|
| Acts of the Venetian Senate, respecting the Signory's negotiations with Sir John Hawkwood, for military assistance against the Archdukes of Austria. |
|---|
| May 23. Liber iste continet partes secretas Consilij Rogatoruni. On parchment marked D. Venetian Archives. p. 8. |
977. Capta. xxiii. Maii. |
|
Cum sit multum utile pro statu nostro providere de contrata subditis et fidelibus nostris Trivisane etCenete, ubi est mora istarum gentium ad damnum ipsorum et cum periculo status nostri, et omnis mora sit contraria nostre intentioni, ne videamur deserere ipsos subditos ac fideles nostros; Vadit pars quod scribatur de presenti Ser Nicolao Mauroceno, quod per ilium modum, qui sibi videbitur convenire, vadat ad locum ubi sciverit essedominum Johannem Aguto, cui ex parte nostra facta salutatione, cumliteris nostris credulitatis, exponat qualiter in transactis temporibus, per nuntios proprios, se obtulit promptum ad honores et commoda nostra, et quod inter cetera libenter videret casum propter quem, cum honore nostro, possemus comprehendere bonam dispositionem quam habet ad conservationem status nostri. Unde considerantes predicta, deli-beravimus sibi notificare, qualiter Dux Leopoldus Austrie, cum aliquibus gentibus, descendit ad partes nostras Trivisane et Cenete, nulla nobis facta conscientia de mala dispositione quam habebat et habet erga nos et subditos nostros, derobando, capiendo, et multa alia mala committendo, contra suum honorem, de quibus omnibus multum gravati sumus, sicut merito possumus et debemus.Et propterea libenter sciremus, si intentio ipsius Domini Jobannis esset, velle venire velociter ad servitium nostrum, et cum quanta quantitate gentium, computatis gentibus quas habet ad presens, et hiis quas posset recuperare, de brevi, et cum quibus pretio, modis et condi-tionibus, et quam cito posset recedere, quia nostra agenda stant in celeri expeditione.Nam habita sua intentione, statim respondebimus sibi pro dando expeditionem huic facto; et quicquid Ser Nicolaus Mauroceno babuerit ab eo circa predicta, et specialiter pro quanto tempore posset nobis servire, et cum quanta gente, de presenti nobis scribat singulariter, et distincte, pro nostra informatione; dando intelligi dicto Ser Nicolao Mauroceno, quod intentio nostra esset quod tempus foret, quam plus breve esse posset; etiam reddatur previsus Ser Nicolaus Mauroceno, quod propterea non stet de adimplendo sibi commissa, degentibus quas firmare debet ad servitium nostrum. |
|
Non, 4.Non sincere, 3. |
| May 25. p. 8, tergo. |
978. Capta in Collegio. |
|
Quod Ser Nicolaus Mauroceno firmet alias L. lanceas, ad nostrum servitium, ita quod smt in totum lancee C C. |
| May 26. p. 8, tergo. Cons. Cap, Sap. |
979. Capta. 26 Maii. |
|
Cum per formam pacis quam habemus cum Domino Padue ipse tenetur et debet esse in liga nobiscum contra Duces Austrie, et pro honore nostro faciat communicare secum factum infrascriptum; Vadit pars quod per unum nostrum nuntium notificetur sibi, qualiter Dominus Johannes Aguto, amicus nostri dominii, pluries fecit nobis dici, quod libenter et cum bono animo faceret ea que forent nostri honoris et status, et quod misimus ad eum unum nostrum nobilem, et credimus quod pensata bona dispositione sua ad honorem et statum nostrum, veniet ad servitium nostrum cum brigata sua contra Duces Austrie et gentes suas, que sic hostiliter venerunt ad damnum nostrum. Et quia ipse Dominus Padue est in liga nobiscum contra ipsos Duces, propterea notificamus predicta magnificentie sue, non dubitantes quod placebunt sibi; et ea que sequentur super hoc, similiter sibi nota faciemus. |
|
Non, 11. Non sincere, 3. Alii de parte. |
|
Item roget notarius vel nuntius iturus Dominum Padue, quod si alique gentes domini Marchionis Ferarie, que debent venire ad servitium nostrum, vel alie gentes et soldati nostri, transirent per territoria et loca sue magnitudinis, quod placeat sibi ordinare quod habeant liberum et expeditum transitum, et victualia pro sua pecunia, sicut de sua magnificentia plene speramus. |
| May 26. p. 8, tergo. Dnus. Cons. Cap et Sap. omnes. |
980. Capta. |
|
Quod scribatur Ser Nicolao Mauroceno, quod si poterit adimplere nostram intentionem, non dando alicui ultra quinque vel decem lanceas, bene quidem; quando vero videret non posse obtinere nostram intentionem per modum predictum, possit dare usque XX. lanceas pro quolibet, secundum condicionem et qualitatem per-sonarum, pro non perdendo tempus in factis nostris, non dando aliquid plus ultra ducatos XX. pro lancea. |
|
981. Capta. |
|
Quod iste executor qui deficit, et alii qui deficerent inposterum, fiant per scruptinium inter Dominum, Consiliarios, Capita, et Sapientes. |
|
Ser Jacobus Mauro. |
Sap. Trivisane, Istrie, et Padue. |
|
Ser Micael Mauroceno. |
|
Ser Andrea Zeno. |
|
Ser Pantaleon Barbo. |
| May 27. p. 9. D. Consil. Cap. et Sap. omnes. |
982. Capta. 27 Maii. |
|
Quod scribatur Ser Nicolao Mauroceno, civi nostro, quod pro expeditione agendorum nostrorum intentio nostra est, et sic ei committimus et mandamus expresse, quod faciat posse suum de eundo celeriter ad Dominum Johannem Aguto, ubi est, procurando habere literas securi conductus, et scortam sufficientem, a Domino Johanne, vel aliis, ut sibi videbitur, ita quod possit adimplere sibi commissa per nos; quando vero, facta experientia possibili, hoc non esset factibile, nee posset fieri, nec adimpleri per eum, tune, pro non perdendo tempus, debeat celeriter, et sine mora, mittere, cum nostris literis credulitatis, Tibertum de Bagnacavalo ad ipsum Dominum
Johannem Aguto, cum commissione et verbis et mandato nostro, sicut ipse Ser Nicolaus facere et procurare debebat. Et quicquid Tibertus fecerit et habuerit nobis significet celeriter et sine mora, et particulariter et distincte, ut possimus esse previsi et providere factis nostris. |
| June 8. p. 11, tergo. Dnus. Consiliarii Capita et Sapientes. |
983. Capta. Indict, xiiij. Die octavo mensis Junii. |
|
Cum in pactis treuguarum nuper factarum inter comune et ancianos Bononie ex una parte et Dominum Johannem Aguto et socios suos ex altera, contineantur duo capitula infrascripti tenoris, videlicet, quod Thomas filius Domini Johannis Aguto, Philipus films Domini Johannis Tornoberii, et Laurentius filius Domini Johannis Briz, pro obsidibus et observatione omnium et singulorum conten-torum in instrumento ipsarum treuguarum debeant stare, morari, retineri, et custodiri, expensis eorum, secundum arbitrium domini Ducis Veneciarum vel alterius conservatoris assumendi, durante treugua presenti, in Veneciis, ad peticionem comunis Bononie. Item convenerunt adinvicem dicte partes, modis et nominibus quibus supra, si aliqua controversia vel discordia oriretur, vel posset oriri, inter partes predictas, de aliquibus, vel pro aliquibus, in quibus diceretur fuisse contrafactum per aliquam dictarum partium, quod talis controversia vel discordia, et cause ipsarum controversiarum et discor-diarum, audiantur, examinentur, et decidantur, infra xv. dies, querela exposita, per illustrem Dominum Ducem Veneciarum in quantum acceptare vellet, et in quantum nollet, per Dominum Galeotum, et in quantum nollet, per Dominum Padue, vel alium eligendum per partes, concorditer, summarie, de piano et absque strepitu judicii, veritate inspecta et secundum bonam conscientiam, et quod declaration, arbitramento, et laudo, ferendis per ipsum electum, assumptum et acceptatum stari debeat, et per dictas partes laudata debeant observari; et in casu quo comune Bononie amplius treuguam nollet, teneatur in continent, conservator, facta notifica-tione, restituere Anglicis in Veneciis obsides, comuni Bononie pro dicta treugua assignatis. Et sicut notum est, comune Bononie et Dominus Johannes Aguto per nuncios et literas suas amicabiliter et domestice fecerunt nos rogari et requiri, quod complaceamur sibi in facto predicto, et pro nobis faciat retinere et habere predictos pro amicis, et complacere eis in eo quod honeste fieri potest; Vadit pars quod Respondeatur istis nunciis, et primo ad factum quod illustris Dominus Dux noster, sit conservator et judex differentiarum que possent occurrere inter partes, etc., quod, sicut est plene notum, Dominus Dux non est solitus, ullo modo, se de talibus impedire, ymo est sibi soli ab antiquo expresse prohibitum, per suam promis-sionem; sed tamen, ut comune Bononie, et dominus Johannes Aguto plene videant et cognoscant bonam dispositionem nostram, et quod intendimus eis amicabiliter complacere, sumus contenti, quod ubi dicit, Dominus Dux dicatur, Dominus Dux et suum Consilium qui sunt, vel erunt per tempora secundum ordines Veneciarum, et quod de hoc appareat publicum instrumentum rogatum per partes, vel quod veniant litere partium, bullate sidillis partium, in quibus fiat mentio, quod partes sint contente quod dicatur Dominus Dux Veneciarum et suum Consilium, non obstante illo puncto contento in
treugua ubi nominatur Dominus Dux solus. Super alio puncto, quod filii doinini Johannis Aguto, et aliorum sociorum suorum predictorum, debeant conservari in Veneciis, pro obsidibus, et ad peticionem communis Bononie, etc. R, espondeatur istis nunciis quod, sicut est manifeste notorium, terra nostra est patens et omnibus aperta, et in ea omnes possunt ire, stare, et redire qualibet bora sine aliqua contradictione, et dicere quod assumeremus istud onus, sicut petitur, non videmus quod ullo modo posset fieri nee servari per nos, et sic ubi credereinus velle servire, veniremus ad faciendum con-trarium; sed tamen pro amore eorum, et ut clare videant quod nostra intentio est velle eis complacere, reperimus istos modos, videlicet, quod de voluntate ambarum partium procederet, quod isti pueri consignarentur ad custodiam et manus alicujus vel aliquarum bonarum personarum in Veneciis, que haberent curam et custodiam de eis, cum illis modis qui placerent partibus, nam in Veneciis sunt multe bone persone terrigene et forenses, que poterunt de hoc partibus complacere, et iste esset modus bonus et expeditus pro utraque parte. |
| p. 12. |
Quando vero istud non placeret partibus, posset teneri iste alius modus, videlicet, quod isti pueri mitterentur ad civitatem nostram Tarvisii, que est terra custodie, et placibilis et alectabilis locus, et ibi possent consignari alicui vel aliquibus personis, sicut placeret partibus, quia ibi essent valde bene securi, et nos daremus ordinem ad portas civitatis et aliter, ita quod nostro posse, non exirent dictam civitatem, intelligendo et declarando, in omni casu, quo pueri ponerentur in civitate nostra Veneciarum, vel in civitate nostra Tarvisii, per modum predictum, quod commune nostrum, ut justum est, propterea non possit incurrere aliquod damoum, vel teneri ad aliquam rem, occasione predicta, et quod istud appareat per cartam vel privilegium opportunum. |
|
Non, 6. Non sine, 10. |
| June 8. Cons. Cap. Sap. |
984. Capta. viii. Junii. |
|
Cum sint in Veneciis tres ambaxatores domini Johannis Aguto et sue compagne, causa veniendi ad servitium nostrum, et istud requirat fieri caute et secrete, pro utilitate et bono agendorum nos-trorum; Vadit pars quod dominus, consiliarii, capita, et sapientes, per majorem partem habeant libertatem accipiendi et firmandi ipsam compagnam, partem vel totam, ad servitium nostrum, cum illis pactis, modis, tempore, et conditionibus, et soldo, vel provisionibus, que videbuntur Collegio predicto, vel majori parti; et si opus fuerit, dictum Collegium habeat libertatem mittendi nuncium, vel nuncios, ad illas partes, et sicut fuerit opportunum, pro adimplendo nostram intentionem predictam. 56, 63, 68. |
|
De Non, 55, 50, 48. Non sine, 15, 13, 10. |
|
985. Capta in Collegio, vigore libertatis tradite a Consilio Rogatorum et addit~. |
|
Quod respondeatur istis ambaxatoribus vel nuntiis compagne, quod intellectis intentionibus suis nobis in scriptis exhibitis, ten ore presentium respondemus, quod petitiones sue nobis videntur alte et
magne, et ad ipsas non attend eremus ullo modo, quia intentio nostra non est firmare eos ad modum lancearum propter magnum tempus quod perderetur, cum notabili damno agendorum nostrorum; sed est nostra intentio firmare compagnam, ad modum compagne; et propterea ut non perdatur tempus, disposuimus de presenti, simul cum eis, mittere unum ambaxatorem nostrum ad dominum Johannem Aguto et ad compagnam predictam, plene informatum de nostra intentione. Omnes. |
|
986. Capta in Collegio. |
|
Quod eligatur unus nobilis per scruptinium in hoc Collegio, qui possit accipi, de omni loco et officio, et judicatu peticionum, non perdendo officium nee utilitatem ejus, nee aliquid quod haberet, et respondeat de presenti, et recedat, cum istis ambaxatoribus compagne. Omnes. |
|
Electus ambaxator ad compagnam, Ser Leonardus Dandulo, miles. |
|
987. Capta in Collegio, vigore diete libertatis. |
|
Quod committatur ambaxatori nostro ituro ad compagnam, quod facta salutatione domino Johanni Aguto et sociis suis, ut sibi vide-bitur, ex parte nostra, cum illis sapientibus et dextris verbis, que sibi videbuntur, procuret sine temporis amissione, de habendo per-sonam domini Johannis Aguto ad nostrum servitium cum lanceis viii. c. usque mille, et usque vi.c. in vii.c. arceriis ad modum compagne, per tempus quatuor mensium, possendo dare et promittere predicto tempore, a centum mille usque C. xx. M. due. ut melius poterit pro nostro communi. Et usque due. x. M. possit donare capitaneo et suis magnis, sicut erunt plus contenti, pro to to dicto tempore pro sua provisions Facta vero experientia possibili si non posset obtinere, per modum antedictum, tune quia non facit pro nobis perdere tempus in factis nostris, procuret ambaxator noster quod dominus Johannes Aguto ad modum compagne nobis complaceat, vel per viam amoris vel mutui, de lanceis iiij.c. et pluribus, si poterit, et arceriis iij.c. et pluribus, si poterit, per quatuor menses; procurante ambaxatore nostro quod in hoc casu etiam veniat persona domini Johannis Aguto, que esset nobis carissima ultra omnem modum; et quando persona domini Johannis Aguto in hoc casu venire non posset, facta experientia possibili procuret quod veniat alia famosa et notabilis persona loco ejus, ita quod agenda nostra bene procedant. |
|
Et habeat libertatem ambaxator noster in casu quo nobis complaceatur de lanceis iiij.c. et arceriis ccc. L. per modum predictum, promittendi usque summam due. L. M. ve linde infra, ut melius poterit, per quatuor menses, et due. v. M. pro donando domino Johanni Aguto et sociis ejus magnis, ut ei videbitur, et sicut erunt plus contenti; et si dominus Johannes Aguto venire non posset, alteri magno caporali et sociis suis magnis, ut de domino Johanne dictum est. |
|
Et si ambaxator noster obtineret de majori quantitate lancearum iiij.c. et arceriorum iij.c. L., habeat libertatem promittendi plus pro rata, secundum quantitatem superius limitatam, usque ad numerum de lanceis viij.c. usque vij.c.arceriis. |
|
Et si non posset obtinere de tanta quantitate lancearum et arceriorum, habeat libertatem defalcandi de summa predicta pro rata, ita quod non perdatur tempus in factis nostris, et quod ad minus habeamus, quando plures obtineri non poterunt, lanceas iij.c. et arcerios centum. |
|
Et si non posset obtinere per quatuor menses, procuret per tres, promittendo per ratam temporis, ad rationem quantitatis predicte, faciendo quam melius poterit pro nostro communi. |
|
Et si Ser Nicolaus Mauroceno reperiet se ibi, sit simul cum nostro ambaxatore ad omnia predicta exequenda, quia est de factis istis plene informatus. |
|
Et in omni casu quo ambaxator noster obtineat nostram inten-tionem, procuret quod habeamus quam plures Anglicos poterit, et quam pauciores Teutonicos et Ytalianos poterit, pro meliori agen-dorum nostrorum. |
|
988. Capta in Collegio. |
|
Quod possit ambaxator noster iturus expendere pro istis modicis diebus id quod erit necessarium. |
|
Et procuret ambaxator noster pro bono et expeditione agen-doram nostrorum, quod dicte gentes recedant et veniant quam citius esse potest, ita quod ad longius recedant per totum mensem presentem et ante si fieri poterit. |
|
Item, quod incipiant livrare soldum die qua incipient equitare. |
|
De facto passuum, dicat ambaxator noster quod de passu bene providebimus, ita quod bene habebunt passum cum gratia Dei. |
|
Et detur copia pactorum nostrorum soldatorum equitum nostro ambaxatori, in aliis capitulis exceptis pretio, et aliis que non faciant ad factum. |
|
Item, quod recipiant solutionem suam in hunc modum, videlicet statim tertium, et aliud tertium usque duos menses proximos, et aliud tertium ad complementum aliorum duorum mensium; et non possendo facere per modum predictum, faciat ut melius poterit pro bono nostri communis et expeditione facti, non transeundo medieta-tem statim, et aliam medietatem ad quam longiores terminos poterit obtinere. |
|
Et si aliqua differentia occurreret, ita quod per earn non posset adimpleri nostra intentio, scribat subito et expectet mandatum. Non, 1; alii de parte. |
| June 20. p. 15, tergo. Jacobus Mauro, Micael Mauroceno, Andreas Zeno, Federicus Cornario, Sap. |
989. Capta. 20 Junii. |
|
Quod respondeatur Ser Leonardo Dandulo, militi, ambaxatori nostro ad dominum Johannem Aguto, et Ser Nicolao Mauroceno, quod recepimus literas suas, datas Faentie 17 Junii, continentes ordinate gesta per eos, suam solicitudinem et portamentum merito commendantes; ad quas respondemus, quod si poterunt concludere, et obtinere nostram intentionem, cum Domino Johanne Aguto, secundum formam sue commissionis, multum placebit nobis, dummodo istud fiat subito et expedite, ita quod non perdamus tempus in factis nostris; quando vero differentia esset in facto termini, videlicet quod ille gentes non possent recedere ad ter-minum contentum in sua commissione, sumus contenti ut propterea
non remaneat factum, quod habeant libertatem elongandi terminum usque medium mensem Julii, abbreviando tamen ipsum si poterunt suo posse. Facta vero experientia possibili, si viderent se duci per verba, et quod non possent, ullo modo, obtinere nostram inten-tionem secundum formam sue commissionis, tune, quia non facit pro nobis stare in verbis et perdere tempus, accepto commeatu a domino Johanne Aguto et suis, recedant inde, et reducant se in partibus illis in illo loco, ubi sibi videbitur, et cum dextro et bono modo, non perdendo tempus, procurent recuperare ad nostrum servitium majorem numerum lancearum quern proterunt, usque lanceas v.c· et arcerios usque ccc, vel quam plures poterunt usque dictum numerum de illis de compagna, impediendo se minus quam poterunt cum Italicis, cum soldo ducatorum xx. pro lancea, sicut damus aliis, et cum ducatis octo pro quolibet arcerio, sicut damus Hungaris. Et ultra predictum pretium, vel ad modum compagne vel provisionis, vel doni, vel alio utiliori modo, qui sibi videbitur, ita quod alii non possent a nobis petere aliquid, habeant libertatem dandi eis, ita quod verdant, a xxvii. in xxviii. ducatos pro lancea, et arceriis, ita quod veniant, a due. x. usque xii. pro quolibet, ut melius poterunt. Et licet demus sibi libertatem magnam predictam, pro non perdendo tempus, et ut non deficiat intentio nostra, tamen non dubitamus quod suo posse avantazabunt nos, et facient cum quam minori pretio poterunt. Et super omnia reducatur ad memoriam ambaxatorum nostrorum, de celeri expeditione dictarum gentium, ita quod recedant suo posse, usque dies octo mensis Julii proximi, vel ad longius quando aliter fieri non posset usque medium mensem Julii predictum; scribendo nobis de hora in horam et de die in diem sine fallo quicquid fecerint et habuerint, pro nostra informatione; efe super omnia quod habeant bene menti, de expeditione predictorum, quia omnis mora est valde nociva factis nostris. |
| June 23. p. 16. Cons. Ser Pantaleon Barbo, Ser Benedictus Bragadin, Ser Joannes Storlado, Ser Joannes Miani, Sap. Ser Michael Mauroceno, Ser Federicus Cornario. |
990. Quod scribatur Ser Leonardo Dandulo et Ser Nicolao Mauroceno, ambaxatoribus nostris, quod possendo firmare ad nostrum servitium lanceas cc. et arcerios centum, sibi oblatos per illos de compagna, firmet eos in bona gratia, et ultra hoc de presenti procurent habere ad nostrum servitium alias ccc. lanceas, de bona gente, ut melius poterunt; et in casu quo viderent non posse habere illas cc. lanceas et centum arcerios, de illis de compagna, accipiant, loco earum, de aliis bonis gentibus, ut sibi videbitur, non transeundo numerum predictum; et de alia compagna vel gente accipienda non impediant se ullo modo vel ingenio. 43, 50, 51, 52, 51, 43, 50, 51, 52, 51. |
|
De non, 4. Non sinceri, 4, 12, 13, 14, 14, 13, 13, 14, 14, 13. |
| June 23. p. 16, tergo. Micael Mauroceno, Federicus Cornario. Sapientes. |
991. Capta. xxiii. Junii. |
|
Quod scribatur Ser Leonardo Dandulo et Ser Nicolao Mauroceno, ambaxatoribus nostris, quod recepto presenti mandato debeant de presenti et sine mora ire ad dominum Johannem Aguto, et si usque ad tres dies tune proximos, a die quo applicuerint ad presentiam ejus, non poterunt obtinere et firmare compagnam ad nostrum servitium, sicut eis commissum est, tune pro non perdendo
tempus debeant, quam citius et celerius esse poterit, firmare ad nostrum servitium, et sine amissione temporis, usque lanceas v.c. de melioribus et sufficientioribus gentibus quas poterunt habere et reperire, et ducentos arcerios, per ilium modum et sicut melius et celerius facere poterunt, ad pretia eis scripta, et sicut sunt ordinate informati per nos, habendo super omnia bene menti, de veloci et subito recessu dictarum gentium, sicut plene speramus de eis. 41, 46, 50, 56. |
| Jacobus Mauro, proc. Sap. |
Quod scribatur ambaxatoribus nostns quod si non poterunt firmare et obtinere compagnam ad nostrum servitium, ut eis commissum est, tune, pro non perdendo tempus, debeant firmare ad nostrum servitium usque lanceas v.c. et arcerios ii.c. de melioribus quos habere poterunt, ad pretia eis scripta, et secundum informationem quam habent a nobis. 50, 51, 44, 39. |
|
De non, 18. Non sinceri, 6, 17, 18, 16. |
| June 30. p. 17, tergo. |
992. Capta. |
|
Quod scribatur ambaxatoribus nostris missis ad compagnam in hac forma, videlicet: Recepimus literas vestras datas 27 mensis Junii, continentes ordinate gesta per vos, et id quod habuistis a domino Johanne Aguto, vestram solicitudinem commendantes. Et quia super omnia est nobis cordi, expeditio agendorum nos-trorum vobis commissorum, scribimus iterum et replicamus quod in casu quo non potuissetis obtinere compagnam ad nostrum servitium per modum vobis commissum, tune sine mora sitis soliciti et studiosi ad firmandum ad nostrum servitium expedire usque lanceas v.c et arcerios ii.c. de illis melioribus gentibus quas poteritis obtinere, et tarn de illis de compagna quam de extra compagnam, ut vobis utilius et melius videbutur; declarando vobis quod potestis accipere personam domini Johannis Aguto, cum dictis gentibus, vel aliam famosam et notabilem personam de suis de suo consilio, vel extra consilium suum, quando dominus Johannes Aguto venire non posset; et potestis accipere de gentibus de compagna et extra compagnam, ut dictum est, usque dictum numerum lancearum v.c., et arceriorum ii.c., sicut vobis utilius et melius apparebit, dum modo detis expeditionem celerem factis nostris. Et detur intelligi ambaxatoribus nostris, quod teneant modum quod dicte gentes recedant de partibus illis, ad longius, pro veniendo ad nostrum servitium, usque medium mensis Julii proximi. Non, 15; alii de parte. |
| July 8. p. 18. Sap. |
993. Capta. |
|
Quia est honor nostri dominii, quod nobilis vir Ser Leonardus Dandulo, miles, ambaxator ad compagnam, redeat domum post quam dedit principium factis nostris, et quod Ser Nicolaus Mauroceno est plene informatus de factis. Vadit pars, quod scribatur dicto Ser Leonardo, quod ad omne beneplacitum suum redeat Venecias, et Ser Nicolaus Mauroceno remaneat, cum libertate, in totum' sicut erant ambo. Et studeat et solicitet, de adimplendo celeriter et expedite facta sibi commissa, et sine aliqua temporis amissione ita quod possit apud nos merito commendari, scribendo continue de die in diem quicquid fecerit. |
| July 5. p. 18, tergo. |
994. Capta. |
|
Quod respondeatur nobilibus viris Leonardo Dandulo, militi, et Nicolao Mauroceno, nostris ambaxatoribus ad compagnam, quod recepimus literas suas ultimas, datas Faventie, primo et secundo Julii, continentes gesta per eos, suam solicitudinem commendantes. Et quia nostri ambaxatores predicti scribunt quod nullo modo credunt posse firmare, nee mittere gentes sibi commissas, ad terminum eis commissum, scilicet ad medium mensis presentis, et ipsi dicunt verum, omnibus consideratis; Vadit pars quod fiat secundum consilium eorum, videlicet, quod relinquatur in discretione eorum, dandi et statuendi eis illum breviorem et minorem terminum, quern poterunt; quia non dubitamus quod dabunt ipsum terminum quam minorem poterunt, pro bono agen-dorum nostrorum. |
| Cons. Cap. Sap. |
Cum alias cap turn fuerit in isto Consilio, de accipiendo ad nostrum servitium usque lanceas v.c. et arcerios ii.c., vadit pars pro bono agendorum nostrorum, quod Dominus, Consiliarii, Capita, et Sapientes habeant libertatem accipiendi, et accipi fiendi, usque dictas quantitates, illam quantitatem vel numerum, qui eis vide-bitur vel majori parti. 31. |
| Sap. Ser Jacobus Mauro proc. Ser Phedericus Cornaro. |
995. Capta. |
|
Quia est tempus plus modo quam umquam de essendo fulcitos, ad sustinendum nostrum honorem, Vadit pars pro bono agendorum nostrorum, quod stemus fortes, ad id quod fuit captum, de lanceis v.c.et arceriis ii.c.52. De non, 0. Non sincere, 4. |
| July 16. p. 21, tergo. |
996. Capta. |
|
Cum nobilis vir Leonardus Dandulo, miles, dum fuit ad partes Roman diole, simul cum Ser Nicolao Mauroceno, firmaverit ad nostrum servitium lanceas iiii.c. xlv. et centum arcerios, ita quod restarent ad numerum lancearum nostrarum lancee xv., quia alie lancee xl., usque ad numerum de v.c. sunt date in Venetiis; Vadit pars, quia Ser Nicolaus Mauroceno stat extra cum magno sinistro suo, quod scribatur sibi quod si firmavit illas xv. lanceas que restant, redeat Venetias, et si firmasset aliquid plus usque ad numerum de lanceis v.c., quia non habuisset illud mandatum nostrum, det expeditionem facto et redeat Venetias. |
| Oct. 21 p. 38. |
997. Capta. |
|
Quia Dominus Padue est noster (sic), colligatus noster, et conveniens est ut participemus cum eo negotia ista, Vadit pars quod scribatur sibi qualiter videmus quod dux Leopoldus attendit ad damnum nostrum, et qualiter deliberavimus, cum Dei gratia, velle habere ad nostrum servitium dominum Johannem Aguto, cum com-pagna sua, et non habere respectum ad tempus hyemis, quia firmando nunc eos, habebimus ipsos in tempore estatis, et qualiter jam delegimus unum nostrum nobilem, occasione predicta, et non dubitamus quod ipsum habebimus ad nostrum servitium, quia his vel ter, istis diebus preteritis, ipse dominus Johannes Aguto nos fecit requiri et rogari de essendo ad servitium nostrum. |
| Oct. 21. p. 38. |
998. Capta. |
|
Et quia de gentibus Domini Padue, quas debet contribuere in liga, et que pridie fuerunt ad campuin, multi sunt infirmi et impotentes, et mali in or dine cum equis suis, sicut ipse nobis scripsit, placendo sue magnitudini, nobis utile videretur quod ille gentes sue, quas debet contribuere, in liga, firmari deberent in numero istius compagne, quia plus valerent lancee mille de istis quam mille v.c. de aliis. Et quando istud sue magnificentie non appareret, placet nobis, quod in hoc disponat ut sibi melius placet, quia illud quod dicimus est in omnem bonam partem et pro solvendo debitum nostrum, quia noster colligatus est; dando intelligi Domino Padue, quod in casu quo iste gentes essent necessarie sue magnitudini, pro bono et conservatione status sui, secundum formam lige, essent parate alacriter et libenter. |
| Oct. 27. p. 38, Cons. Ser Petrus Maurocenus, Ser Lucas Gradonico, Tria Cap. de xlta. Ser Joliannes Bembo, Ser Federicus Cornario, Sap. |
999. Capta. 27 Octobris. Treugua cum ducibus Austrie. |
|
Cum habeamus satis intentionem istius ambaxatoris Domini Regis Hungarie et Domini Padue, colligati nostri, Vadit pars quod Dominus, Consiliarii, Capita, et Sapientes habeant libertatem con-cludendi, in ista treugua cum Ducibus Austrie, per ilium meliorem modum qui eis, vel majori parti videbitur; non possendo con-cludere, cum minori tempore, eo quod dixit ambaxator domini Regis, sed cum majori, toto suo posse; tempus vero dictum per ambaxatorem domini Regis est quod treugua duret, a modo, usque Sanctum Georgium, de mense Aprilis proximi, et inde usque ad unum annum; procurante Collegio nostro omnia avantagia que poterit, pro bono nostro. 87. |
|
De non, 24. Non sinceri, 8. |
| Nov. 10. p. 40, tergo. |
1000. Capta. |
|
Quod scribatur Ser Nicolao Mauroceno, ambaxatori nostro ad dominum Johannem Aguto, quod quia conclusimus in treugua cum Ducibus Austrie, accepto comeatu, redeat Venetias, notifi-cando domino Johanni Aguto de treugua facta per nos. |
