House of Lords Journal Volume 2: 14 September 1586

Anno 28° Reginæ Elizabethæ.

Decimo quarto die Septembris.

Anno Regni Reginæ Elizabethæ Vicesimo octavo.

MEMORANDUM, quod cum præsens Parliamentum in decimum quartum diem Novembris proxime suturum prorogatum suisset, tamen, maximis gravissimisque Causis intervenientibus, et Negotiis ita flagitantibus, Regiæ Majestati, per Advisamentum Concilii sui, consultissimum visum est, dictum Parliamentum, hoc instante decimo quarto die Septembris, penitus dissolvere; ob eamque rem, per Literas suas Patentes, quibusdam Proceribus, plenam Potestatem, Facultatem, et Auctoritatem, prædicti Parliamenti, nomine suo, dissolvendi concessit; addito etiam speciali Mandato, ut circa præmissa diligenter intenderent, et effectualiter explerent. Igitur hodierno die, decimo quarto Septembris, Proceres isti in Camera Parliamentari convenerunt, quorum nomina subscribuntur:

Queen's Commission delivered to be read.

QUI cum consedissent, Dominus Cancellarius præcepit ut dictæ Literæ Patentes publice legerentur; quibus lectis præsati Proceres dictum Parliamentum, nomine dictæ Reginæ, dissolverunt et ipso facto dissolutum pronuntiaverunt. Literarum autem Patentitum tenor sequitur, in hæc verba: videlicet,

Commission for dissolving the Parliament.

"Elizabetha, Dei Gratia, Angliæ, Franciæ, et Hiberniæ Regina, Fidei Defensor, etc. Reverendissimo in Christo Patri ac Consiliario suo Johanni Cantuarien. Archiepiscopo, totius Angliæ Primati et Metropolitano, ac Prædilecto et Fideli Consiliario suo Thomæ Bromley, Militi, Domino Cancellario Angliæ, ac Reverendissimo in Christo Patri Edwino Ebor. Archiepiscopo, Angliæ Primati et Metropolitano, nec non Prædilecto et Fideli Consiliario suo Willielmo, Domino Burghley (fn. 1), Domino Thesaurario Angliæ, ac Charissimo Consanguineo suo Edwardo Comiti Oxon. Magno Camerario Angliæ, ac etiam Charissimo Consanguineo et Consiliario suo Georgio Comiti Salopp. Comiti Marescallo Angliæ, Charissimoque Consanguineo suo Henrico Comiti Kanc. nec non Charissimo Consanguineo et Consiliario suo Henrico Comiti Derb. ac Charissimis Consanguineis suis Willielmo Comiti Wigorn. Edwardo Comiti Rotel. Georgio Comiti Cumbr. Henrico Comiti Sussex, ac etiam Charissimo Consanguineo et Consiliario suo Ambrosio Comiti Warwici, Magistro Ordinationum suarum, nec non Charissimis Consanguineis suis Henrico Comiti Pembroke, Edwardo Comiti Hertf. Antonio Vicecomiti Mountague, nec non Reverendis in Christo Patribus Johanni Episcopo London. Johanni Episcopo Sar. Johanni Episcopo Roffen. ac Prædilectis et Fidelibus Consiliariis suis Carolo Domino Howarde, Magno Admirallo suo Angliæ, Henrico Domino de Hunsdon, Domino Camerario Hospitii sui, ac etiam Prædilectis et Fidelibus suis Edwardo Domino Zowche, Edwardo Domino Morley, Gregorio Domino Dacre, nec non Prædilecto et Fideli Consiliario suo Willielmo Domino Cobham, Domino Gardiano Quinque Portuum suorum, ac Prædilectis et Fidelibus suis Arthuro Domino Grey de Wilton, Johanni Domino Lumley, Henrico Domino Crumwell, ac Prædilecto et Fideli Consiliario suo Thomæ Domino Buckhurst, Salutem.

"Cum nuper, pro quibusdam arduis et urgentibus Negotiis, Nos, Statum et Defensionem Regni Nostri Angliæ ac Ecclesiæ Anglicanæ concernentibus, præsens hoc Parliamentum Nostrum, apud Civitatem Nostram Westm. 23° die Novembris, Anno Regni Nostri 27°, inchoari et teneri ordinaverimus; a quo die idem Parliamentum Nostrum tunc et ibidem tentum et continuatum fuerat usque ad et in vicesimum nonum diem Martii tunc proxime sequentem; eodemque die idem Parliamentum Nostrum usque ad et in vicesimum diem Maii tunc proxime sequentem prorogatum fuerat; eodemque die idem Parliamentum Nostrum usque ad et in septimum diem Junii tunc proxime sequentem prorogatum fuerat; eodemque die idem Parliamentum Nostrum usque ad et in vicesimum primum diem ejusdem mensis Junii prorogatum fuerat; eodemque die idem Parliamentum Nostrum usque ad et in undecimum diem Octobris tunc proxime sequentem prorogatum (fn. 2) fuerat; eodemque die idem Parliamentum Nostrum usque ad et in decimum diem Februarii tunc proxime sequentem prorogatum fuerat; eodemque die idem Parliamentum Nostrum usque ad et in vicesimum sextum diem Aprilis tunc proxime sequentem prorogatum fuerat; nec non idem Parliamentum Nostrum a prædicto vicesimo sexto die Aprilis, usque ad et in decimum quartum diem Novembris jam proxime futurum prorogatum fuerat, ibidem tunc tenendum et prosequendum. Sciatis tamen, quod, certis urgentibus Causis et Considerationibus Nos ad præsens specialiter moventibus, idem Parliamentum Nostrum, hoc instante decimo quarto die Septembris, duximus dissolvendum. De Fidelitate igitur, Prudentia, et Circumspectione, vestris plurimum confidentes, de Avisamento et Assensu Concilii Nostri, assignavimus vos, et aliquos tres vel plures vestrum, Commissionarios Nostros, dantes vobis, et aliquibus tribus vel pluribus vestrum, tenore præsentium, plenam Potestatem, Facultatem, et Auctoritatem, hoc instante decimo quarto die Septembris, ad dictum Parliamentum Nostrum, nomine Nostro, plenarie dissolvendum. Et ideo vobis mandamus, quod vos, aliqui tres vel plures vestrum, idem Parliamentum Nostrum, eodem instante decimo quarto die Septembris, virtute harum Literarum Nostrarum Patentium, nomine Nostro, plene dissolvatis et determinetis; et ulterius voluimus, et per præsentes concedimus et declaramus, quod idem Parliamentum, vigore præsentium, hoc instante decimo quarto die Septembris, dissolutum et determinatum sit; et per has Literas Nostras Patentes, idem Parliamentum penitus dissolvimus et determinamus. Et ideo vobis mandamus, quod circa præmissa diligenter intendatis, ac ea in forma prædicta effectualiter expleatis et exequamini. Voluimus etiam et concedimus, quod omnes et singuli Archiepiscopi, Marchiones, Comites, Vicecomites, Episcopi, Barones, Milites, Cives, et Burgenes, ac omnes alii quorum interest ad dictum Parliamentum Nostrum conventuri, de omnibus eo quod eis pertineret, in præmissis faciendis et exequendis, sint omnino, tenore præsentium, exonerati et quieti, in omnibus prout decet. In cujus rei Testimonium, has Literas Nostras fieri secimus Patentes. Teste Meipsa, apud Westm. 14 die Septembris, Anno Regni Nostri 28°.

"Per ipsam Reginam, etc.

"Powle."