Induci, & Poni facere valeant & valeat, licitè & impunè,
Habenda & Tenenda praefatis Magistro, Sociis, & Scolaribus Collegii praedicti & Successoribus suis Magistro, Sociis, & Scolaribus ejusdem Collegii, ad Sustentationem suam, & ad alia Misericordiae & Pietatis Opera, juxta Ordinationem ipsius Episcopi aut Successorum suorum vel Executorum sive Assignatorum suorum praedictorum vel eorum alicujus, in hac parte faciendam, in liberam, puram, & perpetuam Eleemosinam, imperpetuùm,
Et eisdem Magistro, Sociis, & Scolaribus quòd ipsi Prioratum sive Domum praedictam, ac omnia & singula antedicta Terras, Tenementa, Redditus, Servitia, Pensiones, Portiones, Annuitates, & alias Possessiones quascumque, & caetera Praemissa, cum suis Pertinentiis, a praefato Episcopo seu Executoribus sive Assignatis suis praedictis Recipere, Acceptare, Habere, & Tenere Sibi & Successoribus suis Magistro, Sociis, & Scolaribus Collegii supradicti ad Sustentationem suam, ut praedictum est, possint & valeant, similiter Licentiam Dedimus & Concessimus specialem, absque Impedimento, Impetitione, Aresto, seu Gravamine quocumque Nostri aut Haeredum nostrorum Justiciariorum, Escaetorum, Vicecomitum, Coronatorum, Ballivorum, seu aliorum Officiariorum seu Ministrorum nostrorum quorumcumque; Statuto de Terris & Tenementis, ad Manum Mortuam non ponendis, aut aliquo alio Statuto, Actu, Ordinatione, Provisione, sive Restrictione, in contrarium factis, non obstantibus.
In cujus &c.
Teste Rege apud Westmonasterium, duodecimo die Junii.
Per ipsum Regem. |
