|
| Syllabus Entry |
Foedera Text |
Aug. 13. In consequence of the poverty of the K.'s army, and of the small aid given by his allies, the K. deputes lord Howard, the master of the rolls, the dean of the chapel, and Thomas Selynger to inform the French K. that he will return to England on receipt of a sum of money, and on the promise of a marriage between his daughter and the dauphin. Seyntre within Vermondose near Peronne.
O. xii. 14. H. v. p. iii. 65. |
Appunctuamenta, cum Adversario Franciae, pro Abstinentia Guerrae & Exercitu Regis Retrahendo.
An. 15. E. 4. Ex Autogr. Infra Tur.
Be It Openly Knowen and well understande that, on the xiii Day of the Moneth of August, the xv Yere of the Reigne of oure Soverain Lord King Edward IV. and the Yere of oure Lord M. CCCC. LXXV. oure said Soverain Lord, being in his Felde beside a Village call'd Seyntre, within Vermondose, a litell from Peron,
Being then and there with his Highnes,
My Lordes,
The Duc of Clarence,
And the Duc of Gloucestre,
His Brethern,
The Duc of Norffolc,
The Duc of Suffolc,
The Bishop of Lincoln his Chaunceller,
The Mercesse of Dorset,
Th'Erl of Northumbrelond,
Th'Erl of Riviers,
Th'Erl of Pembroke,
The Lorde Grey Ruthin,
The Lord Scrop,
The Lord Grey Codnore,
The Lord Stanley,
The Lord Hastynges,
The Lord Ferrers,
The Lord Howard,
Th'Erl Douglas,
The Lord Lisle,
The Maister of the Rolles,
The Dean of the Kynges Chapel,
The Dean of Welles,
The Dean of Westmynstre,
Sir Thomas Mongomery,
Sir Thomas Borough,
Sir William Parre,
Sir Richard Tunstall,
Thomas Selynger,
And,
John Ekyngton Tresorer of the Kynges Werres,
Upon certeyn Offres and Requestes, made unto his Highnes be the Frenssh Kyng, for a Treux an Abstinence of Werre, and other Intelligences to be had betwixt them both,
Consideryng the Povertie of his Armye, the nygh approchyng of Wynter, and smale Assistence of his Allies,
Called than and there before his Highnes the said Lord Howard, Maister of the Rolles, Dean of his Chapell, and Thomas Selynger, Charging and Commaunding them and every of theim to goo unto the said Frensh Kyng, or such as he shuld Depute for his Partie, Geving them Power and Auctorite, and also Charged them to Conclude with Him, or his said Deputees, under Fourme folowing, That is to say,
If the Frenssh King woll Bynde him, his Cuntreis, and Subgects to Paie, within xv Daies, unto oure said Soveraigne Lord lxxv M. Scutes,
And at Ester then next folowing xxv M. Scuts,
And at Michelmas than next folowing other xxv M. Scuts,
And soo continuelly forth yerely l M. Scutes during their both Lyves,
And also if the said Frenssh Kyng woll doo Marie his Son, called the Delphyn, at his Charge and Cost, to his Furst or the Second of oure said Soveraigne Lord's Doughters, indowing her with lx M. Lib. of Rent yerely after the Estimation of Fraunce,
That thain thei shuld bynd oure said Soveraigne Lord to withraw his Armie incontinent upon the Receipt of the said lxxv M. Scuts into Englond, and to Bynde him to ley Plegges soo to doo, soo that the said Pleggis shuld be deliverd at such Tyme as oure said Soverain Lord with the more part of his said Armie were descended in Englond.
And, over that, thei shuld make a private Amyte betwixt them both, bynding them to a mutuell Assistence in Case any of them both were be their Subgects wronged or disobeied.
And also to make betwixt them both a Treux and Abstinence of Werre, with Intercourse of Merchaundises for their Cuntries and Subgects, to endure for vij Yere next folowing.
The which Commaundement, so by oure said Soverain Lord to them gevyn, all and everich of the said Lordes, and others before named, Willed, Desired, and Praied the said Lord Howard, Maister of the Rolles, Dean of the Chapell, and Thomas Selynger to Take upon theim the siad Charge, and to doo according to the same, wherin thei wold Aide, Favour, and Assist them during their Lyves.
In Witnesse wherof oure said Soverain Lord hath signed, and everich of them before named have Subscribed thies Presentes with their Names.
G. Glarence.
R. Gloucestre.
T. Lincoln.
Suffolk.
Norff.
T. Dorsett.
H. Northumberland.
Pembrokew.
Antony grey.
Dowglas.
Scrop.
T. Stanley.
Hastyngs.
W. Par.
Mongomery.
T. Burgh.
W. Ferrers.
John Ekyngton.
R. Tunstall.
F. Pers Courtenay. |
Aug. 29. The K. promises to refer the differences between him and Lewis K. of France to the arbitration of Thomas cardinal of Canterbury, George duke of Clarence, Charles abp. of Lyons, and John count of Dunois, to be decided in three years. The camp near Amiens.
O. xii. 15. H. v. p. iii. 65. |
De Querelis Compromittendis: de Pecuniis solvendis; de Armata & Excercitu in Angliam Retrahendis.
An. 15. E. 4. Ex Autogr. Ibid.
R. E.
Rex universis & singulis, ad quorum notitiam praesentes Literae pervenerint, Salutem.
Cùm inter Potentissimos Anglorum Francorumque Principes Calamitosa, retroactis temporibus, Bella, Caedes, innumeraque Discrimina, ad Dampna eorum Subditorum imensa, enormeque universae Religionis Christianae Dispendium, hactenus acta fuere,
Quae & maturiùs & sanctiùs nequiunt terminari quàm si eorum Lites debitè cedantur, atque sua cuique Jura, ritè examinata, justè tribuantur,
Hinc est igitur quòd Nos,
Christicolarum Sanguinis essusionem vitare summopere anhelantes, Juraque nostra potiùs aliorum Laudo & arbitrio quàm cruenti Ensis formidine obtinere cupientes,
Cum Illustrissimo Principe Lodovico Fraunciae Consanguineo nostro charissimo Perfecimus, Convenimus, Conclusimus, & Appunctuavimus, & per Praesentes Perficimus, Convenimus, Concludimus, & Appunctuamus, ea omnia & singula, quae & prout in Articulis & Capitulis sequentibus continentur,
Imprimis, Consentimus, Volumus, Convenimus, & Appunctuamus quòd omnes Lites, Quaestiones, Querelae, & Demandae, pendentes in praesentiarum Indiscussae inter Nos & eundem Consanguineum nostrum Franciae antedictum, in Reverendissimum Patrem Thomam Archiepiscopum Cantuariensem Cardinalem Avunculum nostrum, & charissimum Fratrem nostrum Georgium Ducem Clarentiae, per Nos & ex Parte nostra, & Reverendissimum Patrem Carolum Archiepiscopum Lugdunensem, & Johannem Comitem de Demesio, per dictum Consanguineum nostrum & ex Parte sua, Arbitros seu amicabiles Compositores in hac parte nominatos & electos, Supponantur & Compromittantur,
Sic quod, si contingat aliquem vel aliquos dictorum Arbitrorum decedere aut adversâ Valetudine laborare, quo minus dictarum Litium Examinationi commodè vacare valeat aut valeant, alius seu alii in ejus eorumve locum, per Nos si de nostris, aut per dictum Consanguineum nostrum si de suis sint, deputentur & subrogentur,
Dantes & Concedentes eisdem Arbitris Potestatem & Auctoritatem ipsas Lites & Quaestiones, a Datâ Praesentium usque ad Tres Annos proximè futuros inclusivè, Componendi, Decidendi, & Terminandi,
Promittentes & Obligantes Nos stare Laudo, Arbitrio, & Determinationi dictorum Arbitrorum, super Praemissis, sub Poenâ Trium Milium Milium Scutorum, ab eo, qui dicto eorum Laudo non steterit, obtemperanti in fine dictorum Trium Annorum solvendorum,
Et quòd iidem Arbitri, aut loco eorum ut praemittitur Deputati & Subrogati, primò coram Nobis in Angliâ, pro ipsarum Decisione Litium, citra Festum Paschae proximò futurum, & de post coram dicto Consanguineo nostro in Francia, citra Festum Sancti Michaelis Archangeli extunc proximè futurum, conveniant, atque nostra ipsiusque Jura debitè examinent, & felici tramite terminent.
Item, Volumus, Promittimus, Convenimus, & Concludimus quòd, postquam reciperimus a praefato Consanguineo nostro Franciae, Septuaginta quinque Milia Scutorum Auri (unoquoque eorum Scutorum Triginta tres Magnos Albos valente) aut praedictam Summam in aliâ legali & bonâ Monetâ tanti Valoris, quòd extunc, omni convenienti maturitate & cum effectu, Exercitum, & Armatam nostram quam nunc hic Nobiscum habemus, absque fraude, in Angliam Retrahemus, a Guerrâ contra dictum Consanguineum nostrum & ejus Subditos omninò cessantes, nullam Civitatem, Villam, aut Castrum Regni Franciae in dicto nostro Regressu modo Hostili Capiendo & ad Opus nostrum Retinendo,
Dedimusque proinde Obsides Dominum de Howard & Johannem Cheyney unum Armigerorum pro Corpore nostro, qui apud dictum Consanguineum nostrum manebunt donec & quousque Nos cum majori dictae nostrae Armatae parte fuerimus in Regno nostro Angliae, sic quod postquam Nos cum dictae majori nostrae Amatae parte in Angliâ fuerimus, extunc ipsi Obsides exindè acquietentur & deliberentur, adeò ut Partes suas proprias vel alibi liberè aggredi poterint & valeant.
In quorum omnium & singulorum Praemissorum Fidem & Testimonium hiis praesentibus Literis nostris Patentibus, Manu propriâ subscriptis, Magnum Sigillum nostrum apponi fecimus.
Dat. in Campo nostro prope Civitatem Ambianen. Vicesimo nono Die Mensis Augusti, Anno Domini Millesimo, Quadringentesimo, Septuagesimo quinto, & Regni nostri decimo quinto.
R. E. |
Aug. 29. Truce until Aug. 29, 1482, between England and France, with inclusion of allies. Amiens.
O. xii. 17. H. v. p. iii. 66. |
Appunctuamenta de Treugis per Septennium duraturis.
An. 15. E. 4. Ex Autogr. Ibid.
R. E.
Edwardus, Dei gratiâ, Rex Angliae & Franciae, Dominus Hiberniae, omnibus, ad quos praesentes Literae pervenerint, Salutem.
Cùm dirus Christianorum Status crudeli Perfidorum Furore enormiter miserabiliterque in praesentiarum afflictus, ad veterem Prosperitatis felicitatem gloriosamque Famam sanctiùs & maturiùs reduci nequeat quàm Orthodoxae Religionis Principes, Potentatu saltim majores, Vires suas uniant, Treugarum Pacis Amicitiaeque Foedera componant, & Charitatis vinculo se invicem copulent,
Cúmque innumerabiles Bellorum Calamitates, inaestimabilesque Principibus atque eorum Dominiis & Subditis Pacis & Amicitiae felices sunt eventus,
Notum facimus quòd cum Illustrissimo Principe Ludovico Franciae, Consanguineo nostro charissimo Inivimus, Contraximus, Perfecimus, Convenimus, Conclusimus, & Appunctavimus, & per Praesentes Inimus, Contrahimus, Perficimus, Convenimus, & Concludimus bonas, sinceras, veras, firmas, & perfectas Treugas, Guerrarum Abstinentias, Ligas, Intelligentias, & Confoederationes, inter Nos, Regnum nostrum Angliae, Patrias & Dominia nostra, Haeredes, Successores, Vassallos, Subditos praesentes & futuros, Alligatos & Confoederatos nostros quoscumque (qui in ipsis Treugis velint comprehendi) & praefatum Serenissimum Principem Ludovicum Fraunciae Consanguineum nostrum Charissimum, Patrias & Dominia sua, Haeredes, Successores, Vassallos, Subditos praesentes & futuros, Alligatos & Confoederatos suos quoscumque (qui in eis etiam Treugis velint comprehendi) per Septem Annos a Datâ Praesentium proximò futuros duraturas, modo & formâ in Articulis seu Capitulis sequentibus contentis,
Quorum Tenor sequitur, & est talis,
Inprimis, quòd bonae, sincerae, verae, firmae, & perfectae sint & inviolabiliter habeantur Treugae, Guerrarum Abstinentiae, Ligae, Intelligentiae, & Confoederationes inter dictos Potentissimos Angliae & Franciae Principes, Patrias & Dominia sua quaecumque, Haeredes, Successores, Vassallos, Subditos praesentes & futuros, Alligatos & Confoederatos utriusque eorum (qui in ipsis Treugis, ut praemittitur, Comprehendi voluerint) necnon inter inclitissima Angliae & Franciae Regna, per Terram, Mare, Portus Maris & Aquas dulces,
Et quòd dictae Treugae Guerrarum Abstinentiae, Ligae, & Confoederationes incipiant, quoad Principes antedictos, & eorum Patrias, Dominia, Subditos & Vassallos, ab hac Die, & quoad dictorum Principum aut alterius eorum Alligatos & Confoederatos a tempore quo se declaraverint in dictis Treugis Comprehendi velle, & ipsa Declaratio antedictis Principibus notificata fuerit; sic tamen quòd ipsi Alligati, qui in ipsis Treugis velint Comprehendi, taliter se declarent Principi cum quo confoederantur; & ipse Princeps, cui sic declaratur, alteri Principi suis Literis id referat intra Tres Menses post Datam Praesentium proximè sequentes; & quòd ab hac eadem Die durent usque ad Finem Septem Annorum proximè sequentium inclusivè, sic quod finiant in vicesimo nono Die Mensis Augusti, post Solis Occasum ejusdem Diei, qui erit in Anno Domini 1482.
Item, quòd, durante dicto Septennio & Treugis praedictis, Bella, Guerrae, & Hostilitates quaecumque inter praefatos Angliae & Franciae Principes, utriusque eorum Haeredes, Successores, Vassallos, Subditos, & Confoederatos quoscunque (qui in ipsis Treugis, ut praemittitur, velint Comprehendi) necnon inter dicta Inclitissima Angliae & Franciae Regna, Patrias & Dominia sua quaecumque ubique locorum, per Terram, Mare, & Aquas dulces omninò cessabunt.
Item, quòd omnes & singuli utriusque dictorum Principum, aut eorum Alligatorum in hiis Treugis comprehensorum, Vassalli & Subditi (sive sint Principes, Archiepiscopi, Episcopi, Duces, Comites, Barones, Mercatores, aut cujusvis Statûs Conditionisve existant) durantibus Treugis antedictis, ubivis locorum sese mutuis Officiis prosequantur & honestâ Affectione pertractent, possintque liberè, tutò, & securè, absque alterius ejusve Subditorum Offensa seu Impedimento, ubique Perlustrare Terram, per Mare Navigare, hinc indeque, ad
Portus, Dominia, & Districtus quoscumque utriusque ipsorum Principum citra & ultra Mare (dùm tamen armati ultra Numerum Armatorum Centum simul non excedant) accedere, in eisque quamdiu volent Morari, Mercari, Merces, Mercimonia, Arma, & Jocalia quaecumque Emere, Vendere, & ut eis placet ab illinc ad Partes proprias vel alibi liberè, quotiens duxerint abeundum, abire, cum suis, aut conductis, aut commodatis, Navigiis, Plaustris, Vehiculis, Equis, Armaturis, Mercimoniis, Sarcinulis, Bonis, & Rebus suis quibuscunque absque ullo Impedimento, Offensâ, Arrestatione, ratione Marcae, Contramarcae, Reprisaliarum, aut aliâ Restrictione quacumque, tàm in Terrâ quàm in Mari & Aquis dulcibus, quemadmodum propriis in Patriis hac omnia facerent aut eis ea facere liceret; ita quòd nullo alio salvo Conductu generali aut speciali indigeant.
Item, quòd omnia Munera sive Onera, ab aliquo dictorum Principum in cujusvis eorum Patriarum sive Dominiorum partibus, a duodecim Annis citra imposita, Mercatoribus & Subditis alterius Principis nociva, penitùs extincta sint & rejecta; & quòd talia aut consimilia, durantibus hiis Treugis, amodò non imponantur; salvis tamen semper quoad alia omnibus Regionum Urbium & Locorum aliis Legibus, Statutis, & Consuetudinibus, quibus nichil quoad eorum Jura per Praemissa censetur Derogatum.
Item, quòd, si infra dictos Septem Annos, durantibus ipsis Treugis, aliquid contra vires & effectus earundem Treugarum & Abstinentiarum Guerrarum, per Terram, Mare, aut Aquas duces, per aliquem ipsorum Principum, Haeredes, Successores, Subditos, & Vassallos, aut Alligatos utriusque eorum (in hiis Treugis comprehendi se velle, ut praedicitur, declarantes) fuerit attemptatum, actum, aut gestum, quòd omnia ipsa, sic Attemptata, per Conservatores ipsarum Treugarum, ab ipsis Principibus seu saltem a Principe eorum sic Damnificantium nominatos, infra Mensem post Requisitionem superinde eis factam, unà cum Expensis sic Dampnificati aut Dampnificatorum, Restaurentur, Reficiantur, & Reparentur, sic quod propter nulla, durante harum Treugarum Termino, in contrarium attemptata, hae Treugae rumpantur nec terminentur; sed in suis viribus usque ad Finem dictorum Septem Annorum permaneant, & pro ipsis attemptatis solummodò puniantur ipsi attemptantes & damnificantes & non alii.
Item, pro matura & inviolabili harum Treugarum, Abstinentiarum Guerrarum, Ligarum, & Confoederationum Observantiâ & Conservatione, Electi & Nominati sint, ex parte Serenissimi Principis Angliae Regis, Conservatores,
Charissimi Fratres sui, Dux Clarenciae, & Dux Gloucestriae, Cancellarius Angliae, Custos Privati Sigilli, & Custos Quinque Portuum in Angliâ, & Praefectus sive Locumtenens dicti Regis Calesii, pro tempore existentes,
Et ex parte dicti Illustrissimi Principis Franciae, Clarissimus Vir Frater & Consanguineus suus Charissimus Comes de Bello Joco, & Johannes Bastardus de Borbonio Admirallus Franciae,
Qui quidem Conservatores dictorum Principum ac utriusque eorum, & Duo aut Unus eorum, ex parte saltem Principis Subditorum Damnificantium, si qui sint, sic Nominati Nominatusve, Aucthoritatem & Potestatem habeant & habeat ipsos Damnificantes Puniendi, Attentata & Damna, contra Vires harum Treugarum illata, unà cum Expensis Damnificatorum, Reficiendi & Reparandi,
Et, si contingat ipsos Conservatores, per ipsos Principes, ut praemittitur, Nominatos, super Reformatione aliquorum dictorum Attemptatorum fore discordes & inter eos super inde concordare non valentes, quòd tunc Causa illa referatur Concilio Principis Subditorum sic Damnificantium, aut, si opus sit, utriusque Principis; dum tamen Causa illa summariè & de plano coram eis examinetur & felici fine terminetur.
Item, quòd in praesentibus Treugis, Abstinentiis Guerrarum, Ligis, & Confoederationibus comprehendantur Alligati & Confoederati hincinde postea nominati, si in eis comprehendi velint; videlicet.
Ex parte Serenissimi Principis Angliae Regis,
Serenissimus & Illustrissimus Princeps semper Augustus Rex Romanorum,
Rex Castellae & Legionis,
Rex Scotiae,
Rex Portugaliae,
Rex Hierusalem & Ciciliae citra Farum,
Rex Aragoniae,
Rex Ciciliae ultra Farum,
Rex Daciae,
Et,
Rex Hungariae,
Potentissimique Duces Burgundiae & Britanniae,
Necnon Comunitas & Societas de Hansa Teuthonica,
Et ex parte dicti Illustrissimi Principis Franciae,
Romanorum Imperator,
Sacri Imperii Electores,
Reges,
Castellae & Legionis,
Scotorum,
Daciae,
Hierusalem & Ciciliae,
Et Hungariae,
Duces,
Sabaudiae,
Mediolani,
Januae,
Et Lotharingiae,
Episcopus Metens.
Dominium & Comunitas Florentiae,
Dominum & Comunitas de Berne,
Et eorum Confoederati.
Item, Illi de Liga Altae Almaniae & Illi de Patriâ Leodiensi, qui se Declaraverint pro Illustrissimo Principe Franciae, & in ejus Obedientiam se retraxerint.
Qui quidem Alligati utriusque dictorum Principem teneantur declarare Principi, cum quo confoederantur, se in hiis Treugis velle comprehendi, si in eis comprehendi velint, & idem Princeps alteri teneatur referre Principi, ut praemittitur, intra Tres Menses proximò post Datam Praesentium sequentes,
Quas quidem Treugas Principes antedicti, & eorum uterque promiserunt & promisit, in Verbo Principis & in bonâ Fide, juxta Vires Manutenere & inviolabiliter Servare Observarique Facere.
In quorum omnium & singulorum Praemissorum Fidem & Testimonium hiis praesentibus Literis nostris Patentibus, Manu propriâ subscriptis, Magnum Sigillum nostrum apponi fecimus.
Dat. in Campo nostro prope Civitatem Ambianen. vicesimo nono Die Augusti, Anno Domini 1475, & Regni nostri 15.
Edoward R. |
Treaty of friendship between K. Edward IV. and Lewis K. of France for their lives, and for a marriage between the K.'s daughter Elizabeth with Charles son of the French king.
O. xii. 19. H. v. p. iii. 67. |
Appunctuamenta de Amicitia cum Consanguineo Franciae, & de Matrimonio.
R. E.
An. 15. H. 6. Ex Autogr. Ibid.
Rex universis, praesentes Litteras nostras inspecturis, Salutem.
Cùm Res inter secundas nichil preciosius nil dignius aut Pace laudabilius existimatur, quâ Cives vigent, Principes honorantur & sublimantur, Jacturis atque Calamitatibus pressi eriguntur, innumeraque Bona a Pace proficiscuntur:
Notum facimus quòd, imminentia instantis temporis totius Christianitatis Perfidorum Rabie Turchorum Pericula & Discrimina maturè contemplantes, cum Serenissimo Principe Ludovico Franciae Consanguineo nostro carissimo Amicitiam, Ligam, Intelligentias, atque Confoederationem Inivimus, Contraximus, Perfecimus, Convenimus, & Conclusimus, & per Praesentes Inimus, Contrahimus, Perficimus, Convenimus, & Concludimus, modo & formâ in Articulis quae sequuntur,
Quorum Tenor sequitur & est talis,
Inprimis, quòd inter Illustrissimum Principem Angliae Regem & Serenissimum Principem Ludovicum Franciae Consanguineum suum Carissimum vera, sincera, & perfecta sit Amicitia, a Datâ Praesentium, Vitâ utriusque eorum Principum manente, duratura; sic quòd, quamdiu vixerint, Guerrae, Bella, & Hostilitates inter eos omninò Cessabunt, ymmò & Benivolentiâ & Amore Se & Sua mutuò pertractabunt.
Item, quòd praefatus Illustrissimus Princeps Franciae in & adversus Subditos Regis Angliae, qui cum Armis invadent & in Regno suo Angliae, Patriis, Dominiis suis Rebellionem facient, eum succurret & juvabit: Et pariformiter Serenissimus Rex Angliae in & adversus Subditos dicti Consanguinei sui Franciae, qui cum Armis invadent & in Patriis & Dominiis suis Rebellionem facient, eum succurret & juvabit.
Item, quòd neuter dictorum Angliae & Franciae Principum Auxilium & Juvamen eorum alterius Subditis. ad eorum Principem Armis Invadendum, & Guerram apertam in suis Patriis & Dominiis adversus eum faciendum, nullatenus impendet & praestabit; nec tales Subditos sic invadentes, in alterius Principis Praejudicium, in ejus Patriis & Dominiis receptabit & sustinebit.
Item, si contingat aliquem dictorum Principum, Dolo, Calliditate, & Inobedientiâ Subditi Subditorumve alicujus eorum a Patriis & Dominiis suis (quod Deus avertat) expelli, alteriusque eorumdem Principum Partes propter ejus Succursum petere, & de ejus Ope atque Auxilio ipsum requirere & interpellari; quod eo tunc ipse Princeps, sic Requisitus & Interpellatus, ipsum Principem sic Expulsum omni cum humanitate recipiet, & eum atque suos juxta vires suis facultatibus sustinebit, seque & sua, ut in Statum proprium & pristinum reponatur & restituatur, Guerram apertam faciendo, cum omni diligentiâ & affectione exponet.
Item, quòd neuter dictorum Principum aliquas Ligas seu Intelligentias amodò, cum aliquo alterius eorum Confoederato & Alligato, contrahet & faciet; nisi prius ipso Principe, cum quo sic confoederatur, superindè consulto & hoc consentiente.
Item, quòd, infra Annum a Datâ Praesentium, per antedictos Principes Nova statuatur DIETA, in quâ eorum Legati & Deputati talem Pecuniae & Monetae, utriusque Regni Angliae & Franciae, Aestimationem & Valorem apponant & statuant, quo ipsa Regna dictorumque Principum Subditi exindè magis habundare & ad comune eorum Bonum utiliùs prosperari valeant.
Item, Casu quòd aliquid, in hac Amicitia inpraesentiarum contentum, infringi amodò contingat, quòd ea propter praefata Amicitia, inter antedictos Principes, ut praemittitur, contracta, minimè Violetur seu Rumpatur; sed talia, contra dictam Amicitiam sic attemptata, maturiori modo quo fieri poterit Reparentur, & in Statum debitum Reducantur; ipsâ Amicitiâ in suo Robore & Effectu semper permanente.
Item, ad inviolabilem dictae Amicitiae Observantiam, inter Principes antedictos Promissum, Conventum, Concordatum, & Conclusum est, quòd Matrimonium contrahetur inter Illustrissimum Principem Karolum, dicti Potentissimi Principis Franciae Filium, & Serenissimam Dominam Elizabetham, dicti Invictissimi Regis Angliae Filiam, cùm ad Annos Nubiles pervenerint; & quòd idem Illustrissimus Princeps Ludovicus Franciae ipsam Dominam Elizabetham a Regno Angliae, pro Solempnisatione ejusdem Matrimonii, in Partibus Franciae, Sumptibus & Expensis ejusdem Principis Franciae, honorificè Conducet, Conducive faciet; ipsamque ad Sexaginta Millia Librarum Redditûs annui in Assieta, secundùm Consuetudinem Regni Franciae, annuatim dotabit: & quòd illa Dos assignetur & detur eidem Dominae quamprimùm ipsa ad Annos Nubiles pervenerit; Et, si contingat ipsam Dominam Elizabetham, ante Contractum, ut praemittitur, Matrimonium antedictum (quod Deus avertat) Decedere, quòd tunc inter ipsum Principem Karolum & Serenissimam Dominam Mariam, aliam supradicti Regis Angliae Filiam, Matrimonium contrahetur: ipsaque a Regno Angliae in Partes Franciae, Sumptibus ipsius Principis Franciae, honorificè Conducetur, & modo praemisso Dotabitur: Et, quòd Matrimonium antedictum, ut praedicitur, absque fallo celebrabitur, praefati Potentissimi Angliae & Franciae Principes in Verbo Principis & Fide praestitâ promiserunt, & uterque eorum promisit, omnibus suis viribus suas apponere Manus adjutrices, & cum effectu suos ad hoc continuò impendere Labores.
In quorum omnium & singulorum &c.
R. E. |
Aug. 29. Exemplification, dated Westm. July 13, 18 Edw. IV., of the obligation of Lewis K. of France to pay an annual pension of 50,000 crowns to the K. of England. Amiens.
O. xii. 20. H. v. p. iii. 67. |
Exemplificatio Litterae Annui Census.
Ex Autogr.
Henricus, Dei gratiâ, Rex Angliae & Franciae, & Dominus Hiberniae, omnibus, ad quos praesentes Literae pervenerint, Salutem.
Inspeximus Literas Patentes carissimi Consanguinei nostri Ludovici, nuper Francorum Regis Defuncti, in haec verba,
An. 15. E. 4.
Ludovicus, Dei gratiâ, Francorum Rex, universis, praesentes Literas inspecturis, Salutem.
Notum facimus quòd Concessimus, Promisimus, & Obligavimus Nos, & per Praesentes Concedimus, Promittimus, & Obligamus Nos, solvere & realiter & cum effectu deliberare, in Civitate Londoniarum in Anglia, Illustrissimo Principi Edwardo, eadem gratiâ, Angliae Regi, Consanguineo nostro carissimo, singulis annis, Vitâ utriusque nostrûm durante, Quinquaginta Millia Scutorum Auri (unoquoque eorum Scutorum Triginta tres magnos Albos valente) sub modo & formâ quae sequuntur; videlicet,
Solvemus & deliberabimus, solvive & deliberari faciemus, eidem Consanguineo nostro Regi Angliae, in Civitate Londoniae, Viginti quinque Millia Scutorum Auri, Valoris & Aestimationis praedictae, in Festo Paschae proximò futuro,
Et Viginti quinque Millia Scutorum Auri, ejusdem Aestimationis & Valoris, in Loco praedicto, in Festo Sancti Michaelis Archangeli extunc proximò sequente,
Et sic, de Anno in Annum, solvemus & deliberabimus, solvive & deliberari faciemus, dicto Consanguineo nostro, Loco & Terminis praefatis, Vitâ utriusque nostrûm durante, Quinquaginta Millia Scutorum Auri, Valoris antedicti, ad dictos Duos Paschae & Sancti Michaelis singulorum Annorum Terminos, per aequales, ut praemittitur, Portiones,
Ad quam quidem Solutionem, fideliter & firmiter, singulis Annis, per Nos, ut praefertur, Vitâ utriusque nostrûm durante, continuò faciendam, promittimus, astringimus, & obligamus Nos bonâ Fide & in Verbo Regio, tactis superinde Sacrosanctis Ewangeliis, Haeredes, Executores, & Successores nostros, Regnum, Patrias, Dominia, & Bona nostra praesentia & futura, singulos Subditos nostros atque eorum Bona ubicumque fuerint reperta,
Et ad omnium & singulorum Praemissorum securiorem Observatiam Obligabimus Nos sub Poenis Camerae Apostolicae, & per Obligationem de Nisi.
Ac, insuper, per Praesentes, Promittimus & Obligamus Nos quòd procurabimus & faciemus Societatem & Socios Banci de Medicis, pro antedictis Quinquaginta Milibus Scutorum, eidem Consanguineo nostro Regi Angliae, modo & formâ praedictis, inviolabiliter annuatim solvendis, debitè & legittimè Obligari, eorumque Cautionem, in Scriptis ritè superinde confectam, eidem Consanguineo nostro praestari & deliberari, aut Rescriptum Apostolicum, Sigillo plumbeo munitum, Sumptu & Aere nostro impetrare & obtinere, ipsique Serenissimo Regi Angliae, citra Festum Purificationis beatae Mariae Virginis proximò futurum, in Anglia deliberare deliberarive realiter facere.
Quae omnia & singula Praemissa Sedis Apostolicae Auctoritate confirmentur, appositis Poenis Interdicti in Regnum Patrias & Dominia nostra antedicta, atque Excommunicationis in Personam nostram, si omnia & singula Praemissa, ut praefertur, minimè servaverimus & perimpleverimus,
In quorum omnium & singulorum Praemissorum Fidem & Testimonium hiis praesentibus Literis nostris Patentibus, Manu propriâ subscriptis, Magnum Sigillum nostrum apponi fecimus.
Dat. in Civitate nostra Ambianensi Die vicesimâ nonâ Mensis Augusti, Anno Domini Millesimo, Quadringentesimo, Septuagesimo quinto, & Regni nostri Decimo quinto.
Nos autem Tenores Literarum praedictarum duximus EXEMPLIFICANDOS per Praesentes.
In cujus rei Testimonium has Literas nostras fieri fecimus Patentes.
Teste meipso apud Westmonasterium, Tertiodecimo Die Julii, Anno Regni nostri Decimo octavo.
Skypton.
Sub Sigillo Magno suo, cerae albae, pendente a Caudâ Pergamenae. |
Thomas Thwaytes is ordered to deliver the lady Margaret, daughter of K. Reigné, to sir Thomas Mongomery.
O. xii. 21. H. v. p. iii. 68. |
De Regina Margareta Deliberanda.
An. 15. E. 4. Ex Autogr.
R. E.
Rex, Dilecto & Fideli suo, Thomae Thwaytes, Salutem.
Mandamus vobis quòd Serenissimam Dominam Margaretam, Filiam Illustrissimi Principis Regis Reignati, quam aliàs Custodiae vestrae commiserimus, Dilecto & Fideli nostro Thomae Mongomery Militi deliberetis deliberarive faciatis,
Volumus enim vos de Custodia & Deliberatione ejusdem Margaretae erga Nos penitùs exonerari.
Teste &c. |
Nov. 13. Sir Thomas Mongomery is ordered to deliver the lady Margaret to Lewis K. of France.
O. xii. 22. H. v. p. iii. 68. |
De dicta Regina Recipienda.
An. 15. E. 4. Ex Autogr.
R. E.
Rex, Dilecto & Fideli suo, Thomae Mongomery Militi, Salutem.
Cùm aliàs Custodiae, Dilecti & Fidelis nostri, Thomae Thwaytes Serenissimam Dominam Margaretam, Filiam Illustrissimi Principis Regis Reignati commiserimus,
Et nuperimè eidem Thomae Thwaytes quòd ipse eandem Margaretam Manibus vestris liberaret Mandaverimus,
Vobis Mandamus quòd ipsam Margaretam a praefato Thoma Thwaytes Recipiatis, & eam Serenissimo Principi Lodowico Franciae Consanguineo nostro carissimo, aut aliis Personis quibuscumque, prout inter praefatum Consanguineum nostrum & vos Nomine nostro concordari poterit, deliberetis deliberarive faciatis,
Volumus enim vos pro Deliberatione illâ erga Nos penitùs exonerari.
Teste &c. decimo tertio Novembris. |
