The Fraternity of Jesus: Grant of foundation and incorporation from Henry VI

I. THE GRAUNTE OF KING HARRY THE SIXT FOR THE FUNDACION AND CORPORACION. (fn. 1)

Henricus, Dei gracia Rex Anglie et ffrancie et Dominus Hibernie, omnibus ad quos presentes littere pervenerint, salutem. Mediator Dei et hominum Jesus Cristus, Filius Dei vivi, ut in prothoplausto lapsum vidit universum genus hominum eterne gehenne suppliciis Dei decreto cruciandum, immencissime misericordiarum thesauris nostre reparacionis salutare produxit remedium, atque ut, eterna redempcione inventa, totum salvaret hominem, glorie sue participem regni denique celestis faceret coheredem, nichil, cum Deus ipse Deo equalis esset, non subeundum statuit quod in predictum precium restitucionis nostre Deo Patri potuit immolare, disrupit, inquam, celos et descendit intra inviolate puelle viscera, formam indui non dedignatus humanam; et ex Apostolicis verbis si loquimur, semetipsum exinanivit formam accipiens serci, habituque inventus ut homo omnia tulit humana, eciam usque ad mortem factus est obediens. Mortem itaque pro maculosis passus Agnus Ipse sine macula, in sacrosanctis militantis Ecclesie thesauris interminabilem reposuit copiam meritorum, propter quod et Deus exaltavit Eum et donarit Illi Nomen quod est super omne nomen, ineffabile Nomen illud Jesus, potestatis maxime, auctoritatis immense, magestatis infinite, cui merito genuflectit omne celestium, terrestrium, et infernorum. Neque enim aliud est nomen sub celo datum hominibus in quo oprteat eos salvos fieri. In cujunsque Nominis honore quamplures ligei nostri, Cristi fideles, spiritu devocionis ducti et excitati, in quodam Ecclesie Cathedralis Sancti Pauli Londoniarum loco vocato le Crowdes (fn. 2) quandam ffraternitatem sive Gildam inter se, et de se, ac aliis de fraternitate sive Gilda illa esse affectantibus devote inchoarunt, que sic inchoata usque in presens continuata existit pacifice et quiete, ut accepimus. Jamque per dictos ligeos nostros metuentes, quod ffraternitas sive Gilda predicta rite et legittime juxta juris exigenciam fundata et stabilita non existit; et si sic, tunc totum et quicquid est inde subsecutum irritum est et vacuum, Nobis igitur humilime supplicaverunt quatenus pro debita et celeri fundacione et stabilimento ejusdem ffraternitatis, sive Gilde, caritatis et pietatis intuitu providere, nomenque fundatoris et onus recte fundacionis ffraternitatis, sive Gilde illius, super nos assumere, et solum fundatorem ejusdem esse dignaremur; Nos autem digna consideracione premissorum supplicacioni dictorum ligeorum nostrorum in hac parte inclinati, volentes ea que ad laudem et honorem prelibati Nominis Jesu sunt vel cssc possunt multipliciter augmentari, et fraternitatem sive Gildam predictam, sic pie et devote, ut predictum est, inchoatum, juxta juris exigenciam fore perpetuam cupientes, nomenque fundatoris fraternitatis, sive Gilde illius, et onus fundacionis ejusdem super nos assumentes ad laudem, gloriam, et honorem Omnipotentis Dei Patris et Filii et Spiritus Sancti, et specialius in honore illius Nominis Jesu Filii, Salvatoris nostri, in cujus eciam Nominis honore ffraternitas, sive Gilda predicta, ut premittitur, inchoata existit, eandem ffraternitatem, sive Gildam, de uno Rectore viro idoneo ecclesiastico, et duobus Gardianis, personis secularibus, ac aliis personis utriusque sexus quibuscumque in ejusdem ffraternitatis sive Gilde, ffratres et sorores in presenti admissis, et decetero pro perpetuo admittendum, in supradicto loco vocato le Crowdes quousque nobis aut hujusmodi Rectori, Gardianis, ffratribus et sororibus, vel successoribus suis de uberiore, utiliore, apciore et convenienciore loco in hac parte habendum, licencia, consensu, et assensu omnium et singulorum quorum intererit primitus intervenientibus et habitis, provisum fuerit, tenore presencium facimus, fundamus, ordinamus, et stabilimus perpetuis futuris temporibus duraturam: Et Willielmum Say, (fn. 3) Sacre Theologie Professorem, Decanum Ecclesie predicte, Rectorem et pro Rectore ipsius ffraternitatis sive Gilde, ac Ricardum fforde unum Rememoratorium Scaccarii nostri, et Henricum Benett unum Clericorum de Officio privati sigilli nostri, Gardianos et pro Gardianis ejusdem ffraternitatis sive Gilde, cum dictis ffratribus et sororibus, in ffraternitatem, sive Gildam illam, ut predictum est, jam admissis, ffratres et sorores ejusdem ffraternitatis, sive Gilde, et pro ffratribus et sororibus ejusdem, per presentes preficimus, creamus, et ordinamus. Et ulterius volumus et concedimus per presentes quod ffraternitas sive Gilda antedicta ffraternitas sive Gilda Nominis Jesu in Civitate London imperpetuum nuncupetur. Et similiter, quod predicti Rector, Gardiani, ffratres et sorores ffraternitatis, sive Gilde illius, perpetuam habeant successionem; et quod ipsi et successores sui imperpetuum Rector et Gardiani, ffratres et sorores ffraternitatis, sive Gilde, Nominis Jesu in Civitate London similiter nuncupentur; et quod sint unum corpus in se, et per nomen et sub nomine Rectoris, Gardianorum, ffratrum et sororum ffraternitatis, sive Gilde, Nominis Jesu in Civitate London sint persone perpetue habiles et capaces in lege ad impetrandum, recipiendum, et perquirendum terras, tenementa, redditus, servicia, et emolumenta quecumque, jura et possessiones spiritualia et temporalia, tenendum eis et eorum successoribus imperpetuum. Et insuper, quod ipsi et successores sui per nomen predictum implacitare possint et implacitari, ac prosequi omnimodas causas, querelas, et acciones reales et personales ac mixtas, cujuscumque generis vel nature fuerint, necnon respondere et responderi, ac defendere se sub nomine predicto in eisdem causis, querelis, et accionibus coram judicibus secularibus et ecclesiasticis quibuscumque, in quibuscumque curiis, placeis, et locis nostris et heredum nostrorum, ac in curiis, placeis, et locis aliorum quorumcumque infra regnum nostrum Anglie, secundum leges et consuetudines ejusdem regni, et ad omnia alia facienda et recipienda prout, et eodem modo, quo ceteri ligei nostri persone habiles et capaces infra idem regnum nostrum implacitant et implacitantur, ac faciunt et facere poterunt, in curiis, placeis, et locis predictis, secundum leges et consuetudines predictas. Et quod idem Rector, Gardiani, ffratres et sorores, et eorum successores imperpetuum habeant unum commune sigillum pro negociis et factis suis agendum et sigillandum serviturum. Et quod ipsi et successores sui hujusmodi Gardianos ad regendum et gubernandum ffraternitatem, sive Gildam predictam, de seipsis, ac ceteros ffratres et sorores de aliis personis, in ffraternitatem, sive Gildam illam de anno in annum, ac quando et quociens pro commodo et honore ejusdem ffraternitatis, sive Gilde, fuerit expediens, eligere et facere, ac dictos Gardianos ab eorum officiis removere et expellere, necnon alios Gardianos de seipsis in officia predicta eligere et facere valeant; proviso semper, quod predictus Decanus dicte Ecclesie Cathedralis Sancti Pauli, et quilibet successor suus Decanus ejusdem Ecclesie, sit semper et continue Rector ffraternitatis sive Gilde antedicte, absque aliqua eleccione inde per predictos Gardianos, ffratres et sorores qualitercunque fiendam. Et quod predicti Rector, et Gardiani, ffratres et sorores, et eorum successores congregaciones licitas et honestas de seipsis, ac statuta et ordinaciones licita pro salubri gubernacione ffraternitatis sive Gilde supradicte, secundum necessitatis exigenciam, quociens et quando opus fuerit, facere valeant, licite et impune, sine occasione, impedimento, perturbacione, vel molestacione nostri vel heredum nostrorum, Justiciariorum, Escaetorum, Vicecomitum, aut aliorum Ballivorum seu Ministrorum nostrorum vel heredum nostrorum quorumcumque; Et insuper, de uberiore gracia nostra concessimus et licenciam dedimus, pro nobis et heredibus nostris, per presentes prefatis Rectori, Gardianis, ffratribus et sororibus ffraternitatis sive Gilde supradicte, quod ipsi et successores sui terras, tenementa, redditus, possessiones quecumque, que tam de nobis in libero burgagio (fn. 4) quam de aliis in socagio (fn. 5) vel alio servicio quocumque tenentur, usque ad valorem quadraginta librarum per annum, tenendum eis et eorum successoribus imperpetuum, tam in sustentacionem certorum Capellanorum divina in honore prelibati Nominis Jesu, ubi predicta ffraternitas, sive Gilda, fuerit stabilita, celebrancium, et in exhibicionem ceterorum Clericorum et Puerorum eis ibidem, juxta ordinaciones et statuta predicta, inde, ut predictum est, condenda serviturorum, quam pro supportacione et implesione quorundam aliorum onerum et pietatis operum per predictos Rectorem, Gardianos, ffratres et sorores dicte ffraternitatis sive Gilde, et successores suos faciendum a quibuscumque personis ea eis dare, concedere, vel assignare volentibus, adquirere et recipere possint. Et hujusmodi personis quod ipsi terras, tenementa, redditus, et possessiones hujusmodi, usque ad annuum valorem supradictum eisdem Rectori, Gardianis, ffratribus et sororibus, et eorum successoribus dare, concedere, et assignare valeant, habendum sibi et successoribus suis imperpetuum, in forma predicta, similiter, tenore presencium, licenciam dedimus specialem, statuto de terris et tenementis ad manum mortuam non ponendis edito, aut aliquibus aliis statutis sive ordinacionibus ante hec tempora editis, factis, sive ordinatis, non obstantibus; et hoc, absque fine seu feodo, ad usum nostrum capiendum seu solvendum, et absque aliquibus aliis Regeis literis, aut aliqua inquisicione super aliquo brevi de Ad quod dampnum, vel aliquo alio mandato regio in hac parte quovismodo habendum, prosequendum, seu capiendum. In cujus rei testimonium has litteras nostras fieri fecimus patentes. Teste Meipso apud Westmonasterium, vicesimo quinto die Januarii, Anno regni nostri tricesimo septimo.