Journal of the House of Lords: Volume 1, 1509-1577. Originally published by His Majesty's Stationery Office, London, 1767-1830.
This free content was digitised by double rekeying. Public Domain.
'House of Lords Journal Volume 1: 24 July 1540', in Journal of the House of Lords: Volume 1, 1509-1577( London, 1767-1830), British History Online https://prod.british-history.ac.uk/lords-jrnl/vol1/pp161-163 [accessed 5 July 2024].
'House of Lords Journal Volume 1: 24 July 1540', in Journal of the House of Lords: Volume 1, 1509-1577( London, 1767-1830), British History Online, accessed July 5, 2024, https://prod.british-history.ac.uk/lords-jrnl/vol1/pp161-163.
"House of Lords Journal Volume 1: 24 July 1540". Journal of the House of Lords: Volume 1, 1509-1577. (London, 1767-1830), , British History Online. Web. 5 July 2024. https://prod.british-history.ac.uk/lords-jrnl/vol1/pp161-163.
In this section
Dies 100 Parliamenti.
DIE Sabbati, 24 Julii, 59° hujus Sessionis:
King present.
Presens REX.
Partridges and Pheasants. Exped.
HODIE, ante Adventum Serenissimi Domini nostri Regis, lecta est tertio Billa contra Emptores, Venditores Phasianorum et Perdicum, et communi omnium Procerum Consensu, nemine discrepante, expedita est.
Aliens.
Lecta est Billa pro tertio concernens Alienigenas, et communi omnium Procerum Consensu, nemine discrepante, expedita est.
Subsidy Bill. Expedit.
Et hee due Bille, simul cum Billa Subsidii Temporalitatis offerenda, per Prolocutorem Regie Majestati, commisse sunt Sollicitatori Regio, deferende, in Domum Communem.
Honor of Petworth.
Item lecta est provisio quam Communes annexuerant Bille Honoris de Petworth, simul per eosdem missa in Domum Communem, ut due provisiones, concernentes Terras Ducatus Lancastrie et 5 Portuum, inde auferrentur.
Eodem ipso die, relate sunt a Domo Communi,
Pheasants and Partridges. Conclus.
Billa contra Emptores Phasianorum et Perdicum, per Communes assensa et conclusa.
Harper Conclus.
Item Billa Georgii Harper et Lucie Harper, per Communes assensa et conclusa.
Honor of Ewelme. Conclus.
Allata est etiam a Domo Communi Billa Honoris de Ewelme nova, et alia prior Billa restituta, que 3° lecta, communi omnium Procerum Consensu expedita et conclusa est.
Aliens. Conclus.
Item relate sunt a Domo Communi Billa concernens Alienigenas, per Communes assentita et conclusa.
Honor of Petworth. Conclus.
Similiter Billa Honoris de Petworth, cum duabus Provisionibus supradictis ablatis et abrasis, et ita per Communes conclusa.
King comes to the House.
Lords and Commons assembled.
The Speaker comes up with the House of Commons.
Manner of the Lords sitting.
Hoc vicesimo quarto die Julii, anno Regni Regis Henrici Octavi tricesimo secundo, inter undecimam et duodecimam horas diei, postquam omnia conclusa erant que concludi debuerant, tam in Domo Populari quam in Domo Procerum, sua Majestas accessit ad vetus Palatium suum Westm. et ibi per Cameram Parliamentarem, in qua erant Proceres, se contulit in prox. Cubiculum, quod vocatur Camera Concilii, ubi de Negotiis privatis, et privatim de Assensu suo Regio Actibus supra conclusis dando; interim venit ad ipsam Cameram Parliamentarem Nicholaus Hare, Prolocutor, cum reliquis de Domo Communi Viris Parliamentaribus. Proceres autem, suo quisque ordine, togis suis coccineis ornati, quas Robas Parliamentares vocant, Adventum Regium prestolabantur. Paulo mox, ubi ordine consedissent Proceres, advenit Regia Majestas induta Togam Purpuream, et, assurgentibus omnibus summa cum Reverentia, Solium Regium conscendit ac resedit; Cancellario post Suggestum ad dextram ejus stante, Magno autem Thesaurario Anglie ad sinistram; consedentibus suo Ordine Proceribus super Scamnis, et Judicibus atque Consiliariis super Saccis Transversis; Clerico autem Parliamentorum super medio Sacco adverso, loco suo consueto, et ad dextrum cornu ejusdem Sacci Luca Clerico Corone in Cancellaria Domini Regis; ad Suggestum autem exterius stabat Prolocutor predictus, et circumquaque astabant Viri de Domo Communi, et alii multi. Tum, sacto silentio; Prolocutor ille Concionem habuit elegantissimam et satis diffusam, cujus tamen summa brevibus subscribitur.
Speaker's Speech.
"Majorem Mundum (dixit) has continere Partes: Mundum Divinum, Mundum Celestem, et Mundum Elementarem; ad cujus imaginem Homo, qui ea ratione Microcosmus dicitur, id est, Parvus Mundus, tres habet Partes, Caput, Pectus, et Inferiora; ad horum Mundorum formam constitutam esse Rempublicam differuit, in qua Rex est pro Capite, Proceres pro Pectore, pro reliquis Populus et Plebs. Qualis est Concordia in Corpore Humano Capitis ad reliqua Membra; talis debet esse Concordia Regis, Procerum, et Populi. Regem siquidem Caput omnium nomine agnovit, et tale Caput quod universum Anglie Corpus selicissime direxisset, et multa de Jure suo in gratiam Membrorum suorum clementissime remisisset, ut novissima Pardonatio facta, et libera testandi Facultas de duabus tertiis Prediorum, et cetera, palam testabantur. Adjecitque, sub hoc Regio Capite, quod nulle alie Reipublice Christiane contigisset, Rem Anglicam selicissime semper, absque ulla Calamitate, non modo storuisse, sed et plene Libertati redditam suisse, unde, secundum Deum, sue Majestati habebant ingentes Gratias." Ad quod verbum assurrexere, summaque cum Reverentia, et inclinabantur omnes. Regia autem Majestas benigne annuit.
Presents the Money Bill.
Prays the King to give the Royal Assent to such Bills as have been passed.
Lord Chancellor answered in the King's Name.
The Acts received the Royal Assent.
Adjecit autem Prolocutor, " omnes Populi Anglicani Ordines Regie Majestati se tam devinctos agnoscere, ut condignas gratias non sint referendo neque solvendo. Hoc unum, quod jam poterant, ne ingrati videantur et Beneficiorum immemores, Concessionem Subsidii obtulerunt et protulerunt, in Rotulo scriptam, et per ambas Domus conclusam;" quam Regia Majestas benigno Nutu acccptans, eodem Nutu significavit Thome de Soulemont, Clerico Parliamentorum, ut eandem de Manu Prolocutoris reciperet, quod debita Reverentia fecit. Rogabat Prolocutor suam Regiam Majestatem, ut, pro dementia sua, dignaretur boni consulere, acceptamque habere, Assensumque suum Regium Actibus, seu Libellis, jam expeditis et conclusis, concedere. Quibus ita dictis, ac multis aliis, que brevitatis gratia pretereo, Regia Majestas Domino Cancellario in aurem insusurravit, quid sue Sublimitatis Nomine ad ea responderet; et inter multa hoc significavit; " gratissimum esse sue Majestati, cum perpendit se tam obedientes et gratos habere Subditos, et qui Beneficia in eos collata pro virili agnoscat; summum sue Majestatis studium in hoc tendere ut illis profit, ut secundum prescriptum Divine Legis et Charitatis eos dirigat, et quicquid illis salubre videatur acquiret, eorumque Salutem, tam in rebus Animi quam Corporis, curet; Benevolentiam illorum acceptabat; ac bene collocata Beneficia in Gentem tam gratam reputabat, agnoscebatque quanto cum Studio et Labore, ac quamdiu, Viri Parliamentares Actibus expediendis et concludendis elaborassent." Ideo, ut Regium suum Assensum novisse possent, constituerat, ut Lucas, Clericus Corone, Actorum expeditorum et conclusorum, ex Scripto, summam referret. Clericus vero Parliamentorum Actus ipsos seponeret, et Beneplacitum sue Majestatis ad singulorum summam eloqueretur; recensebantur Actus; ad singulos respondebat et singulos seponebat Clericus, Gallice, Regium Beneplacitum significans Actibus, qui videbantur supplicatorii, in hec verba respondebat, pro Assensu Regio:
"Soit fait come il est desyre."
Subsidiis Temporalitatis et Cleri, pro Assensu Regio, respondebat in hec verba:
"Le Roy, remerciant ses Loyaulx Subjects, accepte leur Benevolence, et ainsi le veult."
Ad ceteros Actus, quibus Regia Majestas assentiebatur, respondebat Clericus in hec verba:
"Le Roy le veult."
Royal Assent refused.
Ad unum autem, videlicet, Actum qui concernebat Mercatores suos, quos vocant Adventerours, cui Regia Majestas non assensit (aliis autem omnibus, preterquam illi uni, assensus est) respondit Clericus Regem deliberaturum, in hec Verba:
"Le Roy s'advisera."
Bills passed this Session.
Hic autem sequitur Summa Actuum sic expeditorum' conclusorum, et Regio Assensu sancitorum, numero septuaginta novem.
De Jurisdictione Magni Magistri, &c.
Attinctura Egidii Heron.
De Possessionibus Hospitalariorum sancti Johannis Jerusalem in Anglia et Hibernia, ad Manum Regiam reducend. simul cum provisione annexa.
De Decimis colligendis per Episcopum Norwicen.
Permutatio inter Regiam Majestatem et Richardum Riche, Militem, Cancellarium Augmentationum.
De Annectendo Manerii de Nonesuche, et aliis, Honori de Hampton Courte.
Quod Locationes Prediorum facte a Tenent, in Feodo Talliato sint valide.
Actus concernens Marchionem Dorss. et ejus Fratres.
De Annectendo quondam Monasterio de Furnesse, Ducatui de Lancastre.
De Extructione Pavimentorum in Holbourn, Aldgate, &c.
Permutatio inter Regiam Majestatem et Dominum Dallawarr.
De Inquisitione et Punitione Traditionum et Criminum Lese Majestatis.
De Erroribus in Processu Mispleading et Jeoffaillyes.
De Solutione Debitorum super Executionibus.
De Inhabilitatione Etheldrede Hare ad Alienandum.
De Expositione Statuti Finium.
Attinctura Ricardi Fethirston et aliorum.
De Junctis Tenentibus ad Terminum Vite et Annorum.
Pro Re-edificatione aliquot Civitatum et Oppidorum in diversis Regni Partibus.
Subsidium Temporalitatis.
Quod injusta Dissaisina non sit Descensus in Lege.
De Furto Ovorum, Accipitrum, Cuniculorum, et Damarum.
Abbreviatio Termini Trinitatis.
Continuatio quorundam Actorum.
De quibusdam Maneriis et Prediis annexis Castro de Windesore.
De Parochiis Sanctarum Margarette et Magdalene, in Southwerke, reducendum. in unam Parochiam.
De Recuperatione Arreragiorum per Executionem a Tenente in Feodo Simplici.
Pro Abolitione Recuperationum per Collusionem.
De Terris Custumariis in Oswaldebeck.
Billa pro Re-edificatione quorundam Oppidorum Occidentalis Partis Anglie.
De Libertatibus restituendis.
Limitatio Prescriptionis.
De Recompensatione Prebende de Rugemore cum Parco de Marybone.
De Manutenentia, Cavilationibus, et Emptionibus Titulorum.
Billa Richardi Long, pro Shingay.
De redigendo Parochiam de Royston.
Pro Educatione Equorum procerioris Stature.
Attinctura Thome Crumwell, Comitis Essex.
De pinsendo Pane Equino.
De Concessione Reversionum.
De Precontractibus Matrimonialibus et Gradibus Consanguinitatis.
Pro Conservatione Classis et Navium Anglie.
De Chirurgis et Barbitonsoribus in unum Contubernium redigendis.
Billa inter Regem Majestatem et Ducem Norff. de Kencote et Hardewike.
Pro Commissione Commissariorum et Cancellariorum Episcopalium, et Officialium Archidiaconorum, super Statuto Religionis continente Sex Articulos.
De Solutione Decimarum.
Pardonatio Generalis.
De invaliditate Matrimonii inter Regiam Majestatem et Dominam Annam Clevenss.
Concessio Regia, quod libere liceat disponere de tribus (fn. 1) tertiis Prediorum, etc.
Billa Domini Cancellarii pro Leyer et Marney.
Attinctura Wilielmi Byrde et Walteri Domini Hungerford.
Permutatio inter Regem Majestatem et Ducem Norff. de Maneriis de Rysingdon et Upton Lovell, pro Stoke, Stoughton, Sompting, et Circuitu de Clarkenwell.
De Punitione Felonie pro Traductione Equorum in Scotiam.
Resumptio Assignamenti facti Coferario Hospitii Domini Regis.
Quod liceat Regie Majestati, et Heredibus suis, concedere Dotalitia quibuscunque Reginis Anglie, et Predia suis Liberis.
Exemptio Medicorum ab Excubiis, et aliis onerosis Officiis.
Quod liceat Judicibus Forestarum Domini Regis constituere Deputatos.
De Compoto Episcoporum pro Decimis Regie Majestatis.
Billa Edwardi Baynton, Militis, et Elizabethe ejus Uxoris.
De Conventis inter Regem Majestatem et Elizabeth Hill, Viduam.
De Constitutione et Declaratione Opinionum Christiane Religionis.
De Exoneratione of the County or Shire Days in Comitatu, Cestr.
De Moderatione Statuti Sex Articulorum, quatenus concernit Sacerdotes incontinentes, et eorum Scorta punienda.
De Honore de Hampton Courte.
Billa Castri Dovarie.
Subsidium Cleri.
Constitutio Curie Primitiarum et Decimarum Domini Regis.
Billa Francisci Knolls.
Resumptio Extraordinariarum Concessionum fact. in Caliss. Marchiis, ejusdem Barwico, et Vicecomitatum in Wallia.
Attinctura Butolphi, Damplipp, Brindholme, Philpot, et Gynnyng, de Alta Proditione; Barnes, Jererd, et Jerome, de Heresi; et Caroli Carowe, de Furto et Felonia.
Billa Thome Wiatt.
Erectio Curie Tutorum et Curatorum qui sunt sub Custodia Regia.
Alia Billa Thome Wiatt.
De Sanctuariis.
Contra Emptores et Venditores Phasianorum et Perdicum.
Billa Georgii Harper.
Erectio Honoris de Ewelme.
De Alienigenis.
Annexa Honori de Petworth.
Chancellor, after a short Speech, dissolves the Parliament by the King's Command.
Quibus it a peractis, assurrexerunt, et Gratias egerunt sue Majestati, omnes quotquot aderant, et Dominus Cancellarius, sue Majestatis Nomine, adhortatus est eos omnes et singulos, quod quemadmodum diligenter ac diu intendarent ac laboraverant in hujusmodi Actus ferendis, ita singuli, pro sua virili, in partibus suarum Mansionum, enitantur, efficiantque, ut ea omnia, que salubriter ac pro Reipublice Commodo peracta sunt et stabilita, observentur, et executioni demandentur. Atque ita, jubente Regia Majestate, presens hoc Parliamentum sinitum et dissolutum est, dataque Licentia omnibus et singulis libere Domum redeundi.
* Hoc animadvertendum est quod in hac Sessione, cum Proceres darent Suffragia, et dicerent Sententias, super Actibus predictis, ea erat Concordia et Sententiarum Conformitas, ut singuli eis et eorum singulis assenserint, nemine discrepante.
*Thomas de Soulemont,
* Clericus Parliamentorum. (fn. 2)