|
| Syllabus Entry |
Foedera Text |
May 1. The K. orders Henry prince of Wales, constable of Dover castle and warden of the Cinque Ports, to summon the barons of the ports to provide their service of ships. Westm.
O. viii. 733. H. iv. p. ii. 10. |
Super Viagio Regis faciendo.
An. 13. H. 4. Claus. 13. H. 4. m. 18.
Rex, carissimo Filio suo, Henrico Principi Walliae, Constabulario Castri sui Dovorriae, & Custodi Quinque Portuum suorum, vel ejus Locumtenenti ibidem, Salutem.
Cùm Barones nostri Quinque Portuum praedictorum, de Anno in Annum, debeant nobis certa Servitia per Mare, si necesse fuerit, videlicet,
Quinque Portus praedicti cum Membris invenient Quinquaginta & Septem Naves supra Mare, ad Summonitionem nostram, Quadraginta Dierum, & in qualibet Navi Viginti Homines & Magistrum, Armatos & benè Arraiatos, ad faciendum Servitium nostrum,
Quae quidem Naves, ad proprios Custus dictorum Quinque Portuum, ubi summonitae fuerint, proficiscentur,
Et, quando dictae Naves ibidem venerint, Quindecim Diebus in Servitio nostro, ad proprios Custus Quinque Portuum praedictorum, morabuntur,
Et, Quindecim Diebus elapsis, Naves illae, cum Hominibus in illis existentibus, morabuntur ad Custus nostros, si de Servitio illo indiguerimus, quamdiu nobis placuerit, videlicet,
Magister Navis percipiet per Diem Sex Denarios,
Constabularius Sex Denarios, & quilibet aliorum Tres Denarios,
Sicut per Tenorem Cartarum de Libertatibus, dictis Baronibus Quinque Portuum per Progenitores nostros concessis (quas Confirmavimus) in Rotulis Cancellariae nostrae irrotulatarum, nobis constat,
Et quia Nos jam, certis de Causis, nos moventibus, firmum cepimus Propositum ad Mare, cum Potestate nostra, in propria Persona nostra, Deo dante, ad quoddam Viagium super Inimicos nostros faciendum, transire infra breve,
Volumus ut dicti Barones Servitium suum Navium praedictarum, in Fortificationem Armatae Viagii praedicti, faciant in forma praedicta;
Et ideò vobis Mandamus quòd Barones singulorum Portuum praedictorum, ac Membrorum eorumdem, ex parte nostra, sine dilatione, summoneri faciatis quòd ipsi, cum Navibus & Marinariis hujusmodi, sufficienter Arraiatis, prompti sint, apud Portum Villae nostrae Suthamptoniae, citra Crastinum Sancti Johannis Baptistae, proximò futurum, ad Proficiscendum supra Mare cum Armata nostra supradicta, & Servitium suum (sub Poena & Periculo iminentibus) in forma praedicta fideliter faciant ut tenentur,
Et Nos de Summonitione illa, cùm sic facta fuerit, Nobis in Cancellaria nostra, sub Sigillo vestro, distinctè & apertè, certificetis.
Teste Rege apud Westmonasterium, primo die Maii.
Per ipsum Regem. |
May 7. The K. orders the arrest of ships of Holland and Seland as reprisal for the debt of two merchants of Leyden and Delf to John de Waghen of Beverley. Westm.
O. viii. 733. H. iv. p. ii. 11. |
De Processu, super Literis de Marqua.
An. 13. H. 4. Pat. 13. H. 4. p. 2. m. 24.
Rex, universis & singulis Admirallis, & eorum Loca tenentibus, Custumariis, Custodibus Portuum Maris, & aliorum Locorum Maritimorum, necnon Vicecomitibus, Majoribus, Constabulariis, Ballivis, Ministris, ac aliis Fidelibus & Subditis suis in Cismarinis Partibus, tàm infra Libertates, quàm extra, constitutis, ad quos &c. Salutem.
Supplicavit nobis, dilectus Ligeus noster, Johannes de Waghen de Beverlaco ut,
Cùm Nos nuper, ad instantiam & Supplicationem ipsius Johannis, Nobis suggerentis ipsum aliquod Justitiae Complementum habere non potuisse, in Prosecutione, per ipsum & Procuratores suos, saepiùs factâ in Curia Alberti Comitis Palatini Ducis Baveriae, Comitis Holandiae & Selandiae, jam Defuncti,
Cui, carissimus Consanguineus noster, Ricardus, nuper Rex Angliae, defunctus, multotiens per Literas suas Requisitorias scripsit, pro solutione eidem Johanni, de Summâ Octingentorum
Quinquaginta & Duorum Nobilium & Dimidium, & Viginti & Duorum Denariorum, de Moneta nostra Angliae, sibi, per Pelegrinum Florensi, Mercatorem & Burgensem Villae de Leyd. in Holandia, & Dedericum Jacobson de Delf in Holandia, debitâ, faciendâ,
Concesserimus eidem Johanni Literas nostras de Marqua, versus praedictum Ducem & Subditos suos, quousque plenaria Satisfactio eidem Johanni de Summa praedicta facta fuisset, unà cum Custubus & Expensis, per ipsum & dictos Procuratores suos, circa Prosecutionem praedictam appositis & apponendis, prout per dictas Literas nostras de Marqua pleniùs poterit apparere,
Quas quidem Literas nostras, eo quòd nullum sortiebantur effectum, vivente praefato Duce, Executioni demandari non curavimus, quousque nos Willielmum nunc Ducem Baveriae Comitem Holandiae, Successorem praefati nuper Ducis, in hoc casu, primitùs requisiverimus, qualem Justitiam praefato Johanni facere vellet in hac parte,
Jamque ita existat quòd dictus Willielmus, nunc Dux Baveriae, ex parte nostrâ, virtute Literarum nostrarum, sibi diversis vicibus directarum, & debitè praesentatarum, per praedictum Johannem, pro Justitia sibi in Praemissis celeriter adhibenda, saepius requisitus, eundem Johannem, per plures subtiles Responsiones, & frivolas Dilationes, inquietavit multipliciter & fatigavit, quòd ipse aliquem effectum de Prosecutione sua praedicta nondum est adeptus, nec reportare potest in praesenti, in ipsius Johannis Dampnum non modicum & Gravamen, sicut, per Instrumenta Publica, super hoc confecta, & in Cancellaria nostra exhibita, plenè liquet,
Velimus, consideratione Praemissorum, praefato Johanni Literas nostras de Marqua, versus praefatum nunc Ducem & Subditos suos, quousque eiden. Johanni, de Summa praedicta, unà cum Sumptibus & Expensis, per ipsum & Procuratores suos, circa Prosecutionem appositis, & de caetero apponendis, integrè satisfactum fuerit, concedere gratiosè,
Nos (Supplicationi praedictae annuentes) vobis & cuilibet vestrûm Mandamus quòd universas & singulas Naves, de partibus Holandiae & Selandiae, in aliquibus Portubus & Locis infra Regnum nostrum Angliae jam existentes, & exnunc venturas, unà cum Magistris, Marinariis, Bonis, Mercandisis, & Rebus suis quibuscumque, quae in Navibus illis invenire poteritis, nomine Marquae & Reprisaliae, de tempore in tempus, Capi & Arestari, & ea sub salva, secura, & honesta Custodia poni faciatis,
Nosque de Captione & Arestatione Navium, Magistrorum, Marinariorum, Bonorum, Mercandisarum, & Rerum praedictorum, ac de toto Facto vestro in hac parte, in Cancellariam nostram Angliae, de tempore in tempus, distinctè & apertè, sub Sigillis vestris certificetis, ut indè, ad Prosecutionem praefati Johannis, cum saniori Deliberatione, facere valeamus quod justum fuerit in Praemissis, & fore viderimus consonum Rationi.
In cujus &c.
Teste Rege apud Westmonasterium, septimo die Maii.
Per ipsum Regem. |
May 15. Safe conducts for Walter bp. of Brechin, William lord of Grame, Alexander de Ogilby, sheriff of Angus, John de Wernys, David Beningne, abbot of Melrose, William de Douglas of Drumlanrig, and seven other Scots. Westm.
O. viii. 734. H. iv. p. ii. 11. |
Pro quibusdam de Scotia.
An. 13. H. 4. Scot. 13. H. 4. m. 4.
Rex, per Literas suas Patentes, per unum Annum duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Walterum Episcopum Brechenensem, Willielmum Dominum de Grame, Alexandrum de Ogilby Vicecomitem de Angus, & Johannem de Wernys, de Scotia, conjunctim, & divisim, cum Viginti Personis (cujuscumque Statûs, Ordinis, Gradûs, sive Conditionis existant) cum Equis, Rebus, & aliis Necessariis quibuscumque, absque aliquo impedimento, salvò & securè, per Terram, vel per Mare, in Regnum Regis Angliae veniendo, ibidem morando, & exindè, ad eorum beneplacitum, sine aliqua Molestatione vel Arrestatione, ratione Marquae, Reprisaliae, Debiti, Compoti, sive Conventionis cujuscumque, totiens quotiens sibi placuerit, ad partes suas proprias redeundo,
Proviso semper quòd praefati, Episcopus, Willielmus, Alexander, Vicecomes, & Johannes, & Personae praedictae quicquam, quod in Regis seu Populi sui praejudicium cedere valeat,
non attemptent seu attemptari facere praesumant,
Et quòd ipsi & eorum quilibet erga Regem & Populum suum benè & honestè se gerant & habeant, & quod Personae praedictae Proditores Regis seu Gentes abjudicatae aut extra dictum Regnum suum bannitae non existant,
Et quòd ipsi praesentes Literas Regis de salvo Conductu, ante ingressum cujuslibet Castrorum, Villarum firmatarum, seu aliorum Fortalitiorum Regis quorumcumque, Majoribus sive Custodibus eorumdem primitùs demonstrent.
Teste Rege apud Westmonasterium, decimo quinto die Maii.
Per ipsum Regem.
Ibid.
Rex, &c. ut supra usque ibi, speciales, & tunc sic, David Beningne Abbatem de Melros, Willielmum de Douglas de Drumlangrig, & Johannem de Sancto Claro, conjunctim, & divisim, cum Viginti Personis, &c. ut supra mutatis mutandis.
Teste ut supra.
Per ipsum Regem.
Ibid.
Rex, &c. ut supra usque ibi, speciales, & tunc sic, Robertum de Erskyn, Patricium de Dunbarre Fratrem Comitis de Dunbarre, & Alexandrum de Halybourton, de Scotia, conjunctim, & divisim, &c. ut supra.
Teste ut supra.
Per ipsum Regem.
Ibid.
Rex, &c. ut supra usque ibi, speciales, & tunc sic, Jacobum de Douglas, Fratrem Comitis de Douglas, Dominum Johannem de Mountgomery, & Willielmum Walas, conjunctim, & divisim, &c. ut supra.
Teste ut supra.
Per ipsum Regem. |
May 18. Safe conduct for John Steward, earl of Boghan, Walter Steward of Levenax, son of Mordac Steward, Patrick de Gram, earl of Strathern, son of lord de Hay and Alexander Gram, coming as hostages for Mordac Steward, master of Fife; also for sir Walter Steward of Raylston and John de Lethe. Westm.
O. viii. 735. H. iv. p. ii. 11. |
De Obsidibus pro Mordaco Steward.
An. 13. H. 4. Ibid.
Rex, per Literas suas Patentes, usque Festum Omnium Sanctorum proximò futurum duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Johannem Steward Comitem de Boghan, Walterum Steward de Levenax Filium Mordaci Steward, Patricium de Gram Comitem de Straderne Filium & Haeredem Domini de Hay Constabularii Scotiae, & Alexandrum Gram Filium & Haeredem Domini de Gram, conjunctim, & divisim, cum Quadraginta Personis (cujuscumque Statûs seu Conditionis fuerint) in Comitiva sua, in Regnum Regis Angliae, penes Praesentiam Regis, certis de Causis, Pedestres vel Equestres, per Terram vel per Aquam, Nocte Dieque, per Castra, Villas firmatas, & alia Dominia Regis quaecumque, veniendo, ibidem morando, & exindè ad propria redeundo, ac Equos, Res, Bona, & Hernesia sua quaecumque,
Nolens idem Rex quòd ipsi, ratione aliquarum Actionum, Querelarum, seu Demandarum, ante haec tempora habitarum, capiantur, arestentur, imprisonentur, inquietentur, molestentur in aliquo, seu graventur,
Proviso quòd praedicti, Johannes, Walterus, Patricius Filius & Haeres Domini de Hay, & Alexander, aut Personae praedictae, aliqua Regi seu Regno Regis Angliae praejudicialia non faciant aut facere vel attemptare praesumant,
Et quòd Personae praedictae Proditores Regis seu Gentes Abjudicatae, aut extra Regnum Regis praedictum Bannitae non existant quovis modo,
Nolens idem Rex ulterius quòd praesentes Literae Regis, quoad ipsos Johannem, Walterum, Patricium Filium & Haeredem Domini de Hay, & Alexandrum, postquam Obsides coram Rege, pro Mordaco Steward Magistro de Fiffe devenerint (si ipsos sic Obsides fore contigerint pro eodem) alicujus sint vigoris seu effectûs, set quoad alias Personas praedictas in suo robore permaneant & virtute.
Teste Rege apud Westmonasterium, decimo octavo die Maii.
Per ipsum Regem.
Rex, per Literas suas Patentes, usque Festum Sancti Martini in Yeme proximò futurum duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Walterum Steward de Raylston Chivaler, & Johannem de Lethe Armigerum, de Scotia, conjunctim, & divisim, cum Sexdecim Personis in Comitiva sua, &c. ut supra usque ibi, quaecumque, & tunc sic, quotiens sibi placuerit, veniendo, &c. ut supra mutatis mutandis usque ibi, quovis modo, & tunc sic.
Teste ut supra.
Per ipsum Regem. |
May 16. Exemplification of the K.'s letter to the proconsuls of North Berne, informing them that their merchants at S. Botolph's are released, and desiring them to release English merchants there, dated Westm., Sept. 22, 12 H. IV. Westm.
O. viii. 736. H. iv. p. ii. 12. |
Super Discordiis in Partibus Norwegiae; de Exemplificatione.
An. 13. H. 4. Pat. 13. H. 4. p. 2. m. 22.
Rex Omnibus, ad quos &c. Salutem.
Inspeximus Tenorem cujusdam Literae nostrae, de Privato Sigillo nostro, per Nos, Proconsulibus, Consulibus, & Scabinis, caeterisque Judicibus, Magnifici Principis, Daciae, Norwegiae, ac Sweciae Regis, Filii nostri carissimi, apud North Berne Residentibus, nuper missae,
Quem quidem Tenorem, quadam aliâ Literâ nostrâ, de eodem Privato Sigillo nostro, interclusum, in Cancellariam nostram misimus Exemplificandum, in haec verba,
Henricus, Dei gratiâ, Rex Angliae & Franciae, & Dominus Hiberniae, Magnae Providentiae Viris, Proconsulibus, Consulibus, & Scabinis, caeterisque Judicibus, Magnifici Principis, Daciae, Norwegiae, ac Sweciae Regis, Filii nostri carissimi, apud North Berne Residentibus, Salutem.
Cùm exortae diu Controversiae & magnae Discordiae inter certos Mercatores Villae nostrae de Lenn, partes de North Berne praedictae mercantaliter usitantes, ex una, caeterosque Mercatores de Hansa, Regnum nostrum Angliae modo consimili frequentantes, parte ex altera, occasione quarumdam Arestationum, tàm Personarum, quàm Bonorum & Mercandisarum, ac aliorum Gravaminum, hinc indè factorum, ad evitandum nostrum vestrúmque Fastidium, quod generari posset ex nimia prolixitate verborum, ad praesens omittimus recitare,
Set, ut deveniamus ad Rem, comparentibus hodiè, coram Nobis & Concilio nostro, certis dictae Villae nostrae Mercatoribus, ex una, necnon Alberto Strode, & Swethe Van Bent, Procuratoribus & Attornatis communis Societatis Mercatorum de Hansa, in dicto Loco de North Berne conversantium & residentium, parte ex altera,
Iidem Procuratores, pro bono Pacis hinc indè, &, ut hujusmodi Discordiae modo quidem amicabili sopiantur, tactis per eos Sacrosanctis Evangeliis, juraverunt ac fideliter promiserunt quòd omnes & singuli Ligei nostri, Mercatores Anglici, nuper, ad Instantiam illorum de Hansa, in dicto Loco de North Berne arrestati, ac ibidem de ipsorum & Mercandisarum suarum Excercitio liberóque Transitu praepediti, ab Arrestationibus & Restrictionibus hujusmodi quibuscumque, super ipsis in hac parte factis, necnon de omnimodis Securitatibus, per dictos nostros Mercatores Anglicos, coram quibuscumque Judicibus ac aliis de Concilio dicti Regis, Dat. &c. apud North Berne supradictam, quacumque ex Causa, ad Instantiam seu Procurationem vel Occasione Gentium de Hansa praedictarum inventis, postposito cujusvis Dilationis incommodo, erunt penitùs liberati, acquietati, & exonerati, ac integrè relaxati,
Promiserunt etiam iidem Procuratores, per eorum Sacramentum antedictum, se omnem diligentiam erga ipsorum Socios quoscumque fideliter & pro viribus impensuros, quòd omnes & singuli Mercatores Regni nostri Angliae, supradictum Locum de North Berne de caetero frequentantes, adeò suaviter & amicabiliter erunt inibi successivis pertractati temporibus, quemadmodum ipsi de Hansa per Nos Vice versâ desiderant confoveri,
Super hiis etenim Conditionibus suprascriptis, de Assensu Concilii nostri, quandam Securitatem Duarum Milium Marcarum, in quibus certi nostri Ligei Mercatores, apud Sanctum Botholphum, pro illis de Hansa, nuper Nobis extiterant obligati, in Thesauraria nostra repositam, fecimus penitùs relaxari, Gen-
tibusque de Hansa, qui jam a Portu de Sancto Botholpho de eorum Transitu sunt Restricti, exindè unà cum Bonis & Mercandisis suis liberam Recedendi dedimus facultatem,
Quae omnia & singula vobis innotescimus per Praesentes, ut circa celerem ac liberam Relaxationem Arestationum & Restrictionum praedictorum Ligeorum nostrorum, ac Bonorum & Mercandisarum suorum, secundum Formam & Effectum Sacramenti & Promissionis praedictorum, cum effectu velitis interponere partes vestras,
Dictos Ligeos nostros Mercatores, caeterosque de Ligeantia nostra, qui mercandisandi Causâ dictas Partes de North Berne adire voluerint, taliter tamque suaviter ac amicabiliter pertractando & confoveri faciendo, sicuti Vestrates, Regnum nostrum pacificè visitantes, ac visitare volentes, per nos pertractari cupitis & foveri.
Dat. sub Privato Sigillo nostro apud Palatium nostrum Westmonasterii, vicesimo secundo Die Septembris, Anno Regni nostri Duodecimo.
Nos autem Tenorem praedictum, Tenore Praesentium, duximus Exemplificandum.
In cujus &c.
Teste Rege apud Westmonasterium, decimo sexto die Maii.
Per Breve de Privato Sigillo. |
May 16. The K. to the commonalties of Ghent, Bruges, Ypres, and Friesland; understands that the duke of Bungundy intends to attack Guyenne, and asks if they intend to observe their truce with England. Westm.
O. viii. 737. H. iv. p. ii. 12. |
Super Motibus Ducis Burgundiae contra Alligatos Principes.
An. 13. H. 4. Ex Origine. Pen. Cleric. Pell.
Henri, par la Grace de Dieu, Roy d'Engleterre & de Fraunce, & Seignur d'Irlande, as, Honurez & Sages Sires, les Burgh-Maistres, Eschevins, & Advoe des Villes de Gand, Bruges, Ipre, & du Terroir du Frank, noz Chiers & especialx Amys, Salut & Dilection.
Honurez Sires & Chiers Amys, il est venuz a nôtre Cognoissance, par Relation Creable, Coment, souz l'Ombre & Colour de nôtre Adversaire de France, le Duc de Burgoigne, Conte de Flandres, vôtre Seigneur, pris a, ou prendre Purpose, en Brief, son Chemin vers nôtre Paiis de Guyenne, a l'entente pour Degaster & Destruire ycelle nôtre Paiis & noz Foialx Subgis illoeque, & par especial, noz Treschers Cousins & bons Amys, les Ducs de Berry, d'Orliens, & de Bourbon, les Contes d'Alencon & d'Arminac, & le Sire de Lebret,
Parquoy, si vôtre dit Seignur le Duc vuille perseverer en son dit Injurieuse & Malicieuse Propos, signiffier Nous veullez, a toute bone Haste, par voz Lettres & par le Porteur de Cestes, si ceux du dit Paiis de Flandres pensent Tenir & Maintenir, pour lour Part, les Trieuves d'entre Nous & eux darrainement Prinses, saunz assister au dit Duc vôtre Seignur, en son dit Maliciouse Purpos, contre Nous, ou nonn.
Entendantz, Honures Sires & Chiers Amys, q'en Cas que ceux de la Partie de Flandres entendent & veullent les dictes Trieuves garder & observer pour lour Part, pour le Profit comun, Nous Entendons & Purposons faire pareillement, pour nôtre part.
Honures Sires & Chiers Amys, lui Saint Esprit vous vuille tous jours Garder.
Don. souz nôtre Prive Seal, a nôtre Paloys de Westmonster, le xvj jour de May.
Dorso.
As Honures & Sages Sires les Burgh Maistres, Eschevins, & Advoe des Villes de Gand, Bruges, Ipre, & de Terroir du Frank, noz Cheres Amys. |
May 17. The K. orders his son John [duke of Bedford] and Ralph earl of Westmoreland, wardens of the east and west marches, to publish the truce till Easter 1418 concluded with Scotland. Westm.
O. viii. 737. H. iv. p. ii. 12. |
De Proclamatione Treugarum Scotiae.
An. 13. H. 4. Claus. 13. H. 4. m. 15. dors.
Rex, carissimo Filio suo, Johanni Custodi de la Estmarche versus Scotiam, Salutem.
Cùm, inter Commissarios nostros & Commissarii Roberti, Filii Regis Scotiae, Ducis Albaniae, Comitis de Fyff & de Menetetht, & Gubernatoris Scotiae, virtute Commissionum eis in hac parte factarum, Concordatum & Appunctuatum existat quòd bonae & fideles Treugae, Particulares per Terram, ab aqua de Spey in Scotia, usque ad Montem Sancti Michaelis in Cornubia, & Generales per Mare, stabunt & fideliter ob-
servabuntur, inter Nos, Regnum, Terras, Possessiones, Ligeos, & Subditos nostros, & praefatum Gubernatorem, Terras, Possessiones, Ligeos, & Subditos Scotiae, a Festo Omnium Sanctorum ultimo praeterito, usque ad Festum Paschae quod erit Anno Domini Milesimo, Quadringentesimo, Decimo octavo,
Eisdem formâ, vigore, & effectu, quibus in Treugis apud Hawdenstank, inter carissimum Patrem nostrum, Johannem, Filium Regis Edwardi nuper Regis Angliae Avi nostri, nuper Ducem Aquitanniae & Lancastriae, & alios Commissarios secum, & David, Primogenitum Regis Scotiae, Ducem de Rotessay & Comitem de Carrik, & alios Commissarios secum, pleniùs continetur,
Salvo semper quòd, virtute Concordiae & Appunctuamenti praedictorum, aliquis Prisonarius, ante Festum Sancti Michaelis, quod fuit Anno Domini Millesimo, Quadringentesimo Decimo, captus, minimè frethietur,
Nos, Treugas praedictas firmiter & inviolabiliter observari volentes, vobis Mandamus quòd Treugas praedictas in singulis locis Marchiae praedictae, ubi magis expediens fuerit & necesse, publicè proclamari, ac firmiter & inviolabiliter observari, demandetis.
Teste Rege apud Westmonasterium, decimo septimo die Maii.
Consimile Breve dirigitur, carissimo Fratri Regis, Radulpho Comiti Westmerlandiae Custodi de la Westmarche versus Scotiam. |
May 18. Treaty between the K. and the dukes of Berry, Orleans, and Bourbon, and the earl of Alençon, for the restoration of Guyenne to the K., and for mutual assistance against the French K. Bourges.
O. vii. 738. H. iv. p. ii. 12. |
Concordia appunctuata inter Regem & Confoederatos Principes Franciae.
An. 13. H. 4. Ex Autogr.
Haec Est Finalis Concordia, Facta inter, Illustrissimum & Serenissimum Principem, Henricum Quartum post Conquestum Regem Angliae & Franciae, Dominum Hiberniae, ac Ducem Aquitanniae, ex parte una,
Et, Nobiles & Potentes Dominos, Johannem Ducem Bituriae & Alverniae, Comitem Pictaviae, Stamparum, Boloniae & Alverniae,
Karolum Ducem Aurelianensem & Valesii, Comitem Blesensem & Bellimontis, & Dominum Conciaci,
Johannem Ducem Bourbonii, Comitem Clarimontis & Forestarum, & Dominum Belli Joci,
Et Johannem Comitem de Alanconio & de Pertica, Dominum Filgeriarum & Guerchiae, ex parte altera,
De & super quibusdam Articulis & Conventionibus, Restitutionem realem Ducatûs Aquitaniae, praefato Regi & Duci, Haeredibus & Deputatis suis faciendam, concernentibus,
Qui, AD PERPETUAM REI MEMORIAM, appunctuantur in hunc modum,
In Primis, Appunctuatum & Concordatum est in hunc modum, quòd praefati Domini effectualiter, dolo, fraude, & subterfugiis quibuscumque cessantibus, exponent Personas suas, suáque Corpora, pro dicto Rege Angliae & suis Haeredibus, & eorum Deputatis, in omnibus suis Bonis atque Justis Querelis, quotienscumque per Regem Angliae, Ducem Aquitaniae, aut ejus Haeredes fuerint requisiti; salvâ semper eorum Fidelitate:
Inter quas quidem justas & rationabiles Querelas Regis Angliae, praefati Domini, ac eorum Procuratores, eorum nomine, recognoscunt quòd haec est una & justa Querela, quam habet pro Ducatu Aquitaniae Rehabendo, cum suis Juribus & Pertinentiis universis, & Obtinendo, cùm sibi debeatur Jure haereditario & Successione naturali, ut ipsimet etiam recognoscunt:
Declarant insuper praefati Domini, & eorum Procuratores, eorum nomine, quòd in nullo offendunt seu laedunt eorum Fidelitatem praedicto Domino Regi Angliae assistendo, ac praedictum Ducatum Aquitaniae liberando eidem, sive suis Haeredibus, sive eorum Deputatis, & cum effectu.
Secundò, Appunctuatum & Concordatum est quòd praefati Domini, & eorum Procuratores, eorum nomine, offerunt Filios, Filias, Nepotes atque Neptes, Parentes & Affines, etiam omnes eorum Ditioni seu Facultati suppositos, pro contrahendis Matrimoniis, juxta Domini Regis antedicti providentiam atque discretionem.
Tertiò, Appunctuatum & Concordatum est quòd praefati Domini, & eorum Procuratores, eorum nomine, offerunt Villas, Castra, Thesauros, & universaliter omnia Bona sua mobilia & immobilia, in Auxilium atque Succursum dicti Domini Regis Angliae, Haeredúmque suorum, pro suis Querelis
tuendis, prosequendis, atque fovendis; salvâ tamen eorum Fidelitate, quam in hoc non offendunt, prout in primo Appunctuamento declaratur.
Quartò, Appunctuatum & Concordatum est quòd praefati Domini, & eorum Procuratores, eorum nomine, offerunt praefato Domino Regi Angliae singulos eorum Amicos, & universaliter omnes eis Adhaerentes (videlicet) ferè omnes Nobiles Franciae, Clericos solempniores, Cives atque Mercatores honestiores; qui omnes (saltem pro incomparabili parte) dictis Dominis favent & favebunt, & de facto ac realiter favebunt Domino Regi Angliae, in suis justis Querelis, & Restitutione dicti Ducatûs, pro eorum viribus & juxta posse.
Quintò, Appunctuatum & Concordatum est quòd praefati Domini parati sunt Restituere, & realiter, dolo, fraude, & machinatione cessantibus quibuscumque, Restituent praedicto Domino Regi Angliae, suísve Haeredibus, aut eorum Deputatis, omnimodam & quamlibet Partem Ducatûs Aquitaniae, extra manus Domini nostri Regis Angliae jam de facto existentem, cum omnibus suis Juribus & Pertinentiis debitis seu consuetis, ita integrè & in tàm plenâ libertate sicut aliquis Praedecessor seu Praedecessor suus unquam possidebat; nil excipientes quod spectat ad praefatum Ducatum seu Dominium Aquitaniae:
Declarantque praefati Domini, ac eorum Procuratores, eorum nomine, quòd non solùm obedient praefato Domino Regi, suisque Haeredibus, sed etiam Commissariis, per eum aut suos Haeredes deputandis:
Recognoscunt insuper praefati Domini, ac eorumdem Procuratores, eorum nomine, Castra, Villas firmatas seu clausas, & alia Dominia, existentia in praefato Ducatu, quae pro nunc obtinent, se tenere a praedicto Domino Rege Angliae Duce Aquitaniae, tanquam ab eorum Domino Duce Acquitaniae, & post eum a suis Haeredibus Ducibus Acquitaniae, per Homagium; promittendo & exhibendo Servitia & Obsequia debita, modis melioribus quibus talia promitti atque fieri consueverunt suorum Praedecessorum temporibus:
Declarantque praefati Domini, & eorum Procuratores, eorum nomine, quòd, tàm ipsi, quàm eorum Subditi, in praefato Ducatu, ferè Mille & Quingenta Fortalitia obtinent, pro & de quibus faciunt & facient, ut jam dictum est:
Et dictus Dominus Rex & Dux Aquitaniae manutenebit & observabit dictorum Dominorum, necnon Subditorum eorum, Libertates & Privilegia, per suos Illustres Progenitores, Duces Acquitaniae, Indulta & Concessa, necnon laudabiles & rationabiles Consuetudines, per Duces Acquitaniae, Praedecessores praefati Domini Regis, permissas temporibus retroactis:
Et insuper praefati Domini, & eorum Procuratores, eorum nomine, promittunt quòd omnes Villas, Civitates, atque omnia Castra, Fortalitia, & caetera Dominia quaecumque, cum eorum Juribus & Pertinentiis universis, ad dictum Regem & Ducem Acquitaniae spectantia, quae nomine communi dicuntur Regalitati pertinere, dicto Domino Regi atque Duci, Haeredibus aut Deputatis eorum, liberabunt de Facto, in quantum subsunt eorum Facultati, absque dilatione & difficultate quibuscumque;
Quorum Fortalitiorum Nomina, usque numerum Vigenarium, sequuntur hic inscripta; videlicet,
Civitas de Basar,
Chastel & Ville de Saint Macayre,
Le Chastel & Ville de la Rieule,
La Ville de Poylegrue,
La Ville de Salvetat,
La Ville du Port Saint Marie,
Le Chastel de Castelculier,
La Ville de Saint Foy,
Le Chastell & Ville de Penadagenoys,
La Ville de Saint Pascour,
La Ville de Montclare Dagenoys,
La Ville de Ville Royal,
La Ville de Montpasier,
La Ville de Belmont,
La Ville de Monlieres,
La Ville de Ville Franque,
Le Chastel & Ville Dache,
Le Chastel & Ville de Caylus de Bonnete,
La Ville de Figeat,
Le Chastel & Ville de Naugeat,
Ea verò Fortalitia, dicto Ducatu pertinentia, quae eorum Potestati aut Ditioni non sunt supposita aut subjecta, praedicto Domino Regi, suisque Haeredibus, aut eorum Deputatis, pro viribus fideliter atque diligenter conquestabunt, seu ad Conquestam juvabunt, fideliter & juxta posse, cum suis Gentibus in Numero rationabili, secundum conditionem & qualitatem Dignitatis & Statûs cujuscumque eorumdem, & Sumptibus suis propriis, usque ad finalem Conquestam Ducatûs antedicti.
Excipiuntur tamen de Terris, Dominiis, atque Fortalitiis supradictis, quaedam Terrae, Dominia, atque Fortalitia, de quibus praefato Domino Regi Angliae,
Duci Acquitaniae, placuit ordinare, disponere, & appunctuare in modum qui sequitur,
In Primis, placet praedicto Domino Regi atque Duci Acquitaniae, quòd Dominus Dux Bituriae, Avunculus suus praedilectus, & fidelis Subditus & Vassallus, habeat integrè & pacificè ex Concessione & Investitura Domini Regis Angliae, Ducis Acquitaniae, ejus Domini, Comitatum Pictaviae, vitâ comite dumtaxat; sic tamen & taliter quòd dictus Dominus Dux Bituriae recipiat, recognoscat, & teneat praefatum Comitatum, praefato Domino Regi Angliae, Duci Acquitaniae, ejus Domino, & suis Haeredibus faciendo Homagium, &, ut morisest; &, post decessum praefati Ducis Bituriae, dictus Comitatus Pictaviae ad Regem Angliae, Ducem Acquitanniae, & suos Haeredes integrè & pleno jure revertetur & remanebit imperpetuùm;
Et, ut praesens Tractatus Validior atque Securior maneat, sic est Appunctuatum, quòd praedictus Dominus Rex Angliae, Dux Acquitaniae,, in praesenti, Tria Fortalitia realiter habebit & in sua manu tenebit (videlicet) Fortalitium Lisignaci, Fortalitium Pictavens. & Fortalitium Nyord; quae Tria Fortalitia erunt Munita & Custodita juxta discretionem Domini Regis, suorúmque Haeredum, secundum temporis necessitatem seu exigentiam,
Et hoc de Exitibus, Reventionibus, & Redditibus dicti Comitatûs, in quantum dictorum Fortalitiorum Receptae, Redditus, sive Reventiones ad hoc non sufficient:
Et dabit dictus Dominus Dux Bituriae bonam Assecurationem, de aliis Castris & Fortalitiis dicti Comitatûs, per modum qui sequitur (videlicet) quòd ponet tales Capitaneos & Custodes in illis Fortalitiis, quos nec Rex Angliae, Dux Acquitaniae, ejus Dominus, nec Haeredes sui habebunt suspectos; qui Capitanei sive Custodes jurabunt & promittent dicto Domino Regi Angliae, Duci Acquitaniae, Haeredibus aut eorum Deputatis, tactis Sacrosanctis Evangeliis, quòd dicta Fortalitia, post decessum dicti Ducis Bituriae, ponent, tradent, & liberabunt in manus Regis Angliae, vel Haeredum aut Deputatorum suorum, realiter & cum effectu, & nulli alteri, cujuscumque Dignitatis, Statûs, aut Conditionis existant.
Item, placet praefato Domino Regi Angliae, Duci Acquitaniae, quòd dictus Dominus Dux Aurelianensis, suus fidelis Subditus & Vassallus, habeat integrè & pacificè, ad totum Terminum Vitae suae Comitatum Angolismensem, ex Concessione & Investitura praefati Regis Angliae, Ducis Acquitaniae; sic tamen & taliter quòd dictus Dominus Dux Aurelianensis recipiat, recognoscat, & teneat praefatum Comitatum à praefato Domino Rege Angliae, Duce Acquitaniae, ejus Domino, & suis Haeredibus, faciendo Homagium, &, ut moris est; &, post decessum praefati Ducis Aurelianensis, dictus Comitatus Angolismensis ad Regem Angliae, Ducem Acquitaniae, & suos Haeredes integrè & pleno Jure revertetur & remanebit imperpetuùm;
Et, ut praesens Tractatus Validior atque Securior maneat, sic est Appunctuatum, quòd praedictus Rex Angliae, Dux Acquitaniae, ejus Dominus, in praesenti realiter habebit & in sua manu tenebit Castrum quoddam vocatum Castrum Novum super Charent, quod pertinet ad praelibatum Comitatum: cujus Custodia atque Munitio, secundum praedicti Regis discretionem, disponetur juxta temporis necessitatem; &, si praedicti Castri seu Fortalitii Redditus non sufficerent pro ipsius Custodia necessaria, tunc de Receptis, Reventionibus, & Redditibus praedicti Comitatûs, fiet Custodia Castri antedicti eodem modo, quo de Tribus Fortalitiis Comitatûs Pictaviae appunctuatum existit:
Et dabit Dominus Dux Aurelianensis bonam Assecurationem de aliis Castris & Fortalitiis dicti Comitatûs, per modum qui sequitur (videlicet) quòd ponet tales Capitaneos & Custodes in illis Fortalitiis & Castris, quos nec Rex Angliae, Dux Aquitaniae, ejus Dominus, nec Haeredes sui habebunt suspectos; qui Capitanei sive Custodes jurabunt & promittent, tactis Sacrosanctis Evangeliis, dicto Domino Regi Angliae, Duci Aquitaniae, Haeredibus vel eorum Deputatis, quòd dicta Castra & Fortalitia, post Decessum dicti Ducis Aurelianensis, ponent, tradent, & liberabunt in manus dicti Domini Regis, Ducis Aquitaniae, vel Haeredum aut Deputatorum suorum, & nulli alteri, realiter & cum effectu, ut supra de Fortalitiis Comitatûs Pictaviae fuit Appunctuatum.
Item, placet praedicto Regi Angliae, Duci Aquitaniae, quòd praefatus Dominus Dux Aurelianensis, suus praedilectus & fidelis Subditus ac Vassallus, habeat, ex Concessione & Investitura praefati Regis Angliae, Ducis Aquitaniae, sibi & suis Haeredibus imperpetuùm, Comitatum Petragoricensem (salvo jure cujuscumque) sic tamen & taliter quòd
dictus Dux Aurelianensis & Haeredes sui recipiant, recognoscant, & teneant praefatum Comitatum a praefato Rege Angliae, Duce Acquitaniae, & ejus Haeredibus, per Homagium, & ut moris est.
Item, placet praedicto Domino Regi Angliae, Duci Acquitaniae, quòd Comes Armigniaci, ejusque Haeredes perpetuò, pacificè, & quietè possidebunt Quatuor Castellanias (videlicet) Gleolle, Sancti Genisii, Rupis Valsergne & Carsaignes de Begongues, sic tamen quòd dictus Comes, pro praelibatis Castellaniis, faciet praedicto Domino Regi Homagium, & suis Haeredibus, & ut moris est; & ob hoc dictus Dominus Rex liberaliter praedictas Castellanias Contulit & Confert dicto Comiti Armigniaci suisque Haeredibus perpetuò.
Et Postremo, ob has Concessiones, & hiis de Causis, praedicti Domini unanimiter, ut supra Appunctuatum est, & eorum Procuratores, eorum nomine, Promiserunt, & per Praesentes Promitunt & se Obligant, pro viribus, ad Conquestam praedicti Ducatûs Juvare dictum Dominum Regem Angliae, Ducem Aquitaniae, sumptibus suis, modo & formâ quibus superius declaratur, pro Castris, Fortalitiis, & aliis Dominiis quibuscunque, pertinentibus ad eundem Dominum Regem, Ducem Aquitaniae (quae nomine Communi dicuntur Castra sive Fortalitia Regalia) integrè obtinendis per eundem Dominum Regem suosque Haeredes, etiam cujuscumque Dignitatis, Statûs, aut Conditionis existat.
Sexto, Appunctuatum est & Concordatum, inter dictum Regem Angliae, Ducem Acquitaniae, & dictos Dominos, in hunc modum; quòd dictus Rex Angliae, Dux Aquitaniae, dictos Dominos, suos Vassallos & fidelis Subditos, Defendet sive Defensabit, & eis, ut eorum verus Dominus, impendet Auxilium & Succursum, &, in quantum in eo erit, de Duce Burgundiae eis faciet Justitiae complementum:
Et neque dictus Rex Angliae, neque sui Haeredes facient quascumque Confoederationes, Tractatus, sive Concordias, cum Johanne Duce Burgundiae moderno, neque Natis suis, Fratribus, aut Cognatis suis Germanis quibuscumque, sine scientia & consensu dictorum Dominorum, suorumque Haeredum:
Et, e converso & modo consimili, neque praedicti Domini, neque sui Haeredes facient quascumque Confoederationes, Tractatus, sive Concordias cum praefato Duce Burgundiae, Natis, Fratribus, aut Cognatis suis Germanis quibuscumque, sine scientia & consensu dicti Regis Angliae, Ducis Aquitaniae, suorumque Haeredum.
Promittuntque insuper Domini antedicti, & eorum Procuratores eorum nomine Promittunt & se Obligant, & quilibet eorum Sigillatim & divisim praedicto Regi Angliae, Duci Aquitaniae, eorum Domino, & ejus Haeredibus, Promittit & se Obligat, ut sui veri Vasalli & Fideles Subditi, quòd si, in Prosequendo dictum Ducem Burgundiae, aliqua Persona, cujuscumque Dignitatis, Statûs, sive Conditionis existat, veniat vel rebellet contra dictum Regem, Ducem Aquitaniae, eorum Dominum, Haeredes aut Deputatos suos, vel eos impediat vel eis disturbum faciat, quòd tunc praedicti Domini stabunt & fideliter assistant praedicto Regi Angliae, Duci Aquitaniae, eorum Domino, Haeredibus aut Deputatis suis cum tota sua Potestate, nec eum dimittent, quacumque viâ, seu aliquo quovismodo quaesito colore; ymmò cum praefato Rege Angliae, Duce Acquitaniae, eorum Domino, constanter & firmiter perseverabunt absque fraude & contradictione quibuscumque.
Septimo, Concordatum & Appunctuamentum est in hunc modum, quòd dictus Rex Angliae, Dux Aquitaniae, Succurret dictis Dominis, tanquam suis Subditis & Vassallis, in omnibus bonis & justis Querelis eorum, etiam ad Reparationem Offensarum & Dampnorum, per Ducem Burgundiae, suos, aut sibi Adhaerentes, praefatis Dominis, eorum Fautoribus, Benivolis, Servitoribus & Confoederatis injustè illatorum, adhibebitque dictus Rex & Dux diligentiam suam ut etiam sint Reparati ad Honores,
Illis tamen Dampnis & Offensis, per quoscumque Anglicos, cujuscumque Dignitatis, Statûs, vel Conditionis fuerint ultimo Anno praeterito perpetratis, dumtaxat exceptis,
Intendit etiam dictus Rex & Dux ambobus Regnis Concordiam ponere, secundum meliorem modum quem ei Deus ministrabit.
Octavo, Appunctuatum & Concordatum est, quòd Auxilium, per dictos Dominos pro praesenti requisitum (videlicet) Mille Homines Armorum, & Tria Millia Sagittariorum, arripient iter suum usque Blesis meliori modo quo fieri poterit, & ibi recipient sua Vadia a dictis Dominis, scilicet, pro Termi-
no Trium Mensium, fiet autem Solutio singulis Mensibus in exordio cujuslibet Mensis,
Et insuper, quoad quantitatem Stipendiorum, pro dictis Tribus Mensibus, sic Concordatum est quòd, pro quolibet Mense,
Quilibet Miles percipiet a praefatis Dominis Triginta Scuta Auri,
Quilibet Armiger Quindecim,
Et quilibet Sagittarius, Septem Scuta & Dimidium.
Ad quas quidem Conventiones sive Appunctuationes, benè & fideliter, ex parte dictorum Dominorum, tenendas & realiter perficiendas, praefati Domini Sigillatim Sigilla sua Praesentibus apposuerunt.
Datum Bituris, decimo octavo die Mensis Maii, Anno Domini Millesimo, Quadringentesimo duodecimo.
Jehan, Charles, Jehan, Jehan,
Sub Quatuor Sigillis rubeâ Cerâ expressis, & pendentibus a caudis pergamenae. |
May 18. Oath of the ambassadors of the French nobles to the above-mentioned treaty. London.
O. viii. 742. H. iv. p. ii. 14. |
Forma concordiae Memoratae, per dictorum Principum Ambassiatores, in eorundem Animas juratae.
An. 13. H. 4. Ex Autogr.
Omnibus, ad quos praesentes Literae pervenerint, Jacobus Magni in Sacra Pagina Professor, Ector de Pontbriant, Petrus de Versallis in Sacra Pagina Bachalarius formatus, & Galesius de Acheyo Miles, ac Johannes Louveti Domicellus,
Procuratores, Nuncii, Legati, sive Ambassiatores, Nobilium & Potentum Dominorum, Johannis filii Regis Francorum Ducis Bituriae & Alverniae Comitis Pictaviae, Stamparum, Boloniae, & Alverniae, Karoli Ducis Aurelianen. & Valesii Comitis Blesen. & Bellimontis & Domini Conciaci, Johannis Ducis Bourbonii Comitis Clarimontis & Forestarum & Domini Belli Joci, Johannis Comitis de Alanconio & de Pertica Domini Filgeriarum & Guerchiae,
Et Johannis de Lopiac Miles,
Procurator, Nuncius, Legatus sive Ambassiator, Nobilis & Potentis Domini, Bernardi Comitis Armigniaci, Fesenci, Ruthenorum, & Pardiaci, Salutem.
Sciatis quòd Nos, Virtute & Auctoritate Procuratoriorum, Commissionum, & Potestatis, nobis in hac parte sufficienter per Dominos antedictos Concessae, ad Tractandum, Concordandum, & Concludendum, cùm, Serenissimo Principe, Domino Henrico, Dei gratiâ, Rege Angliae ac Duce Aquitaniae, de & super Restitutione & Traditione Reali Ducatûs Acquitaniae,
Cum suis Juribus & Pertinentiis universis, ad dictum, Serenissimum Dominum, Regem Angliae Ducem Acquitaniae Haereditaro jure pertinentibus,
Per praefatos Dominos nostros, eidem illustrissimo Regi & Duci, Haeredibus aut Deputatis suis fiendâ,
Post plures Communicationes cum praefato Serenissimo Rege & Duce habitas,
Nomine Dominorum nostrorum praedictorum, & procuratorio Nomine, Concordati sumus finaliter cum praefato Serenissimo Rege, & Duce, de & super quibusdam Articulis & Appunctuamentis, Restitutionem realem praefati Ducatûs concernentibus, ac Confoederationes Dominorum nostrorum praedictorum, in modo & forma qui sequuntur,
In Primis, Appunctuatum & Concordatum est &c. ut supra usque ibi septem Scuta & Dimidium, tunc sic,
Ad Quas Quidem Conventiones sive Appunctuationes benè & fideliter, ex parte Dominorum nostrorum praedictorum, tenendas & realiter perficiendas, Nos, procuratores sive Commissarii antedicti, omnes & singuli, supra sancta Dei Evangelia, corporaliter per nos tacta, in Animas Dominorum nostrorum Juramentum praestitimus corporale,
In cujus rei Testimonium Sigilla nostra Praesentibus Sigillatim apposuimus.
Datum Londoniae decimo octavo die Mensis Maii, Anno Domini Millesimo Quadringentesimo duodecimo, Et Anno Regni praefati illustrissimi Regis Henrici Quarti post Conquestum tertio decimo.
Sub sex Sigillis caereis rubeique Coloris, pendentibus a caudis pergamenae.
Quartum Sigillum deest. |
May 20. The K.'s four sons Henry, prince of Wales, Thomas, steward of England, John, constable of England, and Humfrey, promise to observe the above treaty. London.
O. viii. 743. H. iv. p. ii. 14. |
Promissio, ex Parte Quatuor Filiorum Regis, de Principes Confoederatos defendendo, & auxilio iis impendendo.
An. 13. H. 4. Ex Autogr.
Universis Christi fidelibus, ad quos praesentes Literae pervenerint, Henricus, Illustris Regis Angliae & Franciae Primogenitus, Princeps Walliae, Dux Acquitaniae, Lancastriae, & Cornubiae, ac Comes Cestriae, Thomas Secundogenitus Senescallus Angliae, Johannes Tertiogenitus Angliae Constabularius, Humfridus ejusdem Illustrissimi Principis Quartogenitus, Salutem & fidem Praesentibus indubiam adhibere.
Cùm nuper, honorabiles viri, Jacobus Magni in sacra Pagina Professor, Ector de Pontbriant, Petrus de Varsalliis in sacra Pagina Bacallarius formatus, Galesius de Acheyo Miles, ac Johannes Louveti Domicellus, Procuratores, Nuncii, Legati sive Ambassiatores, Nobilium & Potentissimorum Dominorum, Johannis Ducis Bituriae & Alverniae, Comitis Stamparum, Boloniae, & Alverniae, Karoli Ducis Aurelianensis & Valesii, Comitis Blesensis & Bellimontis, & Domini Conciaci, Johannis Ducis Bourboniae, Comitis Clarimontis & Forestarum, ac Domini Belli Joci, Johannis Comitis de Alanconio & de Partica, Domini Filgeriarum & Guerchiae, & Johannes de Lopiaco Miles, Procurator, Nuncius, Legatus, sive Ambassiator, Nobilis & Potentis Domini, Bernardi Comitis Armaniaci, Fesenci, Ruthenorum & Pardiaci,
In Praesentia, Illustrissimi Principis & Domini, Domini Henrici, Dei gratia, Regis Angliae & Franciae Patris nostri, personaliter constituti,
Vice & nomine dictorum Dominorum suorum, optulerunt, promiserunt, & concesserunt praefato Domino nostro Regi, suisve Haeredibus, aut eorum deputatis, omnimodam & quamlibet Partem Ducatus Aquitaniae, extra Manus Domini nostri Regis praedicti jam de facto existentem, quam pro nunc optinent, Restituere & effectualiter Liberare cum suis juribus & pertinentibus universis,
Eam verò Partem, quae suae Potestati aut Ditioni in praesenti supposita non existit, Conquestare seu ad Conquestam juvare fideliter & juxta Posse,
Nos, Henricus, Thomas, Johannes, & Humfridus, dicti Illustrissimi Principis Nati supradicti,
Considerantes & Mente Sedula revolventes dictas Oblationes, & alias Promissiones & Concessiones, pro parte dictorum Dominorum, praefato Domino nostro Regi & Patri, sicut praemittitur, factas, in dictorum Domini nostri Regis & Regni Honorem & Commodum effectualiter cedere in futurum, &, ut eo magis in eorum Benevolentia, Subjectione, Fidelitate, & Proposito dicto Domino nostro Regi, Haeredibus, & Successoribus suis, animentur & consistant,
Promittimus, pro Parte nostra, quòd praefatos Dominos Duces & Comites, fideles Subditos & Vassallos eidem Domino nostro Regi & Patri, & Haeredibus suis, existentes, in sua Justitia, contra quoscumque, prout ad Nos attinet, Defendemus, ac eisdem Auxilium & Succursum debita impendemus, sicut & prout fidelibus Subditis & Vassallis dicti Domini nostri Regis impendere obligamur,
Quódque, in dictorum Dominorum Johannis, Karoli, Johannis, Johannis, & Bernardi, Ducum & Comitum, fidelium, ut praemittitur, Subditorum & Vassallorum, Praejudicium, nullas, aliquo tempore, Confoederationes sive Concordias, cum Johanne Duce Burgundiae, Natis, Fratribus, aut Cognatis suis Germanis quibuscumque, indebite faciemus,
Quae Omnia & Singula Universitati vestrae deducimus per Praesentes.
In quorum omnium Testimonium atque fidem Nos, Jacobus, Ector, Petrus, Galesius, Johannes & Johannes, Nuncii, Procuratores, & Ambassiatores antedicti, huic Parti endentatae Sigilla nostra apposuimus.
Dat. in Civitate Londoniarum Anno Regni dicti, metuendissimi Domini nostri, Regis decimo tertio, Mensis Maii die vicesimo.
Sub Sigillis omnium Commissariorum praedictorum de cera rubea pendentibus a caudis pergamenae. |
May 20. Safe conduct for Giles de Bretagne, son of the Q. of England, coming to England. Westm.
O. viii. 744. H. iv. p. ii. 15. |
Pro Filio Reginae.
An. 13. H. 4. Franc. 13. H. 4. m. 14.
Rex, per Literas suas Patentes, per unum Annum duraturas, Suscepit in salvum & securum Conductum suum, ac in Protectionem, Tuitionem, & Defensionem suas speciales, Egidium de Bretaigne, Filium Carissimae Consortis Regis Reginae, in Regnum Regis Angliae, penes Personam Regis, cum Viginti Personis & totidem Equis in Comitiva sua, ac Bonis & Hernesiis suis quibuscumque, veniendo, ibidem morando, & perhendinando, & exinde ad Propria redeundo,
Proviso semper quòd Personae praedictae extra Regnum Regis Angliae Bannitae non existant, nec quòd ipsi quicquam, quod in Regis seu Populi sui Dampnum vel Praejudicium cedere valeat, attemptent seu attemptari faciant quovis modo,
Teste Rege apud Westmonasterium, vicesimo die Maii.
Per ipsum Regem. |
May 23. Safe conduct for five or six monks of Cormeillz and S. George de Bankerville in Normandy coming to negotiate with Edward duke of York. Westm.
O. viii. 744. H. iv. p. ii. 15. |
Pro Monachis de Normannia.
An. 13. H. 4. Ibid. m. 15.
Rex, per Literas suas Patentes, per unum Annum duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Quinque vel Sex Monachos de Abbatiis de Cormeillz & Sancti Georgii de Bankerville, vel alibi in Normannia, cum Sex Servientibus in Comitiva sua, necnon Equis, Bonis, & Hernesiis suis quibuscumque, in Regnum Regis Angliae, pro certis Causis & Materiis, cum, Carissimo Consanguineo Regis, Edwardo Duce Eborum tractandis & comunicandis, veniendo, ibidem morando, & exinde ad Propria redeundo,
Proviso semper quòd Personae praedictae extra Regnum Regis Angliae Bannitae non existant, nec Ipsi quicquam, quod in Regis seu Populi sui Dampnum vel Praejudicium cedere valeat, attemptent seu attemptari faciant quovis modo.
Teste Rege apud Westmonasterium, xxiij die Maii.
Per ipsum Regem. |
May 27. Restitution of the temporalities to Hugh Morton, abbot of S. Peter's, Gloucester. Westm.
O. viii. 744. H. iv. p. ii. 15. |
De Restitutione Temporalium.
An. 13. H. 4. Pat. 13. H. 4. p. 2. m. 17.
Rex, Escaetori suo in Comitatu Gloucestriae, ac Marchiae Walliae, eidem Comitatui adjacentis, Salutem.
Cùm, Venerabilis Pater, Thomas Episcopus Wygorniensis, Electionem,
Nuper factam in Ecclesia Conventuali beati Petri Gloucestriae, Ordinis Sancti Benedicti, suae Dioecesis, de, dilecto Nobis in Christo, Fratre Hugone Morton, Monacho ejusdem Domûs, in Abbatem Loci illius,
Cui priùs Regium Assensum adhibuimus & favorem,
Confirmaverit, sicut per Literas Patentes ipsius Episcopi, nobis inde directas, Nobis constat,
Nos, Confirmationem illam acceptantes, eidem Electo Temporalia Abbatiae illius, prout moris est, Restituimus;
Et ideo tibi Praecipimus quòd eidem Electo,
Cujus Fidelitatem, Nobis pro Temporalibus praedictis debitam, per dilectum nobis in Christo, Abbatem de Teukesbury capi Mandavimus,
Temporalia praedicta cum pertinentiis in Balliva tua, Liberes in forma praedicta; salvo jure cujuslibet.
Teste Rege apud Westmonasterium, xxvij die Maii.
Consimilia Brevia diriguntur Escaetoribus subscriptis, sub eadem Datâ; videlicet,
Escaetori R. in Com. Wygorn.
Escaetori R. in Com. Herefordiae ac Marchiae Walliae eidem Com. adjacentis.
Escaetori R. in Com. Sutht.
Escaetori R. in Com. Salop.
Escaetori R. in Com. Wiltes.
Et Mandatum est Militibus, &c. |
May 30. Licence for Holynere Wayylant and Robert Normaunt, with seven other French prisoners, to leave England. Westm.
O. viii. 745. H. iv. p. ii. 15. |
De Passagio pro Francigenis Prisonariis.
An. 13. H. 4. Claus. 13. H. 4. m. 4.
Rex, Custodibus Passagii in Portu Sandewici, Salutem.
Mandamus vobis quòd Holynere Wayylant, & Robertum Normaunt de Normannia, & alios Septem Socios suos Francigenas, Prisonarios nuper per quosdam Ligeos nostros supra Mare de Guerra captos,
Qui, de Licentia nostra, versus partes Normanniae, tàm pro Redemptionibus ipsorum Prisonariorum, quàm pro Redemptionibus quorumdam aliorum Sociorum suorum Prisonariorum, in Prisona, infra Regnum nostrum Angliae, ut dicitur, detentorum, quaerendis, & eisdem Ligeis nostris solvendis, profecturi sunt,
In Portu praedicto, versus partes praedictas, in aliquo Vase vocato Fissherbote, aut aliquo alio Vase, Nobis pro certis Viagiis nostris, in proximo faciendis, deservire non valente, liberè & absque impedimento aliquo transire permittatis,
Aliquo Mandato nostro, vobis prius in contrarium directo, non obstante,
Dum tamen aliqua, Nobis seu Regno nostro Angliae praejudicialia, secum non deferant quovis modo.
Teste Rege apud Westmonasterium, xxx die Maii. |
